Narada Muni Visits Lord Krishna's Palaces in Dvaraka

Verse 1 (bhagavata.10.69.1)

श्रीशुक उवाच नरकं निहतं श्रुत्वा तथोद्वाहं च योषिताम् । कृष्णेनैकेन बह्वीनां तद् दिदृक्षुः स्म नारदः ॥ १ ॥

śrī-śuka uvāca narakaṁ nihataṁ śrutvā tathodvāhaṁ ca yoṣitām kṛṣṇenaikena bahvīnāṁ tad-didṛkṣuḥ sma nāradaḥ

Śrī Śuka said: Hearing that Naraka had been slain, and that Krishna alone had married so many women, Narada Muni became eager to see this for himself.

Verse 2 (bhagavata.10.69.2)

चित्रं बतैतदेकेन वपुषा युगपत्पृथक् । गृहेषु द्वयष्टसाहस्रं स्त्रिय एक उदावहत् ॥ २ ॥

citraṁ bataitad ekena vapuṣā yugapat pṛthak gṛheṣu dvy-aṣṭa-sāhasraṁ striya eka udāvahat

"How wondrous, that a single person, in a single body, simultaneously wedded sixteen thousand women, each in her own separate home" — so he thought.

Verse 3 (bhagavata.10.69.3)

इत्युत्सुको द्वारवतीं देवर्षिर्द्रष्टुमागमत् । पुष्पितोपवनारामद्विजालिकुलनादिताम् ॥ ३ ॥

ity utsuko dvāravatīṁ devarṣir draṣṭum āgamat puṣpitopavanārāma- dvijāli-kula-nāditām

Thus eager, the divine sage Narada came to see Dvaraka, resounding with the calls of birds and swarms of bees amid its flowering groves and gardens.

Verse 4 (bhagavata.10.69.4)

उत्फुल्लेन्दीवराम्भोजकह्लारकुमुदोत्पलैः । छुरितेषु सरः सूच्चैः कूजितां हंससारसैः ॥ ४ ॥

utphullendīvarāmbhoja- kahlāra-kumudotpalaiḥ churiteṣu saraḥsūccaiḥ kūjitāṁ haṁsa-sārasaiḥ

There the lakes, thick with blooming blue lotuses, day-lotuses, white water-lilies, night-lotuses and other lotuses, echoed with the sweet cries of swans and cranes.

Verse 5 (bhagavata.10.69.5)

प्रासादलक्षैर्नवभिर्जुष्टां स्फाटिकराजतैः । महामरकतप्रख्यैः स्वर्णरत्नपरिच्छदैः ॥ ५ ॥

prāsāda-lakṣair navabhir juṣṭāṁ sphāṭika-rājataiḥ mahā-marakata-prakhyaiḥ svarṇa-ratna-paricchadaiḥ

That city was adorned with nine hundred thousand mansions built of crystal and silver, gleaming like great emeralds and decked with gold and jewels.

Verse 6 (bhagavata.10.69.6)

विभक्तरथ्यापथचत्वरापणैः शालासभाभी रुचिरां सुरालयैः । संसिक्तमार्गाङ्गनवीथिदेहलीं पतत्पताकध्वजवारितातपाम् ॥ ६ ॥

vibhakta-rathyā-patha-catvarāpaṇaiḥ śālā-sabhābhī rucirāṁ surālayaiḥ saṁsikta-mārgāṅgana-vīthi-dehalīṁ patat-patāka-dhvaja-vāritātapām

Its streets, roads, squares and marketplaces were all well laid out; it was beautiful with assembly halls and temples; its paths, courtyards and lanes were freshly watered, and fluttering banners and flags kept off the sun's heat.

Verse 7 (bhagavata.10.69.7)

तस्यामन्तः पुरं श्रीमदर्चितं सर्वधिष्ण्यपैः । हरेः स्वकौशलं यत्र त्वष्ट्रा कार्त्स्न्येन दर्शितम् ॥ ७ ॥

tasyām antaḥ-puraṁ śrīmad arcitaṁ sarva-dhiṣṇya-paiḥ hareḥ sva-kauśalaṁ yatra tvaṣṭrā kārtsnyena darśitam

Within that city was Hari's own splendid inner quarter, worshiped by all the rulers of the worlds, where Tvashta had displayed the whole of his divine artistry.

Verse 8 (bhagavata.10.69.8)

तत्र षोडशभिः सद्मसहस्रैः समलङ्कृतम् । विवेशैकतोमं शौरेः पत्नीनां भवनं महत् ॥ ८ ॥

tatra ṣoḍaśabhiḥ sadma- sahasraiḥ samalaṅkṛtam viveśaikatomaṁ śaureḥ patnīnāṁ bhavanaṁ mahat

It was graced with sixteen thousand mansions. Narada entered one of these vast palaces belonging to Shauri's wives.

Verse 9 (bhagavata.10.69.9)

विष्टब्धं विद्रुमस्तम्भैर्वैदूर्यफलकोत्तमैः । इन्द्रनीलमयैः कुड्यैर्जगत्या चाहतत्विषा ॥ ९ ॥

viṣṭabdhaṁ vidruma-stambhair vaidūrya-phalakottamaiḥ indranīla-mayaiḥ kuḍyair jagatyā cāhata-tviṣā

That palace stood upon pillars of coral inlaid with fine panels of cat's-eye gems; its walls were made of sapphire, and its floor shone with a never-fading luster.

Verse 10 (bhagavata.10.69.10)

वितानैर्निर्मितैस्त्वष्ट्रा मुक्तादामविलम्बिभिः । दान्तैरासनपर्यङ्कैर्मण्युत्तमपरिष्कृतैः ॥ १० ॥

vitānair nirmitais tvaṣṭrā muktā-dāma-vilambibhiḥ dāntair āsana-paryaṅkair maṇy-uttama-pariṣkṛtaiḥ

There hung canopies fashioned by Tvashta, draped with strings of pearls, and there were ivory seats and couches adorned with the finest gems.

Verse 11 (bhagavata.10.69.11)

दासीभिर्निष्ककण्ठीभिः सुवासोभिरलङ्कृतम् । पुम्भिः सकञ्चुकोष्णीषसुवस्त्रमणिकुण्डलैः ॥ ११ ॥

dāsībhir niṣka-kaṇṭhībhiḥ su-vāsobhir alaṅkṛtam pumbhiḥ sa-kañcukoṣṇīṣa su-vastra-maṇi-kuṇḍalaiḥ

That palace was graced by handmaidens dressed in fine garments and wearing golden neck-ornaments, and by men attired in tunics and turbans, fine clothes and jeweled earrings.

Verse 12 (bhagavata.10.69.12)

रत्नप्रदीपनिकरद्युतिभिर्निरस्त- ध्वान्तं विचित्रवलभीषु शिखण्डिनोऽङ्ग । नृत्यन्ति यत्र विहितागुरुधूपमक्षै- र्निर्यान्तमीक्ष्य घनबुद्धय उन्नदन्तः ॥ १२ ॥

ratna-pradīpa-nikara-dyutibhir nirasta- dhvāntaṁ vicitra-valabhīṣu śikhaṇḍino ’ṅga nṛtyanti yatra vihitāguru-dhūpam akṣair niryāntam īkṣya ghana-buddhaya unnadantaḥ

O King, there the darkness was entirely dispelled by the light of clustered jeweled lamps, and on the ornate rooftops peacocks danced, crying loudly at the sight of aguru incense-smoke drifting from the lattices, mistaking it for a rain-cloud.

Verse 13 (bhagavata.10.69.13)

तस्मिन् समानगुणरूपवयः सुवेष- दासीसहस्रयुतयानुसवं गृहिण्या । विप्रो ददर्श चमरव्यजनेन रुक्म- दण्डेन सात्वतपतिं परिवीजयन्त्या ॥ १३ ॥

tasmin samāna-guṇa-rūpa-vayaḥ-su-veṣa- dāsī-sahasra-yutayānusavaṁ gṛhiṇyā vipro dadarśa cāmara-vyajanena rukma- daṇḍena sātvata-patiṁ parivījayantyā

In that mansion the brahmana saw the lord of the Satvatas, His household mistress, surrounded ever by a thousand maidservants alike in virtue, beauty, age and fine attire, personally fanning Him with a gold-handled whisk.

Verse 14 (bhagavata.10.69.14)

तं सन्निरीक्ष्य भगवान् सहसोत्थितश्री- पर्यङ्कतः सकलधर्मभृतां वरिष्ठः । आनम्य पादयुगलं शिरसा किरीट- जुष्टेन साञ्जलिरवीविशदासने स्वे ॥ १४ ॥

taṁ sannirīkṣya bhagavān sahasotthita-śrī- paryaṅkataḥ sakala-dharma-bhṛtāṁ variṣṭhaḥ ānamya pāda-yugalaṁ śirasā kirīṭa- juṣṭena sāñjalir avīviśad āsane sve

The moment He saw him, the Lord, foremost of all upholders of religion, rose at once from His splendid bed, bowed His crowned head to the sage's feet, and, with joined palms, seated him upon His own seat.

Verse 15 (bhagavata.10.69.15)

तस्यावनिज्य चरणौ तदपः स्वमूर्ध्ना बिभ्रज्जगद्गुरुतमोऽपि सतां पतिर्हि । ब्रह्मण्यदेव इति यद्गुणनाम युक्तं तस्यैव यच्चरणशौचमशेषतीर्थम् ॥ १५ ॥

tasyāvanijya caraṇau tad-apaḥ sva-mūrdhnā bibhraj jagad-gurutamo ’pi satāṁ patir hi brahmaṇya-deva iti yad guṇa-nāma yuktaṁ tasyaiva yac-caraṇa-śaucam aśeṣa-tīrtham

Though He is the master of the pious and the supreme guru of the universe, He washed Narada's feet and bore that water upon His own head — fitting to His name Brahmanya-deva, "the Lord devoted to the brahmanas," even though the very water that washes His own feet is itself the essence of every place of pilgrimage.

Verse 16 (bhagavata.10.69.16)

सम्पूज्य देवऋषिवर्यमृषिः पुराणो नारायणो नरसखो विधिनोदितेन । वाण्याभिभाष्य मितयामृतमिष्टया तं प्राह प्रभो भगवते करवाम हे किम् ॥ १६ ॥

sampūjya deva-ṛṣi-varyam ṛṣiḥ purāṇo nārāyaṇo nara-sakho vidhinoditena vāṇyābhibhāṣya mitayāmṛta-miṣṭayā taṁ prāha prabho bhagavate karavāma he kim

Narayana Himself, the primeval sage, friend of Nara, duly worshiped that foremost of celestial sages, and, addressing him in measured words as sweet as nectar, said to him: "O lord, what may We do for you?"

Verse 17 (bhagavata.10.69.17)

श्रीनारद उवाच नैवाद्भुतं त्वयि विभोऽखिललोकनाथे मैत्री जनेषु सकलेषु दमः खलानाम् । निः श्रेयसाय हि जगत्स्थितिरक्षणाभ्यां स्वैरावतार उरुगाय विदाम सुष्ठु ॥ १७ ॥

śrī-nārada uvāca naivādbhutaṁ tvayi vibho ’khila-loka-nāthe maitrī janeṣu sakaleṣu damaḥ khalānām niḥśreyasāya hi jagat-sthiti-rakṣaṇābhyāṁ svairāvatāra urugāya vidāma suṣṭhu

Narada said: O mighty one, lord of all worlds, it is no wonder that You show friendship toward all beings while subduing the wicked. We know well that You descend of Your own free will, for the highest good of all, through sustaining and protecting this universe, O widely-glorified one.

Verse 18 (bhagavata.10.69.18)

दृष्टं तवाङ्घ्रियुगलं जनतापवर्गं ब्रह्मादिभिर्हृदि विचिन्त्यमगाधबोधैः । संसारकूपपतितोत्तरणावलम्बं ध्यायंश्चराम्यनुगृहाण यथा स्मृतिः स्यात् ॥ १८ ॥

dṛṣṭaṁ tavāṅghri-yugalaṁ janatāpavargaṁ brahmādibhir hṛdi vicintyam agādha-bodhaiḥ saṁsāra-kūpa-patitottaraṇāvalambaṁ dhyāyaṁś carāmy anugṛhāṇa yathā smṛtiḥ syāt

I have now beheld Your two feet, which grant liberation to all people, upon which even Brahma and other beings of unfathomable intelligence can only meditate within their hearts, and which alone are the support for those fallen into the well of worldly existence and seeking to climb out. Be gracious, that as I wander I may keep You ever in remembrance.

Verse 19 (bhagavata.10.69.19)

ततोऽन्यदाविशद् गेहं कृष्णपत्न्याः स नारदः । योगेश्वरेश्वरस्याङ्ग योगमायाविवित्सया ॥ १९ ॥

tato ’nyad āviśad gehaṁ kṛṣṇa-patnyāḥ sa nāradaḥ yogeśvareśvarasyāṅga yoga-māyā-vivitsayā

O King, after this Narada, wishing to learn the mystic yogamaya of Krishna, lord even of the masters of yoga, entered the home of another of Krishna's wives.

Verse 20 (bhagavata.10.69.20)

दीव्यन्तमक्षैस्तत्रापि प्रियया चोद्धवेन च । पूजितः परया भक्त्या प्रत्युत्थानासनादिभिः ॥ २० ॥

dīvyantam akṣais tatrāpi priyayā coddhavena ca pūjitaḥ parayā bhaktyā pratyutthānāsanādibhiḥ

There too he saw Krishna playing dice with His beloved and with Uddhava. Krishna honored him with the deepest devotion, rising, offering him a seat, and other such courtesies.

Verse 21 (bhagavata.10.69.21)

पृष्टश्चाविदुषेवासौ कदायातो भवानिति । क्रियते किं नु पूर्णानामपूर्णैरस्मदादिभिः ॥ २१ ॥

pṛṣṭaś cāviduṣevāsau kadāyāto bhavān iti kriyate kiṁ nu pūrṇānām apūrṇair asmad-ādibhiḥ

And, as though unaware, He asked him: "When did you arrive? What indeed can incomplete beings like Us do for one who is already complete in himself?"

Verse 22 (bhagavata.10.69.22)

अथापि ब्रूहि नो ब्रह्मन् जन्मैतच्छोभनं कुरु । स तु विस्मित उत्थाय तूष्णीमन्यदगाद् गृहम् ॥ २२ ॥

athāpi brūhi no brahman janmaitac chobhanaṁ kuru sa tu vismita utthāya tūṣṇīm anyad agād gṛham

"Still, O brahmana, please instruct Us, and make this birth of Ours auspicious." Hearing this, Narada, astonished, rose and silently went on to another palace.

Verse 23 (bhagavata.10.69.23)

तत्राप्यचष्ट गोविन्दं लालयन्तं सुतान् शिशून् । ततोऽन्यस्मिन् गृहेऽपश्यन्मज्जनाय कृतोद्यमम् ॥ २३ ॥

tatrāpy acaṣṭa govindaṁ lālayantaṁ sutān śiśūn tato ’nyasmin gṛhe ’paśyan majjanāya kṛtodyamam

There too he saw Govinda fondling His small children. Then, in yet another palace, he saw Him preparing to bathe.

Verse 24 (bhagavata.10.69.24)

जुह्वन्तं च वितानाग्नीन् यजन्तं पञ्चभिर्मखैः । भोजयन्तं द्विजान् क्वापि भुञ्जानमवशेषितम् ॥ २४ ॥

juhvantaṁ ca vitānāgnīn yajantaṁ pañcabhir makhaiḥ bhojayantaṁ dvijān kvāpi bhuñjānam avaśeṣitam

Somewhere He was offering oblations into the sacred fires, somewhere performing worship through the five great sacrifices, somewhere feeding brahmanas, and somewhere partaking of the food left over by them.

Verse 25 (bhagavata.10.69.25)

क्वापि सन्ध्यामुपासीनं जपन्तं ब्रह्म वाग्यतम् । एकत्र चासिचर्माभ्यां चरन्तमसिवर्त्मसु ॥ २५ ॥

kvāpi sandhyām upāsīnaṁ japantaṁ brahma vāg-yatam ekatra cāsi-carmābhyāṁ carantam asi-vartmasu

Somewhere, keeping silence, He was performing the twilight worship, softly reciting the Vedic mantra, and elsewhere He was practicing with sword and shield on the training grounds.

Verse 26 (bhagavata.10.69.26)

अश्वैर्गजै रथैः क्वापि विचरन्तं गदाग्रजम् । क्वचिच्छयानं पर्यङ्के स्तूयमानं च वन्दिभिः ॥ २६ ॥

aśvair gajai rathaiḥ kvāpi vicarantaṁ gadāgrajam kvacic chayānaṁ paryaṅke stūyamānaṁ ca vandibhiḥ

Somewhere Gadagraja was riding about on horses, elephants and chariots, and elsewhere He lay upon His bed while bards sang His praises.

Verse 27 (bhagavata.10.69.27)

मन्त्रयन्तं च कस्मिंश्चिन्मन्त्रिभिश्चोद्धवादिभिः । जलक्रीडारतं क्वापि वारमुख्याबलावृतम् ॥ २७ ॥

mantrayantaṁ ca kasmiṁścin mantribhiś coddhavādibhiḥ jala-krīḍā-rataṁ kvāpi vāramukhyābalāvṛtam

Somewhere He was in counsel with ministers like Uddhava, and elsewhere He was enjoying water-sports, surrounded by leading courtesans and other young women.

Verse 28 (bhagavata.10.69.28)

कुत्रचिद्द्विजमुख्येभ्यो ददतं गाः स्वलङ्कृताः । इतिहासपुराणानि शृण्वन्तं मङ्गलानि च ॥ २८ ॥

kutracid dvija-mukhyebhyo dadataṁ gāḥ sv-alaṅkṛtāḥ itihāsa-purāṇāni śṛṇvantaṁ maṅgalāni ca

Somewhere He was giving finely adorned cows in charity to eminent brahmanas, and elsewhere He was listening to the auspicious accounts of the epics and Puranas.

Verse 29 (bhagavata.10.69.29)

हसन्तं हासकथया कदाचित् प्रियया गृहे । क्वापि धर्मं सेवमानमर्थकामौ च कुत्रचित् ॥ २९ ॥

hasantaṁ hāsa-kathayā kadācit priyayā gṛhe kvāpi dharmaṁ sevamānam artha-kāmau ca kutracit

Somewhere at home He was laughing over playful talk with a beloved wife, elsewhere He was engaged in the observance of dharma, and elsewhere still He was occupied with artha and kama.

Verse 30 (bhagavata.10.69.30)

ध्यायन्तमेकमासीनं पुरुषं प्रकृतेः परम् । शुश्रूषन्तं गुरून् क्वापि कामैर्भोगैः सपर्यया ॥ ३० ॥

dhyāyantam ekam āsīnaṁ puruṣaṁ prakṛteḥ param śuśrūṣantaṁ gurūn kvāpi kāmair bhogaiḥ saparyayā

Somewhere, seated alone, He was meditating on the Supreme Person beyond material nature, and elsewhere He was attending upon His elders with desired gifts, offerings and service.

Verse 31 (bhagavata.10.69.31)

कुर्वन्तं विग्रहं कैश्चित् सन्धिं चान्यत्र केशवम् । कुत्रापि सह रामेण चिन्तयन्तं सतां शिवम् ॥ ३१ ॥

kurvantaṁ vigrahaṁ kaiścit sandhiṁ cānyatra keśavam kutrāpi saha rāmeṇa cintayantaṁ satāṁ śivam

Somewhere Keshava was planning strategies of war with some, and elsewhere making peace with others, and somewhere, together with Balarama, He was pondering the welfare of the righteous.

Verse 32 (bhagavata.10.69.32)

पुत्राणां दुहितृणां च काले विध्युपयापनम् । दारैर्वरैस्तत्सदृशैः कल्पयन्तं विभूतिभिः ॥ ३२ ॥

putrāṇāṁ duhitṝṇāṁ ca kāle vidhy-upayāpanam dārair varais tat-sadṛśaiḥ kalpayantaṁ vibhūtibhiḥ

Narada saw Him arranging, at the proper time, the duly ordained marriages of His sons and daughters, with brides and grooms fitting to them, celebrated with great splendor.

Verse 33 (bhagavata.10.69.33)

प्रस्थापनोपनयनैरपत्यानां महोत्सवान् । वीक्ष्य योगेश्वरेशस्य येषां लोका विसिस्मिरे ॥ ३३ ॥

prasthāpanopanayanair apatyānāṁ mahotsavān vīkṣya yogeśvareśasya yeṣāṁ lokā visismire

He saw the great festivals held by Krishna, lord of the masters of yoga, for the sending forth of daughters in marriage and the sacred-thread ceremonies of His sons — celebrations at which all the people were struck with wonder.

Verse 34 (bhagavata.10.69.34)

यजन्तं सकलान् देवान् क्वापि क्रतुभिरूर्जितैः । पूर्तयन्तं क्वचिद् धर्मं कूर्पाराममठादिभिः ॥ ३४ ॥

yajantaṁ sakalān devān kvāpi kratubhir ūrjitaiḥ pūrtayantaṁ kvacid dharmaṁ kūrpārāma-maṭhādibhiḥ

Somewhere He was worshiping all the gods with grand sacrifices, and elsewhere He was fulfilling His religious duty through public works such as wells, gardens and monasteries.

Verse 35 (bhagavata.10.69.35)

चरन्तं मृगयां क्वापि हयमारुह्य सैन्धवम् । घ्नन्तं तत्र पशून् मेध्यान् परीतं यदुपुङ्गवैः ॥ ३५ ॥

carantaṁ mṛgayāṁ kvāpi hayam āruhya saindhavam ghnantaṁ tatra paśūn medhyān parītaṁ yadu-puṅgavaiḥ

Somewhere, mounted on a Sindhi horse and surrounded by the foremost of the Yadus, He was out hunting, slaying beasts fit for sacrifice.

Verse 36 (bhagavata.10.69.36)

अव्यक्तलिङ्गं प्रकृतिष्वन्तः पुरगृहादिषु । क्वचिच्चरन्तं योगेशं तत्तद्भावबुभुत्सया ॥ ३६ ॥

avyakta-lingaṁ prakṛtiṣv antaḥ-pura-gṛhādiṣu kvacic carantaṁ yogeśaṁ tat-tad-bhāva-bubhutsayā

Somewhere Krishna, lord of yoga, moved about in disguise among the homes and inner quarters of His ministers and other subjects, wishing to learn the various sentiments within each of their hearts.

Verse 37 (bhagavata.10.69.37)

अथोवाच हृषीकेशं नारदः प्रहसन्निव । योगमायोदयं वीक्ष्य मानुषीमीयुषो गतिम् ॥ ३७ ॥

athovāca hṛṣīkeśaṁ nāradaḥ prahasann iva yoga-māyodayaṁ vīkṣya mānuṣīm īyuṣo gatim

Having thus witnessed this display of the yogamaya of Hrishikesha, who behaved as if He were a mere human, Narada, smiling a little, spoke to Him.

Verse 38 (bhagavata.10.69.38)

विदाम योगमायास्ते दुर्दर्शा अपि मायिनाम् । योगेश्वरात्मन् निर्भाता भवत्पादनिषेवया ॥ ३८ ॥

vidāma yoga-māyās te durdarśā api māyinām yogeśvarātman nirbhātā bhavat-pāda-niṣevayā

Narada said: O soul of all masters of yoga, now we understand this yogamaya of Yours, which even the greatest magicians cannot perceive; it has been revealed to me only through service at Your feet.

Verse 39 (bhagavata.10.69.39)

अनुजानीहि मां देव लोकांस्ते यशसाप्लुतान् । पर्यटामि तवोद्गायन् लीला भुवनपावनीः ॥ ३९ ॥

anujānīhi māṁ deva lokāṁs te yaśasāplutān paryaṭāmi tavodgāyan līlā bhuvana-pāvanīḥ

"O Lord, grant me leave. I shall roam through these worlds, flooded with Your fame, loudly singing of Your pastimes, which purify the whole universe."

Verse 40 (bhagavata.10.69.40)

श्रीभगवानुवाच ब्रह्मन् धर्मस्य वक्ताहं कर्ता तदनुमोदिता । तच्छिक्षयन् लोकमिममास्थितः पुत्र मा खिदः ॥ ४० ॥

śrī-bhagavān uvāca brahman dhannasya vaktāhaṁ kartā tad-anumoditā tac chikṣayan lokam imam āsthitaḥ putra mā khidaḥ

The Lord said: O brahmana, I am the teacher of dharma, its performer and its sanctioner. It is only to instruct this world that I remain thus engaged in the practice of dharma; My child, do not be troubled.

Verse 41 (bhagavata.10.69.41)

श्रीशुक उवाच इत्याचरन्तं सद्धर्मान् पावनान् गृहमेधिनाम् । तमेव सर्वगेहेषु सन्तमेकं ददर्श ह ॥ ४१ ॥

śrī-śuka uvāca ity ācarantaṁ sad-dharmān pāvanān gṛha-medhinām tam eva sarva-geheṣu santam ekaṁ dadarśa ha

Śrī Śuka said: Thus, observing these pure and purifying duties of household life, Narada found that same one Krishna personally present in every single palace.

Verse 42 (bhagavata.10.69.42)

कृष्णस्यानन्तवीर्यस्य योगमायामहोदयम् । मुहुर्दृष्ट्वा ऋषिरभूद् विस्मितो जातकौतुकः ॥ ४२ ॥

kṛṣṇasyānanta-vīryasya yoga-māyā-mahodayam muhur dṛṣṭvā ṛṣir abhūd vismito jāta-kautukaḥ

Seeing again and again this great manifestation of the yogamaya of Krishna, whose power is unlimited, the sage was filled with astonishment and wonder.

Verse 43 (bhagavata.10.69.43)

इत्यर्थकामधर्मेषु कृष्णेन श्रद्धितात्मना । सम्यक् सभाजितः प्रीतस्तमेवानुस्मरन् ययौ ॥ ४३ ॥

ity artha-kāma-dharmeṣu kṛṣṇena śraddhitātmanā samyak sabhājitaḥ prītas tam evānusmaran yayau

Thus fully honored by the reverent Krishna with gifts pertaining to artha, kama and dharma, the delighted Narada departed, ever remembering Him.

Verse 44 (bhagavata.10.69.44)

एवं मनुष्यपदवीमनुवर्तमानो नारायणोऽखिलभवाय गृहीतशक्तिः । रेमेऽङ्ग षोडशसहस्रवराङ्गनानां सव्रीडसौहृदनिरीक्षणहासजुष्टः ॥ ४४ ॥

evaṁ manuṣya-padavīm anuvartamāno nārāyaṇo ’khila-bhavāya gṛhīta-śaktiḥ reme ’ṇga ṣoḍaśa-sahasra-varāṅganānāṁ sa-vrīḍa-sauhṛda-nirīkṣaṇa-hāsa-juṣṭaḥ

O King, thus following the ways of ordinary men, Lord Narayana, having assumed His full powers for the good of all beings, sported in the company of His sixteen thousand exalted consorts, attended by their shy, affectionate glances and their laughter.

Verse 45 (bhagavata.10.69.45)

यानीह विश्वविलयोद्भववृत्तिहेतुः कर्माण्यनन्यविषयाणि हरिश्चकार । यस्त्वङ्ग गायति शृणोत्यनुमोदते वा भक्तिर्भवेद् भगवति ह्यपवर्गमार्गे ॥ ४५ ॥

yānīha viśva-vilayodbhava-vṛtti-hetuḥ karmāṇy ananya-viṣayāṇi harīś cakāra yas tv aṅga gāyati śṛṇoty anumodate vā bhaktir bhaved bhagavati hy apavarga-mārge

O King, of the deeds that Hari, the cause of the world's creation, maintenance and dissolution, performed here on earth — deeds unparalleled by any other — whoever sings of them, hears them, or simply rejoices in them, devotion surely arises in him for the Supreme Lord, who is the path to liberation.