Skanda's Host of Mothers; the Fall of Taraka and Bana

Verse 1 (9.47.1)

शृणु मातृगणान्राजन्कुमारानुचरानिमान् । कीर्त्यमानान्मया वीर सपत्नगणसूदनान् ॥

śṛṇu mātṛgaṇānrājankumārānucarānimān | kīrtyamānānmayā vīra sapatnagaṇasūdanān

Hear, O king, of these troops of Mothers who followed Kumara, whom I now name, O hero, slayers of whole hosts of enemies.

Note on the text: Speaker heading "वैशम्पायन उवाच" (row 9-47-1x) printed above this verse.

Verse 2 (9.47.2)

यशस्विनीनां मातॄणां शृणु नामानि भारत । याभिर्व्याप्तास्त्रयोलोकाः कल्याणीभिश्च भागशः ॥

yaśasvinīnāṃ mātṝṇāṃ śṛṇu nāmāni bhārata | yābhirvyāptāstrayolokāḥ kalyāṇībhiśca bhāgaśaḥ

Hear, O Bharata, the names of the glorious Mothers, the auspicious ones by whom the three worlds were pervaded, each in its share.

Note on the text: Corrected वायप्ता → व्याप्ता (misprint in Wikisource; dropped conjunct; the critical edition reads vyāptās).

Verse 3 (9.47.3)

प्रभावती विशालाक्षी पालिता गोस्तानी तथा । श्रीमती बहुला चैव तथैव बहुपुत्रिका ॥

prabhāvatī viśālākṣī pālitā gostānī tathā | śrīmatī bahulā caiva tathaiva bahuputrikā

Prabhavati, Vishalakshi, Palita and Gostani; Shrimati, Bahula, and likewise Bahuputrika;

Verse 4 (9.47.4)

अप्सुजाता च गोपाली बृहदम्बालिका तथा । जयावती मालतिका ध्रुवरत्ना भयङ्करी ॥

apsujātā ca gopālī bṛhadambālikā tathā | jayāvatī mālatikā dhruvaratnā bhayaṅkarī

Apsujata, Gopali, and Brihadambalika; Jayavati, Malatika, Dhruvaratna and Bhayankari;

Verse 5 (9.47.5)

वसुदामा च दामा च विशोका नन्दिनी तथा । एकचूडा महाचूडा चक्रनेमिश्च भारत ॥

vasudāmā ca dāmā ca viśokā nandinī tathā | ekacūḍā mahācūḍā cakranemiśca bhārata

Vasudama, Dama, Vishoka and Nandini; Ekachuda, Mahachuda and Chakranemi, O Bharata;

Verse 6 (9.47.6)

उत्तेजनी जयत्सेना कमलाक्ष्यथ शोभना । शत्रुञ्जया तथा चैव क्रोधना शलभी खरी ॥

uttejanī jayatsenā kamalākṣyatha śobhanā | śatruñjayā tathā caiva krodhanā śalabhī kharī

Uttejani, Jayatsena, Kamalakshi and Shobhana; Shatrunjaya, Krodhana, Shalabhi and Khari;

Verse 7 (9.47.7)

माधवी शुभवक्त्रा च तीर्थसेनिश्च भारत । गीतप्रिया च कल्याणी रुद्ररोमाऽमिताशना ॥

mādhavī śubhavaktrā ca tīrthaseniśca bhārata | gītapriyā ca kalyāṇī rudraromā'mitāśanā

Madhavi, Shubhavaktra and Tirthaseni, O Bharata; Gitapriya, Kalyani, Rudraroma and Amitashana;

Verse 8 (9.47.8)

मेघस्वना भोगवती सुभ्रूश्च कनकावती । अलाताक्षी वीर्यवती विद्युज्जिह्वा च भारत ॥

meghasvanā bhogavatī subhrūśca kanakāvatī | alātākṣī vīryavatī vidyujjihvā ca bhārata

Meghasvana, Bhogavati, Subhru and Kanakavati; Alatakshi, Viryavati and Vidyujjihva, O Bharata;

Verse 9 (9.47.9)

पुन्नावती सुनक्षत्रा कन्दरा बहुयोजना । सन्तानिका च कौरव्य कमला च महाबला ॥

punnāvatī sunakṣatrā kandarā bahuyojanā | santānikā ca kauravya kamalā ca mahābalā

Punnavati, Sunakshatra, Kandara and Bahuyojana; Santanika, O Kaurava, and the mighty Kamala;

Verse 10 (9.47.10)

सुदामा बहुदामा च सुप्रभा च यशस्विनी । नृत्यप्रिया च राजेन्द्र शतोलूखलमेखला ॥

sudāmā bahudāmā ca suprabhā ca yaśasvinī | nṛtyapriyā ca rājendra śatolūkhalamekhalā

Sudama, Bahudama, Suprabha and Yashasvini; and Nrityapriya and Shatolukhalamekhala, O king of kings;

Verse 11 (9.47.11)

शतघण्टा शतानन्दा भगनन्दा च भाविनी । वपुष्मती चन्द्रशीता भद्रकाली च भारत ॥

śataghaṇṭā śatānandā bhaganandā ca bhāvinī | vapuṣmatī candraśītā bhadrakālī ca bhārata

Shataghanta, Shatananda, Bhagananda and Bhavini; Vapushmati, Chandrashita and Bhadrakali, O Bharata;

Verse 12 (9.47.12)

ऋक्षाम्बिका निष्कुटिका वामा चत्वरवासिनी । सुमङ्गला स्वस्तिमती बुद्धिकामा जयप्रिया ॥

ṛkṣāmbikā niṣkuṭikā vāmā catvaravāsinī | sumaṅgalā svastimatī buddhikāmā jayapriyā

Rikshambika, Nishkutika, Vama and Chatvaravasini; Sumangala, Svastimati, Buddhikama and Jayapriya;

Verse 13 (9.47.13)

धनदा सुप्रसादा च भवदा च जलेश्वरी । एडी भेडी समेडी च वेतालजननी तथा ॥

dhanadā suprasādā ca bhavadā ca jaleśvarī | eḍī bheḍī sameḍī ca vetālajananī tathā

Dhanada, Suprasada, Bhavada and Jaleshvari; Edi, Bhedi, Samedi and Vetalajanani;

Verse 14 (9.47.14)

कण्डूतिः कालिका चैव देवमित्रा च भारत । वसुश्रीः कोटरा चैव चित्रसेना तथाऽचला ॥

kaṇḍūtiḥ kālikā caiva devamitrā ca bhārata | vasuśrīḥ koṭarā caiva citrasenā tathā'calā

Kandūti, Kalika and Devamitra, O Bharata; Vasushri, Kotara, Chitrasena and Achala;

Note on the text: Line 1 = CE 9.45.13e; line 2 is a vulgate variant of CE 9.45.14a (different names).

Verse 15 (9.47.15)

कुक्कुटिका शङ्खलिका तथा शकुनिका नृप । कुण्डारिका कौकुलिका कुम्भिकाऽथ शतोदरी ॥

kukkuṭikā śaṅkhalikā tathā śakunikā nṛpa | kuṇḍārikā kaukulikā kumbhikā'tha śatodarī

Kukkutika, Shankhalika and Shakunika, O king; Kundarika, Kaukulika, Kumbhika and Shatodari;

Note on the text: Line 1 ≈ CE 9.45.14c; line 2 ≈ CE 9.45.15a (both with variant names).

Verse 16 (9.47.16)

उत्क्राथिनी जलेला च महावेगा च कङ्कणा । मनोजवा कण्टकिनी प्रघसा पूतना तथा ॥

utkrāthinī jalelā ca mahāvegā ca kaṅkaṇā | manojavā kaṇṭakinī praghasā pūtanā tathā

Utkrathini, Jalela, Mahavega and Kankana; Manojava, Kantakini, Praghasa and Putana;

Note on the text: Line 1 ≈ CE 9.45.15c; line 2 = CE 9.45.16a.

Verse 17 (9.47.17)

केशयन्त्री त्रुटिर्वामा क्रोशनाऽथ तडित्प्रभा । मन्दोदरी च मुण्डी च कोटरा मेघवाहिनी ॥

keśayantrī truṭirvāmā krośanā'tha taḍitprabhā | mandodarī ca muṇḍī ca koṭarā meghavāhinī

Keshayantri, Truti, Vama, Kroshana and Taditprabha; Mandodari, Mundi, Kotara and Meghavahini;

Note on the text: Line 1 ≈ CE 9.45.16c; line 2 ≈ CE 9.45.17a (variant names).

Verse 18 (9.47.18)

सुभगा लम्बिनी लम्बा ताम्रचूडा विकाशिनी । ऊर्ध्ववेणीधरा चैव पिङ्गाक्षी लोहमेखला ॥

subhagā lambinī lambā tāmracūḍā vikāśinī | ūrdhvaveṇīdharā caiva piṅgākṣī lohamekhalā

Subhaga, Lambini, Lamba, Tamrachuda and Vikashini; Urdhvavenidhara, Pingakshi and Lohamekhala;

Note on the text: Line 1 ≈ CE 9.45.17c; line 2 = CE 9.45.18a.

Verse 19 (9.47.19)

पृथुवस्त्रा मधुलिका मधुकुम्भा तथैव च । पक्षालिका मत्कुलिका जरायुर्जर्जरानना ॥

pṛthuvastrā madhulikā madhukumbhā tathaiva ca | pakṣālikā matkulikā jarāyurjarjarānanā

Prithuvastra, Madhulika and Madhukumbha; Pakshalika, Matkulika, Jarayu and Jarjarānana;

Note on the text: Line 1 = CE 9.45.18c; line 2 = CE 9.45.19a.

Verse 20 (9.47.20)

ख्याता दहदहा चैव तथा धमधमा नृप । खण्डखण्डा च राजेन्द्र पूषणा मणिकुट्टिका ॥

khyātā dahadahā caiva tathā dhamadhamā nṛpa | khaṇḍakhaṇḍā ca rājendra pūṣaṇā maṇikuṭṭikā

Khyata, Dahadaha and Dhamadhama, O king; Khandakhanda, O king of kings, Pushana and Manikuttika;

Note on the text: Line 1 = CE 9.45.19c; line 2 = CE 9.45.20a.

Verse 21 (9.47.21)

अमोघा चैव कौरव्य तथा लम्बपयोधरा । वेणुवीणाधरा चैव पिङ्गाक्षी लोहमेखला ॥

amoghā caiva kauravya tathā lambapayodharā | veṇuvīṇādharā caiva piṅgākṣī lohamekhalā

Amogha, O Kaurava, and Lambapayodhara; Venuvinadhara, Pingakshi and Lohamekhala;

Note on the text: Line 1 = CE 9.45.20c; line 2 = CE 9.45.21a.

Verse 22 (9.47.22)

शशोलूकमुखी कृष्णा खरजङ्घा महाजवा । शिशुमारमुखी श्वेता लोहिताक्षी विभीषणा ॥

śaśolūkamukhī kṛṣṇā kharajaṅghā mahājavā | śiśumāramukhī śvetā lohitākṣī vibhīṣaṇā

Shasholukamukhi, Krishna, Kharajangha and Mahajava; Shishumaramukhi, Shveta, Lohitakshi and Vibhishana;

Note on the text: Corrected शशोकूलमुखी → शशोलूकमुखी (misprint in Wikisource; letters transposed (कू-ल for लू-क), not a word; the critical edition reads śaśolūkamukhī). Line 1 = CE 9.45.21c; line 2 = CE 9.45.22a.

Verse 23 (9.47.23)

जटालिका कामचरी दीर्घजिह्वा बलोत्कटा । कालेहिका वामनिका मुकुटा चैव भारत ॥

jaṭālikā kāmacarī dīrghajihvā balotkaṭā | kālehikā vāmanikā mukuṭā caiva bhārata

Jatalika, Kamachari, Dirghajihva and Balotkata; Kalehika, Vamanika and Mukuta, O Bharata;

Note on the text: Line 1 = CE 9.45.22c; line 2 = CE 9.45.23a.

Verse 24 (9.47.24)

लोहिताक्षी महाकाया हरिपिण्डा च भूमिप । एकत्वचा सुकुसुमा कृष्णकर्णी च भारत ॥

lohitākṣī mahākāyā haripiṇḍā ca bhūmipa | ekatvacā sukusumā kṛṣṇakarṇī ca bhārata

Lohitakshi, Mahakaya and Haripinda, O lord of the earth; Ekatvacha, Sukusuma and Krishnakarni, O Bharata;

Note on the text: Line 1 = CE 9.45.23c; line 2 = CE 9.45.24a.

Verse 25 (9.47.25)

क्षुरकर्णी चतुष्कर्णी कर्णप्रावरणा तथा । चतुष्पथनिकेता च गोकर्णी महिषानना ॥

kṣurakarṇī catuṣkarṇī karṇaprāvaraṇā tathā | catuṣpathaniketā ca gokarṇī mahiṣānanā

Kshurakarni, Chatushkarni and Karnapravarana; Chatushpathaniketa, Gokarni and Mahishanana;

Note on the text: Line 1 = CE 9.45.24c; line 2 = CE 9.45.25a.

Verse 26 (9.47.26)

खरकर्णी महाकर्णी भेरीस्वनमहास्वना । शङ्खकुम्भश्रवाश्चैव भगदा च महाबला ॥

kharakarṇī mahākarṇī bherīsvanamahāsvanā | śaṅkhakumbhaśravāścaiva bhagadā ca mahābalā

Kharakarni, Mahakarni and Bherisvanamahasvana; Shankhakumbhashrava and the mighty Bhagada;

Note on the text: Line 1 = CE 9.45.25c; line 2 = CE 9.45.26a.

Verse 27 (9.47.27)

गणा च सुगणा चैव तथा भीत्यथ कामदा । चतुष्पथरता चैव भूतितीर्थान्यगोचरी ॥

gaṇā ca sugaṇā caiva tathā bhītyatha kāmadā | catuṣpatharatā caiva bhūtitīrthānyagocarī

Gana and Sugana, Bhiti and Kamada; Chatushpatharata and Bhutitirthanyagochari;

Note on the text: Line 1 = CE 9.45.26c; line 2 = CE 9.45.27a.

Verse 28 (9.47.28)

पशुदा वित्तदा चैव सुखदा च महायशाः । पयोदा गोमहिषदा सविशाला च भारत ॥

paśudā vittadā caiva sukhadā ca mahāyaśāḥ | payodā gomahiṣadā saviśālā ca bhārata

Pashuda, Vittada, Sukhada and Mahayasha; Payoda, Gomahishada and Savishala, O Bharata;

Note on the text: Line 1 = CE 9.45.27c; line 2 = CE 9.45.27e.

Verse 29 (9.47.29)

प्रतिष्ठा सुप्रतिष्ठा च रोचमाना सुरोचना । नौकर्णी मुखकर्णी च विशिरा मन्थिनी तथा ॥

pratiṣṭhā supratiṣṭhā ca rocamānā surocanā | naukarṇī mukhakarṇī ca viśirā manthinī tathā

Pratishtha, Supratishtha, Rochamana and Surochana; Naukarni, Mukhakarni, Vishira and Manthini;

Note on the text: Line 1 = CE 9.45.28a; line 2 ≈ CE 9.45.28c (variant names).

Verse 30 (9.47.30)

एकचन्द्रा मेघकर्णा मेघमाला विरोचना । एताश्चान्याश्च बहवो मातरो भरतर्षभ ॥

ekacandrā meghakarṇā meghamālā virocanā | etāścānyāśca bahavo mātaro bharatarṣabha

Ekachandra, Meghakarna, Meghamala and Virochana. These and many other Mothers, O best of the Bharatas,

Note on the text: Line 1 = CE 9.45.28e; line 2 = CE 9.45.29a.

Verse 31 (9.47.31)

कार्तिकेयानुयायिन्यो नानारूपाः सहस्रशः । दीर्घनख्यो दीर्घदन्त्यो दीर्घतुण्ड्यश्च भारत ॥

kārtikeyānuyāyinyo nānārūpāḥ sahasraśaḥ | dīrghanakhyo dīrghadantyo dīrghatuṇḍyaśca bhārata

follow Karttikeya in thousands of shapes: long-nailed, long-toothed and long-snouted, O Bharata,

Note on the text: Corrected दीर्घतुण्ड्श्च → दीर्घतुण्ड्यश्च (misprint in Wikisource; broken conjunct, dropped य; the critical edition reads dīrghatuṇḍyaś). Line 1 = CE 9.45.29c; line 2 = CE 9.45.30a.

Verse 32 (9.47.32)

सबला मधुराश्चैव यौवनस्थाः स्वलङ्कृताः । माहात्म्येन च संयुक्ताः कामरूपधरास्तथा ॥

sabalā madhurāścaiva yauvanasthāḥ svalaṅkṛtāḥ | māhātmyena ca saṃyuktāḥ kāmarūpadharāstathā

strong and sweet, in the bloom of youth and well adorned, endowed with greatness and able to take any form at will;

Note on the text: Line 1 = CE 9.45.30c (reading सबला for saralā); line 2 = CE 9.45.31a.

Verse 33 (9.47.33)

निर्मासगात्र्यः श्वेताश्च तथा काञ्चनसन्निभाः । कृष्णमेघनिभाश्चान्या धूम्राश्च भरतर्षभ ॥

nirmāsagātryaḥ śvetāśca tathā kāñcanasannibhāḥ | kṛṣṇameghanibhāścānyā dhūmrāśca bharatarṣabha

some with fleshless limbs, some white, some gold-coloured, others dark as black clouds, and others smoky grey, O best of the Bharatas;

Note on the text: Corrected धूम्नाश्च → धूम्राश्च (misprint in Wikisource; न for र, not a word in context; the critical edition reads dhūmrāś). Line 1 = CE 9.45.31c; line 2 = CE 9.45.32a.

Verse 34 (9.47.34)

अरुणाभा महाभोगा दीर्घकेश्यः सिताम्बराः । ऊर्ध्ववेणीधराश्चैव पिङ्गाक्ष्यो लम्बमेखलाः ॥

aruṇābhā mahābhogā dīrghakeśyaḥ sitāmbarāḥ | ūrdhvaveṇīdharāścaiva piṅgākṣyo lambamekhalāḥ

some reddish, with great bodies, long-haired and clad in white, wearing their hair in upright braids, tawny-eyed, with long girdles;

Note on the text: Line 1 = CE 9.45.32c; line 2 = CE 9.45.33a.

Verse 35 (9.47.35)

लम्बोदर्यो लम्बकर्णास्तथा लम्बपयोधराः । ताम्राक्ष्यस्ताम्रवर्णाश्च हर्यक्ष्यश्च तथाऽपराः ॥

lambodaryo lambakarṇāstathā lambapayodharāḥ | tāmrākṣyastāmravarṇāśca haryakṣyaśca tathā'parāḥ

big-bellied, long-eared and long-breasted; copper-eyed and copper-coloured, and others green-eyed;

Note on the text: Line 1 = CE 9.45.33c; line 2 = CE 9.45.34a.

Verse 36 (9.47.36)

वरदाः कामचारिण्यो नित्यं प्रमुदितास्तथा । याम्या रौद्रास्तथा सौम्याः कौबेर्योऽथ महाबलाः ॥

varadāḥ kāmacāriṇyo nityaṃ pramuditāstathā | yāmyā raudrāstathā saumyāḥ kauberyo'tha mahābalāḥ

givers of boons, moving as they please, ever joyful; some belonging to Yama, some to Rudra, some to Soma, and the mighty ones of Kubera;

Note on the text: Line 1 = CE 9.45.34c; line 2 = CE 9.45.35a.

Verse 37 (9.47.37)

वारुण्योऽथ च माहेन्द्यस्तथाऽऽग्नेय्यः परन्तप । वायव्यश्चाथ कौमार्यो ब्राह्मश्च भरतर्षभ ॥

vāruṇyo'tha ca māhendyastathā''gneyyaḥ parantapa | vāyavyaścātha kaumāryo brāhmaśca bharatarṣabha

those of Varuna, of Mahendra and of Agni, O scorcher of foes; those of Vayu, of Kumara and of Brahma, O best of the Bharatas;

Note on the text: Line 1 = CE 9.45.35c; line 2 = CE 9.45.36a.

Verse 38 (9.47.38)

वैष्णव्यश्च तथा सौर्यो वाराह्यश्च महाबलाः । रूपेणाप्सरसां तुल्या मनोहार्यो मनोरमाः ॥

vaiṣṇavyaśca tathā sauryo vārāhyaśca mahābalāḥ | rūpeṇāpsarasāṃ tulyā manohāryo manoramāḥ

those of Vishnu, of the Sun and of Varaha, all of great strength; in beauty the equals of apsarases, charming and delightful;

Note on the text: Line 1 = star passage 9.45.36b*0271_01 (CE apparatus, after 36ab); line 2 is a variant of CE 9.45.36c (the CE line ends "jave vāyusamās tathā").

Verse 39 (9.47.39)

परपुष्टोपमा वाक्ये तथर्द्ध्या धनदोपमाः । शक्रवीर्योपमा युद्धे दीप्ता वह्निसमास्तथा ॥

parapuṣṭopamā vākye tatharddhyā dhanadopamāḥ | śakravīryopamā yuddhe dīptā vahnisamāstathā

in speech like the cuckoo, in wealth like the giver of wealth, in battle like Shakra in valour, blazing like fire;

Verse 40 (9.47.40)

शत्रुणां विग्रहे नित्यं भयदास्ता भवन्त्युत । कामरूपधराश्चैव जवे वायुसमास्तथा ॥

śatruṇāṃ vigrahe nityaṃ bhayadāstā bhavantyuta | kāmarūpadharāścaiva jave vāyusamāstathā

always a terror to enemies in battle, able to take any form at will, and in speed like the wind;

Note on the text: Both lines are star passage 9.45.37d*0273_01-02 (CE apparatus).

Verse 41 (9.47.41)

अचिन्त्यबलवीर्याश्च तथाऽचिन्त्यपराक्रमाः । वृक्षचत्वरवासिन्यश्चतुष्पथनिकेतनाः ॥

acintyabalavīryāśca tathā'cintyaparākramāḥ | vṛkṣacatvaravāsinyaścatuṣpathaniketanāḥ

of unthinkable strength and might, of unthinkable prowess, dwelling at trees and at crossroads, making their homes where four ways meet;

Note on the text: Line 1 = star passage 9.45.37d*0273_03 (CE apparatus); line 2 = CE 9.45.38a.

Verse 42 (9.47.42)

गुहाश्मशानवासिन्यः शैलप्रस्रवणालयाः । नानाभरणधारिण्यो नानामाल्याम्बरास्तथा ॥

guhāśmaśānavāsinyaḥ śailaprasravaṇālayāḥ | nānābharaṇadhāriṇyo nānāmālyāmbarāstathā

living in caves and cremation grounds, with mountain springs for their dwellings, wearing ornaments of many kinds, with garlands and garments of many kinds;

Note on the text: Line 1 = CE 9.45.38c; line 2 = CE 9.45.39a.

Verse 43 (9.47.43)

नानाविचित्रवेषाश्च नानाभाषास्तथैव च । एते चान्ये च मातॄणां गणाः शत्रुभयङ्कराः ॥

nānāvicitraveṣāśca nānābhāṣāstathaiva ca | ete cānye ca mātṝṇāṃ gaṇāḥ śatrubhayaṅkarāḥ

of many strange costumes and many tongues. These and other troops of Mothers, terrors to the enemy,

Note on the text: Line 1 = CE 9.45.39c; line 2 ≈ CE 9.45.40a (mātṝṇāṃ gaṇāḥ for bahavo gaṇāḥ).

Verse 44 (9.47.44)

अनुजग्मुर्महात्मानं त्रिदशेन्द्रस्य सम्मते । ततः शक्त्यस्त्रमददद्भगवान्पाकशासनः ॥

anujagmurmahātmānaṃ tridaśendrasya sammate | tataḥ śaktyastramadadadbhagavānpākaśāsanaḥ

followed the great-souled one, with the assent of the lord of the Thirty gods. Then the Lord Indra, the punisher of Paka, gave the weapon of the Shakti

Note on the text: Line 1 = CE 9.45.40c; line 2 = CE 9.45.41a.

Verse 45 (9.47.45)

गुहाय राजशार्दूल विनाशाय सुरद्विषाम् । महास्वनां महाघण्टां द्योतमानां सितप्रभाम् ॥

guhāya rājaśārdūla vināśāya suradviṣām | mahāsvanāṃ mahāghaṇṭāṃ dyotamānāṃ sitaprabhām

to Guha, O lion among kings, for the destruction of the enemies of the gods; and a great bell of mighty sound, shining with a pale radiance,

Note on the text: Line 1 = CE 9.45.41c; line 2 = CE 9.45.42a.

Verse 46 (9.47.46)

अरुणादित्यवर्णां च पताकां भरतर्षभ । ददौ पशुपतिस्तस्मै सर्वभूतमहाचमूम् ॥

aruṇādityavarṇāṃ ca patākāṃ bharatarṣabha | dadau paśupatistasmai sarvabhūtamahācamūm

and a banner, O best of the Bharatas, of the hue of the rising sun. Then Pashupati gave him a great army made of all beings,

Note on the text: Line 1 = CE 9.45.42c (अरुणादित्य- for taruṇāditya-); line 2 = CE 9.45.43a.

Verse 47 (9.47.47)

उग्रां नानाप्रहरणां तपोवीर्यबलान्विताम् । अजेयां स्वगणैर्युक्तां नाम्ना सेनां धनञ्जयाम् ॥

ugrāṃ nānāpraharaṇāṃ tapovīryabalānvitām | ajeyāṃ svagaṇairyuktāṃ nāmnā senāṃ dhanañjayām

fierce, with weapons of many kinds, endowed with the power of austerity and might, invincible, joined with its own hosts, an army named Dhananjaya,

Note on the text: Line 1 = CE 9.45.43c; line 2 = star passage 9.45.43d*0276_01 (CE apparatus).

Verse 48 (9.47.48)

रुद्रतुल्यबलैर्युक्तां योधानामयुतैस्त्रिभिः । न सा विजानाति रणात्कदाचिद्विनिवर्तितुम् ॥

rudratulyabalairyuktāṃ yodhānāmayutaistribhiḥ | na sā vijānāti raṇātkadācidvinivartitum

united with three myriads (thirty thousand) of warriors equal to Rudra in strength; it never knows how to turn back from battle.

Note on the text: Both lines are star passage 9.45.43d*0276_02-03 (CE apparatus).

Verse 49 (9.47.49)

विष्णुर्ददौ वैजयन्तीं मालां बलविवर्धिनीम् । उमा ददौ विरजसी वाससी रविसप्रभे ॥

viṣṇurdadau vaijayantīṃ mālāṃ balavivardhinīm | umā dadau virajasī vāsasī ravisaprabhe

Vishnu gave the Vaijayanti garland, which increases strength. Uma gave two spotless garments bright as the sun.

Verse 50 (9.47.50)

गङ्गा कमण्डलुं दिव्यममृतोद्भवमुत्तमम् । ददौ प्रीत्या कुमाराय दण्डं चैव बृहस्पतिः ॥

gaṅgā kamaṇḍaluṃ divyamamṛtodbhavamuttamam | dadau prītyā kumārāya daṇḍaṃ caiva bṛhaspatiḥ

Ganga gave a divine water-pot, supreme, born of nectar; and Brihaspati gave the youth a staff, in affection.

Verse 51 (9.47.51)

गरुडो दयितं पुत्रं मयूरं चित्रबर्हिणम् । अरुणस्ताम्रचूडं च प्रददौ चरणायुधम् ॥

garuḍo dayitaṃ putraṃ mayūraṃ citrabarhiṇam | aruṇastāmracūḍaṃ ca pradadau caraṇāyudham

Garuda gave his dear son, a peacock with a brightly coloured tail; and Aruna gave a copper-crested cock, a fighter with its feet.

Note on the text: Corrected मयरं → मयूरं (misprint in Wikisource; dropped long ऊ, not a word; the critical edition reads mayūraṃ).

Verse 52 (9.47.52)

छागं तु वरुणो राजा बलवीर्यसमन्वितम् । कृष्णाजिनं ततो ब्रह्मा ब्रह्मण्याय ददौ प्रभुः । समरेषु जयं चैव प्रददौ लोकभावनः ॥

chāgaṃ tu varuṇo rājā balavīryasamanvitam | kṛṣṇājinaṃ tato brahmā brahmaṇyāya dadau prabhuḥ | samareṣu jayaṃ caiva pradadau lokabhāvanaḥ

King Varuna gave a goat endowed with strength and valour. Then the lord Brahma gave a black antelope skin to him who is devoted to brahmins, and the maker of the worlds gave him victory in battles.

Verse 53 (9.47.53)

सैनापत्यमनुप्राप्य स्कन्दो देवगणस्य ह । शुशुभे ज्वलितोर्चिष्मान्द्वितीय इव पावकः ॥

saināpatyamanuprāpya skando devagaṇasya ha | śuśubhe jvalitorciṣmāndvitīya iva pāvakaḥ

Having received the command of the host of the gods, Skanda shone, blazing and radiant, like a second Fire.

Verse 54 (9.47.54)

ततः पारिषदैश्चैव मातृभिश्च समन्वितः । ययौ दैत्यविनाशाय ह्लादयन्सुरपुङ्गवान् ॥

tataḥ pāriṣadaiścaiva mātṛbhiśca samanvitaḥ | yayau daityavināśāya hlādayansurapuṅgavān

Then, accompanied by his attendants and by the Mothers, he set out to destroy the Daityas, gladdening the best of the gods.

Note on the text: Corrected देत्य → दैत्य (misprint in Wikisource; ए for ऐ, not a word; the critical edition (star passage 9.45.48f*0277_01) reads daitya). Line 1 = CE 9.45.48e; line 2 = star passage 9.45.48f*0277_01 (CE apparatus).

Verse 55 (9.47.55)

सा सेना नैर्ऋती भीमा सघण्टोच्छ्रितकेतना । सभेरीशङ्खमुरजा सायुधा सपताकिनी ॥

sā senā nairṛtī bhīmā saghaṇṭocchritaketanā | sabherīśaṅkhamurajā sāyudhā sapatākinī

That terrible army of the Nairritas, with its tall banners hung with bells, with drums, conches and mridangas, armed and bannered,

Verse 56 (9.47.56)

शारदी द्यौरिवाभाति ज्योतिर्भिरिव शोभिता ॥

śāradī dyaurivābhāti jyotirbhiriva śobhitā

shone like the autumn sky adorned with stars.

Note on the text: The lone third line of CE 9.45.49 (49e); Wikisource prints it as a verse of its own.

Verse 57 (9.47.57)

ततो देवनिकायास्ते नानाभूतगणास्तथा । वादयामासुरव्यग्रा भेरीः शङ्खांश्च पुष्कलान् ॥

tato devanikāyāste nānābhūtagaṇāstathā | vādayāmāsuravyagrā bherīḥ śaṅkhāṃśca puṣkalān

Then the hosts of the gods and the many companies of beings, undismayed, sounded kettledrums and great numbers of conches.

Note on the text: Corrected रव्याग्रा → रव्यग्रा (misprint in Wikisource; stray ा; वादयामासुरव्यग्रा = वादयामासुः + अव्यग्राः; the critical edition reads avyagrā).

Verse 58 (9.47.58)

पटहान्झर्झरांश्चैव क्रकचान्गोविषाणिकान् । आडम्बरान्गोमुखांश्च डिण्डिमांश्च महास्वनान् ॥

paṭahānjharjharāṃścaiva krakacāngoviṣāṇikān | āḍambarāngomukhāṃśca ḍiṇḍimāṃśca mahāsvanān

They sounded drums, cymbals, saw-toothed horns, cow-horn trumpets, great war-drums, cow-faced horns, and booming drums.

Verse 59 (9.47.59)

तुष्टुवुस्ते कुमारं तु सर्वे देवाः सवासवाः । जगुश्च देवगन्धर्वा ननृतुश्चाप्सरोगणाः ॥

tuṣṭuvuste kumāraṃ tu sarve devāḥ savāsavāḥ | jaguśca devagandharvā nanṛtuścāpsarogaṇāḥ

All the gods with Vasava praised the Prince; the divine gandharvas sang, and the hosts of apsarases danced.

Verse 60 (9.47.60)

ततः प्रीतो महासेनस्त्रिदशेभ्यो वरं ददौ । रिपून्हन्ताऽस्मि समरे ये वो वधचिकीर्षवः ॥

tataḥ prīto mahāsenastridaśebhyo varaṃ dadau | ripūnhantā'smi samare ye vo vadhacikīrṣavaḥ

Then Mahasena, pleased, gave the Thirty gods a boon: "I shall slay in battle those who wish to kill you."

Note on the text: Corrected दन्ताऽस्मि → हन्ताऽस्मि (misprint in Wikisource; द for ह, not a word in context; the critical edition reads hantāsmi).

Verse 61 (9.47.61)

प्रतिगृह्य वरं देवास्तस्माद्विबुधसत्तमात् । प्रीतात्मानो महात्मानो मेनिरे निहतान्रिपून् ॥

pratigṛhya varaṃ devāstasmādvibudhasattamāt | prītātmāno mahātmāno menire nihatānripūn

The gods, glad at heart and great-souled, having received the boon from that best of the wise, regarded their enemies as already slain.

Verse 62 (9.47.62)

सर्वेषां भूतसङ्घानां हर्षान्नादः समुत्थितः । अपूरयत लोकांस्त्रीन्वरे दत्ते महात्मना ॥

sarveṣāṃ bhūtasaṅghānāṃ harṣānnādaḥ samutthitaḥ | apūrayata lokāṃstrīnvare datte mahātmanā

A shout of joy rose from all the assemblies of beings; when the great-souled one granted the boon, it filled the three worlds.

Verse 63 (9.47.63)

स निर्ययौ महासेनो महत्या सेनया वृतः । वधाय युधि दैत्यानां रक्षार्थं च दिवोकसाम् ॥

sa niryayau mahāseno mahatyā senayā vṛtaḥ | vadhāya yudhi daityānāṃ rakṣārthaṃ ca divokasām

Mahasena set out, surrounded by a great army, to slay the Daityas in battle and to protect the dwellers in heaven.

Verse 64 (9.47.64)

व्यवसायो जयो धर्मः सिद्धिर्लक्ष्मीर्धृतिः स्मृतिः । महासेनस्य सैन्यानामग्रे जग्मुर्नराधिप ॥

vyavasāyo jayo dharmaḥ siddhirlakṣmīrdhṛtiḥ smṛtiḥ | mahāsenasya sainyānāmagre jagmurnarādhipa

Resolve, Victory, Dharma, Success, Lakshmi, Steadfastness and Memory went before Mahasena's forces, O lord of men.

Verse 65 (9.47.65)

स तया भीमया देवः शूलमुद्गरहस्तया । ज्वलितालातधारिण्या चित्राभरणवर्मया ॥

sa tayā bhīmayā devaḥ śūlamudgarahastayā | jvalitālātadhāriṇyā citrābharaṇavarmayā

That god, accompanied by that terrible host, which held spears and maces, bore blazing firebrands and was clad in strange ornaments and armour,

Note on the text: Corrected शुलमुद्गर → शूलमुद्गर (misprint in Wikisource; short ु for long ू; the critical edition reads śūlamudgara). Line 1 = CE 9.45.58a; line 2 = star passage 9.45.58b*0278_01 (CE apparatus).

Verse 66 (9.47.66)

गदामुसलनाराचशक्तितोमरहस्तया । दृप्तसिंहनिनादिन्या विनद्य प्रययौ गुहः ॥

gadāmusalanārācaśaktitomarahastayā | dṛptasiṃhaninādinyā vinadya prayayau guhaḥ

and which held maces, pestles, iron arrows, spears and lances and roared like proud lions; with it Guha went forth, roaring.

Note on the text: Corrected हरतया → हस्तया (misprint in Wikisource; र for स्, not a word; the critical edition reads hastayā). Line 1 = CE 9.45.58c; line 2 = CE 9.45.58e.

Verse 67 (9.47.67)

तं दृष्ट्वा सर्वदैतेया राक्षसा दानवास्तथा । व्यद्रवन्त दिशः सर्वा भयोद्विग्नाः समन्ततः ॥

taṃ dṛṣṭvā sarvadaiteyā rākṣasā dānavāstathā | vyadravanta diśaḥ sarvā bhayodvignāḥ samantataḥ

Seeing him, all the Daityas, Rakshasas and Danavas fled in every direction, shaken with fear.

Note on the text: Removed stray wiki mark (backtick). Corrected दष्ट्वा → दृष्ट्वा (misprint in Wikisource; dropped ऋ, not a word; the critical edition reads dṛṣṭvā). Line 1 = CE 9.45.59a; line 2 = CE 9.45.59c.

Verse 68 (9.47.68)

अभ्यद्रवन्त देवास्तान्विविधायुधपाणयः । दृष्ट्वा च स ततः क्रुद्धः स्कन्दस्तेजोबलान्वितः ॥

abhyadravanta devāstānvividhāyudhapāṇayaḥ | dṛṣṭvā ca sa tataḥ kruddhaḥ skandastejobalānvitaḥ

The gods, with weapons of many kinds in hand, rushed at them; and seeing this, Skanda, full of fire and strength, grew angry,

Note on the text: Line 1 = CE 9.45.59e; line 2 = CE 9.45.60a.

Verse 69 (9.47.69)

शक्त्यस्त्रं भगवान्भीमं पुनःपुनरवाकिरत् । आदधच्चात्मनस्तेजो हविषेद्ध इवानलः ॥

śaktyastraṃ bhagavānbhīmaṃ punaḥpunaravākirat | ādadhaccātmanastejo haviṣeddha ivānalaḥ

and the Lord again and again hurled his terrible missile of the Shakti, gathering to himself brilliance like a fire fed with oblations.

Note on the text: Line 1 = CE 9.45.60c; line 2 = CE 9.45.60e.

Verse 70 (9.47.70)

अभ्यस्यमाने शक्त्यस्त्रे स्कन्देनामिततेजसा । उल्काज्वाला महाराज पपात वसुधातले ॥

abhyasyamāne śaktyastre skandenāmitatejasā | ulkājvālā mahārāja papāta vasudhātale

As Skanda of boundless brilliance kept hurling the missile of the Shakti, a flaming meteor fell on the surface of the earth, O great king.

Verse 71 (9.47.71)

संह्रादयन्तश्च तथा निर्घाताश्चापतन्क्षितौ । यथान्तकालसमये सुघोराः स्युस्तथा नृप ॥

saṃhrādayantaśca tathā nirghātāścāpatankṣitau | yathāntakālasamaye sughorāḥ syustathā nṛpa

Thunderbolts too fell on the ground with a deafening roar, as terrible as at the hour of the world's end, O king.

Note on the text: Corrected संहादयन्तश्च → संह्रादयन्तश्च (misprint in Wikisource; dropped conjunct; the critical edition reads saṃhrādayantaś). Corrected क्षिपौ → क्षितौ (misprint in Wikisource; प for त, not a word in context; the critical edition reads kṣitau).

Verse 72 (9.47.72)

क्षिप्ता ह्येका यदा शक्तिः सुघोराऽनलसूनुना । ततः कोट्यो विनिष्पेतुः शक्तीनां भरतर्षभ ॥

kṣiptā hyekā yadā śaktiḥ sughorā'nalasūnunā | tataḥ koṭyo viniṣpetuḥ śaktīnāṃ bharatarṣabha

When the son of Fire hurled even a single most terrible Shakti, then crores of Shaktis burst forth, O best of the Bharatas.

Verse 73 (9.47.73)

ततः प्रीतो महासेनो जघान भगवान्प्रभुः । दैत्येन्द्रं तारकं नाम महाबलपराक्रमम् ॥

tataḥ prīto mahāseno jaghāna bhagavānprabhuḥ | daityendraṃ tārakaṃ nāma mahābalaparākramam

Then the Lord Mahasena, pleased, slew Taraka, the lord of the Daityas, of great strength and prowess,

Note on the text: Line 1 is a vulgate variant of CE 9.45.64a ("tataḥ prīto mahāsenaḥ" for "sa śaktyastreṇa saṃgrāme"); line 2 = CE 9.45.64c.

Verse 74 (9.47.74)

वृतं दैत्यायुतैर्वीरैर्बलिभिर्दशभिर्नृप । महिषं चाष्टभिः पद्मैर्वृतं सङ्ख्ये निजघ्निवान् ॥

vṛtaṃ daityāyutairvīrairbalibhirdaśabhirnṛpa | mahiṣaṃ cāṣṭabhiḥ padmairvṛtaṃ saṅkhye nijaghnivān

who was surrounded by ten myriads of mighty Daitya heroes, O king; and in battle he slew Mahisha, who was surrounded by eight padmas.

Note on the text: Line 1 = CE 9.45.64e; line 2 = CE 9.45.65a.

Verse 75 (9.47.75)

त्रिपादं चायुतशतैर्जघान दशभिर्वृतम् । ह्रदोदरं निखर्वैश्च वृतं दशभिरीश्वरः ॥

tripādaṃ cāyutaśatairjaghāna daśabhirvṛtam | hradodaraṃ nikharvaiśca vṛtaṃ daśabhirīśvaraḥ

The Lord slew Tripada, surrounded by ten times a hundred myriads, and Hradodara, surrounded by ten nikharvas.

Note on the text: Corrected हदोदरं → ह्रदोदरं (misprint in Wikisource; dropped conjunct; the critical edition reads hradodaraṃ). Line 1 = CE 9.45.65c; line 2 = CE 9.45.66a.

Verse 76 (9.47.76)

जघानानुचरैः सार्धं विविधायुधपाणिभिः । तथाऽकुर्वन्त विपुलं नादं वध्यत्सु शत्रुषु ॥

jaghānānucaraiḥ sārdhaṃ vividhāyudhapāṇibhiḥ | tathā'kurvanta vipulaṃ nādaṃ vadhyatsu śatruṣu

He slew them together with their followers, who bore weapons of many kinds; and as the enemies were being slain, a vast roar went up.

Note on the text: Line 1 = CE 9.45.66c; line 2 = CE 9.45.67a (तथा for tatra).

Verse 77 (9.47.77)

कुमारानुचरा राजन्पूरयन्तो दिशो दश । ननृतुश्च ववल्गुश्च जहसुश्च मुदान्विताः ॥

kumārānucarā rājanpūrayanto diśo daśa | nanṛtuśca vavalguśca jahasuśca mudānvitāḥ

Kumara's followers, O king, filling the ten directions, danced and leapt and laughed, full of joy.

Note on the text: Line 1 = CE 9.45.67c; line 2 = star passage 9.45.67d*0279_01 (CE apparatus).

Verse 78 (9.47.78)

शक्त्यस्त्रस्य तु राजेन्द्र ततोऽर्चिर्भिः समन्ततः । त्रैलोक्यं त्रासितं सर्वं जृम्भमाणाभिरेव च ॥

śaktyastrasya tu rājendra tato'rcirbhiḥ samantataḥ | trailokyaṃ trāsitaṃ sarvaṃ jṛmbhamāṇābhireva ca

From the flames of the missile of the Shakti on every side, O king of kings, the whole triple world was terrified, as the flames spread and leapt.

Note on the text: Line 1 = CE 9.45.68a; line 2 = star passage 9.45.68b*0280_01 (CE apparatus).

Verse 79 (9.47.79)

दग्धाः सहस्रशो दैत्या नादैः स्कन्दस्य चापरे । पताकयावधूताश्च हताः केचित्सुरद्विषः ॥

dagdhāḥ sahasraśo daityā nādaiḥ skandasya cāpare | patākayāvadhūtāśca hatāḥ kecitsuradviṣaḥ

Thousands of Daityas were burnt, others by the roars of Skanda; and some enemies of the gods were struck down by the sweep of his banner.

Note on the text: Line 1 = CE 9.45.68c; line 2 = CE 9.45.69a.

Verse 80 (9.47.80)

केचिद्धण्टारवत्रस्ता निषेदुर्वसुधातले । केचित्प्रहरणैश्छिन्ना विनिष्पेतुर्गतायुषः ॥

keciddhaṇṭāravatrastā niṣedurvasudhātale | kecitpraharaṇaiśchinnā viniṣpeturgatāyuṣaḥ

Some, terrified by the sound of the bell, sank to the ground; some, cut down by weapons, fell, their lives gone.

Note on the text: Line 1 = CE 9.45.69c; line 2 = CE 9.45.69e.

Verse 81 (9.47.81)

एवं सुरद्विषोऽनेकान्बलवानाततायिनः । जघान समरे वीरः कार्तिकेयो महाबलः ॥

evaṃ suradviṣo'nekānbalavānātatāyinaḥ | jaghāna samare vīraḥ kārtikeyo mahābalaḥ

Thus the mighty hero Karttikeya slew in battle many strong enemies of the gods, aggressors all.

Verse 82 (9.47.82)

बाणो नामाथ दैतेयो बलेः पुत्रो महाबलः । क्रौञ्चं पर्वतमाश्रित्य देवसङ्घानबाधत ॥

bāṇo nāmātha daiteyo baleḥ putro mahābalaḥ | krauñcaṃ parvatamāśritya devasaṅghānabādhata

Then a Daitya named Bana, the mighty son of Bali, took refuge on Mount Krauncha and harassed the hosts of the gods.

Verse 83 (9.47.83)

तमभ्ययान्महासेनः सुरशत्रुमुदारधीः । स कार्तिकेयस्य भयात्क्रौञ्चं शरणमीयिवान् ॥

tamabhyayānmahāsenaḥ suraśatrumudāradhīḥ | sa kārtikeyasya bhayātkrauñcaṃ śaraṇamīyivān

The noble-minded Mahasena went against that enemy of the gods; and in fear of Karttikeya he sought refuge in Krauncha.

Verse 84 (9.47.84)

ततः क्रौञ्चं महामन्युः क्रौञ्चनादनिनादितम् । शक्त्या बिभेद भगवान्कार्तिकेयोऽग्निदत्तया ॥

tataḥ krauñcaṃ mahāmanyuḥ krauñcanādanināditam | śaktyā bibheda bhagavānkārtikeyo'gnidattayā

Then the Lord Karttikeya, in great fury, split Krauncha, which echoed with the cries of krauncha birds, with the Shakti given by Agni.

Verse 85 (9.47.85)

ससालस्कन्धशबलं त्रस्तवानरवारणम् । प्रोड्डीनोद्भ्रान्तविहगं विनिष्पतितपन्नगम् ॥

sasālaskandhaśabalaṃ trastavānaravāraṇam | proḍḍīnodbhrāntavihagaṃ viniṣpatitapannagam

The mountain, its sala trees' trunks mottled, its monkeys and elephants terrified, its birds flown up in confusion, its serpents falling out,

Note on the text: Corrected प्रोङ्कीनोद्धान्त → प्रोड्डीनोद्भ्रान्त (misprint in Wikisource; broken conjuncts, not words; the evident words are प्रोड्डीन ("flown up") and उद्भ्रान्त ("bewildered"); this line is a vulgate variant with no counterpart in the critical edition, so the smallest fix is made).

Verse 86 (9.47.86)

गोलाङ्गूलर्क्षसङ्घैश्च द्रवद्भिरनुनादितम् । कुरङ्गमविनिर्घोषनिनादितवनान्तरम् ॥

golāṅgūlarkṣasaṅghaiśca dravadbhiranunāditam | kuraṅgamavinirghoṣanināditavanāntaram

echoing with troops of langurs and bears fleeing, its forest depths resounding with the cries of deer,

Verse 87 (9.47.87)

विनिष्पतद्भिः शरभैः सिंहैश्च सहसा द्रुतैः । शोच्यामपि दशां प्राप्तो रराजेव सपर्वतः ॥

viniṣpatadbhiḥ śarabhaiḥ siṃhaiśca sahasā drutaiḥ | śocyāmapi daśāṃ prāpto rarājeva saparvataḥ

with sarabhas and lions suddenly bolting out in flight, though it had come to a pitiable state, the mountain still seemed to shine.

Verse 88 (9.47.88)

विद्याधराः समुत्पेतुस्तस्य शृङ्गनिवासिनः । किन्नराश्च समुद्विग्नाः शक्तिपातरवोद्धताः ॥

vidyādharāḥ samutpetustasya śṛṅganivāsinaḥ | kinnarāśca samudvignāḥ śaktipātaravoddhatāḥ

The Vidyadharas who lived on its peaks flew up, and the Kinnaras, startled by the roar of the Shakti's fall, were alarmed.

Verse 89 (9.47.89)

ततो दैत्या विनिष्पेतुः शतशोऽथ सहस्रशः । प्रदीप्तात्पर्वतश्रेष्ठाद्विचित्राभरणस्रजः ॥

tato daityā viniṣpetuḥ śataśo'tha sahasraśaḥ | pradīptātparvataśreṣṭhādvicitrābharaṇasrajaḥ

Then hundreds and thousands of Daityas poured out of that blazing best of mountains, wearing strange ornaments and garlands.

Verse 90 (9.47.90)

तान्निजघ्नुरतिक्रम्य कुमारानुचरा मृधे । स चैव भगवान्क्रुद्धो दैत्येन्द्रस्य सुतं तदा ॥

tānnijaghnuratikramya kumārānucarā mṛdhe | sa caiva bhagavānkruddho daityendrasya sutaṃ tadā

The followers of Kumara rushed upon them and slew them in the battle; and the Lord himself, enraged, slew the son of the Daitya king

Note on the text: Corrected कुमाराजुचरा → कुमारानुचरा (misprint in Wikisource; ज for न; the critical edition reads kumārānucarā). Line 1 = CE 9.45.79a; line 2 = star passage 9.45.79b*0281_01 (CE apparatus).

Verse 91 (9.47.91)

सहानुजं जघानाशु वृत्रं देवपतिर्यथा । बिभेद क्रौञ्चं शक्त्या च पावकिः परवीरहा ॥

sahānujaṃ jaghānāśu vṛtraṃ devapatiryathā | bibheda krauñcaṃ śaktyā ca pāvakiḥ paravīrahā

together with his younger brother, swiftly, as the lord of the gods once slew Vritra; and the son of Fire, slayer of enemy heroes, split Krauncha with his Shakti.

Note on the text: Line 1 = star passage 9.45.79b*0281_02 (CE apparatus); line 2 = CE 9.45.79c.

Verse 92 (9.47.92)

बहुधा चैकधा चैव कृत्वाऽऽत्मानं महाबलः । शक्तिः क्षिप्ता रणे तस्य पाणिमेति पुनः पुनः ॥

bahudhā caikadhā caiva kṛtvā''tmānaṃ mahābalaḥ | śaktiḥ kṣiptā raṇe tasya pāṇimeti punaḥ punaḥ

Making himself manifold and single, the mighty one hurled the Shakti in battle, and it returned to his hand again and again.

Verse 93 (9.47.93)

एवम्प्रभावो भगवांस्ते भूयश्च पावकिः । शौर्याद्द्विगुणयोगेन तेजसा यशसा श्रिया ॥

evamprabhāvo bhagavāṃste bhūyaśca pāvakiḥ | śauryāddviguṇayogena tejasā yaśasā śriyā

Such was the power of the Lord, and still more so of the son of Fire, whose valour, brilliance, fame and glory were doubled.

Note on the text: Line 1 = CE 9.45.81a; line 2 = star passage 9.45.81b*0282_01 (CE apparatus).

Verse 94 (9.47.94)

क्रौञ्चस्ते विनिर्भिन्नो दैत्याश्च शतशो हताः ॥

krauñcaste vinirbhinno daityāśca śataśo hatāḥ

Krauncha was split open, and hundreds of Daityas were slain.

Note on the text: The lone line is CE 9.45.81c.

Verse 95 (9.47.95)

ततः स भगवान्देवो निहत्य विबुधद्विषः । सभाज्यमानो विबुधैः परं हर्षमवाप ह ॥

tataḥ sa bhagavāndevo nihatya vibudhadviṣaḥ | sabhājyamāno vibudhaiḥ paraṃ harṣamavāpa ha

Then the Lord God, having slain the enemies of the gods, was honoured by the gods and was filled with great joy.

Verse 96 (9.47.96)

ततो दुन्दुभयो राजन्नेदुः शङ्खाश्च भारत । मुमुचुर्देवयोषाश्च पुष्पवर्षमनुत्तमम् । योगिनामीश्वरं देवं शतशोऽथ सहस्रशः ॥

tato dundubhayo rājanneduḥ śaṅkhāśca bhārata | mumucurdevayoṣāśca puṣpavarṣamanuttamam | yogināmīśvaraṃ devaṃ śataśo'tha sahasraśaḥ

Then, O king, kettledrums resounded and conches, O Bharata; and the wives of the gods let fall an unsurpassed shower of flowers on the god, lord of yogis, by hundreds and thousands.

Note on the text: Lines 1-2 = CE 9.45.83a, 83c. Line 3 repeats CE 9.45.87c (the same line closes Wikisource verse 100 below) and has no place in CE 9.45.83; kept as printed on the page.

Verse 97 (9.47.97)

दिव्यगन्धमुपादाय ववौ पुण्यश्च मारुतः । गन्धर्वास्तुष्टुवुश्चैनं यज्वानश्च महर्षयः ॥

divyagandhamupādāya vavau puṇyaśca mārutaḥ | gandharvāstuṣṭuvuścainaṃ yajvānaśca maharṣayaḥ

A holy wind blew, carrying divine fragrance; the gandharvas praised him, and so did the sacrificing great sages.

Verse 98 (9.47.98)

केचिदेनं व्यवस्यन्ति पितामहसुतं प्रभुम् । सनत्कुमारं सर्वेषां ब्रह्मयोनिं तमग्रजम् ॥

kecidenaṃ vyavasyanti pitāmahasutaṃ prabhum | sanatkumāraṃ sarveṣāṃ brahmayoniṃ tamagrajam

Some regard him as the Lord, the son of the Grandfather, Sanatkumara, the eldest of all, sprung from Brahma.

Note on the text: Corrected केचिदनं व्यवस्यान्ति → केचिदेनं व्यवस्यन्ति (misprint in Wikisource; dropped ए and stray ा; the critical edition reads ke cid enaṃ vyavasyanti).

Verse 99 (9.47.99)

केचिन्महेश्वरसुतं केचित्पुत्रं विभावसोः । उमायाः कृत्तिकानां च गङ्गायाश्च वदन्त्युत ॥

kecinmaheśvarasutaṃ kecitputraṃ vibhāvasoḥ | umāyāḥ kṛttikānāṃ ca gaṅgāyāśca vadantyuta

Some say he is the son of Maheshvara, some the son of Vibhavasu; others say he is the son of Uma, of the Krittikas and of Ganga.

Verse 100 (9.47.100)

एकधा च द्विधा चैव चतुर्धा च महाबलम् । योगिनामीश्वरं देवं शतशोऽथ सहस्रशः ॥

ekadhā ca dvidhā caiva caturdhā ca mahābalam | yogināmīśvaraṃ devaṃ śataśo'tha sahasraśaḥ

In one form, in two and in four, so by hundreds and thousands do they speak of the mighty god, the lord of yogis.

Note on the text: Last verse of the first run of the page numbering (9-47-1 to 9-47-100); the page then restarts its labels at 9-47-1.

Verse 101 (9.47.101)

एतत्ते कथितं राजन्कार्तिकेयाभिषेचनम् । शृणु चैव सरस्वत्यास्तीर्थवंशस्य पुण्यताम् ॥

etatte kathitaṃ rājankārtikeyābhiṣecanam | śṛṇu caiva sarasvatyāstīrthavaṃśasya puṇyatām

This, O king, I have told you: the consecration of Karttikeya. Hear also of the sanctity of the line of tirthas of the Sarasvati.

Note on the text: The page restarts its verse labels here (9-47-1 to 9-47-9); the division is the page's own and nothing is missing.

Verse 102 (9.47.102)

बभूव तीर्थप्रवरं हतेषु सुरशत्रुषु । कुमारेण महाराज त्रिविष्टपमिवापरम् ॥

babhūva tīrthapravaraṃ hateṣu suraśatruṣu | kumāreṇa mahārāja triviṣṭapamivāparam

When the enemies of the gods were slain, that tirtha became the foremost of tirthas, O great king, like a second heaven, through Kumara.

Verse 103 (9.47.103)

ऐश्वर्याणि च तत्रस्थो ददावीशः पृथक्पृथक् । ददौ नैर्ऋतमुख्येभ्यस्त्रैलोक्यं पावकात्मजः ॥

aiśvaryāṇi ca tatrastho dadāvīśaḥ pṛthakpṛthak | dadau nairṛtamukhyebhyastrailokyaṃ pāvakātmajaḥ

And there the Lord gave dominions, one by one; the son of Fire gave the three worlds to the foremost of the Nairritas.

Verse 104 (9.47.104)

एवं स भगवांस्तस्मिंस्तीर्थे दैत्यकुलान्तकः । अभिषिक्तो महाराज देवसेनापतिः सुरैः ॥

evaṃ sa bhagavāṃstasmiṃstīrthe daityakulāntakaḥ | abhiṣikto mahārāja devasenāpatiḥ suraiḥ

Thus, at that tirtha, the Lord, destroyer of the Daitya race, was consecrated by the gods as the commander of the divine army, O great king.

Verse 105 (9.47.105)

औशनं नाम तत्तीर्थं यत्र पूर्वमपाम्पतिः । अभिषिक्तः सुरगणैर्वरुणो भरतर्षभ ॥

auśanaṃ nāma tattīrthaṃ yatra pūrvamapāmpatiḥ | abhiṣiktaḥ suragaṇairvaruṇo bharatarṣabha

That tirtha is called Aushana, where of old Varuna, lord of the waters, was consecrated by the hosts of gods, O best of the Bharatas.

Verse 106 (9.47.106)

अस्मिंस्तीर्थवरे स्नात्वा स्कन्दं चाभ्यर्च्य लाङ्गली । ब्राह्मणेभ्योददौ रुक्मं वासांस्याभरणानि च ॥

asmiṃstīrthavare snātvā skandaṃ cābhyarcya lāṅgalī | brāhmaṇebhyodadau rukmaṃ vāsāṃsyābharaṇāni ca

Bathing at this best of tirthas and worshipping Skanda, the Plough-bearer gave gold, garments and ornaments to brahmins.

Verse 107 (9.47.107)

उषित्वा रजनीं तत्र माधवः परवीरहा । पूज्यतीर्थवरं तच्च स्पृष्ट्वा तोयं च लाङ्गली ॥

uṣitvā rajanīṃ tatra mādhavaḥ paravīrahā | pūjyatīrthavaraṃ tacca spṛṣṭvā toyaṃ ca lāṅgalī

Having spent the night there, Madhava, the Plough-bearer, slayer of enemy heroes, honoured that best of tirthas and touched its water.

Note on the text: Line 1 = CE 9.45.94a; line 2 = CE 9.45.94c.

Verse 108 (9.47.108)

हृष्टः प्रीतमनाश्चैव ह्यभवन्माधवोत्तमः । एतत्ते सर्वमाख्यातं यन्मां त्वं परिपृच्छसि ॥

hṛṣṭaḥ prītamanāścaiva hyabhavanmādhavottamaḥ | etatte sarvamākhyātaṃ yanmāṃ tvaṃ paripṛcchasi

The best of the Madhavas became glad and well pleased. All this has now been told to you, as you asked me:

Note on the text: Line 1 = CE 9.45.94e; line 2 = CE 9.45.95a.

Verse 109 (9.47.109)

यथाऽभिषिक्तो भगवान्स्कन्दो देवैः समागतैः । सेनानीश्च कृतो राजन्बाल एव महाबलः ॥

yathā'bhiṣikto bhagavānskando devaiḥ samāgataiḥ | senānīśca kṛto rājanbāla eva mahābalaḥ

how the Lord Skanda was consecrated by the assembled gods, and how, though still a child, O king, he was made commander of the army, mighty as he was.

Note on the text: Removed stray wiki mark (backtick). Removed stray wiki mark (quote mark). Line 1 = CE 9.45.95c; line 2 = star passage 9.45.95d*0284_01 (CE apparatus).