The Story of Ruru

Verse 1 (devibhagavatam.2.8.1)

सूत उवाच । ततो दिने तृतीये च धृतराष्ट्रः स भूपतिः । दावाग्निना वने दग्धः सभार्यः कुन्तिसंयुतः

sūta uvāca tato dine tṛtīye ca dhṛtarāṣṭraḥ sa bhūpatiḥ dāvāgninā vane dagdhaḥ sabhāryaḥ kuntisaṁyutaḥ

Suta said: Then, on the third day thereafter, that King Dhritarashtra, together with his wife and with Kunti, was consumed by a forest conflagration.

Verse 2 (devibhagavatam.2.8.2)

सञ्जयस्तीर्थयात्रायां गतस्त्यक्त्वा महीपतिम् । श्रुत्वा युधिष्ठिरो राजा नारदाद्दुःखमाप्तवान्

sañjayastīrthayātrāyāṁ gatastyaktvā mahīpatim śrutvā yudhiṣṭhiro rājā nāradādduḥkhamāptavān

Sanjaya, leaving the king, departed on pilgrimage. King Yudhishthira, hearing all this from Narada, was overcome with great grief.

Verse 3 (devibhagavatam.2.8.3)

षट्त्रिंशेऽथ गते वर्षे कौरवाणां क्षयात्पुनः । प्रभासे यादवाः सर्वे विप्रशापात्क्षयं गताः

ṣaṭtriṁśe'tha gate varṣe kauravāṇāṁ kṣayātpunaḥ prabhāse yādavāḥ sarve vipraśāpātkṣayaṁ gatāḥ

Then, when thirty-six years had passed after the destruction of the Kurus, at the sacred site of Prabhasa, all the Yadavas met their end through a brahmin's curse.

Verse 4 (devibhagavatam.2.8.4)

ते पीत्वा मदिरां मत्ताः कृत्वा युद्धं परस्परम् । क्षयं प्राप्ता महात्मानः पश्यतो रामकृष्णयोः

te pītvā madirāṁ mattāḥ kṛtvā yuddhaṁ parasparam kṣayaṁ prāptā mahātmānaḥ paśyato rāmakṛṣṇayoḥ

Having drunk wine and grown intoxicated, fighting among themselves, those great souls met their destruction even as Rama (Balarama) and Krishna looked on.

Verse 5 (devibhagavatam.2.8.5)

देहं तत्याज रामस्तु कृष्णः कमललोचनः । व्याधबाणहतः शापं पालयन्भगवान्हरिः

dehaṁ tatyāja rāmastu kṛṣṇaḥ kamalalocanaḥ vyādhabāṇahataḥ śāpaṁ pālayanbhagavānhariḥ

Balarama gave up his body, and Krishna, the lotus-eyed Lord Hari too, fulfilling the terms of a curse upon him, was struck by a hunter's arrow and cast off his own mortal frame.

Verse 6 (devibhagavatam.2.8.6)

वसुदेवस्तु तच्छ्रुत्वा देहत्यागं हरेरथ । जहौ प्राणाञ्छुचीन्कृत्वा चित्ते श्रीभुवनेश्वरीम्

vasudevastu tacchrutvā dehatyāgaṁ hareratha jahau prāṇāñchucīnkṛtvā citte śrībhuvaneśvarīm

Vasudeva, hearing that Hari had cast off his body, meditating in his heart upon the Goddess Bhuvaneshvari, purified himself and gave up his own life.

Verse 7 (devibhagavatam.2.8.7)

अर्जुनस्तु ततो गत्वा प्रभासे चातिदुःखितः । संस्कारं तत्र सर्वेषां यथायोग्यं चकार ह

arjunastu tato gatvā prabhāse cātiduḥkhitaḥ saṁskāraṁ tatra sarveṣāṁ yathāyogyaṁ cakāra ha

Then Arjuna, in deep grief, went to Prabhasa, and there performed the due funeral rites for all of them.

Verse 8 (devibhagavatam.2.8.8)

समीक्ष्याथ हरेर्देहं कृत्वा काष्ठस्य सञ्चयम् । अष्टाभिः सह पत्नीभिर्दाहयामास पार्थिवः

samīkṣyātha harerdehaṁ kṛtvā kāṣṭhasya sañcayam aṣṭābhiḥ saha patnībhirdāhayāmāsa pārthivaḥ

Beholding Hari's body, that king (Arjuna) gathered a pyre of wood and, together with his eight wives, committed him to the fire.

Verse 9 (devibhagavatam.2.8.9)

देहं रामस्य रेवत्या सह दग्ध्वा विभावसौ । अर्जुनो द्वारकामेत्य पुरान्निष्क्रामयज्जनम्

dehaṁ rāmasya revatyā saha dagdhvā vibhāvasau arjuno dvārakāmetya purānniṣkrāmayajjanam

Having cremated Balarama's body together with Revati in the flames, Arjuna reached Dvaraka and began to lead all the people forth from the city.

Verse 10 (devibhagavatam.2.8.10)

पुरी सा वासुदेवस्य प्लावितोदधिना ततः । अर्जुनः सर्वलोकान्वै गृहीत्वा निर्गतस्तदा

purī sā vāsudevasya plāvitodadhinā tataḥ arjunaḥ sarvalokānvai gṛhītvā nirgatastadā

That city of Vasudeva (Krishna) was thereafter submerged by the flooding ocean; Arjuna, taking all the people with him, departed from there at that time.

Verse 11 (devibhagavatam.2.8.11)

कृष्णपत्न्यस्तदा मार्गे चौराभीरैश्च लुण्ठिता । धनं सर्वं गृहीतं च निस्तेजश्चार्जुनोऽभवत्

kṛṣṇapatnyastadā mārge caurābhīraiśca luṇṭhitā dhanaṁ sarvaṁ gṛhītaṁ ca nistejaścārjuno'bhavat

Along the way, Krishna's wives were plundered by robbers and cowherds (Abhiras), and all their wealth was seized; Arjuna, by then, had lost his former power.

Verse 12 (devibhagavatam.2.8.12)

इन्द्रप्रस्थे समागत्य वज्रो राजा कृतस्तदा । अनिरुद्धसुतो नाम्ना पार्थेनामिततेजसा

indraprasthe samāgatya vajro rājā kṛtastadā aniruddhasuto nāmnā pārthenāmitatejasā

Arriving at Indraprastha, the immeasurably radiant son of Pritha (Arjuna) established Aniruddha's son, named Vajra, as king there.

Verse 13 (devibhagavatam.2.8.13)

व्यासाय कथितं दुःखं तेनोक्तोऽसौ महारथः । पुनर्यदा हरिस्त्वञ्च भवितासि महामते

vyāsāya kathitaṁ duḥkhaṁ tenokto'sau mahārathaḥ punaryadā haristvañca bhavitāsi mahāmate

When he related his grief to Vyasa, that sage said to the great warrior, "O wise one, when Hari and you both return again,

Verse 14 (devibhagavatam.2.8.14)

तदा तेजस्तवात्युग्रं भविष्यति पुनर्युगे । तच्छ्रुत्वा वचनं पार्थो गत्वा नागपुरेऽर्जुनः

tadā tejastavātyugraṁ bhaviṣyati punaryuge tacchrutvā vacanaṁ pārtho gatvā nāgapure'rjunaḥ

then in a future age that splendour of yours shall once more become exceedingly great." Hearing these words, Arjuna returned to Hastinapura.

Verse 15 (devibhagavatam.2.8.15)

दुःखितो धर्मराजानं वृत्तान्तं सर्वमब्रवीत् । देहत्यागं हरेः श्रुत्वा यादवानां क्षयं तथा

duḥkhito dharmarājānaṁ vṛttāntaṁ sarvamabravīt dehatyāgaṁ hareḥ śrutvā yādavānāṁ kṣayaṁ tathā

In great sorrow, he related the entire account to Dharmaraja — Hari's departure from his body, and the destruction of the Yadavas — telling him all of this.

Verse 16 (devibhagavatam.2.8.16)

गमनाय मतिं चक्रे राजा हैमाचलं प्रति । षट्त्रिंशद्वार्षिकं राज्ये स्थापयित्वोत्तरासुतम्

gamanāya matiṁ cakre rājā haimācalaṁ prati ṣaṭtriṁśadvārṣikaṁ rājye sthāpayitvottarāsutam

Then the king (Yudhishthira) resolved to depart toward the Himalayas, and, having ruled for thirty-six years, having established the son of Uttara (Parikshit) upon the throne,

Verse 17 (devibhagavatam.2.8.17)

निर्जगाम वनं राजा द्रौपद्या भ्रातृभिः सह । षट्त्रिंशच्चैव वर्षाणि कृत्वा राज्यं गजाह्वये

nirjagāma vanaṁ rājā draupadyā bhrātṛbhiḥ saha ṣaṭtriṁśaccaiva varṣāṇi kṛtvā rājyaṁ gajāhvaye

the king (Yudhishthira) went forth into the forest together with Draupadi and his brothers, having ruled at Hastinapura for those thirty-six years.

Verse 18 (devibhagavatam.2.8.18)

गत्वा हिमाचले षट् ते जहुः प्राणान्पृथासुताः । परीक्षिदपि राजर्षिः प्रजाः सर्वाः सुधार्मिकः

gatvā himācale ṣaṭ te jahuḥ prāṇānpṛthāsutāḥ parīkṣidapi rājarṣiḥ prajāḥ sarvāḥ sudhārmikaḥ

Having reached the Himalayas, those six — the sons of Pritha and Draupadi — gave up their lives, one after another. And the royal sage Parikshit, exceedingly righteous,

Verse 19 (devibhagavatam.2.8.19)

अपालयच्च राजेन्द्रः षष्टिवर्षाण्यतन्द्रितः । बभूव मृगयाशीलो जगाम च वनं महत्

apālayacca rājendraḥ ṣaṣṭivarṣāṇyatandritaḥ babhūva mṛgayāśīlo jagāma ca vanaṁ mahat

that excellent king, ruled and protected all his subjects tirelessly for sixty years. He was fond of the chase, and once went into a great forest.

Verse 20 (devibhagavatam.2.8.20)

विद्धं मृगं विचिन्वानो मध्याह्ने भूपतिः स्वयम् । तृषितश्च परिश्रान्तः क्षुधितश्चोत्तरासुतः

viddhaṁ mṛgaṁ vicinvāno madhyāhne bhūpatiḥ svayam tṛṣitaśca pariśrāntaḥ kṣudhitaścottarāsutaḥ

At midday, searching himself for a wounded deer he had struck, that king, weary with thirst and exertion, the son of Uttara, became overcome with hunger.

Verse 21 (devibhagavatam.2.8.21)

राजा घर्मेण सन्तप्तो ददर्श मुनिमन्तिके । ध्याने स्थितं मुनिं राजा जलं पप्रच्छ चातुरः

rājā gharmeṇa santapto dadarśa munimantike dhyāne sthitaṁ muniṁ rājā jalaṁ papraccha cāturaḥ

Scorched by the heat, the king saw a sage nearby. To that sage, absorbed in meditation, the distressed king put a request for water.

Verse 22 (devibhagavatam.2.8.22)

नोवाच किञ्चिन्मौनस्थश्चुकोप नृपतिस्तदा । मृतं सर्पं तदादाय धनुष्कोट्या तृषातुरः

novāca kiñcinmaunasthaścukopa nṛpatistadā mṛtaṁ sarpaṁ tadādāya dhanuṣkoṭyā tṛṣāturaḥ

That sage, keeping silence, said nothing at all; at this the king grew angry, and, tormented by thirst, lifted a dead snake with the tip of his bow,

Verse 23 (devibhagavatam.2.8.23)

कलिनाविष्टचित्तस्तु कण्ठे तस्य न्यवेशयत् । आरोपिते तथा सर्पे नोवाच मुनिसत्तमः

kalināviṣṭacittastu kaṇṭhe tasya nyaveśayat āropite tathā sarpe novāca munisattamaḥ

his mind possessed by the influence of Kali, he placed that dead snake about the sage's neck. Though the snake was thus placed there, that excellent sage said not a word,

Verse 24 (devibhagavatam.2.8.24)

न चचाल समाधिस्थो राजापि स्वगृहं गतः । तस्य पुत्रोऽतितेजस्वी गविजातो महातपाः

na cacāla samādhistho rājāpi svagṛhaṁ gataḥ tasya putro'titejasvī gavijāto mahātapāḥ

his meditation unbroken since he was deep in samadhi; and the king too returned to his own home. That sage's son, exceedingly radiant and greatly austere,

Verse 25 (devibhagavatam.2.8.25)

महाशक्तोऽथ शुश्राव क्रीडमानो वनान्तिके । मित्राण्याहुश्च तत्पुत्रं पितुः कण्ठे तवाधुना

mahāśakto'tha śuśrāva krīḍamāno vanāntike mitrāṇyāhuśca tatputraṁ pituḥ kaṇṭhe tavādhunā

who was exceedingly mighty, was playing nearby the forest when he heard of this. His friends said to that son, "About your father's neck just now —

Verse 26 (devibhagavatam.2.8.26)

लम्भितोऽस्ति मृतः सर्पः केनापीति मुनीश्वर । तेषां तद्वचनं श्रुत्वा चुकोपातिशयं तदा

lambhito'sti mṛtaḥ sarpaḥ kenāpīti munīśvara teṣāṁ tadvacanaṁ śrutvā cukopātiśayaṁ tadā

O son of the sage, someone has placed a dead snake." Hearing their words, he flew into a towering rage.

Verse 27 (devibhagavatam.2.8.27)

शशाप नृपतिं क्रुद्धो गृहीत्वाशु करे जलम् । पितुः कण्ठेऽद्य मे येन विनिक्षिप्तो मृतोरगः

śaśāpa nṛpatiṁ kruddho gṛhītvāśu kare jalam pituḥ kaṇṭhe'dya me yena vinikṣipto mṛtoragaḥ

In fury, taking water swiftly in his hand, he cursed that king: "Whoever it was that today placed a dead snake about my father's neck —

Verse 28 (devibhagavatam.2.8.28)

तक्षकः सप्तरात्रेण तं दशेत्पापपूरुषम् । मुनेः शिष्योऽथ राजानं समुपेत्य गृहे स्थितम्

takṣakaḥ saptarātreṇa taṁ daśetpāpapūruṣam muneḥ śiṣyo'tha rājānaṁ samupetya gṛhe sthitam

may Takshaka bite that sinful man within seven nights." Then the sage's own disciple went to that king, who was seated in his palace,

Verse 29 (devibhagavatam.2.8.29)

शापं निवेदयामास मुनिपुत्रेण चार्पितम् । अभिमन्युसुतः श्रुत्वा शापं दत्तं द्विजेन वै

śāpaṁ nivedayāmāsa muniputreṇa cārpitam abhimanyusutaḥ śrutvā śāpaṁ dattaṁ dvijena vai

and reported to him the curse pronounced by the sage's son. Abhimanyu's son (Parikshit), hearing of this curse given by that brahmin (the sage's son),

Verse 30 (devibhagavatam.2.8.30)

अनिवार्यं च विज्ञाय मन्त्रिवृद्धानुवाच ह । शप्तोऽहं द्विजरूपेण मम द्वेषादसंशयम्

anivāryaṁ ca vijñāya mantrivṛddhānuvāca ha śapto'haṁ dvijarūpeṇa mama dveṣādasaṁśayam

and knowing it to be irresistible, said to his elder ministers, "By that brahmin's own doing, without doubt, I have been cursed on account of some fault of mine against him.

Verse 31 (devibhagavatam.2.8.31)

किं विधेयं मयामात्या उपायश्चिन्त्यतामिह । मृत्युः किलानिवार्योऽसौ वदन्ति वेदवादिनः

kiṁ vidheyaṁ mayāmātyā upāyaścintyatāmiha mṛtyuḥ kilānivāryo'sau vadanti vedavādinaḥ

O ministers, what is now to be done? Let some remedy here be considered. Those versed in the Veda say that death cannot be averted.

Verse 32 (devibhagavatam.2.8.32)

यत्नस्तथापि शास्त्रोक्तः कर्तव्यः सर्वथा बुधैः । उपायवादिनः केचित्प्रवदन्ति मनीषिणः

yatnastathāpi śāstroktaḥ kartavyaḥ sarvathā budhaiḥ upāyavādinaḥ kecitpravadanti manīṣiṇaḥ

Even so, the effort enjoined in the scriptures ought always to be made by the wise. Some learned men who hold that remedies work say —

Verse 33 (devibhagavatam.2.8.33)

विज्ञोपायेन सिध्यन्ति कार्याणि नेतरस्य च । मणिमन्त्रौषधीनां वै प्रभावाः खलु दुर्विदः

vijñopāyena sidhyanti kāryāṇi netarasya ca maṇimantrauṣadhīnāṁ vai prabhāvāḥ khalu durvidaḥ

Tasks succeed through the wise application of a remedy, not otherwise. Indeed, the power of gems, mantras, and herbs is a hard thing to fully fathom.

Verse 34 (devibhagavatam.2.8.34)

न भवेदिति किं तैस्तु मणिमद्भिः सुसाधितैः । सर्पदष्टा पुरा भार्या मुनेः सञ्जीविता मृता

na bhavediti kiṁ taistu maṇimadbhiḥ susādhitaiḥ sarpadaṣṭā purā bhāryā muneḥ sañjīvitā mṛtā

What, indeed, might not be accomplished by such perfected, mantra-charged gems? In earlier times a sage's wife, bitten by a snake and dead, was brought back to life —

Verse 35 (devibhagavatam.2.8.35)

दत्त्वार्धमायुषस्तेन मुनिना सा वराप्सराः । भवितव्ये न विश्वासः कर्तव्यः सर्वथा बुधैः

dattvārdhamāyuṣastena muninā sā varāpsarāḥ bhavitavye na viśvāsaḥ kartavyaḥ sarvathā budhaiḥ

that sage, giving half of his own lifespan, restored that excellent apsara-born maiden to life. Therefore the wise should never place complete trust in fate alone.

Verse 36 (devibhagavatam.2.8.36)

प्रत्यक्षं तत्र दृष्टान्तं पश्यन्तु सचिवाः किल । दिवि कोऽपि पृथिव्यां वा दृश्यते पुरुषः क्वचित्

pratyakṣaṁ tatra dṛṣṭāntaṁ paśyantu sacivāḥ kila divi ko'pi pṛthivyāṁ vā dṛśyate puruṣaḥ kvacit

O ministers, behold this example directly for yourselves. Where in heaven or on earth is there ever seen a man

Verse 37 (devibhagavatam.2.8.37)

दैवे मतिं समाधाय यस्तिष्ठेत्तु निरुद्यमः । विरक्तस्तु यतिर्भूत्वा भिक्षार्थं याति सर्वथा

daive matiṁ samādhāya yastiṣṭhettu nirudyamaḥ viraktastu yatirbhūtvā bhikṣārthaṁ yāti sarvathā

who, resting his mind wholly on providence, remains sitting utterly without effort? Even the man who has become a detached ascetic still goes forth to beg for alms —

Verse 38 (devibhagavatam.2.8.38)

गृहस्थानां गृहे काममाहूतो वाथवान्यथा । यदृच्छयोपपन्नं च क्षिप्तं केनापि वा मुखे

gṛhasthānāṁ gṛhe kāmamāhūto vāthavānyathā yadṛcchayopapannaṁ ca kṣiptaṁ kenāpi vā mukhe

at the houses of householders, whether invited or by some other means; and whatever thereby comes to him unsought, or is placed by another into his mouth —

Verse 39 (devibhagavatam.2.8.39)

उद्यमेन विना चास्यादुदरे संविशेत्कथम् । प्रयत्नश्चोद्यमे कार्यो यदा सिद्धिं न याति चेत्

udyamena vinā cāsyādudare saṁviśetkatham prayatnaścodyame kāryo yadā siddhiṁ na yāti cet

without that effort of going forth, how could it ever reach his stomach? Therefore effort should always be made; and if success is still not attained through it —

Verse 40 (devibhagavatam.2.8.40)

तदा दैवं स्थितं चेति चित्तमालम्बयेद्बुधः । मन्त्रिण ऊचुः । को मुनिर्येन दत्त्वार्धमायुषो जीविता प्रिया

tadā daivaṁ sthitaṁ ceti cittamālambayedbudhaḥ mantriṇa ūcuḥ ko muniryena dattvārdhamāyuṣo jīvitā priyā

then the wise man should rest his mind on the thought, "So it was fated to be."" The ministers said, "Who was that sage who, giving half his own life, restored his beloved to life —

Verse 41 (devibhagavatam.2.8.41)

कथं मृता महाराज तन्नो ब्रूहि सविस्तरम् । राजोवाच । भृगोर्भार्या वरारोहा पुलोमा नाम सुन्दरी

kathaṁ mṛtā mahārāja tanno brūhi savistaram rājovāca bhṛgorbhāryā varārohā pulomā nāma sundarī

and how had she died, O great king? Tell us this in full detail." The king said: "The sage Bhrigu's wife was the lovely woman named Puloma;

Verse 42 (devibhagavatam.2.8.42)

तस्यां तु च्यवनो नाम मुनिर्जातोऽतिविश्रुतः । च्यवनस्य च शर्यातेः सुकन्या नाम सुन्दरी

tasyāṁ tu cyavano nāma munirjāto'tiviśrutaḥ cyavanasya ca śaryāteḥ sukanyā nāma sundarī

from her was born the exceedingly renowned sage Chyavana. From Chyavana and the lovely Sukanya, daughter of King Sharyati,

Verse 43 (devibhagavatam.2.8.43)

तस्यां जज्ञे सुतः श्रीमान्प्रमतिर्नाम विश्रुतः । प्रमतेस्तु प्रिया भार्या प्रतापी नाम विश्रुता

tasyāṁ jajñe sutaḥ śrīmānpramatirnāma viśrutaḥ pramatestu priyā bhāryā pratāpī nāma viśrutā

was born the illustrious and celebrated son named Pramati. Pramati's beloved wife was the renowned woman named Pratapi;

Verse 44 (devibhagavatam.2.8.44)

रुरुर्नाम सुतो जातस्तथा परमतापसः । तस्मिंश्च समये कश्चित्स्थूलकेशश्च विश्रुतः

rururnāma suto jātastathā paramatāpasaḥ tasmiṁśca samaye kaścitsthūlakeśaśca viśrutaḥ

from them was born a son named Ruru, who was exceedingly given to austerity. At that same time there was renowned a sage named Sthulakesha —

Verse 45 (devibhagavatam.2.8.45)

बभूव तपसा युक्तो धर्मात्मा सत्यसम्मतः । एतस्मिन्नन्तरे मान्या मेनका च वराप्सराः

babhūva tapasā yukto dharmātmā satyasammataḥ etasminnantare mānyā menakā ca varāpsarāḥ

endowed with austerity, righteous, and devoted to truth. Meanwhile that honoured and lovely apsara Menaka, held to be the most beautiful in all three worlds,

Verse 46 (devibhagavatam.2.8.46)

क्रीडां चक्रे नदीतीरे त्रिषु लोकेषु सुन्दरी । गर्भं विश्वावसोः प्राप्य निर्गता वरवर्णिनी

krīḍāṁ cakre nadītīre triṣu lokeṣu sundarī garbhaṁ viśvāvasoḥ prāpya nirgatā varavarṇinī

was sporting there upon the riverbank. Having conceived by Vishvavasu (the gandharva), that fair woman went from there,

Verse 47 (devibhagavatam.2.8.47)

स्थूलकेशाश्रमे गत्वा विससर्ज वराप्सराः । कन्यकां च नदीतीरे त्रिषु लोकेषु सुन्दरीम्

sthūlakeśāśrame gatvā visasarja varāpsarāḥ kanyakāṁ ca nadītīre triṣu lokeṣu sundarīm

and, going to Sthulakesha's hermitage, that excellent apsara gave birth there, on the riverbank, to a girl held beautiful throughout the three worlds, and abandoned her.

Verse 48 (devibhagavatam.2.8.48)

दृष्ट्वानाथां तदा कन्यां जग्राह मुनिसत्तमः । पुपोष स्थूलकेशस्तु नाम्ना चक्रे प्रमद्वराम्

dṛṣṭvānāthāṁ tadā kanyāṁ jagrāha munisattamaḥ pupoṣa sthūlakeśastu nāmnā cakre pramadvarām

Seeing that motherless girl, that excellent sage took her in; Sthulakesha raised and nurtured her, and named her Pramadvara.

Verse 49 (devibhagavatam.2.8.49)

सा काले यौवनं प्राप्ता सर्वलक्षणसंयुता । रुरुर्दृष्ट्वाथ तां बालां कामबाणार्दितो ह्यभूत्

sā kāle yauvanaṁ prāptā sarvalakṣaṇasaṁyutā rururdṛṣṭvātha tāṁ bālāṁ kāmabāṇārdito hyabhūt

In time, that girl, endowed with every auspicious mark, came to youth. Seeing that maiden, Ruru became deeply pierced by the arrows of desire.