King Parikshit's Life in the Hidden House

Verse 1 (devibhagavatam.2.9.1)

परीक्षिदुवाच । कामार्तः स मुनिर्गत्वा रुरुः सुप्तो निजाश्रमे । पिता पप्रच्छ दीनं तं किं रुरो विमना असि

parīkṣiduvāca kāmārtaḥ sa munirgatvā ruruḥ supto nijāśrame pitā papraccha dīnaṁ taṁ kiṁ ruro vimanā asi

Parikshit said: Tormented by desire, that sage Ruru went to his own hermitage and lay down there. His father asked that despondent boy, "Ruru, why are you so downcast?"

Verse 2 (devibhagavatam.2.9.2)

स तमाहातिकामार्तः स्थूलकेशस्य चाश्रमे । कन्या प्रमद्वरा नाम सा मे भार्या भवेदिति

sa tamāhātikāmārtaḥ sthūlakeśasya cāśrame kanyā pramadvarā nāma sā me bhāryā bhavediti

That greatly desire-stricken son said to his father, "In Sthulakesha's hermitage there is a girl named Pramadvara — that she become my wife, this alone is my wish."

Verse 3 (devibhagavatam.2.9.3)

स गत्वा प्रमतिस्तूर्णं स्थूलकेशं महामुनिम् । प्रमुह्य सुमुखं कृत्वा ययाचे तां वराननाम्

sa gatvā pramatistūrṇaṁ sthūlakeśaṁ mahāmunim pramuhya sumukhaṁ kṛtvā yayāce tāṁ varānanām

Then Pramati went at once to the great sage Sthulakesha, and, most humbly, entreated him for that excellent maiden's hand.

Verse 4 (devibhagavatam.2.9.4)

ददौ वाचं स्थूलकेशः प्रदास्यामि शुभेऽहनि । विवाहार्थं च सम्भारं रचयामासतुर्वने

dadau vācaṁ sthūlakeśaḥ pradāsyāmi śubhe'hani vivāhārthaṁ ca sambhāraṁ racayāmāsaturvane

Sthulakesha gave his word: "I shall give her to you on an auspicious day." And they began to prepare all the necessary arrangements for the wedding there in the forest.

Verse 5 (devibhagavatam.2.9.5)

प्रमतिः स्थूलकेशश्च विवाहार्थं समुद्यतौ । बभूवतुर्महात्मानौ समीपस्थौ तपोवने

pramatiḥ sthūlakeśaśca vivāhārthaṁ samudyatau babhūvaturmahātmānau samīpasthau tapovane

Pramati and Sthulakesha, both great souls, occupied with the wedding preparations, remained there close by that forest hermitage of penance.

Verse 6 (devibhagavatam.2.9.6)

तस्मिन्नवसरे कन्या रममाणा गृहाङ्गणे । प्रसुप्तं पन्नगं पादेनास्पृशच्चारुलोचना

tasminnavasare kanyā ramamāṇā gṛhāṅgaṇe prasuptaṁ pannagaṁ pādenāspṛśaccārulocanā

In the meantime, that girl, playing in the courtyard of the house, touched a sleeping snake with her foot — that fair-eyed Pramadvara.

Verse 7 (devibhagavatam.2.9.7)

दष्टा तु पन्नगेनाथ सा ममार वराङ्गना । कोलाहलस्तदा जातो मृतां दृष्ट्वा प्रमद्वराम्

daṣṭā tu pannagenātha sā mamāra varāṅganā kolāhalastadā jāto mṛtāṁ dṛṣṭvā pramadvarām

Bitten by the snake, that excellent maiden died. Beholding the dead Pramadvara, a great uproar arose there at once.

Verse 8 (devibhagavatam.2.9.8)

मिलिता मुनयः सर्वे चुक्रुशुः शोकसंयुताः । भूमौ तां पतितां दृष्ट्वा पिता तस्यातिदुःखितः

militā munayaḥ sarve cukruśuḥ śokasaṁyutāḥ bhūmau tāṁ patitāṁ dṛṣṭvā pitā tasyātiduḥkhitaḥ

All the sages gathered there and cried out, overwhelmed with grief. Seeing her fallen upon the ground, her father grew utterly desolate,

Verse 9 (devibhagavatam.2.9.9)

रुरोद विगतप्राणां दीप्यमानां सुतेजसा । रुरुः श्रुत्वा तदाक्रन्दं दर्शनार्थं समागतः

ruroda vigataprāṇāṁ dīpyamānāṁ sutejasā ruruḥ śrutvā tadākrandaṁ darśanārthaṁ samāgataḥ

and wept for his radiant daughter, now lifeless. Hearing that lament, Ruru too came to that place to see for himself.

Verse 10 (devibhagavatam.2.9.10)

ददर्श पतितां तत्र सजीवामिव कामिनीम् । रुदन्तं स्थूलकेशं च दृष्ट्वान्यानृषिसत्तमान्

dadarśa patitāṁ tatra sajīvāmiva kāminīm rudantaṁ sthūlakeśaṁ ca dṛṣṭvānyānṛṣisattamān

There he saw his beloved lying upon the ground, as if still alive; and he saw too the weeping Sthulakesha and the other excellent sages there.

Verse 11 (devibhagavatam.2.9.11)

रुरुः स्थानाद्बहिर्गत्वा रुरोद विरहाकुलः । अहो दैवेन सर्पोऽयं प्रेषितः परमाद्भुतः

ruruḥ sthānādbahirgatvā ruroda virahākulaḥ aho daivena sarpo'yaṁ preṣitaḥ paramādbhutaḥ

Ruru, going out from that place, wept, distraught with the anguish of separation — "Alas, fate has sent this most strange serpent,

Verse 12 (devibhagavatam.2.9.12)

मम शर्मविघाताय दुःखहेतुरयं किल । किं करोमि क्व गच्छामि मृता मे प्राणवल्लभा

mama śarmavighātāya duḥkhaheturayaṁ kila kiṁ karomi kva gacchāmi mṛtā me prāṇavallabhā

come solely to shatter my happiness and bring me sorrow. What am I to do now, where shall I go? She, dearer to me than my very life, is dead.

Verse 13 (devibhagavatam.2.9.13)

न वै जीवितुमिच्छामि वियुक्तः प्रिययानया । नालिङ्गिता वरारोहा न मया चुम्बिता मुखे

na vai jīvitumicchāmi viyuktaḥ priyayānayā nāliṅgitā varārohā na mayā cumbitā mukhe

Parted from her, I have no wish to go on living. I never even embraced that excellent woman, nor kissed her lips.

Verse 14 (devibhagavatam.2.9.14)

न पाणिग्रहणं प्राप्तं मन्दभाग्येन सर्वथा । लाजाहोमस्तथा चाग्नौ न कृतस्त्वनया सह

na pāṇigrahaṇaṁ prāptaṁ mandabhāgyena sarvathā lājāhomastathā cāgnau na kṛtastvanayā saha

Ill-fated as I am, I never even took her hand in marriage, nor performed the offering of parched grain into the fire with her.

Verse 15 (devibhagavatam.2.9.15)

मानुष्यं धिगिदं कामं गच्छन्त्वद्य ममासवः । दुःखितस्य न वा मृत्युर्वाञ्छितः समुपैति हि

mānuṣyaṁ dhigidaṁ kāmaṁ gacchantvadya mamāsavaḥ duḥkhitasya na vā mṛtyurvāñchitaḥ samupaiti hi

Curses upon this mortal life! Now let my own breath depart too. Yet even the death a grieving man desires does not readily come, this is true.

Verse 16 (devibhagavatam.2.9.16)

सुखं तर्हि कथं दिव्यमाप्यते भुवि वाञ्छितम् । प्रपतामि ह्रदे घोरे पावके प्रपताम्यहम्

sukhaṁ tarhi kathaṁ divyamāpyate bhuvi vāñchitam prapatāmi hrade ghore pāvake prapatāmyaham

How then can one obtain the divine happiness one desires upon this earth? Let me throw myself into some fearsome deep pool, or cast myself into fire,

Verse 17 (devibhagavatam.2.9.17)

विषमद्मि गले पाशं कृत्वा प्राणांस्त्यजाम्यहम् । विलप्यैवं रुरुस्तत्र विचार्य मनसा पुनः

viṣamadmi gale pāśaṁ kṛtvā prāṇāṁstyajāmyaham vilapyaivaṁ rurustatra vicārya manasā punaḥ

or swallow poison, or bind a noose about my neck and give up my life." Thus lamenting there, Ruru once more began to reflect in his mind,

Verse 18 (devibhagavatam.2.9.18)

उपायं चिन्तयामास स्थितस्तस्मिन्नदीतटे । मरणात्किं फलं मे स्यादात्महत्या दुरत्यया

upāyaṁ cintayāmāsa sthitastasminnadītaṭe maraṇātkiṁ phalaṁ me syādātmahatyā duratyayā

and, standing there on the riverbank, began to consider a remedy — "What good would my own death bring? Self-slaughter is a grievous act, hard to overcome.

Verse 19 (devibhagavatam.2.9.19)

दुःखितश्च पिता मे स्याज्जननी चातिदुःखिता । दैवस्तुष्टो भवेत्कामं दृष्ट्वा मां त्यक्तजीवितम्

duḥkhitaśca pitā me syājjananī cātiduḥkhitā daivastuṣṭo bhavetkāmaṁ dṛṣṭvā māṁ tyaktajīvitam

My father would grieve, and my mother too would be plunged into deep sorrow. Fate would surely be pleased indeed, seeing me abandon my own life,

Verse 20 (devibhagavatam.2.9.20)

सर्वः प्रमुदितश्च स्यान्मत्क्षये नात्र संशयः । उपकारः प्रियायाः कः परलोके भवेदपि

sarvaḥ pramuditaśca syānmatkṣaye nātra saṁśayaḥ upakāraḥ priyāyāḥ kaḥ paraloke bhavedapi

and everyone else would be glad at my ruin, of that there is no doubt. And what good, then, would my death do my beloved in the world beyond?

Verse 21 (devibhagavatam.2.9.21)

मृते मय्यात्मघातेन विरहात्पीडितेऽपि च । परलोके प्रिया सापि न मे स्यादात्मघातिनः

mṛte mayyātmaghātena virahātpīḍite'pi ca paraloke priyā sāpi na me syādātmaghātinaḥ

If I die by my own hand, even though tormented by our separation, that beloved of mine shall never be granted to me, a suicide, in the world hereafter.

Verse 22 (devibhagavatam.2.9.22)

एतदर्थं मृते दोषा मयि नैवामृते पुनः । विमृश्यैव रुरुस्तत्र स्नात्वाचम्य शुचिः स्थितः

etadarthaṁ mṛte doṣā mayi naivāmṛte punaḥ vimṛśyaiva rurustatra snātvācamya śuciḥ sthitaḥ

Therefore my dying would only bring fault upon me, whereas living would not." Thinking thus, Ruru bathed there, sipped water in ritual purification, and stood there, made pure.

Verse 23 (devibhagavatam.2.9.23)

अब्रवीद्वचनं कृत्वा जलं पाणावसौ मुनिः । यन्मया सुकृतं किञ्चित्कृतं देवार्चनादिकम्

abravīdvacanaṁ kṛtvā jalaṁ pāṇāvasau muniḥ yanmayā sukṛtaṁ kiñcitkṛtaṁ devārcanādikam

Then that sage, taking water in his hand, spoke these words: "Whatever merit I have earned — worship of the gods and the like,

Verse 24 (devibhagavatam.2.9.24)

गुरवः पूजिता भक्त्या हुतं जप्तं तपः कृतम् । अधीतास्त्वखिला वेदा गायत्री संस्कृता यदि

guravaḥ pūjitā bhaktyā hutaṁ japtaṁ tapaḥ kṛtam adhītāstvakhilā vedā gāyatrī saṁskṛtā yadi

devoted worship of my elders, offerings, japa, austerity, the study of the entire Veda, the sacrament of the Gayatri — if all this be true,

Verse 25 (devibhagavatam.2.9.25)

रविराराधितस्तेन सञ्जीवतु मम प्रिया । यदि जीवेन्न मे कान्ता त्यजे प्राणानहं ततः

ravirārādhitastena sañjīvatu mama priyā yadi jīvenna me kāntā tyaje prāṇānahaṁ tataḥ

and if I have duly worshipped Surya, then by that merit let my beloved live again. If she does not, then I too shall give up my own life."

Verse 26 (devibhagavatam.2.9.26)

इत्युक्त्वा तज्जलं भूमौ चिक्षेपाराध्य देवताः । राजोवाच । एवं विलपतस्तस्य भार्यया दुःखितस्य च

ityuktvā tajjalaṁ bhūmau cikṣepārādhya devatāḥ rājovāca evaṁ vilapatastasya bhāryayā duḥkhitasya ca

Having spoken thus, worshipping the gods, he poured that water upon the ground. The king said: As he thus lamented, grief-stricken over his lost wife,

Verse 27 (devibhagavatam.2.9.27)

देवदूतस्तदाभ्येत्य वाक्यमाह रुरुं ततः । देवदूत उवाच । माकार्षीः साहसं ब्रह्मन्कथं जीवेन्मृता प्रिया

devadūtastadābhyetya vākyamāha ruruṁ tataḥ devadūta uvāca mākārṣīḥ sāhasaṁ brahmankathaṁ jīvenmṛtā priyā

a messenger of the gods appeared there and spoke these words to Ruru. The divine messenger said: "O brahmin, do not undertake such a rash act — how could your dead beloved come back to life?

Verse 28 (devibhagavatam.2.9.28)

गतायुरेषा सुश्रोणी गन्धर्वाप्सरसोः सुता । अन्यां कामय चार्वङ्गीं मृतेयं चाविवाहिता

gatāyureṣā suśroṇī gandharvāpsarasoḥ sutā anyāṁ kāmaya cārvaṅgīṁ mṛteyaṁ cāvivāhitā

This lovely woman's span of life is spent — she is the daughter of a gandharva and an apsara. O fair one, desire some other woman instead; she has died unmarried.

Verse 29 (devibhagavatam.2.9.29)

किं रोदिषि सुदुर्बुद्धे का प्रीतिस्तेऽनया सह । रुरुरुवाच । देवदूत न चान्यां वै वरिष्याम्यहमङ्गनाम्

kiṁ rodiṣi sudurbuddhe kā prītiste'nayā saha rururuvāca devadūta na cānyāṁ vai variṣyāmyahamaṅganām

O foolish one, why do you weep? What real bond of love do you have with her?" Ruru said: "O divine messenger, I shall never choose any other woman.

Verse 30 (devibhagavatam.2.9.30)

यदि जीवेन्न जीवेद्वा मर्तव्यं चाधुना मया । राजोवाच । विदित्वेति हठं तस्य देवदूतो मुदान्वितः

yadi jīvenna jīvedvā martavyaṁ cādhunā mayā rājovāca viditveti haṭhaṁ tasya devadūto mudānvitaḥ

Whether she lives or not, I myself must now surely die." The king said: Perceiving this determination of his, that divine messenger, pleased,

Verse 31 (devibhagavatam.2.9.31)

उवाच वचनं तथ्यं सत्यं चातिमनोहरम् । उपायं शृणु विप्रेन्द्र विहितं यत्सुरैः पुरा

uvāca vacanaṁ tathyaṁ satyaṁ cātimanoharam upāyaṁ śṛṇu viprendra vihitaṁ yatsuraiḥ purā

spoke these true and most gracious words: "O foremost of brahmins, hear the remedy that was ordained by the gods in earlier times —

Verse 32 (devibhagavatam.2.9.32)

आयुषोऽर्धप्रदानेन जीवयाशु प्रमद्वराम् । रुरुरुवाच । आयुषोऽर्धं प्रयच्छामि कन्यायै नात्र संशयः

āyuṣo'rdhapradānena jīvayāśu pramadvarām rururuvāca āyuṣo'rdhaṁ prayacchāmi kanyāyai nātra saṁśayaḥ

by giving half of your own lifespan, you can at once restore Pramadvara to life." Ruru said: "I give half my lifespan to that girl, without any doubt.

Verse 33 (devibhagavatam.2.9.33)

अद्य प्रत्यावृतप्राणा प्रोत्तिष्ठतु मम प्रिया । विश्वावसुस्तदा तत्र विमानेन समागतः

adya pratyāvṛtaprāṇā prottiṣṭhatu mama priyā viśvāvasustadā tatra vimānena samāgataḥ

May her breath return this very day; may my beloved rise up." At that moment Vishvavasu (the gandharva) too arrived there in his aerial chariot,

Verse 34 (devibhagavatam.2.9.34)

ज्ञात्वा पुत्रीं मृतां चाशु स्वर्गलोकात्प्रमद्वराम् । ततो गन्धर्वराजश्च देवदूतश्च सत्तमः

jñātvā putrīṁ mṛtāṁ cāśu svargalokātpramadvarām tato gandharvarājaśca devadūtaśca sattamaḥ

learning from heaven that his daughter Pramadvara had suddenly died. Then that king of gandharvas and that excellent divine messenger, both together —

Verse 35 (devibhagavatam.2.9.35)

धर्मराजमुपेत्येदं वचनं प्रत्यभाषताम् । धर्मराज रुरोः पत्नी सुता विश्वावसोस्तथा

dharmarājamupetyedaṁ vacanaṁ pratyabhāṣatām dharmarāja ruroḥ patnī sutā viśvāvasostathā

went to Dharmaraja and spoke these words to him: "O Dharmaraja, Ruru's intended wife, who is also the daughter of Vishvavasu —

Verse 36 (devibhagavatam.2.9.36)

मृता प्रमद्वरा कन्या दष्टा सर्पेण चाधुना । सा रुरोरायुषोऽर्धेन मर्तुकामस्य सूर्यज

mṛtā pramadvarā kanyā daṣṭā sarpeṇa cādhunā sā rurorāyuṣo'rdhena martukāmasya sūryaja

that maiden Pramadvara has died, just now bitten by a snake. O son of Surya (Yama), by the gift of half the lifespan of that Ruru, who was ready to give up his own life —

Verse 37 (devibhagavatam.2.9.37)

समुत्तिष्ठतु तन्वङ्गी व्रतचर्याप्रभावतः । धर्म उवाच । विश्वावसुसुतां कन्यां देवदूत यदीच्छसि

samuttiṣṭhatu tanvaṅgī vratacaryāprabhāvataḥ dharma uvāca viśvāvasusutāṁ kanyāṁ devadūta yadīcchasi

let that fair-limbed one, by the power of his vow's due observance, rise up." Dharmaraja said: "O divine messenger, if you wish, let this daughter of Vishvavasu

Verse 38 (devibhagavatam.2.9.38)

उत्तिष्ठत्वायुषोऽर्धेन रुरुं गत्वा त्वमर्पय । राजोवाच । एवमुक्तस्ततो गत्वा जीवयित्वा प्रमद्वराम्

uttiṣṭhatvāyuṣo'rdhena ruruṁ gatvā tvamarpaya rājovāca evamuktastato gatvā jīvayitvā pramadvarām

rise up by that half-span; go, deliver the remainder (his own remaining half) to Ruru." The king said: Thus commanded, that divine messenger went, and, restoring Pramadvara to life,

Verse 39 (devibhagavatam.2.9.39)

रुरोः समर्पयामास देवदूतस्त्वरान्वितः । ततः शुभेऽह्नि विधिना रुरुणापि विवाहिता

ruroḥ samarpayāmāsa devadūtastvarānvitaḥ tataḥ śubhe'hni vidhinā ruruṇāpi vivāhitā

delivered her at once to Ruru. Then, on an auspicious day, she was duly married to Ruru in proper form as well.

Verse 40 (devibhagavatam.2.9.40)

इत्थं चोपाययोगेन मृताप्युज्जीविता तदा । उपायस्तु प्रकर्तव्यः सर्वथा शास्त्रसम्मतः

itthaṁ copāyayogena mṛtāpyujjīvitā tadā upāyastu prakartavyaḥ sarvathā śāstrasammataḥ

Thus, through the application of a remedy, she who had died was that time brought back to life. Therefore a remedy sanctioned by the scriptures should always be undertaken —

Verse 41 (devibhagavatam.2.9.41)

मणिमन्त्रौषधीभिश्च विधिवत्प्राणरक्षणे । इत्युक्त्वा सचिवान् राजा कल्पयित्वा सुरक्षकान्

maṇimantrauṣadhībhiśca vidhivatprāṇarakṣaṇe ityuktvā sacivān rājā kalpayitvā surakṣakān

by gems, mantras, and herbs, applied properly, for the protection of one's life." Having spoken thus to his ministers, the king resolved to arrange guards for his own protection,

Verse 42 (devibhagavatam.2.9.42)

कारयित्वाथ प्रासादं सप्तभूमिकमुत्तमम् । आरुरोहोत्तरासूनुः सचिवैः सह तत्क्षणम्

kārayitvātha prāsādaṁ saptabhūmikamuttamam ārurohottarāsūnuḥ sacivaiḥ saha tatkṣaṇam

and, having had an excellent seven-storeyed palace built, the son of Uttara (Parikshit) at once ascended it together with his ministers.

Verse 43 (devibhagavatam.2.9.43)

मणिमन्त्रधराः शूराः स्थापितास्तत्र रक्षणे । प्रेषयामास भूपालो मुनिं गौरमुखं ततः

maṇimantradharāḥ śūrāḥ sthāpitāstatra rakṣaṇe preṣayāmāsa bhūpālo muniṁ gauramukhaṁ tataḥ

Heroes bearing gems and mantras were stationed there for his protection. The king then sent for the sage named Gauramukha,

Verse 44 (devibhagavatam.2.9.44)

प्रसादार्थं सेवकस्य क्षमस्वेति पुनः पुनः । ब्राह्मणान्सिद्धमन्त्रज्ञान् रक्षणार्थमितस्ततः

prasādārthaṁ sevakasya kṣamasveti punaḥ punaḥ brāhmaṇānsiddhamantrajñān rakṣaṇārthamitastataḥ

asking him again and again to show favour to his servant (the king himself, in humility); and he also appointed brahmins accomplished in mantras to guard him from all sides.

Verse 45 (devibhagavatam.2.9.45)

मन्त्रिपुत्रः स्थितस्तत्र स्थापयामास दन्तिनः । न कश्चिदारुहेत्तत्र प्रासादे चातिरक्षिते

mantriputraḥ sthitastatra sthāpayāmāsa dantinaḥ na kaścidāruhettatra prāsāde cātirakṣite

A minister's son too was stationed there, and elephants too were posted at that place. It was arranged that no one at all could ascend into that most well-guarded palace;

Verse 46 (devibhagavatam.2.9.46)

वातोऽपि न चरेत्तत्र प्रवेशे विनिवार्यते । भक्ष्यभोज्यादिकं राजा तत्रस्थश्च चकार सः

vāto'pi na carettatra praveśe vinivāryate bhakṣyabhojyādikaṁ rājā tatrasthaśca cakāra saḥ

even the wind, upon entry, was to be restrained. The king remained there, arranging for food and all his needs,

Verse 47 (devibhagavatam.2.9.47)

स्तानसन्ध्यादिकं कर्म तत्रैव विनिवर्त्य च । राजकार्याणि सर्वाणि तत्रस्थश्चाकरोन्नृपः

stānasandhyādikaṁ karma tatraiva vinivartya ca rājakāryāṇi sarvāṇi tatrasthaścākaronnṛpaḥ

and his bathing, twilight prayers, and every other rite were likewise performed there. The king, remaining in that very place, conducted all the affairs of state,

Verse 48 (devibhagavatam.2.9.48)

मन्त्रिभिः सह सम्मन्त्र्य गणयन्दिवसानपि । कश्चिच्च कश्यपो नाम ब्राह्मणो मन्त्रिसत्तमः

mantribhiḥ saha sammantrya gaṇayandivasānapi kaścicca kaśyapo nāma brāhmaṇo mantrisattamaḥ

consulting with his ministers, and counting off the days one by one. At that very time a brahmin named Kashyapa, foremost among those versed in mantras,

Verse 49 (devibhagavatam.2.9.49)

शुश्राव च तथा शापं प्राप्तं राज्ञा महात्मना । स धनार्थी द्विजश्रेष्ठः कश्यपः समचिन्तयत्

śuśrāva ca tathā śāpaṁ prāptaṁ rājñā mahātmanā sa dhanārthī dvijaśreṣṭhaḥ kaśyapaḥ samacintayat

heard also that this curse had befallen that great-souled king. That excellent brahmin, Kashyapa, desirous of wealth, began to think within himself —

Verse 50 (devibhagavatam.2.9.50)

व्रजामि तत्र यत्रास्ते शप्तो राजा द्विजेन ह । इति कृत्वा मतिं विप्रः स्वगृहान्निःसृतः पथि

vrajāmi tatra yatrāste śapto rājā dvijena ha iti kṛtvā matiṁ vipraḥ svagṛhānniḥsṛtaḥ pathi

"I shall go to that place where the king dwells, cursed by that brahmin." Having so resolved, that brahmin set out from his home upon the road —

Verse 51 (devibhagavatam.2.9.51)

कश्यपो मन्त्रविद्विद्वान्धनार्थी मुनिसत्तमः

kaśyapo mantravidvidvāndhanārthī munisattamaḥ

that Kashyapa, learned in the science of mantras, wise, desirous of wealth, an excellent sage.