The Lord Travels to Indraprastha

Verse 1 (bhagavata.10.71.1)

श्रीशुक उवाच इत्युदीरितमाकर्ण्य देवर्षेरुद्धवोऽब्रवीत् । सभ्यानां मतमाज्ञाय कृष्णस्य च महामतिः ॥ 71.1 ॥

śrī-śuka uvāca ity udīritam ākarṇya devaṛṣer uddhavo ’bravīt sabhyānāṁ matam ājñāya kṛṣṇasya ca mahā-matiḥ

Shukadeva said: Having heard these words spoken by the divine sage, and understanding the intent of both the assembly and Krishna, the wise Uddhava began to speak.

Verse 2 (bhagavata.10.71.2)

श्रीउद्धव उवाच यदुक्तमृषिना देव साचिव्यं यक्ष्यतस्त्वया । कार्यं पैतृष्वस्रेयस्य रक्षा च शरणैषिणाम् ॥ 71.2 ॥

śrī-uddhava uvāca yad uktam ṛṣinā deva sācivyaṁ yakṣyatas tvayā kāryaṁ paitṛ-ṣvasreyasya rakṣā ca śaraṇaiṣiṇām

Shri Uddhava said: O Lord, as the sage has advised, you should render this service to your paternal aunt's son, who is about to perform the sacrifice, and you should also protect those kings who seek your shelter.

Verse 3 (bhagavata.10.71.3)

यष्टव्यं राजसूयेन दिक्चक्रजयिना विभो । अतो जरासुतजय उभयार्थो मतो मम ॥ 71.3 ॥

yaṣṭavyam rājasūyena dik-cakra-jayinā vibho ato jarā-suta-jaya ubhayārtho mato mama

O almighty one, only one who has conquered every quarter of the earth may perform the Rajasuya. Therefore, in my judgment, the conquest of Jarasandha will accomplish both purposes at once.

Verse 4 (bhagavata.10.71.4)

अस्माकं च महानर्थो ह्येतेनैव भविष्यति । यशश्च तव गोविन्द राज्ञो बद्धान् विमुञ्चतः ॥ 71.4 ॥

asmākaṁ ca mahān artho hy etenaiva bhaviṣyati yaśaś ca tava govinda rājño baddhān vimuñcataḥ

By this one act, O Govinda, great good will come to us as well, and you will win fame as the one who freed the captive kings.

Verse 5 (bhagavata.10.71.5)

स वै दुर्विषहो राजा नागायुतसमो बले । बलिनामपि चान्येषां भीमं समबलं विना ॥ 71.5 ॥

sa vai durviṣaho rājā nāgāyuta-samo bale balinām api cānyeṣāṁ bhīmaṁ sama-balaṁ vinā

That king is indeed unbearable, equal in strength to ten thousand elephants; among all the mighty, none but Bhima matches him in power.

Verse 6 (bhagavata.10.71.6)

द्वैरथे स तु जेतव्यो मा शताक्षौहिणीयुतः । ब्राह्मण्योऽभ्यर्थितो विप्रैर्न प्रत्याख्याति कर्हिचित् ॥ 71.6 ॥

dvai-rathe sa tu jetavyo mā śatākṣauhiṇī-yutaḥ brāhmaṇyo ’bhyarthito viprair na pratyākhyāti karhicit

He can be conquered only in one-on-one combat, not when surrounded by his hundred divisions. Being devoted to brahmanas, he never refuses a request made by them.

Verse 7 (bhagavata.10.71.7)

ब्रह्मवेषधरो गत्वा तं भिक्षेत वृकोदरः । हनिष्यति न सन्देहो द्वैरथे तव सन्निधौ ॥ 71.7 ॥

brahma-veṣa-dharo gatvā taṁ bhikṣeta vṛkodaraḥ haniṣyati na sandeho dvai-rathe tava sannidhau

Let Vrikodara go there disguised as a brahmana and beg single combat from him as alms; in your presence he will surely slay him in that duel — of this there is no doubt.

Verse 8 (bhagavata.10.71.8)

निमित्तं परमीशस्य विश्वसर्गनिरोधयोः । हिरण्यगर्भः शर्वश्च कालस्यारूपिणस्तव ॥ 71.8 ॥

nimittaṁ param īśasya viśva-sarga-nirodhayoḥ hiraṇyagarbhaḥ śarvaś ca kālasyārūpiṇas tava

Even Hiranyagarbha and Sharva are but instrumental causes in the creation and dissolution of the universe — instruments of you, the Supreme Lord, who in your unmanifest aspect are Time itself.

Verse 9 (bhagavata.10.71.9)

गायन्ति ते विशदकर्म गृहेषु देव्यो राज्ञां स्वशत्रुवधमात्मविमोक्षणं च । गोप्यश्च कुञ्जरपतेर्जनकात्मजायाः पित्रोश्च लब्धशरणा मुनयो वयं च ॥ 71.9 ॥

gāyanti te viśada-karma gṛheṣu devyo rājñāṁ sva-śatru-vadham ātma-vimokṣaṇaṁ ca gopyaś ca kuñjara-pater janakātmajāyāḥ pitroś ca labdha-śaraṇā munayo vayaṁ ca

In their homes, the noble wives of the kings sing of your radiant deeds — the slaying of their enemy and their own deliverance. The gopis sing of your rescue of the king of elephants, of Janaka's daughter, and of your own parents; and we sages too, who have found shelter in you, sing your glories.

Verse 10 (bhagavata.10.71.10)

जरासन्धवधः कृष्ण भूर्यर्थायोपकल्पते । प्रायः पाकविपाकेन तव चाभिमतः क्रतुः ॥ 71.10 ॥

jarāsandha-vadhaḥ kṛṣṇa bhūry-arthāyopakalpate prāyaḥ pāka-vipākena tava cābhimataḥ kratuḥ

O Krishna, the death of Jarasandha will serve a great many purposes. Indeed, coming as the fitting fruit of his own past deeds, it will also bring about the very sacrifice that you desire.

Verse 11 (bhagavata.10.71.11)

श्रीशुक उवाच इत्युद्धववचो राजन् सर्वतोभद्रमच्युतम् । देवर्षिर्यदुवृद्धाश्च कृष्णश्च प्रत्यपूजयन् ॥ 71.11 ॥

śrī-śuka uvāca ity uddhava-vaco rājan sarvato-bhadram acyutam devarṣir yadu-vṛddhāś ca kṛṣṇaś ca pratyapūjayan

Shukadeva said: O King, hearing this speech of Uddhava — wholly auspicious and unfailing — the divine sage Narada, the elders of the Yadu clan, and Krishna Himself all honored it.

Verse 12 (bhagavata.10.71.12)

अथादिशत् प्रयाणाय भगवान् देवकीसुतः । भृत्यान् दारुकजैत्रादीननुज्ञाप्य गुरून् विभुः ॥ 71.12 ॥

athādiśat prayāṇāya bhagavān devakī-sutaḥ bhṛtyān dāruka-jaitrādīn anujñāpya gurūn vibhuḥ

Thereafter the mighty Lord, son of Devaki, having taken leave of His elders, ordered His servants headed by Daruka and Jaitra to prepare for the journey.

Verse 13 (bhagavata.10.71.13)

निर्गमय्यावरोधान्स्वान् ससुतान्सपरिच्छदान् । सङ्कर्षणमनुज्ञाप्य यदुराजं च शत्रुहन् । सूतोपनीतं स्वरथमारुहद् गरुडध्वजम् ॥ 71.13 ॥

nirgamayyāvarodhān svān sa-sutān sa-paricchadān saṅkarṣaṇam anujñāpya yadu-rājaṁ ca śatru-han sūtopanītaṁ sva-ratham āruhad garuḍa-dhvajam

O slayer of enemies, having first sent forth His queens with their children and belongings, and having taken leave of Sankarshana and the Yadu king, the Lord mounted His own chariot, marked with the banner of Garuda, which His charioteer had brought.

Verse 14 (bhagavata.10.71.14)

ततो रथद्विपभटसादिनायकैः करालया परिवृत आत्मसेनया । मृदङ्गभेर्यानकशङ्खगोमुखैः प्रघोषघोषितककुभो निरक्रमत् ॥ 71.14 ॥

tato ratha-dvipa-bhaṭa-sādi-nāyakaiḥ karālayā parivṛta ātma-senayā mṛdaṅga-bhery-ānaka-śaṅkha-gomukhaiḥ praghoṣa-ghoṣita-kakubho nirakramat

Then, surrounded by His formidable personal army with its commanders of chariots, elephants, infantry and cavalry, the Lord set forth, the horizons resounding with the tumultuous din of mridangas, bheris, anakas, conches and gomukha horns.

Verse 15 (bhagavata.10.71.15)

नृवाजिकाञ्चनशिबिकाभिरच्युतं सहात्मजाः पतिमनु सुव्रता ययुः । वराम्बराभरणविलेपनस्रजः सुसंवृता नृभिरसिचर्मपाणिभिः ॥ 71.15 ॥

nṛ-vāji-kāñcana-śibikābhir acyutaṁ sahātmajāḥ patim anu su-vratā yayuḥ varāmbarābharaṇa-vilepana-srajaḥ su-saṁvṛtā nṛbhir asi-carma-pāṇibhiḥ

The devoted queens, together with their children, followed their lord Achyuta on golden palanquins; adorned with fine garments, ornaments, fragrant unguents and garlands, and closely guarded by men bearing swords and shields.

Verse 16 (bhagavata.10.71.16)

नरोष्ट्रगोमहिषखराश्वतर्यनः- करेणुभिः परिजनवारयोषितः । स्वलङ्कृताः कटकुटिकम्बलाम्बरा- द्युपस्करा ययुरधियुज्य सर्वतः ॥ 71.16 ॥

naroṣṭra-go-mahiṣa-kharāśvatary-anaḥ kareṇubhiḥ parijana-vāra-yoṣitaḥ sv-alaṅkṛtāḥ kaṭa-kuṭi-kambalāmbarādy- upaskarā yayur adhiyujya sarvataḥ

Mounted on men, camels, cows, buffalo, donkeys, mules, carts and she-elephants, the finely adorned female attendants and courtesans traveled on every side, their conveyances laden with mats, tents, blankets, garments and other baggage.

Verse 17 (bhagavata.10.71.17)

बलं बृहद्ध्वजपटछत्रचामरै- र्वरायुधाभरणकिरीटवर्मभिः । दिवांशुभिस्तुमुलरवं बभौ रवे- र्यथार्णवः क्षुभिततिमिङ्गिलोर्मिभिः ॥ 71.17 ॥

balaṁ bṛhad-dhvaja-paṭa-chatra-cāmarair varāyudhābharaṇa-kirīṭa-varmabhiḥ divāṁśubhis tumula-ravaṁ babhau raver yathārṇavaḥ kṣubhita-timiṅgilormibhiḥ

With its towering flags, cloth banners, umbrellas and yak-tail fans, and adorned with fine weapons, jewelry, crowns and armor, the army, resounding with tumultuous noise, shone in the sun's rays like an ocean churned up with agitated whales and waves.

Verse 18 (bhagavata.10.71.18)

अथो मुनिर्यदुपतिना सभाजितः प्रणम्य तं हृदि विदधद् विहायसा । निशम्य तद्व्यवसितमाहृतार्हणो मुकुन्दसन्दरशननिर्वृतेन्द्रियः ॥ 71.18 ॥

atho munir yadu-patinā sabhājitaḥ praṇamya taṁ hṛdi vidadhad vihāyasā niśamya tad-vyavasitam āhṛtārhaṇo mukunda-sandaraśana-nirvṛtendriyaḥ

Then the sage, honored by the lord of the Yadus, bowed down to Him and, holding Him in his heart, departed through the sky. Having heard the Lord's decision and having been duly worshiped, his very senses found fulfillment in the sight of Mukunda.

Verse 19 (bhagavata.10.71.19)

राजदूतमुवाचेदं भगवान् प्रीणयन् गिरा । मा भैष्ट दूत भद्रं वो घातयिष्यामि मागधम् ॥ 71.19 ॥

rāja-dūtam uvācedaṁ bhagavān prīṇayan girā mā bhaiṣṭa dūta bhadraṁ vo ghātayiṣyāmi māgadham

Pleasing him with gentle words, the Lord spoke thus to the messenger of the kings: "Do not fear, O messenger; may all be well with you. I shall bring about the death of the king of Magadha."

Verse 20 (bhagavata.10.71.20)

इत्युक्तः प्रस्थितो दूतो यथावदवदन्नृपान् । तेऽपि सन्दर्शनं शौरेः प्रत्यैक्षन् यन्मुमुक्षवः ॥ 71.20 ॥

ity uktaḥ prasthito dūto yathā-vad avadan nṛpān te ’pi sandarśanaṁ śaureḥ pratyaikṣan yan mumukṣavaḥ

Thus addressed, the messenger departed and duly related the news to the kings, who, longing for liberation, then waited eagerly for the sight of Shauri.

Verse 21 (bhagavata.10.71.21)

आनर्तसौवीरमरूंस्तीर्त्वा विनशनं हरिः । गिरीन् नदीरतीयाय पुरग्रामव्रजाकरान् ॥ 71.21 ॥

ānarta-sauvīra-marūṁs tīrtvā vinaśanaṁ hariḥ girīn nadīr atīyāya pura-grāma-vrajākarān

Having crossed Anarta, Sauvira, the desert lands and Vinashana, Hari passed over mountains and rivers, and through cities, villages, pasturing-grounds and mines.

Verse 22 (bhagavata.10.71.22)

ततो दृषद्वतीं तीर्त्वा मुकुन्दोऽथ सरस्वतीम् । पञ्चालानथ मत्स्यांश्च शक्रप्रस्थमथागमत् ॥ 71.22 ॥

tato dṛṣadvatīṁ tīrtvā mukundo ’tha sarasvatīm pañcālān atha matsyāṁś ca śakra-prastham athāgamat

Then, having crossed the rivers Drishadvati and Sarasvati, Mukunda passed through the lands of Panchala and Matsya and arrived at Shakraprastha.

Verse 23 (bhagavata.10.71.23)

तमुपागतमाकर्ण्य प्रीतो दुर्दर्शनं नृणाम् । अजातशत्रुर्निरगात् सोपध्यायः सुहृद्वृतः ॥ 71.23 ॥

tam upāgatam ākarṇya prīto durdarśanaṁ nṛnām ajāta-śatrur niragāt sopadhyāyaḥ suhṛd-vṛtaḥ

Hearing that He, so rarely seen by men, had arrived, the joyful Ajatashatru went forth, accompanied by his priests and surrounded by his well-wishers.

Verse 24 (bhagavata.10.71.24)

गीतवादित्रघोषेण ब्रह्मघोषेण भूयसा । अभ्ययात्स हृषीकेशं प्राणाः प्राणमिवादृतः ॥ 71.24 ॥

gīta-vāditra-ghoṣeṇa brahma-ghoṣeṇa bhūyasā abhyayāt sa hṛṣīkeśaṁ prāṇāḥ prāṇam ivādṛtaḥ

Amid the sound of songs and instruments and the abundant chanting of Vedic hymns, he advanced toward Hrishikesha with the greatest reverence, as the vital airs rush forth to meet life itself.

Verse 25 (bhagavata.10.71.25)

दृष्ट्वा विक्लिन्नहृदयः कृष्णं स्नेहेन पाण्डवः । चिराद् दृष्टं प्रियतमं सस्वजेऽथ पुनः पुनः ॥ 71.25 ॥

dṛṣṭvā viklinna-hṛdayaḥ kṛṣṇaṁ snehena pāṇḍavaḥ cirād dṛṣṭaṁ priyatamaṁ sasvaje ’tha punaḥ punaḥ

Seeing Krishna, the heart of the Pandava melted with love; having beheld his dearest one after so long a separation, he embraced Him again and again.

Verse 26 (bhagavata.10.71.26)

दोर्भ्यां परिष्वज्य रमामलालयं मुकुन्दगात्रं नृपतिर्हताशुभः । लेभे परां निर्वृतिमश्रुलोचनो हृष्यत्तनुर्विस्मृतलोकविभ्रमः ॥ 71.26 ॥

dorbhyāṁ pariṣvajya ramāmalālayaṁ mukunda-gātraṁ nṛ-patir hatāśubhaḥ lebhe parāṁ nirvṛtim aśru-locano hṛṣyat-tanur vismṛta-loka-vibhramaḥ

Embracing with both arms the form of Mukunda, the immaculate abode of the goddess Rama, the king, freed from all misfortune, attained supreme bliss; tears filled his eyes, his body thrilled with ecstasy, and he forgot entirely the illusion of the world.

Verse 27 (bhagavata.10.71.27)

तं मातुलेयं परिरभ्य निर्वृतो भीमः स्मयन् प्रेमजलाकुलेन्द्रियः । यमौ किरीटी च सुहृत्तमं मुदा प्रवृद्धबाष्पाः परिरेभिरेऽच्युतम् ॥ 71.27 ॥

taṁ mātuleyaṁ parirabhya nirvṛto bhīmaḥ smayan prema-jalākulendriyaḥ yamau kirīṭī ca suhṛttamaṁ mudā pravṛddha-bāṣpāḥ parirebhire ’cyutam

Bhima, overjoyed, smiled as he embraced his maternal cousin, his senses overwhelmed with tears of love; the twins and Kiriti too joyfully embraced their dearest friend Achyuta, their tears flowing freely.

Verse 28 (bhagavata.10.71.28)

अर्जुनेन परिष्वक्तो यमाभ्यामभिवादितः । ब्राह्मणेभ्यो नमस्कृत्य वृद्धेभ्यश्च यथार्हतः । मानिनो मानयामास कुरुसृञ्जयकैकयान् ॥ 71.28 ॥

arjunena pariṣvakto yamābhyām abhivāditaḥ brāhmaṇebhyo namaskṛtya vṛddhebhyaś ca yathārhataḥ mānino mānayām āsa kuru-sṛñjaya-kaikayān

Embraced by Arjuna and greeted by the twins, and having duly bowed to the brahmanas and elders present, Krishna, Himself worthy of all honor, in turn honored the proud nobles of the Kuru, Srinjaya and Kaikaya clans.

Verse 29 (bhagavata.10.71.29)

सूतमागधगन्धर्वा वन्दिनश्चोपमन्त्रिणः । मृदङ्गशङ्खपटहवीणापणवगोमुखैः । ब्राह्मणाश्चारविन्दाक्षं तुष्टुवुर्ननृतुर्जगुः ॥ 71.29 ॥

sūta-māgadha-gandharvā vandinaś copamantriṇaḥ mṛdaṅga-śaṅkha-paṭaha vīṇā-paṇava-gomukhaiḥ brāhmaṇāś cāravindākṣaṁ tuṣṭuvur nanṛtur jaguḥ

Sutas, Magadhas, Gandharvas, court bards and counselors, together with the sound of mridangas, conches, drums, vinas, panavas and gomukhas, and the brahmanas as well, glorified the lotus-eyed Lord — some dancing, some singing His praise.

Verse 30 (bhagavata.10.71.30)

एवं सुहृद्भिः पर्यस्तः पुण्यश्लोकशिखामणिः । संस्तूयमानो भगवान् विवेशालङ्कृतं पुरम् ॥ 71.30 ॥

evaṁ suhṛdbhiḥ paryastaḥ puṇya-śloka-śikhāmaṇiḥ saṁstūyamāno bhagavān viveśālaṅkṛtaṁ puram

Thus surrounded by His well-wishers and praised on every side, the Lord, the crest-jewel among those of pure and celebrated renown, entered the beautifully adorned city.

Verse 31 (bhagavata.10.71.31)

संसिक्तवर्त्म करिणां मदगन्धतोयै- श्चित्रध्वजैः कनकतोरणपूर्णकुम्भैः । मृष्टात्मभिर्नवदुकूलविभूषणस्रग्- गन्धैर्नृभिर्युवतिभिश्च विराजमानम् ॥ 71.31 ॥

saṁsikta-vartma kariṇāṁ mada-gandha-toyaiś citra-dhvajaiḥ kanaka-toraṇa-pūrṇa-kumbhaiḥ mṛṣṭātmabhir nava-dukūla-vibhūṣaṇa-srag- gandhair nṛbhir yuvatibhiś ca virājamānam

Its roadways sprinkled with water fragrant with the ichor from elephants' temples, and adorned with colorful flags, golden festive arches and brimming water-pots, the city gleamed with men and young women beautifully arrayed in fresh garments, ornaments, garlands and fragrant scents.

Verse 32 (bhagavata.10.71.32)

उद्दीप्तदीपबलिभिः प्रतिसद्मजाल- निर्यातधूपरुचिरं विलसत्पताकम् । मूर्धन्यहेमकलशै रजतोरुशृङ्गै- र्जुष्टं ददर्श भवनैः कुरुराजधाम ॥ 71.32 ॥

uddīpta-dīpa-balibhiḥ prati-sadma jāla niryāta-dhūpa-ruciraṁ vilasat-patākam mūrdhanya-hema-kalaśai rajatoru-śṛṅgair juṣṭaṁ dadarśa bhavanaiḥ kuru-rāja-dhāma

Bright with glowing lamps and offerings at every threshold, charming with the fragrance of incense drifting from the latticed windows, and crowned with golden pinnacles rising from broad silver bases — thus Krishna beheld the royal abode of the King of the Kurus.

Verse 33 (bhagavata.10.71.33)

प्राप्तं निशम्य नरलोचनपानपात्र- मौत्सुक्यविश्लथितकेशदुकूलबन्धाः । सद्यो विसृज्य गृहकर्म पतींश्च तल्पे द्रष्टुं ययुर्युवतयः स्म नरेन्द्रमार्गे ॥ 71.33 ॥

prāptaṁ niśamya nara-locana-pāna-pātram autsukya-viślathita-keśa-dukūla-bandhāḥ sadyo visṛjya gṛha-karma patīṁś ca talpe draṣṭuṁ yayur yuvatayaḥ sma narendra-mārge

Hearing that He who is a vessel of delight for human eyes had arrived, the young women — the knots of their hair and garments coming loose in their eagerness — at once abandoned their household chores, leaving even their husbands still in bed, and hurried out onto the royal road to see Him.

Verse 34 (bhagavata.10.71.34)

तस्मिन् सुसङ्कुल इभाश्वरथद्विपद्भिः कृष्णं सभार्यमुपलभ्य गृहाधिरूढाः । नार्यो विकीर्य कुसुमैर्मनसोपगुह्य सुस्वागतं विदधुरुत्स्मयवीक्षितेन ॥ 71.34 ॥

tasmin su-saṅkula ibhāśva-ratha-dvipadbhiḥ kṛṣṇam sa-bhāryam upalabhya gṛhādhirūḍhāḥ nāryo vikīrya kusumair manasopaguhya su-svāgataṁ vidadhur utsmaya-vīkṣitena

The royal road being densely crowded with elephants, horses, chariots and foot soldiers, the women climbed to the rooftops of their houses; catching sight of Krishna together with His queen, they scattered flowers, embraced Him in their hearts, and welcomed Him warmly with wondering, smiling glances.

Verse 35 (bhagavata.10.71.35)

ऊचुः स्त्रियः पथि निरीक्ष्य मुकुन्दपत्नी- स्तारा यथोडुपसहाः किमकार्यमूभिः । यच्चक्षुषां पुरुषमौलिरुदारहास- लीलावलोककलयोत्सवमातनोति ॥ 71.35 ॥

ūcuḥ striyaḥ pathi nirīkṣya mukunda-patnīs tārā yathoḍupa-sahāḥ kim akāry amūbhiḥ yac cakṣuṣāṁ puruṣa-maulir udāra-hāsa līlāvaloka-kalayotsavam ātanoti

Seeing on the road the wives of Mukunda, like stars accompanying the moon, the women exclaimed: "What have these women done, that the crest-jewel among men grants to their eyes this festival of His generous smile and playful glance?"

Verse 36 (bhagavata.10.71.36)

तत्र तत्रोपसङ्गम्य पौरा मङ्गलपाणयः । चक्रुः सपर्यां कृष्णाय श्रेणीमुख्या हतैनसः ॥ 71.36 ॥

tatra tatropasaṅgamya paurā maṅgala-pāṇayaḥ cakruḥ saparyāṁ kṛṣṇāya śreṇī-mukhyā hatainasaḥ

Here and there the citizens came forward, auspicious offerings in hand; the sinless chiefs of the merchant guilds performed worship of Krishna.

Verse 37 (bhagavata.10.71.37)

अन्तःपुरजनैः प्रीत्या मुकुन्दः फुल्ललोचनैः । ससम्भ्रमैरभ्युपेतः प्राविशद् राजमन्दिरम् ॥ 71.37 ॥

antaḥ-pura-janaiḥ prītyā mukundaḥ phulla-locanaiḥ sa-sambhramair abhyupetaḥ prāviśad rāja-mandiram

Welcomed with love and eager delight by the wide-eyed women of the inner household, Mukunda entered the royal palace.

Verse 38 (bhagavata.10.71.38)

पृथा विलोक्य भ्रात्रेयं कृष्णं त्रिभुवनेश्वरम् । प्रीतात्मोत्थाय पर्यङ्कात् सस्नुषा परिषस्वजे ॥ 71.38 ॥

pṛthā vilokya bhrātreyaṁ kṛṣṇaṁ tri-bhuvaneśvaram prītātmotthāya paryaṅkāt sa-snuṣā pariṣasvaje

Seeing her nephew Krishna, lord of the three worlds, Pritha's heart filled with love; rising from her couch together with her daughter-in-law, she embraced Him.

Verse 39 (bhagavata.10.71.39)

गोविन्दं गृहमानीय देवदेवेशमादृतः । पूजायां नाविदत्कृत्यं प्रमोदोपहतो नृपः ॥ 71.39 ॥

govindaṁ gṛham ānīya deva-deveśam ādṛtaḥ pūjāyāṁ nāvidat kṛtyaṁ pramodopahato nṛpaḥ

Bringing Govinda, the God of gods, into his home with the greatest reverence, the King, overwhelmed with joy, could not recall what rites of worship to perform.

Verse 40 (bhagavata.10.71.40)

पितृष्वसुर्गुरुस्त्रीणां कृष्णश्चक्रेऽभिवादनम् । स्वयं च कृष्णया राजन्भगिन्या चाभिवन्दितः ॥ 71.40 ॥

pitṛ-svasur guru-strīṇāṁ kṛṣṇaś cakre ’bhivādanam svayaṁ ca kṛṣṇayā rājan bhaginyā cābhivanditaḥ

Krishna bowed down to His paternal aunt and to the wives of the elders; and He Himself, O King, was in turn greeted by Krishna and by His own sister.

Verse 41 (bhagavata.10.71.41)

श्वश्र्वा सञ्चोदिता कृष्णा कृष्णपत्नीश्च सर्वशः । आनर्च रुक्मिणीं सत्यां भद्रां जाम्बवतीं तथा ॥ 71.41 ॥

śvaśṛvā sañcoditā kṛṣṇā kṛṣṇa-patnīś ca sarvaśaḥ ānarca rukmiṇīṁ satyāṁ bhadrāṁ jāmbavatīṁ tathā

At her mother-in-law's urging, Draupadi honored, one by one, all of Krishna's queens — Rukmini, Satya, Bhadra, and Jambavati as well.

Verse 42 (bhagavata.10.71.42)

कालिन्दीं मित्रविन्दां च शैब्यां नाग्नजितीं सतीम् । अन्याश्चाभ्यागता यास्तु वासःस्रङ्मण्डनादिभिः ॥ 71.42 ॥

kālindīṁ mitravindāṁ ca śaibyāṁ nāgnajitīṁ satīm anyāś cābhyāgatā yās tu vāsaḥ-sraṅ-maṇḍanādibhiḥ

And Kalindi, Mitravinda, Shaibya and the chaste Nagnajiti; and the other queens who were present as well — all were honored with gifts of garments, garlands, ornaments and the like.

Verse 43 (bhagavata.10.71.43)

सुखं निवासयामास धर्मराजो जनार्दनम् । ससैन्यं सानुगामत्यं सभार्यं च नवं नवम् ॥ 71.43 ॥

sukhaṁ nivāsayām āsa dharma-rājo janārdanam sa-sainyaṁ sānugāmatyaṁ sa-bhāryaṁ ca navaṁ navam

The King of Dharma happily lodged Janardana, together with His army, attendants, ministers and queen, offering fresh comforts and hospitality anew each day.

Verse 44 (bhagavata.10.71.44)

तर्पयित्वा खाण्डवेन वह्निं फाल्गुनसंयुतः । मोचयित्वा मयं येन राज्ञे दिव्या सभा कृता ॥ 71.44 ॥

tarpayitvā khāṇḍavena vahniṁ phālguna-saṁyutaḥ mocayitvā mayaṁ yena rājñe divyā sabhā kṛtā

Together with Phalguna, He satisfied the fire-god Vahni with the Khandava forest, and delivered Maya Danava from that fire, who in turn built a celestial assembly hall for the King.

Verse 45 (bhagavata.10.71.45)

उवास कतिचिन्मासान् राज्ञः प्रियचिकीर्षया । विहरन् रथमारुह्य फाल्गुनेन भटैर्वृतः ॥ 71.45 ॥

uvāsa katicin māsān rājñaḥ priya-cikīrṣayā viharan ratham āruhya phālgunena bhaṭair vṛtaḥ

Desiring to please the King, He remained there for some months, riding out to enjoy Himself on His chariot with Phalguna, surrounded by soldiers.