Kripa Slays Suketu; Dhrishtadyumna Strikes Down Kritavarma

Verse 1 (8.49.1)

कृतवर्मा कृपो द्रौणिः सूतपुत्रश्च मारिष । उलूकः सौबलश्चैव राजा च सह सोदरैः ॥

kṛtavarmā kṛpo drauṇiḥ sūtaputraśca māriṣa | ulūkaḥ saubalaścaiva rājā ca saha sodaraiḥ

Kritavarma, Kripa, Drona's son, and Karna the charioteer's son, O lord, Uluka and Subala's son Shakuni, and the king with his brothers,

Verse 2 (8.49.2)

सीदमानां चमूं दृष्ट्वा पाण्डुपुत्रभयार्दिताम् । समुज्जह्रुः स्म वेगेन भिन्नां नावमिवार्णवे ॥

sīdamānāṃ camūṃ dṛṣṭvā pāṇḍuputrabhayārditām | samujjahruḥ sma vegena bhinnāṃ nāvamivārṇave

seeing the army sinking, tormented by fear of the sons of Pandu, quickly lifted it up, like a broken boat in the ocean.

Verse 3 (8.49.3)

ततो युद्धमतीवासीन्मुहूर्तमिव भारत । भीरूणां त्रासजननं शूराणां हर्षवर्धनम् ॥

tato yuddhamatīvāsīnmuhūrtamiva bhārata | bhīrūṇāṃ trāsajananaṃ śūrāṇāṃ harṣavardhanam

Then, O Bharata, the fighting grew extremely fierce for what seemed a moment, striking terror into the timid and swelling the joy of the brave.

Verse 4 (8.49.4)

कृपेण शरवर्षाणि प्रतिमुक्तानि संयुगे । सृञ्जयांश्छादयामासुः शलभानां व्रजा इव ॥

kṛpeṇa śaravarṣāṇi pratimuktāni saṃyuge | sṛñjayāṃśchādayāmāsuḥ śalabhānāṃ vrajā iva

Showers of arrows loosed by Kripa in the battle covered the Srinjayas, like swarms of locusts.

Verse 5 (8.49.5)

शिखण्डी च ततः क्रुद्धो गौतमं त्वरितो ययौ । ववर्ष शरवर्षाणि समन्ताद्द्विजपुङ्गवम् ॥

śikhaṇḍī ca tataḥ kruddho gautamaṃ tvarito yayau | vavarṣa śaravarṣāṇi samantāddvijapuṅgavam

Then Shikhandi, enraged, went swiftly at Gautama and rained showers of arrows on that best of brahmins from every side.

Verse 6 (8.49.6)

कृपस्तु शरवर्षं तद्विनिहत्य महास्त्रवित् । शिखण्डिनं रणे क्रुद्धो विव्याध दशभिः शरैः ॥

kṛpastu śaravarṣaṃ tadvinihatya mahāstravit | śikhaṇḍinaṃ raṇe kruddho vivyādha daśabhiḥ śaraiḥ

But Kripa, great knower of weapons, warded off that rain of arrows and, enraged, pierced Shikhandi with ten arrows in the battle.

Verse 7 (8.49.7)

ततः शिखण्डी कुपितः शरैः सप्तभिराहवे । कृपं विव्याध कुपितं कङ्कपत्रैरजिह्मगैः ॥

tataḥ śikhaṇḍī kupitaḥ śaraiḥ saptabhirāhave | kṛpaṃ vivyādha kupitaṃ kaṅkapatrairajihmagaiḥ

Then Shikhandi, angered, pierced the angry Kripa in the battle with seven straight-flying arrows fledged with heron feathers.

Verse 8 (8.49.8)

ततः कृपः शरैस्तीक्ष्णैः सोऽतिविद्धो महारथः । ततः सुनिशितैस्तीक्ष्णैः क्षुरप्रैर्हेमभूषितैः । व्यश्वसूतरथं चक्रे शिखण्डिनमथो द्विजः ॥

tataḥ kṛpaḥ śaraistīkṣṇaiḥ so'tividdho mahārathaḥ | tataḥ suniśitaistīkṣṇaiḥ kṣuraprairhemabhūṣitaiḥ | vyaśvasūtarathaṃ cakre śikhaṇḍinamatho dvijaḥ

Then that brahmin, the great warrior Kripa, though deeply wounded by sharp arrows, left Shikhandi without horses, charioteer or chariot, with keen, sharp razor-headed arrows adorned with gold.

Note on the text: Removed the stray wiki backticks and quote mark around line 2. Line 1 = CE 8.38.8a; line 2 = CE star line 8.38.8b*0503_01 (tatas tu niśitais tīkṣṇaiḥ kṣuraprair hemabhūṣaṇaiḥ); line 3 is CE 8.38.8c (Wikisource शिखण्डिनमथो द्विजः for CE pārṣataṃ tu dvijottamaḥ), a recension variant, kept. The automatic alignment found no match.

Verse 9 (8.49.9)

हताश्वात्तु ततो यानादवप्लुत्य महारथः । खड्गं चर्म तथा गृह्य सत्वरं ब्राह्मणं ययौ ॥

hatāśvāttu tato yānādavaplutya mahārathaḥ | khaḍgaṃ carma tathā gṛhya satvaraṃ brāhmaṇaṃ yayau

His horses killed, the great warrior leapt down from his chariot, took sword and shield, and went swiftly at the brahmin.

Note on the text: Corrected खङ्गं → खड्गं (misprint in Wikisource; the critical edition reads khaḍga).

Verse 10 (8.49.10)

तमापतन्तं सहसा शरैः सन्नतपर्वभिः । वारयामास समरे तदद्भुतमिवाभवत् ॥

tamāpatantaṃ sahasā śaraiḥ sannataparvabhiḥ | vārayāmāsa samare tadadbhutamivābhavat

As he rushed suddenly forward, Kripa held him back with arrows of bent joints in the battle, and that seemed a marvel.

Verse 11 (8.49.11)

तत्राद्भुतमपश्याम शिलानां प्लवनं यथा । निश्चेष्टो यद्रणे राजञ्छिखण्डी समतिष्ठत ॥

tatrādbhutamapaśyāma śilānāṃ plavanaṃ yathā | niśceṣṭo yadraṇe rājañchikhaṇḍī samatiṣṭhata

There we saw a wonder, like the floating of stones: Shikhandi stood motionless in the battle, O king.

Verse 12 (8.49.12)

कृपेण वारितं दृष्ट्वा शिखण्डिनमथो नृप । प्रत्युद्ययौ कृपं तूर्णं धृष्टद्युम्नो महारथः ॥

kṛpeṇa vāritaṃ dṛṣṭvā śikhaṇḍinamatho nṛpa | pratyudyayau kṛpaṃ tūrṇaṃ dhṛṣṭadyumno mahārathaḥ

Seeing Shikhandi checked by Kripa, O king, the great warrior Dhrishtadyumna swiftly advanced against Kripa.

Verse 13 (8.49.13)

धृष्टद्युम्नं ततो यान्तं शारद्वतरथं प्रति । प्रतिजग्राह वेगेन कृतवर्मा महारथः ॥

dhṛṣṭadyumnaṃ tato yāntaṃ śāradvatarathaṃ prati | pratijagrāha vegena kṛtavarmā mahārathaḥ

As Dhrishtadyumna advanced toward Sharadvata's chariot, the great warrior Kritavarma met him with speed.

Verse 14 (8.49.14)

युधिष्ठिरमथायान्तं शारद्वतरथं प्रति । सपुत्रं सहसैन्यं च द्रोणपुत्रो न्यवारयत् ॥

yudhiṣṭhiramathāyāntaṃ śāradvatarathaṃ prati | saputraṃ sahasainyaṃ ca droṇaputro nyavārayat

And Yudhishthira, as he too advanced toward Sharadvata's chariot, together with his son and his army, was checked by Drona's son.

Verse 15 (8.49.15)

नकुलं सहदेवं च त्वरमाणौ महारथौ । प्रतिजग्राह ते पुत्रः शरवर्षेण वारयन् ॥

nakulaṃ sahadevaṃ ca tvaramāṇau mahārathau | pratijagrāha te putraḥ śaravarṣeṇa vārayan

Nakula and Sahadeva, those two great warriors in their haste, your son met, holding them back with a shower of arrows.

Verse 16 (8.49.16)

भीमसेनं करूशांश्च केकयान्सह सृञ्जयैः । कर्णो वैकर्तनो युद्धे वारयामास भारत ॥

bhīmasenaṃ karūśāṃśca kekayānsaha sṛñjayaiḥ | karṇo vaikartano yuddhe vārayāmāsa bhārata

Bhimasena, the Karushas, and the Kekayas together with the Srinjayas, Karna Vaikartana held back in the battle, O Bharata.

Verse 17 (8.49.17)

शिखण्डिने ततो बाणान्कृपः शारद्वतो युधि । प्राहिणोत्त्वरया युक्तो बीभत्सोरथ सन्निधौ ॥

śikhaṇḍine tato bāṇānkṛpaḥ śāradvato yudhi | prāhiṇottvarayā yukto bībhatsoratha sannidhau

Then Kripa Sharadvata, hurrying, sent arrows at Shikhandi in the battle, close to where Bibhatsu stood.

Note on the text: Corrected प्राहिणोत्तवरया → प्राहिणोत्त्वरया (misprint in Wikisource; the conjunct त्त्व broken; the critical edition reads tvarayā). Line 2 is a recension variant of CE 8.38.17cd (tvarayā yukto didhakṣur iva māriṣa); बीभत्सोरथ सन्निधौ is read as बीभत्सोः अथ सन्निधौ ("then, in the presence of Bibhatsu").

Verse 18 (8.49.18)

ताञ्छरान्प्रेषितांस्तेन समन्तात्स्वर्णभूषितान् । चिच्छेद खड्गमाविध्य भ्रामयंश्च पुनः पुनः ॥

tāñcharānpreṣitāṃstena samantātsvarṇabhūṣitān | ciccheda khaḍgamāvidhya bhrāmayaṃśca punaḥ punaḥ

Whirling his sword round and round, again and again, he cut down those gold-adorned arrows that Kripa had sent from every side.

Note on the text: Corrected खङ्गमाविध्य → खड्गमाविध्य (misprint in Wikisource; the critical edition reads khaḍgam).

Verse 19 (8.49.19)

शतचन्द्रं च तच्चर्म गौतमस्तस्य भारत । व्यधमत्सायकैस्तूर्णं तत उच्चुक्रुशुर्जनाः ॥

śatacandraṃ ca taccarma gautamastasya bhārata | vyadhamatsāyakaistūrṇaṃ tata uccukruśurjanāḥ

And Gautama, O Bharata, quickly shredded with his arrows that hundred-moon shield of his, and the people shouted aloud.

Verse 20 (8.49.20)

स विचर्मा महाराज खड्गपाणिरुपाद्रवत् । कृपस्तं शरसङ्घातैराद्रवन्तमपीडयत् ॥

sa vicarmā mahārāja khaḍgapāṇirupādravat | kṛpastaṃ śarasaṅghātairādravantamapīḍayat

Shieldless, sword in hand, O great king, he rushed forward; and Kripa tormented him with showers of arrows as he came on.

Note on the text: Corrected खङ्गपाणि → खड्गपाणि (misprint in Wikisource; the critical edition reads khaḍgapāṇiḥ). Line 1 = CE 8.38.20a; line 2 (कृपस्तं शरसङ्घातैराद्रवन्तमपीडयत्) is a recension variant of CE 8.38.20c (kṛpasya vaśam āpanno mṛtyor āsyam ivāturaḥ). The automatic alignment found no match.

Verse 21 (8.49.21)

शारद्वतशरैर्ग्रस्तं क्लिश्यमानं महाबलः । चित्रकेतुसुतो राजन्सुकेतुस्त्वरितो ययौ ॥

śāradvataśarairgrastaṃ kliśyamānaṃ mahābalaḥ | citraketusuto rājansuketustvarito yayau

Seeing him oppressed and tormented by Sharadvata's arrows, mighty Suketu, son of Chitraketu, went swiftly to him, O king.

Verse 22 (8.49.22)

विकिरन्ब्राह्मणं युद्धे बहुभिर्निशितैः शरैः । अभ्यापतदमेयात्मा गौतमस्य रथं प्रति ॥

vikiranbrāhmaṇaṃ yuddhe bahubhirniśitaiḥ śaraiḥ | abhyāpatadameyātmā gautamasya rathaṃ prati

Scattering many sharp arrows over the brahmin in the battle, that one of immeasurable spirit charged at Gautama's chariot.

Verse 23 (8.49.23)

दृष्ट्वा विषक्तं तं चैव ब्राह्मणं च निवारितम् । अपयातस्ततस्तूर्णं शिखण्डी राजसत्तम ॥

dṛṣṭvā viṣaktaṃ taṃ caiva brāhmaṇaṃ ca nivāritam | apayātastatastūrṇaṃ śikhaṇḍī rājasattama

Seeing that warrior engaged and the brahmin checked, Shikhandi then quickly withdrew, O best of kings.

Verse 24 (8.49.24)

सुकेतुस्तु ततो राजन्गौतमं नवभिः शरैः । विद्ध्वा विव्याध सप्तत्या पुनश्चैनं त्रिभिः शरैः ॥

suketustu tato rājangautamaṃ navabhiḥ śaraiḥ | viddhvā vivyādha saptatyā punaścainaṃ tribhiḥ śaraiḥ

But Suketu, O king, having pierced Gautama with nine arrows, struck him with seventy more, and again with three arrows.

Verse 25 (8.49.25)

अथास्य सशरं चापं पुनश्चिच्छेद मारिष । सारथिं च शरेणास्य भृशं मर्मस्वताडयत् ॥

athāsya saśaraṃ cāpaṃ punaściccheda māriṣa | sārathiṃ ca śareṇāsya bhṛśaṃ marmasvatāḍayat

Then, O lord, he cut Kripa's bow in two again, arrow and all, and with an arrow struck his charioteer hard in the vital parts.

Note on the text: Corrected मृशं → भृशं (misprint in Wikisource; म for भ; "mṛśam" is not a word, and the critical edition reads bhṛśam).

Verse 26 (8.49.26)

गौतमस्तु ततः क्रुद्धो धनुर्गृह्य नवं दृढम् । सुकेतुं त्रिंशता बाणैः सर्वमर्मस्वताडयत् ॥

gautamastu tataḥ kruddho dhanurgṛhya navaṃ dṛḍham | suketuṃ triṃśatā bāṇaiḥ sarvamarmasvatāḍayat

But Gautama, angered, took up a new, strong bow and struck Suketu with thirty arrows in all his vital parts.

Verse 27 (8.49.27)

स विह्वलितसर्वाङ्गः प्रचचाल रथोत्तमे । भूमिकम्पे यथा वृक्षश्चचालाकम्पितो भृशम् ॥

sa vihvalitasarvāṅgaḥ pracacāla rathottame | bhūmikampe yathā vṛkṣaścacālākampito bhṛśam

His whole body trembling, he swayed on his excellent chariot, like a tree shaken violently in an earthquake.

Verse 28 (8.49.28)

चलतस्तस्य कायात्तु शिरो ज्वलितकुण्डलम् । सोष्णीषं सशिरस्त्राणं क्षुरप्रेण त्वपातयत् ॥

calatastasya kāyāttu śiro jvalitakuṇḍalam | soṣṇīṣaṃ saśirastrāṇaṃ kṣurapreṇa tvapātayat

As he swayed, Kripa struck off from his body, with a razor-headed arrow, that head with its blazing earrings, turban and helmet together.

Note on the text: Corrected कायात्तुं → कायात्तु (misprint in Wikisource; a stray anusvara; the critical edition reads kāyāt tu).

Verse 29 (8.49.29)

तच्छिरः प्रापतद्भूमौ श्येनाहृतमिवामिषम् । ततोऽस्य कायो वसुधां पश्चात्प्रापतदच्युत ॥

tacchiraḥ prāpatadbhūmau śyenāhṛtamivāmiṣam | tato'sya kāyo vasudhāṃ paścātprāpatadacyuta

That head fell to the ground like a piece of flesh carried off by a hawk; then, O sovereign, his body fell to earth after it.

Verse 30 (8.49.30)

तस्मिन्हते महाराज पुत्रास्तस्य पदानुगाः । गौतमं समरे त्यक्त्वा दुद्रुवुस्ते दिशो दश ॥

tasminhate mahārāja putrāstasya padānugāḥ | gautamaṃ samare tyaktvā dudruvuste diśo daśa

When he was slain, O great king, his sons, who followed in his steps, abandoned Gautama in the battle and fled in the ten directions.

Verse 31 (8.49.31)

धृष्टद्युम्नं तु समरे सन्निवार्य महारथः । कृतवर्माऽब्रवीद्धृष्टस्तिष्ठतिष्ठेति भारत ॥

dhṛṣṭadyumnaṃ tu samare sannivārya mahārathaḥ | kṛtavarmā'bravīddhṛṣṭastiṣṭhatiṣṭheti bhārata

Meanwhile the mighty warrior Kritavarma, having checked Dhrishtadyumna in the battle, said boldly, “Stand, stand!” O Bharata.

Note on the text: Corrected कृतवर्माऽब्रवीद्वृष्टः → कृतवर्माऽब्रवीद्धृष्टः (misprint in Wikisource; व for ध; वृष्ट is "rained", and the critical edition reads dhṛṣṭaḥ).

Verse 32 (8.49.32)

तदभूत्तुमुलं युद्धं वृष्णिपार्षतयो रणे । आमिषार्थे यथा युद्धं श्येनयोः क्रुद्धयोर्नृप ॥

tadabhūttumulaṃ yuddhaṃ vṛṣṇipārṣatayo raṇe | āmiṣārthe yathā yuddhaṃ śyenayoḥ kruddhayornṛpa

A tumultuous battle then arose between the Vrishni and the son of Prishata, like the fight of two furious hawks over a piece of flesh, O king.

Note on the text: Corrected युद्वं → युद्धं (misprint in Wikisource; द्व for द्ध).

Verse 33 (8.49.33)

धृष्टद्युम्नस्तु समरे हार्दिक्यं नवभिः शरैः । आजघानोरसि क्रुद्धः पीडयन्हृदिकात्मजम् ॥

dhṛṣṭadyumnastu samare hārdikyaṃ navabhiḥ śaraiḥ | ājaghānorasi kruddhaḥ pīḍayanhṛdikātmajam

Enraged, Dhrishtadyumna struck Hardikya in the chest with nine arrows in the battle, tormenting the son of Hridika.

Note on the text: Corrected क्रुद्वः → क्रुद्धः (misprint in Wikisource; द्व for द्ध).

Verse 34 (8.49.34)

कृतवर्मा तु समरे पार्षतेन दृढाहतः । पार्षतं सरथं साश्वं छादयामास सायकैः ॥

kṛtavarmā tu samare pārṣatena dṛḍhāhataḥ | pārṣataṃ sarathaṃ sāśvaṃ chādayāmāsa sāyakaiḥ

Struck hard by Parshata in the battle, Kritavarma covered Parshata, with his chariot and horses, with arrows.

Verse 35 (8.49.35)

सरथश्छादितो राजन्धृष्टद्युम्नो न दृश्यते । मेघैरिव परिच्छन्नो भास्करो जलधारिभिः ॥

sarathaśchādito rājandhṛṣṭadyumno na dṛśyate | meghairiva paricchanno bhāskaro jaladhāribhiḥ

Covered along with his chariot, O king, Dhrishtadyumna could not be seen, like the sun hidden by water-bearing clouds.

Verse 36 (8.49.36)

विधूय तं बाणगणं शरैः कनकभूषणैः । व्यरोचत रणे राजन्धृष्टद्युम्नः कृतव्रणः ॥

vidhūya taṃ bāṇagaṇaṃ śaraiḥ kanakabhūṣaṇaiḥ | vyarocata raṇe rājandhṛṣṭadyumnaḥ kṛtavraṇaḥ

Shaking off that mass of arrows with gold-adorned shafts, O king, Dhrishtadyumna, though wounded, shone in the battle.

Verse 37 (8.49.37)

ततस्तु पार्षतः क्रुद्धः शस्त्रवृष्टिं सुदारुणाम् । कृतवर्माणमासाद्य व्यसृजत्पृतनापतिः ॥

tatastu pārṣataḥ kruddhaḥ śastravṛṣṭiṃ sudāruṇām | kṛtavarmāṇamāsādya vyasṛjatpṛtanāpatiḥ

Then Parshata, the army's leader, enraged, came up to Kritavarma and let fly a most terrible rain of weapons.

Verse 38 (8.49.38)

तामापतन्तीं सहसा शस्त्रवृष्टिं सुदारुणाम् । शरैरनेकसाहस्रैर्हार्दिक्योऽवारयद्युधि ॥

tāmāpatantīṃ sahasā śastravṛṣṭiṃ sudāruṇām | śarairanekasāhasrairhārdikyo'vārayadyudhi

As that most terrible rain of weapons suddenly fell upon him, Hardikya checked it in the battle with many thousands of arrows.

Note on the text: Lines = CE 8.38.38ab-cd (Wikisource शरैरनेकसाहस्रैर्हार्दिक्योऽवारयद्युधि for CE … hārdikyo vyadhamad yudhi), a recension variant. The automatic alignment found no match.

Verse 39 (8.49.39)

दृष्ट्वा तु वारितां युद्धे शस्त्रवृष्टिं दुरासदाम् । कृतवर्माणमासाद्य वारयामास पार्षतः ॥

dṛṣṭvā tu vāritāṃ yuddhe śastravṛṣṭiṃ durāsadām | kṛtavarmāṇamāsādya vārayāmāsa pārṣataḥ

Seeing that formidable rain of weapons checked in the battle, Parshata attacked Kritavarma and held him back.

Verse 40 (8.49.40)

यथा युग्मरथेनाजौ वाहान्वाहैरमिश्रयत् । गृहीत्वा चर्म खड्गं च रथं तस्यावपुप्लुवे ॥

yathā yugmarathenājau vāhānvāhairamiśrayat | gṛhītvā carma khaḍgaṃ ca rathaṃ tasyāvapupluve

Just as he mingled steed with steed in the battle by means of the paired chariot, taking shield and sword he leapt onto his chariot.

Note on the text: Corrected खङ्गं → खड्गं (misprint in Wikisource; the critical edition's Appendix reads khaḍgaṃ). Corrected वाहेरमिश्रयत् → वाहैरमिश्रयत् (misprint in Wikisource; ए for ऐ; the Appendix reads vāhair amiśrayat). Removed the stray wiki backtick that opens the interpolated passage (it runs from this verse to verse 47). Not in the critical edition's main text; it is CE Appendix I No. 13 (printed after 8.38.38), lines 0001 and 0003 (8.38.38d@013_0001, 0003); Wikisource omits line 0002 (tathaiva sātvato rājan vāhān vāhair amiśrayat), so the line has no stated subject, and युग्मरथेन stands for the Appendix's rukmarathena (a variant, kept).

Verse 41 (8.49.41)

मिलितेष्वथ वाहेषु प्रत्यासन्ने च पार्षते । दृष्ट्वाऽपदानं तस्याशु गदां जग्राह सात्वतः ॥

militeṣvatha vāheṣu pratyāsanne ca pārṣate | dṛṣṭvā'padānaṃ tasyāśu gadāṃ jagrāha sātvataḥ

When the steeds were mingled and Parshata was close, seeing his bold deed, the Satvata (Kritavarma) quickly took up a mace.

Note on the text: Not in the critical edition's main text; it is CE Appendix I No. 13 (printed after 8.38.38), lines 0004–0005 (8.38.38d@013_0004–0005).

Verse 42 (8.49.42)

गदापाणिस्ततो राजन्रथात्तूर्णमवप्लुतः । तमदृष्ट्वा रथोपस्थे सारथिं समताडयत् ॥

gadāpāṇistato rājanrathāttūrṇamavaplutaḥ | tamadṛṣṭvā rathopasthe sārathiṃ samatāḍayat

Then, O king, mace in hand, he leapt swiftly down from the chariot; not seeing him on the seat of the chariot, he struck the charioteer.

Note on the text: Not in the critical edition's main text; it is CE Appendix I No. 13 (printed after 8.38.38), lines 0006–0007 (8.38.38d@013_0006–0007).

Verse 43 (8.49.43)

खड्गेन शितधारेण स हतः प्रापतद्रथात् । कृतवर्मा ततो हृष्टस्तलशब्दं चकार ह ॥

khaḍgena śitadhāreṇa sa hataḥ prāpatadrathāt | kṛtavarmā tato hṛṣṭastalaśabdaṃ cakāra ha

Struck by the sharp-edged sword, he fell from the chariot. Then Kritavarma, delighted, made the slapping sound of challenge.

Note on the text: Corrected खङ्गेन → खड्गेन (misprint in Wikisource; the critical edition's Appendix reads khaḍgena). Not in the critical edition's main text; it is CE Appendix I No. 13 (printed after 8.38.38), lines 0008–0009 (8.38.38d@013_0008–0009).

Verse 44 (8.49.44)

पार्षतं चाब्रवीद्राजन्नेह्येहीति पुनःपुनः । स तं न ममृषे युद्धे तलशब्दं समीरितम् ॥

pārṣataṃ cābravīdrājannehyehīti punaḥpunaḥ | sa taṃ na mamṛṣe yuddhe talaśabdaṃ samīritam

And, O king, he said to Parshata again and again, “Come, come!” But in the battle he could not bear that slapping sound that had been made.

Note on the text: Corrected युद्वे → युद्धे (misprint in Wikisource; द्व for द्ध). Not in the critical edition's main text; it is CE Appendix I No. 13 (printed after 8.38.38), lines 0010–0011 (8.38.38d@013_0010–0011); Wikisource omits line 0012.

Verse 45 (8.49.45)

अवप्लुत्य रथात्तस्मात्स्वरथं पुनरास्थितः । अभ्ययात्स तु तत्तूर्णं तिष्ठतिष्ठेति चाब्रवीत् ॥

avaplutya rathāttasmātsvarathaṃ punarāsthitaḥ | abhyayātsa tu tattūrṇaṃ tiṣṭhatiṣṭheti cābravīt

Leaping down from that chariot, he mounted his own chariot again, and quickly went at him, saying, “Stand, stand!”

Note on the text: Not in the critical edition's main text; it is CE Appendix I No. 13 (printed after 8.38.38), lines 0013–0014 (8.38.38d@013_0013–0014); Wikisource omits lines 0015–0016.

Verse 46 (8.49.46)

ततो राजन्महेष्वासं कृतवर्माणमाशु वै । गदां गृह्य पुनर्वेगात्कृतवर्माणमाहनत् ॥

tato rājanmaheṣvāsaṃ kṛtavarmāṇamāśu vai | gadāṃ gṛhya punarvegātkṛtavarmāṇamāhanat

Then, O king, he swiftly attacked the great archer Kritavarma; taking up his mace again, he struck Kritavarma with force.

Note on the text: Not in the critical edition's main text; it is CE Appendix I No. 13 (printed after 8.38.38), line 0020 (with its near-duplicate 0017) and line 0018 (8.38.38d@013_0017/0020, 0018).

Verse 47 (8.49.47)

सोऽतिविद्धो बलवता न्यपतन्मूर्च्छया हतः । श्रुतर्वा रथमारोप्य अपोवाह रणाजिरात् ॥

so'tividdho balavatā nyapatanmūrcchayā hataḥ | śrutarvā rathamāropya apovāha raṇājirāt

Gravely struck by the mighty one, he fell down, struck senseless; and Shrutarva lifted him onto a chariot and carried him from the field of battle.

Note on the text: Corrected अतिविद्वो → अतिविद्धो (misprint in Wikisource; द्व for द्ध). Removed the stray wiki quote mark that closes the interpolated passage. Not in the critical edition's main text; it is CE Appendix I No. 13 (printed after 8.38.38), lines 0019 and 0021 (8.38.38d@013_0019, 0021); Wikisource reads श्रुतर्वा for the Appendix's śrutavān.

Verse 48 (8.49.48)

धृष्टद्युम्नस्तु समरे दृष्ट्वा शत्रुं महारथः । कौरवान्समरे तूर्णं वारयामास सायकैः ॥

dhṛṣṭadyumnastu samare dṛṣṭvā śatruṃ mahārathaḥ | kauravānsamare tūrṇaṃ vārayāmāsa sāyakaiḥ

Seeing the enemy before him, Dhrishtadyumna, the great warrior, swiftly checked the Kauravas in the battle with his arrows.

Verse 49 (8.49.49)

ततस्ते तावका योधा धृष्टद्युम्नमुपाद्रवन् । सिंहनादरवांश्चक्रुस्ततो युद्धमवर्तत ॥

tataste tāvakā yodhā dhṛṣṭadyumnamupādravan | siṃhanādaravāṃścakrustato yuddhamavartata

Then those warriors of yours rushed at Dhrishtadyumna, raising lion-roars, and the battle went on.