The Descendants of Ajamidha

Verse 1 (bhagavata.9.22.1)

श्रीशुक उवाच मित्रायुश्च दिवोदासाच्च्यवनस्तत्सुतो नृप । सुदासः सहदेवोऽथ सोमको जन्तुजन्मकृत् ॥ १ ॥

śrī-śuka uvāca mitrāyuś ca divodāsāc cyavanas tat-suto nṛpa sudāsaḥ sahadevo ’tha somako jantu-janmakṛt

Sri Shukadeva said: O King, from Divodasa came Mitrayu; his sons were Chyavana, Sudasa, Sahadeva and Somaka, the father of Jantu.

Verse 2 (bhagavata.9.22.2)

तस्य पुत्रशतं तेषां यवीयान् पृषतः सुतः । स तस्माद् द्रुपदो जज्ञे सर्वसम्पत्समन्वितः ॥ २ ॥

tasya putra-śataṁ teṣāṁ yavīyān pṛṣataḥ sutaḥ sa tasmād drupado jajñe sarva-sampat-samanvitaḥ

Somaka had a hundred sons, the youngest among them being Prishata; from Prishata was born Drupada, endowed with every fortune.

Verse 3 (bhagavata.9.22.3)

द्रुपदाद् द्रौपदी तस्य धृष्टद्युम्नादयः सुताः । धृष्टद्युम्नाद् धृष्टकेतुर्भार्म्याः पाञ्चालका इमे ॥ ३ ॥

drupadād draupadī tasya dhṛṣṭadyumnādayaḥ sutāḥ dhṛṣṭadyumnād dhṛṣṭaketur bhārmyāḥ pāñcālakā ime

From Drupada was born Draupadi, and his sons headed by Dhrishtadyumna; from Dhrishtadyumna came Dhrishtaketu. All these are known as the Panchalas, descendants of Bharmyashva.

Verse 4 (bhagavata.9.22.4)

योऽजमीढसुतो ह्यन्य ऋक्षः संवरणस्ततः । तपत्यां सूर्यकन्यायां कुरुक्षेत्रपतिः कुरुः ॥ ४ ॥

yo ’jamīḍha-suto hy anya ṛkṣaḥ saṁvaraṇas tataḥ tapatyāṁ sūrya-kanyāyāṁ kurukṣetra-patiḥ kuruḥ

Another son of Ajamidha was Riksha; from him came Samvarana; and through Tapati, daughter of the sun-god, was born Kuru, lord of Kurukshetra.

Verse 5 (bhagavata.9.22.5)

परीक्षिः सुधनुर्जह्नुर्निषधश्च कुरोः सुताः । सुहोत्रोऽभूत् सुधनुषश्च्यवनोऽथ ततः कृती ॥ ५ ॥

parīkṣiḥ sudhanur jahnur niṣadhaś ca kuroḥ sutāḥ suhotro ’bhūt sudhanuṣaś cyavano ’tha tataḥ kṛtī

Kuru's sons were Parikshi, Sudhanu, Jahnu and Nishadha; from Sudhanu was born Suhotra, from him Chyavana, and from him Kriti.

Verse 6 (bhagavata.9.22.6)

वसुस्तस्योपरिचरो बृहद्रथमुखास्ततः । कुशाम्बमत्स्यप्रत्यग्रचेदिपाद्याश्च चेदिपाः ॥ ६ ॥

vasus tasyoparicaro bṛhadratha-mukhās tataḥ kuśāmba-matsya-pratyagra- cedipādyāś ca cedipāḥ

Kriti's son was Uparichara Vasu; from him came sons headed by Brihadratha, along with Kushamba, Matsya, Pratyagra and Chedipa — all of them rulers of the Chedis.

Verse 7 (bhagavata.9.22.7)

बृहद्रथात् कुशाग्रोऽभूदृषभस्तस्य तत्सुतः । जज्ञे सत्यहितोऽपत्यं पुष्पवांस्तत्सुतो जहुः ॥ ७ ॥

bṛhadrathāt kuśāgro ’bhūd ṛṣabhas tasya tat-sutaḥ jajñe satyahito ’patyaṁ puṣpavāṁs tat-suto jahuḥ

From Brihadratha came Kushagra; his son was Rishabha; his son, Satyahita; his son was Pushpavan; and his son, Jahu.

Verse 8 (bhagavata.9.22.8)

अन्यस्यामपि भार्यायां शकले द्वे बृहद्रथात् । ये मात्रा बहिरुत्सृष्टे जरया चाभिसन्धिते । जीव जीवेति क्रीडन्त्या जरासन्धोऽभवत् सुतः ॥ ८ ॥

anyasyām api bhāryāyāṁ śakale dve bṛhadrathāt ye mātrā bahir utsṛṣṭe jarayā cābhisandhite jīva jīveti krīḍantyā jarāsandho ’bhavat sutaḥ

By another wife, Brihadratha begot two halves of a child, which the mother, seeing them thus, had cast outside; the she-demon Jara, joining the two halves in play while calling out "live, live!", gave rise to the son Jarasandha.

Verse 9 (bhagavata.9.22.9)

ततश्च सहदेवोऽभूत् सोमापिर्यच्छ्रुतश्रवाः । परीक्षिरनपत्योऽभूत् सुरथो नाम जाह्नवः ॥ ९ ॥

tataś ca sahadevo ’bhūt somāpir yac chrutaśravāḥ parīkṣir anapatyo ’bhūt suratho nāma jāhnavaḥ

From him came Sahadeva; from him, Somapi; and from him, Shrutashrava. Kuru's son Parikshi remained sonless; but Kuru's son Jahnu had a son named Suratha.

Verse 10 (bhagavata.9.22.10)

ततो विदूरथस्तस्मात् सार्वभौमस्ततोऽभवत् । जयसेनस्तत्तनयो राधिकोऽतोऽयुताय्वभूत् ॥ १० ॥

tato vidūrathas tasmāt sārvabhaumas tato ’bhavat jayasenas tat-tanayo rādhiko ’to ’yutāyv abhūt

From Suratha came Vidooratha; from him, Sarvabhauma; his son was Jayasena; from him, Radhika; and from Radhika, Ayutayu.

Verse 11 (bhagavata.9.22.11)

ततश्चाक्रोधनस्तस्माद् देवातिथिरमुष्य च । ऋक्षस्तस्य दिलीपोऽभूत् प्रतीपस्तस्य चात्मजः ॥ ११ ॥

tataś cākrodhanas tasmād devātithir amuṣya ca ṛkṣas tasya dilīpo ’bhūt pratīpas tasya cātmajaḥ

From him came Akrodhana; from him, Devatithi; his son was Riksha; his son, Dilipa; and his son, Pratipa.

Verse 12 (bhagavata.9.22.12)

देवापिः शान्तनुस्तस्य बाह्लीक इति चात्मजाः । पितृराज्यं परित्यज्य देवापिस्तु वनं गतः ॥ १२ ॥

devāpiḥ śāntanus tasya bāhlīka iti cātmajāḥ pitṛ-rājyaṁ parityajya devāpis tu vanaṁ gataḥ

Pratipa's sons were Devapi, Shantanu and Bahlika. Devapi, renouncing his father's kingdom, went off to the forest —

Verse 13 (bhagavata.9.22.13)

अभवच्छान्तनू राजा प्राङ्महाभिषसंज्ञितः । यं यं कराभ्यां स्पृशति जीर्णं यौवनमेति सः ॥ १३ ॥

abhavac chāntanū rājā prāṅ mahābhiṣa-saṁjñitaḥ yaṁ yaṁ karābhyāṁ spṛśati jīrṇaṁ yauvanam eti saḥ

— and Shantanu became king; in a former birth he had been known as Mahabhisha. Whomever he touched with his two hands, that person, however aged, regained youth.

Verse 14 (bhagavata.9.22.14)

शान्तिमाप्नोति चैवाग्र्यां कर्मणा तेन शान्तनुः । समा द्वादश तद्राज्ये न ववर्ष यदा विभुः ॥ १४ ॥

śāntim āpnoti caivāgryāṁ karmaṇā tena śāntanuḥ samā dvādaśa tad-rājye na vavarṣa yadā vibhuḥ

By this power he brought supreme peace to all, and so was named Shantanu. When, for twelve years, mighty Indra sent no rain upon his kingdom —

Verse 15 (bhagavata.9.22.15)

शान्तनुर्ब्राह्मणैरुक्तः परिवेत्तायमग्रभुक् । राज्यं देह्यग्रजायाशु पुरराष्ट्रविवृद्धये ॥ १५ ॥

śāntanur brāhmaṇair uktaḥ parivettāyam agrabhuk rājyaṁ dehy agrajāyāśu pura-rāṣṭra-vivṛddhaye

— the brahmanas said to Shantanu: You have taken what belongs to your elder brother by right; give the kingdom back to him at once, for the prosperity of city and realm.

Verse 16 (bhagavata.9.22.16)

एवमुक्तो द्विजैर्ज्येष्ठं छन्दयामास सोऽब्रवीत् । तन्मन्त्रिप्रहितैर्विप्रैर्वेदाद् विभ्रंशितो गिरा ॥ १६ ॥

evam ukto dvijair jyeṣṭhaṁ chandayām āsa so ’bravīt tan-mantri-prahitair viprair vedād vibhraṁśito girā

So addressed by the brahmanas, Shantanu went and offered the kingdom to his elder brother — but Devapi, misled by the words of brahmanas sent by a minister, had already been turned away from the Vedic path, and so he refused.

Verse 17 (bhagavata.9.22.17)

वेदवादातिवादान् वै तदा देवो ववर्ष ह । देवापिर्योगमास्थाय कलापग्राममाश्रितः ॥ १७ ॥

veda-vādātivādān vai tadā devo vavarṣa ha devāpir yogam āsthāya kalāpa-grāmam āśritaḥ

Having spoken words disparaging the Vedas, Devapi thus disqualified himself, and Shantanu remained king; then the rain-god poured down rain once more. Devapi took up the path of yoga and dwells now in the village called Kalapa.

Verse 18 (bhagavata.9.22.18)

सोमवंशे कलौ नष्टे कृतादौ स्थापयिष्यति । बाह्लीकात्सोमदत्तोऽभूद् भूरिर्भूरिश्रवास्ततः ॥ १८ ॥

soma-vaṁśe kalau naṣṭe kṛtādau sthāpayiṣyati bāhlīkāt somadatto ’bhūd bhūrir bhūriśravās tataḥ

When the lunar dynasty perishes in the Kali age, he will re-establish it at the dawn of the Satya age to come. From Bahlika came Somadatta; his sons were Bhuri and Bhurishrava.

Verse 19 (bhagavata.9.22.19)

शलश्च शान्तनोरासीद् गङ्गायां भीष्म आत्मवान् । सर्वधर्मविदां श्रेष्ठो महाभागवतः कविः ॥ १९ ॥

śalaś ca śāntanor āsīd gaṅgāyāṁ bhīṣma ātmavān sarva-dharma-vidāṁ śreṣṭho mahā-bhāgavataḥ kaviḥ

— and Shala too. From Shantanu, through the womb of Ganga, was born Bhishma, master of himself, foremost among the knowers of all dharma, a great devotee and a sage.

Verse 20 (bhagavata.9.22.20)

वीरयूथाग्रणीर्येन रामोऽपि युधि तोषितः । शान्तनोर्दासकन्यायां जज्ञे चित्राङ्गदः सुतः ॥ २० ॥

vīra-yūthāgraṇīr yena rāmo ’pi yudhi toṣitaḥ śāntanor dāsa-kanyāyāṁ jajñe citrāṅgadaḥ sutaḥ

— foremost among all warriors, by whom even Parashurama himself was satisfied in battle. From Shantanu, through the fisherman's daughter, was born the son Chitrangada.

Verse 21 (bhagavata.9.22.21)

विचित्रवीर्यश्चावरजो नाम्ना चित्राङ्गदो हतः । यस्यां पराशरात् साक्षादवतीर्णो हरेः कला ॥ २१ ॥

vicitravīryaś cāvarajo nāmnā citrāṅgado hataḥ yasyāṁ parāśarāt sākṣād avatīrṇo hareḥ kalā

His younger brother was Vichitravirya; a Gandharva of the same name, Chitrangada, slew the elder. Through her — Satyavati — by Parashara, there descended directly a portion of Hari's own power.

Verse 22 (bhagavata.9.22.22)

वेदगुप्तो मुनिः कृष्णो यतोऽहमिदमध्यगाम् । हित्वा स्वशिष्यान् पैलादीन्भगवान् बादरायणः ॥ २२ ॥

veda-gupto muniḥ kṛṣṇo yato ’ham idam adhyagām hitvā sva-śiṣyān pailādīn bhagavān bādarāyaṇaḥ

— the sage Krishna Dvaipayana, guardian of the Vedas, from whom I myself learned this Bhagavatam; setting aside his other disciples, headed by Paila, Bhagavan Badarayana taught it to me alone —

Verse 23 (bhagavata.9.22.23)

मह्यं पुत्राय शान्ताय परं गुह्यमिदं जगौ । विचित्रवीर्योऽथोवाह काशीराजसुते बलात् ॥ २३ ॥

mahyaṁ putrāya śāntāya paraṁ guhyam idaṁ jagau vicitravīryo ’thovāha kāśīrāja-sute balāt

— to me, his son, at peace within, he sang this supreme secret. Vichitravirya, meanwhile, forcibly married the two daughters of the King of Kashi —

Verse 24 (bhagavata.9.22.24)

स्वयंवरादुपानीते अम्बिकाम्बालिके उभे । तयोरासक्तहृदयो गृहीतो यक्ष्मणा मृतः ॥ २४ ॥

svayaṁvarād upānīte ambikāmbālike ubhe tayor āsakta-hṛdayo gṛhīto yakṣmaṇā mṛtaḥ

— Ambika and Ambalika, both carried off from their swayamvara. Deeply attached to them, he was seized by consumption and died.

Verse 25 (bhagavata.9.22.25)

क्षेत्रेऽप्रजस्य वै भ्रातुर्मात्रोक्तो बादरायणः । धृतराष्ट्रं च पाण्डुं च विदुरं चाप्यजीजनत् ॥ २५ ॥

kṣetre ’prajasya vai bhrātur mātrokto bādarāyaṇaḥ dhṛtarāṣṭraṁ ca pāṇḍuṁ ca viduraṁ cāpy ajījanat

At his mother's word, Badarayana, in the field of his sonless brother, begot Dhritarashtra, Pandu, and also Vidura.

Verse 26 (bhagavata.9.22.26)

गान्धार्यां धृतराष्ट्रस्य जज्ञे पुत्रशतं नृप । तत्र दुर्योधनो ज्येष्ठो दुःशला चापि कन्यका ॥ २६ ॥

gāndhāryāṁ dhṛtarāṣṭrasya jajñe putra-śataṁ nṛpa tatra duryodhano jyeṣṭho duḥśalā cāpi kanyakā

O King, through Gandhari, Dhritarashtra had a hundred sons, the eldest being Duryodhana, and also a daughter, Duhshala.

Verse 27 (bhagavata.9.22.27)

शापान्मैथुनरुद्धस्य पाण्डोः कुन्त्यां महारथाः । जाता धर्मानिलेन्द्रेभ्यो युधिष्ठिरमुखास्त्रयः ॥ २७ ॥

śāpān maithuna-ruddhasya pāṇḍoḥ kuntyāṁ mahā-rathāḥ jātā dharmānilendrebhyo yudhiṣṭhira-mukhās trayaḥ

Pandu, barred from union by a curse, had, through Kunti, three great chariot-warriors — Yudhishthira, Bhima and Arjuna — begotten by Dharma, Vayu and Indra.

Verse 28 (bhagavata.9.22.28)

नकुलः सहदेवश्च माद्रयां नासत्यदस्रयोः । द्रौपद्यां पञ्च पञ्चभ्यः पुत्रास्ते पितरोऽभवन् ॥ २८ ॥

nakulaḥ sahadevaś ca mādryāṁ nāsatya-dasrayoḥ draupadyāṁ pañca pañcabhyaḥ putrās te pitaro ’bhavan

Through Madri, by the two Ashvins Nasatya and Dasra, were born Nakula and Sahadeva. By Draupadi, all five brothers begot five sons — these were your uncles.

Verse 29 (bhagavata.9.22.29)

युधिष्ठिरात् प्रतिविन्ध्यः श्रुतसेनो वृकोदरात् । अर्जुनाच्छ्रुतकीर्तिस्तु शतानीकस्तु नाकुलिः ॥ २९ ॥

yudhiṣṭhirāt prativindhyaḥ śrutaseno vṛkodarāt arjunāc chrutakīrtis tu śatānīkas tu nākuliḥ

From Yudhishthira came Prativindhya; from Bhima (Vrikodara), Shrutasena; from Arjuna, Shrutakirti; and from Nakula, Shatanika.

Verse 30 (bhagavata.9.22.30)

सहदेवसुतो राजञ्छ्रुतकर्मा तथापरे । युधिष्ठिरात् तु पौरव्यां देवकोऽथ घटोत्कचः ॥ ३० ॥

sahadeva-suto rājañ chrutakarmā tathāpare yudhiṣṭhirāt tu pauravyāṁ devako ’tha ghaṭotkacaḥ

O King, the son of Sahadeva was Shrutakarma. And there were others too: through Paurvi, Yudhishthira begot Devaka; and Ghatotkacha —

Verse 31 (bhagavata.9.22.31)

भीमसेनाद्धिडिम्बायां काल्यां सर्वगतस्ततः । सहदेवात् सुहोत्रं तु विजयासूत पार्वती ॥ ३१ ॥

bhīmasenād dhiḍimbāyāṁ kālyāṁ sarvagatas tataḥ sahadevāt suhotraṁ tu vijayāsūta pārvatī

— born to Bhimasena through Hidimba, and Sarvagata through Kali. And through Vijaya, the mountain-king's daughter, Sahadeva begot Suhotra.

Verse 32 (bhagavata.9.22.32)

करेणुमत्यां नकुलो नरमित्रं तथार्जुनः । इरावन्तमुलुप्यां वै सुतायां बभ्रुवाहनम् । मणिपुरपतेः सोऽपि तत्पुत्रः पुत्रिकासुतः ॥ ३२ ॥

kareṇumatyāṁ nakulo naramitraṁ tathārjunaḥ irāvantam ulupyāṁ vai sutāyāṁ babhruvāhanam maṇipura-pateḥ so ’pi tat-putraḥ putrikā-sutaḥ

Through Karenumati, Nakula begot Naramitra; Arjuna, through Ulupi, begot Iravan, and, through the daughter of the lord of Manipura, Babhruvahana — who, though truly Arjuna's own son, became by adoption that king's own heir.

Verse 33 (bhagavata.9.22.33)

तव तातः सुभद्रायामभिमन्युरजायत । सर्वातिरथजिद् वीर उत्तरायां ततो भवान् ॥ ३३ ॥

tava tātaḥ subhadrāyām abhimanyur ajāyata sarvātirathajid vīra uttarāyāṁ tato bhavān

Your father, Abhimanyu, was born of Subhadra — a hero who could conquer even the greatest of chariot-warriors; and from him, through Uttara, you yourself were born.

Verse 34 (bhagavata.9.22.34)

परिक्षीणेषु कुरुषु द्रौणेर्ब्रह्मास्त्रतेजसा । त्वं च कृष्णानुभावेन सजीवो मोचितोऽन्तकात् ॥ ३४ ॥

parikṣīṇeṣu kuruṣu drauṇer brahmāstra-tejasā tvaṁ ca kṛṣṇānubhāvena sajīvo mocito ’ntakāt

When the Kurus had all but perished, you too, struck by the fiery brahmastra released by Drona's son, were on the verge of death — but by the power of Bhagavan Krishna, you were saved alive.

Verse 35 (bhagavata.9.22.35)

तवेमे तनयास्तात जनमेजयपूर्वकाः । श्रुतसेनो भीमसेन उग्रसेनश्च वीर्यवान् ॥ ३५ ॥

taveme tanayās tāta janamejaya-pūrvakāḥ śrutaseno bhīmasena ugrasenaś ca vīryavān

My dear King, these are your own sons: Janamejaya first among them, then Shrutasena, Bhimasena, and the mighty Ugrasena.

Verse 36 (bhagavata.9.22.36)

जनमेजयस्त्वां विदित्वा तक्षकान्निधनं गतम् । सर्पान् वै सर्पयागाग्नौ स होष्यति रुषान्वितः ॥ ३६ ॥

janamejayas tvāṁ viditvā takṣakān nidhanaṁ gatam sarpān vai sarpa-yāgāgnau sa hoṣyati ruṣānvitaḥ

When Janamejaya learns that you met your death through Takshaka, he, filled with wrath, will offer serpents into the fire of a great serpent-sacrifice.

Verse 37 (bhagavata.9.22.37)

कालषेयं पुरोधाय तुरं तुरगमेधषाट् । समन्तात् पृथिवीं सर्वां जित्वा यक्ष्यति चाध्वरैः ॥ ३७ ॥

kālaṣeyaṁ purodhāya turaṁ turaga-medhaṣāṭ samantāt pṛthivīṁ sarvāṁ jitvā yakṣyati cādhvaraiḥ

With Tura, son of Kalasha, as his priest, he will conquer the whole earth on every side, and, hailed as winner of the horse-sacrifice, will perform many great rites.

Verse 38 (bhagavata.9.22.38)

तस्य पुत्रः शतानीको याज्ञवल्क्यात् त्रयीं पठन् । अस्त्रज्ञानं क्रियाज्ञानं शौनकात् परमेष्यति ॥ ३८ ॥

tasya putraḥ śatānīko yājñavalkyāt trayīṁ paṭhan astra-jñānaṁ kriyā-jñānaṁ śaunakāt param eṣyati

His son will be Shatanika, who, studying the three Vedas under Yajnavalkya, will also gain the highest knowledge of both weaponry and ritual through the sage Shaunaka.

Verse 39 (bhagavata.9.22.39)

सहस्रानीकस्तत्पुत्रस्ततश्चैवाश्वमेधजः । असीमकृष्णस्तस्यापि नेमिचक्रस्तु तत्सुतः ॥ ३९ ॥

sahasrānīkas tat-putras tataś caivāśvamedhajaḥ asīmakṛṣṇas tasyāpi nemicakras tu tat-sutaḥ

His son will be Sahasranika; from him, Ashvamedhaja; from him, Asimakrishna; and his son, Nemichakra.

Verse 40 (bhagavata.9.22.40)

गजाह्वये हृते नद्या कौशाम्ब्यां साधु वत्स्यति । उक्तस्ततश्चित्ररथस्तस्माच्छुचिरथः सुतः ॥ ४० ॥

gajāhvaye hṛte nadyā kauśāmbyāṁ sādhu vatsyati uktas tataś citrarathas tasmāc chucirathaḥ sutaḥ

When Hastinapura is swept away by the river, he will dwell rightly at Kaushambi. His son will be known as Chitraratha, and his son, Shuchiratha.

Verse 41 (bhagavata.9.22.41)

तस्माच्च वृष्टिमांस्तस्य सुषेणोऽथ महीपतिः । सुनीथस्तस्य भविता नृचक्षुर्यत् सुखीनलः ॥ ४१ ॥

tasmāc ca vṛṣṭimāṁs tasya suṣeṇo ’tha mahīpatiḥ sunīthas tasya bhavitā nṛcakṣur yat sukhīnalaḥ

From him will come Vrishtiman; his son, Sushena, will be emperor of the earth; his son will be Sunitha; from him, Nrichakshu; and from him, Sukhinala.

Verse 42 (bhagavata.9.22.42)

परिप्लवः सुतस्तस्मान्मेधावी सुनयात्मजः । नृपञ्जयस्ततो दूर्वस्तिमिस्तस्माज्जनिष्यति ॥ ४२ ॥

pariplavaḥ sutas tasmān medhāvī sunayātmajaḥ nṛpañjayas tato dūrvas timis tasmāj janiṣyati

His son will be Pariplava; from him, Sunaya; his son, Medhavi; from him, Nripanjaya; then Durva; and from him, Timi will be born.

Verse 43 (bhagavata.9.22.43)

तिमेर्बृहद्रथस्तस्माच्छतानीकः सुदासजः । शतानीकाद् दुर्दमनस्तस्यापत्यं महीनरः ॥ ४३ ॥

timer bṛhadrathas tasmāc chatānīkaḥ sudāsajaḥ śatānīkād durdamanas tasyāpatyaṁ mahīnaraḥ

From Timi will come Brihadratha; from him, Shatanika, whose son will be Sudasa; from Shatanika, Durdamana; and his son, Mahinara.

Verse 44 (bhagavata.9.22.44)

दण्डपाणिर्निमिस्तस्य क्षेमको भविता यतः । ब्रह्मक्षत्रस्य वै योनिर्वंशो देवर्षिसत्कृतः ॥ ४४ ॥

daṇḍapāṇir nimis tasya kṣemako bhavitā yataḥ brahma-kṣatrasya vai yonir vaṁśo devarṣi-satkṛtaḥ

His son will be Dandapani; his son, Nimi, from whom will be born King Kshemaka. Thus I have told you this dynasty, the source of both brahmana and kshatriya, honored by gods and sages.

Verse 45 (bhagavata.9.22.45)

क्षेमकं प्राप्य राजानं संस्थां प्राप्स्यति वै कलौ । अथ मागधराजानो भाविनो ये वदामि ते ॥ ४५ ॥

kṣemakaṁ prāpya rājānaṁ saṁsthāṁ prāpsyati vai kalau atha māgadha-rājāno bhāvino ye vadāmi te

With King Kshemaka, this line will come to its end in the Kali age. Now let me tell you of the future kings of Magadha.

Verse 46 (bhagavata.9.22.46)

भविता सहदेवस्य मार्जारिर्यच्छ्रुतश्रवाः । ततो युतायुस्तस्यापि निरमित्रोऽथ तत्सुतः ॥ ४६ ॥

bhavitā sahadevasya mārjārir yac chrutaśravāḥ tato yutāyus tasyāpi niramitro ’tha tat-sutaḥ

To Sahadeva (son of Jarasandha) will be born Marjari; from him, Shrutashrava; from him, Yutayu; and his son, Niramitra.

Verse 47 (bhagavata.9.22.47)

सुनक्षत्रः सुनक्षत्राद् बृहत्सेनोऽथ कर्मजित् । ततः सुतञ्जयाद् विप्रः शुचिस्तस्य भविष्यति ॥ ४७ ॥

sunakṣatraḥ sunakṣatrād bṛhatseno ’tha karmajit tataḥ sutañjayād vipraḥ śucis tasya bhaviṣyati

His son will be Sunakshatra; from him, Brihatsena; then Karmajit; from him, Sutanjaya; his son, Vipra; and his son will be Shuchi.

Verse 48 (bhagavata.9.22.48)

क्षेमोऽथ सुव्रतस्तस्माद् धर्मसूत्रः समस्ततः । द्युमत्सेनोऽथ सुमतिः सुबलो जनिता ततः ॥ ४८ ॥

kṣemo ’tha suvratas tasmād dharmasūtraḥ samas tataḥ dyumatseno ’tha sumatiḥ subalo janitā tataḥ

His son will be Kshema; from him, Suvrata; his son, Dharmasutra; from him, Sama; then Dyumatsena; his son, Sumati; and from him, Subala will be born.

Verse 49 (bhagavata.9.22.49)

सुनीथः सत्यजिदथ विश्वजिद् यद् रिपुञ्जयः । बार्हद्रथाश्च भूपाला भाव्याः साहस्रवत्सरम् ॥ ४९ ॥

sunīthaḥ satyajid atha viśvajid yad ripuñjayaḥ bārhadrathāś ca bhūpālā bhāvyāḥ sāhasra-vatsaram

His son will be Sunitha; from him, Satyajit; then Vishvajit; and from him, Ripunjaya. All these kings of the line of Brihadratha shall rule for a thousand years.