The Duels of the Eleventh Day; Abhimanyu and Jayadratha

Verse 1 (7.14.1)

ततः स पाण्डवानीके जनयन्सुमहद्भयम् । व्यचरत्पृतनां द्रोणो दहन्कक्षमिवानलः ॥

tataḥ sa pāṇḍavānīke janayansumahadbhayam | vyacaratpṛtanāṃ droṇo dahankakṣamivānalaḥ

Then Drona, spreading great terror through the Pandava host, ranged over their army like a fire burning dry grass.

Note on the text: Wikisource's adhyaya 14 is the critical edition's adhyaya 7.13. The critical edition's star passages that this page does not carry (e.g. 7.13.10d*0096, 7.13.16d*0098, 7.13.17d*0099, 7.13.27d*0102, 7.13.30d*0104, 7.13.38f*0106, 7.13.40d*0107, 7.13.40f*0108, 7.13.43b*0109) were not added.

Verse 2 (7.14.2)

निर्दहन्तमनीकानि साक्षादग्निमिवोत्थितम् । दृष्ट्वा रुक्मरथं क्रुद्धं समकम्पन्त सृञ्जयाः ॥

nirdahantamanīkāni sākṣādagnimivotthitam | dṛṣṭvā rukmarathaṃ kruddhaṃ samakampanta sṛñjayāḥ

Seeing the warrior of the golden chariot blazing with anger and burning down the divisions, as though fire itself had risen up, the Srinjayas trembled.

Verse 3 (7.14.3)

सततं कृष्यतः सङ्ख्ये धनुषोऽस्याशुकारिणः । ज्याघोषः शुश्रुवेऽत्यर्थं विस्फूर्जितमिवाशनेः ॥

satataṃ kṛṣyataḥ saṅkhye dhanuṣo'syāśukāriṇaḥ | jyāghoṣaḥ śuśruve'tyarthaṃ visphūrjitamivāśaneḥ

As he drew his bow again and again in the battle, so swift of hand, the twang of its string was heard far and wide, like the crash of thunder.

Verse 4 (7.14.4)

रथिनः सादिनश्चैव नागानश्वान्पदातिनः । रौद्रा हस्तवता मुक्ताः सम्मृद्नन्ति स्म सायकाः ॥

rathinaḥ sādinaścaiva nāgānaśvānpadātinaḥ | raudrā hastavatā muktāḥ sammṛdnanti sma sāyakāḥ

The dreadful arrows loosed by that skilled-handed archer crushed chariot-warriors, horsemen, elephants, horses and foot soldiers.

Note on the text: Corrected सम्मृद्गन्ति स्स → सम्मृद्नन्ति स्म (misprint in Wikisource; स्स for the particle स्म, and ग for न in the verb "crush" — no verb मृद्गति exists; the critical edition reads pramathnanti sma).

Verse 5 (7.14.5)

नानद्यमानः पर्जन्यः प्रवृद्धः शुचिसङ्क्षये । अश्मवर्षमिवावर्षत्परेषामावहद्भयम् ॥

nānadyamānaḥ parjanyaḥ pravṛddhaḥ śucisaṅkṣaye | aśmavarṣamivāvarṣatpareṣāmāvahadbhayam

Like a swollen rain cloud thundering at the close of summer, he rained down what seemed a hail of stones and brought terror to his enemies.

Verse 6 (7.14.6)

विचरन्स दिशः सर्वाः सेनां सङ्क्षोभयन्प्रभुः । वर्धयामास सन्त्रासं शात्रवाणाममानुषम् ॥

vicaransa diśaḥ sarvāḥ senāṃ saṅkṣobhayanprabhuḥ | vardhayāmāsa santrāsaṃ śātravāṇāmamānuṣam

Moving in every direction and throwing the army into turmoil, that lord increased his enemies' superhuman dread.

Verse 7 (7.14.7)

तस्य विद्युदिवाभ्रेषु चापं हेमपरिष्कृतम् । भ्राजमानं रथे तस्मिन्दृश्यते स्म महाभयम् ॥

tasya vidyudivābhreṣu cāpaṃ hemapariṣkṛtam | bhrājamānaṃ rathe tasmindṛśyate sma mahābhayam

His gold-adorned bow, flashing on that chariot like lightning among clouds, was seen as a thing of great terror.

Verse 8 (7.14.8)

स वीरः सत्यवान्प्राज्ञो धर्मनित्यः सदा पुनः । युगान्तकालवद्घोरां रौद्रां प्रावर्तयन्नदीम् ॥

sa vīraḥ satyavānprājño dharmanityaḥ sadā punaḥ | yugāntakālavadghorāṃ raudrāṃ prāvartayannadīm

That hero, truthful, wise and ever steadfast in dharma, set flowing a river as terrible and dreadful as the end of an age —

Note on the text: Corrected वद्धोरां → वद्घोरां (misprint in Wikisource; ध for घ, युगान्तकालवत् + घोराम्, "terrible as the end of an age").

Verse 9 (7.14.9)

अमर्षवेगप्रभवां क्रव्यादगणसङ्कुलाम् । बलौघैः सर्वतः पूर्णां ध्वजवृक्षापहारिणीम् ॥

amarṣavegaprabhavāṃ kravyādagaṇasaṅkulām | balaughaiḥ sarvataḥ pūrṇāṃ dhvajavṛkṣāpahāriṇīm

a river born of the surge of his wrath, thronged with packs of flesh-eaters, filled on every side with floods of troops, sweeping away the banners that stood like trees;

Verse 10 (7.14.10)

शोणितोदां रथावर्तां हस्त्यश्वकृतरोधसम् । कवचोडुपसंयुक्तां मांसपङ्कसमाकुलाम् ॥

śoṇitodāṃ rathāvartāṃ hastyaśvakṛtarodhasam | kavacoḍupasaṃyuktāṃ māṃsapaṅkasamākulām

its water blood, its whirlpools chariots, its banks made of elephants and horses, with armour for its rafts, choked with mud of flesh;

Verse 11 (7.14.11)

मेदोमज्जास्थिसिकतामुष्णीषचयफेनिलाम् । सङ्ग्रामजलदापूर्णां प्रासमत्स्यसमाकुलाम् ॥

medomajjāsthisikatāmuṣṇīṣacayaphenilām | saṅgrāmajaladāpūrṇāṃ prāsamatsyasamākulām

its sand the fat, marrow and bones, foaming with heaps of turbans, swollen with the rain of the clouds of war, crowded with spears for fish;

Note on the text: Corrected मुष्मीष → मुष्णीष (misprint in Wikisource; म for ण in उष्णीष "turban"; the critical edition reads uṣṇīṣa).

Verse 12 (7.14.12)

नरनागाश्वकलिलां शरवेगौघवाहिनीम् । शरीरदारुसङ्घाटां रथकच्छपसङ्कुलाम् ॥

naranāgāśvakalilāṃ śaravegaughavāhinīm | śarīradārusaṅghāṭāṃ rathakacchapasaṅkulām

packed with men, elephants and horses, carried along by the rushing floods of arrows, its driftwood the bodies of the slain, its tortoises the chariots;

Verse 13 (7.14.13)

उत्तमाङ्गैः पङ्कजिनीं निस्त्रिंशझषसङ्कुलाम् । रथनागह्रदोपेतां नानाभरणभूषिताम् ॥

uttamāṅgaiḥ paṅkajinīṃ nistriṃśajhaṣasaṅkulām | rathanāgahradopetāṃ nānābharaṇabhūṣitām

with severed heads for lotuses, swords for fish, chariots and elephants for lakes, and adorned with many kinds of ornaments;

Note on the text: Corrected हूदो → ह्रदो (misprint in Wikisource; ह्रद "lake"; the critical edition reads hrada). Corrected भारण → भरण (misprint in Wikisource; stray ā-sign; the critical edition reads ābharaṇa in the same phrase).

Verse 14 (7.14.14)

महारथशतावर्तां भूमिरेणूर्मिमालिनीम् । महावीर्यवतां सङ्ख्ये सुतरां भीरुदुस्तराम् ॥

mahārathaśatāvartāṃ bhūmireṇūrmimālinīm | mahāvīryavatāṃ saṅkhye sutarāṃ bhīrudustarām

with hundreds of great chariot-warriors for whirlpools, the dust of the earth for a garland of waves, easy to cross in battle for the very mighty but all but impassable for the timid;

Verse 15 (7.14.15)

शरीरशतसम्बाधां गृध्रकङ्कनिषेविताम् । महारथसहस्राणि नयन्तीं यमसादनम् ॥

śarīraśatasambādhāṃ gṛdhrakaṅkaniṣevitām | mahārathasahasrāṇi nayantīṃ yamasādanam

crowded with hundreds of bodies, haunted by vultures and kanka birds, carrying thousands of great chariot-warriors to Yama's abode;

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.13.14d*0097_01–02 (printed after 7.13.14).

Verse 16 (7.14.16)

शूलव्यालसमाकीर्णां प्राणिवाजिनिषेविताम् । छिन्नच्छत्रमहाहंसां मुकुटाण्डजसेविताम् ॥

śūlavyālasamākīrṇāṃ prāṇivājiniṣevitām | chinnacchatramahāhaṃsāṃ mukuṭāṇḍajasevitām

strewn with pikes and beasts of prey, frequented by living creatures and horses, with severed umbrellas for great swans and crowns for its birds;

Note on the text: Corrected छिन्नक्षत्र → छिन्नच्छत्र (misprint in Wikisource; क्षत्र for च्छत्र — severed umbrellas as the "great swans"; the critical edition reads chinnacchatra).

Verse 17 (7.14.17)

चक्रकूर्माङ्गदानक्रां शरक्षुद्रझषाकुलाम् । बकगृध्रसृगालानां घोरसङ्घैर्निषेविताम् ॥

cakrakūrmāṅgadānakrāṃ śarakṣudrajhaṣākulām | bakagṛdhrasṛgālānāṃ ghorasaṅghairniṣevitām

with wheels for turtles, armlets for crocodiles, tiny arrows for little fish, and frequented by dreadful flocks of herons, vultures and jackals;

Verse 18 (7.14.18)

निहतान्प्राणिनः सङ्ख्ये द्रोणेन बलिना रणे । वहन्तीं पितृलोकाय शतशो राजसत्तम ॥

nihatānprāṇinaḥ saṅkhye droṇena balinā raṇe | vahantīṃ pitṛlokāya śataśo rājasattama

bearing to the world of the fathers, by hundreds, the beings struck down in battle by mighty Drona, O best of kings;

Verse 19 (7.14.19)

शरीरशतसम्बाधां केशशैवलशाद्वलाम् । नदीं प्रावर्तयद्राजन्भीरूणां भयवर्धिनीम् ॥

śarīraśatasambādhāṃ keśaśaivalaśādvalām | nadīṃ prāvartayadrājanbhīrūṇāṃ bhayavardhinīm

crowded with hundreds of bodies, its moss and grass made of hair, a river that increased the terror of the timid — such a river, O king, he set flowing.

Note on the text: Corrected शऱीर → शरीर (misprint in Wikisource; stray letter ऱ). Corrected भीरूपणां → भीरूणां (misprint in Wikisource; the critical edition reads bhīrūṇām).

Verse 20 (7.14.20)

तर्जयन्तमनीकानि तानि तानि महारथम् । सर्वतोऽभ्यद्रवन्द्रोणं युधिष्ठिरपुरोगमाः ॥

tarjayantamanīkāni tāni tāni mahāratham | sarvato'bhyadravandroṇaṃ yudhiṣṭhirapurogamāḥ

As Drona, the great chariot-warrior, threatened those divisions, Yudhishthira and the other leaders rushed at him from every side.

Verse 21 (7.14.21)

तानभिद्रवतः शूरांस्तावका दृढविक्रमाः । सर्वतः प्रत्यगृह्णन्त तदभूद्रोमहर्षणम् ॥

tānabhidravataḥ śūrāṃstāvakā dṛḍhavikramāḥ | sarvataḥ pratyagṛhṇanta tadabhūdromaharṣaṇam

As those heroes charged, your men, firm in their valour, met them everywhere, and the sight made the hair stand on end.

Verse 22 (7.14.22)

शतमायस्तु शकुनिः सहदेवं समाद्रवत् । सनियन्तृध्वजरथं विव्याध निशितैः शरैः ॥

śatamāyastu śakuniḥ sahadevaṃ samādravat | saniyantṛdhvajarathaṃ vivyādha niśitaiḥ śaraiḥ

Shakuni, master of a hundred illusions, charged at Sahadeva and pierced him, with his charioteer, banner and chariot, with sharp arrows.

Note on the text: Corrected विव्याघ → विव्याध (misprint in Wikisource; घ for ध; the critical edition reads vivyādha).

Verse 23 (7.14.23)

तस्य माद्रीसुतः केतुं धनुः सूतं हयानपि । नातिक्रुद्धः शरैश्छित्त्वा षष्ठ्या विव्याध सौबलम् । भित्त्वा च शरवर्षेण शकुनिं प्रत्यवारयत् ॥

tasya mādrīsutaḥ ketuṃ dhanuḥ sūtaṃ hayānapi | nātikruddhaḥ śaraiśchittvā ṣaṣṭhyā vivyādha saubalam | bhittvā ca śaravarṣeṇa śakuniṃ pratyavārayat

Madri's son, not greatly angered, cut down Shakuni's banner, bow, charioteer and even his horses with arrows, and pierced Saubala with sixty; and having struck him with a shower of arrows, he held him back.

Note on the text: Lines 1–2 are the critical edition's 7.13.22 (with सौबलम् for mātulam); line 3 is its star passage 7.13.22d*0100_01, not in the constituted text. Removed the backtick and quote mark printed around line 3.

Verse 24 (7.14.24)

गदां गृहीत्वा शकुनिः प्रचस्कन्द रथोत्तमात् । स तस्य गदया राजन्रथात्सूतमपातयत् ॥

gadāṃ gṛhītvā śakuniḥ pracaskanda rathottamāt | sa tasya gadayā rājanrathātsūtamapātayat

Taking up a mace, Shakuni leapt down from his fine chariot, and with that mace, O king, he threw the charioteer down from the chariot.

Verse 25 (7.14.25)

ततस्तौ विरथौ राजन्गदाहस्तौ महाबलौ । चिक्रीडतू रणे शूरौ सशृङ्गाविव पर्वतौ ॥

tatastau virathau rājangadāhastau mahābalau | cikrīḍatū raṇe śūrau saśṛṅgāviva parvatau

Then the two mighty men, both without chariots, mace in hand, O king, played at battle like two mountains with peaks.

Verse 26 (7.14.26)

द्रोणः पाञ्चालदायादं विव्याध निशितैः शरैः । तयोस्तत्र महाराज बाणवर्षैः प्रकाशितम् । खद्योतैरिव चाकाशं प्रदोषे पुरुषर्षभ ॥

droṇaḥ pāñcāladāyādaṃ vivyādha niśitaiḥ śaraiḥ | tayostatra mahārāja bāṇavarṣaiḥ prakāśitam | khadyotairiva cākāśaṃ pradoṣe puruṣarṣabha

Drona pierced the Panchala's heir with sharp arrows. O bull among men, the sky there was lit by the showers of arrows from those two, as the sky is lit by fireflies at dusk.

Note on the text: Line 1 corresponds to the critical edition's 7.13.25a (पाञ्चालदायादं … निशितैः शरैः for pāñcālarājānaṃ viddhvā daśabhir āśugaiḥ); lines 2–3 are its star passage 7.13.25b*0101_01–02, not in the constituted text. The critical edition's 7.13.25c (bahubhis tena cābhyastas taṃ vivyādha śatādhikaiḥ) is not on this page.

Verse 27 (7.14.27)

विविंशतिं भीमसेनो विंशत्या निशितैः शरैः । विद्ध्वा नाकम्पयद्वीरस्तदद्भुतमिवाभवत् ॥

viviṃśatiṃ bhīmaseno viṃśatyā niśitaiḥ śaraiḥ | viddhvā nākampayadvīrastadadbhutamivābhavat

Bhimasena struck Vivimshati with twenty sharp arrows, yet that hero was not shaken, and it seemed a marvel.

Verse 28 (7.14.28)

विविंशतिस्तु सहसा व्यश्वकेतुशरासनम् । भीमं चक्रे महाराज ततः सैन्यान्यपूजयन् ॥

viviṃśatistu sahasā vyaśvaketuśarāsanam | bhīmaṃ cakre mahārāja tataḥ sainyānyapūjayan

But Vivimshati suddenly left Bhima without horses, banner or bow, O great king, and the troops cheered him for it.

Verse 29 (7.14.29)

स तन्न ममृषे वीरः शत्रोर्विक्रममाहवे । ततोऽस्य गदया दान्तान्हयात्सर्वानपातयत् ॥

sa tanna mamṛṣe vīraḥ śatrorvikramamāhave | tato'sya gadayā dāntānhayātsarvānapātayat

The hero could not bear this prowess of his foe in battle, and with his mace he struck down all the other's well-trained horses.

Verse 30 (7.14.30)

हताश्वात्स रथाद्राजन्गृह्य चर्म महाबलः । अभ्ययाद्भीमसेनं तु मत्तो मत्तमिव द्विपम् ॥

hatāśvātsa rathādrājangṛhya carma mahābalaḥ | abhyayādbhīmasenaṃ tu matto mattamiva dvipam

With his horses killed, that mighty man got down from his chariot, O king, took up a shield and went against Bhimasena, like one rutting elephant against another.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.13.28d*0103_01–02.

Verse 31 (7.14.31)

शल्यस्तु नकुलं वीरः स्वस्रीयं प्रियमात्मनः । विव्याध प्रहसन्बाणैर्लालयन्कोपयन्निव ॥

śalyastu nakulaṃ vīraḥ svasrīyaṃ priyamātmanaḥ | vivyādha prahasanbāṇairlālayankopayanniva

The hero Shalya, smiling, pierced Nakula, his own beloved sister's son, with arrows, as though fondling and provoking him.

Verse 32 (7.14.32)

तस्याश्वानातपत्रं च ध्वजं सूतमथो धनुः । निपात्य नकुलः सङ्ख्ये शङ्खं दध्मौ प्रतापवान् ॥

tasyāśvānātapatraṃ ca dhvajaṃ sūtamatho dhanuḥ | nipātya nakulaḥ saṅkhye śaṅkhaṃ dadhmau pratāpavān

The mighty Nakula felled Shalya's horses, parasol, banner, charioteer and bow in the battle, and blew his conch.

Note on the text: Removed a stray zero-width non-joiner inside सङ्ख्ये.

Verse 33 (7.14.33)

धृष्टकेतुः कृपेणास्ताञ्छित्त्वा बहुविधाञ्छरान् । कृपं विव्याध सप्तत्या ध्वजं चास्य त्रिभिः शरैः ॥

dhṛṣṭaketuḥ kṛpeṇāstāñchittvā bahuvidhāñcharān | kṛpaṃ vivyādha saptatyā dhvajaṃ cāsya tribhiḥ śaraiḥ

Dhrishtaketu cut down the many kinds of arrows Kripa had shot, and pierced Kripa with seventy and his banner with three arrows.

Verse 34 (7.14.34)

तं कृपः शरवर्षेण महता समवारयत् । विव्याध च रणे विप्रो धृष्टकेतुममर्षणम् ॥

taṃ kṛpaḥ śaravarṣeṇa mahatā samavārayat | vivyādha ca raṇe vipro dhṛṣṭaketumamarṣaṇam

Kripa checked him with a great shower of arrows, and the Brahmin pierced the furious Dhrishtaketu in the battle.

Verse 35 (7.14.35)

सात्यकिः कृतवर्माणं नाराचेन स्तनान्तरे । विद्ध्वा विव्याध सप्तत्या पुनरन्यैः स्मयन्निव ॥

sātyakiḥ kṛtavarmāṇaṃ nārācena stanāntare | viddhvā vivyādha saptatyā punaranyaiḥ smayanniva

Satyaki struck Kritavarma between the breasts with a nārāca, and then, as if smiling, pierced him again with seventy others.

Verse 36 (7.14.36)

तं भोजः सप्तसप्तत्या विद्ध्वाऽऽशु निशितैः शरैः । नाकम्पयत शैनेयं शीघ्रो वायुरिवाचलम् ॥

taṃ bhojaḥ saptasaptatyā viddhvā''śu niśitaiḥ śaraiḥ | nākampayata śaineyaṃ śīghro vāyurivācalam

The Bhoja swiftly pierced him with seventy-seven sharp arrows, yet could not shake Shaineya, any more than a swift wind can shake a mountain.

Verse 37 (7.14.37)

सेनापतिः सुशर्माणं भृशं मर्मस्वताडयत् । स चापि तं तोमरेण जत्रुदेशेऽभ्यताडयत् ॥

senāpatiḥ suśarmāṇaṃ bhṛśaṃ marmasvatāḍayat | sa cāpi taṃ tomareṇa jatrudeśe'bhyatāḍayat

The commander struck Susharman hard on his vital parts, and Susharman struck him back with a tomara at the collarbone.

Verse 38 (7.14.38)

वैकर्तनं तु समरे विराटः प्रत्यवारयत् । सह मत्स्यैर्महावीर्यैस्तदद्भुतमिवाभवत् ॥

vaikartanaṃ tu samare virāṭaḥ pratyavārayat | saha matsyairmahāvīryaistadadbhutamivābhavat

Virata, with the mighty Matsyas, held back Vaikartana in the battle, and it seemed a marvel.

Verse 39 (7.14.39)

तत्पौरुषमभूत्तत्र सूतपुत्रस्य दारुणम् । यत्सैन्यं वारयामास शरैः सन्नतपर्वभिः ॥

tatpauruṣamabhūttatra sūtaputrasya dāruṇam | yatsainyaṃ vārayāmāsa śaraiḥ sannataparvabhiḥ

Terrible was the manliness the charioteer's son showed there, in that he held back that army with his smooth-jointed arrows.

Verse 40 (7.14.40)

द्रुपदस्तु स्वयं राजा भगदत्तेन सङ्गतः । तयोर्युद्धं महाराज चित्ररूपमिवाभवत् ॥

drupadastu svayaṃ rājā bhagadattena saṅgataḥ | tayoryuddhaṃ mahārāja citrarūpamivābhavat

King Drupada himself met Bhagadatta, and their battle, O great king, was marvellous to behold.

Note on the text: Lines 1–2 are the critical edition's 7.13.38ab. Its line 38e (भूतानां त्रासजननं चक्रातेऽस्त्रविशारदौ) appears on this page as line 2 of verse 43.

Verse 41 (7.14.41)

भगदत्तस्तु राजानं द्रुपदं नतपर्वभिः । सनियन्तृध्वजरथं विव्याध पुरुषर्षभः ॥

bhagadattastu rājānaṃ drupadaṃ nataparvabhiḥ | saniyantṛdhvajarathaṃ vivyādha puruṣarṣabhaḥ

Bhagadatta, bull among men, pierced King Drupada, with his charioteer, banner and chariot, with smooth-jointed arrows.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.13.38d*0105_01–02.

Verse 42 (7.14.42)

द्रुपदस्तु ततः क्रुद्धो भगदत्तं महारथम् । आजघानोरसि क्षिप्रं शरेणानतपर्वणा ॥

drupadastu tataḥ kruddho bhagadattaṃ mahāratham | ājaghānorasi kṣipraṃ śareṇānataparvaṇā

Drupada, then enraged, quickly struck the great chariot-warrior Bhagadatta on the chest with a smooth-jointed arrow.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 7.13.38d*0105_03–04.

Verse 43 (7.14.43)

युद्धं योधवरौ लोके सौमदत्तिशिखण्डिनौ । भूतानां त्रासजननं चक्रातेऽस्त्रविशारदौ ॥

yuddhaṃ yodhavarau loke saumadattiśikhaṇḍinau | bhūtānāṃ trāsajananaṃ cakrāte'straviśāradau

Somadatti's son and Shikhandi, the two best of warriors in the world, both skilled with weapons, fought a battle that struck terror into living beings.

Note on the text: Line 1 is the critical edition's star passage 7.13.38d*0105_05 (not in the constituted text); line 2 is its 7.13.38e.

Verse 44 (7.14.44)

भूरिश्रवा रणे राजन्याज्ञसेनिं महारथम् । महता सायकौघेन च्छादयामास वीर्यवान् ॥

bhūriśravā raṇe rājanyājñaseniṃ mahāratham | mahatā sāyakaughena cchādayāmāsa vīryavān

Bhurishravas, O king, mighty in valour, covered the great chariot-warrior Yajnaseni with a great flood of arrows in the battle.

Verse 45 (7.14.45)

शिखण्डी तु ततः क्रुद्धः सौमदत्तिं विशाम्पते । नवत्या सायकानां तु कम्पयामास भारत ॥

śikhaṇḍī tu tataḥ kruddhaḥ saumadattiṃ viśāmpate | navatyā sāyakānāṃ tu kampayāmāsa bhārata

Shikhandi, then enraged, O lord of the people, made Somadatti's son tremble with ninety arrows, O Bharata.

Verse 46 (7.14.46)

राक्षसौ रौद्रकर्माणौ हेडिम्बालम्बुसावुभौ । चक्रातेऽत्युद्भुतं युद्धं परस्परजयैषिणौ ॥

rākṣasau raudrakarmāṇau heḍimbālambusāvubhau | cakrāte'tyudbhutaṃ yuddhaṃ parasparajayaiṣiṇau

The two rakshasas of dreadful deeds, Haidimba and Alambusa, each eager to conquer the other, fought a most marvellous battle.

Verse 47 (7.14.47)

मायाशतसृजौ दृप्तौ मायाभिरितरेतरम् । अन्तर्हितौ चेरतुस्तौ भृशं विस्मयकारिणौ ॥

māyāśatasṛjau dṛptau māyābhiritaretaram | antarhitau ceratustau bhṛśaṃ vismayakāriṇau

Proud, each creating hundreds of illusions, they moved about hidden by their illusions against one another, causing great wonder.

Verse 48 (7.14.48)

चेकितानोऽनुविन्देन युयुधे चातिभैरवम् । यथा देवासुरे युद्धे बलशक्रौ महाबलौ ॥

cekitāno'nuvindena yuyudhe cātibhairavam | yathā devāsure yuddhe balaśakrau mahābalau

Chekitana fought Anuvinda in a most fearsome duel, like the mighty Bala and Shakra in the war of the gods and asuras.

Verse 49 (7.14.49)

लक्ष्मणः क्षत्रदेवेन विमर्दमकरोद्भृशम् । यथा विष्णुः पुरा राजन्हिरण्याक्षेण संयुगे ॥

lakṣmaṇaḥ kṣatradevena vimardamakarodbhṛśam | yathā viṣṇuḥ purā rājanhiraṇyākṣeṇa saṃyuge

Lakshmana crushed Kshatradeva fiercely, as Vishnu of old, O king, crushed Hiranyaksha in battle.

Verse 50 (7.14.50)

ततः प्रचलिताश्वेन विधिवत्कल्पितेन च । रथेनाभ्यपतद्राजन्सौभद्रं पौरवो नदन् ॥

tataḥ pracalitāśvena vidhivatkalpitena ca | rathenābhyapatadrājansaubhadraṃ pauravo nadan

Then Paurava, roaring, fell upon Saubhadra, O king, in a duly equipped chariot drawn by swift horses.

Note on the text: Corrected पौरवो पौरवो → पौरवो (misprint in Wikisource; dittography; the critical edition reads pauravo nadan).

Verse 51 (7.14.51)

ततोऽभ्ययात्स त्वरितो युद्धाकाङ्क्षी महाबलः । तेन चक्रे महद्युद्धमभिमन्युररिन्दमः ॥

tato'bhyayātsa tvarito yuddhākāṅkṣī mahābalaḥ | tena cakre mahadyuddhamabhimanyurarindamaḥ

The mighty Abhimanyu, scourge of his foes, eager for the fight, advanced quickly to meet him, and fought a great battle with him.

Verse 52 (7.14.52)

पौरवस्त्वथ सौभद्रं शरव्रातैरवाकिरत् । तस्यार्जुनिर्ध्वजं छत्रं धनुश्चोर्व्यामपातयत् ॥

pauravastvatha saubhadraṃ śaravrātairavākirat | tasyārjunirdhvajaṃ chatraṃ dhanuścorvyāmapātayat

Paurava showered Saubhadra with volleys of arrows, and Arjuna's son felled his banner, umbrella and bow to the ground.

Verse 53 (7.14.53)

सौभद्रः पौरवं त्वन्यैर्विद्ध्वा सप्तभिराशुगैः । पञ्चभिस्तस्य विव्याध हयान्सूतं च सायकैः ॥

saubhadraḥ pauravaṃ tvanyairviddhvā saptabhirāśugaiḥ | pañcabhistasya vivyādha hayānsūtaṃ ca sāyakaiḥ

Saubhadra pierced Paurava with seven other swift arrows, and with five he pierced his horses and charioteer.

Note on the text: Corrected सूनं → सूतं (misprint in Wikisource; न for त; the critical edition reads sūtam).

Verse 54 (7.14.54)

ततः प्रहर्षयन्सेनां सिंहवद्विनदन्मुहुः । समादत्तार्जुनिस्तूर्णं पौरवान्तकरं शरम् ॥

tataḥ praharṣayansenāṃ siṃhavadvinadanmuhuḥ | samādattārjunistūrṇaṃ pauravāntakaraṃ śaram

Then, gladdening his army with repeated lion-like roars, Arjuna's son swiftly took up an arrow that would end Paurava.

Verse 55 (7.14.55)

तं तु सन्धितमाज्ञाय सायकं घोरदर्शनम् । द्वाभ्यां शराभ्यां हार्दिक्यश्चिच्छेद सशरं धनुः ॥

taṃ tu sandhitamājñāya sāyakaṃ ghoradarśanam | dvābhyāṃ śarābhyāṃ hārdikyaściccheda saśaraṃ dhanuḥ

Seeing that fearsome arrow fitted to the string, Hardikya cut the bow, with the arrow on it, with two arrows.

Note on the text: Line 1 is the critical edition's star passage 7.13.49d*0110_01 (तं तु … for tasya …; not in the constituted text); line 2 is 7.13.50a.

Verse 56 (7.14.56)

तदुत्सृज्य धनुश्छिन्नं सौभद्रः परवीरहा । उद्बबर्ह सितं खड्गमाददानः शरावरम् ॥

tadutsṛjya dhanuśchinnaṃ saubhadraḥ paravīrahā | udbabarha sitaṃ khaḍgamādadānaḥ śarāvaram

Casting aside the severed bow, Saubhadra, slayer of enemy heroes, drew a bright sword and took up a shield.

Note on the text: Lines 1–2 are the critical edition's 7.13.50c and 7.13.50e. Corrected आददनाः → आददानः (misprint in Wikisource; dropped ā-sign; the critical edition reads ādadānaḥ). Corrected खङ्ग → खड्ग (misprint in Wikisource; the critical edition reads khaḍga).

Verse 57 (7.14.57)

स तेनानेकतारेण चर्मणा कृतहस्तवत् । भ्रान्तासिना चरन्मार्गान्दर्शयन्वीर्यमात्मनः ॥

sa tenānekatāreṇa carmaṇā kṛtahastavat | bhrāntāsinā caranmārgāndarśayanvīryamātmanaḥ

With that shield of many star-like bosses, and with the ease of a practised hand, he moved about whirling his sword, displaying his own prowess.

Verse 58 (7.14.58)

भ्रामितं पुनरुद्धान्तमाधूतं पुनरुत्थितम् । चर्मनिस्त्रिंशयो राजन्निर्विशेषमदृश्यत ॥

bhrāmitaṃ punaruddhāntamādhūtaṃ punarutthitam | carmanistriṃśayo rājannirviśeṣamadṛśyata

Whirled, spun upward, shaken, raised again — shield and sword, O king, appeared as though there were no difference between them.

Verse 59 (7.14.59)

स पौरवरथस्येषामाप्लुत्य सहसा नदन् । पौरवं रथमास्थाय केशपक्षे परामृशत् ॥

sa pauravarathasyeṣāmāplutya sahasā nadan | pauravaṃ rathamāsthāya keśapakṣe parāmṛśat

Leaping suddenly with a roar onto the pole of Paurava's chariot, he took his stand on Paurava's chariot and seized him by the hair.

Verse 60 (7.14.60)

जघानास्य पदा सूतमसिना पातयद्ध्वजम् । विक्षोभ्याम्भोनिधिं तार्क्ष्यस्तं नागमिव चाक्षिपत् ॥

jaghānāsya padā sūtamasinā pātayaddhvajam | vikṣobhyāmbhonidhiṃ tārkṣyastaṃ nāgamiva cākṣipat

He kicked his charioteer, felled his banner with the sword, and flung Paurava aside, as Tarkshya, having churned the ocean, flings a serpent.

Note on the text: Corrected द्धृजम् → द्ध्वजम् (misprint in Wikisource; ध्व for धृ; the critical edition reads dhvajam).

Verse 61 (7.14.61)

तमागलितकेशान्तं ददृशुः सर्वपार्थिवाः । उक्षाणमिव सिंहेन पात्यमानमचेतसम् ॥

tamāgalitakeśāntaṃ dadṛśuḥ sarvapārthivāḥ | ukṣāṇamiva siṃhena pātyamānamacetasam

All the kings saw him with his hair loosened at the ends, thrown down unconscious like a bull brought down by a lion.

Verse 62 (7.14.62)

तमार्जुनिवशं प्राप्तं कृष्यमाणमनाथवत् । पौरवं पातितं दृष्ट्वा नामृष्यत जयद्रथः ॥

tamārjunivaśaṃ prāptaṃ kṛṣyamāṇamanāthavat | pauravaṃ pātitaṃ dṛṣṭvā nāmṛṣyata jayadrathaḥ

Seeing Paurava fallen into the power of Arjuna's son and dragged along helplessly, Jayadratha could not endure it.

Note on the text: Corrected जयद्रूथः → जयद्रथः (misprint in Wikisource; long ऊ; the critical edition reads jayadrathaḥ).

Verse 63 (7.14.63)

स बर्हिबर्हावततं किङ्किणीशतजालवत् । चर्म चादाय खड्गं च नदन्पर्यपतद्रथात् ॥

sa barhibarhāvatataṃ kiṅkiṇīśatajālavat | carma cādāya khaḍgaṃ ca nadanparyapatadrathāt

Taking a shield spread with peacock feathers and hung with a net of a hundred little bells, and a sword, he leapt roaring from his chariot.

Note on the text: Corrected खङ्ग → खड्ग (misprint in Wikisource; the critical edition reads khaḍga).

Verse 64 (7.14.64)

ततः सैन्धवमालोक्य कार्ष्णिरुत्सृज्य पौरवम् । उत्पपात रथात्तूर्णं श्येनवन्निपपात च ॥

tataḥ saindhavamālokya kārṣṇirutsṛjya pauravam | utpapāta rathāttūrṇaṃ śyenavannipapāta ca

Then Arjuna's son, seeing the Saindhava, let Paurava go, sprang quickly from the chariot, and swooped down like a hawk.

Verse 65 (7.14.65)

प्रासपट्टिशनिस्त्रिंशाञ्छत्रुभिः सम्प्रचोदितान् । चिच्छेद चासिना कार्ष्णिश्चर्मणा संरुरोध च ॥

prāsapaṭṭiśanistriṃśāñchatrubhiḥ sampracoditān | ciccheda cāsinā kārṣṇiścarmaṇā saṃrurodha ca

The spears, pattisas and swords hurled by his enemies he cut down with his sword, and he warded them off with his shield.

Verse 66 (7.14.66)

स दर्शयित्वा सैन्यानां स्वबाहुबलमात्मनः । तमुद्यम्य महाखड्गं चर्म चाथ पुनर्बली ॥

sa darśayitvā sainyānāṃ svabāhubalamātmanaḥ | tamudyamya mahākhaḍgaṃ carma cātha punarbalī

Having shown his own arm's strength to the troops, the mighty one again raised that great sword and shield,

Note on the text: Corrected खङ्ग → खड्ग (misprint in Wikisource; the critical edition reads khaḍga).

Verse 67 (7.14.67)

वृद्धक्षत्रस्य दायादं पितुरत्यन्तवैरिणम् । ससाराभिमुखः शूरः शार्दूल इव कुञ्जरम् ॥

vṛddhakṣatrasya dāyādaṃ pituratyantavairiṇam | sasārābhimukhaḥ śūraḥ śārdūla iva kuñjaram

and charged the son of Vriddhakshatra, his father's bitter enemy, as a tiger charges an elephant.

Verse 68 (7.14.68)

तौ परस्परमासाद्य खड्गदन्तनखायुधौ । हृष्टवत्सम्प्रजहाते व्याघ्रकेसरिणाविव ॥

tau parasparamāsādya khaḍgadantanakhāyudhau | hṛṣṭavatsamprajahāte vyāghrakesariṇāviva

Closing with one another, with sword, teeth and nails for weapons, the two struck at each other with joy, like a tiger and a lion.

Note on the text: Corrected खह्ग → खड्ग (misprint in Wikisource; ह्ग for ड्ग; the critical edition reads khaḍga).

Verse 69 (7.14.69)

सम्पातेष्वभिघातेषु निपातेष्वसिचर्मणोः । न तयोरन्तरं कश्चिद्ददर्श नरसिंहयोः ॥

sampāteṣvabhighāteṣu nipāteṣvasicarmaṇoḥ | na tayorantaraṃ kaściddadarśa narasiṃhayoḥ

In the onsets, the blows, and the falling of sword and shield, no one could see any difference between those two lions among men.

Verse 70 (7.14.70)

अवक्षेपोऽसिनिर्हादः शस्त्रान्तरनिदर्शनम् । बाह्यान्तरनिपातश्च निर्विशेषमदृश्यत ॥

avakṣepo'sinirhādaḥ śastrāntaranidarśanam | bāhyāntaranipātaśca nirviśeṣamadṛśyata

The flinging aside, the ring of the blades, the glimpses of openings between their weapons, the strokes falling from within and from without — all appeared without distinction.

Note on the text: Corrected निर्विशेमदृश्यत → निर्विशेषमदृश्यत (misprint in Wikisource; dropped ष; the critical edition reads nirviśeṣam).

Verse 71 (7.14.71)

बाह्यमाभ्यन्तरं चैव चरन्तौ मार्गमुत्तमम् । ददृशाते महात्मानौ सपक्षाविव पर्वतौ ॥

bāhyamābhyantaraṃ caiva carantau mārgamuttamam | dadṛśāte mahātmānau sapakṣāviva parvatau

Moving along the finest courses, outer and inner, those two great-souled warriors looked like two mountains with wings.

Verse 72 (7.14.72)

ततो विक्षिपतः खड्गं सौभद्रस्य यशस्विनः । शरावरणपक्षान्ते प्रजहार जयद्रथः ॥

tato vikṣipataḥ khaḍgaṃ saubhadrasya yaśasvinaḥ | śarāvaraṇapakṣānte prajahāra jayadrathaḥ

Then, as the glorious Saubhadra was swinging his sword, Jayadratha struck at the rim of his shield.

Note on the text: Corrected खङ्ग → खड्ग (misprint in Wikisource; the critical edition reads khaḍga).

Verse 73 (7.14.73)

रुक्मपत्रान्तरे सक्तस्तस्मिंश्चर्मणि भास्वरे । सिन्धुराजबलोद्धूतः सोऽभज्यत महानसिः ॥

rukmapatrāntare saktastasmiṃścarmaṇi bhāsvare | sindhurājabaloddhūtaḥ so'bhajyata mahānasiḥ

Caught between the gold-leafed fittings of that shining shield, the great sword, swung with the force of the Sindhu king, broke.

Verse 74 (7.14.74)

भग्नमाज्ञाय निस्त्रिंशमवप्लुत्य पदानि षट् । अदृश्यत निमेषेण स्वरथं पुनरास्थितः ॥

bhagnamājñāya nistriṃśamavaplutya padāni ṣaṭ | adṛśyata nimeṣeṇa svarathaṃ punarāsthitaḥ

Seeing his sword broken, he leapt back six paces and in the blink of an eye was seen standing again on his own chariot.

Verse 75 (7.14.75)

तं कार्ष्णिं समरान्मुक्तमास्थितं रथमुत्तमम् । सहिताः सर्वराजानः परिवव्रुः समन्ततः ॥

taṃ kārṣṇiṃ samarānmuktamāsthitaṃ rathamuttamam | sahitāḥ sarvarājānaḥ parivavruḥ samantataḥ

All the kings together surrounded on every side that son of Arjuna, now released from the fight, as he stood on an excellent chariot.

Verse 76 (7.14.76)

ततश्चर्म च खड्गं च समुत्क्षिप्य महाबलः । ननादार्जुनदायादः प्रेक्षमाणो जयद्रथम् ॥

tataścarma ca khaḍgaṃ ca samutkṣipya mahābalaḥ | nanādārjunadāyādaḥ prekṣamāṇo jayadratham

Then the mighty son of Arjuna, tossing up his shield and sword, roared, looking at Jayadratha.

Note on the text: Corrected खङ्ग → खड्ग (misprint in Wikisource; the critical edition reads khaḍga).

Verse 77 (7.14.77)

सिन्धुराजं परित्यज्य सौभद्रः परवीरहा । तापयामास तत्सैन्यं भुवनं भास्करो यथा ॥

sindhurājaṃ parityajya saubhadraḥ paravīrahā | tāpayāmāsa tatsainyaṃ bhuvanaṃ bhāskaro yathā

Leaving the Sindhu king, Saubhadra, slayer of enemy heroes, scorched that army as the sun scorches the world.

Verse 78 (7.14.78)

तस्य सर्वायसीं शक्तिं शल्यः कनकभूषणाम् । चिक्षेप समरे घोरां दीप्तामग्निशिखामिव ॥

tasya sarvāyasīṃ śaktiṃ śalyaḥ kanakabhūṣaṇām | cikṣepa samare ghorāṃ dīptāmagniśikhāmiva

Shalya hurled at him, in the battle, a terrible spear made wholly of iron and adorned with gold, blazing like a tongue of fire.

Verse 79 (7.14.79)

तामवप्लुत्य जग्राह विकोशं चाकरोदसिम् । वैनतेयो यथा कार्ष्णिः पतन्तमुरगोत्तमम् ॥

tāmavaplutya jagrāha vikośaṃ cākarodasim | vainateyo yathā kārṣṇiḥ patantamuragottamam

Leaping up, Arjuna's son caught it and bared his sword, as Vainateya seizes a falling chief of serpents.

Verse 80 (7.14.80)

तस्य लाघवमाज्ञाय सत्त्वं चामिततेजसः । सहिताः सर्वराजानः सिंहनादमथानदन् ॥

tasya lāghavamājñāya sattvaṃ cāmitatejasaḥ | sahitāḥ sarvarājānaḥ siṃhanādamathānadan

Marking his nimbleness and the strength of one of boundless splendour, all the kings together gave a lion's roar.

Note on the text: Corrected लाषवम् → लाघवम् (misprint in Wikisource; ष for घ; the critical edition reads lāghavam). Corrected सत्वं → सत्त्वं (misprint in Wikisource; dropped त in sattva; the critical edition reads sattvam).

Verse 81 (7.14.81)

ततस्तामेव शल्यस्य सौभद्रः परवीरहा । मुमोच भुजवीर्येण वैदूर्यविकृतां शिताम् ॥

tatastāmeva śalyasya saubhadraḥ paravīrahā | mumoca bhujavīryeṇa vaidūryavikṛtāṃ śitām

Then Saubhadra, slayer of enemy heroes, hurled that very same sharp spear, set with beryl, back at Shalya with the strength of his arm.

Verse 82 (7.14.82)

सा तस्य रथमासाद्य निर्मुक्तभुजगोपमा । जघान सूतं शल्यस्य रथाच्चैनमपातयत् ॥

sā tasya rathamāsādya nirmuktabhujagopamā | jaghāna sūtaṃ śalyasya rathāccainamapātayat

Like a serpent freed from its skin, it reached Shalya's chariot, killed his charioteer and threw him down from the chariot.

Verse 83 (7.14.83)

ततो विराटद्रुपदौ धृष्टकेतुर्युधिष्ठिरः । सात्यकिः केकया भीमो धृष्टद्युम्नशिखण्डिनौ ॥

tato virāṭadrupadau dhṛṣṭaketuryudhiṣṭhiraḥ | sātyakiḥ kekayā bhīmo dhṛṣṭadyumnaśikhaṇḍinau

Then Virata and Drupada, Dhrishtaketu, Yudhishthira, Satyaki, the Kekayas, Bhima, Dhrishtadyumna and Shikhandi,

Note on the text: Lines 1–2 are the critical edition's 7.13.77a and 77c (the critical edition's 77e is the next verse's first line).

Verse 84 (7.14.84)

यमौ च द्रौपदेयाश्च साधुसाध्विति चुक्रुशुः । बाणशब्दाश्च विविधाः सिंहनादाश्च पुष्कलाः ॥

yamau ca draupadeyāśca sādhusādhviti cukruśuḥ | bāṇaśabdāśca vividhāḥ siṃhanādāśca puṣkalāḥ

the twins and the sons of Draupadi cried out, “Well done, well done!” Various sounds of arrows and many lion-roars

Note on the text: Line 1 is the critical edition's 7.13.77e; line 2 is 7.13.78a.

Verse 85 (7.14.85)

प्रादुरासन्हर्षयन्तः सौभद्रमपलायिनम् । तन्नामृष्यन्त पुत्रास्ते शत्रोर्विजयलक्षणम् ॥

prādurāsanharṣayantaḥ saubhadramapalāyinam | tannāmṛṣyanta putrāste śatrorvijayalakṣaṇam

rose up, gladdening Saubhadra, who had not fled. Your sons could not endure this sign of the enemy's victory.

Note on the text: Lines 1–2 are the critical edition's 7.13.78c and 78e (its star passage 78d*0112_01–02 is not on this page).

Verse 86 (7.14.86)

अथैनं सहसा सर्वे समन्तान्निशितैः शरैः । अभ्याकिरन्महाराज जलदा इव पर्वतम् ॥

athainaṃ sahasā sarve samantānniśitaiḥ śaraiḥ | abhyākiranmahārāja jaladā iva parvatam

Then all of them, O great king, suddenly showered him from every side with sharp arrows, like clouds upon a mountain.

Verse 87 (7.14.87)

तेषां च प्रियमन्विच्छन्सूतस्य च पराभवम् । आर्तायनिरमित्रघ्नः क्रुद्धः सौभद्रमभ्ययात् ॥

teṣāṃ ca priyamanvicchansūtasya ca parābhavam | ārtāyaniramitraghnaḥ kruddhaḥ saubhadramabhyayāt

Wishing to please them, and angered by the defeat of his charioteer, Artayani, the slayer of his foes, rushed in fury at Saubhadra.