The Marriage of Samba

Verse 1 (bhagavata.10.68.1)

श्रीशुक उवाच दुर्योधनसुतां राजन् लक्ष्मणां समितिंजयः । स्वयंवरस्थामहरत् साम्बो जाम्बवतीसुतः ॥ १ ॥

śrī-śuka uvāca duryodhana-sutāṁ rājan lakṣmaṇāṁ samitiṁ-jayaḥ svayaṁvara-sthām aharat sāmbo jāmbavatī-sutaḥ

Śrī Śuka said: O King, ever-victorious Samba, son of Jambavati, carried off Duryodhana's daughter Lakshmana from her own svayamvara.

Verse 2 (bhagavata.10.68.2)

कौरवाः कुपिता ऊचुर्दुर्विनीतोऽयमर्भकः । कदर्थीकृत्य नः कन्यामकामामहरद् बलात् ॥ २ ॥

kauravāḥ kupitā ūcur durvinīto ’yam arbhakaḥ kadarthī-kṛtya naḥ kanyām akāmām aharad balāt

The angry Kauravas said: "This ill-mannered boy has insulted us, seizing our unwilling daughter by force."

Verse 3 (bhagavata.10.68.3)

बध्नीतेमं दुर्विनीतं किं करिष्यन्ति वृष्णयः । येऽस्मत्प्रसादोपचितां दत्तां नो भुञ्जते महीम् ॥ ३ ॥

badhnītemaṁ durvinītaṁ kiṁ kariṣyanti vṛṣṇayaḥ ye ’smat-prasādopacitāṁ dattāṁ no bhuñjate mahīm

"Bind this insolent boy! What can the Vrishnis do? They only thrive by our favor, enjoying land that we ourselves gave them."

Verse 4 (bhagavata.10.68.4)

निगृहीतं सुतं श्रुत्वा यद्येष्यन्तीह वृष्णयः । भग्नदर्पाः शमं यान्ति प्राणा इव सुसंयताः ॥ ४ ॥

nigṛhītaṁ sutaṁ śrutvā yady eṣyantīha vṛṣṇayaḥ bhagna-darpāḥ śamaṁ yānti prāṇā iva su-saṁyatāḥ

"Even if the Vrishnis, hearing that their son is captured, come here, their pride will be broken and they will grow subdued, just as the vital breaths grow calm once fully mastered."

Verse 5 (bhagavata.10.68.5)

इति कर्णः शलो भूरिर्यज्ञकेतुः सुयोधनः । साम्बमारेभिरे योद्धुं कुरुवृद्धानुमोदिताः ॥ ५ ॥

iti karṇaḥ śalo bhūrir yajñaketuḥ suyodhanaḥ sāmbam ārebhire yoddhuṁ kuru-vṛddhānumoditāḥ

Having spoken thus, and with the sanction of the Kuru elders, Karna, Shala, Bhuri, Yajnaketu and Suyodhana set out to fight Samba.

Verse 6 (bhagavata.10.68.6)

दृष्ट्वानुधावतः साम्बो धार्तराष्ट्रान् महारथः । प्रगृह्य रुचिरं चापं तस्थौ सिंह इवैकलः ॥ ६ ॥

dṛṣṭvānudhāvataḥ sāmbo dhārtarāṣṭrān mahā-rathaḥ pragṛhya ruciraṁ cāpaṁ tasthau siṁha ivaikalaḥ

Seeing the sons of Dhritarashtra rushing toward him, the great chariot-warrior Samba took up his splendid bow and stood alone, like a lion.

Verse 7 (bhagavata.10.68.7)

तं ते जिघृक्षवः क्रुद्धास्तिष्ठ तिष्ठेति भाषिणः । आसाद्य धन्विनो बाणैः कर्णाग्रण्यः समाकिरन् ॥ ७ ॥

taṁ te jighṛkṣavaḥ kruddhās tiṣṭha tiṣṭheti bhāṣiṇaḥ āsādya dhanvino bāṇaiḥ karṇāgraṇyaḥ samākiran

Wishing to capture him, those enraged bowmen, shouting "Stand, stand!", closed in on him with Karna at their head, and rained arrows upon him.

Verse 8 (bhagavata.10.68.8)

सोऽपविद्धः कुरुश्रेष्ठ कुरुभिर्यदुनन्दनः । नामृष्यत्तदचिन्त्यार्भः सिंह क्षुद्रमृगैरिव ॥ ८ ॥

so ’paviddhaḥ kuru-śreṣṭha kurubhir yadu-nandanaḥ nāmṛṣyat tad acintyārbhaḥ siṁha kṣudra-mṛgair iva

O best of the Kurus, though thus assailed by the Kurus, that astonishingly powerful child of the Yadus would not endure it, any more than a lion tolerates an attack by petty beasts.

Verse 9 (bhagavata.10.68.9)

विस्फूर्ज्य रुचिरं चापं सर्वान् विव्याध सायकैः । कर्णादीन् षड्रथान् वीरस्तावद्भिर्युगपत् पृथक् ॥ ९ ॥

visphūrjya ruciraṁ cāpaṁ sarvān vivyādha sāyakaiḥ karṇādīn ṣaḍ rathān vīras tāvadbhir yugapat pṛthak

Twanging his splendid bow, that hero pierced Karna and the other five charioteers all at once, each with an equal number of arrows, striking them separately yet simultaneously.

Verse 10 (bhagavata.10.68.10)

चतुर्भिश्चतुरो वाहानेकैकेन च सारथीन् । रथिनश्च महेष्वासांस्तस्य तत्तेऽभ्यपूजयन् ॥ १० ॥

caturbhiś caturo vāhān ekaikena ca sārathīn rathinaś ca maheṣvāsāṁs tasya tat te ’bhyapūjayan

With four arrows each he pierced each team of four horses, with a single arrow each he struck the charioteers, and he likewise struck those mighty archers themselves; seeing this, even they praised him.

Verse 11 (bhagavata.10.68.11)

तं तु ते विरथं चक्रुश्चत्वारश्चतुरो हयान् । एकस्तु सारथिं जघ्ने चिच्छेदान्यः शरासनम् ॥ ११ ॥

taṁ tu te virathaṁ cakruś catvāraś caturo hayān ekas tu sārathiṁ jaghne cicchedaṇyaḥ śarāsanam

Even so, they brought him down from his chariot — four of them killed his four horses, one struck down his charioteer, and another shattered his bow.

Verse 12 (bhagavata.10.68.12)

तं बद्ध्वा विरथीकृत्य कृच्छ्रेण कुरवो युधि । कुमारं स्वस्य कन्यां च स्वपुरं जयिनोऽविशन् ॥ १२ ॥

taṁ baddhvā virathī-kṛtya kṛcchreṇa kuravo yudhi kumāraṁ svasya kanyāṁ ca sva-puraṁ jayino ’viśan

Having with great difficulty unhorsed and bound him in battle, the victorious Kurus returned to their city, taking with them the boy and their own daughter.

Verse 13 (bhagavata.10.68.13)

तच्छ्रुत्वा नारदोक्तेन राजन् सञ्जातमन्यवः । कुरून् प्रत्युद्यमं चक्रुरुग्रसेनप्रचोदिताः ॥ १३ ॥

tac chrutvā nāradoktena rājan sañjāta-manyavaḥ kurūn praty udyamaṁ cakrur ugrasena-pracoditāḥ

O King, hearing this from Narada's own lips, the Yadavas grew furious, and, urged on by Ugrasena, made ready for war against the Kurus.

Verse 14 (bhagavata.10.68.14)

सान्त्वयित्वा तु तान् रामः सन्नद्धान् वृष्णिपुङ्गवान् । नैच्छत् कुरूणां वृष्णीनां कलिं कलिमलापहः ॥ १४ ॥

sāntvayitvā tu tān rāmaḥ sannaddhān vṛṣṇi-puṅgavān naicchat kurūṇāṁ vṛṣṇīnāṁ kaliṁ kali-malāpahaḥ

But Balarama, who removes the taint of the age of quarrel, pacified those armor-clad Vrishni heroes, for He did not wish for strife between the Kurus and the Vrishnis.

Verse 15 (bhagavata.10.68.15)

जगाम हास्तिनपुरं रथेनादित्यवर्चसा । ब्राह्मणैः कुलवृद्धैश्च वृतश्चन्द्र इव ग्रहैः ॥ १५ ॥

jagāma hāstina-puraṁ rathenāditya-varcasā brāhmaṇaiḥ kula-vṛddhaiś ca vṛtaś candra iva grahaiḥ

He went to Hastinapura on His sun-bright chariot, surrounded by brahmanas and the family elders, appearing like the moon encircled by the planets.

Verse 16 (bhagavata.10.68.16)

गत्वा गजाह्वयं रामो बाह्योपवनमास्थितः । उद्धवं प्रेषयामास धृतराष्ट्रं बुभुत्सया ॥ १६ ॥

gatvā gajāhvayaṁ rāmo bāhyopavanam āsthitaḥ uddhavaṁ preṣayām āsa dhṛtarāṣṭraṁ bubhutsayā

Reaching Hastinapura, Balarama stayed in a garden outside the city and sent Uddhava to learn Dhritarashtra's intentions.

Verse 17 (bhagavata.10.68.17)

सोऽभिवन्द्याम्बिकापुत्रं भीष्मं द्रोणं च बाह्लिकम् । दुर्योधनं च विधिवद् राममागतमब्रवीत् ॥ १७ ॥

so ’bhivandyāmbikā-putraṁ bhīṣmaṁ droṇaṁ ca bāhlikam duryodhanaṁ ca vidhi-vad rāmam āgataṁ abravīt

Having duly paid respects to Ambika's son Dhritarashtra, to Bhishma, Drona, Bahlika and Duryodhana, Uddhava informed them of Balarama's arrival.

Verse 18 (bhagavata.10.68.18)

तेऽतिप्रीतास्तमाकर्ण्य प्राप्तं रामं सुहृत्तमम् । तमर्चयित्वाभिययुः सर्वे मङ्गलपाणयः ॥ १८ ॥

te ’ti-prītās tam ākarṇya prāptaṁ rāmaṁ suhṛt-tamam tam arcayitvābhiyayuḥ sarve maṅgala-pāṇayaḥ

Overjoyed to hear that their dearest friend Balarama had arrived, they honored Uddhava and all went forth to meet Him, carrying auspicious articles in their hands.

Verse 19 (bhagavata.10.68.19)

तं सङ्गय यथान्यायं गामर्घ्यं च न्यवेदयन् । तेषां ये तत्प्रभावज्ञाः प्रणेमुः शिरसा बलम् ॥ १९ ॥

taṁ saṅgamya yathā-nyāyaṁ gām arghyaṁ ca nyavedayan teṣāṁ ye tat-prabhāva-jñāḥ praṇemuḥ śirasā balam

Meeting Him, they duly offered a cow and arghya. Those among them who knew His true greatness bowed their heads to Him in homage.

Verse 20 (bhagavata.10.68.20)

बन्धून् कुशलिनः श्रुत्वा पृष्ट्वा शिवमनामयम् । परस्परमथो रामो बभाषेऽविक्लवं वचः ॥ २० ॥

bandhūn kuśalinaḥ śrutvā pṛṣṭvā śivam anāmayam parasparam atho rāmo babhāṣe ’viklavaṁ vacaḥ

After hearing that their kinsfolk on both sides were well, and after exchanging inquiries of welfare, Balarama then spoke these fearless words.

Verse 21 (bhagavata.10.68.21)

उग्रसेनः क्षितेशेशो यद् व आज्ञापयत् प्रभुः । तदव्यग्रधियः श्रुत्वा कुरुध्वमविलम्बितम् ॥ २१ ॥

ugrasenaḥ kṣiteśeśo yad va ājñāpayat prabhuḥ tad avyagra-dhiyaḥ śrutvā kurudhvam avilambitam

Balarama said: "Listen with undistracted mind to what Ugrasena, lord even of kings, has commanded you, and carry it out without delay."

Verse 22 (bhagavata.10.68.22)

यद् यूयं बहवस्त्वेकं जित्वाधर्मेण धार्मिकम् । अबध्नीताथ तन्मृष्ये बन्धूनामैक्यकाम्यया ॥ २२ ॥

yad yūyaṁ bahavas tv ekaṁ jitvādharmeṇa dhārmikam abadhnītātha tan mṛṣye bandhūnām aikya-kāmyayā

"Ugrasena says: Though many of you together unfairly overpowered and bound a single righteous man, still, desiring unity among kinsmen, I let it pass."

Verse 23 (bhagavata.10.68.23)

वीर्यशौर्यबलोन्नद्धमात्मशक्तिसमं वचः । कुरवो बलदेवस्य निशम्योचुः प्रकोपिताः ॥ २३ ॥

vīrya-śaurya-balonnaddham ātma-śakti-samaṁ vacaḥ kuravo baladevasya niśamyocuḥ prakopitāḥ

Hearing these words of Balarama's, charged with valor, courage and strength and matching His own might, the Kauravas grew furious and spoke.

Verse 24 (bhagavata.10.68.24)

अहो महच्चित्रमिदं कालगत्या दुरत्यया । आरुरुक्षत्युपानद् वै शिरो मुकुटसेवितम् ॥ २४ ॥

aho mahac citram idaṁ kāla-gatyā duratyayā ārurukṣaty upānad vai śiro mukuṭa-sevitam

"The Kurus said: Oh, how astonishing this is! See the inexorable course of time — now a mere sandal aspires to climb upon the crowned head!"

Verse 25 (bhagavata.10.68.25)

एते यौनेन सम्बद्धाः सहशय्यासनाशनाः । वृष्णयस्तुल्यतां नीता अस्मद्दत्तनृपासनाः ॥ २५ ॥

ete yaunena sambaddhāḥ saha-śayyāsanāśanāḥ vṛṣṇayas tulyatāṁ nītā asmad-datta-nṛpāsanāḥ

"Only because of marriage ties have we granted these Vrishnis equal standing with us in bed, seat and meal — it is we who gave them the royal thrones they occupy."

Verse 26 (bhagavata.10.68.26)

चामरव्यजने शङ्खमातपत्रं च पाण्डुरम् । किरीटमासनं शय्यां भुञ्जतेऽस्मदुपेक्षया ॥ २६ ॥

cāmara-vyajane śaṅkham ātapatraṁ ca pāṇḍuram kirīṭam āsanaṁ śayyāṁ bhuñjate ’smad-upekṣayā

"Only through our indulgence can they enjoy the yak-tail fans, the conch, the white parasol, the crown, the throne and the royal bed."

Verse 27 (bhagavata.10.68.27)

अलं यदूनां नरदेवलाञ्छनै- र्दातुः प्रतीपैः फणिनामिवामृतम् । येऽस्मत्प्रसादोपचिता हि यादवा आज्ञापयन्त्यद्य गतत्रपा बत ॥ २७ ॥

alaṁ yadūnāṁ naradeva-lāñchanair dātuḥ pratīpaiḥ phaṇinām ivāmṛtam ye ’smat-prasādopacitā hi yādavā ājñāpayanty adya gata-trapā bata

"Let these Yadus no longer bear the royal insignia — they have become a peril to the very givers, like milk turned to poison when fed to a serpent. These Yadavas, grown prosperous only by our favor, have today lost all shame and dare to give us orders!"

Verse 28 (bhagavata.10.68.28)

कथमिन्द्रोऽपि कुरुभिर्भीष्मद्रोणार्जुनादिभिः । अदत्तमवरुन्धीत सिंहग्रस्तमिवोरणः ॥ २८ ॥

katham indro ’pi kurubhir bhīṣma-droṇārjunādibhiḥ adattam avarundhīta siṁha-grastam ivoraṇaḥ

"How indeed could even Indra seize what Bhishma, Drona, Arjuna and the other Kurus have not granted — any more than a lamb could snatch a lion's kill?"

Verse 29 (bhagavata.10.68.29)

श्रीबादरायणिरुवाच जन्मबन्धुश्रियोन्नद्धमदास्ते भरतर्षभ । आश्राव्य रामं दुर्वाच्यमसभ्याः पुरमाविशन् ॥ २९ ॥

śrī-bādarāyaṇir uvāca janma-bandhu-śrīyonnaddha- madās te bharatarṣabha āśrāvya rāmaṁ durvācyam asabhyāḥ puram āviśan

Śrī Badarayani said: O best of the Bharatas, thus intoxicated with the pride of high birth, kinship and wealth, those uncouth Kurus, having spoken such harsh words to Balarama, went back into their city.

Verse 30 (bhagavata.10.68.30)

दृष्ट्वा कुरूणां दौः शील्यं श्रुत्वावाच्यानि चाच्युतः । अवोचत् कोपसंरब्धो दुष्प्रेक्ष्यः प्रहसन् मुहुः ॥ ३० ॥

dṛṣṭvā kurūnāṁ dauḥśīlyaṁ śrutvāvācyāni cācyutaḥ avocat kopa-saṁrabdho duṣprekṣyaḥ prahasan muhuḥ

Seeing the wicked conduct of the Kurus and hearing their abusive words, the infallible Balarama was filled with rage; His countenance now terrible to look upon, He laughed again and again and spoke as follows.

Verse 31 (bhagavata.10.68.31)

नूनं नानामदोन्नद्धाः शान्तिं नेच्छन्त्यसाधवः । तेषां हि प्रशमो दण्डः पशूनां लगुडो यथा ॥ ३१ ॥

nūnaṁ nānā-madonnaddhāḥ śāntiṁ necchanty asādhavaḥ teṣāṁ hi praśamo daṇḍaḥ paśūnāṁ laguḍo yathā

Balarama said: "Truly these scoundrels, intoxicated by every kind of pride, do not desire peace. Such men are subdued only by punishment, just as animals are subdued by a stick."

Verse 32 (bhagavata.10.68.32)

अहो यदून् सुसंरब्धान् कृष्णं च कुपितं शनैः । सान्त्वयित्वाहमेतेषां शममिच्छन्निहागतः ॥ ३२ ॥

aho yadūn su-saṁrabdhān kṛṣṇaṁ ca kupitaṁ śanaiḥ sāntvayitvāham eteṣāṁ śamam icchann ihāgataḥ

"Ah, only gradually did I calm the enraged Yadavas and Krishna Himself, who was also angered, and I came here desiring peace with these people."

Verse 33 (bhagavata.10.68.33)

त इमे मन्दमतयः कलहाभिरताः खलाः । तं मामवज्ञाय मुहुर्दुर्भाषान् मानिनोऽब्रुवन् ॥ ३३ ॥

ta ime manda-matayaḥ kalahābhiratāḥ khalāḥ taṁ mām avajñāya muhur durbhāṣān mānino ’bruvan

"Yet these dull-witted, quarrel-loving, wicked men, disregarding Me, kept speaking harsh words again and again out of sheer conceit."

Verse 34 (bhagavata.10.68.34)

नोग्रसेनः किल विभुर्भोजवृष्ण्यन्धकेश्वरः । शक्रादयो लोकपाला यस्यादेशानुवर्तिनः ॥ ३४ ॥

nograsenaḥ kila vibhur bhoja-vṛṣṇy-andhakeśvaraḥ śakrādayo loka-pālā yasyādeśānuvartinaḥ

"Is Ugrasena, mighty lord of the Bhojas, Vrishnis and Andhakas — whose commands even Indra and the other guardians of the worlds obey — truly unfit to rule?"

Verse 35 (bhagavata.10.68.35)

सुधर्माक्रम्यते येन पारिजातोऽमराङ्घ्रिपः । आनीय भुज्यते सोऽसौ न किलाध्यासनार्हणः ॥ ३५ ॥

sudharmākramyate yena pārijāto ’marāṅghripaḥ ānīya bhujyate so ’sau na kilādhyāsanārhaṇaḥ

"That very Krishna who occupies the Sudharma hall, and who brought the immortals' parijata tree here to enjoy it — is He truly unfit to sit upon a throne?"

Verse 36 (bhagavata.10.68.36)

यस्य पादयुगं साक्षाच्छ्रीरुपास्तेऽखिलेश्वरी । स नार्हति किल श्रीशो नरदेवपरिच्छदान् ॥ ३६ ॥

yasya pāda-yugaṁ sākṣāc chrīr upāste ’khileśvarī sa nārhati kila śrīśo naradeva-paricchadān

"He whose two feet are personally served by Shri, mistress of the entire universe — is that lord of Shri truly undeserving of the emblems of kings?"

Verse 37 (bhagavata.10.68.37)

यस्याङ्घ्रिपङ्कजरजोऽखिललोकपालै- र्मौल्युत्तमैर्धृतमुपासिततीर्थतीर्थम् । ब्रह्मा भवोऽहमपि यस्य कलाः कलायाः श्रीश्चोद्वहेम चिरमस्य नृपासनं क्व ॥ ३७ ॥

yasyāṅghri-paṅkaja-rajo ’khila-loka-pālair mauly-uttamair dhṛtam upāsita-tīrtha-tīrtham brahmā bhavo ’ham api yasya kalāḥ kalāyāḥ śrīś codvahema ciram asya nṛpāsanaṁ kva

"The dust of whose lotus feet all the guardians of the worlds bear upon their finest crowns, that dust which is itself the holiest of all holy places — of whom Brahma, Shiva, I myself and even Shri are but fractions of a fraction, and whose dust we too have long borne upon our heads — for Him, what is a mere royal throne?"

Verse 38 (bhagavata.10.68.38)

भुञ्जते कुरुभिर्दत्तं भूखण्डं वृष्णयः किल । उपानहः किल वयं स्वयं तु कुरवः शिरः ॥ ३८ ॥

bhuñjate kurubhir dattaṁ bhū-khaṇḍaṁ vṛṣṇayaḥ kila upānahaḥ kila vayaṁ svayaṁ tu kuravaḥ śiraḥ

"Do we Vrishnis truly enjoy only whatever scrap of land the Kurus have given us? Are we mere sandals, while the Kurus themselves are the head?"

Verse 39 (bhagavata.10.68.39)

अहो ऐश्वर्यमत्तानां मत्तानामिव मानिनाम् । असम्बद्धा गिरो रुक्षाः कः सहेतानुशासिता ॥ ३९ ॥

aho aiśvarya-mattānāṁ mattānām iva māninām asambaddhā giṛo rukṣāḥ kaḥ sahetānuśāsītā

"Ah, drunk with the pride of power, babbling incoherent and harsh words like men in a stupor — what true ruler would tolerate such talk?"

Verse 40 (bhagavata.10.68.40)

अद्य निष्कौरवं पृथ्वीं करिष्यामीत्यमर्षितः । गृहीत्वा हलमुत्तस्थौ दहन्निव जगत्त्रयम् ॥ ४० ॥

adya niṣkauravāṁ pṛthvīṁ kariṣyāmīty amarṣitaḥ gṛhītvā halam uttasthau dahann iva jagat-trayam

"This very day I shall rid the earth of the Kauravas!" So saying, enraged Balarama rose up, plow in hand, as though about to consume the three worlds in fire.

Verse 41 (bhagavata.10.68.41)

लाङ्गलाग्रेण नगरमुद्विदार्य गजाह्वयम् । विचकर्ष स गङ्गायां प्रहरिष्यन्नमर्षितः ॥ ४१ ॥

lāṅgalāgreṇa nagaram udvidārya gajāhvayam vicakarṣa sa gaṅgāyāṁ prahariṣyann amarṣitaḥ

In His fury He tore up the city of Hastinapura with the tip of His plow and began to drag it, meaning to hurl it into the Ganges.

Verse 42 (bhagavata.10.68.42)

जलयानमिवाघूर्णं गङ्गायां नगरं पतत् । आकृष्यमाणमालोक्य कौरवाः जातसम्भ्रमाः ॥ ४२ ॥

jala-yānam ivāghūrṇaṁ gaṅgāyāṁ nagaraṁ patat ākṛṣyamāṇam ālokya kauravāḥ jāta-sambhramāḥ

Seeing their city, as it was dragged toward the Ganges, reeling and lurching like a boat about to sink, the Kauravas were struck with terror.

Verse 43 (bhagavata.10.68.43)

तमेव शरणं जग्मुः सकुटुम्बा जिजीविषवः । सलक्ष्मणं पुरस्कृत्य साम्बं प्राञ्जलयः प्रभुम् ॥ ४३ ॥

tam eva śaraṇaṁ jagmuḥ sa-kuṭumbā jijīviṣavaḥ sa-lakṣmaṇaṁ puras-kṛtya sāmbaṁ prāñjalayaḥ prabhum

Desperate to save their lives, they took refuge in Him alone, together with their families, and, placing Samba and Lakshmana in front, stood with joined palms before the Lord.

Verse 44 (bhagavata.10.68.44)

राम रामाखिलाधार प्रभावं न विदाम ते । मूढानां नः कुबुद्धीनां क्षन्तुमर्हस्यतिक्रमम् ॥ ४४ ॥

rāma rāmākhilādhāra prabhāvaṁ na vidāma te mūḍhānāṁ naḥ ku-buddhīnāṁ kṣantum arhasy atikramam

"O Rama, Rama, foundation of all! We knew not Your true power. Please forgive this trespass of ours, foolish and ill-minded as we are."

Verse 45 (bhagavata.10.68.45)

स्थित्युत्पत्त्यप्ययानां त्वमेको हेतुर्निराश्रयः । लोकान् क्रीडनकानीश क्रीडतस्ते वदन्ति हि ॥ ४५ ॥

sthity-utpatty-apyayānāṁ tvam eko hetur nirāśrayaḥ lokān krīḍanakān īśa krīḍatas te vadanti hi

"You alone, Yourself without any support, are the cause of the world's creation, maintenance and dissolution. O Lord, they say that as You play, these worlds are mere playthings to You."

Verse 46 (bhagavata.10.68.46)

त्वमेव मूर्ध्नीदमनन्त लीलया भूमण्डलं बिभर्षि सहस्रमूर्धन् । अन्ते च यः स्वात्मनिरुद्धविश्वः शेषेऽद्वितीयः परिशिष्यमाणः ॥ ४६ ॥

tvam eva mūrdhnīdam ananta līlayā bhū-maṇḍalaṁ bibharṣi sahasra-mūrdhan ante ca yaḥ svātma-niruddha-viśvaḥ śeṣe ’dvitīyaḥ pariśiṣyamāṇaḥ

"O boundless one of a thousand heads, You alone bear this earthly sphere upon one of Your heads as mere play. And at the time of dissolution, You draw the whole universe into Your own being and remain, alone and without a second, as all that is left."

Verse 47 (bhagavata.10.68.47)

कोपस्तेऽखिलशिक्षार्थं न द्वेषान्न च मत्सरात् । बिभ्रतो भगवन् सत्त्वं स्थितिपालनतत्परः ॥ ४७ ॥

kopas te ’khila-śikṣārthaṁ na dveṣān na ca matsarāt bibhrato bhagavan sattvaṁ sthiti-pālana-tatparaḥ

"O Lord, this anger of Yours is meant only to instruct everyone, not born of hatred or spite; upholding the mode of goodness, You are ever intent only on sustaining and protecting the world."

Verse 48 (bhagavata.10.68.48)

नमस्ते सर्वभूतात्मन् सर्वशक्तिधराव्यय । विश्वकर्मन् नमस्तेऽस्तु त्वां वयं शरणं गताः ॥ ४८ ॥

namas te sarva-bhūtātman sarva-śakti-dharāvyaya viśva-karman namas te ’stu tvāṁ vayaṁ śaraṇaṁ gatāḥ

"Obeisance to You, O soul of all beings, O undying wielder of every power, O maker of the universe — obeisance to You! We have come to You alone for refuge."

Verse 49 (bhagavata.10.68.49)

श्रीशुक उवाच एवं प्रपन्नैः संविग्नैर्वेपमानायनैर्बलः । प्रसादितः सुप्रसन्नो मा भैष्टेत्यभयं ददौ ॥ ४९ ॥

śrī-śuka uvāca evaṁ prapannaiḥ saṁvignair vepamānāyanair balaḥ prasāditaḥ su-prasanno mā bhaiṣṭety abhayaṁ dadau

Śrī Śuka said: Thus placated by the Kurus, terrified and trembling as they surrendered to Him, Balarama became fully appeased, and, saying "Do not fear," granted them freedom from fear.

Verse 50 (bhagavata.10.68.50)

दुर्योधनः पारिबर्हं कुञ्जरान् षष्टिहायनान् । ददौ च द्वादशशतान्ययुतानि तुरङ्गमान् ॥ ५० ॥

duryodhanaḥ pāribarhaṁ kuñjarān ṣaṣṭi-hāyanān dadau ca dvādaśa-śatāny ayutāni turaṅgamān

Out of love for his daughter, Duryodhana gave as dowry twelve hundred sixty-year-old elephants and one hundred twenty thousand horses.

Verse 51 (bhagavata.10.68.51)

रथानां षट्सहस्राणि रौक्माणां सूर्यवर्चसाम् । दासीनां निष्ककण्ठीनां सहस्रं दुहितृवत्सलः ॥ ५१ ॥

rathānāṁ ṣaṭ-sahasrāṇi raukmāṇāṁ sūrya-varcasām dāsīnāṁ niṣka-kaṇṭhīnāṁ sahasraṁ duhitṛ-vatsalaḥ

The daughter-loving Duryodhana also gave six thousand golden chariots gleaming like the sun, and a thousand handmaidens wearing golden neck-ornaments.

Verse 52 (bhagavata.10.68.52)

प्रतिगृह्य तु तत्सर्वं भगवान् सात्वतर्षभः । ससुतः सस्नुषः प्रायात् सुहृद्भिरभिनन्दितः ॥ ५२ ॥

pratigṛhya tu tat sarvaṁ bhagavān sātvatarṣabhaḥ sa-sutaḥ sa-snuṣaḥ prāyāt suhṛdbhir abhinanditaḥ

The Supreme Lord, foremost of the Satvatas, accepted all these gifts and set out with His son and daughter-in-law, bidden farewell by His well-wishers.

Verse 53 (bhagavata.10.68.53)

ततः प्रविष्टः स्वपुरं हलायुधः समेत्य बन्धूननुरक्तचेतसः । शशंस सर्वं यदुपुङ्गवानां मध्ये सभायां कुरुषु स्वचेष्टितम् ॥ ५३ ॥

tataḥ praviṣṭaḥ sva-puraṁ halāyudhaḥ sametya bandhūn anurakta-cetasaḥ śaśaṁsa sarvaṁ yadu-puṅgavānāṁ madhye sabhāyāṁ kuruṣu sva-ceṣṭitam

Then Balarama, the wielder of the plow, entered His own city and met His devoted kinsfolk, and in the assembly of the Yadu chiefs recounted all that had passed between Him and the Kurus.

Verse 54 (bhagavata.10.68.54)

अद्यापि च पुरं ह्येतत् सूचयद् रामविक्रमम् । समुन्नतं दक्षिणतो गङ्गायामनुदृश्यते ॥ ५४ ॥

adyāpi ca puraṁ hy etat sūcayad rāma-vikramam samunnataṁ dakṣiṇato gaṅgāyām anudṛśyate

Even to this day, that city is seen raised up along the southern bank of the Ganges, bearing witness to Balarama's might.