Karna Refuses, and Foresees the Sacrifice of Battle

Verse 1 (5.141.1)

असंशयं सौहृदान्मे प्रणयाच्चात्थ केशव । सख्येन चैव वार्ष्णेय श्रेयस्कामतयैव च ॥

asaṃśayaṃ sauhṛdānme praṇayāccāttha keśava | sakhyena caiva vārṣṇeya śreyaskāmatayaiva ca

"Without doubt, Keshava, you have spoken out of goodwill, love and friendship for me, O Varshneya, and from a wish for my good.

Note on the text: Corrected प्रणयाच्चाथ → प्रणयाच्चात्थ (misprint in Wikisource; dropped त्, which leaves the sentence without its verb आत्थ "you have said", as in the critical edition's praṇayāc cāttha).

Verse 2 (5.141.2)

सर्वं चैवाभिजानामि पाण्डोः पुत्रोऽस्मि धर्मतः । निश्चयाद्धर्मशास्त्राणां यथा त्वं कृष्ण मन्यसे ॥

sarvaṃ caivābhijānāmi pāṇḍoḥ putro'smi dharmataḥ | niścayāddharmaśāstrāṇāṃ yathā tvaṃ kṛṣṇa manyase

I know all of it: by dharma I am Pandu's son, by the settled rule of the treatises on dharma, just as you think, Krishna.

Verse 3 (5.141.3)

कन्या गर्भं समाधत्त भास्करान्मां जनार्दन । आदित्यवचनाच्चैव जातं मां सा व्यसर्जयत् ॥

kanyā garbhaṃ samādhatta bhāskarānmāṃ janārdana | ādityavacanāccaiva jātaṃ māṃ sā vyasarjayat

A maiden conceived me by the Sun, Janardana, and at the Sun's word she cast me away as soon as I was born.

Verse 4 (5.141.4)

सोऽस्मि कृष्ण तथाजातः पाण्डोः पुत्रोऽस्मि धर्मतः । कुन्त्या त्वहमपाकीर्णो यथा न कुशलं तथा ॥

so'smi kṛṣṇa tathājātaḥ pāṇḍoḥ putro'smi dharmataḥ | kuntyā tvahamapākīrṇo yathā na kuśalaṃ tathā

Born in that way, Krishna, I am Pandu's son by dharma; yet Kunti cast me off with no thought for my welfare.

Note on the text: Corrected सोस्मि → सोऽस्मि and पुत्रोस्मि → पुत्रोऽस्मि (missing avagrahas in Wikisource; the critical edition reads so 'smi, putro 'smi).

Verse 5 (5.141.5)

सूतो हि मामधिरथो दृष्ट्वैवाभ्यानयद्गृहान् । राधायाश्चैव मां प्रादात्सौहार्दान्मधुसूदन ॥

sūto hi māmadhiratho dṛṣṭvaivābhyānayadgṛhān | rādhāyāścaiva māṃ prādātsauhārdānmadhusūdana

The charioteer Adhiratha, as soon as he saw me, brought me home, and out of affection, Madhusudana, gave me to Radha.

Verse 6 (5.141.6)

मत्स्नेहाच्चैव राधायां सद्यः क्षीरमवातरत् । सा मे मूत्रं पुरीषं च प्रतिजग्राह माधव ॥

matsnehāccaiva rādhāyāṃ sadyaḥ kṣīramavātarat | sā me mūtraṃ purīṣaṃ ca pratijagrāha mādhava

Out of love for me, milk at once came into Radha's breasts, and she cleaned away my urine and excrement, Madhava.

Verse 7 (5.141.7)

तस्याः पिण्डव्यपनयं कुर्यादस्मद्विधः कथम् । धर्मविद्धर्मशास्त्राणां श्रवणे सततं रतः ॥

tasyāḥ piṇḍavyapanayaṃ kuryādasmadvidhaḥ katham | dharmaviddharmaśāstrāṇāṃ śravaṇe satataṃ rataḥ

How could one like me, who knows dharma and is always devoted to hearing the treatises on dharma, deprive her of the funeral offering of rice?

Verse 8 (5.141.8)

तथा मामभिजानाति सूतश्चाधिरथः सुतम् । पितरं चाभिजानामि तमहं सौहृदात्सदा ॥

tathā māmabhijānāti sūtaścādhirathaḥ sutam | pitaraṃ cābhijānāmi tamahaṃ sauhṛdātsadā

Adhiratha the charioteer likewise regards me as his son, and I, out of love, have always regarded him as my father.

Verse 9 (5.141.9)

स हि मे जातकर्मादि कारयामास माधव । शास्त्रदृष्टेन विधिना पुत्रप्रीत्या जनार्दन ॥

sa hi me jātakarmādi kārayāmāsa mādhava | śāstradṛṣṭena vidhinā putraprītyā janārdana

Out of a father's love, Madhava, he had the birth rites and the rest performed for me by the rule laid down in scripture, Janardana.

Verse 10 (5.141.10)

नाम वै वसुषेणेति कारयामास वै द्विजैः । भार्याश्चोढा मम प्राप्ते यौवने तत्परिग्रहात् ॥

nāma vai vasuṣeṇeti kārayāmāsa vai dvijaiḥ | bhāryāścoḍhā mama prāpte yauvane tatparigrahāt

He had brahmins name me Vasushena, and when I came of age he arranged my marriages.

Verse 11 (5.141.11)

तासु पुत्राश्च पौत्राश्च मम जाता जनार्दन । तासु मे हृदयं कृष्ण संजातं कामबन्धनम् ॥

tāsu putrāśca pautrāśca mama jātā janārdana | tāsu me hṛdayaṃ kṛṣṇa saṃjātaṃ kāmabandhanam

Through those wives sons and grandsons have been born to me, Janardana, and my heart is bound to them by love, Krishna.

Verse 12 (5.141.12)

न पृथिव्या सकलया न सुवर्णस्य राशिभिः । हर्षाद्भयाद्वा गोविन्द मिथ्या कर्तुं तदुत्सहे ॥

na pṛthivyā sakalayā na suvarṇasya rāśibhiḥ | harṣādbhayādvā govinda mithyā kartuṃ tadutsahe

Not for the whole earth, nor for heaps of gold, nor out of joy or fear, Govinda, can I bring myself to make that bond false.

Verse 13 (5.141.13)

धृतराष्ट्रकुले कृष्ण दुर्योधनसमाश्रयात् । मया त्रयोदशसमा भुक्तं राज्यमकण्टकम् ॥

dhṛtarāṣṭrakule kṛṣṇa duryodhanasamāśrayāt | mayā trayodaśasamā bhuktaṃ rājyamakaṇṭakam

In Dhritarashtra's house, Krishna, under Duryodhana's shelter, I have enjoyed a kingdom free of every thorn for thirteen years.

Verse 14 (5.141.14)

इष्टं च बहुभिर्यज्ञैः सहसूतैर्मयाऽसकृत् । आवाहाश्च विवाहाश्च सहसूतैर्मया कृताः ॥

iṣṭaṃ ca bahubhiryajñaiḥ sahasūtairmayā'sakṛt | āvāhāśca vivāhāśca sahasūtairmayā kṛtāḥ

Together with the sutas I have often sacrificed with many sacrifices, and together with the sutas I have performed the marriages of my house, both bringing brides in and giving daughters away.

Verse 15 (5.141.15)

मां च कृष्ण समासाद्य कृतः शस्त्रसमुद्यमः । दुर्योधनेन वार्ष्णेय विग्रहश्चापि पाण्डवैः ॥

māṃ ca kṛṣṇa samāsādya kṛtaḥ śastrasamudyamaḥ | duryodhanena vārṣṇeya vigrahaścāpi pāṇḍavaiḥ

Relying on me, Krishna, Duryodhana has taken up arms, Varshneya, and has entered into conflict with the Pandavas.

Verse 16 (5.141.16)

तस्माद्रणे द्वैरथे मां प्रत्युद्यातारमच्युत । वृतवान्परमं कृष्ण प्रतीपं सव्यसाचिनः ॥

tasmādraṇe dvairathe māṃ pratyudyātāramacyuta | vṛtavānparamaṃ kṛṣṇa pratīpaṃ savyasācinaḥ

That is why, Achyuta, he has chosen me, Krishna, as the one to go out against Savyasachin in single chariot combat.

Verse 17 (5.141.17)

वधाद्बन्धाद्भयाद्वापि लोभाद्वापि जनार्दन । अनृतं नोत्सहे कर्तुं धार्तराष्ट्रस्य धीमतः ॥

vadhādbandhādbhayādvāpi lobhādvāpi janārdana | anṛtaṃ notsahe kartuṃ dhārtarāṣṭrasya dhīmataḥ

Not from fear of death or of bondage, nor out of greed, Janardana, can I bring myself to be false to Dhritarashtra's wise son.

Verse 18 (5.141.18)

यदि ह्यद्य न गच्छेयं द्वैरथं सव्यसाचिना । अकीर्तिः स्याद्धृषीकेश मम पार्थस्य चोभयोः ॥

yadi hyadya na gaccheyaṃ dvairathaṃ savyasācinā | akīrtiḥ syāddhṛṣīkeśa mama pārthasya cobhayoḥ

If I did not now meet Savyasachin in single chariot combat, Hrishikesha, it would bring disgrace on us both, on Partha and on me.

Note on the text: Corrected स्याद्धृपीकेश → स्याद्धृषीकेश (misprint in Wikisource; प for ष, as in the critical edition's syād dhṛṣīkeśa).

Verse 19 (5.141.19)

असंशयं हितार्थाय ब्रूयास्त्वं मधुसूदन । सर्वं च पाण्डवाः कुर्युस्त्वद्वशित्वान्न संशयः ॥

asaṃśayaṃ hitārthāya brūyāstvaṃ madhusūdana | sarvaṃ ca pāṇḍavāḥ kuryustvadvaśitvānna saṃśayaḥ

No doubt you say this for my good, Madhusudana, and the Pandavas would do all you ask, for they are under your sway.

Verse 20 (5.141.20)

मन्त्रस्य नियमं कुर्यास्त्वमत्र मधुसूदन । एतदत्र हितं मन्ये सर्वं यादवनन्दन ॥

mantrasya niyamaṃ kuryāstvamatra madhusūdana | etadatra hitaṃ manye sarvaṃ yādavanandana

But keep this counsel secret, Madhusudana; that, I think, is best for all here, delight of the Yadavas.

Verse 21 (5.141.21)

यदि जानाति मां राजा धर्मात्मा संयतेन्द्रियः । कुन्त्याः प्रथमजं पुत्रं न स राज्यं ग्रहीष्यति ॥

yadi jānāti māṃ rājā dharmātmā saṃyatendriyaḥ | kuntyāḥ prathamajaṃ putraṃ na sa rājyaṃ grahīṣyati

If the righteous king, master of his senses, learns that I am Kunti's firstborn son, he will not accept the kingdom.

Verse 22 (5.141.22)

प्राप्य चापि महद्राज्यं तदहं मधुसूदन । स्फीतं दुर्योधनायैव संप्रदद्यामरिन्दम ॥

prāpya cāpi mahadrājyaṃ tadahaṃ madhusūdana | sphītaṃ duryodhanāyaiva saṃpradadyāmarindama

And if I were to receive that great and prosperous kingdom, Madhusudana, I would hand it over to Duryodhana alone, tamer of enemies.

Verse 23 (5.141.23)

स एव राजा धर्मात्मा शाश्वतोऽस्तु युधिष्ठिरः । नेता यस्य हृषीकेशो योद्धा यस्य धनञ्जयः ॥

sa eva rājā dharmātmā śāśvato'stu yudhiṣṭhiraḥ | netā yasya hṛṣīkeśo yoddhā yasya dhanañjayaḥ

Let the righteous Yudhishthira be king for ever, he whose guide is Hrishikesha and whose warrior is Dhananjaya.

Verse 24 (5.141.24)

पृथिवी तस्य राष्ट्रं च यस्य भीमो महारथः । नकुलः सहदेवश्च द्रौपदेयाश्च माधव ॥

pṛthivī tasya rāṣṭraṃ ca yasya bhīmo mahārathaḥ | nakulaḥ sahadevaśca draupadeyāśca mādhava

The earth and the kingdom are his who has on his side Bhima the great chariot-warrior, Nakula and Sahadeva, and Draupadi's sons, Madhava,

Verse 25 (5.141.25)

धृष्टद्युम्नश्च पाञ्चाल्यः सात्यकिश्च महारथः । उत्तमौजा युधामन्युः सत्यधर्मा च सौमकिः ॥

dhṛṣṭadyumnaśca pāñcālyaḥ sātyakiśca mahārathaḥ | uttamaujā yudhāmanyuḥ satyadharmā ca saumakiḥ

Dhrishtadyumna of Panchala, Satyaki the great chariot-warrior, Uttamaujas, Yudhamanyu, Satyadharman the Somaka,

Note on the text: Line 1 is not in the critical edition's text (found in the vulgate recension); it is recorded in its apparatus as 5.139.24d*0523. Line 2 is the critical edition's 5.139.25ab. Wikisource's verses 25–26 hold the critical edition's 5.139.25–26 with this extra line.

Verse 26 (5.141.26)

चैद्यश्च चेकितानश्च शिखण्डी चापराजितः । इन्द्रगोपकवर्णाश्च केकया भ्रातरस्तथा । इन्द्रायुधसवर्णश्च कुन्तिभोजो महामनाः ॥

caidyaśca cekitānaśca śikhaṇḍī cāparājitaḥ | indragopakavarṇāśca kekayā bhrātarastathā | indrāyudhasavarṇaśca kuntibhojo mahāmanāḥ

the king of Chedi and Chekitana, the unconquered Shikhandin, the Kekaya brothers, red as indragopa beetles, and high-minded Kuntibhoja, bright as the rainbow,

Note on the text: Line 1 is the critical edition's 5.139.25cd; lines 2–3 are its 5.139.26 (महामनाः for mahārathaḥ).

Verse 27 (5.141.27)

मातुलो भीमसेनस्य श्येनजिच्च महारथः । शङ्खः पुत्रो विराटस्य निधिस्त्वं च जनार्दन ॥

mātulo bhīmasenasya śyenajicca mahārathaḥ | śaṅkhaḥ putro virāṭasya nidhistvaṃ ca janārdana

Bhimasena's maternal uncle, Shyenajit the great chariot-warrior, Shankha the son of Virata, and you, Janardana, a treasure-store of strength.

Verse 28 (5.141.28)

महानयं कृष्ण कृतः क्षत्रस्य समुदानयः । राज्यं प्राप्तमिदं दीप्तं प्रथितं सर्वराजसु ॥

mahānayaṃ kṛṣṇa kṛtaḥ kṣatrasya samudānayaḥ | rājyaṃ prāptamidaṃ dīptaṃ prathitaṃ sarvarājasu

A great gathering of Kshatriyas has been brought together, Krishna; this brilliant kingdom, famed among all kings, has as good as been won.

Verse 29 (5.141.29)

धार्तराष्ट्रस्य वार्ष्णेय शस्त्रयज्ञो भविष्यति । अस्य यज्ञस्य वेत्ता त्वं भविष्यसि जनार्दन ॥

dhārtarāṣṭrasya vārṣṇeya śastrayajño bhaviṣyati | asya yajñasya vettā tvaṃ bhaviṣyasi janārdana

Dhritarashtra's son, Varshneya, will hold a sacrifice of weapons, and you, Janardana, will be the one who presides over this sacrifice.

Note on the text: The critical edition's 5.139.29ab–cd; the third line of its six-line verse begins Wikisource's next verse.

Verse 30 (5.141.30)

आध्वर्यवं च ते कृष्ण क्रतावस्मिन्भविष्यति । होता चैवात्र बीभत्सुः सन्नद्धः स कपिध्वजः ॥

ādhvaryavaṃ ca te kṛṣṇa kratāvasminbhaviṣyati | hotā caivātra bībhatsuḥ sannaddhaḥ sa kapidhvajaḥ

In this sacrifice, Krishna, yours will be the office of the adhvaryu, and the ape-bannered Bibhatsu, clad in armour, will be its hotri.

Note on the text: Corrected ऋतावस्मिन् → क्रतावस्मिन् (misprint in Wikisource; ऋ for क्र — "in this sacrifice", as in the critical edition's kratāv asmin). Line 1 is the critical edition's 5.139.29ef; line 2 is its 5.139.30ab.

Verse 31 (5.141.31)

गाण्डीवं स्रुक् तथा चाज्यं वीर्यं पुंसां भविष्यति । ऐन्द्रं पाशुपतं ब्राह्मं स्थूणाकर्णं च माधव । मन्त्रास्तत्र भविष्यन्ति प्रयुक्ताः सव्यसाचिना ॥

gāṇḍīvaṃ sruk tathā cājyaṃ vīryaṃ puṃsāṃ bhaviṣyati | aindraṃ pāśupataṃ brāhmaṃ sthūṇākarṇaṃ ca mādhava | mantrāstatra bhaviṣyanti prayuktāḥ savyasācinā

Gandiva will be the ladle and the valour of men the clarified butter. The Aindra, Pashupata, Brahma and Sthunakarna weapons, Madhava, loosed by Savyasachin, will be its mantras.

Note on the text: Line 1 is the critical edition's 5.139.30cd (स्रुक् तथा चाज्यं for sruk tathājyaṃ ca); lines 2–3 are its 5.139.31.

Verse 32 (5.141.32)

अनुयातश्च पितरमधिको वा पराक्रमे । गीतं स्तोत्रं स सौभद्रः सम्यक् तत्र भविष्यति ॥

anuyātaśca pitaramadhiko vā parākrame | gītaṃ stotraṃ sa saubhadraḥ samyak tatra bhaviṣyati

Saubhadra, who takes after his father or even surpasses him in valour, will chant the hymns properly there.

Verse 33 (5.141.33)

उद्गातात्र पुनर्भीमः प्रस्तोता सुमहाबलः । विनदन्स नरव्याघ्रो नागानीकान्तकृद्रणे ॥

udgātātra punarbhīmaḥ prastotā sumahābalaḥ | vinadansa naravyāghro nāgānīkāntakṛdraṇe

The mighty Bhima will be the udgatri and the prastotri here, that tiger among men who roars in battle and destroys the ranks of elephants.

Verse 34 (5.141.34)

स चैव तत्र धर्मात्मा शश्वद्राजा युधिष्ठिरः । जपैर्होमैश्च संयुक्तो ब्रह्मत्वं कारयिष्यति ॥

sa caiva tatra dharmātmā śaśvadrājā yudhiṣṭhiraḥ | japairhomaiśca saṃyukto brahmatvaṃ kārayiṣyati

And the righteous King Yudhishthira, ever steadfast, devoted to prayer and fire-offerings, will perform the office of the brahman priest.

Verse 35 (5.141.35)

शङ्खशब्दाः समुरजा भेर्यश्च मधुसूदन । उत्कृष्टः सिंहनादश्च सुब्रह्मण्यो भविष्यति ॥

śaṅkhaśabdāḥ samurajā bheryaśca madhusūdana | utkṛṣṭaḥ siṃhanādaśca subrahmaṇyo bhaviṣyati

The blare of conches, with tabors and kettle-drums, Madhusudana, and the loud lion-roars will be the subrahmanya invocation.

Verse 36 (5.141.36)

नकुलः सहदेवश्च माद्रीपुत्रौ यशस्विनौ । शामित्रं तौ महावीर्यौ सम्यक् तत्र भविष्यतः । तौ मैत्रावरुणाग्नीध्रौ महावीर्यौ भविष्यतः ॥

nakulaḥ sahadevaśca mādrīputrau yaśasvinau | śāmitraṃ tau mahāvīryau samyak tatra bhaviṣyataḥ | tau maitrāvaruṇāgnīdhrau mahāvīryau bhaviṣyataḥ

Nakula and Sahadeva, the illustrious sons of Madri, mighty in valour, will be the slaughterers of the victims there; those two mighty heroes will be the maitravaruna and agnidhra priests.

Note on the text: Removed the stray backtick, quote mark and inner double danda around line 3 (the page marks it as an addition). Lines 1–2 are the critical edition's 5.139.36 (भविष्यतः for kariṣyataḥ); line 3 is not in its text (found in the vulgate recension) and is recorded in its apparatus as 5.139.36d*0525 (maitrāvaruṇa āgnīdhrau).

Verse 37 (5.141.37)

कल्माषदण्डा गोविन्द विमला रथपङ्क्तयः । यूपाः समुपकल्पन्तामस्मिन्यज्ञे जनार्दन ॥

kalmāṣadaṇḍā govinda vimalā rathapaṅktayaḥ | yūpāḥ samupakalpantāmasminyajñe janārdana

Let the rows of spotless chariots with their speckled poles, Govinda, serve as the sacrificial posts in this sacrifice, Janardana.

Verse 38 (5.141.38)

कर्णिनालीकनाराचा वत्सदन्तोपबृंहणाः । तोमराः सोमकलशाः पवित्राणि धनूंषि च ॥

karṇinālīkanārācā vatsadantopabṛṃhaṇāḥ | tomarāḥ somakalaśāḥ pavitrāṇi dhanūṃṣi ca

Barbed arrows, nalikas and iron shafts, with calf-tooth arrows besides, will be its implements; lances will be the soma jars and bows the strainers.

Verse 39 (5.141.39)

असयोऽत्र कपालानि पुरोडाशाः शिरांसि च । हविस्तु रुधिरं कृष्ण तस्मिन्यज्ञे भविष्यति ॥

asayo'tra kapālāni puroḍāśāḥ śirāṃsi ca | havistu rudhiraṃ kṛṣṇa tasminyajñe bhaviṣyati

Swords will be the potsherds, heads the sacrificial cakes, and blood, Krishna, the oblation in that sacrifice.

Verse 40 (5.141.40)

इध्माः परिधयश्चैव शक्तयो विमला गदाः । सदस्या द्रोणशिष्याश्च कृपस्य च शरद्वतः ॥

idhmāḥ paridhayaścaiva śaktayo vimalā gadāḥ | sadasyā droṇaśiṣyāśca kṛpasya ca śaradvataḥ

Spears and spotless maces will be the kindling and the enclosing sticks; the pupils of Drona and of Kripa, son of Sharadvat, will be the assembly priests.

Verse 41 (5.141.41)

इषवोऽत्र परिस्तोमा मुक्ता गाण्डीवधन्वना । महारथप्रयुक्ताश्च द्रोणद्रौणिप्रचोदिताः ॥

iṣavo'tra paristomā muktā gāṇḍīvadhanvanā | mahārathaprayuktāśca droṇadrauṇipracoditāḥ

The arrows loosed by the wielder of Gandiva, by the great chariot-warriors, and those urged on by Drona and Drona's son will be the soma cups.

Verse 42 (5.141.42)

प्रतिप्रास्थानिकं कर्म सात्यकिस्तु करिष्यति । दीक्षितो धार्तराष्ट्रोऽत्र पत्नी चास्य महाचमूः ॥

pratiprāsthānikaṃ karma sātyakistu kariṣyati | dīkṣito dhārtarāṣṭro'tra patnī cāsya mahācamūḥ

Satyaki will perform the office of the pratiprasthatri. Dhritarashtra's son will be the consecrated sacrificer here, and his great army his wife.

Verse 43 (5.141.43)

घटोत्कचोऽत्र शामित्रं करिष्यति महाबलः । अतिरात्रे महाबाहो वितते यज्ञकर्मणि ॥

ghaṭotkaco'tra śāmitraṃ kariṣyati mahābalaḥ | atirātre mahābāho vitate yajñakarmaṇi

The mighty Ghatotkacha will act as the slaughterer, mighty-armed one, when the night-long Atiratra rite has been spread out.

Verse 44 (5.141.44)

दक्षिणा त्वस्य यज्ञस्य धृष्टद्युम्नः प्रतापवान् । वैतानिके कर्ममुखे जातो यत्कृष्ण पावकात् ॥

dakṣiṇā tvasya yajñasya dhṛṣṭadyumnaḥ pratāpavān | vaitānike karmamukhe jāto yatkṛṣṇa pāvakāt

The fee of this sacrifice, Krishna, will be the valiant Dhrishtadyumna, who was born from the fire at the start of a fire-rite.

Verse 45 (5.141.45)

यदब्रुवमहं कृष्ण कटुकानि स्म पाण्डवान् । प्रियार्थं धार्तराष्ट्रस्य तेन तप्ये ह्यकर्मणा ॥

yadabruvamahaṃ kṛṣṇa kaṭukāni sma pāṇḍavān | priyārthaṃ dhārtarāṣṭrasya tena tapye hyakarmaṇā

For the bitter words I spoke to the Pandavas, Krishna, to please Dhritarashtra's son, I burn with remorse at that misdeed.

Verse 46 (5.141.46)

यदा द्रक्ष्यसि मां कृष्ण निहतं सव्यसाचिना । पुनश्चितिस्तदा चास्य यज्ञस्याथ भविष्यति ॥

yadā drakṣyasi māṃ kṛṣṇa nihataṃ savyasācinā | punaścitistadā cāsya yajñasyātha bhaviṣyati

When you see me slain by Savyasachin, Krishna, then the re-piling of the fire-altar of this sacrifice will take place.

Verse 47 (5.141.47)

दुःशासनस्य रुधिरं यदा पास्यति पाण्डवः । आनर्दं नर्दतः सम्यक् तदा सूयं भविष्यति ॥

duḥśāsanasya rudhiraṃ yadā pāsyati pāṇḍavaḥ | ānardaṃ nardataḥ samyak tadā sūyaṃ bhaviṣyati

When the Pandava drinks Duhshasana's blood, roaring his great roar, then the soma will be pressed.

Verse 48 (5.141.48)

यदा द्रोणं च भीष्मं च पाञ्चाल्यौ पातयिष्यतः । तदा यज्ञावसानं तद्भविष्यति जनार्दन ॥

yadā droṇaṃ ca bhīṣmaṃ ca pāñcālyau pātayiṣyataḥ | tadā yajñāvasānaṃ tadbhaviṣyati janārdana

When the two Panchalas bring down Drona and Bhishma, then, Janardana, that sacrifice will reach its pause.

Verse 49 (5.141.49)

दुर्योधनं यदा हन्ता भीमसेनो महाबलः । तदा समाप्स्यते यज्ञो धार्तराष्ट्रस्य माधव ॥

duryodhanaṃ yadā hantā bhīmaseno mahābalaḥ | tadā samāpsyate yajño dhārtarāṣṭrasya mādhava

When the mighty Bhimasena kills Duryodhana, then, Madhava, the sacrifice of Dhritarashtra's son will be complete.

Verse 50 (5.141.50)

स्नुषाश्च प्रस्नुषाश्चैव धृतराष्ट्रस्य सङ्गताः । हतेश्वरा नष्टपुत्रा हतनाथाश्च केशव ॥

snuṣāśca prasnuṣāścaiva dhṛtarāṣṭrasya saṅgatāḥ | hateśvarā naṣṭaputrā hatanāthāśca keśava

The daughters-in-law and granddaughters-in-law of Dhritarashtra, gathered together, their lords slain, their sons lost, their protectors killed, Keshava,

Verse 51 (5.141.51)

रुदन्त्यः सहगान्धार्या श्वगृध्रकुरराकुले । स यज्ञेऽस्मिन्नवभृथो भविष्यति जनार्दन ॥

rudantyaḥ sahagāndhāryā śvagṛdhrakurarākule | sa yajñe'sminnavabhṛtho bhaviṣyati janārdana

weeping with Gandhari on the field thronged with dogs, vultures and ospreys: that will be the closing bath of this sacrifice, Janardana.

Verse 52 (5.141.52)

विद्यावृद्धा वयोवृद्धाः क्षत्रियाः क्षत्रियर्षभ । वृथा मृत्युं न कुर्वीरंस्त्वत्कृते मधुसूदन ॥

vidyāvṛddhā vayovṛddhāḥ kṣatriyāḥ kṣatriyarṣabha | vṛthā mṛtyuṃ na kurvīraṃstvatkṛte madhusūdana

Bull among Kshatriyas, let not these Kshatriyas, old in learning and old in years, die a futile death on your account, Madhusudana.

Verse 53 (5.141.53)

शस्त्रेण निधनं गच्छेत्समृद्धं क्षत्रमण्डलम् । कुरुक्षेत्रे पुण्यतमे त्रैलोक्यस्यापि केशव ॥

śastreṇa nidhanaṃ gacchetsamṛddhaṃ kṣatramaṇḍalam | kurukṣetre puṇyatame trailokyasyāpi keśava

Let the whole flourishing circle of the Kshatriyas meet its end by weapons at Kurukshetra, the holiest place in all the three worlds, Keshava.

Note on the text: Corrected करुक्षेत्रे → कुरुक्षेत्रे (misprint in Wikisource; dropped vowel sign, as in the critical edition's kurukṣetre).

Verse 54 (5.141.54)

तदत्र पुण्डरीकाक्ष विधत्स्व यदभीप्सितम् । यथा कार्त्स्न्येन वार्ष्णेय क्षत्रं स्वर्गमवाप्नुयात् ॥

tadatra puṇḍarīkākṣa vidhatsva yadabhīpsitam | yathā kārtsnyena vārṣṇeya kṣatraṃ svargamavāpnuyāt

So arrange here, lotus-eyed one, what you desire, so that the Kshatriyas, every one, may reach heaven, Varshneya.

Verse 55 (5.141.55)

यावत्स्थास्यन्ति गिरयः सरितश्च जनार्दन । तावत्कीर्तिभवः शब्दः शाश्वतोऽयं भविष्यति ॥

yāvatsthāsyanti girayaḥ saritaśca janārdana | tāvatkīrtibhavaḥ śabdaḥ śāśvato'yaṃ bhaviṣyati

As long as the mountains stand and the rivers flow, Janardana, so long will the sound of their fame endure.

Note on the text: Corrected शाश्वतोयं → शाश्वतोऽयं (missing avagraha in Wikisource; śāśvato 'yaṃ).

Verse 56 (5.141.56)

ब्राह्मणाः कथयिष्यन्ति महाभारतमाहवम् । समागमेषु वार्ष्णेय क्षत्रियाणां यशोधनम् ॥

brāhmaṇāḥ kathayiṣyanti mahābhāratamāhavam | samāgameṣu vārṣṇeya kṣatriyāṇāṃ yaśodhanam

Brahmins will tell of this great war of the Bharatas in their gatherings, Varshneya, the treasure of the Kshatriyas' glory.

Verse 57 (5.141.57)

समुपानय कौन्तेयं युद्धाय मम केशव । मन्त्रसंवरणं कुर्वन्नित्यमेव परन्तप ॥

samupānaya kaunteyaṃ yuddhāya mama keśava | mantrasaṃvaraṇaṃ kurvannityameva parantapa

Bring Kunti's son to face me in battle, Keshava, and keep this counsel secret always, scorcher of foes."