Sudyumna's Hymn of Praise

Verse 1 (devibhagavatam.1.12.1)

सूत उवाच । ततः पुरूरवा जज्ञे इलायां कथयामि वः । बुधपुत्रोऽतिधर्मात्मा यज्ञकृद्दानतत्परः ॥ 12.1 ॥

sūta uvāca tataḥ purūravā jajñe ilāyāṁ kathayāmi vaḥ budhaputro'tidharmātmā yajñakṛddānatatparaḥ

Suta said: Then Pururavas was born to Ila — I shall tell you of him — the son of Budha, most righteous-souled, a performer of sacrifices, devoted to giving.

Verse 2 (devibhagavatam.1.12.2)

सुद्युम्नो नाम भूपालः सत्यवादी जितेन्द्रियः । सैन्धवं हयमारुह्य चचार मृगयां वने ॥ 12.2 ॥

sudyumno nāma bhūpālaḥ satyavādī jitendriyaḥ saindhavaṁ hayamāruhya cacāra mṛgayāṁ vane

There was a king named Sudyumna, truthful in speech, of controlled senses; mounting a Sindhu horse, he went hunting in the forest.

Verse 3 (devibhagavatam.1.12.3)

युतः कतिपयामात्यैर्दर्शितश्चारुकुण्डलः । धनुराजगवं बद्ध्वा बाणसङ्घं तथाद्भुतम् ॥ 12.3 ॥

yutaḥ katipayāmātyairdarśitaścārukuṇḍalaḥ dhanurājagavaṁ baddhvā bāṇasaṅghaṁ tathādbhutam

Accompanied by a few ministers, resplendent, with beautiful earrings, having strung his bow made of ox-horn, and with a wondrous quiver of arrows,

Verse 4 (devibhagavatam.1.12.4)

स भ्रमंस्तद्वनोद्देशे हन्यमानो रुरून्मृगान् । शशांश्च सूकरांश्चैव खड्गांश्च गवयांस्तथा ॥ 12.4 ॥

sa bhramaṁstadvanoddeśe hanyamāno rurūnmṛgān śaśāṁśca sūkarāṁścaiva khaḍgāṁśca gavayāṁstathā

he, roaming in that region of the forest, struck down deer, hares, boars, rhinoceroses, and wild oxen too,

Verse 5 (devibhagavatam.1.12.5)

शरभान्महिषांश्चैव साम्भरान्वनकुक्कुटान् । निघ्नन्मेध्यान् पशून् राजा कुमारवनमाविशत् ॥ 12.5 ॥

śarabhānmahiṣāṁścaiva sāmbharānvanakukkuṭān nighnanmedhyān paśūn rājā kumāravanamāviśat

sharabhas, buffaloes, sambar deer, and jungle-fowl — slaying these pure animals, the king entered the Kumara-forest.

Verse 6 (devibhagavatam.1.12.6)

मेरोरधस्तले दिव्यं मन्दारद्रुमराजितम् । अशोकलतिकाकीर्णं बकुलैरधिवासितम् ॥ 12.6 ॥

meroradhastale divyaṁ mandāradrumarājitam aśokalatikākīrṇaṁ bakulairadhivāsitam

— at the foot of Meru, a divine forest, graced with mandara trees, filled with ashoka creepers, fragrant with bakula blossoms,

Verse 7 (devibhagavatam.1.12.7)

सालैस्तालैस्तमालैश्च चम्पकैः पनसैस्तथा । आम्रैर्नीपैर्मधूकैश्च माधवीमण्डपावृतम् ॥ 12.7 ॥

sālaistālaistamālaiśca campakaiḥ panasaistathā āmrairnīpairmadhūkaiśca mādhavīmaṇḍapāvṛtam

with sala, tala, and tamala trees, with champaka and jackfruit trees too, with mango, nipa, and madhuka trees, enclosed with bowers of madhavi-creeper,

Verse 8 (devibhagavatam.1.12.8)

दाडिमैर्नारिकेलैश्च कदलीखण्डमण्डितम् । यूथिकामालतीकुन्दपुष्पवल्लीसमावृतम् ॥ 12.8 ॥

dāḍimairnārikelaiśca kadalīkhaṇḍamaṇḍitam yūthikāmālatīkundapuṣpavallīsamāvṛtam

adorned with pomegranate and coconut trees and groves of plantain, covered over with vines of yuthika, malati, and kunda flowers,

Verse 9 (devibhagavatam.1.12.9)

हंसकारण्डवाकीर्णं कीचकध्वनिनादितम् । भ्रमरालिरुतारामं वनं सर्वसुखावहम् ॥ 12.9 ॥

haṁsakāraṇḍavākīrṇaṁ kīcakadhvanināditam bhramarālirutārāmaṁ vanaṁ sarvasukhāvaham

filled with swans and karandava ducks, resounding with the sound of bamboo-flutes, echoing with the humming of rows of bees — a forest bringing every delight.

Verse 10 (devibhagavatam.1.12.10)

दृष्ट्वा प्रमुदितो राजा सुद्युम्नः सेवकैर्वृतः । वृक्षान्सुपुष्पितान्वीक्ष्य कोकिलारावमण्डितान् ॥ 12.10 ॥

dṛṣṭvā pramudito rājā sudyumnaḥ sevakairvṛtaḥ vṛkṣānsupuṣpitānvīkṣya kokilārāvamaṇḍitān

Seeing it, King Sudyumna, surrounded by his attendants, was delighted; beholding the trees richly in flower, graced with the calls of cuckoos,

Verse 11 (devibhagavatam.1.12.11)

प्रविष्टस्तत्र राजर्षिः स्त्रीत्वमाप क्षणात्ततः । अश्वोऽपि वडवा जातश्चिन्ताविष्टः स भूपतिः ॥ 12.11 ॥

praviṣṭastatra rājarṣiḥ strītvamāpa kṣaṇāttataḥ aśvo'pi vaḍavā jātaścintāviṣṭaḥ sa bhūpatiḥ

the royal sage entered there, and in an instant took on the state of a woman; even his horse became a mare, and that king fell into anxious thought.

Verse 12 (devibhagavatam.1.12.12)

किमेतदिति चिन्तार्तश्चिन्त्यमानः पुनः पुनः । दुःखं बहुतरं प्राप्तः सुद्युम्नो लज्जयान्वितः ॥ 12.12 ॥

kimetaditi cintārtaścintyamānaḥ punaḥ punaḥ duḥkhaṁ bahutaraṁ prāptaḥ sudyumno lajjayānvitaḥ

'What is this?' — tormented with anxiety, pondering again and again, Sudyumna fell into very great distress, overcome with shame.

Verse 13 (devibhagavatam.1.12.13)

किं करोमि कथं यामि गृहं स्त्रीभावसंयुतः । कथं राज्यं करिष्यामि केन वा वञ्चितो ह्यहम् ॥ 12.13 ॥

kiṁ karomi kathaṁ yāmi gṛhaṁ strībhāvasaṁyutaḥ kathaṁ rājyaṁ kariṣyāmi kena vā vañcito hyaham

'What shall I do? How shall I go home, now become a woman? How shall I rule my kingdom? By whom, indeed, have I been thus deceived?'

Verse 14 (devibhagavatam.1.12.14)

ऋषय ऊचुः । सूताश्चर्यमिदं प्रोक्तं त्वया यल्लोमहर्षण । सुद्युम्नः स्त्रीत्वमापन्नो भूपतिर्देवसन्निभः ॥ 12.14 ॥

ṛṣaya ūcuḥ sūtāścaryamidaṁ proktaṁ tvayā yallomaharṣaṇa sudyumnaḥ strītvamāpanno bhūpatirdevasannibhaḥ

The sages said: O Suta, son of Lomaharshana, this wondrous thing you have told — that King Sudyumna, godlike, took on the state of a woman —

Verse 15 (devibhagavatam.1.12.15)

किं तत्कारणमाचक्ष्व वने तत्र मनोहरे । किं कृतं तेन राज्ञा च विस्तरं वद सुव्रत ॥ 12.15 ॥

kiṁ tatkāraṇamācakṣva vane tatra manohare kiṁ kṛtaṁ tena rājñā ca vistaraṁ vada suvrata

— tell us the cause of this, and what happened in that enchanting forest; what did that king do? Tell us in detail, O one of noble vow.

Verse 16 (devibhagavatam.1.12.16)

सूत उवाच । एकदा गिरिशं द्रष्टुमृषयः सनकादयः । दिशो वितिमिराभासाः कुर्वन्तः समुपागमन् ॥ 12.16 ॥

sūta uvāca ekadā giriśaṁ draṣṭumṛṣayaḥ sanakādayaḥ diśo vitimirābhāsāḥ kurvantaḥ samupāgaman

Suta said: Once, the sages headed by Sanaka, on their way to see the mountain-dweller, came there, lighting up the quarters of the sky, dispelling their darkness.

Verse 17 (devibhagavatam.1.12.17)

तस्मिंश्च समये तत्र शङ्करः प्रमदायुतः । क्रीडासक्तो महादेवो विवस्त्रा कामिनी शिवा ॥ 12.17 ॥

tasmiṁśca samaye tatra śaṅkaraḥ pramadāyutaḥ krīḍāsakto mahādevo vivastrā kāminī śivā

At that very time, there, Shankara was together with his beloved; the great god was absorbed in amorous play, and his beloved, Shiva, was without clothes.

Verse 18 (devibhagavatam.1.12.18)

उत्सङ्गे संस्थिता भर्तू रममाणा मनोरमा । तान्विलोक्याम्बिका देवी विवस्त्रा व्रीडिता भृशम् ॥ 12.18 ॥

utsaṅge saṁsthitā bhartū ramamāṇā manoramā tānvilokyāmbikā devī vivastrā vrīḍitā bhṛśam

— seated in her husband's lap, enchanting, taking her pleasure — seeing them, the Devi Ambika, unclothed, became exceedingly abashed.

Verse 19 (devibhagavatam.1.12.19)

भर्तुरङ्कात्समुत्थाय वस्त्रमादाय पर्यधात् । लज्जाविष्टा स्थिता तत्र वेपमानातिमानिनी ॥ 12.19 ॥

bharturaṅkātsamutthāya vastramādāya paryadhāt lajjāviṣṭā sthitā tatra vepamānātimāninī

Rising up from her husband's lap, she took her garment and put it on; overcome with shame, that most dignified one stood there trembling.

Verse 20 (devibhagavatam.1.12.20)

ऋषयोऽपि तयोर्वीक्ष्य प्रसङ्गं रममाणयोः । परिवृत्य ययुस्तूर्णं नरनारायणाश्रमम् ॥ 12.20 ॥

ṛṣayo'pi tayorvīkṣya prasaṅgaṁ ramamāṇayoḥ parivṛtya yayustūrṇaṁ naranārāyaṇāśramam

The sages too, seeing the two of them thus engaged in their pleasure, turned away and went swiftly to the hermitage of Nara-Narayana.

Verse 21 (devibhagavatam.1.12.21)

ह्रीयुतां कामिनीं वीक्ष्य प्रोवाच भगवान्हरः । कथं लज्जातुरासि त्वं सुखं ते प्रकरोम्यहम् ॥ 12.21 ॥

hrīyutāṁ kāminīṁ vīkṣya provāca bhagavānharaḥ kathaṁ lajjāturāsi tvaṁ sukhaṁ te prakaromyaham

Seeing his beloved so overcome with shame, the Lord Hara said: 'Why are you so distressed with shame? I shall bring you comfort.'

Verse 22 (devibhagavatam.1.12.22)

अद्यप्रभृति यो मोहात्पुमान्कोऽपि वरानने । वनं च प्रविशेदेतत्स वै योषिद्भविष्यति ॥ 12.22 ॥

adyaprabhṛti yo mohātpumānko'pi varānane vanaṁ ca praviśedetatsa vai yoṣidbhaviṣyati

'From this day forward, whatever man, through folly, O fair-faced one, should enter this forest — he shall indeed become a woman.'

Verse 23 (devibhagavatam.1.12.23)

इति शप्तं वनं तेन ये जानन्ति जनाः क्वचित् । वर्जयन्तीह ते कामं वनं दोषसमृद्धिमत् ॥ 12.23 ॥

iti śaptaṁ vanaṁ tena ye jānanti janāḥ kvacit varjayantīha te kāmaṁ vanaṁ doṣasamṛddhimat

Thus was that forest cursed by him; whatever people anywhere know of this indeed avoid this forest, so rich in this affliction.

Verse 24 (devibhagavatam.1.12.24)

सुद्युम्नस्तु तदज्ञानात्प्रविष्टः सचिवैः सह । तथैव स्त्रीत्वमापन्नस्तैः सहेति न संशयः ॥ 12.24 ॥

sudyumnastu tadajñānātpraviṣṭaḥ sacivaiḥ saha tathaiva strītvamāpannastaiḥ saheti na saṁśayaḥ

But Sudyumna, in ignorance of this, entered together with his ministers, and, along with them, likewise took on the state of a woman — there is no doubt of this.

Verse 25 (devibhagavatam.1.12.25)

चिन्ताविष्टः स राजर्षिर्न जगाम गृहं ह्रिया । विचचार बहिस्तस्माद्वनदेशादितस्ततः ॥ 12.25 ॥

cintāviṣṭaḥ sa rājarṣirna jagāma gṛhaṁ hriyā vicacāra bahistasmādvanadeśāditastataḥ

That royal sage, overwhelmed with anxiety, did not go home out of shame, but wandered about outside, away from that region of the forest, here and there.

Verse 26 (devibhagavatam.1.12.26)

इलेति नाम सम्प्राप्तं स्त्रीत्वे तेन महात्मना । विचरंस्तत्र सम्प्राप्तो बुधः सोमसुतो युवा ॥ 12.26 ॥

ileti nāma samprāptaṁ strītve tena mahātmanā vicaraṁstatra samprāpto budhaḥ somasuto yuvā

That great soul, in his state as a woman, received the name Ila; wandering there, the youthful Budha, son of Soma, arrived and met her.

Verse 27 (devibhagavatam.1.12.27)

स्त्रीभिः परिवृतां तां तु दृष्ट्वा कान्तां मनोरमाम् । हावभावकलायुक्तां चकमे भगवाम्बुधः ॥ 12.27 ॥

strībhiḥ parivṛtāṁ tāṁ tu dṛṣṭvā kāntāṁ manoramām hāvabhāvakalāyuktāṁ cakame bhagavāmbudhaḥ

Seeing her, surrounded by women, that lovely and enchanting woman, endowed with graceful gestures and expressions, the Lord Budha fell in love with her.

Verse 28 (devibhagavatam.1.12.28)

सापि तं चकमे कान्तं बुधं सोमसुतं पतिम् । संयोगस्तत्र सञ्जातस्तयोः प्रेम्णा परस्परम् ॥ 12.28 ॥

sāpi taṁ cakame kāntaṁ budhaṁ somasutaṁ patim saṁyogastatra sañjātastayoḥ premṇā parasparam

She too fell in love with that handsome Budha, son of Soma, as her husband; and their union came about there, through mutual love.

Verse 29 (devibhagavatam.1.12.29)

स तस्यां जनयामास पुरूरवसमात्मजम् । इलायां सोमपुत्रस्तु चक्रवर्तिनमुत्तमम् ॥ 12.29 ॥

sa tasyāṁ janayāmāsa purūravasamātmajam ilāyāṁ somaputrastu cakravartinamuttamam

He begot in her, in Ila, a son named Pururavas — the son of the Moon's son, a supreme universal sovereign.

Verse 30 (devibhagavatam.1.12.30)

सा प्रासूत सुतं बाला चिन्ताविष्टा वने स्थिता । सस्मार स्वकुलाचार्यं वसिष्ठं मुनिसत्तमम् ॥ 12.30 ॥

sā prāsūta sutaṁ bālā cintāviṣṭā vane sthitā sasmāra svakulācāryaṁ vasiṣṭhaṁ munisattamam

That young woman gave birth to the son while staying in the forest, absorbed in anxious thought; she remembered Vasishtha, the best of sages, the preceptor of her own family.

Verse 31 (devibhagavatam.1.12.31)

स तदास्य दशां दृष्ट्वा सुद्युम्नस्य कृपान्वितः । अतोषयन्महादेवं शङ्करं लोकशङ्करम् ॥ 12.31 ॥

sa tadāsya daśāṁ dṛṣṭvā sudyumnasya kṛpānvitaḥ atoṣayanmahādevaṁ śaṅkaraṁ lokaśaṅkaram

He, seeing Sudyumna's condition, filled with compassion, then propitiated the great god Shankara, the benefactor of the world.

Verse 32 (devibhagavatam.1.12.32)

तस्मै स भगवांस्तुष्टः प्रददौ वाञ्छितं वरम् । वसिष्ठः प्रार्थयामास पुंस्त्वं राज्ञः प्रियस्य च ॥ 12.32 ॥

tasmai sa bhagavāṁstuṣṭaḥ pradadau vāñchitaṁ varam vasiṣṭhaḥ prārthayāmāsa puṁstvaṁ rājñaḥ priyasya ca

That lord, pleased, granted him the desired boon; Vasishtha prayed for the manhood of the king, his beloved disciple.

Verse 33 (devibhagavatam.1.12.33)

शङ्करस्तु निजां वाचमृतां कुर्वन्नुवाच ह । मासं पुमांस्तु भविता मासं स्त्री भूपतिः किल ॥ 12.33 ॥

śaṅkarastu nijāṁ vācamṛtāṁ kurvannuvāca ha māsaṁ pumāṁstu bhavitā māsaṁ strī bhūpatiḥ kila

But Shankara, making his own word true, said: 'For one month the king shall indeed be a man, and for one month a woman.'

Verse 34 (devibhagavatam.1.12.34)

इत्थं प्राप्य वरं राजा जगाम स्वगृहं पुनः । चक्रे राज्यं स धर्मात्मा वसिष्ठस्याप्यनुग्रहात् ॥ 12.34 ॥

itthaṁ prāpya varaṁ rājā jagāma svagṛhaṁ punaḥ cakre rājyaṁ sa dharmātmā vasiṣṭhasyāpyanugrahāt

Having thus obtained this boon, the king went back again to his own home; that righteous-souled one ruled his kingdom, by the grace of Vasishtha too.

Verse 35 (devibhagavatam.1.12.35)

स्त्रीत्वे तिष्ठति हर्म्येषु पुंस्त्वे राज्यं प्रशास्ति च । प्रजास्तस्मिन्समुद्विग्ना नाभ्यनन्दन्महीपतिम् ॥ 12.35 ॥

strītve tiṣṭhati harmyeṣu puṁstve rājyaṁ praśāsti ca prajāstasminsamudvignā nābhyanandanmahīpatim

In his female state he stayed in the inner apartments, and in his male state he governed the kingdom; his subjects, distressed by this, did not wholly delight in their king.

Verse 36 (devibhagavatam.1.12.36)

काले तु यौवनं प्राप्तः पुत्रः पुरूरवास्तदा । प्रतिष्ठां नृपतिस्तस्मै दत्त्वा राज्यं वनं ययौ ॥ 12.36 ॥

kāle tu yauvanaṁ prāptaḥ putraḥ purūravāstadā pratiṣṭhāṁ nṛpatistasmai dattvā rājyaṁ vanaṁ yayau

In time, his son Pururavas reached youth; the king, having given the kingdom's establishment over to him, went to the forest.

Verse 37 (devibhagavatam.1.12.37)

गत्वा तस्मिन्वने रम्ये नानाद्रुमसमाकुले । नारदान्मन्त्रमासाद्य नवाक्षरमनुत्तमम् ॥ 12.37 ॥

gatvā tasminvane ramye nānādrumasamākule nāradānmantramāsādya navākṣaramanuttamam

Having gone into that lovely forest, filled with various trees, he obtained from Narada the unsurpassed nine-syllabled mantra.

Verse 38 (devibhagavatam.1.12.38)

जजाप मन्त्रमत्यर्थं प्रेमपूरितमानसः । परितुष्टा तदा देवी सगुणा तारिणी शिवा ॥ 12.38 ॥

jajāpa mantramatyarthaṁ premapūritamānasaḥ parituṣṭā tadā devī saguṇā tāriṇī śivā

He recited the mantra intently, his mind filled with love; then the Devi, endowed with qualities, the deliverer, the auspicious one, became well pleased.

Verse 39 (devibhagavatam.1.12.39)

सिंहारूढा स्थिता चाग्रे दिव्यरूपा मनोरमा । वारुणीपानसम्मत्ता मदाघूर्णितलोचना ॥ 12.39 ॥

siṁhārūḍhā sthitā cāgre divyarūpā manoramā vāruṇīpānasammattā madāghūrṇitalocanā

She stood there before him, mounted on a lion, of divine and enchanting form, as if intoxicated by drinking the Varuni wine, her eyes rolling with the intoxication.

Verse 40 (devibhagavatam.1.12.40)

दृष्ट्वा तां दिव्यरूपां च प्रेमाकुलितलोचनः । प्रणम्य शिरसा प्रीत्या तुष्टाव जगदम्बिकाम् ॥ 12.40 ॥

dṛṣṭvā tāṁ divyarūpāṁ ca premākulitalocanaḥ praṇamya śirasā prītyā tuṣṭāva jagadambikām

Seeing her of divine form, his eyes overwhelmed with love, he bowed his head with affection, and praised the mother of the world.

Verse 41 (devibhagavatam.1.12.41)

इलोवाच । दिव्यं च ते भगवति प्रथितं स्वरूपं दृष्टं मया सकललोकहितानुरूपम् । वन्दे त्वदङ्घ्रिकमलं सुरसङ्घसेव्यं कामप्रदं जननि चापि विमुक्तिदं च ॥ 12.41 ॥

ilovāca divyaṁ ca te bhagavati prathitaṁ svarūpaṁ dṛṣṭaṁ mayā sakalalokahitānurūpam vande tvadaṅghrikamalaṁ surasaṅghasevyaṁ kāmapradaṁ janani cāpi vimuktidaṁ ca

Ila said: I have seen, O Bhagavati, your renowned divine form, in keeping with the welfare of all worlds; I bow to your lotus feet, served by the hosts of gods, granter of desire, O mother, and giver of liberation too.

Verse 42 (devibhagavatam.1.12.42)

को वेत्ति तेऽम्ब भुवि मर्त्यतनुर्निकामं मुह्यन्ति यत्र मुनयश्च सुराश्च सर्वे । ऐश्वर्यमेतदखिलं कृपणे दयां च दृष्ट्वैव देवि सकलं किल विस्मयो मे ॥ 12.42 ॥

ko vetti te'mba bhuvi martyatanurnikāmaṁ muhyanti yatra munayaśca surāśca sarve aiśvaryametadakhilaṁ kṛpaṇe dayāṁ ca dṛṣṭvaiva devi sakalaṁ kila vismayo me

Who among mortal-bodied beings on this earth truly knows you, O mother? Even all the sages and gods are utterly bewildered there. Seeing this whole display of sovereign power, and your compassion for the wretched, O Devi, I am indeed filled with wonder.

Verse 43 (devibhagavatam.1.12.43)

शम्भुर्हरिः कमलजो मघवा रविश्च वित्तेशवह्निवरुणाः पवनश्च सोमः । जानन्ति नैव वसवोऽपि हि ते प्रभावं बुध्येत्कथं तव गुणानगुणो मनुष्यः ॥ 12.43 ॥

śambhurhariḥ kamalajo maghavā raviśca vitteśavahnivaruṇāḥ pavanaśca somaḥ jānanti naiva vasavo'pi hi te prabhāvaṁ budhyetkathaṁ tava guṇānaguṇo manuṣyaḥ

Shambhu, Hari, the lotus-born one, Maghavan, and the Sun; the lord of wealth, Fire, and Varuna; the Wind, and Soma; even the Vasus do not know your power — how, then, could an unqualified man understand your qualities?

Verse 44 (devibhagavatam.1.12.44)

जानाति विष्णुरमितद्युतिरम्ब साक्षा\- त्त्वां सात्त्विकीमुदधिजां सकलार्थदां च । को राजसीं हर उमां किल तामसीं त्वां वेदाम्बिके न तु पुनः खलु निर्गुणां त्वाम् ॥ 12.44 ॥

jānāti viṣṇuramitadyutiramba sākṣā\- ttvāṁ sāttvikīmudadhijāṁ sakalārthadāṁ ca ko rājasīṁ hara umāṁ kila tāmasīṁ tvāṁ vedāmbike na tu punaḥ khalu nirguṇāṁ tvām

Vishnu of measureless splendor, O mother, knows you directly as the sattvic one, born of the ocean, the giver of every aim of life; Hara knows you as the rajasic Uma — others know you as the tamasic one; but no one at all, O mother, truly knows you as beyond the gunas.

Verse 45 (devibhagavatam.1.12.45)

क्वाहं सुमन्दमतिरप्रतिमप्रभावः क्वायं तवातिनिपुणो मयि सुप्रसादः । जाने भवानि चरितं करुणासमेतं यत्सेवकांश्च दयसे त्वयि भावयुक्तान् ॥ 12.45 ॥

kvāhaṁ sumandamatirapratimaprabhāvaḥ kvāyaṁ tavātinipuṇo mayi suprasādaḥ jāne bhavāni caritaṁ karuṇāsametaṁ yatsevakāṁśca dayase tvayi bhāvayuktān

Where am I, so dull of intellect? And where is this most refined, gracious favor of yours toward me, O one of matchless power? I know, O Bhavani, your compassionate way, in that you show mercy to your servants who are devoted to you in feeling.

Verse 46 (devibhagavatam.1.12.46)

वृत्तस्त्वया हरिरसौ वनजेशयापि नैवाचरत्यपि मुदं मधुसूदनश्च । पादौ तवादिपुरुषः किल पावकेन कृत्वा करोति च करेण शुभौ पवित्रौ ॥ 12.46 ॥

vṛttastvayā harirasau vanajeśayāpi naivācaratyapi mudaṁ madhusūdanaśca pādau tavādipuruṣaḥ kila pāvakena kṛtvā karoti ca kareṇa śubhau pavitrau

Even Hari, though the lord reclining on the lotus-couch, and even Madhusudana, though otherwise a source of joy, is held entirely within your control; the Primal Person himself, indeed, having purified them with fire, touches your two auspicious, sacred feet with his own hand.

Verse 47 (devibhagavatam.1.12.47)

वाञ्छत्यहो हरिरशोक इवातिकामं पादाहतिं प्रमुदितः पुरुषः पुराणः । तां त्वं करोषि रुषिता प्रणतं च पादे दृष्ट्वा पतिं सकलदेवनुतं स्मरार्तम् ॥ 12.47 ॥

vāñchatyaho hariraśoka ivātikāmaṁ pādāhatiṁ pramuditaḥ puruṣaḥ purāṇaḥ tāṁ tvaṁ karoṣi ruṣitā praṇataṁ ca pāde dṛṣṭvā patiṁ sakaladevanutaṁ smarārtam

Ah, Hari, delighted, longs greatly, like the ashoka tree, for the touch of your foot, that Primeval Person; and you, when angered, strike him with your foot, having seen your husband, praised by all the gods, tormented by desire, prostrate before you.

Verse 48 (devibhagavatam.1.12.48)

वक्षःस्थले वससि देवि सदैव तस्य पर्यङ्कवत्सुचरिते विपुलेऽतिशान्ते । सौदामिनीव सुघने सुविभूषिते च किं ते न वाहनमसौ जगदीश्वरोऽपि ॥ 12.48 ॥

vakṣaḥsthale vasasi devi sadaiva tasya paryaṅkavatsucarite vipule'tiśānte saudāminīva sughane suvibhūṣite ca kiṁ te na vāhanamasau jagadīśvaro'pi

O Devi, you ever dwell upon his broad, most tranquil chest, of good conduct, as upon a couch — like lightning upon a rich, richly adorned raincloud; is not even that lord of the world your very vehicle?

Verse 49 (devibhagavatam.1.12.49)

त्वं चेज्जहासि मधुसूदनमम्ब कोपा\- न्नैवार्चितोऽपि स भवेत्किल शक्तिहीनः । प्रत्यक्षमेव पुरुषं स्वजनास्त्वजन्ति शान्तं श्रियोज्झितमतीव गुणैर्वियुक्तम् ॥ 12.49 ॥

tvaṁ cejjahāsi madhusūdanamamba kopā\- nnaivārcito'pi sa bhavetkila śaktihīnaḥ pratyakṣameva puruṣaṁ svajanāstvajanti śāntaṁ śriyojjhitamatīva guṇairviyuktam

If you, O mother, in anger, should abandon Madhusudana, he would indeed become powerless, unworshipped even though he is otherwise the Lord; for even one's own kin directly abandon a person who is calm, stripped of fortune, and utterly bereft of good qualities.

Verse 50 (devibhagavatam.1.12.50)

ब्रह्मादयः सुरगणा न तु किं युवत्यो ये त्वत्पदाम्बुजमहर्निशमाश्रयन्ति । मन्ये त्वयैव विहिताः खलु ते पुमांसः किं वर्णयामि तव शक्तिमनन्तवीर्ये ॥ 12.50 ॥

brahmādayaḥ suragaṇā na tu kiṁ yuvatyo ye tvatpadāmbujamaharniśamāśrayanti manye tvayaiva vihitāḥ khalu te pumāṁsaḥ kiṁ varṇayāmi tava śaktimanantavīrye

Brahma and the other hosts of gods — are they not, indeed, like young women, who take refuge in your lotus feet day and night? I think that it is by you alone, indeed, that they are made into men of any capability at all; how, then, shall I describe your power, O you of boundless might?

Verse 51 (devibhagavatam.1.12.51)

त्वं नापुमान्न च पुमानिति मे विकल्पो याकासि देवि सगुणा ननु निर्गुणा वा । तां त्वां नमामि सततं किल भावयुक्तो वाञ्छामि भक्तिमचलां त्वयि मातरं तु ॥ 12.51 ॥

tvaṁ nāpumānna ca pumāniti me vikalpo yākāsi devi saguṇā nanu nirguṇā vā tāṁ tvāṁ namāmi satataṁ kila bhāvayukto vāñchāmi bhaktimacalāṁ tvayi mātaraṁ tu

'You are neither not-male nor male' — such is my uncertain notion of you, O Devi, whether you exist as one with qualities or, indeed, without them. I bow to you, that very reality, always, indeed, with feeling; I desire unwavering devotion to you, O mother.

Verse 52 (devibhagavatam.1.12.52)

सूत उवाच । इति स्तुत्वा महीपालो जगाम शरणं तदा । परितुष्टा ददौ देवी तत्र सायुज्यमात्मनि ॥ 12.52 ॥

sūta uvāca iti stutvā mahīpālo jagāma śaraṇaṁ tadā parituṣṭā dadau devī tatra sāyujyamātmani

Suta said: Having thus praised her, the king then went for refuge to her; the Devi, well pleased, granted him there union with her own self.

Verse 53 (devibhagavatam.1.12.53)

सुद्युम्नस्तु ततः प्राप पदं परमकं स्थिरम् । तस्या देव्याः प्रसादेन मुनीनामपि दुर्लभम् ॥ 12.53 ॥

sudyumnastu tataḥ prāpa padaṁ paramakaṁ sthiram tasyā devyāḥ prasādena munīnāmapi durlabham

Sudyumna then attained that supreme, unshakable state, by the grace of that Devi, hard to attain even for sages.