The Dialogue Between Yudhajit and Bharadvaja

Verse 1 (devibhagavatam.3.16.1)

व्यास उवाच । युधाजित्त्वथ सङ्ग्रामाद्गत्वाऽयोध्यां महाबलः । मनोरमां च पप्रच्छ सुदर्शनजिघांसया

vyāsa uvāca yudhājittvatha saṅgrāmādgatvā'yodhyāṁ mahābalaḥ manoramāṁ ca papraccha sudarśanajighāṁsayā

Vyasa said: Then the mighty Yudhajit, having returned from the battlefield to Ayodhya, inquired about Manorama, desiring to kill Sudarshana.

Verse 2 (devibhagavatam.3.16.2)

सेवकान् प्रेषयामास क्व गतेति मुहुर्वदन् । शुभे दिनेऽथ दौहित्रं स्थापयामास चासने

sevakān preṣayāmāsa kva gateti muhurvadan śubhe dine'tha dauhitraṁ sthāpayāmāsa cāsane

He sent out servants, repeatedly asking where she had gone; then, on an auspicious day, he installed his daughter's son upon the throne.

Verse 3 (devibhagavatam.3.16.3)

मन्त्रिभिश्च वसिष्ठेन मन्त्रैराथर्वणैः शुभैः । अभिषिक्तश्च सम्पूर्णैः कलशैर्जलपूरितैः

mantribhiśca vasiṣṭhena mantrairātharvaṇaiḥ śubhaiḥ abhiṣiktaśca sampūrṇaiḥ kalaśairjalapūritaiḥ

Together with the ministers and Vasishtha, he was anointed with auspicious Atharvan mantras, with full pitchers filled with water.

Verse 4 (devibhagavatam.3.16.4)

भेरीशङ्खनिनादैश्च तूर्याणां चाथ निःस्वनैः । उत्सवस्तु नगर्या वै सम्बभूव कुरूद्वह

bherīśaṅkhaninādaiśca tūryāṇāṁ cātha niḥsvanaiḥ utsavastu nagaryā vai sambabhūva kurūdvaha

With the sounds of kettledrums and conches, and with the blare of trumpets, O foremost of the Kurus, a festival arose throughout the city.

Verse 5 (devibhagavatam.3.16.5)

विप्राणां वेदपाठैश्च बन्दिनां स्तुतिभिस्तथा । अयोध्या मुदितेवासीज्जयशब्दैः सुमङ्गलैः

viprāṇāṁ vedapāṭhaiśca bandināṁ stutibhistathā ayodhyā muditevāsījjayaśabdaiḥ sumaṅgalaiḥ

With the Brahmins' Vedic recitations and the bards' eulogies, Ayodhya, resounding with auspicious cries of victory, seemed to rejoice.

Verse 6 (devibhagavatam.3.16.6)

हृष्टपुष्टजनाकीर्णा स्तुतिवादित्रनिःस्वना । नवे तस्मिन्महीपाले पूर्बभौ नूतनेव सा

hṛṣṭapuṣṭajanākīrṇā stutivāditraniḥsvanā nave tasminmahīpāle pūrbabhau nūtaneva sā

Full of joyous and thriving people, resounding with eulogies and musical instruments, under that new king the city shone as though made new again.

Verse 7 (devibhagavatam.3.16.7)

केचित्साधुजना ये वै चक्रुः शोकं गृहे स्थिताः । सुदर्शनं विचिन्त्याद्य क्व गतोऽसौ नृपात्मजः

kecitsādhujanā ye vai cakruḥ śokaṁ gṛhe sthitāḥ sudarśanaṁ vicintyādya kva gato'sau nṛpātmajaḥ

Yet some good people, remaining at home, grieved, thinking of Sudarshana: "Where has that prince gone today?"

Verse 8 (devibhagavatam.3.16.8)

मनोरमातिसाध्वी सा क्व गता सुतसंयुता । पिताऽस्या निहतः सङ्ख्ये राज्यलोभेन वैरिणा

manoramātisādhvī sā kva gatā sutasaṁyutā pitā'syā nihataḥ saṅkhye rājyalobhena vairiṇā

"Where has that most virtuous Manorama gone with her son? Her father was slain in battle by an enemy out of greed for the kingdom."

Verse 9 (devibhagavatam.3.16.9)

इत्येवं चिन्त्यमानास्ते साधवः समबुद्धयः । अतिष्ठन्दुःखितास्तत्र शत्रुजिद्वशवर्तिनः

ityevaṁ cintyamānāste sādhavaḥ samabuddhayaḥ atiṣṭhanduḥkhitāstatra śatrujidvaśavartinaḥ

Thinking thus, those good people of like mind remained there, sorrowful, now living under the sway of that conqueror of foes.

Verse 10 (devibhagavatam.3.16.10)

युधाजिदपि दौहित्रं स्थापयित्वा विधानतः । राज्यञ्च मन्त्रिसात्कृत्वा चलितः स्वां पुरीं प्रति

yudhājidapi dauhitraṁ sthāpayitvā vidhānataḥ rājyañca mantrisātkṛtvā calitaḥ svāṁ purīṁ prati

Yudhajit too, having duly installed his grandson and entrusted the kingdom to the ministers, set out toward his own city.

Verse 11 (devibhagavatam.3.16.11)

श्रुत्वा सुदर्शनं तत्र मुनीनामाश्रमे स्थितम् । हन्तुकामो जगामाशु चित्रकूटं स पर्वतम्

śrutvā sudarśanaṁ tatra munīnāmāśrame sthitam hantukāmo jagāmāśu citrakūṭaṁ sa parvatam

Hearing that Sudarshana was dwelling there in the sages' hermitage, he, desiring to kill him, went swiftly toward Mount Chitrakuta.

Verse 12 (devibhagavatam.3.16.12)

निषादाधिपतिं शूरं पुरस्कृत्य बलाभिधम् । दुर्दर्शाख्यमगादाशु शृङ्गवेरपुराधिपम्

niṣādādhipatiṁ śūraṁ puraskṛtya balābhidham durdarśākhyamagādāśu śṛṅgaverapurādhipam

Placing at the head the brave lord of the Nishadas, named Bala, he set out swiftly together with Durdarsha, the ruler of Shringaverapura.

Verse 13 (devibhagavatam.3.16.13)

श्रुत्वा मनोरमा तत्र बभूवातिसुदुःखिता । आगच्छन्तं बालपुत्रा भयार्ता सैन्यसंयुतम्

śrutvā manoramā tatra babhūvātisuduḥkhitā āgacchantaṁ bālaputrā bhayārtā sainyasaṁyutam

Hearing this, Manorama, mother of the young boy, became greatly distressed, in fear of him coming with his army.

Verse 14 (devibhagavatam.3.16.14)

तमुवाचातिशोकार्ता मुनिं साश्रुविलोचना । किं करोमि क्व गच्छामि युधाजित्समुपस्थितः

tamuvācātiśokārtā muniṁ sāśruvilocanā kiṁ karomi kva gacchāmi yudhājitsamupasthitaḥ

Overcome with grief, her eyes filled with tears, she said to the sage: "What shall I do, where shall I go? Yudhajit has arrived!

Verse 15 (devibhagavatam.3.16.15)

पिता मे निहतोऽनेन दौहित्रो भूपतिः कृतः । सुतं मे हन्तुकामोऽत्र समायाति बलान्वितः

pitā me nihato'nena dauhitro bhūpatiḥ kṛtaḥ sutaṁ me hantukāmo'tra samāyāti balānvitaḥ

He is the one who slew my father and made his own grandson king. Now, desiring to kill my son, he comes here with his army.

Verse 16 (devibhagavatam.3.16.16)

पुरा श्रुतं मया स्वामिन्पाण्डवा वै वने स्थिताः । मुनीनामाश्रमे पुण्ये पाञ्चाल्या सहितास्तदा

purā śrutaṁ mayā svāminpāṇḍavā vai vane sthitāḥ munīnāmāśrame puṇye pāñcālyā sahitāstadā

O lord, I once heard that the Pandavas dwelt in the forest, in the sages' sacred hermitage, together then with the princess of Panchala."

Verse 17 (devibhagavatam.3.16.17)

गतास्ते मृगयां पार्था भ्रातरः पञ्च एव ते । द्रौपदी संस्थिता तत्र मुनीनामाश्रमे शुभे

gatāste mṛgayāṁ pārthā bhrātaraḥ pañca eva te draupadī saṁsthitā tatra munīnāmāśrame śubhe

"The five Partha brothers had gone out hunting, while Draupadi remained there in the sages' auspicious hermitage.

Verse 18 (devibhagavatam.3.16.18)

धौम्योऽत्रिर्गालवः पैलो जावालिर्गौतमो भृगुः । च्यवनश्चात्रिगोत्रश्च कण्वश्चैव जतुः क्रतुः

dhaumyo'trirgālavaḥ pailo jāvālirgautamo bhṛguḥ cyavanaścātrigotraśca kaṇvaścaiva jatuḥ kratuḥ

Dhaumya, Atri, Galava, Paila, Javali, Gautama, Bhrigu, Chyavana, and another sage of Atri's lineage, Kanva, Jatu, Kratu —

Verse 19 (devibhagavatam.3.16.19)

वीतिहोत्रः सुमन्तुश्च यज्ञदत्तोऽथ वत्सलः । राशासनः कहोडश्च यवक्रीर्यज्ञकृत्क्रतुः

vītihotraḥ sumantuśca yajñadatto'tha vatsalaḥ rāśāsanaḥ kahoḍaśca yavakrīryajñakṛtkratuḥ

Vitihotra, Sumantu, Yajnadatta, Vatsala, Rashasana, Kahoda, Yavakri, and Yajnakritkratu —

Verse 20 (devibhagavatam.3.16.20)

एते चान्ये च मुनयो भारद्वाजादयः शुभाः । वेदपाठयुताः सर्वे संस्थिताश्चाश्रमे स्थिताः

ete cānye ca munayo bhāradvājādayaḥ śubhāḥ vedapāṭhayutāḥ sarve saṁsthitāścāśrame sthitāḥ

these and other auspicious sages headed by Bharadvaja, all devoted to Vedic recitation, dwelt there in the hermitage.

Verse 21 (devibhagavatam.3.16.21)

दासीभिः सहिता तत्र याज्ञसेनी स्थिता मुने । आश्रमे चारुसर्वाङ्गी निर्भया मुनिसंवृते

dāsībhiḥ sahitā tatra yājñasenī sthitā mune āśrame cārusarvāṅgī nirbhayā munisaṁvṛte

There, O sage, the daughter of Yajnasena, lovely in every limb, dwelt fearlessly in the hermitage, surrounded by sages, together with her maidservants.

Verse 22 (devibhagavatam.3.16.22)

पार्था मृगानुगास्तावत्प्रयाताश्च वनाद्वनम् । धनुर्बाणधरा वीराः पञ्च वै शत्रुतापनाः

pārthā mṛgānugāstāvatprayātāśca vanādvanam dhanurbāṇadharā vīrāḥ pañca vai śatrutāpanāḥ

Meanwhile the five Partha brothers, heroes bearing bow and arrow, tormentors of their foes, had gone from forest to forest in pursuit of deer.

Verse 23 (devibhagavatam.3.16.23)

तावत्सिन्धुपतिः श्रीमान्मार्गस्थो बलसंयुतः । आगतश्चाश्रमाभ्याशे श्रुत्वा तु निगमन्ध्वनिम्

tāvatsindhupatiḥ śrīmānmārgastho balasaṁyutaḥ āgataścāśramābhyāśe śrutvā tu nigamandhvanim

Meanwhile the glorious lord of Sindhu, who was on the road with his army, hearing the sound of Vedic recitation, came near the hermitage.

Verse 24 (devibhagavatam.3.16.24)

श्रुत्वा वेदध्वनिं राजा मुनीनां भावितात्मनाम् । उत्ततार रथात्तूर्णं दर्शनाकाङ्क्षया नृपः

śrutvā vedadhvaniṁ rājā munīnāṁ bhāvitātmanām uttatāra rathāttūrṇaṁ darśanākāṅkṣayā nṛpaḥ

Hearing the sound of the Vedas of those purified-souled sages, the king quickly descended from his chariot, desiring to see them.

Verse 25 (devibhagavatam.3.16.25)

यदा निरगमत्तत्र भृत्यद्वयसमन्वितः । वेदपाठयुतान्वीक्ष्य मुनीनुद्यमसंस्थितः

yadā niragamattatra bhṛtyadvayasamanvitaḥ vedapāṭhayutānvīkṣya munīnudyamasaṁsthitaḥ

When he came forward there, accompanied by two attendants, beholding the sages engaged in effort, occupied with Vedic recitation —

Verse 26 (devibhagavatam.3.16.26)

कृताञ्जलिपुटः स्वामिन्संस्थितोऽथ जयद्रथः । आश्रमे मुनिभिर्जुष्टे भूपतिः संविवेश ह

kṛtāñjalipuṭaḥ svāminsaṁsthito'tha jayadrathaḥ āśrame munibhirjuṣṭe bhūpatiḥ saṁviveśa ha

with folded hands, O lord, Jayadratha stood there, and the king entered the hermitage frequented by the sages.

Verse 27 (devibhagavatam.3.16.27)

तत्रोपविष्टं राजानं द्रष्टुकामाः स्त्रियस्तदा । आययुर्मुनिभार्याश्च कोऽयमित्यब्रुवन्नृपम्

tatropaviṣṭaṁ rājānaṁ draṣṭukāmāḥ striyastadā āyayurmunibhāryāśca ko'yamityabruvannṛpam

Then, desiring to see the seated king, the sages' wives came there and said of him, "Who is this?"

Verse 28 (devibhagavatam.3.16.28)

तासां मध्ये वरारोहा याज्ञसेनी समागता । जयद्रथेन दृष्टा सा रूपेण श्रीरिवापरा

tāsāṁ madhye varārohā yājñasenī samāgatā jayadrathena dṛṣṭā sā rūpeṇa śrīrivāparā

Among them came the lovely Yajnaseni, and Jayadratha beheld her — in beauty like another Lakshmi.

Verse 29 (devibhagavatam.3.16.29)

तां विलोक्यासितापाङ्गीं देवकन्यामिवापराम् । पप्रच्छ नृपतिर्धौम्यं केयं श्यामा वरानना

tāṁ vilokyāsitāpāṅgīṁ devakanyāmivāparām papraccha nṛpatirdhaumyaṁ keyaṁ śyāmā varānanā

Beholding her, dark-eyed as though another daughter of the gods, the king asked Dhaumya: "Who is this dark, lovely-faced woman?

Verse 30 (devibhagavatam.3.16.30)

भार्या कस्य सुता कस्य नाम्ना का वरवर्णिनी । रूपलावण्यसंयुक्ता शचीव वसुधाङ्गता

bhāryā kasya sutā kasya nāmnā kā varavarṇinī rūpalāvaṇyasaṁyuktā śacīva vasudhāṅgatā

Whose wife is she, whose daughter, what is her name — this woman of lovely complexion, endowed with beauty and grace, as though Shachi come down to earth?

Verse 31 (devibhagavatam.3.16.31)

बर्बूलवनमध्यस्था लवङ्गलतिका यथा । राक्षसीवृन्दगा नूनं रम्भेवाभाति भामिनी

barbūlavanamadhyasthā lavaṅgalatikā yathā rākṣasīvṛndagā nūnaṁ rambhevābhāti bhāminī

Like a clove-creeper standing amid a thorny thicket, this lovely woman shines here among a throng of forest-dwelling women, truly like Rambha.

Verse 32 (devibhagavatam.3.16.32)

सत्यं वद महाभाग कस्येयं वल्लभाबला । राजपत्नीव चाभाति नैषा मुनिवधूर्द्विज

satyaṁ vada mahābhāga kasyeyaṁ vallabhābalā rājapatnīva cābhāti naiṣā munivadhūrdvija

Tell me the truth, O fortunate one — whose beloved is this? She appears like a king's wife; she seems no sage's bride, O Brahmin."

Verse 33 (devibhagavatam.3.16.33)

धौम्य उवाच । पाण्डवानां प्रिया भार्या द्रौपदी शुभलक्षणा । पाञ्चाली सिन्धुराजेन्द्र वसत्यत्र वराश्रमे

dhaumya uvāca pāṇḍavānāṁ priyā bhāryā draupadī śubhalakṣaṇā pāñcālī sindhurājendra vasatyatra varāśrame

Dhaumya said: "O lord of Sindhu, this is Draupadi, the beloved wife of the Pandavas, of auspicious marks, the princess of Panchala — she dwells here in this excellent hermitage."

Verse 34 (devibhagavatam.3.16.34)

जयद्रथ उवाच । क्व गताः पाण्डवाः पञ्च शूराः सम्प्रति विश्रुताः । वसन्त्यत्र वने वीरा वीतशोका महाबलाः

jayadratha uvāca kva gatāḥ pāṇḍavāḥ pañca śūrāḥ samprati viśrutāḥ vasantyatra vane vīrā vītaśokā mahābalāḥ

Jayadratha said: "Where have those five heroic, now so renowned Pandavas gone? Do these mighty, sorrow-free heroes dwell here in the forest?"

Verse 35 (devibhagavatam.3.16.35)

धौम्य उवाच । मृगयार्थं गताः पञ्च पाण्डवा रथसंस्थिताः । आगमिष्यन्ति मध्यान्हे मृगानादाय पार्थिवाः

dhaumya uvāca mṛgayārthaṁ gatāḥ pañca pāṇḍavā rathasaṁsthitāḥ āgamiṣyanti madhyānhe mṛgānādāya pārthivāḥ

Dhaumya said: "The five Pandavas, mounted on their chariots, have gone out for the hunt; these princes will return at midday, bringing deer."

Verse 36 (devibhagavatam.3.16.36)

तच्छ्रुत्वा वचनं तस्य उदतिष्ठदसौ नृपः । द्रौपदीसन्निधौ गत्वा प्रगम्येदमुवाच ह

tacchrutvā vacanaṁ tasya udatiṣṭhadasau nṛpaḥ draupadīsannidhau gatvā pragamyedamuvāca ha

Hearing his words, that king rose up, and going near Draupadi, approached and spoke thus.

Verse 37 (devibhagavatam.3.16.37)

कुशलं ते वरारोहे क्व गताः पतयश्च ते । एकादश गतान्यद्य वर्षाणि च वने किल

kuśalaṁ te varārohe kva gatāḥ patayaśca te ekādaśa gatānyadya varṣāṇi ca vane kila

"Are you well, O lovely one? Where have your husbands gone? Eleven years, it is said, have now passed in the forest."

Verse 38 (devibhagavatam.3.16.38)

द्रौपदी तु तदोवाच स्वस्ति तेऽस्तु नृपात्मज । विश्रमस्वाश्रमाभ्याशे क्षणादायान्ति पाण्डवाः

draupadī tu tadovāca svasti te'stu nṛpātmaja viśramasvāśramābhyāśe kṣaṇādāyānti pāṇḍavāḥ

But Draupadi then said: "May you be well, O prince! Rest here near the hermitage; the Pandavas will arrive in but a moment."

Verse 39 (devibhagavatam.3.16.39)

एवं ब्रुवन्त्यां तस्यां तु लोभाविष्टः स भूपतिः । जहार द्रौपदीं वीरोऽनादृत्य मुनिसत्तमान्

evaṁ bruvantyāṁ tasyāṁ tu lobhāviṣṭaḥ sa bhūpatiḥ jahāra draupadīṁ vīro'nādṛtya munisattamān

While she was speaking thus, that king, overcome by desire, the hero, seized Draupadi, disregarding those greatest of sages.

Verse 40 (devibhagavatam.3.16.40)

कस्यचिन्नैव विश्वासः कर्तव्यः सर्वथा बुधैः । कुर्वन्दुःखमवाप्नोति दृष्टान्तस्त्वत्र वै बलिः

kasyacinnaiva viśvāsaḥ kartavyaḥ sarvathā budhaiḥ kurvanduḥkhamavāpnoti dṛṣṭāntastvatra vai baliḥ

"One should never place full trust in anyone under any circumstance — one who does so meets with sorrow; the example here is Bali.

Verse 41 (devibhagavatam.3.16.41)

वैरोचनसुतः श्रीमान्धर्मिष्ठः सत्यसङ्गरः । यज्ञकर्ता च दाता च शरण्यः साधुसम्मतः

vairocanasutaḥ śrīmāndharmiṣṭhaḥ satyasaṅgaraḥ yajñakartā ca dātā ca śaraṇyaḥ sādhusammataḥ

The glorious son of Virochana, most righteous, true to his pledges, a performer of sacrifices, a giver of gifts, a refuge for those who sought him, esteemed by the virtuous —

Verse 42 (devibhagavatam.3.16.42)

नाधर्मे निरतः क्वापि प्रल्हादस्य च पौत्रकः । एकोनशतयज्ञान्वै स चकार सदक्षिणान्

nādharme nirataḥ kvāpi pralhādasya ca pautrakaḥ ekonaśatayajñānvai sa cakāra sadakṣiṇān

never devoted to unrighteousness in any way, that grandson of Prahlada performed ninety-nine sacrifices, each with full sacrificial fees.

Verse 43 (devibhagavatam.3.16.43)

सत्त्वमूर्त्तिः सदा विष्णुः सेव्यः स योगिनामपि । निर्विकारोऽपि भगवान्देवकार्यार्थसिद्धये

sattvamūrttiḥ sadā viṣṇuḥ sevyaḥ sa yogināmapi nirvikāro'pi bhagavāndevakāryārthasiddhaye

Vishnu, ever the embodiment of goodness, worthy of service even by yogis — though changeless, the Lord took a form for the accomplishment of the gods' purpose.

Verse 44 (devibhagavatam.3.16.44)

कश्यपाच्च समुद्भूतो विष्णुः कपटवामनः । राज्यं छलेन हृतवान्महीं चैव ससागराम्

kaśyapācca samudbhūto viṣṇuḥ kapaṭavāmanaḥ rājyaṁ chalena hṛtavānmahīṁ caiva sasāgarām

Born from Kashyapa, Vishnu, in the deceptive form of a dwarf, took away by trickery the kingdom and the whole earth together with its oceans.

Verse 45 (devibhagavatam.3.16.45)

सोऽभवत्सत्यवाग्राजा बलिर्वैरोचनिस्तदा । कपटं कृतवान्विष्णुरिन्द्रार्थे तु मया श्रुतम्

so'bhavatsatyavāgrājā balirvairocanistadā kapaṭaṁ kṛtavānviṣṇurindrārthe tu mayā śrutam

He, King Bali, son of Virochana, was ever true to his word; but Vishnu, I have heard, practiced deceit for Indra's sake.

Verse 46 (devibhagavatam.3.16.46)

अन्यः किं न करोत्येवं कृतं वै सत्त्वमूर्तिना । वामनं रूपमास्थाय यज्ञपातं चिकीर्षता

anyaḥ kiṁ na karotyevaṁ kṛtaṁ vai sattvamūrtinā vāmanaṁ rūpamāsthāya yajñapātaṁ cikīrṣatā

What would another not do, when such was done even by the embodiment of goodness — assuming the dwarf's form, intending to disrupt the sacrifice?

Verse 47 (devibhagavatam.3.16.47)

न च विश्वसितव्यं वै कदाचित्केनचित्तथा । लोभश्चेतसि चेत्स्वामिन्कीदृक्पापकृतं भयम्

na ca viśvasitavyaṁ vai kadācitkenacittathā lobhaścetasi cetsvāminkīdṛkpāpakṛtaṁ bhayam

One should therefore never, under any circumstance, place trust in anyone; if greed is in the heart, O lord, what fear is there in doing sin?

Verse 48 (devibhagavatam.3.16.48)

लोभाहताः प्रकुर्वन्ति पापानि प्राणिनः किल । परलोकाद्भयं नास्ति कस्यचित्कर्हिचिन्मुने

lobhāhatāḥ prakurvanti pāpāni prāṇinaḥ kila paralokādbhayaṁ nāsti kasyacitkarhicinmune

Beings overcome by greed indeed commit sins; no fear of the world to come, O sage, remains in anyone at all.

Verse 49 (devibhagavatam.3.16.49)

मनसा कर्मणा वाचा परस्वादानहेतुतः । प्रपतन्ति नराः सम्यग्लोभोपहतचेतसः

manasā karmaṇā vācā parasvādānahetutaḥ prapatanti narāḥ samyaglobhopahatacetasaḥ

By thought, deed, and word, for the sake of taking others' wealth, men whose minds are wholly overcome by greed fall into ruin.

Verse 50 (devibhagavatam.3.16.50)

देवानाराध्य सततं वाञ्छन्ति च धनं नराः । न देवास्तत्करे कृत्वा समर्था दातुमञ्जसा

devānārādhya satataṁ vāñchanti ca dhanaṁ narāḥ na devāstatkare kṛtvā samarthā dātumañjasā

Men constantly worship the gods and long for wealth; yet the gods do not simply place it in their hands and give it so easily.

Verse 51 (devibhagavatam.3.16.51)

अन्यस्यानीयते वित्तं प्रयच्छन्ति मनीषितम् । वाणिज्येनाथ दानेन चौर्येणापि बलेन वा

anyasyānīyate vittaṁ prayacchanti manīṣitam vāṇijyenātha dānena cauryeṇāpi balena vā

Wealth is brought from another and given as desired — through trade, through gift, through theft, or even through force.

Verse 52 (devibhagavatam.3.16.52)

विक्रयार्थं गृहीत्वा च धान्यवस्त्रादिकं बहु । देवानर्चयते वैश्यो महर्द्धिर्मे भवेदिति

vikrayārthaṁ gṛhītvā ca dhānyavastrādikaṁ bahu devānarcayate vaiśyo maharddhirme bhavediti

A merchant, having taken much grain, cloth and the like for sale, worships the gods, thinking, "May I become greatly prosperous."

Verse 53 (devibhagavatam.3.16.53)

नात्र किं परवित्तेच्छा वाणिज्येन परन्तप । ग्रहणकाले तु सम्प्राप्ते महर्घञ्चापि काङ्क्षति

nātra kiṁ paravittecchā vāṇijyena parantapa grahaṇakāle tu samprāpte maharghañcāpi kāṅkṣati

Is this not, O scorcher of foes, itself a desire for another's wealth through trade? And when the time of taking comes, he even wishes for a high price.

Verse 54 (devibhagavatam.3.16.54)

एवं हि प्राणिनः सर्वे परस्वादानतत्पराः । वर्तन्ते सततं ब्रह्मन् विश्वासः कीदृशः पुनः

evaṁ hi prāṇinaḥ sarve parasvādānatatparāḥ vartante satataṁ brahman viśvāsaḥ kīdṛśaḥ punaḥ

Thus indeed all beings, O Brahmin, are ever intent on taking what belongs to another — so what trust, then, can there be?

Verse 55 (devibhagavatam.3.16.55)

वृथा तीर्थं वृथा दानं वृथाऽध्ययनमेव च । लोभमोहावृतानां वै कृतं तदकृतं भवेत्

vṛthā tīrthaṁ vṛthā dānaṁ vṛthā'dhyayanameva ca lobhamohāvṛtānāṁ vai kṛtaṁ tadakṛtaṁ bhavet

Vain is pilgrimage, vain is charity, vain even is study — for those overwhelmed by greed and delusion, whatever is done becomes as if undone.

Verse 56 (devibhagavatam.3.16.56)

तस्मादेनं महाभाग विसर्जय गृहं प्रति । सपुत्राऽहं वसिष्यामि जानकीवद्द्विजोत्तम

tasmādenaṁ mahābhāga visarjaya gṛhaṁ prati saputrā'haṁ vasiṣyāmi jānakīvaddvijottama

Therefore, O great one, send this man back home; I, together with my son, shall dwell here like Janaki, O best of Brahmins."

Verse 57 (devibhagavatam.3.16.57)

इत्युक्तोऽसौ मुनिस्तावद्गत्वा युधाजितं नृपम् । उवाच वचनं राज्ञे भारद्वाजः प्रतापवान्

ityukto'sau munistāvadgatvā yudhājitaṁ nṛpam uvāca vacanaṁ rājñe bhāradvājaḥ pratāpavān

Thus addressed, that mighty sage Bharadvaja then went to King Yudhajit and spoke these words to the king:

Verse 58 (devibhagavatam.3.16.58)

गच्छ राजन् यथाकामं स्वपुरं नृपसत्तम । नेयं मनोरमाभ्येति बालपुत्रा सुदुःखिता

gaccha rājan yathākāmaṁ svapuraṁ nṛpasattama neyaṁ manoramābhyeti bālaputrā suduḥkhitā

"Go, O king, as you wish, back to your own city, O best of kings. This grieving Manorama, with her young son, will not go with you."

Verse 59 (devibhagavatam.3.16.59)

युधाजिदुवाच । मुने मुञ्च हठं सौम्य विसर्जय मनोरमाम् । न च यास्याम्यहं मुक्त्वा नेष्याम्यद्य बलात्पुनः

yudhājiduvāca mune muñca haṭhaṁ saumya visarjaya manoramām na ca yāsyāmyahaṁ muktvā neṣyāmyadya balātpunaḥ

Yudhajit said: "O gentle sage, abandon this obstinacy; give up Manorama. I shall not leave without her — today I shall take her away again by force."

Verse 60 (devibhagavatam.3.16.60)

ऋषिरुवाच । नयस्व यदि शक्तिस्ते बलेनाद्य ममाश्रमात् । विश्वामित्रो यथा धेनुं वसिष्ठस्य मुनेः पुरा

ṛṣiruvāca nayasva yadi śaktiste balenādya mamāśramāt viśvāmitro yathā dhenuṁ vasiṣṭhasya muneḥ purā

The sage said: "If you have the power, take her by force today from my hermitage — as Vishvamitra once tried to take the sage Vasishtha's cow."