Duryodhana Humiliated

Verse 1 (bhagavata.10.75.1)

श्रीराजोवाच अजातशत्रोस्तं दृष्ट्वा राजसूयमहोदयम् । सर्वे मुमुदिरे ब्रह्मन् नृदेवा ये समागताः ॥ 75.1 ॥

śrī-rājovāca ajāta-śatros tam dṛṣṭvā rājasūya-mahodayam sarve mumudire brahman nṛ-devā ye samāgatāḥ

Shri the King said: O brahmana, seeing that great festival of Ajatashatru's Rajasuya sacrifice, all the kings and gods who had gathered there rejoiced.

Verse 2 (bhagavata.10.75.2)

दुर्योधनं वर्जयित्वा राजानः सर्षयः सुराः । इति श्रुतं नो भगवंस्तत्र कारणमुच्यताम् ॥ 75.2 ॥

duryodhanaṁ varjayitvā rājānaḥ sarṣayaḥ surāḥ iti śrutaṁ no bhagavaṁs tatra kāraṇam ucyatām

— except for Duryodhana, among all the kings, sages and gods — so I have heard, O Lord; please tell me the reason for this.

Verse 3 (bhagavata.10.75.3)

श्रीबादरायणिरुवाच पितामहस्य ते यज्ञे राजसूये महात्मनः । बान्धवाः परिचर्यायां तस्यासन्प्रेमबन्धनाः ॥ 75.3 ॥

śrī-bādarāyaṇir uvāca pitāmahasya te yajñe rājasūye mahātmanaḥ bāndhavāḥ paricaryāyāṁ tasyāsan prema-bandhanāḥ

Shri Badarayani said: At the Rajasuya sacrifice of your great-souled grandfather, his kinsmen, bound by ties of love, engaged themselves in service to him.

Verse 4 (bhagavata.10.75.4)

भीमो महानसाध्यक्षो धनाध्यक्षः सुयोधनः । सहदेवस्तु पूजायां नकुलो द्रव्यसाधने ॥ 75.4 ॥

bhīmo mahānasādhyakṣo dhanādhyakṣaḥ suyodhanaḥ sahadevas tu pūjāyāṁ nakulo dravya-sādhane

Bhima presided over the kitchen, Suyodhana over the treasury; Sahadeva attended to the honoring of guests, and Nakula to procuring the necessary goods.

Verse 5 (bhagavata.10.75.5)

गुरुशुश्रूषणे जिष्णुः कृष्णः पादावनेजने । परिवेषणे द्रुपदजा कर्णो दाने महामनाः ॥ 75.5 ॥

guru-śuśrūṣaṇe jiṣṇuḥ kṛṣṇaḥ pādāvanejane pariveṣaṇe drupada-jā karṇo dāne mahā-manāḥ

Jishnu attended upon the elders, Krishna washed the feet of the guests; the daughter of Drupada served the food, and the noble-hearted Karna distributed gifts.

Verse 6 (bhagavata.10.75.6)

युयुधानो विकर्णश्च हार्दिक्यो विदुरादयः । बाह्लीकपुत्रा भूर्याद्या ये च सन्तर्दनादयः ॥ 75.6 ॥

yuyudhāno vikarṇaś ca hārdikyo vidurādayaḥ bāhlīka-putrā bhūry-ādyā ye ca santardanādayaḥ

Yuyudhana, Vikarna, Hardikya, Vidura and others, the sons of Bahlika, Bhuri and the rest, and Santardana and others besides —

Verse 7 (bhagavata.10.75.7)

निरूपिता महायज्ञे नानाकर्मसु ते तदा । प्रवर्तन्ते स्म राजेन्द्र राज्ञः प्रियचिकीर्षवः ॥ 75.7 ॥

nirūpitā mahā-yajñe nānā-karmasu te tadā pravartante sma rājendra rājñaḥ priya-cikīrṣavaḥ

— were each appointed, O lord of kings, to various tasks at that great sacrifice, and, eager to please the King, they all applied themselves diligently to their duties.

Verse 8 (bhagavata.10.75.8)

ऋत्विक्सदस्यबहुवित्सु सुहृत्तमेषु स्विष्टेषु सूनृतसमर्हणदक्षिणाभिः । चैद्ये च सात्वतपतेश्चरणं प्रविष्टे चक्रुस्ततस्त्ववभृथस्नपनं द्युनद्याम् ॥ 75.8 ॥

ṛtvik-sadasya-bahu-vitsu suhṛttameṣu sv-iṣṭeṣu sūnṛta-samarhaṇa-dakṣiṇābhiḥ caidye ca sātvata-pateś caraṇaṁ praviṣṭe cakrus tatas tv avabhṛtha-snapanaṁ dyu-nadyām

When the priests, the assembly members, the most learned ones and the King's dearest friends had all been well satisfied with gracious words and honoring gifts, and when the king of Chedi had merged into the feet of the Lord of the Satvatas, they then performed the avabhritha bath in the celestial river.

Verse 9 (bhagavata.10.75.9)

मृदङ्गशङ्खपणवधुन्धुर्यानकगोमुखाः । वादित्राणि विचित्राणि नेदुरावभृथोत्सवे ॥ 75.9 ॥

mṛdaṅga-śaṅkha-paṇava- dhundhury-ānaka-gomukhāḥ vāditrāṇi vicitrāṇi nedur āvabhṛthotsave

Mridangas, conches, panavas, dhundhuris, kettledrums and gomukhas — countless wondrous instruments resounded at that avabhritha festival.

Verse 10 (bhagavata.10.75.10)

नार्तक्यो ननृतुर्हृष्टा गायका यूथशो जगुः । वीणावेणुतलोन्नादस्तेषां स दिवमस्पृशत् ॥ 75.10 ॥

nārtakyo nanṛtur hṛṣṭā gāyakā yūthaśo jaguḥ vīṇā-veṇu-talonnādas teṣāṁ sa divam aspṛśat

The joyful dancing girls danced, and the singers sang in groups; the resounding music of their vinas, flutes and cymbals seemed to touch the very sky.

Verse 11 (bhagavata.10.75.11)

चित्रध्वजपताकाग्रैरिभेन्द्रस्यन्दनार्वभिः । स्वलङ्कृतैर्भटैर्भूपा निर्ययू रुक्ममालिनः ॥ 75.11 ॥

citra-dhvaja-patākāgrair ibhendra-syandanārvabhiḥ sv-alaṅkṛtair bhaṭair bhūpā niryayū rukma-mālinaḥ

With colorful flags and banners fluttering at their tips, accompanied by lordly elephants, chariots and horses, and by finely adorned soldiers, the gold-garlanded kings set forth.

Verse 12 (bhagavata.10.75.12)

यदुसृञ्जयकाम्बोजकुरुकेकयकोशलाः । कम्पयन्तो भुवं सैन्यैर्यजमानपुरःसराः ॥ 75.12 ॥

yadu-sṛñjaya-kāmboja- kuru-kekaya-kośalāḥ kampayanto bhuvaṁ sainyair yayamāna-puraḥ-sarāḥ

The Yadus, Srinjayas, Kambojas, Kurus, Kekayas and Koshalas, making the earth tremble beneath their armies, marched ahead of the sacrifice's performer.

Verse 13 (bhagavata.10.75.13)

सदस्यर्त्विग्द्विजश्रेष्ठा ब्रह्मघोषेणभूयसा । देवर्षिपितृगन्धर्वास्तुष्टुवुः पुष्पवर्षिणः ॥ 75.13 ॥

sadasyartvig-dvija-śreṣṭhā brahma-ghoṣeṇa bhūyasā devarṣi-pitṛ-gandharvās tuṣṭuvuḥ puṣpa-varṣiṇaḥ

The assembly members, priests and the foremost among the twice-born chanted Vedic hymns in abundance, while the gods, divine sages, ancestors and Gandharvas praised him, showering down flowers.

Verse 14 (bhagavata.10.75.14)

स्वलङ्कृता नरा नार्यो गन्धस्रग्भूषणाम्बरैः । विलिम्पन्त्योऽभिसिञ्चन्त्यो विजह्रुर्विविधै रसैः ॥ 75.14 ॥

sv-alaṇkṛtā narā nāryo gandha-srag-bhūṣaṇāmbaraiḥ vilimpantyo ’bhisiñcantyo vijahrur vividhai rasaiḥ

Men and women, elegantly adorned with fragrances, garlands, jewelry and fine garments, sported together, smearing and sprinkling one another with various fragrant essences.

Verse 15 (bhagavata.10.75.15)

तैलगोरसगन्धोदहरिद्रासान्द्रकुङ्कुमैः । पुम्भिर्लिप्ताः प्रलिम्पन्त्यो विजह्रुर्वारयोषितः ॥ 75.15 ॥

taila-gorasa-gandhoda- haridrā-sāndra-kuṅkumaiḥ pumbhir liptāḥ pralimpantyo vijahrur vāra-yoṣitaḥ

Smeared by the men with oil, curds, perfumed water, turmeric and thick kumkum, the courtesans, smearing them in turn, joined playfully in the sport.

Verse 16 (bhagavata.10.75.16)

गुप्ता नृभिर्निरगमन्नुपलब्धुमेतद् देव्यो यथा दिवि विमानवरैर्नृदेव्यो । ता मातुलेयसखिभिः परिषिच्यमानाः सव्रीडहासविकसद्वदना विरेजुः ॥ 75.16 ॥

guptā nṛbhir niragamann upalabdhum etad devyo yathā divi vimāna-varair nṛ-devyo tā mātuleya-sakhibhiḥ pariṣicyamānāḥ sa-vrīḍa-hāsa-vikasad-vadanā virejuḥ

Guarded by their attendants, the queens came out to watch, like the wives of the gods appearing in the sky in their splendid celestial cars; sprinkled by their husbands' cousins and friends, their faces blossoming with bashful smiles, they shone in radiant beauty.

Verse 17 (bhagavata.10.75.17)

ता देवरानुत सखीन् सिषिचुर्दृतीभिः क्लिन्नाम्बरा विवृतगात्रकुचोरुमध्याः । औत्सुक्यमुक्तकवराच्च्यवमानमाल्याः क्षोभं दधुर्मलधियां रुचिरैर्विहारैः ॥ 75.17 ॥

tā devarān uta sakhīn siṣicur dṛtībhiḥ klinnāmbarā vivṛta-gātra-kucoru-madhyāḥ autsukya-mukta-kavarāc cyavamāna-mālyāḥ kṣobhaṁ dadhur mala-dhiyāṁ rucirair vihāraiḥ

They too sprinkled their brothers-in-law and friends with water from their bags; their soaked garments clung, revealing their limbs, breasts, thighs and waists, and garlands slipped from hair loosened in their excitement — by these charming sports they stirred the hearts of those whose minds were impure.

Verse 18 (bhagavata.10.75.18)

स सम्राड् रथमारुढः सदश्वं रुक्ममालिनम् । व्यरोचत स्वपत्नीभिः क्रियाभिः क्रतुराडिव ॥ 75.18 ॥

sa samrāḍ ratham āruḍhaḥ sad-aśvaṁ rukma-mālinam vyarocata sva-patnībhiḥ kriyābhiḥ kratu-rāḍ iva

The emperor, riding his chariot drawn by fine gold-garlanded horses, shone forth with his queens, resplendent as the king of sacrifices himself amid its own rites.

Verse 19 (bhagavata.10.75.19)

पत्नीसंयाजावभृथ्यैश्चरित्वा ते तमृत्विजः । आचान्तं स्नापयां चक्रुर्गङ्गायां सह कृष्णया ॥ 75.19 ॥

patnī-samyājāvabhṛthyaiś caritvā te tam ṛtvijaḥ ācāntaṁ snāpayāṁ cakrur gaṅgāyāṁ saha kṛṣṇayā

Having performed for him the patni-samyaja and avabhrithya rites, the priests then, after he had duly sipped water, had him bathe in the Ganga together with Krishna [Draupadi].

Verse 20 (bhagavata.10.75.20)

देवदुन्दुभयो नेदुर्नरदुन्दुभिभिः समम् । मुमुचुः पुष्पवर्षाणि देवर्षिपितृमानवाः ॥ 75.20 ॥

deva-dundubhayo nedur nara-dundubhibhiḥ samam mumucuḥ puṣpa-varṣāṇi devarṣi-pitṛ-mānavāḥ

The kettledrums of the gods resounded together with the drums of men; gods, sages, ancestors and men all rained down showers of flowers.

Verse 21 (bhagavata.10.75.21)

सस्नुस्तत्र ततः सर्वे वर्णाश्रमयुता नराः । महापातक्यपि यतः सद्यो मुच्येत किल्बिषात् ॥ 75.21 ॥

sasnus tatra tataḥ sarve varṇāśrama-yutā narāḥ mahā-pātaky api yataḥ sadyo mucyeta kilbiṣāt

There all the people, of every varna and ashrama, then bathed — for even the greatest sinner is instantly freed there from all sin.

Verse 22 (bhagavata.10.75.22)

अथ राजाहते क्षौमे परिधाय स्वलङ्कृतः । ऋत्विक्सदस्यविप्रादीनानर्चाभरणाम्बरैः ॥ 75.22 ॥

atha rājāhate kṣaume paridhāya sv-alaṅkṛtaḥ ṛtvik-sadasya-viprādīn ānarcābharaṇāmbaraiḥ

Then the King, having put on fresh silken garments and adorned himself, honored the priests, the assembly members, the brahmanas and all the rest with ornaments and garments.

Verse 23 (bhagavata.10.75.23)

बन्धूञ्ज्ञातीन् नृपान् मित्रसुहृदोऽन्यांश्च सर्वशः । अभीक्ष्णं पूजयामास नारायणपरो नृपः ॥ 75.23 ॥

bandhūñ jñātīn nṛpān mitra- suhṛdo ’nyāṁś ca sarvaśaḥ abhīkṣnaṁ pūjayām āsa nārāyaṇa-paro nṛpaḥ

The King, wholly devoted to Narayana, repeatedly and generously honored his relatives, kinsmen, fellow kings, friends, well-wishers, and everyone else present.

Verse 24 (bhagavata.10.75.24)

सर्वे जनाः सुररुचो मणिकुण्डलस्र- गुष्णीषकञ्चुकदुकूलमहार्घ्यहाराः । नार्यश्च कुण्डलयुगालकवृन्दजुष्ट- वक्त्रश्रियः कनकमेखलया विरेजुः ॥ 75.24 ॥

sarve janāḥ sura-ruco maṇi-kuṇḍala-srag- uṣṇīṣa-kañcuka-dukūla-mahārghya-hārāḥ nāryaś ca kuṇḍala-yugālaka-vṛnda-juṣṭa- vaktra-śriyaḥ kanaka-mekhalayā virejuḥ

All the people there shone as radiant as gods, adorned with jeweled earrings, garlands, turbans, tunics, fine silks and costly necklaces; and the women, their lovely faces graced by matching earrings and clusters of curls, shone resplendent in golden girdles.

Verse 25 (bhagavata.10.75.25)

अथर्त्विजो महाशीलाः सदस्या ब्रह्मवादिनः । ब्रह्मक्षत्रियविट्शूद्रा राजानो ये समागताः ॥ 75.25 ॥

athartvijo mahā-śīlāḥ sadasyā brahma-vādinaḥ brahma-kṣatriya-viṭ-śudrā- rājāno ye samāgatāḥ

Then the priests of noble character, the assembly members versed in the Vedas, the brahmanas, kshatriyas, vaishyas and shudras, and the kings who had assembled there —

Verse 26 (bhagavata.10.75.26)

देवर्षिपितृभूतानि लोकपालाः सहानुगाः । पूजितास्तमनुज्ञाप्य स्वधामानि ययुर्नृप ॥ 75.26 ॥

devarṣi-pitṛ-bhūtāni loka-pālāḥ sahānugāḥ pūjitās tam anujñāpya sva-dhāmāni yayur nṛpa

— the gods, sages, ancestors and spirit beings, and the guardians of the worlds with their attendants — all of them, duly honored, took his leave and departed, O King, each to his own abode.

Verse 27 (bhagavata.10.75.27)

हरिदासस्य राजर्षे राजसूयमहोदयम् । नैवातृप्यन्प्रशंसन्तः पिबन्मर्त्योऽमृतं यथा ॥ 75.27 ॥

hari-dāsasya rājarṣe rājasūya-mahodayam naivātṛpyan praśaṁsantaḥ piban martyo ’mṛtaṁ yathā

O royal sage, though they went on praising the great festival of that servant of Hari's Rajasuya sacrifice, they were never satisfied — just as a mortal is never sated even while drinking nectar.

Verse 28 (bhagavata.10.75.28)

ततो युधिष्ठिरो राजा सुहृत्सम्बन्धिबान्धवान् । प्रेम्णा निवारयामास कृष्णं च त्यागकातरः ॥ 75.28 ॥

tato yudhiṣṭhiro rājā suhṛt-sambandhi-bāndhavān premṇā nivārayām āsa kṛṣṇaṁ ca tyāga-kātaraḥ

Then King Yudhishthira, out of love, dreading their departure, held back his well-wishers, relatives and kinsmen, and Krishna as well.

Verse 29 (bhagavata.10.75.29)

भगवानपि तत्राङ्ग न्यावात्सीत्तत्प्रियंकरः । प्रस्थाप्य यदुवीरांश्च साम्बादींश्च कुशस्थलीम् ॥ 75.29 ॥

bhagavān api tatrāṅga nyāvātsīt tat-priyaṁ-karaḥ prasthāpya yadu-vīrāṁś ca sāmbādīṁś ca kuśasthalīm

The Lord too, my dear one, wishing to please him, first sent Samba and the other Yadu heroes back to Kushasthali, and remained there Himself for some time.

Verse 30 (bhagavata.10.75.30)

इत्थं राजा धर्मसुतो मनोरथमहार्णवम् । सुदुस्तरं समुत्तीर्य कृष्णेनासीद् गतज्वरः ॥ 75.30 ॥

itthaṁ rājā dharma-suto manoratha-mahārṇavam su-dustaraṁ samuttīrya kṛṣṇenāsīd gata-jvaraḥ

Thus King Yudhishthira, son of Dharma, having crossed by Krishna's grace the vast and formidable ocean of his own desires, became free at last from his burning distress.

Verse 31 (bhagavata.10.75.31)

एकदान्तःपुरे तस्य वीक्ष्य दुर्योधनः श्रियम् । अतप्यद् राजसूयस्य महित्वं चाच्युतात्मनः ॥ 75.31 ॥

ekadāntaḥ-pure tasya vīkṣya duryodhanaḥ śriyam atapyad rājasūyasya mahitvaṁ cācyutātmanaḥ

One day, beholding the splendor of that inner palace, Duryodhana was consumed with envy at the grandeur of the Rajasuya and of that King whose very self was steeped in Achyuta.

Verse 32 (bhagavata.10.75.32)

यस्मिन् नरेन्द्रदितिजेन्द्रसुरेन्द्रलक्ष्मी- र्नाना विभान्ति किल विश्वसृजोपक्लृप्ताः । ताभिः पतीन् द्रुपदराजसुतोपतस्थे यस्यां विषक्तहृदयः कुरुराडतप्यत् ॥ 75.32 ॥

yasmiṁs narendra-ditijendra-surendra-lakṣmīr nānā vibhānti kila viśva-sṛjopakḷptāḥ tābhiḥ patīn drupada-rāja-sutopatasthe yasyāṁ viṣakta-hṛdayaḥ kuru-rāḍ atapyat

In that assembly hall the manifold splendors of the lords of men, demons and gods shone forth, all arranged there by the world's own architect; with these Draupadi, daughter of the King of Drupada, served her husbands, and the King of the Kurus, his heart caught by her, was consumed with torment.

Verse 33 (bhagavata.10.75.33)

यस्मिन् तदा मधुपतेर्महिषीसहस्रं श्रोणीभरेण शनकैः क्वणदङ्घ्रिशोभम् । मध्ये सुचारु कुचकुङ्कुमशोणहारं श्रीमन्मुखं प्रचलकुण्डलकुन्तलाढ्यम् ॥ 75.33 ॥

yasmin tadā madhu-pater mahiṣī-sahasraṁ śroṇī-bhareṇa śanakaiḥ kvaṇad-aṅghri-śobham madhye su-cāru kuca-kuṅkuma-śoṇa-hāraṁ śrīman-mukhaṁ pracala-kuṇḍala-kuntalāḍhyam

There too were the thousand queens of the Lord of Madhu, their anklets tinkling gently under the weight of their hips, their lovely faces adorned amid necklaces reddened by the kumkum of their breasts, and rich with swaying earrings and flowing tresses.

Verse 34 (bhagavata.10.75.34)

सभायां मयक्लृप्तायां क्वापि धर्मसुतोऽधिराट् । वृतोऽनुगैर्बन्धुभिश्च कृष्णेनापि स्वचक्षुषा ॥ 75.34 ॥

sabhāyāṁ maya-kḷptāyāṁ kvāpi dharma-suto ’dhirāṭ vṛto ’nugair bandhubhiś ca kṛṣṇenāpi sva-cakṣuṣā

In that assembly hall built by Maya, the emperor, son of Dharma, sat at a certain spot, surrounded by his attendants and kinsmen, with Krishna too watching over him.

Verse 35 (bhagavata.10.75.35)

आसीनः काञ्चने साक्षादासने मघवानिव । पारमेष्ठ्यश्रिया जुष्टः स्तूयमानश्च वन्दिभिः ॥ 75.35 ॥

āsīnaḥ kāñcane sākṣād āsane maghavān iva pārameṣṭhya-śrīyā juṣṭaḥ stūyamānaś ca vandibhiḥ

Seated upon a golden throne, resplendent as Indra himself, and endowed with the majesty of the supreme seat, he was being praised there by the court bards.

Verse 36 (bhagavata.10.75.36)

तत्र दुर्योधनो मानी परीतो भ्रातृभिर्नृप । किरीटमाली न्यविशदसिहस्तः क्षिपन् रुषा ॥ 75.36 ॥

tatra duryodhano mānī parīto bhrātṛbhir nṛpa kirīṭa-mālī nyaviśad asi-hastaḥ kṣipan ruṣā

There, O King, the proud Duryodhana, surrounded by his brothers, crowned and garlanded, sword in hand, strode in angrily, hurling abuse as he went.

Verse 37 (bhagavata.10.75.37)

स्थलेऽभ्यगृह्णाद् वस्त्रान्तं जलं मत्वा स्थलेऽपतत् । जले च स्थलवद् भ्रान्त्या मयमायाविमोहितः ॥ 75.37 ॥

sthale ’bhyagṛhṇād vastrāntaṁ jalaṁ matvā sthale ’patat jale ca sthala-vad bhrāntyā maya-māyā-vimohitaḥ

On solid ground he lifted the hem of his garment, taking it for water; and elsewhere, bewildered by the illusion of Maya's craft, he mistook water for solid ground and fell in.

Verse 38 (bhagavata.10.75.38)

जहास भीमस्तं दृष्ट्वा स्त्रियो नृपतयोऽपरे । निवार्यमाणा अप्यङ्ग राज्ञा कृष्णानुमोदिताः ॥ 75.38 ॥

jahāsa bhīmas taṁ dṛṣṭvā striyo nṛpatayo pare nivāryamāṇā apy aṅga rājñā kṛṣṇānumoditāḥ

Seeing this, Bhima laughed aloud, and so did the women and the other kings present — though the King tried to restrain them, they were, my dear one, secretly encouraged by Krishna.

Verse 39 (bhagavata.10.75.39)

स व्रीडितोऽवाग्वदनो रुषा ज्वलन् निष्क्रम्य तूष्णीं प्रययौ गजाह्वयम् । हाहेति शब्दः सुमहानभूत् सता- मजातशत्रुर्विमना इवाभवत् । बभूव तूष्णीं भगवान् भुवो भरं समुज्जिहीर्षुर्भ्रमति स्म यद् दृशा ॥ 75.39 ॥

sa vrīḍito ’vag-vadano ruṣā jvalan niṣkramya tūṣṇīṁ prayayau gajāhvayam hā-heti śabdaḥ su-mahān abhūt satām ajāta-śatrur vimanā ivābhavat babhūva tūṣṇīṁ bhagavān bhuvo bharaṁ samujjihīrṣur bhramati sma yad-dṛśā

Ashamed, his face lowered, burning with rage, he left in silence and went back to Hastinapura. A great cry of "Alas! Alas!" rose up among the virtuous, and Ajatashatru himself grew troubled at heart. But the Lord, by whose mere glance the burden of the earth was already being lifted, remained silent throughout.

Verse 40 (bhagavata.10.75.40)

एतत्तेऽभिहितं राजन् यत्पृष्टोऽहमिह त्वया । सुयोधनस्य दौरात्म्यं राजसूये महाक्रतौ ॥ 75.40 ॥

etat te ’bhihitaṁ rājan yat pṛṣṭo ’ham iha tvayā suyodhanasya daurātmyaṁ rājasūye mahā-kratau

This, O King, is what you asked of me — I have now told you of Suyodhana's malice at that great Rajasuya sacrifice.