The Birth of Budha

Verse 1 (devibhagavatam.1.11.1)

ऋषय ऊचुः । कोऽसौ पुरूरवा राजा कोर्वशी देवकन्यका । कथं कष्टं च सम्प्राप्तं तेन राज्ञा महात्मना ॥ 11.1 ॥

ṛṣaya ūcuḥ ko'sau purūravā rājā korvaśī devakanyakā kathaṁ kaṣṭaṁ ca samprāptaṁ tena rājñā mahātmanā

The sages said: Who was that King Pururavas, and who was Urvashi, the daughter of the gods? And what hardship did that great-souled king come to endure?

Verse 2 (devibhagavatam.1.11.2)

सर्वं कथानकं ब्रूहि लोमहर्षणजाधुना । श्रोतुकामा वयं सर्वे त्वन्मुखाब्जच्युतं रसम् ॥ 11.2 ॥

sarvaṁ kathānakaṁ brūhi lomaharṣaṇajādhunā śrotukāmā vayaṁ sarve tvanmukhābjacyutaṁ rasam

Tell us the whole story now, O son of Lomaharshana; we are all eager to hear the nectar flowing from your lotus mouth.

Verse 3 (devibhagavatam.1.11.3)

अमृतादपि मिष्टा ते वाणी सूत रसात्मिका । न तृप्यामो वयं सर्वे सुधया च यथामराः ॥ 11.3 ॥

amṛtādapi miṣṭā te vāṇī sūta rasātmikā na tṛpyāmo vayaṁ sarve sudhayā ca yathāmarāḥ

Your speech, O Suta, full of flavor, is sweeter even than nectar; we are never satiated by it, just as the immortals are never satiated by ambrosia.

Verse 4 (devibhagavatam.1.11.4)

सूत उवाच । शृणुध्वं मुनयः सर्वे कथां दिव्यां मनोरमाम् । वक्ष्याम्यहं यथाबुद्।ह्ध्या श्रुतां व्यासवरोत्तमात् ॥ 11.4 ॥

sūta uvāca śṛṇudhvaṁ munayaḥ sarve kathāṁ divyāṁ manoramām vakṣyāmyahaṁ yathābud|hdhyā śrutāṁ vyāsavarottamāt

Suta said: Listen, all you sages, to this divine and enchanting tale; I shall tell it as best I understand it, as heard from Vyasa, most excellent of sages.

Verse 5 (devibhagavatam.1.11.5)

गुरोस्तु दयिता भार्या तारा नामेति विश्रुता । रूपयौवनयुक्ता सा चार्वङ्गी मदविह्वला ॥ 11.5 ॥

gurostu dayitā bhāryā tārā nāmeti viśrutā rūpayauvanayuktā sā cārvaṅgī madavihvalā

The beloved wife of the guru, renowned by the name Tara, endowed with beauty and youth, of lovely limbs, was intoxicated with the pride of her charms.

Verse 6 (devibhagavatam.1.11.6)

गतैकदा विधोर्धाम यजमानस्य भामिनी । दृष्टा च शशिनात्यर्थं रूपयौवनशालिनी ॥ 11.6 ॥

gataikadā vidhordhāma yajamānasya bhāminī dṛṣṭā ca śaśinātyarthaṁ rūpayauvanaśālinī

Once, that beautiful woman went to the abode of the Moon, her husband being the officiating priest there; and she, endowed with beauty and youth, was seen there by the Moon, exceedingly.

Verse 7 (devibhagavatam.1.11.7)

कामातुरस्तदा जातः शशी शशिमुखीं प्रति । सापि वीक्ष्य विधुं कामं जाता मदनपीडिता ॥ 11.7 ॥

kāmāturastadā jātaḥ śaśī śaśimukhīṁ prati sāpi vīkṣya vidhuṁ kāmaṁ jātā madanapīḍitā

The Moon then became afflicted with desire toward that moon-faced woman; she too, seeing the Moon, became tormented by the pain of love.

Verse 8 (devibhagavatam.1.11.8)

तावन्योन्यं प्रेमयुक्तौ स्मरार्तौ च बभूवतुः । तारा शशी मदोन्मत्तौ कामबाणप्रपीडितौ ॥ 11.8 ॥

tāvanyonyaṁ premayuktau smarārtau ca babhūvatuḥ tārā śaśī madonmattau kāmabāṇaprapīḍitau

The two of them, filled with mutual love, tormented by desire, became — Tara and the Moon, maddened with passion, sorely afflicted by the arrows of Kama.

Verse 9 (devibhagavatam.1.11.9)

रेमाते मदमत्तौ तौ परस्परस्पृहान्वितौ । दिनानि कतिचित्तत्र जातानि रममाणयोः ॥ 11.9 ॥

remāte madamattau tau parasparaspṛhānvitau dināni katicittatra jātāni ramamāṇayoḥ

Those two, intoxicated with passion, longing for each other, took their pleasure; some days passed there as they enjoyed themselves.

Verse 10 (devibhagavatam.1.11.10)

बृहस्पतिस्तु दुःखार्तस्तारामानयितुं गृहम् । प्रेषयामास शिष्यं तु नायाता सा वशीकृता ॥ 11.10 ॥

bṛhaspatistu duḥkhārtastārāmānayituṁ gṛham preṣayāmāsa śiṣyaṁ tu nāyātā sā vaśīkṛtā

Brihaspati, afflicted with sorrow, sent his disciple to bring Tara home; but she, having come under the Moon's sway, did not return.

Verse 11 (devibhagavatam.1.11.11)

पुनः पुनर्यदा शिष्यं परावर्तत चन्द्रमाः । बृहस्पतिस्तदा क्रुद्धो जगाम स्वयमेव हि ॥ 11.11 ॥

punaḥ punaryadā śiṣyaṁ parāvartata candramāḥ bṛhaspatistadā kruddho jagāma svayameva hi

When, again and again, the Moon sent the disciple back without her, Brihaspati, then enraged, went there himself indeed.

Verse 12 (devibhagavatam.1.11.12)

गत्वा सोमगृहं तत्र वाचस्पतिरुदारधीः । उवाच शशिनं क्रुद्धः स्मयमानं मदान्वितम् ॥ 11.12 ॥

gatvā somagṛhaṁ tatra vācaspatirudāradhīḥ uvāca śaśinaṁ kruddhaḥ smayamānaṁ madānvitam

Having gone to the Moon's abode, Vachaspati, of noble intellect, angrily addressed the Moon, who stood there smiling, filled with pride:

Verse 13 (devibhagavatam.1.11.13)

किं कृतं किल शीतांशो कर्म धर्मविगर्हितम् । रक्षिता मम भार्येयं सुन्दरी केन हेतुना ॥ 11.13 ॥

kiṁ kṛtaṁ kila śītāṁśo karma dharmavigarhitam rakṣitā mama bhāryeyaṁ sundarī kena hetunā

'What is this deed you have done, O cool-rayed one, so condemned by dharma? For what reason has this, my beautiful wife, been kept here by you?'

Verse 14 (devibhagavatam.1.11.14)

तव देव गुरुश्चाहं यजमानोऽसि सर्वथा । गुरुभार्या कथं मूढ भुक्ता किं रक्षिताथवा ॥ 11.14 ॥

tava deva guruścāhaṁ yajamāno'si sarvathā gurubhāryā kathaṁ mūḍha bhuktā kiṁ rakṣitāthavā

'O god, I am your guru, and your officiant in every way; how, O fool, has the guru's wife been enjoyed, or been kept, by you?'

Verse 15 (devibhagavatam.1.11.15)

ब्रह्महा हेमहारी च सुरापो गुरुतल्पगः । महापातकिनो ह्येते तत्संसर्गी च पञ्चमः ॥ 11.15 ॥

brahmahā hemahārī ca surāpo gurutalpagaḥ mahāpātakino hyete tatsaṁsargī ca pañcamaḥ

'The killer of a brahmin, the thief of gold, the drinker of liquor, and one who defiles his guru's bed — these are great sinners; and the fifth is one who associates with such a person.'

Verse 16 (devibhagavatam.1.11.16)

महापातकयुक्तस्त्वं दुराचारोऽतिगर्हितः । न देवसदनार्होऽसि यदि भुक्तेयमङ्गना ॥ 11.16 ॥

mahāpātakayuktastvaṁ durācāro'tigarhitaḥ na devasadanārho'si yadi bhukteyamaṅganā

'You are guilty of a great sin, of vile conduct, utterly condemnable; you are not worthy of a place among the gods, if this woman has been enjoyed.'

Verse 17 (devibhagavatam.1.11.17)

मुञ्चेमामसितापाङ्गीं नयामि सदनं मम । नोचेद्वक्ष्यामि दुष्टात्मन् गुरुदारापहारिणम् ॥ 11.17 ॥

muñcemāmasitāpāṅgīṁ nayāmi sadanaṁ mama nocedvakṣyāmi duṣṭātman gurudārāpahāriṇam

'Release this dark-eyed woman; I shall take her to my own home. Otherwise I shall proclaim you, O evil-souled one, as the abductor of your guru's wife.'

Verse 18 (devibhagavatam.1.11.18)

इत्येवं भाषमाणं तमुवाच रोहिणीपतिः । गुरुं क्रोधसमायुक्तं कान्ताविरहदुःखितम् ॥ 11.18 ॥

ityevaṁ bhāṣamāṇaṁ tamuvāca rohiṇīpatiḥ guruṁ krodhasamāyuktaṁ kāntāvirahaduḥkhitam

To him thus speaking, the lord of Rohini replied — to the guru, filled with rage and grieving over the separation from his beloved:

Verse 19 (devibhagavatam.1.11.19)

इन्दुरुवाच । क्रोधात्ते तु दुराराध्या ब्राह्मणाः क्रोधवर्जिताः । पूजार्हा धर्मशास्त्रज्ञा वर्जनीयास्ततोऽन्यथा ॥ 11.19 ॥

induruvāca krodhātte tu durārādhyā brāhmaṇāḥ krodhavarjitāḥ pūjārhā dharmaśāstrajñā varjanīyāstato'nyathā

The Moon said: 'Because of your anger you have become hard to appease; true brahmins are free of anger. Those knowing dharma-shastra are worthy of worship — otherwise they are to be avoided.'

Verse 20 (devibhagavatam.1.11.20)

आगमिष्यति सा कामं गृहं ते वरवर्णिनी । अत्रैव संस्थिता बाला का ते हानिरिहानघ ॥ 11.20 ॥

āgamiṣyati sā kāmaṁ gṛhaṁ te varavarṇinī atraiva saṁsthitā bālā kā te hānirihānagha

'That fair-complexioned woman will come to your home in due course, of her own will; this young woman is staying right here for now — what loss is it to you in this, O sinless one?'

Verse 21 (devibhagavatam.1.11.21)

इच्छया संस्थिता चात्र सुखकामार्थिनी हि सा । दिनानि कतिचित्स्थित्वा स्वेच्छया चागमिष्यति ॥ 11.21 ॥

icchayā saṁsthitā cātra sukhakāmārthinī hi sā dināni katicitsthitvā svecchayā cāgamiṣyati

'She is staying here of her own choice, seeking happiness and desire; having stayed some days, she will return of her own free will.'

Verse 22 (devibhagavatam.1.11.22)

त्वयैवोदाहृतं पूर्वं धर्मशास्त्रमतं तथा । न स्त्री दुष्यति चारेण न विप्रो वेदकर्मणा ॥ 11.22 ॥

tvayaivodāhṛtaṁ pūrvaṁ dharmaśāstramataṁ tathā na strī duṣyati cāreṇa na vipro vedakarmaṇā

'You yourself have declared before, in accordance with the dharma-shastras, that a woman is not defiled by mere conduct of this kind, just as a brahmin is not defiled by Vedic ritual action.'

Verse 23 (devibhagavatam.1.11.23)

इत्युक्तः शशिना तत्र गुरुरत्यन्तदुःखितः । जगाम स्वगृहं तूर्णं चिन्ताविष्टः स्मरातुरः ॥ 11.23 ॥

ityuktaḥ śaśinā tatra gururatyantaduḥkhitaḥ jagāma svagṛhaṁ tūrṇaṁ cintāviṣṭaḥ smarāturaḥ

Thus addressed by the Moon, the guru, exceedingly sorrowful, went quickly to his own home, absorbed in anxious thought, tormented by love's pain.

Verse 24 (devibhagavatam.1.11.24)

दिनानि कतिचित्तत्र स्थित्वा चिन्तातुरो गुरुः । ययावथ गृहं तस्य त्वरितश्चौषधीपतेः ॥ 11.24 ॥

dināni katicittatra sthitvā cintāturo guruḥ yayāvatha gṛhaṁ tasya tvaritaścauṣadhīpateḥ

Having stayed there some days, the anxious guru then went in haste to the house of the lord of herbs.

Verse 25 (devibhagavatam.1.11.25)

स्थितः क्षत्रा निषिद्धोऽसौ द्वारदेशे रुषान्वितः । नाजगाम शशी तत्र चुकोपाति बृहस्पतिः ॥ 11.25 ॥

sthitaḥ kṣatrā niṣiddho'sau dvāradeśe ruṣānvitaḥ nājagāma śaśī tatra cukopāti bṛhaspatiḥ

He stood there, stopped by the doorkeeper, at the entrance, filled with anger; the Moon did not come out to him there, and Brihaspati grew exceedingly enraged.

Verse 26 (devibhagavatam.1.11.26)

अयं मे शिष्यतां यातो गुरुपत्नीं तु मातरम् । जग्राह बलतोऽधर्मी शिक्षणीयो मयाधुना ॥ 11.26 ॥

ayaṁ me śiṣyatāṁ yāto gurupatnīṁ tu mātaram jagrāha balato'dharmī śikṣaṇīyo mayādhunā

'This one, who came to be my disciple, has forcibly taken my wife, who is to him as a mother; this unrighteous one is now to be disciplined by me.'

Verse 27 (devibhagavatam.1.11.27)

उवाच वाचं कोपात्तु द्वारदेशस्थितो बहिः । किं शेषे भवने मन्द पापाचार सुराधम ॥ 11.27 ॥

uvāca vācaṁ kopāttu dvāradeśasthito bahiḥ kiṁ śeṣe bhavane manda pāpācāra surādhama

Standing outside at the entrance, he spoke in anger: 'Why do you lie within your house, O fool, of sinful conduct, lowest of gods?'

Verse 28 (devibhagavatam.1.11.28)

देहि मे कामिनीं शीघ्रं नोचेच्छापं ददाम्यहम् । करोमि भस्मसान्नूनं न ददासि प्रियां मम ॥ 11.28 ॥

dehi me kāminīṁ śīghraṁ nocecchāpaṁ dadāmyaham karomi bhasmasānnūnaṁ na dadāsi priyāṁ mama

'Give me back my beloved woman at once, or else I shall curse you; I shall surely reduce you to ashes if you do not give back my beloved.'

Verse 29 (devibhagavatam.1.11.29)

सूत उवाच । क्रूराणि चैवमादीनि भाषणानि बृहस्पतेः । श्रुत्वा द्विजपतिः शीघ्रं निर्गतः सदनाद्बहिः ॥ 11.29 ॥

sūta uvāca krūrāṇi caivamādīni bhāṣaṇāni bṛhaspateḥ śrutvā dvijapatiḥ śīghraṁ nirgataḥ sadanādbahiḥ

Suta said: Hearing these harsh words and the like from Brihaspati, the lord of the twice-born quickly came out of his house.

Verse 30 (devibhagavatam.1.11.30)

तमुवाच हसन्सोमः किमिदं बहु भाषसे । न ते योग्यासितापाङ्गी सर्वलक्षणसंयुता ॥ 11.30 ॥

tamuvāca hasansomaḥ kimidaṁ bahu bhāṣase na te yogyāsitāpāṅgī sarvalakṣaṇasaṁyutā

Soma said to him, laughing: 'Why do you talk so much? This dark-eyed woman, endowed with every auspicious mark, is not fit for you.'

Verse 31 (devibhagavatam.1.11.31)

कुरूपां च स्वसदृशीं गृहाणान्यां स्त्रियं द्विज । भिक्षुकस्य गृहे योग्या नेदृशी वरवर्णिनी ॥ 11.31 ॥

kurūpāṁ ca svasadṛśīṁ gṛhāṇānyāṁ striyaṁ dvija bhikṣukasya gṛhe yogyā nedṛśī varavarṇinī

'Take instead some other woman, ill-formed, matching your own kind, O brahmin; a fair beauty such as this is not fit for the house of a mere beggar.'

Verse 32 (devibhagavatam.1.11.32)

रतिः स्वसदृशे कान्ते नार्याः किल निगद्यते । त्वं न जानासि मन्दात्मन् कामशास्त्रविनिर्णयम् ॥ 11.32 ॥

ratiḥ svasadṛśe kānte nāryāḥ kila nigadyate tvaṁ na jānāsi mandātman kāmaśāstravinirṇayam

'A woman's true delight, indeed, is declared to be with a lover who matches her; you, O dull-witted one, do not know the settled teaching of the science of love.'

Verse 33 (devibhagavatam.1.11.33)

यथेष्टं गच्छ दुर्बुद्धे नाहं दास्यामि कामिनीम् । यच्छक्यं कुरु तत्कामं न देया वरवर्णिनी ॥ 11.33 ॥

yatheṣṭaṁ gaccha durbuddhe nāhaṁ dāsyāmi kāminīm yacchakyaṁ kuru tatkāmaṁ na deyā varavarṇinī

'Go wherever you please, O foolish one; I shall not give up my beloved. Do whatever you are capable of doing — this fair beauty is not to be given up.'

Verse 34 (devibhagavatam.1.11.34)

कामार्तस्य च ते शापो न मां बाधितुमर्हति । नाहं ददे गुरो कान्तां यथेच्छसि तथा कुरु ॥ 11.34 ॥

kāmārtasya ca te śāpo na māṁ bādhitumarhati nāhaṁ dade guro kāntāṁ yathecchasi tathā kuru

'And the curse of one tormented by desire cannot rightly harm me; I shall not give up my beloved, O guru — do as you please.'

Verse 35 (devibhagavatam.1.11.35)

सूत उवाच । इत्युक्तः शशिना चेज्यश्चिन्तामाप रुषान्वितः । जगाम तरसा सद्म क्रोधयुक्तः शचीपतेः ॥ 11.35 ॥

sūta uvāca ityuktaḥ śaśinā cejyaścintāmāpa ruṣānvitaḥ jagāma tarasā sadma krodhayuktaḥ śacīpateḥ

Suta said: Thus addressed by the Moon, the officiant, filled with rage, fell into anxious thought, and went swiftly, overcome with anger, to the abode of the lord of Shachi.

Verse 36 (devibhagavatam.1.11.36)

दृष्ट्वा शतक्रतुस्तत्र गुरुं दुःखातुरं स्थितम् । पाद्यार्घ्याचमनीयाद्यैः पूजयित्वा सुसंस्थितः ॥ 11.36 ॥

dṛṣṭvā śatakratustatra guruṁ duḥkhāturaṁ sthitam pādyārghyācamanīyādyaiḥ pūjayitvā susaṁsthitaḥ

Seeing his guru standing there, afflicted with sorrow, Shatakratu duly honored him with water for the feet, guest-offering, water for sipping, and the like, and stood attentively.

Verse 37 (devibhagavatam.1.11.37)

पप्रच्छ परमोदारस्तं तथावस्थितं गुरुम् । का चिन्ता ते महाभाग शोकार्तोऽसि महामुने ॥ 11.37 ॥

papraccha paramodārastaṁ tathāvasthitaṁ gurum kā cintā te mahābhāga śokārto'si mahāmune

Most gracious, he asked his guru, standing there thus: 'What is your worry, O greatly fortunate one? You are afflicted with grief, O great sage.'

Verse 38 (devibhagavatam.1.11.38)

केनापमानितोऽसि त्वं मम राज्ये गुरुश्च मे । त्वदधीनमिदं सर्वं सैन्यं लोकाधिपैः सह ॥ 11.38 ॥

kenāpamānito'si tvaṁ mama rājye guruśca me tvadadhīnamidaṁ sarvaṁ sainyaṁ lokādhipaiḥ saha

'By whom have you been insulted, in my very kingdom — you, my own guru? All this army here is under your command, together with the lords of the worlds.'

Verse 39 (devibhagavatam.1.11.39)

बह्मा विष्णुस्तथा शम्भुर्ये चान्ये देवसत्तमाः । करिष्यन्ति च साहाय्यं का चिन्ता वद साम्प्रतम् ॥ 11.39 ॥

bahmā viṣṇustathā śambhurye cānye devasattamāḥ kariṣyanti ca sāhāyyaṁ kā cintā vada sāmpratam

'Brahma, Vishnu, and Shambhu likewise, and whatever other excellent gods there are, will render their help; what is your worry? Tell me now.'

Verse 40 (devibhagavatam.1.11.40)

गुरुरुवाच । शशिनापहृता भार्या तारा मम सुलोचना । न ददाति स दुष्टात्मा प्रार्थितोऽपि पुनः पुनः ॥ 11.40 ॥

gururuvāca śaśināpahṛtā bhāryā tārā mama sulocanā na dadāti sa duṣṭātmā prārthito'pi punaḥ punaḥ

The guru said: My wife, Tara, of lovely eyes, has been taken away by the Moon; that evil-souled one will not return her, though begged again and again.

Verse 41 (devibhagavatam.1.11.41)

किं करोमि सुरेशान त्वमेव शरणं मम । साहाय्यं कुरु देवेश दुःखितोऽस्मि शतक्रतो ॥ 11.41 ॥

kiṁ karomi sureśāna tvameva śaraṇaṁ mama sāhāyyaṁ kuru deveśa duḥkhito'smi śatakrato

'What shall I do, O lord of gods? You alone are my refuge; render your help, O lord of gods — I am sorrowful, O Shatakratu.'

Verse 42 (devibhagavatam.1.11.42)

इन्द्र उवाच । मा शोकं कुरु धर्मज्ञ दासोऽस्मि तव सुव्रत । आनयिष्याम्यहं नूनं भार्यां तव महामते ॥ 11.42 ॥

indra uvāca mā śokaṁ kuru dharmajña dāso'smi tava suvrata ānayiṣyāmyahaṁ nūnaṁ bhāryāṁ tava mahāmate

Indra said: Do not grieve, O knower of dharma; I am your servant, O one of noble vow; I shall surely bring back your wife, O great-minded one.

Verse 43 (devibhagavatam.1.11.43)

प्रेषिते चेन्मया दूते न दास्यति मदाकुलः । ततो युद्धं करिष्यामि देवसैन्यैः समावृतः ॥ 11.43 ॥

preṣite cenmayā dūte na dāsyati madākulaḥ tato yuddhaṁ kariṣyāmi devasainyaiḥ samāvṛtaḥ

If, when I send an envoy, he, maddened with pride, does not give her back, then I shall wage war, surrounded by the armies of the gods.

Verse 44 (devibhagavatam.1.11.44)

इत्याश्वास्य गुरुं शक्रो दूतं वक्तृविचक्षणम् । प्रेषयामास सोमाय वार्ताशंसिनमद्भुतम् ॥ 11.44 ॥

ityāśvāsya guruṁ śakro dūtaṁ vaktṛvicakṣaṇam preṣayāmāsa somāya vārtāśaṁsinamadbhutam

Having thus reassured his guru, Shakra sent to the Moon a messenger skilled in speech, a bringer of wondrous news.

Verse 45 (devibhagavatam.1.11.45)

स गत्वा शशिलोकं तु त्वरितः सुविचक्षणः । उवाच वचनेनैव वचनं रोहिणीपतिम् ॥ 11.45 ॥

sa gatvā śaśilokaṁ tu tvaritaḥ suvicakṣaṇaḥ uvāca vacanenaiva vacanaṁ rohiṇīpatim

He, very skilled, having gone quickly to the Moon's realm, delivered the message, purely through speech, to the lord of Rohini.

Verse 46 (devibhagavatam.1.11.46)

प्रेषितोऽहं महाभाग शक्रेण त्वां विवक्षया । कथितं प्रभुणा यच्च तद्ब्रवीमि महामते ॥ 11.46 ॥

preṣito'haṁ mahābhāga śakreṇa tvāṁ vivakṣayā kathitaṁ prabhuṇā yacca tadbravīmi mahāmate

'I have been sent, O greatly fortunate one, by Shakra, with a message for you; what the lord has told me, that I shall now speak, O great-minded one.'

Verse 47 (devibhagavatam.1.11.47)

धर्मज्ञोऽसि महाभाग नीतिं जानासि सुव्रत । अत्रिः पिता ते धर्मात्मा न निद्यं कर्तुमर्हसि ॥ 11.47 ॥

dharmajño'si mahābhāga nītiṁ jānāsi suvrata atriḥ pitā te dharmātmā na nidyaṁ kartumarhasi

'You are a knower of dharma, greatly fortunate one; you know statecraft, O one of noble vow; your father Atri is righteous-souled — you ought not to do a blameworthy deed.'

Verse 48 (devibhagavatam.1.11.48)

भार्या रक्ष्या सर्वभूतैर्यथाशक्ति ह्यतन्द्रितैः । तदर्थे कलहः कामं भविता नात्र संशयः ॥ 11.48 ॥

bhāryā rakṣyā sarvabhūtairyathāśakti hyatandritaiḥ tadarthe kalahaḥ kāmaṁ bhavitā nātra saṁśayaḥ

'A wife is to be protected by all beings, tirelessly, to the best of their ability; for her sake, indeed, conflict will surely arise — there is no doubt of this.'

Verse 49 (devibhagavatam.1.11.49)

यथा तव तथा तस्य यत्नः स्याद्दाररक्षणे । आत्मवत्सर्वभूतानि चिन्तय त्वं सुधानिधे ॥ 11.49 ॥

yathā tava tathā tasya yatnaḥ syāddārarakṣaṇe ātmavatsarvabhūtāni cintaya tvaṁ sudhānidhe

'As it is for you, so it is for him — effort must be made in protecting a wife; regard all beings as your own self, O treasury of nectar.'

Verse 50 (devibhagavatam.1.11.50)

अष्टाविंशतिसङ्ख्यास्ते कामिन्यो दक्षजाः शुभाः । गुरुपत्नीं कथं भोक्तुं त्वमिच्छसि सुधानिधे ॥ 11.50 ॥

aṣṭāviṁśatisaṅkhyāste kāminyo dakṣajāḥ śubhāḥ gurupatnīṁ kathaṁ bhoktuṁ tvamicchasi sudhānidhe

'There are twenty-eight beautiful women, daughters of Daksha, as your own wives; how, then, do you wish to enjoy the guru's wife, O treasury of nectar?'

Verse 51 (devibhagavatam.1.11.51)

स्वर्गे सदा वसन्त्येता मेनकाद्या मनोरमाः । भुङ्क्ष्व ताः स्वेच्छया कामं मुञ्च पत्नीं गुरोरपि ॥ 11.51 ॥

svarge sadā vasantyetā menakādyā manoramāḥ bhuṅkṣva tāḥ svecchayā kāmaṁ muñca patnīṁ gurorapi

'There always dwell in heaven enchanting women beginning with Menaka; enjoy them as you please, and release the guru's wife.'

Verse 52 (devibhagavatam.1.11.52)

ईश्वरा यदि कुर्वन्ति जुगुप्सितमहन्तया । अज्ञास्तदनुवर्तन्ते तदा धर्मक्षयो भवेत् ॥ 11.52 ॥

īśvarā yadi kurvanti jugupsitamahantayā ajñāstadanuvartante tadā dharmakṣayo bhavet

'If the mighty commit reprehensible deeds out of pride, then the ignorant will follow their example, and dharma will thereby decline.'

Verse 53 (devibhagavatam.1.11.53)

तस्मान्मुञ्च महाभाग गुरोः पत्नीं मनोरमाम् । कलहस्त्वन्निमित्तोऽद्य सुराणां न भवेद्यथा ॥ 11.53 ॥

tasmānmuñca mahābhāga guroḥ patnīṁ manoramām kalahastvannimitto'dya surāṇāṁ na bhavedyathā

'Therefore release, O greatly fortunate one, the guru's charming wife, so that a conflict among the gods, caused by you, does not occur today.'

Verse 54 (devibhagavatam.1.11.54)

सूत उवाच । सोमः शक्रवचः श्रुत्वा किञ्चित्क्रोधसमाकुलः । भङ्ग्या प्रतिवचः प्राह शक्रदूतं तदा शशी ॥ 11.54 ॥

sūta uvāca somaḥ śakravacaḥ śrutvā kiñcitkrodhasamākulaḥ bhaṅgyā prativacaḥ prāha śakradūtaṁ tadā śaśī

Suta said: Hearing Shakra's words, Soma, somewhat overcome with anger, gave a reply full of wit to Shakra's messenger, the Moon then saying:

Verse 55 (devibhagavatam.1.11.55)

इन्दुरावाच । धर्मज्ञोऽसि महाबाहो देवानामधिपः स्वयम् । पुरोधापि च ते तादृग्युवयोः सदृशी मतिः ॥ 11.55 ॥

indurāvāca dharmajño'si mahābāho devānāmadhipaḥ svayam purodhāpi ca te tādṛgyuvayoḥ sadṛśī matiḥ

The Moon said: You are a knower of dharma, O mighty-armed one, yourself the lord of the gods; and your priest too is of a like mind — your two minds are alike.

Verse 56 (devibhagavatam.1.11.56)

परोपदेशे कुशला भवन्ति बहवो जनाः । दुर्लभस्तु स्वयं कर्ता प्राप्ते कर्मणि सर्वदा ॥ 11.56 ॥

paropadeśe kuśalā bhavanti bahavo janāḥ durlabhastu svayaṁ kartā prāpte karmaṇi sarvadā

Many people are skilled in giving advice to others; but one who himself acts, when the deed is actually at hand, is always hard to find.

Verse 57 (devibhagavatam.1.11.57)

बार्हस्पत्यप्रणीतं च शास्त्रं गृह्णन्ति मानवाः । को विरोधोऽत्र देवेश कामयानां भजन्स्त्रियम् ॥ 11.57 ॥

bārhaspatyapraṇītaṁ ca śāstraṁ gṛhṇanti mānavāḥ ko virodho'tra deveśa kāmayānāṁ bhajanstriyam

Men accept the very shastra composed by Brihaspati himself; what contradiction is there here, O lord of gods, in one who desires and enjoys a woman?

Verse 58 (devibhagavatam.1.11.58)

स्वकीयं बलिनां सर्वं दुर्बलानां न किञ्चन । स्वीया च परकीया च भ्रमोऽयं मन्दचेतसाम् ॥ 11.58 ॥

svakīyaṁ balināṁ sarvaṁ durbalānāṁ na kiñcana svīyā ca parakīyā ca bhramo'yaṁ mandacetasām

Everything belongs to the strong; nothing belongs to the weak; the distinction between 'one's own' and 'another's' is a delusion of the dull-witted.

Verse 59 (devibhagavatam.1.11.59)

तारा मय्यनुरक्ता च यथा न तु तथा गुरौ । अनुरक्ता कथं त्याज्या धर्मतो न्यायतस्तथा ॥ 11.59 ॥

tārā mayyanuraktā ca yathā na tu tathā gurau anuraktā kathaṁ tyājyā dharmato nyāyatastathā

Tara is devoted to me, as she is not to the guru; how, then, should one so devoted to me be abandoned, either by dharma or by justice?

Verse 60 (devibhagavatam.1.11.60)

गृहारम्भस्तु रक्तायां विरक्तायां कथं भवेत् । विरक्तेयं यदा जाता चकमेऽनुजकामिनीम् ॥ 11.60 ॥

gṛhārambhastu raktāyāṁ viraktāyāṁ kathaṁ bhavet virakteyaṁ yadā jātā cakame'nujakāminīm

How can a household be founded upon one who is unattached? When she has become thus estranged, he himself once desired his own younger brother's beloved.

Verse 61 (devibhagavatam.1.11.61)

न दास्येऽहं वरारोहां गच्छ दूत वद स्वयम् । ईश्वरोऽसि सहस्राक्ष यदिच्छसि कुरुष्व तत् ॥ 11.61 ॥

na dāsye'haṁ varārohāṁ gaccha dūta vada svayam īśvaro'si sahasrākṣa yadicchasi kuruṣva tat

'I shall not give up this fair woman; go, messenger, and tell him yourself. You are the mighty lord, O thousand-eyed one; do as you wish.'

Verse 62 (devibhagavatam.1.11.62)

सूत उवाच । इत्युक्तः शशिना दूतः प्रययौ शक्रसन्निधिम् । इन्द्रायाचष्ट तत्सर्वं यदुक्तं शीतरश्मिना ॥ 11.62 ॥

sūta uvāca ityuktaḥ śaśinā dūtaḥ prayayau śakrasannidhim indrāyācaṣṭa tatsarvaṁ yaduktaṁ śītaraśminā

Suta said: Thus addressed by the Moon, the messenger went to Indra's presence, and reported to Indra everything that the cool-rayed one had said.

Verse 63 (devibhagavatam.1.11.63)

तुराषाडपि तच्छ्रुत्वा क्रोधयुक्तो बभूव ह । सेनोद्योगं तथा चक्रे साहाय्यार्थं गुरोर्विभुः ॥ 11.63 ॥

turāṣāḍapi tacchrutvā krodhayukto babhūva ha senodyogaṁ tathā cakre sāhāyyārthaṁ gurorvibhuḥ

Turashad too, hearing this, became filled with anger; the mighty one made ready his army, for the sake of helping his guru.

Verse 64 (devibhagavatam.1.11.64)

शुक्रस्तु विग्रहं श्रुत्वा गुरुद्वेषात्ततो ययौ । मा ददस्वेति तं वाक्यमुवाच शशिनं प्रति ॥ 11.64 ॥

śukrastu vigrahaṁ śrutvā gurudveṣāttato yayau mā dadasveti taṁ vākyamuvāca śaśinaṁ prati

Shukra, hearing of the conflict, went there out of enmity toward the guru, and spoke these words to the Moon: 'Do not give her up.'

Verse 65 (devibhagavatam.1.11.65)

साहाय्यं ते करिष्यामि मन्त्रशक्त्या महामते । भविता यदि सङ्ग्रामस्तव चेन्द्रेण मारिष ॥ 11.65 ॥

sāhāyyaṁ te kariṣyāmi mantraśaktyā mahāmate bhavitā yadi saṅgrāmastava cendreṇa māriṣa

'I shall render you help through the power of my mantras, O great-minded one, if there is to be battle between you and Indra, O worthy one.'

Verse 66 (devibhagavatam.1.11.66)

शङ्करस्तु तदाकर्ण्य गुरुदाराभिमर्शनम् । गुरुशत्रुं भृगुं मत्वा साहाय्यमकरोत्तदा ॥ 11.66 ॥

śaṅkarastu tadākarṇya gurudārābhimarśanam guruśatruṁ bhṛguṁ matvā sāhāyyamakarottadā

Shankara, hearing of this violation of the guru's wife, and regarding Bhrigu as an enemy of the guru, then rendered his help to Brihaspati's side.

Verse 67 (devibhagavatam.1.11.67)

सङ्ग्रामस्तु तदा वृत्तो देवदानवयोर्द्रुतम् । बहूनि तत्र वर्षाणि तारकासुरवत्किल ॥ 11.67 ॥

saṅgrāmastu tadā vṛtto devadānavayordrutam bahūni tatra varṣāṇi tārakāsuravatkila

A battle then swiftly broke out between the gods and the danavas; for many years it raged there, indeed, like the Taraka war.

Verse 68 (devibhagavatam.1.11.68)

देवासुरकृतं युद्धं दृष्ट्वा तत्र पितामहः । हंसारूढो जगामाशु तं देशं क्लेशशान्तये ॥ 11.68 ॥

devāsurakṛtaṁ yuddhaṁ dṛṣṭvā tatra pitāmahaḥ haṁsārūḍho jagāmāśu taṁ deśaṁ kleśaśāntaye

Seeing the war waged between the gods and the demons there, the Grandsire, mounted on his swan, went swiftly to that place, for the sake of quelling the strife.

Verse 69 (devibhagavatam.1.11.69)

राकापतिं तदा प्राह मुञ्च भार्यां गुरोरिति । नोचेद्विष्णुं समाहूय करिष्यामि तु सङ्क्षयम् ॥ 11.69 ॥

rākāpatiṁ tadā prāha muñca bhāryāṁ guroriti nocedviṣṇuṁ samāhūya kariṣyāmi tu saṅkṣayam

He then said to the lord of the full moon: 'Release the guru's wife; otherwise, summoning Vishnu, I shall bring about total destruction.'

Verse 70 (devibhagavatam.1.11.70)

भृगुं निवारयामास ब्रह्मा लोकपितामहः । किमन्यायमतिर्जाता सङ्गदोषान्महामते ॥ 11.70 ॥

bhṛguṁ nivārayāmāsa brahmā lokapitāmahaḥ kimanyāyamatirjātā saṅgadoṣānmahāmate

Brahma, the grandfather of the worlds, restrained Bhrigu as well: 'Why has your mind turned to injustice, through the fault of bad association, O great-minded one?'

Verse 71 (devibhagavatam.1.11.71)

निषेधयामास ततो भृगुस्तं चौषधीपतिम् । मुञ्च भार्यां गुरोरद्य पित्राहं प्रेषितस्तव ॥ 11.71 ॥

niṣedhayāmāsa tato bhṛgustaṁ cauṣadhīpatim muñca bhāryāṁ guroradya pitrāhaṁ preṣitastava

Bhrigu then restrained himself, and together with Brahma forbade the lord of herbs further conflict: 'Release the guru's wife today; I have been sent to you by the Father.'

Verse 72 (devibhagavatam.1.11.72)

सूत उवाच । द्विजराजस्तु तच्छ्रुत्वा भृगोर्वचनमद्भुतम् । ददौ च तत्प्रियां भार्यां गुरोर्गर्भवतीं शुभाम् ॥ 11.72 ॥

sūta uvāca dvijarājastu tacchrutvā bhṛgorvacanamadbhutam dadau ca tatpriyāṁ bhāryāṁ gurorgarbhavatīṁ śubhām

Suta said: The king of the twice-born, hearing Bhrigu's wondrous words, gave back to the guru his beloved and auspicious wife, who was by then pregnant.

Verse 73 (devibhagavatam.1.11.73)

प्राप्य कान्तां गुरुर्हृष्टः स्वगृहं मुदितो ययौ । ततो देवास्ततो दैत्या ययुः स्वान्स्वान्गृहान्प्रति ॥ 11.73 ॥

prāpya kāntāṁ gururhṛṣṭaḥ svagṛhaṁ mudito yayau tato devāstato daityā yayuḥ svānsvāngṛhānprati

Having regained his beloved, the guru, delighted, went joyfully to his own home; then the gods, and then the daityas, went each to their own respective homes.

Verse 74 (devibhagavatam.1.11.74)

ब्रह्मा स्वसदनं प्राप्तः कैलासं चापि शङ्करः । बृहस्पतिस्तु सन्तुष्टः प्राप्य भार्यां मनोरमाम् ॥ 11.74 ॥

brahmā svasadanaṁ prāptaḥ kailāsaṁ cāpi śaṅkaraḥ bṛhaspatistu santuṣṭaḥ prāpya bhāryāṁ manoramām

Brahma reached his own abode, and Shankara too reached Kailasa; Brihaspati, well pleased, having regained his charming wife,

Verse 75 (devibhagavatam.1.11.75)

ततः कालेन कियता तारासूत सुतं शुभम् । सुदिने शुभनक्षत्रे तारापतिसमं गुणैः ॥ 11.75 ॥

tataḥ kālena kiyatā tārāsūta sutaṁ śubham sudine śubhanakṣatre tārāpatisamaṁ guṇaiḥ

— then, after some time, Tara gave birth to an auspicious son, on a good day, under an auspicious constellation, a son equal in qualities to the lord of the stars.

Verse 76 (devibhagavatam.1.11.76)

दृष्ट्वा पुत्रं गुरुर्जातं चकार विधिपूर्वकम् । जातकर्मादिकं सर्वं प्रहृष्टेनान्तरात्मना ॥ 11.76 ॥

dṛṣṭvā putraṁ gururjātaṁ cakāra vidhipūrvakam jātakarmādikaṁ sarvaṁ prahṛṣṭenāntarātmanā

Seeing the son born, the guru, his inner soul filled with joy, duly performed the birth-rites and all the rest, according to proper rule.

Verse 77 (devibhagavatam.1.11.77)

श्रुतं चन्द्रमसा जन्म पुत्रस्य मुनिसत्तमाः । दूतं च प्रेषयामास गुरुं प्रति महामतिः ॥ 11.77 ॥

śrutaṁ candramasā janma putrasya munisattamāḥ dūtaṁ ca preṣayāmāsa guruṁ prati mahāmatiḥ

O best of sages, the Moon heard of the birth of the son, and, great-minded, sent a messenger to the guru:

Verse 78 (devibhagavatam.1.11.78)

न चायं तव पुत्रोऽस्ति मम वीर्यसमुद्भवः । कथं त्वं कृतवान्कामं जातकर्मादिकं विधिम् ॥ 11.78 ॥

na cāyaṁ tava putro'sti mama vīryasamudbhavaḥ kathaṁ tvaṁ kṛtavānkāmaṁ jātakarmādikaṁ vidhim

'This is not truly your son — he arose from my own seed. How, then, have you performed at your pleasure the birth-rites and the rest of the ritual?'

Verse 79 (devibhagavatam.1.11.79)

तच्छ्रुत्वा वचनं तस्य दूतस्य च बृहस्पतिः । उवाच मम पुत्रो मे सदृशो नात्र संशयः ॥ 11.79 ॥

tacchrutvā vacanaṁ tasya dūtasya ca bṛhaspatiḥ uvāca mama putro me sadṛśo nātra saṁśayaḥ

Hearing these words of the messenger, Brihaspati said: 'He is my son, resembling me — there is no doubt of this.'

Verse 80 (devibhagavatam.1.11.80)

पुनर्विवादः सञ्जातो मिलिता देवदानवाः । युद्धार्थमागतास्तेषां समाजः समजायत ॥ 11.80 ॥

punarvivādaḥ sañjāto militā devadānavāḥ yuddhārthamāgatāsteṣāṁ samājaḥ samajāyata

Once again a dispute arose; the gods and danavas gathered together, and their assembly, come there for the sake of war, formed again.

Verse 81 (devibhagavatam.1.11.81)

तत्रागतः स्वयं ब्रह्मा शान्तिकामः प्रजापतिः । निवारयामास मुखे संस्थितान्युद्धदुर्मदान् ॥ 11.81 ॥

tatrāgataḥ svayaṁ brahmā śāntikāmaḥ prajāpatiḥ nivārayāmāsa mukhe saṁsthitānyuddhadurmadān

There Brahma, Prajapati, desiring peace, came himself, and restrained, face to face, those maddened for war.

Verse 82 (devibhagavatam.1.11.82)

तारां पप्रच्छ धर्मात्मा कस्यायं तनयः शुभे । सत्यं वद वरारोहे यथा क्लेशः प्रशाम्यति ॥ 11.82 ॥

tārāṁ papraccha dharmātmā kasyāyaṁ tanayaḥ śubhe satyaṁ vada varārohe yathā kleśaḥ praśāmyati

The righteous-souled Brahma asked Tara: 'Whose son is this, O auspicious one? Speak the truth, O fair one, so that this strife may be calmed.'

Verse 83 (devibhagavatam.1.11.83)

तमुवाचासितापाङ्गी लज्जमानाप्यधोमुखी । चन्द्रस्येति शनैरन्तर्जगाम वरवर्णिनी ॥ 11.83 ॥

tamuvācāsitāpāṅgī lajjamānāpyadhomukhī candrasyeti śanairantarjagāma varavarṇinī

That dark-eyed, fair-complexioned woman, though ashamed, her face bowed down, said to him softly, 'He is the Moon's,' and then withdrew within.

Verse 84 (devibhagavatam.1.11.84)

जग्राह तं सुतं सोमः प्रहृष्टेनान्तरात्मना । नाम चक्रे बुध इति जगाम स्वगृहं पुनः ॥ 11.84 ॥

jagrāha taṁ sutaṁ somaḥ prahṛṣṭenāntarātmanā nāma cakre budha iti jagāma svagṛhaṁ punaḥ

Soma took that son, his inner soul filled with joy, and gave him the name 'Budha'; and he then went again to his own home.

Verse 85 (devibhagavatam.1.11.85)

ययौ ब्रह्मा स्वकं धाम सर्वे देवाः सवासवाः । यथागतं गतं सर्वैः सर्वशः प्रेक्षकैर्जनैः ॥ 11.85 ॥

yayau brahmā svakaṁ dhāma sarve devāḥ savāsavāḥ yathāgataṁ gataṁ sarvaiḥ sarvaśaḥ prekṣakairjanaiḥ

Brahma went to his own abode, and all the gods, together with Vasava; all the onlookers, in every way, went back as they had come.

Verse 86 (devibhagavatam.1.11.86)

कथितेयं बुधोत्पत्तिर्गुरुक्षेत्रे च सोमतः । यथा श्रुता मया पूर्वं व्यासात्सत्यवतीसुतात् ॥ 11.86 ॥

kathiteyaṁ budhotpattirgurukṣetre ca somataḥ yathā śrutā mayā pūrvaṁ vyāsātsatyavatīsutāt

Thus has this birth of Budha, in the field of the guru yet from Soma, been told, just as I heard it before from Vyasa, the son of Satyavati.