Upashruti Leads Shachi to Indra

Verse 1 (5.14.1)

अथैनां रूपिणी साध्वीमुपातिष्ठदुपश्रुतिः । तां वयोरूपसंपन्नां दृष्ट्वा देवीमुपस्थिताम् ॥

athaināṃ rūpiṇī sādhvīmupātiṣṭhadupaśrutiḥ | tāṃ vayorūpasaṃpannāṃ dṛṣṭvā devīmupasthitām

Then Upashruti, in bodily form, came to that virtuous lady. Seeing the goddess standing before her, rich in youth and beauty,

Verse 2 (5.14.2)

इन्द्राणी संप्रहृष्टात्मा संपूज्यैनामथाब्रवीत् । इच्छामि त्वामहं ज्ञातुं का त्वं ब्रूहि वरानने ॥

indrāṇī saṃprahṛṣṭātmā saṃpūjyaināmathābravīt | icchāmi tvāmahaṃ jñātuṃ kā tvaṃ brūhi varānane

Indrani, delighted at heart, honoured her and said: "I wish to know you. Tell me who you are, lovely-faced one."

Verse 3 (5.14.3)

उपश्रुतिरहं देवि तवान्तिकमुपागता । दर्शनं चैव संप्राप्ता तव सत्येन भामिनि ॥

upaśrutirahaṃ devi tavāntikamupāgatā | darśanaṃ caiva saṃprāptā tava satyena bhāmini

I am Upashruti, goddess, and I have come to you. It is because of your truthfulness, radiant lady, that I have appeared before you.

Verse 4 (5.14.4)

पतिव्रता च युक्ता च यमेन नियमेन च । दर्शयिष्यामि ते शक्रं देवं वृत्रनिषूदनम् ॥

pativratā ca yuktā ca yamena niyamena ca | darśayiṣyāmi te śakraṃ devaṃ vṛtraniṣūdanam

You are faithful to your husband and steadfast in self-restraint and observance. I will show you Shakra, the god who slew Vritra.

Verse 5 (5.14.5)

क्षिप्रमन्वेहि भद्रं ते द्रक्ष्यसे सुरसत्तमम् । ततस्तां प्रस्थितां देवीमिन्द्राणी सा समन्वगात् ॥

kṣipramanvehi bhadraṃ te drakṣyase surasattamam | tatastāṃ prasthitāṃ devīmindrāṇī sā samanvagāt

"Follow me quickly, and good fortune to you; you will see the best of the gods." Then Indrani followed the goddess as she set out.

Note on the text: The input carried the उपश्रुति heading of verse 3 on through the adhyaya; Upashruti's words end with this verse's first line, and from here the verses are narration, given to Shalya (the CE prints śalya uvāca before the second line, 5.14.5).

Verse 6 (5.14.6)

देवारण्यान्यतिक्रम्य पर्वतांश्च बहूंस्ततः । हिमवन्तमतिक्रम्य उत्तरं पार्श्वमागमत् ॥

devāraṇyānyatikramya parvatāṃśca bahūṃstataḥ | himavantamatikramya uttaraṃ pārśvamāgamat

Passing beyond the forests of the gods and many mountains, and crossing the Himalaya, she came to its northern side.

Verse 7 (5.14.7)

समुद्रं च समासाद्य बहुयोजनविस्तृतम् । आससाद महाद्वीपं नानाद्रुमलतावृतम् ॥

samudraṃ ca samāsādya bahuyojanavistṛtam | āsasāda mahādvīpaṃ nānādrumalatāvṛtam

Reaching the sea, many yojanas wide, she came to a great island covered with every kind of tree and creeper.

Verse 8 (5.14.8)

तत्रापश्यत्सरो दिव्यं नानाशकुनिभिर्वृतम् । शतयोजनविस्तीर्णं तावदेवायतं शुभम् ॥

tatrāpaśyatsaro divyaṃ nānāśakunibhirvṛtam | śatayojanavistīrṇaṃ tāvadevāyataṃ śubham

There she saw a heavenly lake, thronged with birds of many kinds, beautiful, a hundred yojanas wide and as many long.

Verse 9 (5.14.9)

तत्र दिव्यानि पद्मानि पञ्चवर्णानि भारत । षट्पदैरुपगीतानि प्रफुल्लानि सहस्रशः ॥

tatra divyāni padmāni pañcavarṇāni bhārata | ṣaṭpadairupagītāni praphullāni sahasraśaḥ

In it were heavenly lotuses of five colours, O Bharata, thousands of them in full bloom, with bees humming over them.

Verse 10 (5.14.10)

सरसस्तस्य मध्ये तु पद्मिनी महती शुभा । गौरेणोन्नतनालेन पद्मेन महता वृता ॥

sarasastasya madhye tu padminī mahatī śubhā | gaureṇonnatanālena padmena mahatā vṛtā

In the middle of that lake stood a great and beautiful lotus plant, crowned with a large white lotus on a tall stalk.

Note on the text: Not in the critical edition's text; its apparatus has it as 5.14.8d*0102, lines 1–2.

Verse 11 (5.14.11)

पद्मस्य भित्त्वा नालं च विवेश सहिता तया । बिसतन्तुप्रविष्टं च तत्रापश्यच्छतक्रतुम् ॥

padmasya bhittvā nālaṃ ca viveśa sahitā tayā | bisatantupraviṣṭaṃ ca tatrāpaśyacchatakratum

Splitting open the lotus stalk, she entered it together with Upashruti, and there she saw Shakra, god of a hundred sacrifices, who had entered a fibre of the stalk.

Verse 12 (5.14.12)

तं दृष्ट्वा च सुसूक्ष्मेण रूपेणावस्थितं प्रभुम् । सूक्ष्मरूपधरा देवी बभूवोपश्रुतिश्च सा ॥

taṃ dṛṣṭvā ca susūkṣmeṇa rūpeṇāvasthitaṃ prabhum | sūkṣmarūpadharā devī babhūvopaśrutiśca sā

Seeing the lord abiding there in a very subtle form, the goddess and Upashruti too took on subtle forms.

Verse 13 (5.14.13)

इन्द्रं तुष्टाव चेन्द्राणी विश्रुतैः पूर्वकर्मभिः । स्तूयमानस्ततो देवः शचीमाह पुरन्दरः ॥

indraṃ tuṣṭāva cendrāṇī viśrutaiḥ pūrvakarmabhiḥ | stūyamānastato devaḥ śacīmāha purandaraḥ

Indrani praised Indra, recounting his famous deeds of old. Being praised, the god Purandara said to Shachi:

Verse 14 (5.14.14)

किमर्थमसि संप्राप्ता विज्ञातश्च कथं त्वहम् । ततः सा कथयामास नहुषस्य विचेष्टितम् ॥

kimarthamasi saṃprāptā vijñātaśca kathaṃ tvaham | tataḥ sā kathayāmāsa nahuṣasya viceṣṭitam

"Why have you come, and how did you find me?" Then she told him of Nahusha's doings.

Verse 15 (5.14.15)

इन्द्रत्वं त्रिषु लोकेषु प्राप्य वीर्यसमन्वितः । दर्पाविष्टश्च दुष्टात्मा मामुवाच शतक्रतो ॥

indratvaṃ triṣu lokeṣu prāpya vīryasamanvitaḥ | darpāviṣṭaśca duṣṭātmā māmuvāca śatakrato

Having gained the rank of Indra in the three worlds, filled with might and swollen with pride, the wicked one said to me, Shatakratu,

Note on the text: No speaker heading in Wikisource; Indrani's account (verses 15–18), announced in verse 14, is assigned to her.

Verse 16 (5.14.16)

उपतिष्ठेति स क्रूरः कालं च कृतवान्मम । यदि न त्रास्यसि विभो करिष्यति स मां वशे ॥

upatiṣṭheti sa krūraḥ kālaṃ ca kṛtavānmama | yadi na trāsyasi vibho kariṣyati sa māṃ vaśe

"Wait upon me," the cruel one said, and he set me a time. If you do not save me, my lord, he will bring me under his power.

Verse 17 (5.14.17)

एतेन चाहं संप्राप्ता द्रुतं शक्र तवान्तिकम् । जहि रौद्रं महाबाहो नहुषं पापनिश्चयम् ॥

etena cāhaṃ saṃprāptā drutaṃ śakra tavāntikam | jahi raudraṃ mahābāho nahuṣaṃ pāpaniścayam

That is why I have hurried here to you, Shakra. Slay the fierce Nahusha, mighty-armed one, bent as he is on evil.

Verse 18 (5.14.18)

प्रकाशयस्व चात्मानं दैत्यदानवसूदन । तेजः समाप्नुहि विभो देवराज्यं प्रशाधि च ॥

prakāśayasva cātmānaṃ daityadānavasūdana | tejaḥ samāpnuhi vibho devarājyaṃ praśādhi ca

Reveal yourself, slayer of Daityas and Danavas. Take back your splendour, my lord, and rule the kingdom of the gods.