Rukmini's Message to Lord Krishna

Verse 1 (bhagavata.10.52.1)

श्रीशुक उवाच इत्थं सोऽनग्रहीतोऽङ्ग कृष्णेनेक्ष्वाकुनन्दनः । तं परिक्रम्य सन्नम्य निश्चक्राम गुहामुखात् ॥ १ ॥

śrī-śuka uvāca itthaṁ so ’nagrahīto ’nga kṛṣṇenekṣvāku nandanaḥ taṁ parikramya sannamya niścakrāma guhā-mukhāt

Shukadeva said: My dear Parikshit, thus graced by Krishna, Mucukunda, the beloved son of the Ikshvaku line, circled Him and bowed down, then went out through the mouth of the cave.

Verse 2 (bhagavata.10.52.2)

संवीक्ष्य क्षुल्लकान् मर्त्यान् पशून्वीरुद्वनस्पतीन् । मत्वा कलियुगं प्राप्तं जगाम दिशमुत्तराम् ॥ २ ॥

saṁvīkṣya kṣullakān martyān paśūn vīrud-vanaspatīn matvā kali-yugaṁ prāptaṁ jagāma diśam uttarām

Seeing that human beings, animals, plants and trees had all grown small, he understood that the Age of Kali had arrived, and so he set out toward the north.

Verse 3 (bhagavata.10.52.3)

तपःश्रद्धायुतो धीरो निःसङ्गो मुक्तसंशयः । समाधाय मनः कृष्णे प्राविशद् गन्धमादनम् ॥ ३ ॥

tapaḥ-śraddhā-yuto dhīro niḥsaṅgo mukta-saṁśayaḥ samādhāya manaḥ kṛṣṇe prāviśad gandhamādanam

Sober, filled with faith for austerity, detached, and free of doubt, he fixed his mind upon Krishna and entered the Gandhamadana mountain.

Verse 4 (bhagavata.10.52.4)

बदर्याश्रममासाद्य नरनारायणालयम् । सर्वद्वन्द्वसहः शान्तस्तपसाराधयद्धरिम् ॥ ४ ॥

badary-āśramam āsādya nara-nārāyaṇālayam sarva-dvandva-sahaḥ śāntas tapasārādhayad dharim

Reaching Badarikashrama, the abode of Nara-Narayana, peaceful and tolerant of all dualities, he worshiped Hari there through severe austerities.

Verse 5 (bhagavata.10.52.5)

भगवान् पुनराव्रज्य पुरीं यवनवेष्टिताम् । हत्वा म्लेच्छबलं निन्ये तदीयं द्वारकां धनम् ॥ ५ ॥

bhagavān punar āvrajya purīṁ yavana-veṣṭitām hatvā mleccha-balaṁ ninye tadīyaṁ dvārakāṁ dhanam

The Lord returned again to His city, still surrounded by the Yavanas; slaying the barbarian army, He began carrying their wealth to Dvaraka.

Verse 6 (bhagavata.10.52.6)

नीयमाने धने गोभिर्नृभिश्चाच्युतचोदितैः । आजगाम जरासन्धस्त्रयोविंशत्यनीकपः ॥ ६ ॥

nīyamāne dhane gobhir nṛbhiś cācyuta-coditaiḥ ājagāma jarāsandhas trayo-viṁśaty-anīka-paḥ

As that wealth was being carried by oxen and men at Achyuta's direction, Jarasandha arrived, leading twenty-three armies.

Verse 7 (bhagavata.10.52.7)

विलोक्य वेगरभसं रिपुसैन्यस्य माधवौ । मनुष्यचेष्टामापन्नौ राजन् दुद्रुवतुर्द्रुतम् ॥ ७ ॥

vilokya vega-rabhasaṁ ripu-sainyasya mādhavau manuṣya-ceṣṭām āpannau rājan dudruvatur drutam

O King, seeing the ferocious onrush of the enemy forces, the two Madhavas, assuming human behavior, swiftly ran away.

Verse 8 (bhagavata.10.52.8)

विहाय वित्तं प्रचुरमभीतौ भीरुभीतवत् । पद्भ्यां पद्मपलाशाभ्यां चेलतुर्बहुयोजनम् ॥ ८ ॥

vihāya vittaṁ pracuram abhītau bhīru-bhīta-vat padbhyāṁ palāśābhyāṁ celatur bahu-yojanam

Abandoning their vast wealth, fearless yet feigning fear like frightened men, They went on Their lotus-soft feet for many yojanas.

Verse 9 (bhagavata.10.52.9)

पलायमानौ तौ दृष्ट्वा मागधः प्रहसन्बली । अन्वधावद् रथानीकैरीशयोरप्रमाणवित् ॥ ९ ॥

palāyamānau tau dṛṣṭvā māgadhaḥ prahasan balī anvadhāvad rathānīkair īśayor apramāṇa-vit

Seeing Them fleeing, the mighty Jarasandha, laughing aloud, chased after Them with his chariots and soldiers, unaware of the true greatness of the two Lords.

Verse 10 (bhagavata.10.52.10)

प्रद्रुत्य दूरं संश्रान्तौ तुङ्गमारुहतां गिरिम् । प्रवर्षणाख्यं भगवान् नित्यदा यत्र वर्षति ॥ १० ॥

pradrutya dūraṁ saṁśrāntau tuṅgam āruhatāṁ girim pravarṣaṇākhyaṁ bhagavān nityadā yatra varṣati

Having run a great distance and appearing exhausted, the two climbed a lofty mountain named Pravarshana, where Lord Indra ever sends down rain.

Verse 11 (bhagavata.10.52.11)

गिरौ निलीनावाज्ञाय नाधिगम्य पदं नृप । ददाह गिरिमेधोभिः समन्तादग्निमुत्सृजन् ॥ ११ ॥

girau nilīnāv ājñāya nādhigamya padaṁ nṛpa dadāha girim edhobhiḥ samantād agnim utsṛjan

O King, knowing They were hidden on the mountain but unable to find Their exact spot, Jarasandha piled up firewood and set fire to it on every side.

Verse 12 (bhagavata.10.52.12)

तत उत्पत्य तरसा दह्यमानतटादुभौ । दशैकयोजनात्तुङ्गान्निपेततुरधो भुवि ॥ १२ ॥

tata utpatya tarasā dahyamāna-taṭād ubhau daśaika-yojanāt tuṅgān nipetatur adho bhuvi

Then, from the burning slopes, the two of Them swiftly leapt down to the ground from a height of eleven yojanas.

Verse 13 (bhagavata.10.52.13)

अलक्ष्यमाणौ रिपुणा सानुगेन यदूत्तमौ । स्वपुरं पुनरायातौ समुद्रपरिखां नृप ॥ १३ ॥

alakṣyamāṇau ripuṇā sānugena yadūttamau sva-puraṁ punar āyātau samudra-parikhāṁ nṛpa

O King, unseen by their enemy or his followers, those two foremost Yadus returned to Their own city, moated by the sea.

Verse 14 (bhagavata.10.52.14)

सोऽपि दग्धाविति मृषा मन्वानो बलकेशवौ । बलमाकृष्य सुमहन्मगधान् मागधो ययौ ॥ १४ ॥

so ’pi dagdhāv iti mṛṣā manvāno bala-keśavau balam ākṛṣya su-mahan magadhān māgadho yayau

Jarasandha, mistakenly believing Balarama and Keshava had both burned to death, then withdrew his immense army and returned to the Magadha kingdom.

Verse 15 (bhagavata.10.52.15)

आनर्ताधिपतिः श्रीमान् रैवतो रैवतीं सुताम् । ब्रह्मणा चोदितः प्रादाद् बलायेति पुरोदितम् ॥ १५ ॥

ānartādhipatiḥ śrīmān raivato raivatīṁ sutām brahmaṇā coditaḥ prādād balāyeti puroditam

As Lord Brahma had earlier directed, the opulent Raivata, ruler of Anarta, gave his daughter Raivati to Balarama in marriage — as has already been told.

Verse 16 (bhagavata.10.52.16)

भगवानपि गोविन्द उपयेमे कुरूद्वह । वैदर्भीं भीष्मकसुतां श्रियो मात्रां स्वयंवरे ॥ १६ ॥

bhagavān api govinda upayeme kurūdvaha vaidarbhīṁ bhīṣmaka-sutāṁ śriyo mātrāṁ svayaṁvare

O hero among the Kurus, the Supreme Lord Govinda Himself married Vaidarbhi, daughter of King Bhishmaka, an expansion of the goddess of fortune, by her own choosing, at her svayamvara.

Verse 17 (bhagavata.10.52.17)

प्रमथ्य तरसा राज्ञः शाल्वादींश्चैद्यपक्षगान् । पश्यतां सर्वलोकानां तार्क्ष्यपुत्रः सुधामिव ॥ १७ ॥

pramathya tarasā rājñaḥ śālvādīṁś caidya-pakṣa-gān paśyatāṁ sarva-lokānāṁ tārkṣya-putraḥ sudhām iva

In doing so, He forcefully crushed the kings Shalva and others who sided with Shishupala, and, as all the people looked on, He carried Rukmini away just as Garuda once boldly stole the nectar.

Verse 18 (bhagavata.10.52.18)

श्रीराजोवाच भगवान् भीष्मकसुतां रुक्मिणीं रुचिराननाम् । राक्षसेन विधानेन उपयेम इति श्रुतम् ॥ १८ ॥

śrī-rājovāca bhagavān bhīṣmaka-sutāṁ rukmiṇīṁ rucirānanām rākṣasena vidhānena upayema iti śrutam

King Parikshit said: ‘I have heard that the Lord married Rukmini, the lovely-faced daughter of Bhishmaka, in the Rakshasa fashion of marriage.’

Verse 19 (bhagavata.10.52.19)

भगवन् श्रोतुमिच्छामि कृष्णस्यामिततेजसः । यथा मागधशाल्वादीन् जित्वा कन्यामुपाहरत् ॥ १९ ॥

bhagavan śrotum icchāmi kṛṣṇasyāmita-tejasaḥ yathā māgadha-śālvādīn jitvā kanyām upāharat

‘O lord, I wish to hear how Krishna, whose power is boundless, won His bride after defeating kings such as Magadha and Shalva.’

Verse 20 (bhagavata.10.52.20)

ब्रह्मन् कृष्णकथाः पुण्या माध्वीर्लोकमलापहाः । को नु तृप्येत शृण्वानः श्रुतज्ञो नित्यनूतनाः ॥ २० ॥

brahman kṛṣṇa-kathāḥ puṇyā mādhvīr loka-malāpahāḥ ko nu tṛpyeta śṛṇvānaḥ śruta-jño nitya-nūtanāḥ

‘O brahmana, who versed in such matters could ever be satiated hearing the pious, sweet, ever-fresh accounts of Krishna, which wash away the impurities of the world?’

Verse 21 (bhagavata.10.52.21)

श्रीबादरायणिरुवाच राजासीद् भीष्मको नाम विदर्भाधिपतिर्महान् । तस्य पञ्चाभवन् पुत्राः कन्यैका च वरानना ॥ २१ ॥

śrī-bādarāyaṇir uvāca rājāsīd bhīṣmako nāma vidarbhādhipatir mahān tasya pancābhavan putrāḥ kanyaikā ca varānanā

Shukadeva (son of Badarayana) said: ‘There was a great king named Bhishmaka, ruler of Vidarbha; he had five sons and one exceedingly beautiful daughter.’

Verse 22 (bhagavata.10.52.22)

रुक्म्यग्रजो रुक्मरथो रुक्मबाहुरनन्तरः । रुक्मकेशो रुक्ममाली रुक्मिण्येषा स्वसा सती ॥ २२ ॥

rukmy agrajo rukmaratho rukmabāhur anantaraḥ rukmakeśo rukmamālī rukmiṇy eṣā svasā satī

‘Rukmi was the eldest, followed by Rukmaratha, Rukmabahu, Rukmakesha and Rukmamali; their virtuous sister was this same Rukmini.’

Verse 23 (bhagavata.10.52.23)

सोपश्रुत्य मुकुन्दस्य रूपवीर्यगुणश्रियः । गृहागतैर्गीयमानास्तं मेने सदृशं पतिम् ॥ २३ ॥

sopaśrutya mukundasya rūpa-vīrya-guṇa-śriyaḥ gṛhāgatair gīyamānās taṁ mene sadṛśaṁ patim

Hearing of Mukunda's beauty, valor, virtues and glory from those who came to her father's house singing His praises, she resolved that He alone was the husband fit for her.

Verse 24 (bhagavata.10.52.24)

तां बुद्धिलक्षणौदार्यरूपशीलगुणाश्रयाम् । कृष्णश्च सदृशीं भार्यां समुद्वोढुं मनो दधे ॥ २४ ॥

tāṁ buddhi-lakṣaṇaudārya- rūpa-śīla-guṇāśrayām kṛṣṇaś ca sadṛśīṁ bhāryāṁ samudvoḍhuṁ mano dadhe

And Krishna too, knowing her to be a treasury of intelligence, auspicious marks, generosity, beauty, character and virtue, made up His own mind to take her as His fitting wife.

Verse 25 (bhagavata.10.52.25)

बन्धूनामिच्छतां दातुं कृष्णाय भगिनीं नृप । ततो निवार्य कृष्णद्विड् रुक्मी चैद्यममन्यत ॥ २५ ॥

bandhūnām icchatāṁ dātuṁ kṛṣṇāya bhaginīṁ nṛpa tato nivārya kṛṣṇa-dviḍ rukmī caidyam amanyata

O King, though her family wished to give their sister to Krishna, Rukmi, who bore hatred for Krishna, prevented them and resolved instead to give her to the King of Chedi, Shishupala.

Verse 26 (bhagavata.10.52.26)

तदवेत्यासितापाङ्गी वैदर्भी दुर्मना भृशम् । विचिन्त्याप्तं द्विजं कञ्चित् कृष्णाय प्राहिणोद्द्रुतम् ॥ २६ ॥

tad avetyāsitāpāṅgī vaidarbhī durmanā bhṛśam vicintyāptaṁ dvijaṁ kañcit kṛṣṇāya prāhiṇod drutam

When dark-eyed Vaidarbhi learned of this, she became deeply distressed; after careful thought, she swiftly sent a trusted brahmana to Krishna.

Verse 27 (bhagavata.10.52.27)

द्वारकां स समभ्येत्य प्रतीहारैः प्रवेशितः । अपश्यदाद्यं पुरुषमासीनं काञ्चनासने ॥ २७ ॥

dvārakāṁ sa samabhyetya pratīhāraiḥ praveśitaḥ apaśyad ādyaṁ puruṣam āsīnaṁ kāñcanāsane

Arriving at Dvaraka, he was ushered in by the gatekeepers and beheld the primeval Supreme Person seated upon a golden throne.

Verse 28 (bhagavata.10.52.28)

दृष्ट्वा ब्रह्मण्यदेवस्तमवरुह्य निजासनात् । उपवेश्यार्हयां चक्रे यथात्मानं दिवौकसः ॥ २८ ॥

dṛṣṭvā brahmaṇya-devas tam avaruhya nijāsanāt upaveśyārhayāṁ cakre yathātmānaṁ divaukasaḥ

Seeing him, the Lord, protector of the brahmanas, rose at once from His own throne, seated him upon it, and honored him just as the celestials honor the Lord Himself.

Verse 29 (bhagavata.10.52.29)

तं भुक्तवन्तं विश्रान्तमुपगम्य सतां गतिः । पाणिनाभिमृशन् पादावव्यग्रस्तमपृच्छत ॥ २९ ॥

taṁ bhuktavantaṁ viśrāntam upagamya satāṁ gatiḥ pāṇinābhimṛśan pādāv avyagras tam apṛcchata

After the brahmana had eaten and rested, Krishna, the refuge of the saintly, approached him, and, massaging his feet with His own hands, gently began to inquire.

Verse 30 (bhagavata.10.52.30)

कच्चिद् द्विजवरश्रेष्ठ धर्मस्ते वृद्धसम्मतः । वर्तते नातिकृच्छ्रेण सन्तुष्टमनसः सदा ॥ ३० ॥

kaccid dvija-vara-śreṣṭha dharmas te vṛddha-sammataḥ vartate nāti-kṛcchreṇa santuṣṭa-manasaḥ sadā

‘O best among excellent brahmanas, are your religious duties, sanctioned by the elders, proceeding without great hardship, and is your mind always fully content?’

Verse 31 (bhagavata.10.52.31)

सन्तुष्टो यर्हि वर्तेत ब्राह्मणो येन केनचित् । अहीयमानः स्वद्धर्मात् स ह्यस्याखिलकामधुक् ॥ ३१ ॥

santuṣṭo yarhi varteta brāhmaṇo yena kenacit ahīyamānaḥ svad dharmāt sa hy asyākhila-kāma-dhuk

‘When a brahmana remains satisfied with whatever comes to him, without falling from his own duty, that very contentment becomes for him the wish-fulfilling cow, granting him everything.’

Verse 32 (bhagavata.10.52.32)

असन्तुष्टोऽसकृल्लोकानाप्नोत्यपि सुरेश्वरः । अकिञ्चनोऽपि सन्तुष्टः शेते सर्वाङ्गविज्वरः ॥ ३२ ॥

asantuṣṭo ’sakṛl lokān āpnoty api sureśvaraḥ akiñcano ’pi santuṣṭaḥ śete sarvāṅga-vijvaraḥ

‘An unsatisfied person wanders restlessly from world to world, even if he becomes lord of the demigods; but a contented one, even possessing nothing, rests peacefully, every limb free of distress.’

Verse 33 (bhagavata.10.52.33)

विप्रान् स्वलाभसन्तुष्टान् साधून् भूतसुहृत्तमान् । निरहङ्कारिणः शान्तान् नमस्ये शिरसासकृत् ॥ ३३ ॥

viprān sva-lābha-santuṣṭān sādhūn bhūta-suhṛttamān nirahaṅkāriṇaḥ śāntān namasye śirasāsakṛt

‘Again and again I bow my head to those learned brahmanas who are content with their own gain, saintly, the truest well-wishers of all beings, free of false ego and ever peaceful.’

Verse 34 (bhagavata.10.52.34)

कच्चिद् वः कुशलं ब्रह्मन् राजतो यस्य हि प्रजाः । सुखं वसन्ति विषये पाल्यमानाः स मे प्रियः ॥ ३४ ॥

kaccid vaḥ kuśalaṁ brahman rājato yasya hi prajāḥ sukhaṁ vasanti viṣaye pālyamānāḥ sa me priyaḥ

‘O brahmana, tell Me, is all well with you? Is your king caring for you? Dear indeed to Me is that king in whose realm the subjects live happily, well protected.’

Verse 35 (bhagavata.10.52.35)

यतस्त्वमागतो दुर्गं निस्तीर्येह यदिच्छया । सर्वं नो ब्रूह्यगुह्यं चेत् किं कार्यं करवाम ते ॥ ३५ ॥

yatas tvam āgato durgaṁ nistīryeha yad-icchayā sarvaṁ no brūhy aguhyaṁ cet kiṁ kāryaṁ karavāma te

‘From where have you come, crossing this impassable sea, and by what desire? Tell Us everything, if it is not confidential, and let Us know what service We may render you.’

Verse 36 (bhagavata.10.52.36)

एवं सम्पृष्टसम्प्रश्नो ब्राह्मणः परमेष्ठिना । लीलागृहीतदेहेन तस्मै सर्वमवर्णयत् ॥ ३६ ॥

evaṁ sampṛṣṭa-sampraśno brāhmaṇaḥ parameṣṭhinā līlā-gṛhīta-dehena tasmai sarvam avarṇayat

Thus questioned by the Supreme Person, who assumes His forms as pastimes, the brahmana related everything to Him.

Verse 37 (bhagavata.10.52.37)

श्रीरुक्मिण्युवाच श्रुत्वा गुणान् भुवनसुन्दर शृण्वतां ते निर्विश्य कर्णविवरैर्हरतोऽङ्गतापम् । रूपं दृशां दृशिमतामखिलार्थलाभं त्वय्यच्युताविशति चित्तमपत्रपं मे ॥ ३७ ॥

śrī-rukmiṇy uvāca śrutvā guṇān bhuvana-sundara śṛṇvatāṁ te nirviśya karṇa-vivarair harato ’ṅga-tāpam rūpaṁ dṛśāṁ dṛśimatām akhilārtha-lābhaṁ tvayy acyutāviśati cittam apatrapaṁ me

Rukmini said (in her letter, as read by the brahmana): ‘O beauty of all the worlds, having heard of Your qualities, which enter through the ears of Your listeners and remove the pain of their bodies, and of Your beauty, which fulfills every longing of the eyes that behold it, my shameless mind has entered wholly into You, O infallible Krishna.’

Verse 38 (bhagavata.10.52.38)

का त्वा मुकुन्द महती कुलशीलरूप- विद्यावयोद्रविणधामभिरात्मतुल्यम् । धीरा पतिं कुलवती न वृणीत कन्या काले नृसिंह नरलोकमनोऽभिरामम् ॥ ३८ ॥

kā tvā mukunda mahatī kula-śīla-rūpa- vidyā-vayo-draviṇa-dhāmabhir ātma-tulyam dhīrā patiṁ kulavatī na vṛṇīta kanyā kāle nṛ-siṁha nara-loka-mano-’bhirāmam

‘O Mukunda, in lineage, character, beauty, learning, youth, wealth and influence You are equal only to Yourself. O lion among men, delighting the minds of all humankind—what sober, well-born maiden, when the time is right, would not choose You as her husband?’

Verse 39 (bhagavata.10.52.39)

तन्मे भवान् खलु वृतः पतिरङ्ग जाया- मात्मार्पितश्च भवतोऽत्र विभो विधेहि । मा वीरभागमभिमर्शतु चैद्य आराद् गोमायुवन्मृगपतेर्बलिमम्बुजाक्ष ॥ ३९ ॥

tan me bhavān khalu vṛtaḥ patir aṅga jāyām ātmārpitaś ca bhavato ’tra vibho vidhehi mā vīra-bhāgam abhimarśatu caidya ārād gomāyu-van mṛga-pater balim ambujākṣa

‘Therefore, dear Lord, I have chosen You as my husband and offer myself entirely to You; O all-powerful one, please accept me. O lotus-eyed one, let not Shishupala touch what belongs to a hero, as a jackal dares not touch the lion's share.’

Verse 40 (bhagavata.10.52.40)

पूर्तेष्टदत्तनियमव्रतदेवविप्र- गुर्वर्चनादिभिरलं भगवान् परेशः । आराधितो यदि गदाग्रज एत्य पाणिं गृह्णातु मे न दमघोषसुतादयोऽन्ये ॥ ४० ॥

pūrteṣṭa-datta-niyama-vrata-deva-vipra gurv-arcanādibhir alaṁ bhagavān pareśaḥ ārādhito yadi gadāgraja etya pāṇiṁ gṛhṇātu me na damaghoṣa-sutādayo ’nye

‘If I have adequately worshiped the Supreme Lord through pious deeds, sacrifices, charity, vows and observances, and through the worship of gods, brahmanas and elders, then may Gadagraja come and take my hand—no one else, not Damaghosha's son.’

Verse 41 (bhagavata.10.52.41)

श्वोभाविनि त्वमजितोद्वहने विदर्भान् गुप्तः समेत्य पृतनापतिभिः परीतः । निर्मथ्य चैद्यमगधेन्द्रबलं प्रसह्य मां राक्षसेन विधिनोद्वह वीर्यशुल्काम् ॥ ४१ ॥

śvo bhāvini tvam ajitodvahane vidarbhān guptaḥ sametya pṛtanā-patibhiḥ parītaḥ nirmathya caidya-magadhendra-balaṁ prasahya māṁ rākṣasena vidhinodvaha vīrya-śulkām

‘O unconquerable one, tomorrow, when the wedding is about to take place, come unseen to Vidarbha surrounded by Your army's commanders; crush by force the strength of Chedi and Magadha's king, and take me in marriage by the Rakshasa rite, winning me as the prize of Your valor.’

Verse 42 (bhagavata.10.52.42)

अन्तःपुरान्तरचरीमनिहत्य बन्धून्- त्वामुद्वहे कथमिति प्रवदाम्युपायम् । पूर्वेद्युरस्ति महती कुलदेवयात्रा यस्यां बहिर्नववधूर्गिरिजामुपेयात् ॥ ४२ ॥

antaḥ-purāntara-carīm anihatya bandhūn tvām udvahe katham iti pravadāmy upāyam pūrve-dyur asti mahatī kula-deva-yātrā yasyāṁ bahir nava-vadhūr girijām upeyāt

‘You may wonder how You could carry me off without harming my kinsmen, since I move about within the inner palace—let me tell You a way: the day before, there is a grand procession to the family deity, in which the new bride goes outside to visit the goddess Girija.’

Verse 43 (bhagavata.10.52.43)

यस्याङ्घ्रिपङ्कजरजःस्नपनं महान्तो वाञ्छन्त्युमापतिरिवात्मतमोऽपहत्यै । यर्ह्यम्बुजाक्ष न लभेय भवत्प्रसादं जह्यामसून्व्रतकृशान् शतजन्मभिः स्यात् ॥ ४३ ॥

yasyāṅghri-paṅkaja-rajaḥ-snapanaṁ mahānto vāñchanty umā-patir ivātma-tamo-’pahatyai yarhy ambujākṣa na labheya bhavat-prasādaṁ jahyām asūn vrata-kṛśān śata-janmabhiḥ syāt

‘Great souls like Uma's husband, Lord Shiva, hanker to bathe in the dust of Your lotus feet in order to destroy their own ignorance; O lotus-eyed one, if I fail to obtain Your grace, I shall give up this life, worn thin by austere vows, and perhaps after a hundred births attain it.’

Verse 44 (bhagavata.10.52.44)

ब्राह्मण उवाच इत्येते गुह्यसन्देशा यदुदेव मयाहृताः । विमृश्य कर्तुं यच्चात्र क्रियतां तदनन्तरम् ॥ ४४ ॥

brāhmaṇa uvāca ity ete guhya-sandeśā yadu-deva mayāhṛtāḥ vimṛśya kartuṁ yac cātra kriyatāṁ tad anantaram

The brahmana said: ‘This, O Lord of the Yadus, is the confidential message I have brought. Now consider what is to be done in this matter, and act upon it at once.’