The Slaying of the Demon Jarasandha

Verse 1 (bhagavata.10.72.1)

श्रीशुक उवाच एकदा तु सभामध्य आस्थितो मुनिभिर्वृतः । ब्राह्मणैः क्षत्रियैर्वैश्यैर्भ्रातृभिश्च युधिष्ठिरः ॥ 72.1 ॥

śrī-śuka uvāca ekadā tu sabhā-madhya āsthito munibhir vṛtaḥ brāhmaṇaiḥ kṣatriyair vaiśyair bhrātṛbhiś ca yudhiṣṭhiraḥ

Shukadeva said: One day, seated in the midst of the assembly, surrounded by sages, brahmanas, kshatriyas, vaishyas and his own brothers, Yudhishthira —

Verse 2 (bhagavata.10.72.2)

आचार्यैः कुलवृद्धैश्च ज्ञातिसम्बन्धिबान्धवैः । शृण्वतामेव चैतेषामाभाष्येदमुवाच ह ॥ 72.2 ॥

ācāryaiḥ kula-vṛddhaiś ca jñāti-sambandhi-bāndhavaiḥ śṛṇvatām eva caiteṣām ābhāṣyedam uvāca ha

— together with his teachers, family elders, kinsfolk, relatives and friends, addressed Krishna as all of them listened, and spoke as follows.

Verse 3 (bhagavata.10.72.3)

श्रीयुधिष्ठिर उवाच क्रतुराजेन गोविन्द राजसूयेन पावनीः । यक्ष्ये विभूतीर्भवतस्तत् सम्पादय नः प्रभो ॥ 72.3 ॥

śrī-yudhiṣṭhira uvāca kratu-rājena govinda rājasūyena pāvanīḥ yakṣye vibhūtīr bhavatas tat sampādaya naḥ prabho

Shri Yudhishthira said: O Govinda, through the king of sacrifices, the Rajasuya, I wish to worship your purifying glories. O Lord, please bring this about for us.

Verse 4 (bhagavata.10.72.4)

त्वत्पादुके अविरतं परि ये चरन्ति ध्यायन्त्यभद्रनशने शुचयो गृणन्ति । विन्दन्ति ते कमलनाभ भवापवर्ग- माशासते यदि त आशिष ईश नान्ये ॥ 72.4 ॥

tvat-pāduke avirataṁ pari ye caranti dhyāyanty abhadra-naśane śucayo gṛṇanti vindanti te kamala-nābha bhavāpavargam āśāsate yadi ta āśiṣa īśa nānye

O lotus-naveled one, those who constantly attend upon your sandals, which destroy all that is inauspicious, meditating upon them and glorifying them with pure hearts, obtain freedom from material existence; and if they desire anything of this world besides, they attain that too — but no one else, O Lord, attains such things.

Verse 5 (bhagavata.10.72.5)

तद् देवदेव भवतश्चरणारविन्द- सेवानुभावमिह पश्यतु लोक एषः । ये त्वां भजन्ति न भजन्त्युत वोभयेषां निष्ठां प्रदर्शय विभो कुरुसृञ्जयानाम् ॥ 72.5 ॥

tad deva-deva bhavataś caraṇāravinda- sevānubhāvam iha paśyatu loka eṣaḥ ye tvāṁ bhajanti na bhajanty uta vobhayeṣāṁ niṣṭhāṁ pradarśaya vibho kuru-sṛñjayānām

Therefore, O God of gods, let the people of this world behold here the power of service rendered to your lotus feet. O almighty one, show them the fate of those among the Kurus and Srinjayas who worship you, and of those who do not.

Verse 6 (bhagavata.10.72.6)

न ब्रह्मणः स्वपरभेदमतिस्तव स्यात् सर्वात्मनः समदृशः स्वसुखानुभूतेः । संसेवतां सुरतरोरिव ते प्रसादः सेवानुरूपमुदयो न विपर्ययोऽत्र ॥ 72.6 ॥

na brahmaṇaḥ sva-para-bheda-matis tava syāt sarvātmanaḥ sama-dṛśaḥ sva-sukhānubhūteḥ saṁsevatāṁ sura-taror iva te prasādaḥ sevānurūpam udayo na viparyayo ’tra

O Soul of all beings, equal in vision to all and ever experiencing bliss within yourself, there can be no discrimination in you between "mine" and "another's." Like the celestial wish-fulfilling tree, your grace toward those who serve you arises in proportion to their service — never otherwise.

Verse 7 (bhagavata.10.72.7)

श्रीभगवानुवाच सम्यग् व्यवसितं राजन् भवता शत्रुकर्शन । कल्याणी येन ते कीर्तिर्लोकाननु भविष्यति ॥ 72.7 ॥

śrī-bhagavān uvāca samyag vyavasitaṁ rājan bhavatā śatru-karśana kalyāṇī yena te kīrtir lokān anubhaviṣyati

The Supreme Lord said: O King, O scourge of your enemies, your resolve is altogether right, and by it your auspicious fame will spread through all the worlds.

Verse 8 (bhagavata.10.72.8)

ऋषीणां पितृदेवानां सुहृदामपि नः प्रभो । सर्वेषामपि भूतानामीप्सितः क्रतुराडयम् ॥ 72.8 ॥

ṛṣīṇāṁ pitṛ-devānāṁ suhṛdām api naḥ prabho sarveṣām api bhūtānām īpsitaḥ kratu-rāḍ ayam

For the sages, the ancestors and the gods, and for Our well-wishers too, and indeed for all living beings, this king of sacrifices is something to be desired.

Verse 9 (bhagavata.10.72.9)

विजित्य नृपतीन्सर्वान् कृत्वा च जगतीं वशे । सम्भृत्य सर्वसम्भारानाहरस्व महाक्रतुम् ॥ 72.9 ॥

vijitya nṛpatīn sarvān kṛtvā ca jagatīṁ vaśe sambhṛtya sarva-sambhārān āharasva mahā-kratum

Having conquered all the kings and brought the earth under your control, and having gathered all the necessary paraphernalia, perform this great sacrifice.

Verse 10 (bhagavata.10.72.10)

एते ते भ्रातरो राजल्ँ लोकपालांशसम्भवाः । जितोऽस्म्यात्मवता तेऽहं दुर्जयो योऽकृतात्मभिः ॥ 72.10 ॥

ete te bhrātaro rājaḻ loka-pālāṁśa-sambhavāḥ jito ’smy ātmavatā te ’haṁ durjayo yo ’kṛtātmabhiḥ

O King, these brothers of yours are born of portions of the guardians of the universe; and you, being self-controlled, have conquered even Me — Me, who am unconquerable by those who lack self-control.

Verse 11 (bhagavata.10.72.11)

न कश्चिन्मत्परं लोके तेजसा यशसा श्रिया । विभूतिभिर्वाभिभवेद् देवोऽपि किमु पार्थिवः ॥ 72.11 ॥

na kaścin mat-paraṁ loke tejasā yaśasā śriyā vibhūtibhir vābhibhaved devo ’pi kim u pārthivaḥ

In splendor, fame, fortune or opulence, no one in this world surpasses My devotee — not even a god, let alone an earthly king.

Verse 12 (bhagavata.10.72.12)

श्रीशुक उवाच निशम्य भगवद्गीतं प्रीतः फुल्लमुखाम्बुजः । भ्रातृन् दिग्विजयेऽयुङ्क्त विष्णुतेजोपबृंहितान् ॥ 72.12 ॥

śrī-śuka uvāca niśamya bhagavad-gītaṁ prītaḥ phulla-mukhāmbujaḥ bhrātṝn dig-vijaye ’yuṅkta viṣṇu-tejopabṛṁhitān

Shukadeva said: Hearing these words spoken by the Lord, Yudhishthira, delighted, his lotus face blossoming with joy, dispatched his brothers — each empowered with a portion of Vishnu's own energy — to conquer every direction.

Verse 13 (bhagavata.10.72.13)

सहदेवं दक्षिणस्यामादिशत् सह सृञ्जयैः । दिशि प्रतीच्यां नकुलमुदीच्यां सव्यसाचिनम् । प्राच्यां वृकोदरं मत्स्यैः केकयैः सह मद्रकैः ॥ 72.13 ॥

sahadevaṁ dakṣiṇasyām ādiśat saha sṛñjayaiḥ diśi pratīcyāṁ nakulam udīcyāṁ savyasācinam prācyāṁ vṛkodaraṁ matsyaiḥ kekayaiḥ saha madrakaiḥ

He directed Sahadeva, together with the Srinjayas, toward the south, Nakula toward the west, Savyasachi toward the north, and Vrikodara, with the Matsyas, Kekayas and Madrakas, toward the east.

Verse 14 (bhagavata.10.72.14)

ते विजित्य नृपान्वीरा आजह्रुर्दिग्भ्य ओजसा । अजातशत्रवे भूरि द्रविणं नृप यक्ष्यते ॥ 72.14 ॥

te vijitya nṛpān vīrā ājahrur digbhya ojasā ajāta-śatrave bhūri draviṇaṁ nṛpa yakṣyate

Those heroes, having subdued the kings, brought back abundant wealth from every quarter through their own valor, O King, for the sake of Ajatashatru, who was intent on performing the sacrifice.

Verse 15 (bhagavata.10.72.15)

श्रुत्वाजितं जरासन्धं नृपतेर्ध्यायतो हरिः । आहोपायं तमेवाद्य उद्धवो यमुवाच ह ॥ 72.15 ॥

śrutvājitaṁ jarāsandhaṁ nṛpater dhyāyato hariḥ āhopāyaṁ tam evādya uddhavo yam uvāca ha

Hearing that Jarasandha remained unconquered and seeing the King absorbed in thought, Hari then spoke of that same means which Uddhava had earlier described.

Verse 16 (bhagavata.10.72.16)

भीमसेनोऽर्जुनः कृष्णो ब्रह्मलिङ्गधरास्त्रयः । जग्मुर्गिरिव्रजं तात बृहद्रथसुतो यतः ॥ 72.16 ॥

bhīmaseno ’rjunaḥ kṛṣṇo brahma-linga-dharās trayaḥ jagmur girivrajaṁ tāta bṛhadratha-suto yataḥ

Bhimasena, Arjuna and Krishna, the three of them disguised as brahmanas, my dear King, went to the city of Girivraja, the home of the son of Brihadratha.

Verse 17 (bhagavata.10.72.17)

ते गत्वातिथ्यवेलायां गृहेषु गृहमेधिनम् । ब्रह्मण्यं समयाचेरन् राजन्या ब्रह्मलिङ्गिनः ॥ 72.17 ॥

te gatvātithya-velāyāṁ gṛheṣu gṛha-medhinam brahmaṇyaṁ samayāceran rājanyā brahma-liṅginaḥ

Arriving there at the hour appointed for receiving guests, those princely warriors, disguised as brahmanas, made their request of the householder Jarasandha, who was ever devoted to brahmanas.

Verse 18 (bhagavata.10.72.18)

राजन् विद्ध्यतिथीन् प्राप्तानर्थिनो दूरमागतान् । तन्नः प्रयच्छ भद्रं ते यद्वयं कामयामहे ॥ 72.18 ॥

rājan viddhy atithīn prāptān arthino dūram āgatān tan naḥ prayaccha bhadraṁ te yad vayaṁ kāmayāmahe

[They said:] O King, know us to be guests who have come from afar, seeking charity. Grant us what we desire — may all good come to you.

Verse 19 (bhagavata.10.72.19)

किं दुर्मर्षं तितिक्षूणां किमकार्यमसाधुभिः । किं न देयं वदान्यानां कः परः समदर्शिनाम् ॥ 72.19 ॥

kiṁ durmarṣaṁ titikṣūṇāṁ kim akāryam asādhubhiḥ kiṁ na deyaṁ vadānyānāṁ kaḥ paraḥ sama-darśinām

What is unbearable to the patient? What would the wicked hesitate to do? What would the generous not give away? And who is a stranger to those who see all with equal eyes?

Verse 20 (bhagavata.10.72.20)

योऽनित्येन शरीरेण सतां गेयं यशो ध्रुवम् । नाचिनोति स्वयं कल्पः स वाच्यः शोच्य एव सः ॥ 72.20 ॥

yo ’nityena śarīreṇa satāṁ geyaṁ yaśo dhruvam nācinoti svayaṁ kalpaḥ sa vācyaḥ śocya eva saḥ

One who, though capable, fails to earn with his perishable body the imperishable fame that the virtuous sing of — such a one deserves censure; indeed, he is truly to be pitied.

Verse 21 (bhagavata.10.72.21)

हरिश्चन्द्रो रन्तिदेव उञ्छवृत्तिः शिबिर्बलिः । व्याधः कपोतो बहवो ह्यध्रुवेण ध्रुवं गताः ॥ 72.21 ॥

hariścandro rantideva uñchavṛttiḥ śibir baliḥ vyādhaḥ kapoto bahavo hy adhruveṇa dhruvaṁ gatāḥ

Harishchandra, Rantideva, the one who lived by gleaning fallen grain, Shibi, Bali, and the hunter with the pigeon — many indeed have attained the eternal by means of the fleeting.

Verse 22 (bhagavata.10.72.22)

श्रीशुक उवाच स्वरैराकृतिभिस्तांस्तु प्रकोष्ठैर्ज्याहतैरपि । राजन्यबन्धून् विज्ञाय दृष्टपूर्वानचिन्तयत् ॥ 72.22 ॥

śrī-śuka uvāca svarair ākṛtibhis tāṁs tu prakoṣṭhair jyā-hatair api rājanya-bandhūn vijñāya dṛṣṭa-pūrvān acintayat

Shukadeva said: By their voices, their bearing, and the marks left by bowstrings on their forearms, Jarasandha recognized them as scions of royalty, and he began to think he had seen them somewhere before.

Verse 23 (bhagavata.10.72.23)

राजन्यबन्धवो ह्येते ब्रह्मलिङ्गानि बिभ्रति । ददानि भिक्षितं तेभ्य आत्मानमपि दुस्त्यजम् ॥ 72.23 ॥

rājanya-bandhavo hy ete brahma-liṅgāni bibhrati dadāni bhikṣitaṁ tebhya ātmānam api dustyajam

[He thought:] These are surely scions of royalty wearing the marks of brahmanas; yet I shall give them whatever they beg of me, even my own body, hard as it is to relinquish.

Verse 24 (bhagavata.10.72.24)

बलेर्नु श्रूयते कीर्तिर्वितता दिक्ष्वकल्मषा । ऐश्वर्याद् भ्रंशितस्यापि विप्रव्याजेन विष्णुना ॥ 72.24 ॥

baler nu śrūyate kīrtir vitatā dikṣv akalmaṣā aiśvaryād bhraṁśitasyāpi vipra-vyājena viṣṇunā

Bali's spotless fame is heard resounding in every direction, even though Vishnu, in the disguise of a brahmana, caused him to fall from his own prosperity.

Verse 25 (bhagavata.10.72.25)

श्रियं जिहीर्षतेन्द्रस्य विष्णवे द्विजरूपिणे । जानन्नपि महीं प्रादाद् वार्यमाणोऽपि दैत्यराट् ॥ 72.25 ॥

śriyaṁ jihīrṣatendrasya viṣṇave dvija-rūpiṇe jānann api mahīm prādād vāryamāṇo ’pi daitya-rāṭ

Desiring to reclaim Bali's fortune on Indra's behalf, Vishnu came to him in the form of a brahmana; and though Bali knew the truth and was forbidden by his guru, the king of the demons gave away the earth all the same.

Verse 26 (bhagavata.10.72.26)

जीवता ब्राह्मणार्थाय को न्वर्थः क्षत्रबन्धुना । देहेन पतमानेन नेहता विपुलं यशः ॥ 72.26 ॥

jīvatā brāhmaṇārthāya ko nv arthaḥ kṣatra-bandhunā dehena patamānena nehatā vipulaṁ yaśaḥ

What use, indeed, is a kshatriya who goes on living but not for the sake of brahmanas — his body destined to perish in any case — if he does not even strive to win abundant fame?

Verse 27 (bhagavata.10.72.27)

इत्युदारमतिः प्राह कृष्णार्जुनवृकोदरान् । हे विप्रा व्रियतां कामो ददाम्यात्मशिरोऽपि वः ॥ 72.27 ॥

ity udāra-matiḥ prāha kṛṣṇārjuna-vṛkodarān he viprā vriyatāṁ kāmo dadāmy ātma-śiro ’pi vaḥ

Thus, with generous heart, Jarasandha said to Krishna, Arjuna and Vrikodara: "O brahmanas, ask for whatever you desire; I shall give it, even my own head."

Verse 28 (bhagavata.10.72.28)

श्रीभगवानुवाच युद्धं नो देहि राजेन्द्र द्वन्द्वशो यदि मन्यसे । युद्धार्थिनो वयं प्राप्ता राजन्या नान्यकाङ्क्षिणः ॥ 72.28 ॥

śrī-bhagavān uvāca yuddhaṁ no dehi rājendra dvandvaśo yadi manyase yuddhārthino vayaṁ prāptā rājanyā nānya-kāṅkṣiṇaḥ

The Supreme Lord said: O lord of kings, grant us single combat, if you think it right. We princes have come here desiring battle, seeking nothing else.

Verse 29 (bhagavata.10.72.29)

असौ वृकोदरः पार्थस्तस्य भ्रातार्जुनो ह्ययम् । अनयोर्मातुलेयं मां कृष्णं जानीहि ते रिपुम् ॥ 72.29 ॥

asau vṛkodaraḥ pārthas tasya bhrātārjuno hy ayam anayor mātuleyaṁ māṁ kṛṣṇaṁ jānīhi te ripum

This is Vrikodara, son of Pritha; this is his brother Arjuna; and know me, their maternal cousin, to be Krishna, your enemy.

Verse 30 (bhagavata.10.72.30)

एवमावेदितो राजा जहासोच्चैः स्म मागधः । आह चामर्षितो मन्दा युद्धं तर्हि ददामि वः ॥ 72.30 ॥

evam āvedito rājā jahāsoccaiḥ sma māgadhaḥ āha cāmarṣito mandā yuddhaṁ tarhi dadāmi vaḥ

Thus informed, the king of Magadha burst into loud laughter and, indignant, said: "You fools — then I shall give you the battle you seek!

Verse 31 (bhagavata.10.72.31)

न त्वया भीरुणा योत्स्ये युधि विक्लवतेजसा । मथुरां स्वपुरीं त्यक्त्वा समुद्रं शरणं गतः ॥ 72.31 ॥

na tvayā bhīruṇā yotsye yudhi viklava-tejasā mathurāṁ sva-purīṁ tyaktvā samudraṁ śaraṇaṁ gataḥ

"I will not fight with you, coward — your courage falters in battle; you abandoned your own city of Mathura and fled to take shelter in the sea.

Verse 32 (bhagavata.10.72.32)

अयं तु वयसातुल्यो नातिसत्त्वो न मे समः । अर्जुनो न भवेद् योद्धा भीमस्तुल्यबलो मम ॥ 72.32 ॥

ayaṁ tu vayasātulyo nāti-sattvo na me samaḥ arjuno na bhaved yoddhā bhīmas tulya-balo mama

"And this one here is neither my equal in years nor of great strength, nor a match for me — Arjuna should not be my opponent. Bhima alone is equal to me in strength."

Verse 33 (bhagavata.10.72.33)

इत्युक्त्वा भीमसेनाय प्रादाय महतीं गदाम् । द्वितीयां स्वयमादाय निर्जगाम पुराद् बहिः ॥ 72.33 ॥

ity uktvā bhīmasenāya prādāya mahatīṁ gadām dvitīyāṁ svayam ādāya nirjagāma purād bahiḥ

Having said this, he handed Bhimasena a massive club, took up a second one himself, and went out of the city.

Verse 34 (bhagavata.10.72.34)

ततः समेखले वीरौ संयुक्तावितरेतरम् । जघ्नतुर्वज्रकल्पाभ्यां गदाभ्यां रणदुर्मदौ ॥ 72.34 ॥

tataḥ samekhale vīrau saṁyuktāv itaretaram jaghnatur vajra-kalpābhyāṁ gadābhyāṁ raṇa-durmadau

Then the two heroes, meeting on level ground, intoxicated with the fury of combat, began striking one another with their thunderbolt-like clubs.

Verse 35 (bhagavata.10.72.35)

मण्डलानि विचित्राणि सव्यं दक्षिणमेव च । चरतोः शुशुभे युद्धं नटयोरिव रङ्गिणोः ॥ 72.35 ॥

maṇḍalāni vicitrāṇi savyaṁ dakṣiṇam eva ca caratoḥ śuśubhe yuddhaṁ naṭayor iva raṅgiṇoḥ

Circling each other in wondrous patterns, now left, now right, their combat shone like the performance of two dancers upon a stage.

Verse 36 (bhagavata.10.72.36)

ततश्चटचटाशब्दो वज्रनिष्पेससन्निभः । गदयोः क्षिप्तयो राजन्दन्तयोरिव दन्तिनोः ॥ 72.36 ॥

tataś caṭa-caṭā-śabdo vajra-niṣpesa-sannibhaḥ gadayoḥ kṣiptayo rājan dantayor iva dantinoḥ

Then, O King, the crackling clash of their colliding clubs, resembling the crash of thunderbolts, sounded like the tusks of two battling elephants striking together.

Verse 37 (bhagavata.10.72.37)

ते वै गदे भुजजवेन निपात्यमाने अन्योन्यतोंऽसकटिपादकरोरुजत्रुम् । चूर्णीबभूवतुरुपेत्य यथार्कशाखे संयुध्यतोर्द्विरदयोरिव दीप्तमन्व्योः ॥ 72.37 ॥

te vai gade bhuja-javena nipātyamāne anyonyato ’ṁsa-kaṭi-pāda-karoru-jatrum cūrṇī-babhūvatur upetya yathārka-śākhe saṁyudhyator dviradayor iva dīpta-manvyoḥ

Brought down with the full force of their arms upon each other's shoulders, hips, feet, hands, thighs and collarbones, the two clubs were smashed to pieces, like the branches of arka trees shattered by two enraged elephants locked in combat.

Verse 38 (bhagavata.10.72.38)

इत्थं तयोः प्रहतयोर्गदयोर्नृवीरौ क्रुद्धौ स्वमुष्टिभिरयःस्परशैरपिष्टाम् । शब्दस्तयोः प्रहरतोरिभयोरिवासी- न्निर्घातवज्रपरुषस्तलताडनोत्थः ॥ 72.38 ॥

itthaṁ tayoḥ prahatayor gadayor nṛ-vīrau kruddhau sva-muṣṭibhir ayaḥ-sparaśair apiṣṭām śabdas tayoḥ praharator ibhayor ivāsīn nirghāta-vajra-paruṣas tala-tāḍanotthaḥ

Thus, their clubs shattered, those two heroes among men, now enraged, began pummeling each other with fists hard as iron; the sound of their blows was as harsh as the crash of thunder, like that of two colliding elephants.

Verse 39 (bhagavata.10.72.39)

तयोरेवं प्रहरतोः समशिक्षाबलौजसोः । निर्विशेषमभूद् युद्धमक्षीणजवयोर्नृप ॥ 72.39 ॥

tayor evaṁ praharatoḥ sama-śikṣā-balaujasoḥ nirviśeṣam abhūd yuddham akṣīṇa-javayor nṛpa

As they fought on thus, equally matched in training, strength and vigor, O King, the battle reached no decision, for neither one's energy ever diminished.

Verse 40 (bhagavata.10.72.40)

शत्रोर्जन्ममृती विद्वाञ्जीवितं च जराकृतम् । पार्थमाप्याययन् स्वेन तेजसाचिन्तयद्धरिः ॥ 72.40 ॥

śatror janma-mṛtī vidvāñ jīvitaṁ ca jarā-kṛtam pārtham āpyāyayan svena tejasācintayad dhariḥ

Hari, who knew the secret of His enemy's birth and death, and how his life had come together through the demoness Jara, then reflected on this and infused Bhima with His own divine power.

Verse 41 (bhagavata.10.72.41)

सञ्चिन्त्यारिवधोपायं भीमस्यामोघदर्शनः । दर्शयामास विटपं पाटयन्निव संज्ञया ॥ 72.41 ॥

sañcintyārī-vadhopāyaṁ bhīmasyāmogha-darśanaḥ darśayām āsa viṭapaṁ pāṭayann iva saṁjñayā

Having pondered the means of slaying the enemy, Krishna, whose every glance is unfailing, showed Bhima a sign, tearing a branch in two as if to demonstrate.

Verse 42 (bhagavata.10.72.42)

तद् विज्ञाय महासत्त्वो भीमः प्रहरतां वरः । गृहीत्वा पादयोः शत्रुं पातयामास भूतले ॥ 72.42 ॥

tad vijñāya mahā-sattvo bhīmaḥ praharatāṁ varaḥ gṛhītvā pādayoḥ śatruṁ pātayām āsa bhū-tale

Understanding the sign, the mighty Bhima, foremost among fighters, seized his enemy by the feet and dashed him down upon the ground.

Verse 43 (bhagavata.10.72.43)

एकं पादं पदाक्रम्य दोर्भ्यामन्यं प्रगृह्य सः । गुदतः पाटयामास शाखमिव महागजः ॥ 72.43 ॥

ekam pādaṁ padākramya dorbhyām anyaṁ pragṛhya saḥ gudataḥ pāṭayām āsa śākham iva mahā-gajaḥ

Pressing one of Jarasandha's legs down with his own foot and gripping the other with both hands, Bhima tore him apart from the anus upward, just as a great elephant might split a branch in two.

Verse 44 (bhagavata.10.72.44)

एकपादोरुवृषणकटिपृष्ठस्तनांसके । एकबाह्वक्षिभ्रूकर्णे शकले ददृशुः प्रजाः ॥ 72.44 ॥

eka-pādoru-vṛṣaṇa- kaṭi-pṛṣṭha-stanāṁsake eka-bāhv-akṣi-bhrū-karṇe śakale dadṛśuḥ prajāḥ

The people beheld the two halves of his body — each with a single leg, thigh, testicle, hip, half a back, half a chest, one shoulder, one arm, one eye, one eyebrow and one ear.

Verse 45 (bhagavata.10.72.45)

हाहाकारो महानासीन्निहते मगधेश्वरे । पूजयामासतुर्भीमं परिरभ्य जयाच्युतौ ॥ 72.45 ॥

hāhā-kāro mahān āsīn nihate magadheśvare pūjayām āsatur bhīmaṁ parirabhya jayācyatau

A great cry of lamentation arose at the slaying of the lord of Magadha; and Jaya and Achyuta embraced Bhima and honored him.

Verse 46 (bhagavata.10.72.46)

सहदेवं तत्तनयं भगवान् भूतभावनः । अभ्यषिञ्चदमेयात्मा मगधानां पतिं प्रभुः । मोचयामास राजन्यान्संरुद्धा मागधेन ये ॥ 72.46 ॥

sahadevaṁ tat-tanayaṁ bhagavān bhūta-bhāvanaḥ abhyaṣiñcad ameyātmā magadhānāṁ patiṁ prabhuḥ mocayām āsa rājanyān saṁruddhā māgadhena ye

The Supreme Lord, of immeasurable being and the sustainer of all creatures, then enthroned Jarasandha's son Sahadeva as king of Magadha, and He set free all the kings whom the lord of Magadha had held captive.