Nakula Asks Krishna to Seek Peace

Verse 1 (5.79.1)

उक्तं बहुविधं वाक्यं धर्मराजेन माधव । धर्मज्ञेन वदान्येन श्रुतं चैव हि तत्त्वया ॥

uktaṃ bahuvidhaṃ vākyaṃ dharmarājena mādhava | dharmajñena vadānyena śrutaṃ caiva hi tattvayā

"Many kinds of words have been spoken by the king of dharma, Madhava — he who knows dharma and is generous — and you have heard them."

Verse 2 (5.79.2)

मतमाज्ञाय राज्ञश्च भीमसेनेन माधव । संशमो बाहुवीर्यं च ख्यापितं माधवात्मनः ॥

matamājñāya rājñaśca bhīmasenena mādhava | saṃśamo bāhuvīryaṃ ca khyāpitaṃ mādhavātmanaḥ

"Bhimasena too, Madhava, understanding the king's mind, has made known both his wish for peace and the strength of his own arms."

Note on the text: Corrected बाहुवीर्य च → बाहुवीर्यं च (misprint in Wikisource, dropped anusvara; critical edition bāhuvīryaṃ ca).

Verse 3 (5.79.3)

तथैव फाल्गुनेनापि यदुक्तं तत्त्वया श्रुतम् । आत्मनश्च मतं वीर कथितं भवताऽसकृत् ॥

tathaiva phālgunenāpi yaduktaṃ tattvayā śrutam | ātmanaśca mataṃ vīra kathitaṃ bhavatā'sakṛt

"Likewise you have heard what Phalguna said; and your own view, O hero, you have stated more than once."

Verse 4 (5.79.4)

सर्वमेतदतिक्रम्य श्रुत्वा परमतं भवान् । यत्प्राप्तकालं मन्येथास्तत्कुर्याः पुरुषोत्तम ॥

sarvametadatikramya śrutvā paramataṃ bhavān | yatprāptakālaṃ manyethāstatkuryāḥ puruṣottama

"Setting all this aside, and having heard what others think, do whatever you judge the moment requires, best of men."

Verse 5 (5.79.5)

तस्मिंस्तस्मिन्निमित्ते हि मतं भवति केशव । प्राप्तकालं मनुष्येण क्षमं कार्यमरिन्दम ॥

tasmiṃstasminnimitte hi mataṃ bhavati keśava | prāptakālaṃ manuṣyeṇa kṣamaṃ kāryamarindama

"For opinion forms according to each circumstance, Keshava; a man should do what suits the time and is fitting, O tamer of foes."

Note on the text: Corrected तस्मिंरतस्मिन् → तस्मिंस्तस्मिन् (misprint in Wikisource; critical edition tasmiṃs tasmin).

Verse 6 (5.79.6)

अन्यथा चिन्तितो ह्यर्थः पुनर्भवति सोऽन्यथा । अनित्यमतयो लोके नराः पुरुषसत्तम ॥

anyathā cintito hyarthaḥ punarbhavati so'nyathā | anityamatayo loke narāḥ puruṣasattama

"A thing planned one way turns out another way; men in this world have minds that do not stay fixed, best of men."

Verse 7 (5.79.7)

अन्यथाबुद्धयो ह्यासन्नस्मासु वनवासिषु । अदृश्येष्वन्यथा कृष्ण दृश्येषु पुनरन्यथा ॥

anyathābuddhayo hyāsannasmāsu vanavāsiṣu | adṛśyeṣvanyathā kṛṣṇa dṛśyeṣu punaranyathā

"Our thoughts were of one kind while we lived in the forest, Krishna, of another while we were hidden, and of yet another now that we are seen."

Verse 8 (5.79.8)

अस्माकमपि वार्ष्णेय वने विचरतां तदा । न तथा प्रणयो राज्ये यथा संप्रति वर्तते ॥

asmākamapi vārṣṇeya vane vicaratāṃ tadā | na tathā praṇayo rājye yathā saṃprati vartate

"When we wandered in the forest then, Varshneya, we had no such longing for the kingdom as we have now."

Verse 9 (5.79.9)

निवृत्तवनवासान्नः श्रुत्वा वीर समागताः । अक्षौहिण्यो हि सप्तेमास्त्वत्प्रसादाज्जनार्दन ॥

nivṛttavanavāsānnaḥ śrutvā vīra samāgatāḥ | akṣauhiṇyo hi saptemāstvatprasādājjanārdana

"Hearing that we had returned from our forest exile, O hero, these seven akshauhinis have gathered, Janardana, by your grace."

Note on the text: Joined सप्ते मास्त्वत् → सप्तेमास्त्वत् (stray word-space in Wikisource splitting सप्त इमाः; critical edition saptemās).

Verse 10 (5.79.10)

इमान्हि पुरुषव्याघ्रानचिन्त्यबलपौरुषान् । आत्तशस्त्रान्रणे दृष्ट्वा न व्यथेदिह कः पुमान् ॥

imānhi puruṣavyāghrānacintyabalapauruṣān | āttaśastrānraṇe dṛṣṭvā na vyathediha kaḥ pumān

"Seeing these tigers among men, of unimaginable strength and valour, weapons in hand on the battlefield, what man here would not tremble?"

Note on the text: Corrected अचिन्त्यबलपौरुषात् → अचिन्त्यबलपौरुषान् (misprint in Wikisource; the compound qualifies the accusative plural पुरुषव्याघ्रान्, critical edition acintyabalapauruṣān).

Verse 11 (5.79.11)

स भवान्कुरुमध्ये तं सान्त्वपूर्वं भयोत्तरम् । ब्रूयाद्वाक्यं यथा मन्दो न व्यथेत सुयोधनः ॥

sa bhavānkurumadhye taṃ sāntvapūrvaṃ bhayottaram | brūyādvākyaṃ yathā mando na vyatheta suyodhanaḥ

"So, in the midst of the Kurus, speak to him words that are first conciliating and then carry a warning, in such a way that the foolish Suyodhana is not thrown into turmoil."

Verse 12 (5.79.12)

युधिष्ठिरं भीमसेनं बीभत्सुं चापराजितम् । सहदेवं च मां चैव त्वां च रामं च केशव ॥

yudhiṣṭhiraṃ bhīmasenaṃ bībhatsuṃ cāparājitam | sahadevaṃ ca māṃ caiva tvāṃ ca rāmaṃ ca keśava

"Yudhishthira, Bhimasena, the unconquered Bibhatsu, Sahadeva and myself, you yourself and Rama, Keshava,"

Note on the text: Corrected चापराचितम् → चापराजितम् (misprint in Wikisource; critical edition cāparājitam).

Verse 13 (5.79.13)

सात्यकिं च महावीर्यं विराटं च महात्मजम् । द्रुपदं च महामात्यं धृष्टद्युम्नं च माधव ॥

sātyakiṃ ca mahāvīryaṃ virāṭaṃ ca mahātmajam | drupadaṃ ca mahāmātyaṃ dhṛṣṭadyumnaṃ ca mādhava

"Satyaki of great valour, Virata with his mighty son, Drupada with his able ministers, and Dhrishtadyumna, Madhava,"

Verse 14 (5.79.14)

काशिराजं च विक्रान्तं धृष्टकेतुं च चेदिपम् । मांसशोणितभृन्मर्त्यः प्रतियुध्येत को युधि ॥

kāśirājaṃ ca vikrāntaṃ dhṛṣṭaketuṃ ca cedipam | māṃsaśoṇitabhṛnmartyaḥ pratiyudhyeta ko yudhi

"the valiant king of Kashi, and Dhrishtaketu, lord of the Chedis — what mortal of flesh and blood could stand against these in battle?"

Verse 15 (5.79.15)

स भवान्गमनादेव साधयिष्यत्यसंशयम् । इष्टमर्थं महाबाहो धर्मराजस्य केवलम् ॥

sa bhavāngamanādeva sādhayiṣyatyasaṃśayam | iṣṭamarthaṃ mahābāho dharmarājasya kevalam

"By your going alone, mighty-armed one, you will surely accomplish the desired aim of the king of dharma."

Verse 16 (5.79.16)

विदुरश्चैव भीष्मश्च द्रोणश्च सहबाह्लिकः । श्रेयः समर्था विज्ञातुमुच्यमानास्त्वयाऽनघ ॥

viduraścaiva bhīṣmaśca droṇaśca sahabāhlikaḥ | śreyaḥ samarthā vijñātumucyamānāstvayā'nagha

"Vidura, Bhishma, and Drona together with Bahlika are able to grasp what is best when you speak to them, sinless one."

Verse 17 (5.79.17)

ते चैनमनुनेष्यन्ति धृतराष्ट्रं जनाधिपम् । तं च पापसमाचारं सहामात्यं सुयोधनम् ॥

te cainamanuneṣyanti dhṛtarāṣṭraṃ janādhipam | taṃ ca pāpasamācāraṃ sahāmātyaṃ suyodhanam

"And they will win over this Dhritarashtra, lord of men, and that Suyodhana of wicked conduct together with his ministers."

Verse 18 (5.79.18)

श्रोता चार्थस्य विदुरस्त्वं च वक्ता जनार्दन । कमिवार्थं निवर्तन्तं स्थापयेतां न वर्त्मनि ॥

śrotā cārthasya vidurastvaṃ ca vaktā janārdana | kamivārthaṃ nivartantaṃ sthāpayetāṃ na vartmani

"With Vidura as the listener and you, Janardana, as the speaker, what purpose that has strayed could the two of you not set back upon its path?"