Manorama's Journey to the Ashrama of Bharadvaja

Verse 1 (devibhagavatam.3.15.1)

व्यास उवाच । संयुगे च सति तत्र भूपयोराहवाय समुपात्तशस्त्रयोः । क्रोधलोभवशयोः समं ततः सम्बभूव तुमुलस्तु विमर्दः

vyāsa uvāca saṁyuge ca sati tatra bhūpayorāhavāya samupāttaśastrayoḥ krodhalobhavaśayoḥ samaṁ tataḥ sambabhūva tumulastu vimardaḥ

Vyasa said: When the battle had begun there between the two kings, both having taken up weapons for combat, both in the grip of anger and greed, then a tumultuous clash broke out equally between them.

Verse 2 (devibhagavatam.3.15.2)

संस्थितः स समरे धृतचापः पार्थिवः पृथुलबाहुयुधाजित् । संयुतः स्वबलवाहनादिकैराहवाय कृतनिश्चयो नृपः

saṁsthitaḥ sa samare dhṛtacāpaḥ pārthivaḥ pṛthulabāhuyudhājit saṁyutaḥ svabalavāhanādikairāhavāya kṛtaniścayo nṛpaḥ

King Yudhajit, of broad arms, stood in that battle holding his bow, joined with his own forces, mounts, and the rest, the king resolved for combat.

Verse 3 (devibhagavatam.3.15.3)

वीरसेन इह सैन्यसंयुतः क्षात्रधर्ममनुसृत्य सङ्गरे । पुत्रिकात्मजहिताय पार्थिवः संस्थितः सुरपतेः समतेजाः

vīrasena iha sainyasaṁyutaḥ kṣātradharmamanusṛtya saṅgare putrikātmajahitāya pārthivaḥ saṁsthitaḥ surapateḥ samatejāḥ

Virasena, here, joined with his army, following the duty of a kshatriya in battle, the king, of splendour equal to the lord of the gods, stood there for the welfare of his daughter's son.

Verse 4 (devibhagavatam.3.15.4)

स बाणवृष्टिं विससर्ज पार्थिवो युधाजितं वीक्ष्य रणे स्थितञ्च । गिरिं तडित्वानिव तोयवृष्टिभिः क्रोधान्वितः सत्यपराक्रमोऽसौ

sa bāṇavṛṣṭiṁ visasarja pārthivo yudhājitaṁ vīkṣya raṇe sthitañca giriṁ taḍitvāniva toyavṛṣṭibhiḥ krodhānvitaḥ satyaparākramo'sau

That king, of true prowess, filled with anger, seeing Yudhajit standing in the battlefield, released a shower of arrows upon him, like a rain-cloud upon a mountain with showers of water.

Verse 5 (devibhagavatam.3.15.5)

तं वीरसेनो विशिखैः शिलाशितैः समावृणोदाशुगमैरजिह्मगैः । चिच्छेद बाणैश्च शिलीमुखानसौ तेनैव मुक्तानतिवेगपातिनः

taṁ vīraseno viśikhaiḥ śilāśitaiḥ samāvṛṇodāśugamairajihmagaiḥ ciccheda bāṇaiśca śilīmukhānasau tenaiva muktānativegapātinaḥ

Virasena covered him with sharp, swift-flying, unswerving arrows; and he cut down, with his own arrows, the shafts released by him, which fell with tremendous speed.

Verse 6 (devibhagavatam.3.15.6)

गजरथतुरगाणां सम्बभूवातियुद्धं सुरनरमुनिसङ्घैर्वीक्षितञ्चातिघोरम् । विततविहगवृन्दैरावृतं व्योम सद्यः पिशितमशितुकामैः कामगृध्रादिभिश्च

gajarathaturagāṇāṁ sambabhūvātiyuddhaṁ suranaramunisaṅghairvīkṣitañcātighoram vitatavihagavṛndairāvṛtaṁ vyoma sadyaḥ piśitamaśitukāmaiḥ kāmagṛdhrādibhiśca

A great battle arose among the elephants, chariots, and horses, watched by hosts of gods, men, and sages, most terrible; the sky was instantly covered by vast flocks of birds — vultures and the like, desiring to eat the flesh.

Verse 7 (devibhagavatam.3.15.7)

तत्राद्भुता क्षतजसिन्धुरुवाह घोरा वृन्देभ्य एव गजवीरतुरङ्गमाणाम् । त्रासावहा नयनमार्गगता नराणां पापात्मनां रविजमार्गभवेव कामम्

tatrādbhutā kṣatajasindhuruvāha ghorā vṛndebhya eva gajavīraturaṅgamāṇām trāsāvahā nayanamārgagatā narāṇāṁ pāpātmanāṁ ravijamārgabhaveva kāmam

There flowed a wondrous, terrible river of blood, from the very hosts of elephants, heroes, and horses; it brought terror as it entered the sight of men — as if it were, indeed, the very path of Yama, the path of sinful souls.

Verse 8 (devibhagavatam.3.15.8)

कीर्णानि भिन्नपुलिने नरमस्तकानि केशावृतानि च विभान्ति यथैव सिन्धौ । तुम्बीफलानि विहितानि विहर्तुकामैर्बालैर्यथा रविसुताप्रभवैश्च नूनम्

kīrṇāni bhinnapuline naramastakāni keśāvṛtāni ca vibhānti yathaiva sindhau tumbīphalāni vihitāni vihartukāmairbālairyathā ravisutāprabhavaiśca nūnam

Human heads, covered with hair, scattered on the broken sandbanks of that blood-river, shone forth just as gourds set afloat in a river by children wishing to play.

Verse 9 (devibhagavatam.3.15.9)

वीरं मृतं भुवि गतं पतितं रथाद्वै गृध्रः पलार्थमुपरि भ्रमतीति मन्ये । जीवोऽप्यसौ निजशरीरमवेक्ष्य कान्तं काङ्क्षत्यहोऽतिविवशोऽपि पुनः प्रवेष्टुम्

vīraṁ mṛtaṁ bhuvi gataṁ patitaṁ rathādvai gṛdhraḥ palārthamupari bhramatīti manye jīvo'pyasau nijaśarīramavekṣya kāntaṁ kāṅkṣatyaho'tivivaśo'pi punaḥ praveṣṭum

A vulture circles above a hero, dead, fallen from his chariot to the ground, for the sake of eating flesh — so I imagine; and that soul too, beholding its own once-beloved body, longs, alas, though utterly helpless, to enter it once more.

Verse 10 (devibhagavatam.3.15.10)

आजौ हतोऽपि नृवरः सुविमानरूढः स्वाङ्के स्थितां सुरवधूं प्रवदत्यभीष्टम् । पश्याधुना मम शरीरमिदं पृथिव्यां बाणाहतं निपतितं करभोरु कान्तम्

ājau hato'pi nṛvaraḥ suvimānarūḍhaḥ svāṅke sthitāṁ suravadhūṁ pravadatyabhīṣṭam paśyādhunā mama śarīramidaṁ pṛthivyāṁ bāṇāhataṁ nipatitaṁ karabhoru kāntam

An excellent man, slain in the battle, mounted upon a fine celestial chariot, says to the divine maiden seated in his lap, whom he desires: "Behold now this body of mine, once beautiful, O you of elephant-trunk-like thighs, lying fallen upon the earth, struck by an arrow."

Verse 11 (devibhagavatam.3.15.11)

एको हतस्तु रिपुणैव गतोऽन्तरिक्षं देवाङ्गनां समधिगम्य युतो विमाने । तावत्प्रिया हुतवहे सुसमर्प्य देहं जग्राह कान्तमबला सबला स्वकीया

eko hatastu ripuṇaiva gato'ntarikṣaṁ devāṅganāṁ samadhigamya yuto vimāne tāvatpriyā hutavahe susamarpya dehaṁ jagrāha kāntamabalā sabalā svakīyā

One man, slain by the enemy, went up into the sky, and, having obtained a celestial maiden, joined her in a heavenly chariot; meanwhile his own beloved wife, having duly offered up her body into the fire, though weak in body, embraced her beloved with newfound strength.

Verse 12 (devibhagavatam.3.15.12)

युद्धे मृतौ च सुभटौ दिवि सङ्गतौ तावन्योन्यशस्त्रनिहतौ सह सम्प्रयातौ । तत्रैव जघ्नतुरलं परमाहितास्त्रावेकाप्सरोऽर्थविहतौ कलहाकुलौ च

yuddhe mṛtau ca subhaṭau divi saṅgatau tāvanyonyaśastranihatau saha samprayātau tatraiva jaghnaturalaṁ paramāhitāstrāvekāpsaro'rthavihatau kalahākulau ca

Two brave warriors, slain in battle, having killed each other with weapons, went together up to the heavens and met there; but there too, armed with their most powerful weapons, they fought fiercely against one another once more, embroiled in a quarrel for the sake of a single apsara.

Verse 13 (devibhagavatam.3.15.13)

कश्चिद्युवा समधिगम्य सुराङ्गनां वै रूपाधिकां गुणवतीं किल भक्तियुक्तः । स्वीयान् गुणान्प्रविततान्प्रवदंस्तदाऽसौ तां प्रेमदामनुचकार च योगयुक्तः

kaścidyuvā samadhigamya surāṅganāṁ vai rūpādhikāṁ guṇavatīṁ kila bhaktiyuktaḥ svīyān guṇānpravitatānpravadaṁstadā'sau tāṁ premadāmanucakāra ca yogayuktaḥ

Some young man, having obtained a celestial woman of surpassing beauty and virtue, filled with devotion, then, extolling his own many virtues, endeared himself to her with love, united with her in that union.

Verse 14 (devibhagavatam.3.15.14)

भौमं रजोऽतिविततं दिवि संस्थितञ्च रात्रिं चकार तरणिञ्च समावृणोद्यत् । मग्नं तदेव रुधिराम्बुनिधावकस्मात् प्रादुर्बभूव रविरप्यतिकान्तियुक्तः

bhaumaṁ rajo'tivitataṁ divi saṁsthitañca rātriṁ cakāra taraṇiñca samāvṛṇodyat magnaṁ tadeva rudhirāmbunidhāvakasmāt prādurbabhūva ravirapyatikāntiyuktaḥ

The dust of the earth, spread vastly and reaching up to the sky, turned day into night and covered the very sun; yet that same sun, though sunk as it were in the ocean of blood, suddenly reappeared, endowed with even greater splendour.

Verse 15 (devibhagavatam.3.15.15)

कश्चिद्गतस्तु गगनं किल देवकन्यां सम्प्राप्य चारुवदनां किल भक्तियुक्ताम् । नाङ्गीचकार चतुरो व्रतनाशभीतो यास्यत्ययं मम वृथा ह्यनुकूलशब्दः

kaścidgatastu gaganaṁ kila devakanyāṁ samprāpya cāruvadanāṁ kila bhaktiyuktām nāṅgīcakāra caturo vratanāśabhīto yāsyatyayaṁ mama vṛthā hyanukūlaśabdaḥ

Some warrior, having gone into the sky, and having indeed obtained a beautiful-faced celestial maiden, devoted to him, did not accept her, fearing the loss of his vow, thinking: "This favourable word of hers will surely pass in vain for me."

Verse 16 (devibhagavatam.3.15.16)

सङ्ग्रामे संवृते तत्र युधाजित्पृथिवीपतिः । जघान वीरसेनं तं बाणैस्तीव्रैः सुदारुणैः

saṅgrāme saṁvṛte tatra yudhājitpṛthivīpatiḥ jaghāna vīrasenaṁ taṁ bāṇaistīvraiḥ sudāruṇaiḥ

As the battle raged fiercely there, King Yudhajit slew that Virasena with sharp, most terrible arrows.

Verse 17 (devibhagavatam.3.15.17)

निहतः स पपातोर्व्यां छिन्नमूर्धा महीपतिः । प्रभग्नं तद्बलं सर्वं निर्गतं च चतुर्दिशम्

nihataḥ sa papātorvyāṁ chinnamūrdhā mahīpatiḥ prabhagnaṁ tadbalaṁ sarvaṁ nirgataṁ ca caturdiśam

Struck down, that king fell upon the earth, his head severed; his entire army was routed and scattered in all four directions.

Verse 18 (devibhagavatam.3.15.18)

मनोरमा हतं श्रुत्वा पितरं रणमूर्धनि । भयत्रस्ताथ सञ्जाता पितुर्वैरमनुस्मरन्

manoramā hataṁ śrutvā pitaraṁ raṇamūrdhani bhayatrastātha sañjātā piturvairamanusmaran

Manorama, hearing that her father had been slain at the height of battle, became terrified with fear, remembering her father's enmity with Yudhajit.

Verse 19 (devibhagavatam.3.15.19)

हनिष्यति युधाजिद्वै पुत्रं मम दुराशयः । राज्यलोभेन पापात्मा सेति चिन्तापराभवत्

haniṣyati yudhājidvai putraṁ mama durāśayaḥ rājyalobhena pāpātmā seti cintāparābhavat

"That evil-minded Yudhajit, sinful of soul, will surely kill my son out of greed for the kingdom" — with this thought, she became overwhelmed with anxiety.

Verse 20 (devibhagavatam.3.15.20)

किं करोमि क्व गच्छामि पिता मे निहतो रणे । भर्ता चापि मृतोऽद्यैव पुत्रोऽयं मम बालकः

kiṁ karomi kva gacchāmi pitā me nihato raṇe bhartā cāpi mṛto'dyaiva putro'yaṁ mama bālakaḥ

"What shall I do? Where shall I go? My father has been slain in battle; my husband too has died just this very day; and this my son is only a child.

Verse 21 (devibhagavatam.3.15.21)

लोभोऽतीव च पापिष्ठस्तेन को न वशीकृतः । किं न कुर्यात्तदाविष्टः पापं पार्थिवसत्तमः

lobho'tīva ca pāpiṣṭhastena ko na vaśīkṛtaḥ kiṁ na kuryāttadāviṣṭaḥ pāpaṁ pārthivasattamaḥ

"Greed is exceedingly wicked — whom has it not brought under its sway? What sin would even the best of kings not commit, once possessed by it?

Verse 22 (devibhagavatam.3.15.22)

पितरं मातरं भ्रातॄन्गुरून्स्वजनबान्धवान् । हन्ति लोभसमाविष्टो जनो नात्र विचारणा

pitaraṁ mātaraṁ bhrātṝngurūnsvajanabāndhavān hanti lobhasamāviṣṭo jano nātra vicāraṇā

"A person possessed by greed kills his own father, mother, brothers, teachers, kinsmen, and relatives — there is no doubt of this.

Verse 23 (devibhagavatam.3.15.23)

अभक्ष्यभक्षणं लोभादगम्यागमनं तथा । करोति किल तृष्णार्तो धर्मत्यागं तथा पुनः

abhakṣyabhakṣaṇaṁ lobhādagamyāgamanaṁ tathā karoti kila tṛṣṇārto dharmatyāgaṁ tathā punaḥ

"Out of greed, one afflicted by craving indeed eats what should not be eaten, likewise approaches those who should not be approached, and, again, likewise abandons dharma.

Verse 24 (devibhagavatam.3.15.24)

न सहायोऽस्ति मे कश्चिन्नगरेऽत्र महाबलः । यदाधारे स्थिता चाहं पालयामि सुतं शुभम्

na sahāyo'sti me kaścinnagare'tra mahābalaḥ yadādhāre sthitā cāhaṁ pālayāmi sutaṁ śubham

"I have no helper at all here in this city, of great strength, upon whose support I might rely to protect my auspicious son.

Verse 25 (devibhagavatam.3.15.25)

हते पुत्रे नृपेणाद्य किं करिष्याम्यहं पुनः । न मे त्राताऽस्ति भुवने येन वै सुस्थिता ह्यहम्

hate putre nṛpeṇādya kiṁ kariṣyāmyahaṁ punaḥ na me trātā'sti bhuvane yena vai susthitā hyaham

"If my son is slain by the king today, what indeed shall I do then? I have no protector in this world by whom I might be kept safe.

Verse 26 (devibhagavatam.3.15.26)

सापि वैरयुता कामं सपत्नी सर्वदा भवेत् । लीलावती न मे पुत्रे भविष्यति दयावती

sāpi vairayutā kāmaṁ sapatnī sarvadā bhavet līlāvatī na me putre bhaviṣyati dayāvatī

"That co-wife of mine, Lilavati, filled with enmity, will surely ever remain hostile; she will not be compassionate toward my son.

Verse 27 (devibhagavatam.3.15.27)

युधाजिति समायाते न मे निःसरणं भवेत् । ज्ञात्वा बालं सुतं सोऽद्य कारागारं नयिष्यति

yudhājiti samāyāte na me niḥsaraṇaṁ bhavet jñātvā bālaṁ sutaṁ so'dya kārāgāraṁ nayiṣyati

"With Yudhajit having arrived in power, there will be no escape for me; knowing my son to be a mere child, he will today take him off to prison.

Verse 28 (devibhagavatam.3.15.28)

श्रूयते हि पुरेन्द्रेण मातुर्गर्भगतः शिशुः । कृन्तितः सप्तधा पश्चात्कृतास्ते सप्त सप्तधा

śrūyate hi purendreṇa māturgarbhagataḥ śiśuḥ kṛntitaḥ saptadhā paścātkṛtāste sapta saptadhā

"It is heard, indeed, that long ago Indra cut into pieces, sevenfold, a child still in his mother's womb; and afterwards those seven were made sevenfold again —

Verse 29 (devibhagavatam.3.15.29)

प्रविश्य चोदरं मातुः करे कृत्वाल्पकं पविम् । एकोनपञ्चाशदपि तेऽभवन्मरुतो दिवि

praviśya codaraṁ mātuḥ kare kṛtvālpakaṁ pavim ekonapañcāśadapi te'bhavanmaruto divi

"— entering the mother's womb, holding a tiny thunderbolt in his hand; and those forty-nine became the forty-nine Maruts in heaven.

Verse 30 (devibhagavatam.3.15.30)

सपत्न्यै गरलं दत्तं सपत्न्या नृपभार्यया । गर्भनाशार्थमुद्दिश्य पुरैतद्वै मया श्रुतम्

sapatnyai garalaṁ dattaṁ sapatnyā nṛpabhāryayā garbhanāśārthamuddiśya puraitadvai mayā śrutam

"Poison was once given by a co-wife, a king's wife, to her rival co-wife, with the aim of destroying her womb-child — this too I have indeed heard of old.

Verse 31 (devibhagavatam.3.15.31)

जातस्तु बालकः पश्चाद्देहे विषयुतः किल । तेनासौ सगरो नाम विख्यातो भुवि मण्डले

jātastu bālakaḥ paścāddehe viṣayutaḥ kila tenāsau sagaro nāma vikhyāto bhuvi maṇḍale

"Yet the child was afterward born, with poison indeed still in his body; and thus he became renowned upon the earth by the name Sagara.

Verse 32 (devibhagavatam.3.15.32)

जीवमानोऽथ भर्ता वै कैकेय्या नृपभार्यया । रामः प्रव्राजितो ज्येष्ठो मृतो दशरथो नृपः

jīvamāno'tha bhartā vai kaikeyyā nṛpabhāryayā rāmaḥ pravrājito jyeṣṭho mṛto daśaratho nṛpaḥ

"And while her husband was yet living, the elder son Rama was exiled by the king's wife Kaikeyi; and King Dasharatha died of grief.

Verse 33 (devibhagavatam.3.15.33)

मन्त्रिणस्त्ववशाः कामं ये मे पुत्रं सुदर्शनम् । राजानं कर्तुकामा वै युधाजिद्वशगाश्च ते

mantriṇastvavaśāḥ kāmaṁ ye me putraṁ sudarśanam rājānaṁ kartukāmā vai yudhājidvaśagāśca te

"The ministers, though truly wishing to make my son Sudarshana king, are now indeed helpless, having fallen under the sway of Yudhajit.

Verse 34 (devibhagavatam.3.15.34)

न मे भ्राता तथा शूरो यो मां बन्धात्प्रमोचयेत् । महत्कष्टञ्च सम्प्राप्तं मया वै दैवयोगतः

na me bhrātā tathā śūro yo māṁ bandhātpramocayet mahatkaṣṭañca samprāptaṁ mayā vai daivayogataḥ

"I have no brother, nor any hero, who might free me from captivity; a great calamity has indeed befallen me, through the working of fate.

Verse 35 (devibhagavatam.3.15.35)

उद्यमः सर्वथा कार्यः सिद्धिर्दैवाद्धि जायते । उपायं पुत्ररक्षार्थं करोम्यद्य त्वरान्विता

udyamaḥ sarvathā kāryaḥ siddhirdaivāddhi jāyate upāyaṁ putrarakṣārthaṁ karomyadya tvarānvitā

"Effort must in every way be made; success, indeed, comes about through fate. I shall today, without delay, devise a means for the protection of my son."

Verse 36 (devibhagavatam.3.15.36)

इति सञ्चिन्त्य सा बाला विदल्लं चातिमानिनम् । निपुणं सर्वकार्येषु चिन्त्यं मन्त्रिवरोत्तमम्

iti sañcintya sā bālā vidallaṁ cātimāninam nipuṇaṁ sarvakāryeṣu cintyaṁ mantrivarottamam

Having reflected thus, that young woman summoned Vidalla — a man of great self-respect, skillful in every task, worthy of consultation, the very best of ministers —

Verse 37 (devibhagavatam.3.15.37)

समाहूय तमेकान्ते प्रोवाच बहुदुःखिता । गृहीत्वा बालकं हस्ते रुदती दीनमानसा

samāhūya tamekānte provāca bahuduḥkhitā gṛhītvā bālakaṁ haste rudatī dīnamānasā

— having called him aside privately, she, greatly grieved, holding her child in her arms, weeping, her mind wretched, spoke to him:

Verse 38 (devibhagavatam.3.15.38)

पिता मे निहतः सङ्ख्ये पुत्रोऽयं बालकस्तथा । युधाजिद्बलवान् राजा किं विधेयं वदस्व मे

pitā me nihataḥ saṅkhye putro'yaṁ bālakastathā yudhājidbalavān rājā kiṁ vidheyaṁ vadasva me

"My father has been slain in battle; this my son is but a child; and King Yudhajit is powerful — what is to be done? Tell me."

Verse 39 (devibhagavatam.3.15.39)

तामुवाच विदल्लोऽसौ नात्र स्थातव्यमेव च । गमिष्यामो वने कामं वाराणस्याः पुनः किल

tāmuvāca vidallo'sau nātra sthātavyameva ca gamiṣyāmo vane kāmaṁ vārāṇasyāḥ punaḥ kila

Vidalla said to her: "We must certainly not remain here; let us instead go into the forest, indeed toward Varanasi.

Verse 40 (devibhagavatam.3.15.40)

तत्र मे मातुलः श्रीमान्वर्तते बलवत्तरः । सुबाहुरिति विख्यातो रक्षिता स भविष्यति

tatra me mātulaḥ śrīmānvartate balavattaraḥ subāhuriti vikhyāto rakṣitā sa bhaviṣyati

"There dwells my prosperous, most powerful maternal uncle, renowned by the name Subahu; he will be our protector.

Verse 41 (devibhagavatam.3.15.41)

युधाजिद्दर्शनोत्कण्ठमनसा नगराद्बहिः । निर्गत्य रथमारुह्य गन्तव्यं नात्र संशयः

yudhājiddarśanotkaṇṭhamanasā nagarādbahiḥ nirgatya rathamāruhya gantavyaṁ nātra saṁśayaḥ

"With a mind eager, as if merely to go and see Yudhajit, we must go out of the city, mount a chariot, and depart — there is no doubt about this."

Verse 42 (devibhagavatam.3.15.42)

इत्युक्ता तेन सा राज्ञी गत्वा लीलावतीं प्रति । उवाच पितरं द्रष्टुं गच्छाम्यद्य सुलोचने

ityuktā tena sā rājñī gatvā līlāvatīṁ prati uvāca pitaraṁ draṣṭuṁ gacchāmyadya sulocane

Thus addressed by him, that queen went to Lilavati and said: "O fair-eyed one, I am going today to see my father."

Verse 43 (devibhagavatam.3.15.43)

इत्युक्त्वा रथमारुह्य सैरन्ध्रीसंयुता तदा । विदल्लेन च संयुक्ता निःसृता नगराद्बहिः

ityuktvā rathamāruhya sairandhrīsaṁyutā tadā vidallena ca saṁyuktā niḥsṛtā nagarādbahiḥ

Having said this, she then mounted a chariot, accompanied by her maidservant and joined by Vidalla, and went forth out of the city.

Verse 44 (devibhagavatam.3.15.44)

त्रस्ता ह्यार्तातिकृपणा पितुः शोकसमाकुला । दृष्ट्वा युधाजितं भूपं पितरं गतजीवितम्

trastā hyārtātikṛpaṇā pituḥ śokasamākulā dṛṣṭvā yudhājitaṁ bhūpaṁ pitaraṁ gatajīvitam

Terrified, distressed, most pitiable, overwhelmed with grief for her father, having seen King Yudhajit and her father departed from life,

Verse 45 (devibhagavatam.3.15.45)

संस्कार्य च त्वरायुक्ता वेपमाना भयाकुला । दिनद्वयेन सम्प्राप्ता राज्ञी भागीरथीतटम्

saṁskārya ca tvarāyuktā vepamānā bhayākulā dinadvayena samprāptā rājñī bhāgīrathītaṭam

— and having, with haste, performed his funeral rites, the queen, trembling, overcome with fear, reached the bank of the Ganga within two days.

Verse 46 (devibhagavatam.3.15.46)

निषादैलुण्ठिता तत्र गृहीतं सकलं वसु । रथञ्चापि गृहीत्वा ते निर्गता दस्यवः शठाः

niṣādailuṇṭhitā tatra gṛhītaṁ sakalaṁ vasu rathañcāpi gṛhītvā te nirgatā dasyavaḥ śaṭhāḥ

There she was plundered by tribal hunters; all her wealth was seized; and those cunning bandits, having taken her chariot too, made off.

Verse 47 (devibhagavatam.3.15.47)

रुदती सुतमादाय चारुवस्त्रा मनोरमा । निर्ययौ जाह्नवीतीरे सैरन्ध्रीकरलम्बिता

rudatī sutamādāya cāruvastrā manoramā niryayau jāhnavītīre sairandhrīkaralambitā

Weeping, carrying her son, Manorama, of lovely garments, went out onto the bank of the Jahnavi, leaning on the hand of her maidservant.

Verse 48 (devibhagavatam.3.15.48)

आरुह्य च भयाच्छीघ्रमुडुपं सा भयाकुला । तीर्त्वा भागीरथीं पुण्यां ययौ त्रिकूटपर्वतम्

āruhya ca bhayācchīghramuḍupaṁ sā bhayākulā tīrtvā bhāgīrathīṁ puṇyāṁ yayau trikūṭaparvatam

Boarding a raft swiftly out of fear, overcome with fear, she crossed the sacred Ganga and went on to Mount Trikuta.

Verse 49 (devibhagavatam.3.15.49)

भारद्वाजाश्रमं प्राप्ता त्वरया च भयाकुला । संवीक्ष्य तापसांस्तत्र सञ्जाता निर्भया तदा

bhāradvājāśramaṁ prāptā tvarayā ca bhayākulā saṁvīkṣya tāpasāṁstatra sañjātā nirbhayā tadā

Reaching the hermitage of Bharadvaja swiftly, overcome with fear, upon beholding the ascetics there, she then became free of fear.

Verse 50 (devibhagavatam.3.15.50)

मुनिना सा ततः पृष्टा काऽसि कस्य परिग्रहः । कष्टेनात्र कथं प्राप्ता सत्यं ब्रूहि शुचिस्मिते

muninā sā tataḥ pṛṣṭā kā'si kasya parigrahaḥ kaṣṭenātra kathaṁ prāptā satyaṁ brūhi śucismite

She was then asked by the sage: "Who are you, and whose wife are you? How have you arrived here in such distress? Tell me the truth, O you of pure smile.

Verse 51 (devibhagavatam.3.15.51)

देवी वा मानुषी वासि बालपुत्रा वने कथम् । राज्यभ्रष्टेव वामोरु भासि त्वं कमलेक्षणे

devī vā mānuṣī vāsi bālaputrā vane katham rājyabhraṣṭeva vāmoru bhāsi tvaṁ kamalekṣaṇe

"Are you a goddess, or a human woman, with your child-son, in the forest? You appear, O lovely-thighed one, O lotus-eyed one, as if fallen from a kingdom."

Verse 52 (devibhagavatam.3.15.52)

एवं सा मुनिना पृष्टा नोवाच वरवर्णिनी । रुदती दुःखसन्तप्ता विदल्लं च समादिशत्

evaṁ sā muninā pṛṣṭā novāca varavarṇinī rudatī duḥkhasantaptā vidallaṁ ca samādiśat

Thus questioned by the sage, that woman of excellent complexion did not speak, weeping, consumed with sorrow; she gestured instead to Vidalla to answer.

Verse 53 (devibhagavatam.3.15.53)

विदल्लस्तमुवाचेदं ध्रुवसन्धिर्नृपोत्तमः । तस्य भार्या धर्मपत्नी नाम्ना चेयं मनोरमा

vidallastamuvācedaṁ dhruvasandhirnṛpottamaḥ tasya bhāryā dharmapatnī nāmnā ceyaṁ manoramā

Vidalla then said to him: "There was an excellent king named Dhruvasandhi; his lawfully-wedded wife is this woman, named Manorama.

Verse 54 (devibhagavatam.3.15.54)

सिंहेन निहतो राजा सूर्यवंशी महाबलः । पुत्रोऽयं नृपतेस्तस्य नाम्ना चैव सुदर्शनः

siṁhena nihato rājā sūryavaṁśī mahābalaḥ putro'yaṁ nṛpatestasya nāmnā caiva sudarśanaḥ

"That mighty king, of the Solar dynasty, was slain by a lion; this is his son, by name Sudarshana.

Verse 55 (devibhagavatam.3.15.55)

अस्याः पितातिधर्मात्मा दौहित्रार्थं मृतो रणे । युधाजिद्भयसन्त्रस्ता सम्प्राप्ता विजने वने

asyāḥ pitātidharmātmā dauhitrārthaṁ mṛto raṇe yudhājidbhayasantrastā samprāptā vijane vane

"Her father, a most righteous soul, died in battle for the sake of his grandson; terrified by fear of Yudhajit, she has come here into this solitary forest.

Verse 56 (devibhagavatam.3.15.56)

त्वामेव शरणं प्राप्ता बालपुत्रा नृपात्मजा । त्राता भव महाभाग त्वमस्या मुनिसत्तम

tvāmeva śaraṇaṁ prāptā bālaputrā nṛpātmajā trātā bhava mahābhāga tvamasyā munisattama

"She, this king's daughter with a child-son, has come to you alone for refuge. Be her protector, O greatly fortunate one, O best of sages."

Verse 57 (devibhagavatam.3.15.57)

आर्तस्य रक्षणे पुण्यं यज्ञाधिकमुदाहृतम् । भयतस्तस्य दीनस्य विशेषफलदं स्मृतम्

ārtasya rakṣaṇe puṇyaṁ yajñādhikamudāhṛtam bhayatastasya dīnasya viśeṣaphaladaṁ smṛtam

"The merit of protecting one in distress is declared to be greater even than sacrifice; protecting a wretched one from fear is remembered as yielding especially great fruit."

Verse 58 (devibhagavatam.3.15.58)

ऋषिरुवाच । निर्भया वस कल्याणि पुत्रं पालय सुव्रते । न ते भयं विशालाक्षि कर्तव्यं शत्रुसम्भवम्

ṛṣiruvāca nirbhayā vasa kalyāṇi putraṁ pālaya suvrate na te bhayaṁ viśālākṣi kartavyaṁ śatrusambhavam

The sage said: "Dwell here without fear, O auspicious one; protect your son, O woman of excellent vows. You need have no fear, O wide-eyed one, arising from any enemy.

Verse 59 (devibhagavatam.3.15.59)

पालयस्व सुतं कान्तं राजा तेऽयं भविष्यति । नात्र दुःखं तथा शोकः कदाचित्सम्भविष्यति

pālayasva sutaṁ kāntaṁ rājā te'yaṁ bhaviṣyati nātra duḥkhaṁ tathā śokaḥ kadācitsambhaviṣyati

"Protect your beloved son; he shall become a king. Here, neither sorrow nor grief shall ever befall you."

Verse 60 (devibhagavatam.3.15.60)

व्यास उवाच । इत्युक्ता मुनिना राज्ञी स्वस्था सा सम्बभूव ह । उटजे मुनिना दत्ते वीतशोका तदावसत्

vyāsa uvāca ityuktā muninā rājñī svasthā sā sambabhūva ha uṭaje muninā datte vītaśokā tadāvasat

Vyasa said: Thus addressed by the sage, the queen became composed; in the hut given by the sage, freed from sorrow, she then dwelt.

Verse 61 (devibhagavatam.3.15.61)

सैरन्ध्रीसहिता तत्र विदल्लेन च संयुता । सुदर्शनं पालयाना न्यवसत्सा मनोरमा

sairandhrīsahitā tatra vidallena ca saṁyutā sudarśanaṁ pālayānā nyavasatsā manoramā

There, together with her maidservant and joined by Vidalla, protecting Sudarshana, Manorama dwelt.