Arjuna Routs the Kauravas; the Second Day Ends

Verse 1 (6.55.1)

ततोऽपराह्णभूयिष्ठे तस्मिन्नहनि भारत । रथनागाश्वपत्तीनां सादिनां च महाक्षये ॥

tato'parāhṇabhūyiṣṭhe tasminnahani bhārata | rathanāgāśvapattīnāṃ sādināṃ ca mahākṣaye

Then, Bharata, when the afternoon of that day was far advanced, in that great slaughter of chariots, elephants, horses, foot soldiers and riders,

Verse 2 (6.55.2)

द्रोणपुत्रेण शल्येन कृपेण च महात्मना । समसज्जत पाञ्चाल्यस्त्रिभिरैतैर्महारथैः ॥

droṇaputreṇa śalyena kṛpeṇa ca mahātmanā | samasajjata pāñcālyastribhiraitairmahārathaiḥ

the prince of Panchala (Dhrishtadyumna) closed with these three great chariot-warriors: Drona's son, Shalya and the great-souled Kripa.

Verse 3 (6.55.3)

स लोकविदितानश्वान्निजघान महाबलः । द्रौणेः पाञ्चालदायादः शितैर्दशभिराशुगैः ॥

sa lokaviditānaśvānnijaghāna mahābalaḥ | drauṇeḥ pāñcāladāyādaḥ śitairdaśabhirāśugaiḥ

The mighty heir of Panchala killed the world-famous horses of Drona's son with ten sharp, swift arrows.

Verse 4 (6.55.4)

ततः शल्यरथं तूर्णमास्थाय हतवाहनः । द्रौणिः पाञ्चालदायादमभ्यवर्षदथेषुभिः ॥

tataḥ śalyarathaṃ tūrṇamāsthāya hatavāhanaḥ | drauṇiḥ pāñcāladāyādamabhyavarṣadatheṣubhiḥ

Then Drona's son, his horses slain, quickly mounted Shalya's chariot and rained arrows on the heir of Panchala.

Verse 5 (6.55.5)

धृष्टद्युम्नं तु संयुक्तं द्रौणिना वीक्ष्य भारत । सौभद्रोऽभ्यपतत्तूर्णं विकिरन्निशिताञ्शरान् ॥

dhṛṣṭadyumnaṃ tu saṃyuktaṃ drauṇinā vīkṣya bhārata | saubhadro'bhyapatattūrṇaṃ vikiranniśitāñśarān

Seeing Dhrishtadyumna locked in combat with Drona's son, Bharata, Subhadra's son (Abhimanyu) rushed swiftly forward, scattering sharp arrows.

Verse 6 (6.55.6)

स शल्यं पञ्चविंशत्या कृपं च नवभिः शरैः । अश्वत्थामानमष्टाभिर्विव्याध पुरुषर्षभः ॥

sa śalyaṃ pañcaviṃśatyā kṛpaṃ ca navabhiḥ śaraiḥ | aśvatthāmānamaṣṭābhirvivyādha puruṣarṣabhaḥ

That bull among men pierced Shalya with twenty-five arrows, Kripa with nine and Ashvatthama with eight.

Note on the text: Corrected प़ञ्चविंशत्या → पञ्चविंशत्या (misprint in Wikisource; a stray nukta under प; the critical edition reads pañcaviṃśatyā).

Verse 7 (6.55.7)

आर्जुनिं तु ततस्तूर्णं द्रौणिर्विव्याध पत्रिणा । शल्योऽथ दशभिश्चैव कृपश्च निशितैस्त्रिभिः ॥

ārjuniṃ tu tatastūrṇaṃ drauṇirvivyādha patriṇā | śalyo'tha daśabhiścaiva kṛpaśca niśitaistribhiḥ

Then Drona's son quickly pierced Arjuna's son with a feathered arrow, Shalya with ten, and Kripa with three sharp ones.

Verse 8 (6.55.8)

लक्ष्मणस्तव पौत्रस्तु सौभद्रं समवस्थितम् । अभ्यवर्तत संहृष्टस्ततो युद्धमवर्तत ॥

lakṣmaṇastava pautrastu saubhadraṃ samavasthitam | abhyavartata saṃhṛṣṭastato yuddhamavartata

Your grandson Lakshmana advanced joyfully against Subhadra's son, who stood his ground, and then the fight between them began.

Verse 9 (6.55.9)

दौर्योधनिः सुसंक्रुद्धः सौभद्रं परवीरहा । विव्याध समरे राजंस्तदद्भुतमिवाभवत् ॥

dauryodhaniḥ susaṃkruddhaḥ saubhadraṃ paravīrahā | vivyādha samare rājaṃstadadbhutamivābhavat

Duryodhana's son, slayer of enemy heroes, in a fury pierced Subhadra's son in the battle, O king; it seemed a marvel.

Verse 10 (6.55.10)

अभिमन्युः सुसंक्रुद्धो भ्रातरं भरतर्षभ । शरैः पञ्चाशतै राजन्क्षिप्रहस्तोऽभ्यविध्यत ॥

abhimanyuḥ susaṃkruddho bhrātaraṃ bharatarṣabha | śaraiḥ pañcāśatai rājankṣiprahasto'bhyavidhyata

Abhimanyu, enraged, O bull of the Bharatas, quick of hand, struck back at his cousin with fifty arrows, O king.

Verse 11 (6.55.11)

लक्ष्मणोऽपि पुनस्तस्य धनुश्चिच्छेद पत्रिणा । मुष्टिदेशे महाराज ततस्ते चुक्रुशुर्जनाः ॥

lakṣmaṇo'pi punastasya dhanuściccheda patriṇā | muṣṭideśe mahārāja tataste cukruśurjanāḥ

Lakshmana in turn cut through his bow at the grip with a feathered arrow, great king, and at that the people cried out.

Verse 12 (6.55.12)

तद्विहाय धनुश्छिन्नं सौभद्रः परवीरहा । अन्यदादत्तवांश्चित्रं कार्मुकं वेगवत्तरम् ॥

tadvihāya dhanuśchinnaṃ saubhadraḥ paravīrahā | anyadādattavāṃścitraṃ kārmukaṃ vegavattaram

Casting aside the broken bow, Subhadra's son, slayer of enemy heroes, took up another, a gleaming bow of greater force.

Note on the text: Corrected सौभद्रं → सौभद्रः (misprint in Wikisource; Abhimanyu is the subject who discards his bow, so the nominative is required; the critical edition reads saubhadraḥ).

Verse 13 (6.55.13)

तौ तत्र समरे युक्तौ कृतप्रतिकृतैषिणौ । अन्योन्यं विशिखैस्तीक्ष्णैर्जघ्नतुः पुरुषर्षभौ ॥

tau tatra samare yuktau kṛtapratikṛtaiṣiṇau | anyonyaṃ viśikhaistīkṣṇairjaghnatuḥ puruṣarṣabhau

Those two bulls among men, engaged there in battle, each bent on returning blow for blow, struck each other with sharp arrows.

Note on the text: Corrected विशिस्वैः → विशिखैः (misprint in Wikisource; ख misread as स्व; the critical edition reads viśikhaiḥ).

Verse 14 (6.55.14)

ततो दुर्योधनो राजा दृष्ट्वा पुत्रं महारथम् । पीडितं तव पौत्रेण प्रायात्तत्र प्रजेश्वरः ॥

tato duryodhano rājā dṛṣṭvā putraṃ mahāratham | pīḍitaṃ tava pautreṇa prāyāttatra prajeśvaraḥ

Then King Duryodhana, lord of the people, seeing his son, a great chariot-warrior, hard pressed by your grandson, went there.

Note on the text: Corrected राज → राजा (misprint in Wikisource; dropped vowel sign; the critical edition reads rājā).

Verse 15 (6.55.15)

सन्निवृत्ते तव सुते सर्व एव जनाधिपाः । आर्जुनिं रथवंशेन समन्तात्पर्यवारयन् ॥

sannivṛtte tava sute sarva eva janādhipāḥ | ārjuniṃ rathavaṃśena samantātparyavārayan

When your son had turned back there, all the kings surrounded Arjuna's son on every side with a wall of chariots.

Verse 16 (6.55.16)

स तैः परिवृतः शूरैः शूरो युधि सुदुर्जयैः । न स्म प्रव्यथते राजन्कृष्णतुल्यपराक्रमः ॥

sa taiḥ parivṛtaḥ śūraiḥ śūro yudhi sudurjayaiḥ | na sma pravyathate rājankṛṣṇatulyaparākramaḥ

Hemmed in by those heroes, hard to defeat in battle, the hero who was Krishna's equal in prowess was not shaken, O king.

Verse 17 (6.55.17)

सौभद्रमथ संसक्तं दृष्ट्वा तत्र धनंजयः । अभिदुद्राव वेगेन त्रातुकामः स्वमात्मजम् ॥

saubhadramatha saṃsaktaṃ dṛṣṭvā tatra dhanaṃjayaḥ | abhidudrāva vegena trātukāmaḥ svamātmajam

Then Dhananjaya, seeing Subhadra's son locked in combat there, charged at speed, wishing to rescue his own son.

Verse 18 (6.55.18)

ततः सरथनागाश्वा भीष्मद्रोणपुरोगमाः । अभ्यवर्तन्त राजानः सहिताः सव्यसाचिनम् ॥

tataḥ sarathanāgāśvā bhīṣmadroṇapurogamāḥ | abhyavartanta rājānaḥ sahitāḥ savyasācinam

Then the kings, with chariots, elephants and horses, led by Bhishma and Drona, advanced together against Savyasachin (Arjuna).

Verse 19 (6.55.19)

उद्धूतं सहसा भौमं नागाश्वरथपत्तिभिः । दिवाकररथं प्राप्य रजस्तीव्रमदृश्यत ॥

uddhūtaṃ sahasā bhaumaṃ nāgāśvarathapattibhiḥ | divākararathaṃ prāpya rajastīvramadṛśyata

The dust of the earth, suddenly stirred up by elephants, horses, chariots and foot soldiers, was seen thick and dense, reaching the chariot of the sun.

Note on the text: Corrected उद्वूतं → उद्धूतं (misprint in Wikisource; ध misread as व; the critical edition reads uddhūtaṃ). दिवाकररथं ("the sun's chariot") for the critical edition's divākarapathaṃ ("the sun's path") kept as a variant.

Verse 20 (6.55.20)

तानि नागसहस्राणि भूमिपालशतानि च । तस्य बाणपथं प्राप्य नाभ्यवर्तन्त सर्वशः ॥

tāni nāgasahasrāṇi bhūmipālaśatāni ca | tasya bāṇapathaṃ prāpya nābhyavartanta sarvaśaḥ

Those thousands of elephants and hundreds of kings, once they came within the range of his arrows, could not advance at all.

Verse 21 (6.55.21)

प्रणेदुः सर्वभूतानि बभूवुस्तिमिरा दिशः । कुरूणां चानयस्तीव्रः समदृश्यत दारुणः ॥

praṇeduḥ sarvabhūtāni babhūvustimirā diśaḥ | kurūṇāṃ cānayastīvraḥ samadṛśyata dāruṇaḥ

All creatures cried out, the quarters grew dark, and a fierce and terrible calamity for the Kurus came into view.

Verse 22 (6.55.22)

नाप्यन्तरिक्षं न दिशो न भूमिर्न च भास्करः । प्रजज्ञे भरतश्रेष्ठ शस्त्रसङ्घैः किरीटिनः ॥

nāpyantarikṣaṃ na diśo na bhūmirna ca bhāskaraḥ | prajajñe bharataśreṣṭha śastrasaṅghaiḥ kirīṭinaḥ

Neither the sky nor the quarters, neither the earth nor the sun could be made out, best of the Bharatas, for the swarms of weapons of the diadem-wearer (Arjuna).

Note on the text: Corrected सस्त्रसङ्घैः → शस्त्रसङ्घैः (misprint in Wikisource; स for श; the evident word is शस्त्र, "weapon"). The critical edition reads śarasaṃghaiḥ ("swarms of arrows").

Verse 23 (6.55.23)

सादिता रथनागाश्च हताश्वा रथिनो रणे । विप्रद्रुतरथाः केचिद्दृश्यन्ते रथयूथपाः ॥

sāditā rathanāgāśca hatāśvā rathino raṇe | vipradrutarathāḥ keciddṛśyante rathayūthapāḥ

Chariots and elephants were brought down, chariot-warriors lost their horses in the battle, and some leaders of chariot-troops were seen fleeing in their chariots.

Verse 24 (6.55.24)

विरथा रथिनश्चान्ये धावमानाः समन्ततः । तत्रतत्रैव दृश्यन्ते सायुधाः साङ्गदैर्भुजैः ॥

virathā rathinaścānye dhāvamānāḥ samantataḥ | tatratatraiva dṛśyante sāyudhāḥ sāṅgadairbhujaiḥ

Other chariot-warriors, stripped of their chariots, were seen running here and there on every side, still gripping their weapons in arms that wore armlets.

Verse 25 (6.55.25)

हयारोहा हयांस्त्यक्त्वा गजारोहाश्च दन्तिनः । अर्जुनस्य भयाद्राजन्समन्ताद्विप्रदुद्रुवुः ॥

hayārohā hayāṃstyaktvā gajārohāśca dantinaḥ | arjunasya bhayādrājansamantādvipradudruvuḥ

Horsemen abandoned their horses and elephant-riders their elephants, and they fled in all directions, O king, in fear of Arjuna.

Verse 26 (6.55.26)

रथेभ्यश्च गजेभ्यश्च हयेभ्यश्च नराधिपाः । पतिताः पात्यमानाश्च दृश्यन्तेऽर्जुनसायकैः ॥

rathebhyaśca gajebhyaśca hayebhyaśca narādhipāḥ | patitāḥ pātyamānāśca dṛśyante'rjunasāyakaiḥ

Kings were seen fallen and falling from chariots, elephants and horses under Arjuna's arrows.

Verse 27 (6.55.27)

सगदानुद्यतान्बाहून्सखड्गांश्च विशांपते । सप्रासांश्च सतूणीरान्सशरान्सशरासनान् ॥

sagadānudyatānbāhūnsakhaḍgāṃśca viśāṃpate | saprāsāṃśca satūṇīrānsaśarānsaśarāsanān

Arms raised with maces and with swords, lord of the people, with lances, with quivers, with arrows and with bows,

Note on the text: Corrected सखङ्गांश्च → सखड्गांश्च (misprint in Wikisource; खङ्ग for खड्ग; the critical edition reads sakhaḍgāṃś).

Verse 28 (6.55.28)

साङ्कुशान्सपताकांश्च तत्रतत्रार्जुनो नृणाम् । निचकर्त शरैरुग्रै रौद्रं वपुरधारयत् ॥

sāṅkuśānsapatākāṃśca tatratatrārjuno nṛṇām | nicakarta śarairugrai raudraṃ vapuradhārayat

and arms with goads and banners, Arjuna cut off from men here and there with his fierce arrows, and he took on a terrible form.

Note on the text: Corrected साङ्कुशाकन् → साङ्कुशान् (misprint in Wikisource; a stray क; the critical edition reads sāṅkuśān). रौद्रं वपुरधारयत् for the critical edition's raudraṃ bibhrad vapus tadā kept as a variant.

Verse 29 (6.55.29)

परिघाणां प्रदीप्तानां मुद्गराणां च मारिष । प्रासानां भिन्दिपालानां निस्त्रिंशानां च संयुगे ॥

parighāṇāṃ pradīptānāṃ mudgarāṇāṃ ca māriṣa | prāsānāṃ bhindipālānāṃ nistriṃśānāṃ ca saṃyuge

Of blazing iron bars and of hammers, sir, of lances, bhindipalas and swords in the battle,

Note on the text: Corrected निस्त्रिशानां → निस्त्रिंशानां (misprint in Wikisource; dropped anusvara; the critical edition reads nistriṃśānāṃ).

Verse 30 (6.55.30)

परश्वथानां तीक्ष्णानां तोमराणां च भारत । वर्मणां चापविद्धानां काञ्चनानां च भूमिप ॥

paraśvathānāṃ tīkṣṇānāṃ tomarāṇāṃ ca bhārata | varmaṇāṃ cāpaviddhānāṃ kāñcanānāṃ ca bhūmipa

of sharp axes and of javelins, Bharata, of coats of mail flung away and of golden ornaments, lord of the earth,

Note on the text: Corrected पीक्ष्णानां → तीक्ष्णानां (misprint in Wikisource; प for त; the critical edition reads tīkṣṇānāṃ).

Verse 31 (6.55.31)

ध्वजानां चर्मणां चैव व्यजनानां च सर्वशः । छत्राणां हेमदण्डानां चामराणां च भारत ॥

dhvajānāṃ carmaṇāṃ caiva vyajanānāṃ ca sarvaśaḥ | chatrāṇāṃ hemadaṇḍānāṃ cāmarāṇāṃ ca bhārata

of banners and shields and fans everywhere, of parasols with golden handles and of yak-tail whisks, Bharata,

Note on the text: Corrected तोमराणां → चामराणां in the last quarter (Wikisource repeats तोमराणां च भारत, the second quarter of the previous verse, in a list of a king's regalia; the critical edition reads cāmarāṇāṃ ca bhārata, "of yak-tail whisks").

Verse 32 (6.55.32)

प्रतोदानां च योक्त्राणां कशानां चैव मारिष । राशयः स्मात्र दृश्यन्ते विनिकीर्णा रणक्षितौ ॥

pratodānāṃ ca yoktrāṇāṃ kaśānāṃ caiva māriṣa | rāśayaḥ smātra dṛśyante vinikīrṇā raṇakṣitau

of goads, yoke-straps and whips, sir: heaps of all these were seen there, strewn over the battlefield.

Note on the text: Corrected योक्राणां → योक्त्राणां (misprint in Wikisource; dropped त्; योक्त्र is the yoke-strap; the critical edition reads yoktrāṇāṃ).

Verse 33 (6.55.33)

नासीत्तत्र पुमान्कश्चित्तव सैन्यस्य भारत । योऽर्जुनं समरे शूरं प्रत्युद्यायात्कथंचन ॥

nāsīttatra pumānkaścittava sainyasya bhārata | yo'rjunaṃ samare śūraṃ pratyudyāyātkathaṃcana

There was not one man in your army, Bharata, who could in any way go out to meet the hero Arjuna in battle.

Verse 34 (6.55.34)

यो यो हि समरे पार्थं प्रत्युद्याति विशांपते । स सङ्ख्ये विशिखैस्तीक्ष्णैः परलोकाय नीयते ॥

yo yo hi samare pārthaṃ pratyudyāti viśāṃpate | sa saṅkhye viśikhaistīkṣṇaiḥ paralokāya nīyate

Whoever went out against Partha in the fight, lord of the people, was sent to the other world in that battle by his sharp arrows.

Verse 35 (6.55.35)

तेषु विद्रवमाणेषु तव योधेषु सर्वशः । अर्जुनो वासुदेवश्च दध्मतुर्वारिजोत्तमौ ॥

teṣu vidravamāṇeṣu tava yodheṣu sarvaśaḥ | arjuno vāsudevaśca dadhmaturvārijottamau

As your warriors fled on every side, Arjuna and Vasudeva blew their peerless conches.

Verse 36 (6.55.36)

तत्प्रभग्नं बलं दृष्ट्वा पिता देवव्रतस्तव । अब्रवीत्समरे शूरं भारद्वाजं स्मयन्निव ॥

tatprabhagnaṃ balaṃ dṛṣṭvā pitā devavratastava | abravītsamare śūraṃ bhāradvājaṃ smayanniva

Seeing that army broken, your father Devavrata (Bhishma), as if smiling, spoke in the battle to the heroic son of Bharadvaja (Drona).

Note on the text: Corrected तत्पभग्नं → तत्प्रभग्नं (misprint in Wikisource; dropped र्; the critical edition reads tat prabhagnaṃ).

Verse 37 (6.55.37)

एष पाण्डुसुतो वीर कृष्णेन सहितो बली । तथा करोति सैन्यानि यथा कुर्याद्धनञ्जयः ॥

eṣa pāṇḍusuto vīra kṛṣṇena sahito balī | tathā karoti sainyāni yathā kuryāddhanañjayaḥ

"Hero, this mighty son of Pandu, together with Krishna, is dealing with our armies just as Dhananjaya, the fire, would deal with them.

Note on the text: Corrected धऩञ्जयः → धनञ्जयः (misprint in Wikisource; a stray nukta under न; the critical edition reads dhanaṃjayaḥ). Speaker: Bhishma's words to Drona, announced in the previous verse, with no printed heading (verses 37–41); the input had carried Sanjaya over. The page's footnote glosses धनञ्जय here as fire.

Verse 38 (6.55.38)

न ह्येष समरे शक्यो विजेतुं हि कथंचन । यथास्य दृश्यते रूपं कालान्तकयमोपमम् ॥

na hyeṣa samare śakyo vijetuṃ hi kathaṃcana | yathāsya dṛśyate rūpaṃ kālāntakayamopamam

He cannot be conquered in battle by any means, so like Yama, Death the Ender at the end of time, does his form appear.

Note on the text: Corrected रूप → रूपं (misprint in Wikisource; dropped anusvara; the critical edition reads rūpaṃ). Speaker: Bhishma continues.

Verse 39 (6.55.39)

न निवर्तयितुं चापि शक्येयं महती चमूः । अन्योन्यप्रेक्षया पश्य द्रवतीयं वरूथिनी ॥

na nivartayituṃ cāpi śakyeyaṃ mahatī camūḥ | anyonyaprekṣayā paśya dravatīyaṃ varūthinī

Nor can this great host be turned back. Look, this army is fleeing, each man watching the other.

Note on the text: Corrected अन्योन्यप्रेया → अन्योन्यप्रेक्षया (misprint in Wikisource; dropped क्ष; the critical edition reads anyonyaprekṣayā). Speaker: Bhishma continues.

Verse 40 (6.55.40)

एष चास्तं गिरिश्रेष्ठं भानुमान्प्रतिपद्यते । चक्षूंषि सर्वलोकस्य संहरन्निव सर्वथा ॥

eṣa cāstaṃ giriśreṣṭhaṃ bhānumānpratipadyate | cakṣūṃṣi sarvalokasya saṃharanniva sarvathā

And the sun is reaching the western mountain, the best of peaks, as though gathering in the eyes of the whole world.

Note on the text: Speaker: Bhishma continues.

Verse 41 (6.55.41)

तत्रावहारं संप्राप्तं मन्येऽहं पुरुषर्षभ । श्रान्ता भीताश्च नो योधा न योत्स्यन्ति कथंचन ॥

tatrāvahāraṃ saṃprāptaṃ manye'haṃ puruṣarṣabha | śrāntā bhītāśca no yodhā na yotsyanti kathaṃcana

So I think the time to withdraw has come, bull among men. Our warriors are weary and frightened; they will not fight on at all."

Note on the text: Speaker: Bhishma continues.

Verse 42 (6.55.42)

एवमुक्त्वा ततो भीष्मो द्रोणमाचार्यसत्तमम् । अवहारमथो चक्रे तावकानां महारथः ॥

evamuktvā tato bhīṣmo droṇamācāryasattamam | avahāramatho cakre tāvakānāṃ mahārathaḥ

Having said this to Drona, best of teachers, Bhishma, the great chariot-warrior, then withdrew your forces.

Verse 43 (6.55.43)

ततः सरथनागाश्वा जयं प्राप्य ससोमकाः । पाञ्चालाः पाण्डवाश्चैव प्रणेदुश्च पुनः पुनः ॥

tataḥ sarathanāgāśvā jayaṃ prāpya sasomakāḥ | pāñcālāḥ pāṇḍavāścaiva praṇeduśca punaḥ punaḥ

Then the Panchalas and the Pandavas, together with the Somakas, with their chariots, elephants and horses, having won the victory, roared again and again.

Note on the text: Removed a stray backtick (the page marks this verse and the next as an inserted passage). Corrected जंय → जयं (misprint in Wikisource; misplaced anusvara; the critical edition's apparatus reads jayaṃ) and समोपकाः → ससोमकाः (misprint in Wikisource; the Somakas, as in the apparatus's sasomakāḥ). Not in the critical edition (found in the vulgate recension); the critical edition gives it only in its apparatus, as the star passage 6.51.42d*0186, lines 1–2.

Verse 44 (6.55.44)

प्रययुः शिबिरायैव धनञ्जयपुरस्कृताः । वादित्रघोषैः संहृष्टाः प्रणद्यन्तो महारथाः ॥

prayayuḥ śibirāyaiva dhanañjayapuraskṛtāḥ | vāditraghoṣaiḥ saṃhṛṣṭāḥ praṇadyanto mahārathāḥ

With Dhananjaya at their head, the great chariot-warriors went back to their camp, delighted, shouting amid the din of their instruments.

Note on the text: Removed the stray quote mark and doubled danda that closed the inserted passage. Corrected संहृष्टा → संहृष्टाः (misprint in Wikisource; dropped visarga, which stands before प्; the apparatus reads saṃhṛṣṭāḥ). प्रणद्यन्तो ("shouting") for the apparatus's pranṛtyanto ("dancing") kept as a variant. Not in the critical edition (found in the vulgate recension); the critical edition gives it only in its apparatus, as the star passage 6.51.42d*0186, lines 3–4.

Verse 45 (6.55.45)

ततोऽवहारः सैन्यानां तव तेषां च भारत । अस्तं गच्छति सूर्येऽभूत्सन्ध्याकाले च वर्तति ॥

tato'vahāraḥ sainyānāṃ tava teṣāṃ ca bhārata | astaṃ gacchati sūrye'bhūtsandhyākāle ca vartati

Then the withdrawal of the troops, yours and theirs, Bharata, took place as the sun was setting and twilight was coming on.