Duryodhana Rebukes Krishna

Verse 1 (9.62.1)

हतं दुर्योधनं दृष्ट्वा भीमसेनेन संयुगे । पाण्डवाः सृञ्जयाश्चैव किमकुर्वत सञ्जय ॥

hataṃ duryodhanaṃ dṛṣṭvā bhīmasenena saṃyuge | pāṇḍavāḥ sṛñjayāścaiva kimakurvata sañjaya

When the Pandavas and the Srinjayas saw Duryodhana slain in battle by Bhimasena, what did they do, Sanjaya?

Verse 2 (9.62.2)

हतं दुर्योधनं दृष्ट्वा भीमसेनेन संयुगे । सिंहेनेव महाराज मत्तं वनगजं यथा ॥

hataṃ duryodhanaṃ dṛṣṭvā bhīmasenena saṃyuge | siṃheneva mahārāja mattaṃ vanagajaṃ yathā

Having seen Duryodhana slain in battle by Bhimasena, O great king, as a lion might kill a rutting forest elephant,

Note on the text: Speaker spelled सञ्जय (the input and the page print a stray nukta, स़ञ्जय उवाच). Second line differs from the critical edition (vanagajaṃ yathā against vanagajaṃ vane); the base reading is kept.

Verse 3 (9.62.3)

प्रहृष्टमनसस्तत्र कृष्णेन सह पाण्डवाः । पाञ्चालाः सृञ्जयाश्चैव निहते कुरुनन्दने । आविध्यन्नुत्तरीयाणि सिंहनादांश्च नेदिरे ॥

prahṛṣṭamanasastatra kṛṣṇena saha pāṇḍavāḥ | pāñcālāḥ sṛñjayāścaiva nihate kurunandane | āvidhyannuttarīyāṇi siṃhanādāṃśca nedire

the Pandavas, together with Krishna, and the Panchalas and the Srinjayas, their hearts full of joy there when the delight of the Kurus had been slain, whirled their upper garments and sent up lion-roars.

Note on the text: Three-line verse: lines 1–2 are the critical edition's 9.60.3; line 3 is 9.60.4a. The alignment found no match for it.

Verse 4 (9.62.4)

नैतान्हर्षसमाविष्टानियं सेहे वसुन्धरा ॥

naitānharṣasamāviṣṭāniyaṃ sehe vasundharā

So filled with joy were they that the earth could hardly bear them.

Note on the text: The single line is 9.60.4c of the critical edition (4ab sits at the end of the previous verse). The alignment found no match for it.

Verse 5 (9.62.5)

धनूंष्येके व्याक्षिपन्त ज्याश्चाप्यन्ये तथाऽक्षिपन् । दध्मुरन्ये महाशङ्खानन्ये जघ्नुश्च दुन्दुभीन् ॥

dhanūṃṣyeke vyākṣipanta jyāścāpyanye tathā'kṣipan | dadhmuranye mahāśaṅkhānanye jaghnuśca dundubhīn

Some flung their bows aside, others twanged their bowstrings; some blew great conches, and others beat kettledrums.

Verse 6 (9.62.6)

चिक्रीडुश्च तथैवान्ये जहसुश्च तवाहिताः । अब्रुवंश्चासकृद्वीरा भीमसेनमिदं वचः ॥

cikrīḍuśca tathaivānye jahasuśca tavāhitāḥ | abruvaṃścāsakṛdvīrā bhīmasenamidaṃ vacaḥ

Others played and laughed, those enemies of yours, and the heroes said these words to Bhimasena again and again:

Note on the text: Corrected चिकीडुश्च → चिक्रीडुश्च (misprint in Wikisource; dropped र in the conjunct; the critical edition reads cikrīḍuḥ).

Verse 7 (9.62.7)

दुष्करं भवता कर्म रणेऽद्य सुमहत्कृतम् । कौरवेयं रणे हत्वा गदयाऽतिकृतश्रमम् ॥

duṣkaraṃ bhavatā karma raṇe'dya sumahatkṛtam | kauraveyaṃ raṇe hatvā gadayā'tikṛtaśramam

"You have done a hard deed in battle today, and a very great one: you have slain the Kaurava in battle with your mace, though he had toiled so mightily.

Note on the text: Speaker: unheaded speech of the rejoicing Panchala and Pandava warriors (introduced by the verse before: they said these words to Bhimasena); given to them, with speaker_line योधा ऊचुः. The speech runs to line 2 of verse 16.

Verse 8 (9.62.8)

इन्द्रेणेव हि वृत्रस्य वधं परमसंयुगे । त्वया कृतममन्यन्त शत्रोर्वधमिमं जनाः ॥

indreṇeva hi vṛtrasya vadhaṃ paramasaṃyuge | tvayā kṛtamamanyanta śatrorvadhamimaṃ janāḥ

In that supreme battle people held this slaying of the enemy to be your work, like Indra's slaying of Vritra.

Verse 9 (9.62.9)

चरन्तं विविधान्मार्गान्मण्डलानि च सर्वशः । दुर्योधनमिमं शूरं कोऽन्यो हन्याद्वृकोदरात् ॥

carantaṃ vividhānmārgānmaṇḍalāni ca sarvaśaḥ | duryodhanamimaṃ śūraṃ ko'nyo hanyādvṛkodarāt

Moving along many paths and in circles on every side, this hero Duryodhana—who but Vrikodara could have slain him?

Verse 10 (9.62.10)

वैरस्य च गतः पारं त्वमिहान्यैः सुदुर्गमम् । अशक्यमेतदन्येन सम्पादयितुमीदृशम् ॥

vairasya ca gataḥ pāraṃ tvamihānyaiḥ sudurgamam | aśakyametadanyena sampādayitumīdṛśam

You have reached the far shore of an enmity that others could scarcely cross; no one else could have accomplished such a deed.

Verse 11 (9.62.11)

कुञ्जरेणेव मत्तेन वीरसङ्ग्राममूर्धनि । दुर्योधनशिरो दिष्ट्या पादेन मृदितं त्वया ॥

kuñjareṇeva mattena vīrasaṅgrāmamūrdhani | duryodhanaśiro diṣṭyā pādena mṛditaṃ tvayā

Like a rutting elephant at the head of a battle of heroes, you have, by good fortune, crushed Duryodhana's head under your foot.

Note on the text: Corrected दुर्योधपशिरो → दुर्योधनशिरो (misprint in Wikisource; प for न; the critical edition reads duryodhanaśiraḥ).

Verse 12 (9.62.12)

सिंहेन महिषस्येव कृत्वा सङ्गरमुत्तमम् । दुःशासनस्य रुधिरं दिष्ट्या पीतं त्वयाऽनघ ॥

siṃhena mahiṣasyeva kṛtvā saṅgaramuttamam | duḥśāsanasya rudhiraṃ diṣṭyā pītaṃ tvayā'nagha

Like a lion with a buffalo, having fought a supreme combat, you have by good fortune drunk Duhshasana's blood, blameless one.

Verse 13 (9.62.13)

ये विप्रकुर्वन्राजानं धर्मात्मानं युधिष्ठिरम् । मूर्ध्नि तेषां कृतः पादो दिष्ट्या ते स्वेन कर्मणा ॥

ye viprakurvanrājānaṃ dharmātmānaṃ yudhiṣṭhiram | mūrdhni teṣāṃ kṛtaḥ pādo diṣṭyā te svena karmaṇā

Those who wronged the king, righteous Yudhishthira—on their heads, by good fortune, you have set your foot, by your own deed.

Verse 14 (9.62.14)

अमित्राणामधिष्ठानाद्वधाद्दुर्योधनस्य च । भीम दिष्ट्या पृथिव्यां ते प्रथितं सुमहद्यशः ॥

amitrāṇāmadhiṣṭhānādvadhādduryodhanasya ca | bhīma diṣṭyā pṛthivyāṃ te prathitaṃ sumahadyaśaḥ

By overcoming your enemies and by the slaying of Duryodhana, Bhima, your great fame has by good fortune spread over the earth.

Verse 15 (9.62.15)

एवं नूनं हते वृत्रे शक्रं नन्दन्ति बन्दिनः । तथा त्वां निहतामित्रं वयं नन्दाम भारत ॥

evaṃ nūnaṃ hate vṛtre śakraṃ nandanti bandinaḥ | tathā tvāṃ nihatāmitraṃ vayaṃ nandāma bhārata

Just as the bards rejoice in Shakra when Vritra has been slain, so we rejoice in you, Bharata, slayer of your foes.

Verse 16 (9.62.16)

दुर्योधनवधे यानि रोमाणि हृषितानि नः । अद्यापि न विकृष्यन्ते तानि तद्विद्धि भारत । इत्यब्रुवन्भीमसेनं वातिकास्तत्र सङ्गताः ॥

duryodhanavadhe yāni romāṇi hṛṣitāni naḥ | adyāpi na vikṛṣyante tāni tadviddhi bhārata | ityabruvanbhīmasenaṃ vātikāstatra saṅgatāḥ

The hair that stood on end for us at Duryodhana's slaying has not settled even now—know this, Bharata." Thus those gathered there said to Bhimasena.

Note on the text: Corrected इत्यब्रुन्भीमसेनं → इत्यब्रुवन्भीमसेनं (misprint in Wikisource; dropped व; the critical edition reads abruvan). Lines 1–2 are the warriors' speech; line 3 (the closing narration) belongs to the narrator but is kept in the same verse as the page prints it. The critical edition reads न विहृष्यन्ति where the page has न विकृष्यन्ते; the base reading is kept.

Verse 17 (9.62.17)

तान्हृष्टान्पुरुषव्याघ्रान्पाञ्चालान्पाण्डवैः सह । ब्रुवतोऽसदृशं तत्र प्रोवाच मधुसूदनः ॥

tānhṛṣṭānpuruṣavyāghrānpāñcālānpāṇḍavaiḥ saha | bruvato'sadṛśaṃ tatra provāca madhusūdanaḥ

As those tigers among men, the Panchalas with the Pandavas, rejoiced and spoke what was unbecoming, Madhusudana addressed them:

Note on the text: Narration (Sanjaya). The page reads ब्रुवतोऽसदृशं ("what was unbecoming"), where the critical edition has sadṛśaṃ; the base reading is kept.

Verse 18 (9.62.18)

न न्याय्यं निहतं शत्रुं भूयो हन्तुं नराधिपाः । असकृद्वाग्भिरुग्राभिर्निहतो ह्येष मन्दधीः ॥

na nyāyyaṃ nihataṃ śatruṃ bhūyo hantuṃ narādhipāḥ | asakṛdvāgbhirugrābhirnihato hyeṣa mandadhīḥ

"It is not right, O lords of men, to slay again an enemy who is already slain. This fool has been slain over and over by harsh words.

Note on the text: Speaker: Krishna's unheaded speech (introduced by the verse before: प्रोवाच मधुसूदनः); given to Vasudeva (Krishna). It runs through verse 22.

Verse 19 (9.62.19)

तदैवैष हतः पापो यदैव निरपत्रपः । लुब्धः पापसहायश्च सुहृदां शासनातिगः ॥

tadaivaiṣa hataḥ pāpo yadaiva nirapatrapaḥ | lubdhaḥ pāpasahāyaśca suhṛdāṃ śāsanātigaḥ

He was slain at the very moment when he became shameless, greedy, a companion of sinners, one who overstepped the counsel of his friends.

Verse 20 (9.62.20)

बहुशो विदुरद्रोणकृपगाङ्गेयसृञ्जयैः । पाण्डुभ्यः प्रार्थ्यमानोऽपि पित्र्यमंशं न दत्तवान् ॥

bahuśo viduradroṇakṛpagāṅgeyasṛñjayaiḥ | pāṇḍubhyaḥ prārthyamāno'pi pitryamaṃśaṃ na dattavān

Though Vidura, Drona, Kripa, Ganga's son and the Srinjayas begged him again and again, he would not give the Pandavas their father's share.

Verse 21 (9.62.21)

नैव तेभ्योऽद्य मित्रं वा शत्रुर्वा पुरुषाधमः । किमनेन वितुन्नेन वाग्भिः काष्ठसधर्मणा ॥

naiva tebhyo'dya mitraṃ vā śatrurvā puruṣādhamaḥ | kimanena vitunnena vāgbhiḥ kāṣṭhasadharmaṇā

Today this lowest of men is neither friend nor foe to them. What is the use of goading him with words, when he is like a log of wood?

Note on the text: The page footnote records a manuscript variant for line 1 (नैष योग्योऽद्य मित्रं वेति झ.पाठः), which is the critical edition's reading; the base reading is kept.

Verse 22 (9.62.22)

रथेष्वारोहत क्षिप्रं गच्छामो वसुधाधिपाः । दिष्ट्या हतोऽयं पापात्मा सामात्यज्ञातिबान्धवः ॥

ratheṣvārohata kṣipraṃ gacchāmo vasudhādhipāḥ | diṣṭyā hato'yaṃ pāpātmā sāmātyajñātibāndhavaḥ

Mount your chariots quickly, lords of the earth; let us go. By good fortune this sinful wretch is slain, with his ministers, kinsmen and relatives."

Verse 23 (9.62.23)

इति श्रुत्वा त्वधिक्षेपं कृष्णाद्दुर्योधनो नृपः । अमर्षवशमापन्न उदतिष्ठद्विशाम्पते ॥

iti śrutvā tvadhikṣepaṃ kṛṣṇādduryodhano nṛpaḥ | amarṣavaśamāpanna udatiṣṭhadviśāmpate

Hearing this rebuke from Krishna, King Duryodhana, overcome by wrath, rose up, O lord of the people.

Note on the text: Narration resumes (Sanjaya).

Verse 24 (9.62.24)

स्फिग्देशेनोपविष्टः स दोर्भ्यां विष्टभ्य मेदिनीम् । दृष्टिं भ्रूसङ्कटां कृत्वा वासुदेवे न्यपातयत् ॥

sphigdeśenopaviṣṭaḥ sa dorbhyāṃ viṣṭabhya medinīm | dṛṣṭiṃ bhrūsaṅkaṭāṃ kṛtvā vāsudeve nyapātayat

Sitting on his hips, propping himself on the earth with both arms, he knit his brows and fixed his gaze on Vasudeva.

Verse 25 (9.62.25)

अर्धोन्नतशरीरस्य रूपमासीन्नृपस्य तु । क्रुद्धस्याशीविषस्येव च्छिन्नपुच्छस्य भोगिनः ॥

ardhonnataśarīrasya rūpamāsīnnṛpasya tu | kruddhasyāśīviṣasyeva cchinnapucchasya bhoginaḥ

With half his body raised, the king looked like an angry venomous snake whose tail has been cut off.

Verse 26 (9.62.26)

प्राणान्तकरिणीं घोरां वेदनामप्यचिन्तयन् । दुर्योधनो वासुदेवं वाग्भिरुग्राभिरार्दयत् ॥

prāṇāntakariṇīṃ ghorāṃ vedanāmapyacintayan | duryodhano vāsudevaṃ vāgbhirugrābhirārdayat

Heedless of the dreadful pain that would end his life, Duryodhana assailed Vasudeva with harsh words.

Verse 27 (9.62.27)

कंसदासस्य दायाद न ते लज्जाऽस्त्यनेन वै । अधर्मेण गदायुद्धे यदहं विनिपातितः । ऊरूभिन्धीति भीमस्य स्मृतिं मिथ्याप्रयच्छता ॥

kaṃsadāsasya dāyāda na te lajjā'styanena vai | adharmeṇa gadāyuddhe yadahaṃ vinipātitaḥ | ūrūbhindhīti bhīmasya smṛtiṃ mithyāprayacchatā

"O son of Kamsa's servant, are you not ashamed of this—that I was struck down unrighteously in a mace fight, by you, who deceitfully prompted Bhima with the sign, 'Break his thighs'?

Note on the text: Corrected यदर्हं → यदहं (misprint in Wikisource; extra र; the verse needs the pronoun अहम्, and the critical edition reads yad ahaṃ). Speaker: Duryodhana's unheaded speech (introduced by the verse before: he assailed Vasudeva with harsh words); given to Duryodhana. It runs through verse 38. Lines 1–2 are the critical edition's 9.60.27ac and line 3 is 9.60.28a; the alignment found no match.

Verse 28 (9.62.28)

किं न विज्ञातमेतन्मे यदर्जुनमवोचथाः । घातयित्वा महीपालानृजुयुद्धान्सहस्रशः । जिह्मैरुपायैर्बहुभिर्न ते लज्जा न ते घृणा ॥

kiṃ na vijñātametanme yadarjunamavocathāḥ | ghātayitvā mahīpālānṛjuyuddhānsahasraśaḥ | jihmairupāyairbahubhirna te lajjā na te ghṛṇā

Did I not know this too, what you said to Arjuna? You had thousands of kings, who fought straightforwardly, slain by many crooked means; you have no shame, no pity.

Note on the text: Lines are the critical edition's 9.60.28c, 9.60.29a and 9.60.29c; the alignment found no match.

Verse 29 (9.62.29)

अहन्यहनि शूराणां कुर्वाणः कदनं महत् । शिखण्डिनं पुरस्कृत्य घातितस्ते पितामहः ॥

ahanyahani śūrāṇāṃ kurvāṇaḥ kadanaṃ mahat | śikhaṇḍinaṃ puraskṛtya ghātitaste pitāmahaḥ

Day after day, as he wrought great slaughter among heroes, your grandfather was brought down by you, with Shikhandin placed in front.

Verse 30 (9.62.30)

अश्वत्थाम्नः सनामानं हत्वा नागं सुदुर्मते । आचार्यो न्यासितः शस्त्रं किं तन्न विदितं मया ॥

aśvatthāmnaḥ sanāmānaṃ hatvā nāgaṃ sudurmate | ācāryo nyāsitaḥ śastraṃ kiṃ tanna viditaṃ mayā

You killed an elephant that bore Ashvatthama's name and so made the teacher lay down his weapon, wretch—do I not know that?

Verse 31 (9.62.31)

स चानेन नृशंसेन धृष्टद्युम्नेन वीर्यवान् । पात्यमानस्त्वया दृष्टो न चैनं त्वमवारयः ॥

sa cānena nṛśaṃsena dhṛṣṭadyumnena vīryavān | pātyamānastvayā dṛṣṭo na cainaṃ tvamavārayaḥ

And that mighty man, while this cruel Dhrishtadyumna was felling him, was seen by you, and you did not stop him.

Verse 32 (9.62.32)

वधार्थं पाण्डुपुत्रस्य याचितां शक्तिमेव च । घटोत्कचे व्यंसयतः कस्त्वत्तः पापकृत्तमः ॥

vadhārthaṃ pāṇḍuputrasya yācitāṃ śaktimeva ca | ghaṭotkace vyaṃsayataḥ kastvattaḥ pāpakṛttamaḥ

The dart that had been asked for to slay the son of Pandu—you made it be wasted on Ghatotkacha. Who is a greater doer of sin than you?

Verse 33 (9.62.33)

छिन्नहस्तः प्रायगतस्तथा भूरिश्रवा बली । त्वयाऽभिसृष्टेन हतः शैनेयेन दुरात्मना ॥

chinnahastaḥ prāyagatastathā bhūriśravā balī | tvayā'bhisṛṣṭena hataḥ śaineyena durātmanā

The mighty Bhurishravas, his arm cut off and sitting in the fast unto death, was killed by the wicked Shaineya, set upon him by you.

Verse 34 (9.62.34)

कुर्वाणश्चोत्तमं कर्म कर्णः पार्थजिगीषया । व्यंसनेनाश्वसेनस्य पन्नगेन्द्रस्य वै पुनः ॥

kurvāṇaścottamaṃ karma karṇaḥ pārthajigīṣayā | vyaṃsanenāśvasenasya pannagendrasya vai punaḥ

And Karna, performing a supreme deed in his wish to conquer Partha, was thwarted when Ashvasena, the chief of serpents, was foiled again—

Verse 35 (9.62.35)

पुनश्च पतिते चक्रे व्यसनार्तः पराजितः । पातितः समरे कर्णश्चक्रव्यग्रोऽग्रणीर्नृणाम् ॥

punaśca patite cakre vyasanārtaḥ parājitaḥ | pātitaḥ samare karṇaścakravyagro'graṇīrnṛṇām

and when his wheel sank again, afflicted by misfortune and defeated, Karna, the foremost of men, intent upon his wheel, was brought down in battle.

Note on the text: Corrected पापितः → पातितः (misprint in Wikisource; पापितः is not a word here; the critical edition reads pātitaḥ). Corrected चक्रव्याग्रो → चक्रव्यग्रो (misprint in Wikisource; misprint; the critical edition reads cakravyagraḥ).

Verse 36 (9.62.36)

यदि मां चापि कर्णं च भीष्मद्रोणौ च संयुगे । ऋजुना प्रतियुध्येथा न ते स्याद्विजयो ध्रुवम् ॥

yadi māṃ cāpi karṇaṃ ca bhīṣmadroṇau ca saṃyuge | ṛjunā pratiyudhyethā na te syādvijayo dhruvam

If you had fought me, and Karna, and Bhishma and Drona in battle in a straightforward way, victory would surely not have been yours.

Verse 37 (9.62.37)

त्वया पुनरनार्येण जिह्ममार्गेण पार्थिवाः । स्वधर्ममनुतिष्ठन्तो वयं चान्ये च घातिताः ॥

tvayā punaranāryeṇa jihmamārgeṇa pārthivāḥ | svadharmamanutiṣṭhanto vayaṃ cānye ca ghātitāḥ

But by you, ignoble one, by a crooked path, the kings were slain—we and others, who kept to our own dharma.

Verse 38 (9.62.38)

त्वया मायाविना कृष्ण मायां कर्मप्रमोषिणीम् । कृत्वा हतः सिन्धुपतिः किं तन्न विदितं मम ॥

tvayā māyāvinā kṛṣṇa māyāṃ karmapramoṣiṇīm | kṛtvā hataḥ sindhupatiḥ kiṃ tanna viditaṃ mama

By you, the deceiver, O Krishna, an illusion that robs one of one's work was contrived, and the lord of Sindhu was slain—do I not know that?"

Note on the text: Removed the wiki marks (backtick and closing quote). Not in the critical edition's constituted text (found in the vulgate recension); the critical edition records it in its apparatus as the star passage 9.60.38d*0364_01–02 (reading arka- for karma- in line 1).

Verse 39 (9.62.39)

हतस्त्वमसि गान्धारे सभ्रातृसुतबान्धवः । सगणः ससुहृच्चैव पापं मार्गमनुष्ठितः ॥

hatastvamasi gāndhāre sabhrātṛsutabāndhavaḥ | sagaṇaḥ sasuhṛccaiva pāpaṃ mārgamanuṣṭhitaḥ

"You are slain, son of Gandhari, with your brothers, sons and kinsmen, with your host and your friends, for having walked the path of sin.

Note on the text: Speaker as headed on the page (वासुदेव उवाच).

Verse 40 (9.62.40)

तवैव दुष्कृतैर्वीरौ भीष्मद्रोणौ निपातितौ । कर्णश्च निहतः सङ्ख्ये तव शीलानुवर्तकः ॥

tavaiva duṣkṛtairvīrau bhīṣmadroṇau nipātitau | karṇaśca nihataḥ saṅkhye tava śīlānuvartakaḥ

It was by your own misdeeds that the heroes Bhishma and Drona were felled, and Karna, who followed your ways, was slain in battle.

Verse 41 (9.62.41)

याच्यमानं मया मूढ पित्र्यमंशं न दित्ससि । पाण्डवेभ्यः स्वराज्यं च लोभाच्छकुनिनिश्चयात् ॥

yācyamānaṃ mayā mūḍha pitryamaṃśaṃ na ditsasi | pāṇḍavebhyaḥ svarājyaṃ ca lobhācchakuniniścayāt

Though I begged you, fool, you would not give the Pandavas their father's share, their own kingdom, out of greed and on Shakuni's counsel.

Verse 42 (9.62.42)

विषं ते भीमसेनाय दत्तं सर्वे च पाण्डवाः । प्रदीपिता जतुगृहे मात्रा सह सुदुर्मते ॥

viṣaṃ te bhīmasenāya dattaṃ sarve ca pāṇḍavāḥ | pradīpitā jatugṛhe mātrā saha sudurmate

Poison was given to Bhimasena, and all the Pandavas, together with their mother, were set afire in the house of lac, you wretch.

Verse 43 (9.62.43)

सभायां याज्ञसेनी च कृष्टा द्यूते रजस्वला । तदैव तावद्दुष्टात्मन्वध्यस्त्वं निरपत्रप ॥

sabhāyāṃ yājñasenī ca kṛṣṭā dyūte rajasvalā | tadaiva tāvadduṣṭātmanvadhyastvaṃ nirapatrapa

And Draupadi, in her season, was dragged into the assembly at the dice-game; for that alone you deserved death even then, shameless one.

Verse 44 (9.62.44)

अनक्षज्ञं च धर्मज्ञं सौबलेनाक्षवेदिना । निकृत्या यत्पराजैषीस्तस्मादसि हतो रणे ॥

anakṣajñaṃ ca dharmajñaṃ saubalenākṣavedinā | nikṛtyā yatparājaiṣīstasmādasi hato raṇe

Because you defeated by deceit, through the dice-skilled son of Subala, a man who knew dharma but not dice, therefore you have been slain in battle.

Verse 45 (9.62.45)

जयद्रथेन पापेन यत्कृष्णा क्लेशिता वने । यातेषु मृगयां चैव तृणबिन्दोरथाश्रमम् ॥

jayadrathena pāpena yatkṛṣṇā kleśitā vane | yāteṣu mṛgayāṃ caiva tṛṇabindorathāśramam

Because Krishna was molested in the forest by the wicked Jayadratha, when the Pandavas had gone hunting, at the hermitage of Trinabindu—

Verse 46 (9.62.46)

अभिमन्युश्च यद्बाल एको बहुभिराहवे । त्वद्दोषैर्निहतः पाप तस्मादसि हतो रणे ॥

abhimanyuśca yadbāla eko bahubhirāhave | tvaddoṣairnihataḥ pāpa tasmādasi hato raṇe

and because Abhimanyu, a mere boy, alone against many in battle, was slain through your faults, sinner—therefore you have been slain in battle.

Note on the text: Matches the critical edition's 9.60.46 (the alignment missed it, as the unmatched list holds it joined to the Appendix passage that follows).

Verse 47 (9.62.47)

कुर्वाणं कर्म समरे पाण्डवानर्थकाङ्क्षिणम् । यच्छिखण्ड्यवधीद्भीष्मं मित्रार्थे न व्यतिक्रमः ॥

kurvāṇaṃ karma samare pāṇḍavānarthakāṅkṣiṇam | yacchikhaṇḍyavadhīdbhīṣmaṃ mitrārthe na vyatikramaḥ

As for Bhishma, who was doing his work in battle and wishing the Pandavas harm, that Shikhandin slew him was for the sake of a friend; there was no transgression in it.

Note on the text: Not in the critical edition's main text; it is CE Appendix I No. 4 (printed after 9.60.46), lines 0001–0002 (9.60.46d@004_0001–0002). Removed the opening wiki backtick.

Verse 48 (9.62.48)

स्वधर्मं पृष्ठतः कृत्वा आचार्यस्त्वत्प्रियेप्सया । पार्षतेन हतः सङ्ख्ये वर्तमानोऽसतां पथि ॥

svadharmaṃ pṛṣṭhataḥ kṛtvā ācāryastvatpriyepsayā | pārṣatena hataḥ saṅkhye vartamāno'satāṃ pathi

The teacher, who had put his own dharma behind him to please you and was walking the path of the wicked, was slain in battle by Prishata's son.

Note on the text: Not in the critical edition's main text; it is CE Appendix I No. 4 (printed after 9.60.46), lines 0003–0004 (9.60.46d@004_0003–0004).

Verse 49 (9.62.49)

प्रतिज्ञामात्मनः सत्यां चिकीर्षन्समरे रिपुम् । हतवान्सात्वतो विद्वान्सौमदत्तिं महारथम् ॥

pratijñāmātmanaḥ satyāṃ cikīrṣansamare ripum | hatavānsātvato vidvānsaumadattiṃ mahāratham

Wishing to make his own vow true, the learned Satvata slew his enemy in battle, the great chariot-warrior, Somadatta's son.

Note on the text: Corrected निपुम् → रिपुम् (misprint in Wikisource; न for र; the critical edition reads ripum). Not in the critical edition's main text; it is CE Appendix I No. 4 (printed after 9.60.46), lines 0005–0006 (9.60.46d@004_0005–0006).

Verse 50 (9.62.50)

अर्जुनः समरे राजन्युध्यमानः कदाचन । निन्दितं पुरुषव्याघ्रः करोति न कथञ्चन ॥

arjunaḥ samare rājanyudhyamānaḥ kadācana | ninditaṃ puruṣavyāghraḥ karoti na kathañcana

Arjuna, O king, when he fights in battle, never in any way does anything that is blameworthy, that tiger among men.

Note on the text: Not in the critical edition's main text; it is CE Appendix I No. 4 (printed after 9.60.46), lines 0007–0008 (9.60.46d@004_0007–0008).

Verse 51 (9.62.51)

लब्ध्वाऽपि बहुधा छिद्रं वीरवृत्तमनुस्मरन् । न जघान रणे कर्णं मैवं वोचः सुदुर्मते ॥

labdhvā'pi bahudhā chidraṃ vīravṛttamanusmaran | na jaghāna raṇe karṇaṃ maivaṃ vocaḥ sudurmate

Though he found an opening many times, remembering the way of heroes he did not kill Karna in battle. Do not speak so, you fool.

Note on the text: Corrected निजघान → न जघान (misprint in Wikisource; the sense requires the negative, Arjuna did not kill Karna by foul means; the critical edition reads na jaghāna). Not in the critical edition's main text; it is CE Appendix I No. 4 (printed after 9.60.46), lines 0009–0010 (9.60.46d@004_0009–0010).

Verse 52 (9.62.52)

देवानां मतमाज्ञाय तेषां प्रियहितेप्सया । अर्जुनस्य महानागं मया व्यंसितमस्त्रजम् ॥

devānāṃ matamājñāya teṣāṃ priyahitepsayā | arjunasya mahānāgaṃ mayā vyaṃsitamastrajam

Knowing the mind of the gods and wishing to do what was dear and good for them, I foiled the great serpent, born of a weapon, that was aimed at Arjuna.

Note on the text: Not in the critical edition's main text; it is CE Appendix I No. 4 (printed after 9.60.46), lines 0011–0012 (9.60.46d@004_0011–0012). The page reads अर्जुनस्य महानागं … अस्त्रजम्, where the critical edition has nārjunasya mate nāgaṃ; the base reading is kept.

Verse 53 (9.62.53)

त्वं च भीष्मश्च कर्णश्च द्रोणो द्रौणायनिस्तथा । विराटनगरे तस्य ह्यानृशंस्येन जीविताः ॥

tvaṃ ca bhīṣmaśca karṇaśca droṇo drauṇāyanistathā | virāṭanagare tasya hyānṛśaṃsyena jīvitāḥ

You and Bhishma and Karna, Drona and Drona's son—all of you were left alive by his mercy at Virata's city.

Note on the text: Not in the critical edition's main text; it is CE Appendix I No. 4 (printed after 9.60.46), lines 0013–0014 (9.60.46d@004_0013–0014). The page omits कृपः (the critical edition has "drauṇis tathā kṛpaḥ") and reads ह्यानृशंस्येन; the base reading is kept.

Verse 54 (9.62.54)

स्मर पार्थस्य विक्रान्तं गन्धर्वेषु कृतं तथा । अधर्मं नात्र गान्धारे पाण्डवैर्यत्कृतं त्वयि ॥

smara pārthasya vikrāntaṃ gandharveṣu kṛtaṃ tathā | adharmaṃ nātra gāndhāre pāṇḍavairyatkṛtaṃ tvayi

Remember also Partha's valor shown among the Gandharvas. In what the Pandavas have done to you there is here no unrighteousness, son of Gandhari.

Note on the text: Not in the critical edition's main text; it is CE Appendix I No. 4 (printed after 9.60.46), lines 0015–0016 (9.60.46d@004_0015–0016).

Verse 55 (9.62.55)

स्वबाहुबलमास्थाय स्वधर्मेण परन्तपाः । जितवन्तो रणे वीराः पापोऽसि निधनं गतः ॥

svabāhubalamāsthāya svadharmeṇa parantapāḥ | jitavanto raṇe vīrāḥ pāpo'si nidhanaṃ gataḥ

Relying on the strength of their own arms and on their own dharma, those heroes, tormentors of foes, conquered in battle; you are a sinner and have met your end."

Note on the text: Corrected पापोसि → पापोऽसि (misprint in Wikisource; avagraha dropped; the critical edition reads pāpo 'si). Not in the critical edition's main text; it is CE Appendix I No. 4 (printed after 9.60.46), lines 0017–0018 (9.60.46d@004_0017–0018). Removed the closing wiki quote.

Verse 56 (9.62.56)

यान्यकार्याणि चास्माकं कृतानिति प्रभाषसे । वैगुण्येन तवात्यर्थं सर्वं हि तदनुष्ठितम् ॥

yānyakāryāṇi cāsmākaṃ kṛtāniti prabhāṣase | vaiguṇyena tavātyarthaṃ sarvaṃ hi tadanuṣṭhitam

The improper deeds that you say were done by us—all that was done only because of your own great failing.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 9.60.46d*0367_01–02. Removed the opening wiki bracket [ (an editorial mark enclosing verses 56–58).

Verse 57 (9.62.57)

बृहस्पतेरुशनसो नोपदेशः श्रुतस्त्वया । वृद्धा नोपासिताश्चैव हितं वाक्यं न ते श्रुतम् ॥

bṛhaspateruśanaso nopadeśaḥ śrutastvayā | vṛddhā nopāsitāścaiva hitaṃ vākyaṃ na te śrutam

You did not heed the counsel of Brihaspati and Ushanas, you did not wait upon the elders, and you did not listen to words that were for your good.

Note on the text: Corrected श्रुतभ् → श्रुतम् (misprint in Wikisource; भ for म). Not in the critical edition's constituted text (found in the vulgate recension); the critical edition records it in its apparatus as the star passage 9.60.46d*0367_03–04.

Verse 58 (9.62.58)

लोभेनातिबलेन त्वं तृष्णया च वशीकृतः । कृतवानस्यकार्याणि विपाकस्तस्य भुज्यताम् ॥

lobhenātibalena tvaṃ tṛṣṇayā ca vaśīkṛtaḥ | kṛtavānasyakāryāṇi vipākastasya bhujyatām

Mastered by overwhelming greed and craving, you did what ought not to be done; now bear the ripening of it.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 9.60.46d*0367_05–06. Removed the closing wiki bracket ] and the stray । mark before it. The text asyakāryāṇi (कृतवानस्यकार्याणि) is as in the critical edition.

Verse 59 (9.62.59)

अधीतं विधिवद्दत्तं भूः प्रभुक्ता ससागरा । मूर्ध्नि स्थितममित्राणां को नु स्वन्ततरो मया ॥

adhītaṃ vidhivaddattaṃ bhūḥ prabhuktā sasāgarā | mūrdhni sthitamamitrāṇāṃ ko nu svantataro mayā

"I have studied as the rule requires, I have given gifts, I have ruled the earth with its seas, and I have stood upon the heads of my enemies. Who has a better end than I?

Note on the text: Corrected स्थिममित्राणां → स्थितममित्राणां (misprint in Wikisource; dropped त; the critical edition reads sthitam amitrāṇām). Speaker as headed on the page (दुर्योधन उवाच).

Verse 60 (9.62.60)

यदिष्टं क्षत्रबन्धूनां स्वधर्ममनुपश्यताम् । तदिदं निधनं प्राप्तं को नु स्वन्ततरो मया ॥

yadiṣṭaṃ kṣatrabandhūnāṃ svadharmamanupaśyatām | tadidaṃ nidhanaṃ prāptaṃ ko nu svantataro mayā

What Kshatriyas desire, looking to their own dharma—this very death has come to me. Who has a better end than I?

Verse 61 (9.62.61)

देवार्हा मानुषा भोगाः प्राप्ता असुलभा नृपैः । ऐश्वर्यं चोत्तमं प्राप्तं को नु स्वन्ततरो मया ॥

devārhā mānuṣā bhogāḥ prāptā asulabhā nṛpaiḥ | aiśvaryaṃ cottamaṃ prāptaṃ ko nu svantataro mayā

Human pleasures fit for the gods, hard for kings to win, I have won, and supreme sovereignty as well. Who has a better end than I?

Verse 62 (9.62.62)

ससुहृत्सानुबन्धश्च स्वर्गं गन्ताऽहमच्युत । यूयं गर्हितसङ्कल्पाः शोचन्तो वर्तयिष्यथ ॥

sasuhṛtsānubandhaśca svargaṃ gantā'hamacyuta | yūyaṃ garhitasaṅkalpāḥ śocanto vartayiṣyatha

With my friends and kinsmen I shall go to heaven, Achyuta; you, whose purposes are contemptible, will go on living in grief.

Note on the text: Corrected सानुबन्धस्च → सानुबन्धश्च (misprint in Wikisource; स for श).

Verse 63 (9.62.63)

न मे विषादो भीमेन पादेन शिर आहतम् । काका वा कङ्कगृध्रा वा निधास्यन्ति पदं क्षणात् ॥

na me viṣādo bhīmena pādena śira āhatam | kākā vā kaṅkagṛdhrā vā nidhāsyanti padaṃ kṣaṇāt

I feel no grief that Bhima struck my head with his foot; in a moment crows, herons or vultures will set their feet upon it."

Note on the text: Removed the wiki marks (backtick and closing quote). Not in the critical edition's constituted text (found in the vulgate recension); the critical edition records it in its apparatus as the star passage 9.60.50d*0368_01–02.

Verse 64 (9.62.64)

अस्य वाक्यस्य निधने कुरुराजस्य धीमतः । अपतत्सुमहद्वर्षं पुष्पाणां पुण्यगन्धिनाम् ॥

asya vākyasya nidhane kururājasya dhīmataḥ | apatatsumahadvarṣaṃ puṣpāṇāṃ puṇyagandhinām

When the wise king of the Kurus had finished speaking, a great rain of flowers with a sacred fragrance fell.

Note on the text: Speaker as headed on the page (सञ्जय उवाच).

Verse 65 (9.62.65)

अवादयन्त गन्धर्वा वादित्रं सुमनोहरम् ॥

avādayanta gandharvā vāditraṃ sumanoharam

The Gandharvas played enchanting music.

Note on the text: Line 1 is 9.60.52a of the critical edition, whose second half is the star passage 9.60.52a*0369_01 (printed there as "**** **** vāditraṃ sumanoharam").

Verse 66 (9.62.66)

जगुश्चाप्सरसो राज्ञो यशः सम्बद्धमेव च । सिद्धाश्च मुमुचुर्वाचः साधुसाध्विति पार्थिव ॥

jaguścāpsaraso rājño yaśaḥ sambaddhameva ca | siddhāśca mumucurvācaḥ sādhusādhviti pārthiva

The Apsarases sang the king's praises, bound up with his fame, and the Siddhas cried out "Well done! Well done!", O king.

Note on the text: Line 1 is the critical edition's star passage 9.60.52a*0369_02; line 2 corresponds to 9.60.52c (siddhāś ca mumucur vācaḥ sādhu sādhv iti bhārata).

Verse 67 (9.62.67)

ववौ च सुरभिर्वायुः पुण्यगन्धो मृदुःसुखः । व्यराजंश्च दिशः सर्वा नभो वैदूर्यसन्निभम् ॥

vavau ca surabhirvāyuḥ puṇyagandho mṛduḥsukhaḥ | vyarājaṃśca diśaḥ sarvā nabho vaidūryasannibham

A fragrant breeze blew, pure-scented, soft and pleasant, and all the quarters shone, the sky looking like beryl.

Verse 68 (9.62.68)

अत्यद्भुतानि ते दृष्ट्वा वासुदेवपुरोगमाः । दुर्योधनस्य पूजां तु दृष्ट्वा व्रीडामुपागमन् ॥

atyadbhutāni te dṛṣṭvā vāsudevapurogamāḥ | duryodhanasya pūjāṃ tu dṛṣṭvā vrīḍāmupāgaman

Seeing those marvels, and seeing the honor paid to Duryodhana, Vasudeva and the others who followed him were ashamed.

Verse 69 (9.62.69)

हतांश्चाधर्मतः श्रुत्वा शोकार्ताः शुशुचुर्हि ते । भीष्मं द्रोणं तथा कर्णं भूरिश्रवसमेव च ॥

hatāṃścādharmataḥ śrutvā śokārtāḥ śuśucurhi te | bhīṣmaṃ droṇaṃ tathā karṇaṃ bhūriśravasameva ca

And hearing that Bhishma, Drona, Karna and Bhurishravas had been slain unrighteously, they grieved, stricken with sorrow.

Verse 70 (9.62.70)

तांस्तु चिन्तापरान्दृष्ट्वा पाण्डवान्दीनचेतसः । प्रोवाचेदं वचः कृष्णो मेघदुन्दुभिनिस्वनः ॥

tāṃstu cintāparāndṛṣṭvā pāṇḍavāndīnacetasaḥ | provācedaṃ vacaḥ kṛṣṇo meghadundubhinisvanaḥ

Seeing the Pandavas sunk in thought and dejected, Krishna, whose voice was like the rumble of a cloud or a drum, said this:

Note on the text: Narration (Sanjaya).

Verse 71 (9.62.71)

नैष शक्योऽतिशीघ्रास्त्रस्ते च सर्वे महारथाः । ऋजुयुद्धेन विक्रान्ता हन्तुं युष्माभिराहवे ॥

naiṣa śakyo'tiśīghrāstraste ca sarve mahārathāḥ | ṛjuyuddhena vikrāntā hantuṃ yuṣmābhirāhave

"He, so swift with weapons, and all those great chariot-warriors, valiant men, could not be slain by you in battle by straightforward fighting.

Note on the text: Speaker: Krishna's unheaded speech (introduced by the verse before: प्रोवाचेदं वचः कृष्णः); given to Vasudeva (Krishna). It runs through verse 79.

Verse 72 (9.62.72)

उपायान्निहता ह्येते मया तस्मान्नराधिपाः । अन्यथा पाण्डवेयानां नाभविष्यज्जयः क्वचित् ॥

upāyānnihatā hyete mayā tasmānnarādhipāḥ | anyathā pāṇḍaveyānāṃ nābhaviṣyajjayaḥ kvacit

Therefore, lords of men, these were slain by me through stratagems; otherwise the Pandavas would never have had victory.

Verse 73 (9.62.73)

ते हि सर्वे महेष्वासाश्चत्वारोऽतिरथा भुवि । अशक्या धर्मतो हन्तुं लोकपालैरपि स्वयम् ॥

te hi sarve maheṣvāsāścatvāro'tirathā bhuvi | aśakyā dharmato hantuṃ lokapālairapi svayam

For all those four great archers, the atirathas of the earth, could not have been slain according to dharma even by the Guardians of the Worlds themselves.

Note on the text: Corrected मुवि → भुवि (misprint in Wikisource; म for भ; the critical edition reads bhuvi).

Verse 74 (9.62.74)

तथैवायं गदापाणिर्धार्तराष्ट्रो गतश्रमः । अशक्यो धर्मतो हन्तुं कालेनापीह दण्डिना ॥

tathaivāyaṃ gadāpāṇirdhārtarāṣṭro gataśramaḥ | aśakyo dharmato hantuṃ kālenāpīha daṇḍinā

So too this son of Dhritarashtra, mace in hand, his weariness gone, could not have been slain according to dharma even by Time himself, the wielder of the rod.

Note on the text: Corrected कालेनापि दि दण्डिना → कालेनापीह दण्डिना (misprint in Wikisource; garbled; the critical edition reads kālenāpīha).

Verse 75 (9.62.75)

नैतन्मनसि कर्तव्यं यदयं निहतो नृपः । मिथ्याचर्याच्छलोपायैर्बहवः शत्रवो हताः ॥

naitanmanasi kartavyaṃ yadayaṃ nihato nṛpaḥ | mithyācaryācchalopāyairbahavaḥ śatravo hatāḥ

You should not take it to heart that this king has been slain; many foes have been slain by false conduct, by trickery and stratagems.

Note on the text: Alignment found no match; it is a recension variant of the critical edition's 9.60.61 (na ca vo hṛdi kartavyaṃ yad ayaṃ ghātito nṛpaḥ / mithyāvadhyās tathopāyair bahavaḥ śatravo 'dhikāḥ); the base reading is kept.

Verse 76 (9.62.76)

पूर्वैरनुगतो मार्गो देवैरसुरघातिभिः । सद्भिश्चानुगतः पन्थाः सर्वैरनुगमिष्यते ॥

pūrvairanugato mārgo devairasuraghātibhiḥ | sadbhiścānugataḥ panthāḥ sarvairanugamiṣyate

The path followed by the gods of old, slayers of the asuras, and the way followed by the good, will be followed by all.

Verse 77 (9.62.77)

एवं विधात्रा विहितं स्वयमेषां महात्मनाम् । दैवं पुरुषकारेण न शक्यमतिवर्तितुम् ॥

evaṃ vidhātrā vihitaṃ svayameṣāṃ mahātmanām | daivaṃ puruṣakāreṇa na śakyamativartitum

So it has been ordained by the Creator himself for these great souls; fate cannot be overcome by human effort.

Note on the text: Removed the opening wiki backtick. Not in the critical edition's constituted text (found in the vulgate recension); the critical edition records it in its apparatus as the star passage 9.60.62d*0373_01–02.

Verse 78 (9.62.78)

भूतं भव्यं भविष्यच्च निमेषाद्यो हनिष्यति । कृतान्तमन्यथा कर्तुं नेच्छेत्सोऽयं धनञ्जय ॥

bhūtaṃ bhavyaṃ bhaviṣyacca nimeṣādyo haniṣyati | kṛtāntamanyathā kartuṃ necchetso'yaṃ dhanañjaya

The one who in the blink of an eye can destroy what was, what is and what will be would not wish to make fate otherwise—so it is, O Dhananjaya.

Note on the text: Removed the stray । mark and the closing wiki quote. Not in the critical edition's constituted text (found in the vulgate recension); the critical edition records it in its apparatus as the star passage 9.60.62d*0373_03–04 (which reads so 'yaṃ dhanaṃjayaḥ; the base reading, with धनञ्जय as a vocative, is kept).

Verse 79 (9.62.79)

कृतकृत्याः स्म सायाह्ने निवासं रोचयामहे । साश्वनागरथाः सर्वे विश्राम्यन्तु नराधिपाः ॥

kṛtakṛtyāḥ sma sāyāhne nivāsaṃ rocayāmahe | sāśvanāgarathāḥ sarve viśrāmyantu narādhipāḥ

We have done what was to be done; now, at evening, let us choose to take our rest. Let all the lords of men, with their horses, elephants and chariots, rest."

Note on the text: Line 2 differs from the critical edition (viśramāmo); the base reading is kept.

Verse 80 (9.62.80)

वासुदेववचः श्रुत्वा तदानीं पाण्डवैः सह । पाञ्चाला भृशसंहृष्टा विनेदुः सिंहसङ्घवत् ॥

vāsudevavacaḥ śrutvā tadānīṃ pāṇḍavaiḥ saha | pāñcālā bhṛśasaṃhṛṣṭā vineduḥ siṃhasaṅghavat

Hearing Vasudeva's words, the Panchalas, with the Pandavas, greatly delighted, roared then like a herd of lions.

Note on the text: Narration resumes (Sanjaya).

Verse 81 (9.62.81)

ततः प्राध्मापयच्छङ्खं पाञ्चजन्यं जनार्दनः । देवदत्तं प्रहृष्टात्मा शङ्खप्रवरमर्जुनः ॥

tataḥ prādhmāpayacchaṅkhaṃ pāñcajanyaṃ janārdanaḥ | devadattaṃ prahṛṣṭātmā śaṅkhapravaramarjunaḥ

Then Janardana blew his conch Panchajanya; and Arjuna, glad at heart, blew the best of conches, Devadatta;

Note on the text: Removed the wiki backtick. Line 1 is a recension variant of the critical edition's 9.60.65a; line 2 is its star passage 9.60.65b*0374_01. The conch-list in verses 81–86 is the critical edition's star passages 9.60.65b*0374_01–10, found in the vulgate recension.

Verse 82 (9.62.82)

अनन्तविजयं राजा कुन्तीपुत्रो युधिष्ठिरः । पोण्ड्रं दध्मौ महाशङ्खं भीमकर्मा वृकोदरः ॥

anantavijayaṃ rājā kuntīputro yudhiṣṭhiraḥ | poṇḍraṃ dadhmau mahāśaṅkhaṃ bhīmakarmā vṛkodaraḥ

King Yudhishthira, son of Kunti, blew Anantavijaya, and Vrikodara of fearsome deeds blew the great conch Paundra;

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 9.60.65b*0374_02–03.

Verse 83 (9.62.83)

नकुलः सहदेवश्च सुघोषमणिपुष्पकौ । धृष्टद्युम्नस्तथा जैत्रं सात्यकिर्नन्दिवर्धनम् ॥

nakulaḥ sahadevaśca sughoṣamaṇipuṣpakau | dhṛṣṭadyumnastathā jaitraṃ sātyakirnandivardhanam

Nakula and Sahadeva blew Sughosha and Manipushpaka, Dhrishtadyumna blew Jaitra, and Satyaki blew Nandivardhana.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 9.60.65b*0374_04–05.

Verse 84 (9.62.84)

तेषां नादेन महता शङ्खानां भरतर्षभ । आपुपूरे नभः सर्वं पृथिवी च चचाल ह ॥

teṣāṃ nādena mahatā śaṅkhānāṃ bharatarṣabha | āpupūre nabhaḥ sarvaṃ pṛthivī ca cacāla ha

With the great sound of those conches, O best of the Bharatas, the whole sky was filled and the earth trembled.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 9.60.65b*0374_06–07.

Verse 85 (9.62.85)

ततः शङ्खाश्च भेर्यश्च पणवानकगोमुखाः । पाण्डुसैन्येष्ववाद्यन्त स शब्दस्तुमुलोऽभवत् ॥

tataḥ śaṅkhāśca bheryaśca paṇavānakagomukhāḥ | pāṇḍusainyeṣvavādyanta sa śabdastumulo'bhavat

Then conches and kettledrums, tabors, drums and cow-horns sounded in the Pandava armies, and the uproar was tumultuous.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 9.60.65b*0374_08–09.

Verse 86 (9.62.86)

अस्तुवन्पाण्डवानन्ये निर्भीश्च स्तुतिमङ्गलैः । हृष्टा दुर्योधनं दृष्ट्वा निहतं पुरुषर्षभाः ॥

astuvanpāṇḍavānanye nirbhīśca stutimaṅgalaiḥ | hṛṣṭā duryodhanaṃ dṛṣṭvā nihataṃ puruṣarṣabhāḥ

Others, fearless, praised the Pandavas with auspicious hymns of praise, and those bulls among men were glad at seeing Duryodhana slain.

Note on the text: Removed the wiki quote after मङ्गलैः. Line 1 is the critical edition's star passage 9.60.65b*0374_10 (which reads gīrbhiś ca stutimaṅgalaiḥ where the page reads निर्भीश्च स्तुतिमङ्गलैः; the base reading is kept); line 2 is 9.60.65c.