The Order of Creation and the Descent of Krishna

Verse 1 (12.206.1)

पितामह महाप्राज्ञ पुण्डरीकाक्षमच्युतम् । कर्तारमकृतं विष्णुं भूतानां प्रभवाप्ययम् ॥

pitāmaha mahāprājña puṇḍarīkākṣamacyutam | kartāramakṛtaṃ viṣṇuṃ bhūtānāṃ prabhavāpyayam

O grandsire of great wisdom, I wish to hear in truth of Keshava: the lotus-eyed, the unfallen, the creator who is himself uncreated, Vishnu, from whom beings arise and into whom they pass away;

Note on the text: Removed an invisible zero-width joiner inside पुण्डरीकाक्ष (page spelling पुण्‍डरीक).

Verse 2 (12.206.2)

नारायणं हृषीकेशं गोविन्दमपराजितम् । तत्त्वेन भरतश्रेष्ठ श्रोतुमिच्छामि केशवम् ॥

nārāyaṇaṃ hṛṣīkeśaṃ govindamaparājitam | tattvena bharataśreṣṭha śrotumicchāmi keśavam

Narayana, Hrishikesha, Govinda, the unconquered: I wish to hear of Keshava in truth, O best of the Bharatas.

Verse 3 (12.206.3)

श्रुतोऽयमर्थो रामस्य जामदग्न्यस्य जल्पतः । नारदस्य च देवर्षेः कृष्णद्वैपायनस्य च ॥

śruto'yamartho rāmasya jāmadagnyasya jalpataḥ | nāradasya ca devarṣeḥ kṛṣṇadvaipāyanasya ca

This matter I have heard from Rama, son of Jamadagni, as he spoke of it, and from the divine sage Narada, and from Krishna Dvaipayana,

Verse 4 (12.206.4)

असितो देवलस्तात वाल्मीकिश्च महातपाः । मार्कण्डेयश्च गोविन्दे कथयन्त्यद्भुतं महत् ॥

asito devalastāta vālmīkiśca mahātapāḥ | mārkaṇḍeyaśca govinde kathayantyadbhutaṃ mahat

and Asita and Devala, dear child, and the great ascetic Valmiki, and Markandeya, tell of the great marvel that is Govinda.

Verse 5 (12.206.5)

केशवस्य मया राजन्न शक्या वर्णितुं गुणाः । ईदृशोऽसौ हृषीकेशो वासुदेवः परात्परः ॥

keśavasya mayā rājanna śakyā varṇituṃ guṇāḥ | īdṛśo'sau hṛṣīkeśo vāsudevaḥ parātparaḥ

"The virtues of Keshava, O king, cannot be described by me. Such is this Hrishikesha, Vasudeva, higher than the highest."

Note on the text: Not in the critical edition's main text; found as its star passage 12,200.004d*0542_01–02 (after 12.200.4). Removed the stray wiki quote marks (backtick and closing quote) and the doubled danda.

Verse 6 (12.206.6)

केशवो भरतश्रेष्ठ भगवानीश्वरः प्रभुः । पुरुषः सर्वमित्येव श्रूयते बहुधा विभुः ॥

keśavo bharataśreṣṭha bhagavānīśvaraḥ prabhuḥ | puruṣaḥ sarvamityeva śrūyate bahudhā vibhuḥ

Keshava, O best of the Bharatas, is the Blessed Lord, the sovereign master; the Person who is all, the all-pervading, is spoken of in many ways.

Verse 7 (12.206.7)

किंतु यानि विदुर्लोके ब्राह्मणाः शार्ङ्गधन्वनि । महात्मनि महाबाहो शृणु तानि युधिष्ठिर ॥

kiṃtu yāni vidurloke brāhmaṇāḥ śārṅgadhanvani | mahātmani mahābāho śṛṇu tāni yudhiṣṭhira

But hear, O mighty-armed Yudhishthira, the glories that Brahmins in the world know of the great-souled wielder of the Sharnga bow.

Verse 8 (12.206.8)

यानि चाहुर्मनुष्येन्द्र ये पुराणविदो जनाः । श्रुत्वा सर्वाणि गोविन्दे कीर्तयिष्यामि तान्यहम् ॥

yāni cāhurmanuṣyendra ye purāṇavido janāḥ | śrutvā sarvāṇi govinde kīrtayiṣyāmi tānyaham

And what those who know the Puranas say, O lord of men: having heard all of it concerning Govinda, I shall recount it.

Note on the text: Corrected गोविन्दो → गोविन्दे (misprint in Wikisource; "concerning Govinda" needs the locative — the critical edition reads govinde). The first half-line श्रुत्वा सर्वाणि for CE aśeṣeṇa hi is a recension variant and kept.

Verse 9 (12.206.9)

महाभूतानि भूतात्मा महात्मा पुरुषोत्तमः । वायुर्ज्योतिस्तथा चापः खं च गां चान्वकल्पयत् ॥

mahābhūtāni bhūtātmā mahātmā puruṣottamaḥ | vāyurjyotistathā cāpaḥ khaṃ ca gāṃ cānvakalpayat

The Self of beings, the great Self, the Supreme Person, fashioned the great elements: air, fire, and water, and space and earth.

Verse 10 (12.206.10)

स सृष्ट्वा पृथिवीं चैव सर्वभूतेश्वरः प्रभुः । अप्स्वेव शयनं चक्रे महात्मा पुरुषोत्तमः ॥

sa sṛṣṭvā pṛthivīṃ caiva sarvabhūteśvaraḥ prabhuḥ | apsveva śayanaṃ cakre mahātmā puruṣottamaḥ

Having created the earth, that lord of all beings, the great-souled Supreme Person, made his bed upon the waters.

Verse 11 (12.206.11)

सर्वतेजोमयस्तस्मिञ्शयानः शयने शुभे । सोऽग्रजं सर्वभूतानां संकर्षणमचिन्तयत् ॥

sarvatejomayastasmiñśayānaḥ śayane śubhe | so'grajaṃ sarvabhūtānāṃ saṃkarṣaṇamacintayat

Lying on that fair couch, wholly made of radiance, he thought of Sankarshana, the elder-born of all beings.

Verse 12 (12.206.12)

आश्रयं सर्वभूतानां मनसेतीह शुश्रुम । स धारयति भूतानि उभे भूतभविष्यती ॥

āśrayaṃ sarvabhūtānāṃ manasetīha śuśruma | sa dhārayati bhūtāni ubhe bhūtabhaviṣyatī

So we have heard: in his mind he thought of him, the support of all beings, who upholds creatures, both what has been and what is to be.

Note on the text: Corrected शुश्रुम् → शुश्रुम (misprint in Wikisource; stray halant — the critical edition reads viśuśruma).

Verse 13 (12.206.13)

प्रद्युम्नमसृजत्तस्मात्सर्वतेजः प्रकाशकम् । अनिरुद्धस्ततो जज्ञे सर्वशक्तिर्महाद्युतिः ॥

pradyumnamasṛjattasmātsarvatejaḥ prakāśakam | aniruddhastato jajñe sarvaśaktirmahādyutiḥ

"From him he created Pradyumna, the illuminator of all radiance; then was born Aniruddha, possessed of all power and of great splendour.

Note on the text: Not in the critical edition's main text; found as its star passage 12,200.011d*0543_01–02 (after 12.200.11). Removed the stray opening wiki quote mark (backtick) of the quoted passage v.13–14.

Verse 14 (12.206.14)

अप्सु व्योमगतः श्रीमान्योगनिद्रामुपेयिवान् । तस्मात्संजज्ञिरे देवा ब्रह्मविष्णुमहेश्वराः । लयस्थित्यन्तकर्माणस्त्रयस्ते सुमहौजसः ॥

apsu vyomagataḥ śrīmānyoganidrāmupeyivān | tasmātsaṃjajñire devā brahmaviṣṇumaheśvarāḥ | layasthityantakarmāṇastrayaste sumahaujasaḥ

The glorious one, floating in the expanse above the waters, entered yogic sleep. From him were born the gods Brahma, Vishnu and Maheshvara, three of great might, whose functions are dissolution, preservation and ending."

Note on the text: Not in the critical edition's main text; found as its star passage 12,200.011d*0543_03–05 (after 12.200.11). Corrected लयस्थित्यन्तकर्माणस्रयस्ते → लयस्थित्यन्तकर्माणस्त्रयस्ते (misprint in Wikisource; dropped त्, the critical edition reads trayas te). Removed the stray closing wiki quote mark and the doubled danda ("।।'") that end the quoted passage begun in v.13; the passage = CE star 0543_03–05, three lines.

Verse 15 (12.206.15)

ततस्तस्मिन्महाबाहौ प्रादुर्भूते महात्मनि । भास्करप्रतिमं दिव्यं नाभ्यां पद्ममजायत ॥

tatastasminmahābāhau prādurbhūte mahātmani | bhāskarapratimaṃ divyaṃ nābhyāṃ padmamajāyata

Then, when that great-armed, great-souled one had appeared, a divine lotus, radiant as the sun, arose from his navel.

Verse 16 (12.206.16)

स तत्र भगवान्देवः पुष्करे भ्राजयन्दिशः । ब्रह्मा समभवत्तात सर्वभूतपितामहः ॥

sa tatra bhagavāndevaḥ puṣkare bhrājayandiśaḥ | brahmā samabhavattāta sarvabhūtapitāmahaḥ

There, in the lotus, the Blessed God, lighting up the quarters, became Brahma, dear child, the grandsire of all beings.

Verse 17 (12.206.17)

तस्मिन्नपि महाबाहौ प्रादुर्भूते महात्मनि । तमसः पूर्वजो जज्ञे मधुर्नाम महासुरः ॥

tasminnapi mahābāhau prādurbhūte mahātmani | tamasaḥ pūrvajo jajñe madhurnāma mahāsuraḥ

When that great-armed, great-souled one too had appeared, there was born from Darkness, first, the great asura named Madhu.

Verse 18 (12.206.18)

तमुग्रमुग्रकर्माणमुग्रां बुद्धिं समास्थितम् । ब्रह्मणोपचितिं कुर्वञ्जघान पुरुषोत्तमः ॥

tamugramugrakarmāṇamugrāṃ buddhiṃ samāsthitam | brahmaṇopacitiṃ kurvañjaghāna puruṣottamaḥ

Fierce, doing fierce deeds, set upon a fierce purpose: him the Supreme Person slew, doing honour to Brahma.

Verse 19 (12.206.19)

तस्य तात वधात्सर्वे देवदानवमानवाः । मधुसूदनमित्याहुर्ऋषभं सर्वसात्वताम् ॥

tasya tāta vadhātsarve devadānavamānavāḥ | madhusūdanamityāhurṛṣabhaṃ sarvasātvatām

Because of his slaying, dear child, all the gods, danavas and men call him Madhusudana, bull among all the Satvatas.

Verse 20 (12.206.20)

ब्रह्माऽनुससृजे पुत्रान्मानसान्दक्षसप्तमान् । मरीचिमत्र्यङ्गिरसौ पुलस्त्यं पुलहं क्रतुम् ॥

brahmā'nusasṛje putrānmānasāndakṣasaptamān | marīcimatryaṅgirasau pulastyaṃ pulahaṃ kratum

Brahma then created his mind-born sons, with Daksha as the seventh: Marichi, Atri and Angiras, Pulastya, Pulaha and Kratu.

Verse 21 (12.206.21)

मरीचिः कश्यपं तात पुत्रमग्रजमग्रजः । मानसं जनयामास तैजसं ब्रह्मवित्तमम् ॥

marīciḥ kaśyapaṃ tāta putramagrajamagrajaḥ | mānasaṃ janayāmāsa taijasaṃ brahmavittamam

Marichi, the eldest, begot Kashyapa as his eldest son, born of his mind, radiant, the best of the knowers of Brahman.

Verse 22 (12.206.22)

अङ्गुष्ठात्ससृजे ब्रह्मा मरीचेरपि पूर्वजम् । सोऽभवद्भरतश्रेष्ठ दक्षो नाम प्रजापतिः ॥

aṅguṣṭhātsasṛje brahmā marīcerapi pūrvajam | so'bhavadbharataśreṣṭha dakṣo nāma prajāpatiḥ

From his thumb Brahma created one who was born even before Marichi, who became, O best of the Bharatas, the Prajapati named Daksha.

Verse 23 (12.206.23)

तस्य पूर्वमजायन्त दश तिस्रश्च भारत । प्रजापतेर्दुहितरस्तासां ज्येष्ठाऽभवद्दितिः ॥

tasya pūrvamajāyanta daśa tisraśca bhārata | prajāpaterduhitarastāsāṃ jyeṣṭhā'bhavadditiḥ

Of old there were born to him, O Bharata, ten and three daughters; of these Diti was the eldest.

Verse 24 (12.206.24)

सर्वधर्मविशेषज्ञः पुण्यकीर्तिर्महायशाः । मारीचः कश्यपस्तात सर्वासामभवत्पतिः ॥

sarvadharmaviśeṣajñaḥ puṇyakīrtirmahāyaśāḥ | mārīcaḥ kaśyapastāta sarvāsāmabhavatpatiḥ

Kashyapa, descendant of Marichi, knower of all the distinctions of dharma, of holy fame and great renown, became, dear child, the husband of them all.

Verse 25 (12.206.25)

उत्पाद्य तु महाभागस्तासामवरजा दश । ददौ धर्माय धर्मज्ञो दक्ष एव प्रजापतिः ॥

utpādya tu mahābhāgastāsāmavarajā daśa | dadau dharmāya dharmajño dakṣa eva prajāpatiḥ

Having begotten them, the greatly fortunate Daksha, the Prajapati who knew dharma, gave the ten younger of them to Dharma.

Verse 26 (12.206.26)

धर्मस्य वसवः पुत्रा रुद्राश्चामिततेजसः । विश्वेदेवाश्च साध्याश्च मरुत्वन्तश्च भारत ॥

dharmasya vasavaḥ putrā rudrāścāmitatejasaḥ | viśvedevāśca sādhyāśca marutvantaśca bhārata

Dharma's sons were the Vasus and the Rudras of immeasurable splendour, the Vishvedevas, the Sadhyas and the Marutvants, O Bharata.

Verse 27 (12.206.27)

अपराश्च यवीयस्यस्ताभ्योऽन्याः सप्तविंशतिः । सोमस्तासां महाभागः सर्वासामभवत्पतिः ॥

aparāśca yavīyasyastābhyo'nyāḥ saptaviṃśatiḥ | somastāsāṃ mahābhāgaḥ sarvāsāmabhavatpatiḥ

And the other younger ones, twenty-seven besides those: Soma, the greatly fortunate, became the husband of them all.

Verse 28 (12.206.28)

इतरास्तु व्यजायन्त गन्धर्वांस्तुरगान्द्विजान् । गाश्च किंपुरुषान्मत्स्यानुद्भिज्जांश्च वनस्पतीन् ॥

itarāstu vyajāyanta gandharvāṃsturagāndvijān | gāśca kiṃpuruṣānmatsyānudbhijjāṃśca vanaspatīn

The remaining ones bore gandharvas, horses and birds, cattle, kimpurushas, fish, the sprout-born plants and the trees.

Note on the text: Corrected गन्धवोस्तुरगान् → गन्धर्वांस्तुरगान् (misprint in Wikisource; broken गन्धर्वान् — the critical edition reads gandharvāṃs turagān).

Verse 29 (12.206.29)

आदित्यानदितिर्जज्ञे देवश्रेष्ठान्महाबलान् । तेषां विष्णुर्वामनोऽभूद्गोविन्दश्चाभवत्प्रभुः ॥

ādityānaditirjajñe devaśreṣṭhānmahābalān | teṣāṃ viṣṇurvāmano'bhūdgovindaścābhavatprabhuḥ

Aditi bore the Adityas, the mighty best of the gods; among them Vishnu became Vamana, and the Lord became Govinda.

Verse 30 (12.206.30)

तस्य विक्रमणाच्चापि देवानां श्रीर्व्यवर्धत । दानवाश्च पराभूता दैतेयाश्चासुरी प्रजा ॥

tasya vikramaṇāccāpi devānāṃ śrīrvyavardhata | dānavāśca parābhūtā daiteyāścāsurī prajā

By his stride the splendour of the gods increased, and the danavas were overcome, and the daityas and the asura race.

Verse 31 (12.206.31)

विप्रचित्तिप्रधानांश्च दानवानसृजद्दनुः । दितिस्तु सर्वानसुरान्महासत्वानजीजनत् ॥

vipracittipradhānāṃśca dānavānasṛjaddanuḥ | ditistu sarvānasurānmahāsatvānajījanat

Danu bore the danavas headed by Viprachitti; Diti gave birth to all the asuras of great strength.

Verse 32 (12.206.32)

ततः ससर्ज भगवान्मृत्युं लोकभयंकरम् । हर्तारं सर्वभूतानां ससर्ज च जनार्दनः ॥

tataḥ sasarja bhagavānmṛtyuṃ lokabhayaṃkaram | hartāraṃ sarvabhūtānāṃ sasarja ca janārdanaḥ

Then the Blessed One created Death, the terror of the worlds, the taker of all beings; Janardana created him.

Note on the text: Not in the critical edition's main text; found as its star passage 12,200.028d*0544_01–02 (after 12.200.28). Removed the stray opening wiki quote mark (backtick). Corrected सर्व भूतानां → सर्वभूतानां (stray space).

Verse 33 (12.206.33)

अहोरात्रं च कालं च यथर्तु मधुसूदनः । पूर्वाह्णं चापराह्णं च सर्वमेवान्वकल्पयत् ॥

ahorātraṃ ca kālaṃ ca yathartu madhusūdanaḥ | pūrvāhṇaṃ cāparāhṇaṃ ca sarvamevānvakalpayat

Day and night, and time, according to the season, Madhusudana fashioned; forenoon and afternoon, everything he arranged.

Verse 34 (12.206.34)

लब्ध्वापः सोऽसृजन्मेघांस्तथा स्थावरजङ्गमान् । पृथिवीं सोऽसृजद्विश्वां सहिताम् भूरितेजसा ॥

labdhvāpaḥ so'sṛjanmeghāṃstathā sthāvarajaṅgamān | pṛthivīṃ so'sṛjadviśvāṃ sahitām bhūritejasā

Taking the waters, he created clouds and things moving and unmoving; and he created the whole earth, upheld by great energy.

Note on the text: Corrected सहीताम् → सहिताम् (misprint in Wikisource; long ई for इ — the critical edition reads sahitām).

Verse 35 (12.206.35)

ततः कृष्णो महाभागः पुनरेव युधिष्ठिर । ब्राह्मणानां शतं श्रेष्ठं मुखादेवासृजत्प्रभुः ॥

tataḥ kṛṣṇo mahābhāgaḥ punareva yudhiṣṭhira | brāhmaṇānāṃ śataṃ śreṣṭhaṃ mukhādevāsṛjatprabhuḥ

Then Krishna, greatly fortunate, once again, O Yudhishthira, created from his mouth a hundred of the best Brahmins, the Lord.

Verse 36 (12.206.36)

बाहुभ्यां क्षत्रियशतं वैश्यानामूरुतः शतम् । पद्भ्यां शूद्रशतं चैव केशवो भरतर्षभ ॥

bāhubhyāṃ kṣatriyaśataṃ vaiśyānāmūrutaḥ śatam | padbhyāṃ śūdraśataṃ caiva keśavo bharatarṣabha

From his arms a hundred Kshatriyas, from his thighs a hundred Vaishyas, and from his feet a hundred Shudras, Keshava, O best of the Bharatas.

Note on the text: Corrected शूत्रशतं → शूद्रशतं and कशेवो → केशवो (misprints in Wikisource; त for द and a transposed केशवः — the critical edition reads śūdraśataṃ, keśavo).

Verse 37 (12.206.37)

स एवं चतुरो वर्णान्समुत्पाद्य महातपाः । अध्यक्षं सर्वभूतानां धातारमकरोत्स्वयम् ॥

sa evaṃ caturo varṇānsamutpādya mahātapāḥ | adhyakṣaṃ sarvabhūtānāṃ dhātāramakarotsvayam

Having thus produced the four classes, the greatly ascetic one himself made Dhatar the overseer of all beings.

Note on the text: Corrected सर्व भूतानां → सर्वभूतानां (stray space).

Verse 38 (12.206.38)

वेदविद्याविधातारं ब्रह्माणममितद्युतिम् । भूतमातृगणाध्यक्षं विरूपाक्षं च सोऽसृजत् ॥

vedavidyāvidhātāraṃ brahmāṇamamitadyutim | bhūtamātṛgaṇādhyakṣaṃ virūpākṣaṃ ca so'sṛjat

He created Brahma, of immeasurable radiance, ordainer of the science of the Veda, and Virupaksha, lord of the hosts of the Mothers of beings.

Note on the text: Not in the critical edition's main text; found as its star passage 12,200.033d*0545_01–02 (after 12.200.33). Corrected ब्रह्माणमतितद्युतिम् → ब्रह्माणममितद्युतिम् (misprint in Wikisource; ति for मि — the critical edition reads amitadyutim).

Verse 39 (12.206.39)

शासितारं च पापानां पितॄणां समवर्तिनम् । असृजत्सर्वभूतात्मा निधिपं च धनेश्वरम् ॥

śāsitāraṃ ca pāpānāṃ pitṝṇāṃ samavartinam | asṛjatsarvabhūtātmā nidhipaṃ ca dhaneśvaram

The Self of all beings created the chastiser of sinners, Yama, who rules the fathers, and Nidhipa, Kubera, lord of wealth.

Note on the text: Not in the critical edition's main text; found as its star passage 12,200.033d*0545_03–04 (after 12.200.33). Corrected पितृणां → पितॄणां (misprint in Wikisource; short ऋ for long ॠ — the critical edition reads pitṝṇām).

Verse 40 (12.206.40)

यादसामसृजन्नाथं वरुणं च जलेश्वरम् । वासवं सर्वदेवानामध्यक्षमकरोत्प्रभुः ॥

yādasāmasṛjannāthaṃ varuṇaṃ ca jaleśvaram | vāsavaṃ sarvadevānāmadhyakṣamakarotprabhuḥ

He created Varuna, lord of aquatic beings and master of the waters, and the Lord set Vasava, Indra, as ruler of all the gods.

Note on the text: Not in the critical edition's main text; found as its star passage 12,200.033d*0545_05–06 (after 12.200.33).

Verse 41 (12.206.41)

यावद्यावदभूच्छ्रद्धा देहं धारयितुं नृणाम् । तावत्तावदजीवंस्ते नासीद्यमकृतं भयम् ॥

yāvadyāvadabhūcchraddhā dehaṃ dhārayituṃ nṛṇām | tāvattāvadajīvaṃste nāsīdyamakṛtaṃ bhayam

As long as men had the will to keep the body, so long did they live; there was no fear made by Yama.

Verse 42 (12.206.42)

न चैषां मैथुनो धर्मो बभूव भरतर्षभ । संकल्पादेव चैतेषां गर्भः समुपपद्यते ॥

na caiṣāṃ maithuno dharmo babhūva bharatarṣabha | saṃkalpādeva caiteṣāṃ garbhaḥ samupapadyate

Nor had they, O best of the Bharatas, the dharma of union; conception came to them by mere intention.

Verse 43 (12.206.43)

ततस्त्रेतायुगे काले संस्पर्शाज्जायते प्रजा । न ह्यभून्मैथुनो धर्मस्तेषामपि जनाधिप ॥

tatastretāyuge kāle saṃsparśājjāyate prajā | na hyabhūnmaithuno dharmasteṣāmapi janādhipa

Then in the Treta age children were born by touch; even then, lord of men, they had no sexual union.

Note on the text: Corrected ततस्रेतायुगे → ततस्त्रेतायुगे (misprint in Wikisource; dropped त्). Lines of CE 12.200.36 with variants (संस्पर्शात् for संकल्पात्).

Verse 44 (12.206.44)

द्वापरे मैथुनो धर्मः प्रजानामभवन्नृप । तथा कलियुगे राजन्द्वन्द्वमापेदिरे जनाः ॥

dvāpare maithuno dharmaḥ prajānāmabhavannṛpa | tathā kaliyuge rājandvandvamāpedire janāḥ

In the Dvapara age, O king, the dharma of union came to people; and in the Kali age, O king, people took to coupling.

Verse 45 (12.206.45)

एष भूतपतिस्तात स्वध्यक्षश्च तथोच्यते । निरपेक्षांश्च कौन्तेय कीर्तयिष्यामि तच्छृणु ॥

eṣa bhūtapatistāta svadhyakṣaśca tathocyate | nirapekṣāṃśca kaunteya kīrtayiṣyāmi tacchṛṇu

This, dear child, is the lord of beings, who is also called the one with his own overseer. Now, son of Kunti, I shall name those who disregard him; listen to it.

Note on the text: Lines of CE 12.200.38 with variants (तथोच्यते for प्रकीर्तिताः; निरपेक्षांश्च … तच्छृणु for niradhyakṣāṃs tu … tān api).

Verse 46 (12.206.46)

दक्षिणापथजन्मानः सर्वे करभृतस्तव । आन्ध्राः पुलिन्दाः शवराश्चूचुपा मद्रकैः सह ॥

dakṣiṇāpathajanmānaḥ sarve karabhṛtastava | āndhrāḥ pulindāḥ śavarāścūcupā madrakaiḥ saha

All those born in the southern region are tribute-bearers to you: the Andhras, Pulindas, Shabaras, Chuchupas, together with the Madrakas.

Verse 47 (12.206.47)

उत्तरापथजन्मानः कीर्तयिष्यामि तानपि । ये तु काम्भोजगान्धाराः किराता बर्वरैः सह ॥

uttarāpathajanmānaḥ kīrtayiṣyāmi tānapi | ye tu kāmbhojagāndhārāḥ kirātā barvaraiḥ saha

I shall also name those born in the northern region: the Kambojas and Gandharas, the Kiratas together with the Barbaras.

Verse 48 (12.206.48)

एते पापकृतस्तात चरन्ति पृथिवीमिमाम् । बकश्वपाकगृध्राणां सधर्माणो नराधिप ॥

ete pāpakṛtastāta caranti pṛthivīmimām | bakaśvapākagṛdhrāṇāṃ sadharmāṇo narādhipa

These, dear child, are doers of evil who roam this earth, O lord of men; they are of one nature with herons, dog-eaters and vultures.

Verse 49 (12.206.49)

नैते कृतयुगे तात चरन्ति पृथिवीमिमाम् । त्रेताप्रभृति वर्धन्ते ते जना भरतर्षभ ॥

naite kṛtayuge tāta caranti pṛthivīmimām | tretāprabhṛti vardhante te janā bharatarṣabha

These did not walk this earth in the Krita age, dear child; from the Treta onward, O best of the Bharatas, these peoples increase.

Note on the text: Corrected प्रभुति → प्रभृति (misprint in Wikisource; lost ऋ — the critical edition reads prabhṛti).

Verse 50 (12.206.50)

ततस्तस्मिन्महाघोरे सन्ध्याकाले युगान्तिके । राजानः समसज्जन्त समासाद्येतरेतरम् ॥

tatastasminmahāghore sandhyākāle yugāntike | rājānaḥ samasajjanta samāsādyetaretaram

Then, in that dreadful twilight at the end of the age, kings clashed with one another, each meeting the other.

Note on the text: Lines of CE 12.200.43. Corrected संन्ध्याकाले → सन्ध्याकाले (misprint; stray न्) and समासाद्येतरेतम् → समासाद्येतरेतरम् (dropped syllable, as in the critical edition).

Verse 51 (12.206.51)

ऐन्द्रं रूपं समास्थाय ह्यसुरेभ्यश्चरन्महीम् । स एव भगवान्देवो वेदित्वं च गता मही ॥

aindraṃ rūpaṃ samāsthāya hyasurebhyaścaranmahīm | sa eva bhagavāndevo veditvaṃ ca gatā mahī

"Taking an Indra-like form, he went about the earth against the asuras; he, the Blessed God, and the earth too attained the state of being known.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0001–0002 of 28 (12,200.043d@016_0001–0002). Removed the stray opening wiki quote mark (backtick) of the quoted passage v.51–64. Corrected ह्यसुरेभ्यो चरन्महीम् → ह्यसुरेभ्यश्चरन्महीम् (misprint in Wikisource; the critical edition reads asurebhyaś caran mahīm).

Verse 52 (12.206.52)

एवंभूते भूतसृष्टिर्नारसिंहादयः क्रमात् । प्रादुर्भावाः स्मृता विष्णोर्जगतीरक्षणाय वै ॥

evaṃbhūte bhūtasṛṣṭirnārasiṃhādayaḥ kramāt | prādurbhāvāḥ smṛtā viṣṇorjagatīrakṣaṇāya vai

In such a case, the creation of beings; and the appearances of Vishnu beginning with Narasimha are remembered in their order, for the protection of the world.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0003–0004 of 28 (12,200.043d@016_0003–0004). Corrected एवंभूते सृष्टिर्नारसिंहादयः → एवंभूते भूतसृष्टिर्नारसिंहादयः (the word भूत is dropped in Wikisource, leaving the half-line short; restored from the critical edition: bhūtasṛṣṭir).

Verse 53 (12.206.53)

एष कृष्णो महायोगी तत्तत्कार्यानुरूपणम् । हिरण्यकशिपुं दैत्यं हिरण्याक्षं तथैव च ॥

eṣa kṛṣṇo mahāyogī tattatkāryānurūpaṇam | hiraṇyakaśipuṃ daityaṃ hiraṇyākṣaṃ tathaiva ca

This is Krishna, the great yogi, who, in keeping with each task, slew the daitya Hiranyakashipu and Hiranyaksha likewise,

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0005–0006 of 28 (12,200.043d@016_0005–0006).

Verse 54 (12.206.54)

रावणं च महादैत्यं हत्वासौ पुरुषोत्तमः । भूमेर्दुःखोपनाशार्थं ब्रह्मशक्रादिभिः स्तुतः ॥

rāvaṇaṃ ca mahādaityaṃ hatvāsau puruṣottamaḥ | bhūmerduḥkhopanāśārthaṃ brahmaśakrādibhiḥ stutaḥ

and Ravana, the great daitya; having slain them, this Supreme Person, praised by Brahma, Shakra and the others, for the ending of the earth's sorrow,

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0007–0008 of 28 (12,200.043d@016_0007–0008).

Verse 55 (12.206.55)

आत्मनोऽङ्गान्महातेजा उद्वबर्ह जनार्दनः । सितकृष्णौ महाराज केशौ हरिरुदारधीः ॥

ātmano'ṅgānmahātejā udvabarha janārdanaḥ | sitakṛṣṇau mahārāja keśau harirudāradhīḥ

Janardana, of great splendour, plucked from his own body two hairs, one white and one black, O great king, Hari of lofty mind.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0009–0010 of 28 (12,200.043d@016_0009–0010).

Verse 56 (12.206.56)

वसुदेवस्य देवक्यामेष जात इहोत्तमः । देहवानिह विश्वात्मा संबन्धी ते जनार्दनः ॥

vasudevasya devakyāmeṣa jāta ihottamaḥ | dehavāniha viśvātmā saṃbandhī te janārdanaḥ

This best of beings has been born here to Vasudeva in Devaki; the Self of the universe is embodied here: Janardana is your kinsman by marriage.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0011–0012 of 28 (12,200.043d@016_0011–0012).

Verse 57 (12.206.57)

आविर्वभूव योगीन्द्रो मनोतीतो जगत्पतिः । अचिन्त्यः पुरुषव्याघ्र नैव केवलमानुषः ॥

āvirvabhūva yogīndro manotīto jagatpatiḥ | acintyaḥ puruṣavyāghra naiva kevalamānuṣaḥ

The chief of yogis, the lord of the world, beyond the mind, has appeared; he is unthinkable, O tiger among men, and is by no means merely a man.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0013–0014 of 28 (12,200.043d@016_0013–0014).

Verse 58 (12.206.58)

अव्यक्तादिविशेषान्तं परिमाणार्थसंयुतम् । क्रीडा हरेरिदं सर्वं क्षरमित्येव धार्यताम् ॥

avyaktādiviśeṣāntaṃ parimāṇārthasaṃyutam | krīḍā hareridaṃ sarvaṃ kṣaramityeva dhāryatām

Everything from the unmanifest down to the particular, measured and bounded, let it be held to be the perishable, the sport of Hari.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0015–0016 of 28 (12,200.043d@016_0015–0016).

Verse 59 (12.206.59)

अक्षरं तत्परं नित्यं वैरूप्यं जगतो हरेः । तद्विद्धि रूपमतुलममृतत्वं भवज्जितम् ॥

akṣaraṃ tatparaṃ nityaṃ vairūpyaṃ jagato hareḥ | tadviddhi rūpamatulamamṛtatvaṃ bhavajjitam

The imperishable is supreme and eternal, the unlikeness of Hari to the world; know it as his incomparable form, immortality, victorious over becoming.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0017–0018 of 28 (12,200.043d@016_0017–0018).

Verse 60 (12.206.60)

तदेव कृष्णो दाशार्हः श्रीमाञ्श्रीवत्सलक्षणः । न भूतसृष्टिसंस्थानं देहोऽस्य परमात्मनः ॥

tadeva kṛṣṇo dāśārhaḥ śrīmāñśrīvatsalakṣaṇaḥ | na bhūtasṛṣṭisaṃsthānaṃ deho'sya paramātmanaḥ

That very one is Krishna, the Dasharha, glorious, marked with the Shrivatsa. The body of this Supreme Self is not a structure made of the created elements.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0019–0020 of 28 (12,200.043d@016_0019–0020).

Verse 61 (12.206.61)

देहवानिह यो विष्णुरसौ मायामयो हरिः । आत्मनो लोकरक्षार्थं ध्याहि नित्यं सनातनम् ॥

dehavāniha yo viṣṇurasau māyāmayo hariḥ | ātmano lokarakṣārthaṃ dhyāhi nityaṃ sanātanam

The Vishnu who is embodied here is Hari made of maya; he is embodied for the protection of the worlds that are his own. Meditate always on the Eternal one.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0021–0022 of 28 (12,200.043d@016_0021–0022).

Verse 62 (12.206.62)

अङ्गानि चतुरो वेदा मीमांसा न्यायविस्तरः । इतिहासपुराणानि धर्माः स्वायंभुवादयः ॥

aṅgāni caturo vedā mīmāṃsā nyāyavistaraḥ | itihāsapurāṇāni dharmāḥ svāyaṃbhuvādayaḥ

The limbs of the Veda, the four Vedas, Mimamsa, the wide reach of Nyaya, the Itihasas and Puranas, the codes of dharma beginning with Svayambhuva's,

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0023–0024 of 28 (12,200.043d@016_0023–0024). Corrected चतुरे वेदा → चतुरो वेदा (misprint in Wikisource; the critical edition reads caturo vedā).

Verse 63 (12.206.63)

य एनं प्रतिवर्तन्ते वेदान्तानि च सर्वशः । भक्तिहीना न तैर्यान्ति नित्यमेनं कथंचन ॥

ya enaṃ prativartante vedāntāni ca sarvaśaḥ | bhaktihīnā na tairyānti nityamenaṃ kathaṃcana

those who pursue him by these and by the Vedantas in every way, if they lack devotion, never reach him by any of them.

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0025–0026 of 28 (12,200.043d@016_0025–0026).

Verse 64 (12.206.64)

सर्वभूतेषु भूतात्मा तत्तद्बुद्धिं समास्थितः । तस्माद्बुद्धस्त्वमेवैनं ध्याहि नित्यमतन्द्रितः ॥

sarvabhūteṣu bhūtātmā tattadbuddhiṃ samāsthitaḥ | tasmādbuddhastvamevainaṃ dhyāhi nityamatandritaḥ

The Self of beings abides in all beings, taking the form of each one's understanding; therefore, being awake, meditate always on him, unwearied."

Note on the text: Not in the critical edition's main text; part of Appendix I passage 16 (12,200.043d@016, printed after 12.200.43), lines 0027–0028 of 28 (12,200.043d@016_0027–0028). Removed the stray closing wiki quote mark and the doubled danda ("।।'") that end the quoted passage v.51–64.

Verse 65 (12.206.65)

एवमेष कुरुश्रेष्ठ प्रादुर्भावो महात्मनः । एवं देवर्षिराचष्ट नारदः सर्वलोकदृक् ॥

evameṣa kuruśreṣṭha prādurbhāvo mahātmanaḥ | evaṃ devarṣirācaṣṭa nāradaḥ sarvalokadṛk

So, O best of the Kurus, is this manifestation of the great-souled one; thus the divine sage Narada, who sees all the worlds, declared it.

Verse 66 (12.206.66)

नारदोऽप्यथ कृष्णस्य परं मेने नराधिप । शाश्वतत्वं महाबाहो यथावद्भरतर्षभ ॥

nārado'pyatha kṛṣṇasya paraṃ mene narādhipa | śāśvatatvaṃ mahābāho yathāvadbharatarṣabha

And Narada, O ruler of men, held Krishna's eternity to be supreme, as it truly is, O mighty-armed best of the Bharatas.

Verse 67 (12.206.67)

एवमेव महाबाहुः केशवः सत्यविक्रमः । अचिन्त्यः पुण्डरीकाक्षो नैष केवलमानुषः ॥

evameva mahābāhuḥ keśavaḥ satyavikramaḥ | acintyaḥ puṇḍarīkākṣo naiṣa kevalamānuṣaḥ

Even so is Keshava, mighty-armed, true in valour, unthinkable, lotus-eyed: he is not merely a man.

Verse 68 (12.206.68)

एवंविधोऽसौ पुरुषः को वैनं वेत्ति सर्वदा । एतत्ते कथितं राजन्भूयः श्रोतुं किमिच्छसि ॥

evaṃvidho'sau puruṣaḥ ko vainaṃ vetti sarvadā | etatte kathitaṃ rājanbhūyaḥ śrotuṃ kimicchasi

"Such is this Person. Who ever truly knows him? This has been told to you, O king; what more do you wish to hear?"

Note on the text: Not in the critical edition's main text; found as its star passage 12,200.046d*0546_01–02 (after 12.200.46). Removed the stray wiki quote marks (backtick and closing quote).