The Dynasty of Bharata

Verse 1 (bhagavata.9.21.1)

श्रीशुक उवाच वितथस्य सुतान् मन्योर्बृहत्क्षत्रो जयस्ततः । महावीर्यो नरो गर्गः सङ्कृतिस्तु नरात्मजः ॥ १ ॥

śrī-śuka uvāca vitathasya sutān manyor bṛhatkṣatro jayas tataḥ mahāvīryo naro gargaḥ saṅkṛtis tu narātmajaḥ

Sri Shukadeva said: From Manyu, son of Vitatha, came Brihatkshatra, Jaya, Mahavirya, Nara and Garga; and the son of Nara was Sankriti.

Verse 2 (bhagavata.9.21.2)

गुरुश्च रन्तिदेवश्च सङ्कृतेः पाण्डुनन्दन । रन्तिदेवस्य महिमा इहामुत्र च गीयते ॥ २ ॥

guruś ca rantidevaś ca saṅkṛteḥ pāṇḍu-nandana rantidevasya mahimā ihāmutra ca gīyate

O descendant of Pandu, Sankriti's sons were Guru and Rantideva; and the glory of Rantideva is sung both in this world and beyond.

Verse 3 (bhagavata.9.21.3)

वियद्वित्तस्य ददतो लब्धं लब्धं बुभुक्षतः । निष्किञ्चनस्य धीरस्य सकुटुम्बस्य सीदतः ॥ ३ ॥

viyad-vittasya dadato labdhaṁ labdhaṁ bubhukṣataḥ niṣkiñcanasya dhīrasya sakuṭumbasya sīdataḥ

He held whatever wealth fell to him by providence, ate only what came unsought, and gave even that away again — utterly without possessions, steadfast, even as he and his family together suffered want.

Verse 4 (bhagavata.9.21.4)

व्यतीयुरष्टचत्वारिंशदहान्यपिबतः किल । घृतपायससंयावं तोयं प्रातरुपस्थितम् ॥ ४ ॥

vyatīyur aṣṭa-catvāriṁśad ahāny apibataḥ kila ghṛta-pāyasa-saṁyāvaṁ toyaṁ prātar upasthitam

Forty-eight days had passed without his drinking even water; then one morning ghee, rice-pudding, a sweet grain preparation, and water were at last set before him.

Verse 5 (bhagavata.9.21.5)

कृच्छ्रप्राप्तकुटुम्बस्य क्षुत्तृड्भ्यां जातवेपथोः । अतिथिर्ब्राह्मणः काले भोक्तुकामस्य चागमत् ॥ ५ ॥

kṛcchra-prāpta-kuṭumbasya kṣut-tṛḍbhyāṁ jāta-vepathoḥ atithir brāhmaṇaḥ kāle bhoktu-kāmasya cāgamat

His family, reduced to great hardship, trembling from hunger and thirst, was about to eat, when at that very moment a brahmana guest arrived.

Verse 6 (bhagavata.9.21.6)

तस्मै संव्यभजत् सोऽन्नमादृत्य श्रद्धयान्वितः । हरिं सर्वत्र संपश्यन् स भुक्त्वा प्रययौ द्विजः ॥ ६ ॥

tasmai saṁvyabhajat so ’nnam ādṛtya śraddhayānvitaḥ hariṁ sarvatra saṁpaśyan sa bhuktvā prayayau dvijaḥ

Seeing Bhagavan Hari present in all beings, he honored the guest and shared the food with him, full of reverence; that brahmana ate and went on his way.

Verse 7 (bhagavata.9.21.7)

अथान्यो भोक्ष्यमाणस्य विभक्तस्य महीपतेः । विभक्तं व्यभजत् तस्मै वृषलाय हरिं स्मरन् ॥ ७ ॥

athānyo bhokṣyamāṇasya vibhaktasya mahīpateḥ vibhaktaṁ vyabhajat tasmai vṛṣalāya hariṁ smaran

Then, as the King was about to eat his own already-divided portion, another guest, a shudra, arrived; remembering Hari, he shared even that divided share with him.

Verse 8 (bhagavata.9.21.8)

याते शूद्रे तमन्योऽगादतिथिः श्वभिरावृतः । राजन् मे दीयतामन्नं सगणाय बुभुक्षते ॥ ८ ॥

yāte śūdre tam anyo ’gād atithiḥ śvabhir āvṛtaḥ rājan me dīyatām annaṁ sagaṇāya bubhukṣate

When the shudra had gone, yet another guest came, surrounded by dogs, saying: O King, my company and I are hungry — give us something to eat.

Verse 9 (bhagavata.9.21.9)

स आदृत्यावशिष्टं यद्म बहुमानपुरस्कृतम् । तच्च दत्त्वा नमश्चक्रे श्वभ्यः श्वपतये विभुः ॥ ९ ॥

sa ādṛtyāvaśiṣṭaṁ yad bahu-māna-puraskṛtam tac ca dattvā namaścakre śvabhyaḥ śva-pataye vibhuḥ

That mighty King gave, with great respect, even what little remained to the dogs and to their master, and bowed down before them.

Verse 10 (bhagavata.9.21.10)

पानीयमात्रमुच्छेषं तच्चैकपरितर्पणम् । पास्यतः पुल्कसोऽभ्यागादपो देह्यशुभाय मे ॥ १० ॥

pānīya-mātram uccheṣaṁ tac caika-paritarpaṇam pāsyataḥ pulkaso ’bhyāgād apo dehy aśubhāya me

Only water remained now, enough to satisfy but one — and as he was about to drink it, an outcaste appeared and said: Give me water, wretched as I am.

Verse 11 (bhagavata.9.21.11)

तस्य तां करुणां वाचं निशम्य विपुलश्रमाम् । कृपया भृशसन्तप्त इदमाहामृतं वचः ॥ ११ ॥

tasya tāṁ karuṇāṁ vācaṁ niśamya vipula-śramām kṛpayā bhṛśa-santapta idam āhāmṛtaṁ vacaḥ

Hearing that pitiful cry of one utterly exhausted, deeply moved with compassion, Rantideva spoke these nectarean words.

Verse 12 (bhagavata.9.21.12)

न कामयेऽहं गतिमीश्वरात् परा- मष्टर्द्धियुक्तामपुनर्भवं वा । आर्तिं प्रपद्येऽखिलदेहभाजा- मन्तःस्थितो येन भवन्त्यदुःखाः ॥ १२ ॥

na kāmaye ’haṁ gatim īśvarāt parām aṣṭarddhi-yuktām apunar-bhavaṁ vā ārtiṁ prapadye ’khila-deha-bhājām antaḥ-sthito yena bhavanty aduḥkhāḥ

I do not desire from the Lord that supreme state endowed with the eight mystic perfections, nor even liberation from rebirth — let me instead take upon myself the suffering of all embodied beings, abiding within them, that they may be freed from sorrow.

Verse 13 (bhagavata.9.21.13)

क्षुत्तृट्श्रमो गात्रपरिभ्रमश्च दैन्यं क्लमः शोकविषादमोहाः । सर्वे निवृत्ताः कृपणस्य जन्तो- र्जिजीविषोर्जीवजलार्पणान्मे ॥ १३ ॥

kṣut-tṛṭ-śramo gātra-paribhramaś ca dainyaṁ klamaḥ śoka-viṣāda-mohāḥ sarve nivṛttāḥ kṛpaṇasya jantor jijīviṣor jīva-jalārpaṇān me

My hunger, my thirst, my exhaustion, the trembling of my limbs, my wretchedness, my weariness, grief, despair and delusion — all of it has vanished, simply by my giving this life-sustaining water to this poor creature struggling to live.

Verse 14 (bhagavata.9.21.14)

इति प्रभाष्य पानीयं म्रियमाणः पिपासया । पुल्कसायाददाद्धीरो निसर्गकरुणो नृपः ॥ १४ ॥

iti prabhāṣya pānīyaṁ mriyamāṇaḥ pipāsayā pulkasāyādadād dhīro nisarga-karuṇo nṛpaḥ

So saying, though dying of thirst himself, that steadfast King, compassionate by his very nature, gave the water to the outcaste.

Verse 15 (bhagavata.9.21.15)

तस्य त्रिभुवनाधीशाः फलदाः फलमिच्छताम् । आत्मानं दर्शयां चक्रुर्माया विष्णुविनिर्मिताः ॥ १५ ॥

tasya tribhuvanādhīśāḥ phaladāḥ phalam icchatām ātmānaṁ darśayāṁ cakrur māyā viṣṇu-vinirmitāḥ

Then the lords of the three worlds, who grant every fruit to those who desire fruit, and who had themselves been Vishnu's own illusion appearing as those guests, revealed their true forms to him.

Verse 16 (bhagavata.9.21.16)

स वै तेभ्यो नमस्कृत्य निःसङ्गो विगतस्पृहः । वासुदेवे भगवति भक्त्या चक्रे मनः परम् ॥ १६ ॥

sa vai tebhyo namaskṛtya niḥsaṅgo vigata-spṛhaḥ vāsudeve bhagavati bhaktyā cakre manaḥ param

He bowed to them, yet, free from all attachment and desire, fixed his mind wholly, in devotion, upon Bhagavan Vasudeva alone.

Verse 17 (bhagavata.9.21.17)

ईश्वरालम्बनं चित्तं कुर्वतोऽनन्यराधसः । माया गुणमयी राजन्स्वप्नवत् प्रत्यलीयत ॥ १७ ॥

īśvarālambanaṁ cittaṁ kurvato ’nanya-rādhasaḥ māyā guṇamayī rājan svapnavat pratyalīyata

O King, as he fixed his mind wholly upon the Lord, seeking no other refuge, the guna-born Maya vanished before him, like a dream.

Verse 18 (bhagavata.9.21.18)

तत्प्रसङ्गानुभावेन रन्तिदेवानुवर्तिनः । अभवन् योगिनः सर्वे नारायणपरायणाः ॥ १८ ॥

tat-prasaṅgānubhāvena rantidevānuvartinaḥ abhavan yoginaḥ sarve nārāyaṇa-parāyaṇāḥ

By the power of association with him, all who followed Rantideva became yogis, wholly devoted to Bhagavan Narayana.

Verse 19 (bhagavata.9.21.19)

गर्गाच्छिनिस्ततो गार्ग्यः क्षत्राद् ब्रह्म ह्यवर्तत । दुरितक्षयो महावीर्यात् तस्य त्रय्यारुणिः कविः ॥ १९ ॥

gargāc chinis tato gārgyaḥ kṣatrād brahma hy avartata duritakṣayo mahāvīryāt tasya trayyāruṇiḥ kaviḥ

From Garga came Shini; his son Gargya, though born a kshatriya, gave rise to a line of brahmanas. From Mahavirya came Duritakshaya, and his son was Trayyaruni, the sage —

Verse 20 (bhagavata.9.21.20)

पुष्करारुणिरित्यत्र ये ब्राह्मणगतिं गताः । बृहत्क्षत्रस्य पुत्रोऽभूद्धस्ती यद्धस्तिनापुरम् ॥ २० ॥

puṣkarāruṇir ity atra ye brāhmaṇa-gatiṁ gatāḥ bṛhatkṣatrasya putro ’bhūd dhastī yad-dhastināpuram

— and Pushkararuni too; these attained the position of brahmanas. The son of Brihatkshatra was Hasti, who founded the city named Hastinapura after him.

Verse 21 (bhagavata.9.21.21)

अजमीढो द्विमीढश्च पुरुमीढश्च हस्तिनः । अजमीढस्य वंश्याः स्युः प्रियमेधादयो द्विजाः ॥ २१ ॥

ajamīḍho dvimīḍhaś ca purumīḍhaś ca hastinaḥ ajamīḍhasya vaṁśyāḥ syuḥ priyamedhādayo dvijāḥ

Hasti's sons were Ajamidha, Dvimidha and Purumidha; the descendants of Ajamidha, headed by Priyamedha, all became brahmanas.

Verse 22 (bhagavata.9.21.22)

अजमीढाद् बृहदिषुस्तस्य पुत्रो बृहद्धनुः । बृहत्कायस्ततस्तस्य पुत्र आसीज्जयद्रथः ॥ २२ ॥

ajamīḍhād bṛhadiṣus tasya putro bṛhaddhanuḥ bṛhatkāyas tatas tasya putra āsīj jayadrathaḥ

From Ajamidha came Brihadishu; his son was Brihaddhanu; from him, Brihatkaya; and his son was Jayadratha.

Verse 23 (bhagavata.9.21.23)

तत्सुतो विशदस्तस्य स्येनजित् समजायत । रुचिराश्वो दृढहनुः काश्यो वत्सश्च तत्सुताः ॥ २३ ॥

tat-suto viśadas tasya syenajit samajāyata rucirāśvo dṛḍhahanuḥ kāśyo vatsaś ca tat-sutāḥ

His son was Vishada; his son, Syenajit. Syenajit's sons were Ruchirashva, Dridhahanu, Kashya and Vatsa.

Verse 24 (bhagavata.9.21.24)

रुचिराश्वसुतः पारः पृथुसेनस्तदात्मजः । पारस्य तनयो नीपस्तस्य पुत्रशतं त्वभूत् ॥ २४ ॥

rucirāśva-sutaḥ pāraḥ pṛthusenas tad-ātmajaḥ pārasya tanayo nīpas tasya putra-śataṁ tv abhūt

Ruchirashva's son was Para; his son, Prithusena. Para's own son was Nipa, who had a hundred sons.

Verse 25 (bhagavata.9.21.25)

स कृत्व्यां शुककन्यायां ब्रह्मदत्तमजीजनत् । योगी स गवि भार्यायां विष्वक्सेनमधात् सुतम् ॥ २५ ॥

sa kṛtvyāṁ śuka-kanyāyāṁ brahmadattam ajījanat yogī sa gavi bhāryāyāṁ viṣvaksenam adhāt sutam

He begot Brahmadatta through his wife Kritvi, daughter of Shuka; and that great yogi Brahmadatta, through his wife Gau, begot a son named Vishvaksena.

Verse 26 (bhagavata.9.21.26)

जैगीषव्योपदेशेन योगतन्त्रं चकार ह । उदक्सेनस्ततस्तस्माद् भल्लाटो बार्हदीषवाः ॥ २६ ॥

jaigīṣavyopadeśena yoga-tantraṁ cakāra ha udaksenas tatas tasmād bhallāṭo bārhadīṣavāḥ

By the teaching of Jaigishavya, he composed a treatise on the science of yoga. From him came Udaksena; from Udaksena, Bhallata — all these known as descendants of Brihadishu.

Verse 27 (bhagavata.9.21.27)

यवीनरो द्विमीढस्य कृतिमांस्तत्सुतः स्मृतः । नाम्ना सत्यधृतिस्तस्य दृढनेमिः सुपार्श्वकृत् ॥ २७ ॥

yavīnaro dvimīḍhasya kṛtimāṁs tat-sutaḥ smṛtaḥ nāmnā satyadhṛtis tasya dṛḍhanemiḥ supārśvakṛt

Dvimidha's son was Yavinara; his son, known as Kritiman; from him, one named Satyadhriti; and his son was Dridhanemi, father of Suparshva.

Verse 28 (bhagavata.9.21.28)

सुपार्श्वात् सुमतिस्तस्य पुत्रः सन्नतिमांस्ततः । कृती हिरण्यनाभाद् यो योगं प्राप्य जगौ स्म षट् ॥ २८ ॥

supārśvāt sumatis tasya putraḥ sannatimāṁs tataḥ kṛtī hiraṇyanābhād yo yogaṁ prāpya jagau sma ṣaṭ

From Suparshva came Sumati; his son was Sannatiman; and his son was Kriti, who, receiving the yoga teaching from Hiranyanabha, composed and taught six samhitas —

Verse 29 (bhagavata.9.21.29)

संहिताः प्राच्यसाम्नां वै नीपो ह्युद्ग्रायुधस्ततः । तस्य क्षेम्यः सुवीरोऽथ सुवीरस्य रिपुञ्जयः ॥ २९ ॥

saṁhitāḥ prācyasāmnāṁ vai nīpo hy udgrāyudhas tataḥ tasya kṣemyaḥ suvīro ’tha suvīrasya ripuñjayaḥ

— those samhitas of the Prachyasama verses. Kriti's son was Nipa; from him, Udgrayudha; his son, Kshemya; then Suvira; and Suvira's son was Ripunjaya.

Verse 30 (bhagavata.9.21.30)

ततो बहुरथो नाम पुरुमीढोऽप्रजोऽभवत् । नलिन्यामजमीढस्य नीलः शान्तिस्तु तत्सुतः ॥ ३० ॥

tato bahuratho nāma purumīḍho ’prajo ’bhavat nalinyām ajamīḍhasya nīlaḥ śāntis tu tat-sutaḥ

From him came a son named Bahuratha. Purumidha remained sonless. To Ajamidha, through his wife Nalini, was born Nila; his son was Shanti.

Verse 31 (bhagavata.9.21.31)

शान्तेः सुशान्तिस्तत्पुत्रः पुरुजोऽर्कस्ततोऽभवत् । भर्म्याश्वस्तनयस्तस्य पञ्चासन्मुद्गलादयः ॥ ३१ ॥

śānteḥ suśāntis tat-putraḥ purujo ’rkas tato ’bhavat bharmyāśvas tanayas tasya pañcāsan mudgalādayaḥ

Shanti's son was Sushanti; his son, Puruja; from him, Arka. Arka's son was Bharmyashva, who had five sons, headed by Mudgala.

Verse 32 (bhagavata.9.21.32)

यवीनरो बृहद्विश्वः काम्पिल्लः सञ्जयः सुताः । भर्म्याश्वः प्राह पुत्रा मे पञ्चानां रक्षणाय हि ॥ ३२ ॥

yavīnaro bṛhadviśvaḥ kāmpillaḥ sañjayaḥ sutāḥ bharmyāśvaḥ prāha putrā me pañcānāṁ rakṣaṇāya hi

— Yavinara, Brihadvishva, Kampilla and Sanjaya were his other sons. Bharmyashva said to them: My sons, look after these five regions of mine, for you are fully capable of it.

Verse 33 (bhagavata.9.21.33)

विषयाणामलमिमे इति पञ्चालसंज्ञिताः । मुद्गलाद् ब्रह्मनिर्वृत्तं गोत्रं मौद्गल्यसंज्ञितम् ॥ ३३ ॥

viṣayāṇām alam ime iti pañcāla-saṁjñitāḥ mudgalād brahma-nirvṛttaṁ gotraṁ maudgalya-saṁjñitam

Thus, being "sufficient for [governing] these territories," they came to be called the Panchalas. From Mudgala arose a line of brahmanas known by the name Maudgalya.

Verse 34 (bhagavata.9.21.34)

मिथुनं मुद्गलाद् भार्म्याद् दिवोदासः पुमानभूत् । अहल्या कन्यका यस्यां शतानन्दस्तु गौतमात् ॥ ३४ ॥

mithunaṁ mudgalād bhārmyād divodāsaḥ pumān abhūt ahalyā kanyakā yasyāṁ śatānandas tu gautamāt

From Mudgala, son of Bharmyashva, was born a twin — the son Divodasa and the daughter Ahalya; from Ahalya, by her husband Gautama, was born Shatananda.

Verse 35 (bhagavata.9.21.35)

तस्य सत्यधृतिः पुत्रो धनुर्वेदविशारदः । शरद्वांस्तत्सुतो यस्मादुर्वशीदर्शनात् किल । शरस्तम्बेऽपतद् रेतो मिथुनं तदभूच्छुभम् ॥ ३५ ॥

tasya satyadhṛtiḥ putro dhanur-veda-viśāradaḥ śaradvāṁs tat-suto yasmād urvaśī-darśanāt kila śara-stambe ’patad reto mithunaṁ tad abhūc chubham

His son was Satyadhriti, expert in the science of archery; his son was Sharadvan, from whom, at the mere sight of Urvashi, seed fell upon a clump of reeds — and from it came a most auspicious twin.

Verse 36 (bhagavata.9.21.36)

तद् दृष्ट्वा कृपयागृह्णाच्छान्तनुर्मृगयां चरन् । कृपः कुमारः कन्या च द्रोणपत्न्यभवत्कृपी ॥ ३६ ॥

tad dṛṣṭvā kṛpayāgṛhṇāc chāntanur mṛgayāṁ caran kṛpaḥ kumāraḥ kanyā ca droṇa-patny abhavat kṛpī

Seeing them, King Shantanu, out hunting, took them up out of compassion; the boy was named Kripa, and the girl, Kripi, who later became the wife of Dronacharya.