The Deliverance of Mucukunda

Verse 1 (bhagavata.10.51.1)

श्रीशुक उवाच तं विलोक्य विनिष्क्रान्तमुज्जिहानमिवोडुपम् । दर्शनीयतमं श्यामं पीतकौशेयवाससम् ॥ १ ॥

śrī-śuka uvāca taṁ vilokya viniṣkrāntam ujjihānam ivoḍupam darśanīyatamaṁ śyāmaṁ pīta-kauśeya-vāsasam

Kalayavana saw Krishna coming out of the city like the rising moon — supremely beautiful to behold, dark of hue, and clad in a garment of yellow silk.

Verse 2 (bhagavata.10.51.2)

श्रीवत्सवक्षसं भ्राजत्कौस्तुभामुक्तकन्धरम् । पृथुदीर्घचतुर्बाहुं नवकञ्जारुणेक्षणम् ॥ २ ॥

śrīvatsa-vakṣasaṁ bhrājat kaustubhāmukta-kandharam pṛthu-dīrgha-catur-bāhuṁ nava-kañjāruṇekṣaṇam

He bore the mark of Shrivatsa upon His chest, and His neck was adorned with the radiant Kaustubha gem; His four arms were broad and long, and His eyes were reddish like a freshly opened lotus.

Verse 3 (bhagavata.10.51.3)

नित्यप्रमुदितं श्रीमत्सुकपोलं शुचिस्मितम् । मुखारविन्दं बिभ्राणं स्फुरन्मकरकुण्डलम् ॥ ३ ॥

nitya-pramuditaṁ śrīmat su-kapolaṁ śuci-smitam mukhāravindaṁ bibhrāṇaṁ sphuran-makara-kuṇḍalam

His lotus-like face, ever joyous and glowing, with beautiful cheeks and a radiant smile, bore glittering shark-shaped earrings.

Verse 4 (bhagavata.10.51.4)

वासुदेवो ह्ययमिति पुमान् श्रीवत्सलाञ्छनः । चतुर्भुजोऽरविन्दाक्षो वनमाल्यतिसुन्दरः ॥ ४ ॥

vāsudevo hy ayam iti pumān śrīvatsa-lāñchanaḥ catur-bhujo ’ravindākṣo vana-māly ati-sundaraḥ

‘This must indeed be Vasudeva,’ thought the barbarian, ‘for He bears the mark of Shrivatsa, has four arms, lotus eyes, and is exceedingly handsome, garlanded with forest flowers.’

Verse 5 (bhagavata.10.51.5)

लक्षणैर्नारदप्रोक्तैर्नान्यो भवितुमर्हति । निरायुधश्चलन् पद्भ्यां योत्स्येऽनेन निरायुधः ॥ ५ ॥

lakṣaṇair nārada-proktair nānyo bhavitum arhati nirāyudhaś calan padbhyāṁ yotsye ’nena nirāyudhaḥ

‘By the signs Narada described, He can be none other. Since He goes on foot, unarmed, I too shall fight Him without weapons.’

Verse 6 (bhagavata.10.51.6)

इति निश्चित्य यवनः प्राद्रवद् तं पराङ्मुखम् । अन्वधावज्जिघृक्षुस्तं दुरापमपि योगिनाम् ॥ ६ ॥

iti niścitya yavanaḥ prādravad taṁ parāṅ-mukham anvadhāvaj jighṛkṣus taṁ durāpam api yoginām

Resolving thus, the Yavana ran after Krishna, who turned His back and fled; though very hard to attain even for great mystics, the Lord was pursued by him who wished to seize Him.

Verse 7 (bhagavata.10.51.7)

हस्तप्राप्तमिवात्मानं हरीणा स पदे पदे । नीतो दर्शयता दूरं यवनेशोऽद्रिकन्दरम् ॥ ७ ॥

hasta-prāptam ivātmānaṁ harīṇā sa pade pade nīto darśayatā dūraṁ yavaneśo ’dri-kandaram

At every step He seemed just within reach of the barbarian's hands, yet Lord Hari, ever showing Himself, led the King of the Yavanas far away into a mountain cave.

Verse 8 (bhagavata.10.51.8)

पलायनं यदुकुले जातस्य तव नोचितम् । इति क्षिपन्ननुगतो नैनं प्रापाहताशुभः ॥ ८ ॥

palāyanaṁ yadu-kule jātasya tava nocitam iti kṣipann anugato nainaṁ prāpāhatāśubhaḥ

Hurling insults as he chased Him — ‘It is not proper for one born in the Yadu dynasty to flee!’ — still, his sins uncleansed, the Yavana could not catch Him.

Verse 9 (bhagavata.10.51.9)

एवं क्षिप्तोऽपि भगवान्प्राविशद् गिरिकन्दरम् । सोऽपि प्रविष्टस्तत्रान्यं शयानं ददृशे नरम् ॥ ९ ॥

evaṁ kṣipto ’pi bhagavān prāviśad giri-kandaram so ’pi praviṣṭas tatrānyaṁ śayānaṁ dadṛśe naram

Though thus insulted, the Lord entered the mountain cave; and he too, entering there, saw another man lying asleep.

Verse 10 (bhagavata.10.51.10)

नन्वसौ दूरमानीय शेते मामिह साधुवत् । इति मत्वाच्युतं मूढस्तं पदा समताडयत् ॥ १० ॥

nanv asau dūram ānīya śete mām iha sādhu-vat iti matvācyutaṁ mūḍhas taṁ padā samatāḍayat

‘So, after leading me all this way, He now lies here quietly as if innocent!’ Thinking the sleeping man to be Achyuta, the fool struck him with his foot.

Verse 11 (bhagavata.10.51.11)

स उत्थाय चिरं सुप्तः शनैरुन्मील्य लोचने । दिशो विलोकयन् पार्श्वे तमद्राक्षीदवस्थितम् ॥ ११ ॥

sa utthāya ciraṁ suptaḥ śanair unmīlya locane diśo vilokayan pārśve tam adrākṣīd avasthitam

That man, who had been sleeping for a very long time, slowly opened his eyes and, looking about in every direction, saw him standing at his side.

Verse 12 (bhagavata.10.51.12)

स तावत्तस्य रुष्टस्य दृष्टिपातेन भारत । देहजेनाग्निना दग्धो भस्मसादभवत् क्षणात् ॥ १२ ॥

sa tāvat tasya ruṣṭasya dṛṣṭi-pātena bhārata deha-jenāgninā dagdho bhasma-sād abhavat kṣaṇāt

O descendant of Bharata, that angered man merely cast his glance upon the Yavana, and by the fire generated from his own body, he was burnt to ashes in an instant.

Verse 13 (bhagavata.10.51.13)

श्रीराजोवाच को नाम स पुमान् ब्रह्मन् कस्य किंवीर्य एव च । कस्माद् गुहां गतः शिष्ये किंतेजो यवनार्दनः ॥ १३ ॥

śrī-rājovāca ko nāma sa pumān brahman kasya kiṁ-vīrya eva ca kasmād guhāṁ gataḥ śiṣye kiṁ-tejo yavanārdanaḥ

King Parikshit said: ‘Who was that person, O brahmana? Of which family and what power was he? Why did he go to sleep in that cave, and by whose power was the Yavana destroyed?’

Verse 14 (bhagavata.10.51.14)

श्रीशुक उवाच स इक्ष्वाकुकुले जातो मान्धातृतनयो महान् । मुचुकुन्द इति ख्यातो ब्रह्मण्यः सत्यसङ्गरः ॥ १४ ॥

śrī-śuka uvāca sa ikṣvāku-kule jāto māndhātṛ-tanayo mahān mucukunda iti khyāto brahmaṇyaḥ satya-saṅgaraḥ

Shukadeva said: He, a great personality named Mucukunda, was born in the Ikshvaku dynasty as the son of Mandhata; devoted to the brahmanas, he was ever true to his word in battle.

Verse 15 (bhagavata.10.51.15)

स याचितः सुरगणैरिन्द्राद्यैरात्मरक्षणे । असुरेभ्यः परित्रस्तैस्तद्रक्षां सोऽकरोच्चिरम् ॥ १५ ॥

sa yācitaḥ sura-gaṇair indrādyair ātma-rakṣaṇe asurebhyaḥ paritrastais tad-rakṣāṁ so ’karoc ciram

Requested by Indra and the other demigods, terrified as they were of the demons, to protect them, he guarded them for a very long time.

Verse 16 (bhagavata.10.51.16)

लब्ध्वा गुहं ते स्वःपालं मुचुकुन्दमथाब्रुवन् । राजन् विरमतां कृच्छ्राद् भवान् नः परिपालनात् ॥ १६ ॥

labdhvā guhaṁ te svaḥ-pālaṁ mucukundam athābruvan rājan viramatāṁ kṛcchrād bhavān naḥ paripālanāt

When they had obtained Guha (Kartikeya) as their protector, they said to Mucukunda: ‘O King, you may now be relieved of this arduous task of guarding us.’

Verse 17 (bhagavata.10.51.17)

नरलोकं परित्यज्य राज्यं निहतकण्टकम् । अस्मान् पालयतो वीर कामास्ते सर्व उज्झिताः ॥ १७ ॥

nara-lokaṁ parityajya rājyaṁ nihata-kaṇṭakam asmān pālayato vīra kāmās te sarva ujjhitāḥ

‘O hero, abandoning your unopposed kingdom among men, you protected us, giving up all your own desires.’

Verse 18 (bhagavata.10.51.18)

सुता महिष्यो भवतो ज्ञातयोऽमात्यमन्त्रिणः । प्रजाश्च तुल्यकालीना नाधुना सन्ति कालिताः ॥ १८ ॥

sutā mahiṣyo bhavato jñātayo ’mātya-mantrinaḥ prajāś ca tulya-kālīnā nādhunā santi kālitāḥ

‘Your sons, queens, kinsmen, ministers, counsellors and subjects of your own time are no longer living; they have all been carried away by time.’

Verse 19 (bhagavata.10.51.19)

कालो बलीयान् बलिनां भगवानीश्वरोऽव्ययः । प्रजाः कालयते क्रीडन् पशुपालो यथा पशून् ॥ १९ ॥

kālo balīyān balināṁ bhagavān īśvaro ’vyayaḥ prajāḥ kālayate krīḍan paśu-pālo yathā paśūn

‘Time, mightier than the mighty, is the inexhaustible Supreme Personality Himself; playfully He drives all creatures onward, as a herdsman drives his cattle.’

Verse 20 (bhagavata.10.51.20)

वरं वृणीष्व भद्रं ते ऋते कैवल्यमद्य नः । एक एवेश्वरस्तस्य भगवान् विष्णुरव्ययः ॥ २० ॥

varaṁ vṛṇīṣva bhadraṁ te ṛte kaivalyam adya naḥ eka eveśvaras tasya bhagavān viṣṇur avyayaḥ

‘All good fortune to you—now choose a boon from us, save liberation alone, for only the inexhaustible Lord Vishnu Himself can grant that.’

Verse 21 (bhagavata.10.51.21)

एवमुक्तः स वै देवानभिवन्द्य महायशाः । अशयिष्ट गुहाविष्टो निद्रया देवदत्तया ॥ २१ ॥

evam uktaḥ sa vai devān abhivandya mahā-yaśāḥ aśayiṣṭa guhā-viṣṭo nidrayā deva-dattayā

Thus addressed, that man of great renown bowed to the demigods and, entering the cave, lay down to enjoy the sleep granted him by them.

Verse 22 (bhagavata.10.51.22)

यवने भस्मसान्नीते भगवान् सात्वतर्षभः । आत्मानं दर्शयामास मुचुकुन्दाय धीमते ॥ २२ ॥

yavane bhasma-sān nīte bhagavān sātvatarṣabhaḥ ātmānaṁ darśayām āsa mucukundāya dhīmate

After the Yavana had been reduced to ashes, the Supreme Lord, the foremost of the Satvatas, revealed Himself to the wise Mucukunda.

Verse 23 (bhagavata.10.51.23)

तमालोक्य घनश्यामं पीतकौशेयवाससम् । श्रीवत्सवक्षसं भ्राजत्कौस्तुभेन विराजितम् ॥ २३ ॥

tam ālokya ghana-śyāmaṁ pīta-kauśeya-vāsasam śrīvatsa-vakṣasaṁ bhrājat kaustubhena virājitam

Beholding Him — dark as a rain cloud, clad in yellow silk, His chest bearing the mark of Shrivatsa, His neck glowing with the Kaustubha —

Verse 24 (bhagavata.10.51.24)

चतुर्भुजं रोचमानं वैजयन्त्या च मालया । चारुप्रसन्नवदनं स्फुरन्मकरकुण्डलम् ॥ २४ ॥

catur-bhujaṁ rocamānaṁ vaijayantyā ca mālayā cāru-prasanna-vadanaṁ sphuran-makara-kuṇḍalam

four-armed, resplendent with a Vaijayanti garland, His countenance lovely and serene, His shark-shaped earrings glittering,

Verse 25 (bhagavata.10.51.25)

प्रेक्षणीयं नृलोकस्य सानुरागस्मितेक्षणम् । अपीव्यवयसं मत्तमृगेन्द्रोदारविक्रमम् ॥ २५ ॥

prekṣaṇīyaṁ nṛ-lokasya sānurāga-smitekṣaṇam apīvya-vayasaṁ matta- mṛgendrodāra-vikramam

delightful to the eyes of all people, His glance gentle with a loving smile, of the fairest youth, moving with the noble grace of an intoxicated lion —

Verse 26 (bhagavata.10.51.26)

पर्यपृच्छन्महाबुद्धिस्तेजसा तस्य धर्षितः । शङ्कितः शनकै राजा दुर्धर्षमिव तेजसा ॥ २६ ॥

paryapṛcchan mahā-buddhis tejasā tasya dharṣitaḥ śaṅkitaḥ śanakai rājā durdharṣam iva tejasā

overwhelmed by His effulgence, the King, greatly intelligent yet now hesitant, slowly began to question Him, as one uncertain before something unassailable by its very brilliance.

Verse 27 (bhagavata.10.51.27)

श्रीमुचुकुन्द उवाच को भवानिह सम्प्राप्तो विपिने गिरिगह्वरे । पद्भ्यां पद्मपलाशाभ्यां विचरस्युरुकण्टके ॥ २७ ॥

śrī-mucukunda uvāca ko bhavān iha samprāpto vipine giri-gahvare padbhyāṁ padma-palāśābhyāṁ vicarasy uru-kaṇṭake

Mucukunda said: ‘Who are You who have come here, into this thorny mountain forest, walking on feet as soft as lotus petals?’

Verse 28 (bhagavata.10.51.28)

किंस्वित्तेजस्विनां तेजो भगवान् वा विभावसुः । सूर्यः सोमो महेन्द्रो वा लोकपालोऽपरोऽपि वा ॥ २८ ॥

kiṁ svit tejasvināṁ tejo bhagavān vā vibhāvasuḥ sūryaḥ somo mahendro vā loka-pālo paro ’pi vā

‘Are You perhaps the very essence of all that is powerful, or the glorious god of fire, the sun, the moon, mighty Indra, or the ruler of some other realm?’

Verse 29 (bhagavata.10.51.29)

मन्ये त्वां देवदेवानां त्रयाणां पुरुषर्षभम् । यद् बाधसे गुहाध्वान्तं प्रदीपः प्रभया यथा ॥ २९ ॥

manye tvāṁ deva-devānāṁ trayāṇāṁ puruṣarṣabham yad bādhase guhā-dhvāntaṁ pradīpaḥ prabhayā yathā

‘I think You must be the greatest among the three chief gods, for You dispel the darkness of this cave as a lamp dispels darkness by its light.’

Verse 30 (bhagavata.10.51.30)

शुश्रूषतामव्यलीकमस्माकं नरपुङ्गव । स्वजन्म कर्म गोत्रं वा कथ्यतां यदि रोचते ॥ ३० ॥

śuśrūṣatām avyalīkam asmākaṁ nara-puṅgava sva-janma karma gotraṁ vā kathyatāṁ yadi rocate

‘O best of men, if it pleases You, kindly tell us truthfully of Your birth, deeds and lineage, for we are eager to hear.’

Verse 31 (bhagavata.10.51.31)

वयं तु पुरुषव्याघ्र ऐक्ष्वाकाः क्षत्रबन्धवः । मुचुकुन्द इति प्रोक्तो यौवनाश्वात्मजः प्रभो ॥ ३१ ॥

vayaṁ tu puruṣa-vyāghra aikṣvākāḥ kṣatra-bandhavaḥ mucukunda iti prokto yauvanāśvātmajaḥ prabho

‘As for us, O tiger among men, we are kshatriyas descended from Ikshvaku; I am called Mucukunda, my lord, and I am the son of Yauvanashva.’

Verse 32 (bhagavata.10.51.32)

चिरप्रजागरश्रान्तो निद्रयापहतेन्द्रियः । शयेऽस्मिन् विजने कामं केनाप्युत्थापितोऽधुना ॥ ३२ ॥

cira-prajāgara-śrānto nidrayāpahatendriyaḥ śaye ’smin vijane kāmaṁ kenāpy utthāpito ’dhunā

‘Exhausted from long wakefulness, my senses overcome by sleep, I lay down here at will in this solitary place, until someone just now awakened me.’

Verse 33 (bhagavata.10.51.33)

सोऽपि भस्मीकृतो नूनमात्मीयेनैव पाप्मना । अनन्तरं भवान् श्रीमाल्ँ लक्षितोऽमित्रशासनः ॥ ३३ ॥

so ’pi bhasmī-kṛto nūnam ātmīyenaiva pāpmanā anantaraṁ bhavān śrīmāḻ lakṣito ’mitra-śāsanaḥ

‘That very person was at once burnt to ashes by his own sin; and immediately thereafter I beheld Your glorious form, the chastiser of enemies.’

Verse 34 (bhagavata.10.51.34)

तेजसा तेऽविषह्येण भूरि द्रष्टुं न शक्नुमः । हतौजसा महाभाग माननीयोऽसि देहिनाम् ॥ ३४ ॥

tejasā te ’viṣahyeṇa bhūri draṣṭuṁ na śaknumaḥ hataujasā mahā-bhāga mānanīyo ’si dehinām

‘Because of Your unbearable effulgence, our strength fails and we cannot gaze upon You fully; O most fortunate one, You are worthy of honor by all embodied beings.’

Verse 35 (bhagavata.10.51.35)

एवं सम्भाषितो राज्ञा भगवान् भूतभावनः । प्रत्याह प्रहसन् वाण्या मेघनादगभीरया ॥ ३५ ॥

evaṁ sambhāṣito rājñā bhagavān bhūta-bhāvanaḥ pratyāha prahasan vāṇyā megha-nāda-gabhīrayā

Thus addressed by the King, the Supreme Lord, the origin of all creation, smiled broadly and replied in a voice as deep as the rumbling of clouds.

Verse 36 (bhagavata.10.51.36)

श्रीभगवानुवाच जन्मकर्माभिधानानि सन्ति मेऽङ्ग सहस्रशः । न शक्यन्तेऽनुसङ्ख्यातुमनन्तत्वान्मयापि हि ॥ ३६ ॥

śrī-bhagavān uvāca janma-karmābhidhānāni santi me ’ṅga sahasraśaḥ na śakyante ’nusaṅkhyātum anantatvān mayāpi hi

The Supreme Lord said: ‘My dear one, My births, deeds and names exist by the thousands; being limitless, even I cannot enumerate them.’

Verse 37 (bhagavata.10.51.37)

क्वचिद् रजांसि विममे पार्थिवान्युरुजन्मभिः । गुणकर्माभिधानानि न मे जन्मानि कर्हिचित् ॥ ३७ ॥

kvacid rajāṁsi vimame pārthivāny uru-janmabhiḥ guṇa-karmābhidhānāni na me janmāni karhicit

‘One might, after many lifetimes, count the very particles of dust upon this earth, but never My qualities, deeds and names, nor My births.’

Verse 38 (bhagavata.10.51.38)

कालत्रयोपपन्नानि जन्मकर्माणि मे नृप । अनुक्रमन्तो नैवान्तं गच्छन्ति परमर्षयः ॥ ३८ ॥

kāla-trayopapannāni janma-karmāṇi me nṛpa anukramanto naivāntaṁ gacchanti paramarṣayaḥ

‘O King, occurring throughout the three divisions of time, My births and deeds are such that even the greatest sages, though enumerating them, never reach their end.’

Verse 39 (bhagavata.10.51.39)

तथाप्यद्यतनान्यङ्ग शृणुष्व गदतो मम । विज्ञापितो विरिञ्चेन पुराहं धर्मगुप्तये । भूमेर्भारायमाणानामसुराणां क्षयाय च ॥ ३९ ॥

tathāpy adyatanāny aṅga śṛnuṣva gadato mama vijñāpito viriñcena purāhaṁ dharma-guptaye

‘Nevertheless, O friend, hear from Me of My present life. Long ago Brahma entreated Me to protect dharma —’

Verse 40 (bhagavata.10.51.40)

अवतीर्णो यदुकुले गृह आनकदुन्दुभेः । वदन्ति वासुदेवेति वसुदेवसुतं हि माम् ॥ ४० ॥

bhūmer bhārāyamāṇānām asurāṇāṁ kṣayāya ca avatīrṇo yadu-kule gṛha ānakadundubheḥ vadanti vāsudeveti vasudeva-sutaṁ hi mām

‘—and to destroy the demons who were a burden upon the earth, so I descended into the Yadu dynasty, in the home of Anakadundubhi; being the son of Vasudeva, people call Me Vasudeva.’

Verse 41 (bhagavata.10.51.41)

कालनेमिर्हतः कंसः प्रलम्बाद्याश्च सद्द्विषः । अयं च यवनो दग्धो राजंस्ते तिग्मचक्षुषा ॥ ४१ ॥

kālanemir hataḥ kaṁsaḥ pralambādyāś ca sad-dviṣaḥ ayaṁ ca yavano dagdho rājaṁs te tigma-cakṣuṣā

‘I slew Kalanemi, reborn as Kamsa, along with Pralamba and other enemies of the pious; and now, O King, this Yavana too has been burnt by your piercing glance.’

Verse 42 (bhagavata.10.51.42)

सोऽहं तवानुग्रहार्थं गुहामेतामुपागतः । प्रार्थितः प्रचुरं पूर्वं त्वयाहं भक्तवत्सलः ॥ ४२ ॥

so ’haṁ tavānugrahārthaṁ guhām etām upāgataḥ prārthitaḥ pracuraṁ pūrvaṁ tvayāhaṁ bhakta-vatsalaḥ

‘It is I who, to show you favor, have come to this cave; for long ago you prayed to Me repeatedly, and I am ever affectionate to My devotees.’

Verse 43 (bhagavata.10.51.43)

वरान्वृणीष्व राजर्षे सर्वान् कामान् ददामि ते । मां प्रसन्नो जनः कश्चिन्न भूयोऽर्हति शोचितुम् ॥ ४३ ॥

varān vṛṇīṣva rājarṣe sarvān kāmān dadāmi te māṁ prasanno janaḥ kaścin na bhūyo ’rhati śocitum

‘O saintly King, choose your boons; I shall grant you all that you desire. One who has pleased Me need never grieve again.’

Verse 44 (bhagavata.10.51.44)

श्रीशुक उवाच इत्युक्तस्तं प्रणम्याह मुचुकुन्दो मुदान्वितः । ज्ञात्वा नारायणं देवं गर्गवाक्यमनुस्मरन् ॥ ४४ ॥

śrī-śuka uvāca ity uktas taṁ praṇamyāha mucukundo mudānvitaḥ jñātvā nārāyaṇaṁ devaṁ garga-vākyam anusmaran

Shukadeva said: Thus addressed, Mucukunda, filled with joy, bowed to Him and, recalling the words of the sage Garga, recognized Him as Lord Narayana Himself, and spoke thus.

Verse 45 (bhagavata.10.51.45)

श्रीमुचुकुन्द उवाच विमोहितोऽयं जन ईश मायया त्वदीयया त्वां न भजत्यनर्थदृक् । सुखाय दुःखप्रभवेषु सज्जते गृहेषु योषित् पुरुषश्च वञ्चितः ॥ ४५ ॥

śrī-mucukunda uvāca vimohito ’yaṁ jana īśa māyayā tvadīyayā tvāṁ na bhajaty anartha-dṛk sukhāya duḥkha-prabhaveṣu sajjate gṛheṣu yoṣit puruṣaś ca vañcitaḥ

Mucukunda said: ‘O Lord, this world is bewildered by Your own illusory energy; unaware of their true welfare, people do not worship You but, deceived, entangle themselves in family life seeking happiness amid its very sorrows.’

Verse 46 (bhagavata.10.51.46)

लब्ध्वा जनो दुर्लभमत्र मानुषं कथञ्चिदव्यङ्गमयत्नतोऽनघ । पादारविन्दं न भजत्यसन्मति- र्गृहान्धकूपे पतितो यथा पशुः ॥ ४६ ॥

labdhvā jano durlabham atra mānuṣaṁ kathañcid avyaṅgam ayatnato ’nagha pādāravindaṁ na bhajaty asan-matir gṛhāndha-kūpe patito yathā paśuḥ

‘One of impure mind who, having somehow obtained this rare and undistorted human form without effort, O sinless one, still does not worship Your lotus feet, falls like an animal into a blind well of home.’

Verse 47 (bhagavata.10.51.47)

ममैष कालोऽजित निष्फलो गतो राज्यश्रियोन्नद्धमदस्य भूपतेः । मर्त्यात्मबुद्धेः सुतदारकोशभू- ष्वासज्जमानस्य दुरन्तचिन्तया ॥ ४७ ॥

mamaiṣa kālo ’jita niṣphalo gato rājya-śriyonnaddha-madasya bhū-pateḥ martyātma-buddheḥ suta-dāra-kośa-bhūṣv āsajjamānasya duranta-cintayā

‘O unconquerable one, my time has passed fruitlessly, as an earthly king intoxicated by kingdom and opulence, taking this mortal body for the self, attached to sons, wives, treasury and lands, tormented by endless anxiety.’

Verse 48 (bhagavata.10.51.48)

कलेवरेऽस्मिन् घटकुड्यसन्निभे निरूढमानो नरदेव इत्यहम् । वृतो रथेभाश्वपदात्यनीकपै- र्गां पर्यटंस्त्वागणयन् सुदुर्मदः ॥ ४८ ॥

kalevare ’smin ghaṭa-kuḍya-sannibhe nirūḍha-māno nara-deva ity aham vṛto rathebhāśva-padāty-anīkapair gāṁ paryaṭaṁs tvāgaṇayan su-durmadaḥ

‘Falsely proud, taking this body — no more than a pot or a wall — to be myself, thinking myself a god among men, I roamed the earth surrounded by chariots, elephants, horses, foot soldiers and generals, giving You no thought in my delusion.’

Verse 49 (bhagavata.10.51.49)

प्रमत्तमुच्चैरितिकृत्यचिन्तया प्रवृद्धलोभं विषयेषु लालसम् । त्वमप्रमत्तः सहसाभिपद्यसे क्षुल्लेलिहानोऽहिरिवाखुमन्तकः ॥ ४९ ॥

pramattam uccair itikṛtya-cintayā pravṛddha-lobhaṁ viṣayeṣu lālasam tvam apramattaḥ sahasābhipadyase kṣul-lelihāno ’hir ivākhum antakaḥ

‘One thoroughly deluded by constant thoughts of duty, whose greed for sense objects has grown intense and who hankers after enjoyment, is suddenly seized by You, the ever-alert one — as death comes upon a mouse like a hungry snake licking its fangs.’

Verse 50 (bhagavata.10.51.50)

पुरा रथैर्हेमपरिष्कृतैश्चरन् मतंगजैर्वा नरदेवसंज्ञितः । स एव कालेन दुरत्ययेन ते कलेवरो विट्कृमिभस्मसंज्ञितः ॥ ५० ॥

purā rathair hema-pariṣkṛtaiś caran mataṁ-gajair vā nara-deva-saṁjñitaḥ sa eva kālena duratyayena te kalevaro viṭ-kṛmi-bhasma-saṁjñitaḥ

‘The very body once carried in gold-adorned chariots or upon fierce elephants and called by the name “king” is, by Your inevitable power of time, later called by other names — feces, worms, or ashes.’

Verse 51 (bhagavata.10.51.51)

निर्जित्य दिक्चक्रमभूतविग्रहो वरासनस्थः समराजवन्दितः । गृहेषु मैथुन्यसुखेषु योषितां क्रीडामृगः पूरुष ईश नीयते ॥ ५१ ॥

nirjitya dik-cakram abhūta-vigraho varāsana-sthaḥ sama-rāja-vanditaḥ gṛheṣu maithunya-sukheṣu yoṣitāṁ krīḍā-mṛgaḥ pūruṣa īśa nīyate

‘Having conquered every direction, free of rivals, seated on a splendid throne and honored by kings once his equals — yet in the women’s chambers, amid the pleasures of union, that same man is led about like a tame animal at play, O Lord.’

Verse 52 (bhagavata.10.51.52)

करोति कर्माणि तपःसुनिष्ठितो निवृत्तभोगस्तदपेक्षयाददत् । पुनश्च भूयासमहं स्वराडिति प्रवृद्धतर्षो न सुखाय कल्पते ॥ ५२ ॥

karoti karmāṇi tapaḥ-suniṣṭhito nivṛtta-bhogas tad-apekṣayādadat punaś ca bhūyāsam ahaṁ sva-rāḍ iti pravṛddha-tarṣo na sukhāya kalpate

‘One firmly devoted to austerity performs his duties while forgoing enjoyment, still desiring greater power, thinking “let me become even more supreme and independent” — but such rampant craving never brings happiness.’

Verse 53 (bhagavata.10.51.53)

भवापवर्गो भ्रमतो यदा भवे- ज्जनस्य तर्ह्यच्युत सत्समागमः । सत्सङ्गमो यर्हि तदैव सद्गतौ परावरेशे त्वयि जायते मतिः ॥ ५३ ॥

bhavāpavargo bhramato yadā bhavej janasya tarhy acyuta sat-samāgamaḥ sat-saṅgamo yarhi tadaiva sad-gatau parāvareśe tvayi jāyate matiḥ

‘O infallible one, when the wandering soul’s material existence comes to an end, he attains the company of Your saintly devotees; and it is only through that saintly association that devotion is born toward You, the goal of the saints, the Lord of cause and effect.’

Verse 54 (bhagavata.10.51.54)

मन्ये ममानुग्रह ईश ते कृतो राज्यानुबन्धापगमो यदृच्छया । यः प्रार्थ्यते साधुभिरेकचर्यया वनं विविक्षद्भिरखण्डभूमिपैः ॥ ५४ ॥

manye mamānugraha īśa te kṛto rājyānubandhāpagamo yadṛcchayā yaḥ prārthyate sādhubhir eka-caryayā vanaṁ vivikṣadbhir akhaṇḍa-bhūmi-paiḥ

‘O Lord, I consider that You have shown me mercy, for my attachment to the kingdom has fallen away of itself — a freedom that saintly rulers of vast, undivided lands pray for when they long to enter the solitude of the forest.’

Verse 55 (bhagavata.10.51.55)

न कामयेऽन्यं तव पादसेवना- दकिञ्चनप्रार्थ्यतमाद्वरं विभो । आराध्य कस्त्वां ह्यपवर्गदं हरे वृणीत आर्यो वरमात्मबन्धनम् ॥ ५५ ॥

na kāmaye ’nyaṁ tava pāda-sevanād akiñcana-prārthyatamād varaṁ vibho ārādhya kas tvāṁ hy apavarga-daṁ hare vṛṇīta āryo varam ātma-bandhanam

‘O all-powerful one, I desire no boon other than service at Your feet, the very boon most sought by those who possess nothing of this world. O Hari, what wise soul, having worshiped You, the giver of liberation, would instead choose a boon that binds him further?’

Verse 56 (bhagavata.10.51.56)

तस्माद्विसृज्याशिष ईश सर्वतो रजस्तमःसत्त्वगुणानुबन्धनाः । निरञ्जनं निर्गुणमद्वयं परं त्वां ज्ञाप्तिमात्रं पुरुषं व्रजाम्यहम् ॥ ५६ ॥

tasmād visṛjyāśiṣa īśa sarvato rajas-tamaḥ-sattva-guṇānubandhanāḥ nirañjanaṁ nirguṇam advayaṁ paraṁ tvāṁ jñāpti-mātraṁ puruṣaṁ vrajāmy aham

‘Therefore, O Lord, casting aside on every side all desirable objects bound to the modes of passion, ignorance and goodness, I approach You — free of mundane designation, beyond the modes, nondual and supreme, the very embodiment of pure knowledge, the original person.’

Verse 57 (bhagavata.10.51.57)

चिरमिह वृजिनार्तस्तप्यमानोऽनुतापै- रवितृषषडमित्रोऽलब्धशान्तिः कथञ्चित् । शरणद समुपेतस्त्वत्पदाब्जं परात्म- नभयमृतमशोकं पाहि मापन्नमीश ॥ ५७ ॥

ciram iha vṛjinārtas tapyamāno ’nutāpair avitṛṣa-ṣaḍ-amitro ’labdha-śāntiḥ kathañcit śaraṇa-da samupetas tvat-padābjaṁ parātman abhayam ṛtam aśokaṁ pāhi māpannam īśa

‘Long tormented in this world by afflictions and burning with remorse, my six enemies never satisfied, unable to find peace by any means — O giver of shelter, O Supreme Soul, I have somehow come to Your lotus feet, which are truth itself, fearless and free from sorrow; please protect me, who am beset by dangers, O Lord.’

Verse 58 (bhagavata.10.51.58)

श्रीभगवानुवाच सार्वभौम महाराज मतिस्ते विमलोर्जिता । वरैः प्रलोभितस्यापि न कामैर्विहता यतः ॥ ५८ ॥

śrī-bhagavān uvāca sārvabhauma mahā-rāja matis te vimalorjitā varaiḥ pralobhitasyāpi na kāmair vihatā yataḥ

The Supreme Lord said: ‘O emperor, great king, your mind is spotless and strong, since even when enticed by boons it was not overcome by material desires.’

Verse 59 (bhagavata.10.51.59)

प्रलोभितो वरैर्यत्त्वमप्रमादाय विद्धि तत् । न धीरेकान्तभक्तानामाशीर्भिर्भिद्यते क्वचित् ॥ ५९ ॥

pralobhito varair yat tvam apramādāya viddhi tat na dhīr ekānta-bhaktānām āśīrbhir bhidyate kvacit

‘Know that My enticing you with boons was only to prove your steadiness; for the intelligence of exclusive devotees is never swayed by such blessings.’

Verse 60 (bhagavata.10.51.60)

युञ्जानानामभक्तानां प्राणायामादिभिर्मनः । अक्षीणवासनं राजन् दृश्यते पुनरुत्थितम् ॥ ६० ॥

yuñjānānām abhaktānāṁ prāṇāyāmādibhir manaḥ akṣīṇa-vāsanaṁ rājan dṛśyate punar utthitam

‘O King, the minds of nondevotees who practice breath control and similar disciplines, their desires not fully uprooted, are seen to rise again toward sense gratification.’

Verse 61 (bhagavata.10.51.61)

विचरस्व महीं कामं मय्यावेशितमानसः । अस्त्वेवं नित्यदा तुभ्यं भक्तिर्मय्यनपायिनी ॥ ६१ ॥

vicarasva mahīṁ kāmaṁ mayy āveśita-mānasaḥ astv evaṁ nityadā tubhyaṁ bhaktir mayy anapāyinī

‘Wander this earth as you please, your mind fixed upon Me; may you ever possess such unfailing devotion to Me.’

Verse 62 (bhagavata.10.51.62)

क्षात्रधर्मस्थितो जन्तून् न्यवधीर्मृगयादिभिः । समाहितस्तत्तपसा जह्यघं मदुपाश्रितः ॥ ६२ ॥

kṣātra-dharma-sthito jantūn nyavadhīr mṛgayādibhiḥ samāhitas tat tapasā jahy aghaṁ mad-upāśritaḥ

‘Established in the duty of a kshatriya, you slew creatures in hunting and similar acts; now, with concentrated mind, taking shelter in Me, destroy that sin through penance.’

Verse 63 (bhagavata.10.51.63)

जन्मन्यनन्तरे राजन् सर्वभूतसुहृत्तमः । भूत्वा द्विजवरस्त्वं वै मामुपैष्यसि केवलम् ॥ ६३ ॥

janmany anantare rājan sarva-bhūta-suhṛttamaḥ bhūtvā dvija-varas tvaṁ vai mām upaiṣyasi kevalam

‘O King, in your very next birth you will become an excellent brahmana, the greatest well-wisher of all beings, and you will come to Me alone.’