Shashikala Sends a Message to Her Mother

Verse 1 (devibhagavatam.3.18.1)

व्यास उवाच । श्रुत्वा तद्वचनं श्यामा प्रेमयुक्ता बभूव ह । प्रतस्थे ब्राह्मणस्तस्मात्स्थानादुक्त्वा समाहितः

vyāsa uvāca śrutvā tadvacanaṁ śyāmā premayuktā babhūva ha pratasthe brāhmaṇastasmātsthānāduktvā samāhitaḥ

Vyasa said: Hearing those words, the dark-eyed maiden became filled with love; and the Brahmin, having spoken with composure, then set out from that place.

Verse 2 (devibhagavatam.3.18.2)

सा तु पूर्वानुरागाद्वै मग्ना प्रेम्णाऽतिचञ्चला । कामबाणहतेवास गते तस्मिन्द्विजोत्तमे

sā tu pūrvānurāgādvai magnā premṇā'ticañcalā kāmabāṇahatevāsa gate tasmindvijottame

But she, already immersed in her earlier affection, became exceedingly restless with love; when that best of Brahmins had departed, she remained as though struck by Kama's arrow.

Verse 3 (devibhagavatam.3.18.3)

अथ कामार्दिता प्राह सखीं छन्दोऽनुवर्तिनीम् । विकारश्च समुत्पन्नो देहे यच्छ्रवणादनु

atha kāmārditā prāha sakhīṁ chando'nuvartinīm vikāraśca samutpanno dehe yacchravaṇādanu

Then, tormented by desire, she said to her friend, who always complied with her wishes, that a change had come upon her body ever since she had heard of him:

Verse 4 (devibhagavatam.3.18.4)

अज्ञातरसविज्ञानं कुमारं कुलसम्भवम् । दुनोति मदनः पापः किं करोमि क्व यामि च

ajñātarasavijñānaṁ kumāraṁ kulasambhavam dunoti madanaḥ pāpaḥ kiṁ karomi kva yāmi ca

"For a prince, born of noble lineage, whose deep feeling is unknown to me, this wicked god of love torments me. What shall I do, where shall I go?

Verse 5 (devibhagavatam.3.18.5)

स्वप्नेषु वा मया दृष्टः पञ्चबाण इवापरः । तपते मे मनोऽत्यर्थं विरहाकुलितं मृदु

svapneṣu vā mayā dṛṣṭaḥ pañcabāṇa ivāparaḥ tapate me mano'tyarthaṁ virahākulitaṁ mṛdu

In dreams I have seen him, like another god of the five arrows; my tender heart, distressed by separation, burns exceedingly.

Verse 6 (devibhagavatam.3.18.6)

चन्दनं देहलग्नं मे विषवद्भाति भामिनि । स्रगियं सर्पवच्चैव चन्द्रपादाश्च वह्निवत्

candanaṁ dehalagnaṁ me viṣavadbhāti bhāmini sragiyaṁ sarpavaccaiva candrapādāśca vahnivat

The sandal-paste on my body seems to me like poison, O lady; this garland feels like a serpent, and the moon's rays like fire.

Verse 7 (devibhagavatam.3.18.7)

न च हर्म्ये वने शं मे दीर्घिकायां न पर्वते । न दिवा न निशायां वा न सुखं सुखसाधनैः

na ca harmye vane śaṁ me dīrghikāyāṁ na parvate na divā na niśāyāṁ vā na sukhaṁ sukhasādhanaiḥ

I find no peace in the palace, nor in the forest, nor by the lake, nor on the hill; not by day, not by night; no happiness comes even from the means of happiness.

Verse 8 (devibhagavatam.3.18.8)

न शय्या न च ताम्बूलं न गीतं न च वादनम् । प्रीणयन्ति मनो मेऽद्य न तृप्ते मम लोचने

na śayyā na ca tāmbūlaṁ na gītaṁ na ca vādanam prīṇayanti mano me'dya na tṛpte mama locane

Neither the bed, nor betel, nor song, nor music delights my mind today; my eyes find no satisfaction.

Verse 9 (devibhagavatam.3.18.9)

प्रयाम्यद्य वने तत्र यत्रासौ वर्तते शठः । भीतास्मि कुललज्जायाः परतन्त्रा पितुस्तथा

prayāmyadya vane tatra yatrāsau vartate śaṭhaḥ bhītāsmi kulalajjāyāḥ paratantrā pitustathā

I would go today to that forest where that rogue dwells; but I fear the shame of my family, and I am dependent on my father.

Verse 10 (devibhagavatam.3.18.10)

स्वयंवरं पिता मेऽद्य न करोति करोमि किम् । दास्यामि राजपुत्राय कामं सुदर्शनाय वै

svayaṁvaraṁ pitā me'dya na karoti karomi kim dāsyāmi rājaputrāya kāmaṁ sudarśanāya vai

My father does not now hold a svayamvara for me — what shall I do? I would gladly give myself to the prince Sudarshana.

Verse 11 (devibhagavatam.3.18.11)

सन्त्यन्ये पृथिवीपालाः शतशः सम्भृतर्द्धयः । रमणीया न मे तेऽद्य राज्यहीनोऽप्यसौ मतः

santyanye pṛthivīpālāḥ śataśaḥ sambhṛtarddhayaḥ ramaṇīyā na me te'dya rājyahīno'pyasau mataḥ

There are hundreds of other kings, possessed of great wealth; but none of them is pleasing to me today — he alone, though without a kingdom, is my choice."

Verse 12 (devibhagavatam.3.18.12)

व्यास उवाच । एकाकी निर्धनश्चैव बलहीनः सुदर्शनः । वनवासी फलाहारस्तस्याश्चित्ते सुसंस्थिता

vyāsa uvāca ekākī nirdhanaścaiva balahīnaḥ sudarśanaḥ vanavāsī phalāhārastasyāścitte susaṁsthitā

Vyasa said: Sudarshana — alone, penniless, without power, dwelling in the forest, living on fruits — was firmly established in her heart, all the same.

Verse 13 (devibhagavatam.3.18.13)

वाग्बीजस्य जपात्सिद्धिस्तस्या एषाप्युपस्थिता । सोपि ध्यानपरोऽत्यन्तं जजाप मन्त्रमुत्तमम्

vāgbījasya japātsiddhistasyā eṣāpyupasthitā sopi dhyānaparo'tyantaṁ jajāpa mantramuttamam

This attainment too had come to her through the power of the japa of that seed-syllable; and he too, deeply absorbed in meditation, continually repeated that most excellent mantra.

Verse 14 (devibhagavatam.3.18.14)

स्वप्ने पश्यत्यसौ देवीं विष्णुमायामखण्डिताम् । विश्वमातरमव्यक्तां सर्वसम्पत्कराम्बिकाम्

svapne paśyatyasau devīṁ viṣṇumāyāmakhaṇḍitām viśvamātaramavyaktāṁ sarvasampatkarāmbikām

In his dreams he beheld the Goddess — the undivided Vishnu-maya, the unmanifest Mother of the Universe, Ambika, giver of all prosperity.

Verse 15 (devibhagavatam.3.18.15)

शृङ्गवेरपुराध्यक्षो निषादः समुपेत्य तम् । ददौ रथवरं तस्मै सर्वोपस्करसंयुतम्

śṛṅgaverapurādhyakṣo niṣādaḥ samupetya tam dadau rathavaraṁ tasmai sarvopaskarasaṁyutam

The Nishada chief, lord of Shringaverapura, coming to him, gave him an excellent chariot equipped with every accessory.

Verse 16 (devibhagavatam.3.18.16)

चतुर्भिस्तुरगैर्युक्तं पताकावरमण्डितम् । जैत्रं राजसुतं ज्ञात्वा ददौ चोपायनं तदा

caturbhisturagairyuktaṁ patākāvaramaṇḍitam jaitraṁ rājasutaṁ jñātvā dadau copāyanaṁ tadā

Yoked with four horses, adorned with a splendid banner, victorious — knowing him to be a king's son, he then also gave him gifts.

Verse 17 (devibhagavatam.3.18.17)

सोऽपि जग्राह तं प्रीत्या मित्रत्वेन सुसंस्थितम् । वन्यैर्मूलफलैः सम्यगर्चयामास शम्बरम्

so'pi jagrāha taṁ prītyā mitratvena susaṁsthitam vanyairmūlaphalaiḥ samyagarcayāmāsa śambaram

He too accepted it with affection, and the two were established firmly in friendship; and he duly honored Shambara with forest roots and fruits.

Verse 18 (devibhagavatam.3.18.18)

कृतातिथ्ये गते तस्मिन्निषादाधिपतौ तदा । मुनयः प्रीतियुक्तास्ते तमूचुस्तापसा मिथः

kṛtātithye gate tasminniṣādādhipatau tadā munayaḥ prītiyuktāste tamūcustāpasā mithaḥ

When the hospitality had been rendered and that Nishada chief had departed, those ascetic sages, filled with affection, spoke to him among themselves.

Verse 19 (devibhagavatam.3.18.19)

राजपुत्र ध्रुवं राज्यं प्राप्स्यसि त्वं च सर्वथा । स्वल्पैरहोभिरव्यग्रः प्रतापान्नात्र संशयः

rājaputra dhruvaṁ rājyaṁ prāpsyasi tvaṁ ca sarvathā svalpairahobhiravyagraḥ pratāpānnātra saṁśayaḥ

"O prince, you shall certainly, in every way, obtain the kingdom; within a few days, undisturbed, by your own valor — there is no doubt of this.

Verse 20 (devibhagavatam.3.18.20)

प्रसन्ना तेऽम्बिका देवी वरदा विश्वमोहिनी । सहायस्तु सुसम्पन्नो न चिन्तां कुरु सुव्रत

prasannā te'mbikā devī varadā viśvamohinī sahāyastu susampanno na cintāṁ kuru suvrata

The Goddess Ambika, the boon-giver who enchants the universe, is pleased with you; and you have a most capable ally. Have no worry, O one of good vows."

Verse 21 (devibhagavatam.3.18.21)

मनोरमां तथोचुस्ते मुनयः संशितव्रताः । पुत्रस्तेऽद्य धराधीशो भविष्यति शुचिस्मिते

manoramāṁ tathocuste munayaḥ saṁśitavratāḥ putraste'dya dharādhīśo bhaviṣyati śucismite

Those sages, of rigorous vows, likewise said to Manorama: "Your son, O smiling one of pure heart, will now become lord of the earth."

Verse 22 (devibhagavatam.3.18.22)

सा तानुवाच तन्वङ्गी वचनं वोऽस्तु सत्फलम् । दासोऽयं भवतां विप्राः किं चित्रं सदुपासनात्

sā tānuvāca tanvaṅgī vacanaṁ vo'stu satphalam dāso'yaṁ bhavatāṁ viprāḥ kiṁ citraṁ sadupāsanāt

That slender-bodied woman replied to them: "May your words bear true fruit! This boy is your servant, O Brahmins — what wonder is there, from such worthy care?

Verse 23 (devibhagavatam.3.18.23)

न सैन्यं सचिवाः कोशो न सहायश्च कश्चन । केन योगेन पुत्रो मे राज्यं प्राप्तुमिहार्हति

na sainyaṁ sacivāḥ kośo na sahāyaśca kaścana kena yogena putro me rājyaṁ prāptumihārhati

He has no army, no ministers, no ally whatsoever — by what means could my son here be worthy of obtaining a kingdom?

Verse 24 (devibhagavatam.3.18.24)

आशीर्वादैश्च वो नूनं पुत्रोऽयं मे महीपतिः । भविष्यति न सन्देहो भवन्तो मन्त्रवित्तमाः

āśīrvādaiśca vo nūnaṁ putro'yaṁ me mahīpatiḥ bhaviṣyati na sandeho bhavanto mantravittamāḥ

Yet by your blessings, surely, this son of mine will become a king — there is no doubt of it, for you are most learned in mantra."

Verse 25 (devibhagavatam.3.18.25)

व्यास उवाच । रथारूढः स मेधावी यत्र याति सुदर्शनः । अक्षौहिणीसमावृत्त इवाभाति स तेजसा

vyāsa uvāca rathārūḍhaḥ sa medhāvī yatra yāti sudarśanaḥ akṣauhiṇīsamāvṛtta ivābhāti sa tejasā

Vyasa said: That wise Sudarshana, mounted on his chariot, wherever he went, shone with such splendor as if surrounded by a whole army.

Verse 26 (devibhagavatam.3.18.26)

प्रतापो मन्त्रबीजस्य नान्यः कश्चन भूपते । एवं वै जपतस्तस्य प्रीतियुक्तस्य सर्वथा

pratāpo mantrabījasya nānyaḥ kaścana bhūpate evaṁ vai japatastasya prītiyuktasya sarvathā

This was entirely the power of the mantra-seed, nothing else, O king; such indeed was the effect of his repeating it, ever filled with devotion.

Verse 27 (devibhagavatam.3.18.27)

सम्प्राप्य सद्गुरोर्बीजं कामराजाख्यमद्भुतम् । जपेद्यस्तु शुचिः शान्तः सर्वान्कामानवाप्नुयात्

samprāpya sadgurorbījaṁ kāmarājākhyamadbhutam japedyastu śuciḥ śāntaḥ sarvānkāmānavāpnuyāt

Whoever, having obtained from a true guru that wondrous seed-mantra called Kamaraja, repeats it, pure and tranquil, attains all his desires.

Verse 28 (devibhagavatam.3.18.28)

न तदस्ति पृथिव्यां वा दिवि वापि सुदुर्लभम् । प्रसन्नायाः शिवायाश्च यदप्राप्यं नृपोत्तम

na tadasti pṛthivyāṁ vā divi vāpi sudurlabham prasannāyāḥ śivāyāśca yadaprāpyaṁ nṛpottama

There is nothing on this earth, or even in heaven, so difficult to obtain, O best of kings, that cannot be attained when the auspicious Goddess is pleased.

Verse 29 (devibhagavatam.3.18.29)

ते मन्दास्तेऽतिदुर्भाग्या रोगैस्ते समभिद्रुताः । येषां चित्ते न विश्वासो भवेदम्बार्चनादिषु

te mandāste'tidurbhāgyā rogaiste samabhidrutāḥ yeṣāṁ citte na viśvāso bhavedambārcanādiṣu

Those in whose hearts there is no faith in the worship of the Mother and the like are dull-witted, most unfortunate, and beset with afflictions.

Verse 30 (devibhagavatam.3.18.30)

या माता सर्वदेवानां युगादौ परिकीर्तिता । आदिमातेति विख्याता नाम्ना तेन कुरूद्वह

yā mātā sarvadevānāṁ yugādau parikīrtitā ādimāteti vikhyātā nāmnā tena kurūdvaha

She who is proclaimed as the Mother of all the gods from the beginning of the age, renowned by the name "Primordial Mother," O foremost of the Kurus —

Verse 31 (devibhagavatam.3.18.31)

बुद्धिः कीर्तिर्धृतिर्लक्ष्मीः शक्तिः श्रद्धा मतिः स्मृतिः । सर्वेषां प्राणिनां सा वै प्रत्यक्षं वै विभासते

buddhiḥ kīrtirdhṛtirlakṣmīḥ śaktiḥ śraddhā matiḥ smṛtiḥ sarveṣāṁ prāṇināṁ sā vai pratyakṣaṁ vai vibhāsate

she indeed shines manifest in all beings as intellect, fame, fortitude, fortune, power, faith, understanding, and memory.

Verse 32 (devibhagavatam.3.18.32)

न जानन्ति नरा ये वै मोहिता मायया किल । न भजन्ति कुतर्कज्ञा देवीं विश्वेश्वरीं शिवाम्

na jānanti narā ye vai mohitā māyayā kila na bhajanti kutarkajñā devīṁ viśveśvarīṁ śivām

Those men who, deluded by her own Maya, do not know her — skilled only in false reasoning — do not worship the Goddess, the auspicious ruler of the universe.

Verse 33 (devibhagavatam.3.18.33)

ब्रह्मा विष्णुस्तथा शम्भुर्वासवो वरुणो यमः । वायुरग्निः कुबेरश्च त्वष्टा पूषाश्विनौ भगः

brahmā viṣṇustathā śambhurvāsavo varuṇo yamaḥ vāyuragniḥ kuberaśca tvaṣṭā pūṣāśvinau bhagaḥ

Brahma, Vishnu, and Shambhu, Vasava, Varuna, Yama, Vayu, Agni, Kubera, Tvashta, Pushan, the two Ashvins, and Bhaga —

Verse 34 (devibhagavatam.3.18.34)

आदित्या वसवो रुद्रा विश्वेदेवा मरुद्गणाः । सर्वे ध्यायन्ति तां देवीं सृष्टिस्थित्यन्तकारिणीम्

ādityā vasavo rudrā viśvedevā marudgaṇāḥ sarve dhyāyanti tāṁ devīṁ sṛṣṭisthityantakāriṇīm

the Adityas, the Vasus, the Rudras, the Vishvedevas, the hosts of Maruts — all meditate upon that Goddess, who brings about creation, preservation and dissolution.

Verse 35 (devibhagavatam.3.18.35)

को न सेवेत विद्वान्वै तां शक्तिं परमात्मिकाम् । सुदर्शनेन सा ज्ञाता देवी सर्वार्थदा शिवा

ko na seveta vidvānvai tāṁ śaktiṁ paramātmikām sudarśanena sā jñātā devī sarvārthadā śivā

What wise man would not serve that power, the very embodiment of the Supreme Self? By Sudarshana, that auspicious Goddess, giver of all things, was known.

Verse 36 (devibhagavatam.3.18.36)

ब्रह्मैव साऽतिदुष्प्राप्या विद्याविद्यास्वरूपिणी । योगगम्या परा शक्तिर्मुमुक्षूणां च वल्लभा

brahmaiva sā'tiduṣprāpyā vidyāvidyāsvarūpiṇī yogagamyā parā śaktirmumukṣūṇāṁ ca vallabhā

She is Brahman itself, most difficult to attain, whose very form is both knowledge and ignorance — the supreme power accessible through yoga, beloved of those who seek liberation.

Verse 37 (devibhagavatam.3.18.37)

परमात्मस्वरूपं को वेत्तुमर्हति तां विना । या सृष्टिं त्रिविधां कृत्वा दर्शयत्यखिलात्मने

paramātmasvarūpaṁ ko vettumarhati tāṁ vinā yā sṛṣṭiṁ trividhāṁ kṛtvā darśayatyakhilātmane

Who can be capable of knowing the form of the Supreme Self without her, who, having created the threefold creation, reveals it to the Universal Self?

Verse 38 (devibhagavatam.3.18.38)

सुदर्शनस्तु तां देवीं मनसा परिचिन्तयन् । राज्यलाभात्परं प्राप्य सुखं वै कानने स्थितः

sudarśanastu tāṁ devīṁ manasā paricintayan rājyalābhātparaṁ prāpya sukhaṁ vai kānane sthitaḥ

But Sudarshana, continually meditating on that Goddess in his mind, dwelling in the forest, attained a happiness even greater than the winning of a kingdom.

Verse 39 (devibhagavatam.3.18.39)

सापि चन्द्रकलात्यर्थं कामबाणप्रपीडिता । नानोपचारैरनिशं दधार दुःखितं वपुः

sāpi candrakalātyarthaṁ kāmabāṇaprapīḍitā nānopacārairaniśaṁ dadhāra duḥkhitaṁ vapuḥ

She too, Chandrakala, exceedingly afflicted by Kama's arrow, bore her sorrowful body through many remedies, unceasingly.

Verse 40 (devibhagavatam.3.18.40)

तावत्तस्याः पिता ज्ञात्वा कन्यां पुत्रवरार्थिनीम् । सुबाहुः कारयामास स्वयंवरमतन्द्रितः

tāvattasyāḥ pitā jñātvā kanyāṁ putravarārthinīm subāhuḥ kārayāmāsa svayaṁvaramatandritaḥ

Meanwhile her father, Subahu, learning that his daughter desired an excellent husband, without delay arranged for a svayamvara.

Verse 41 (devibhagavatam.3.18.41)

स्वयंवरस्तु त्रिविधो विद्वद्भिः परिकीर्तितः । राज्ञां विवाहयोग्यौ वै नान्येषां कथितः किल

svayaṁvarastu trividho vidvadbhiḥ parikīrtitaḥ rājñāṁ vivāhayogyau vai nānyeṣāṁ kathitaḥ kila

The svayamvara is declared by the learned to be of three kinds; and it is said to be fit for the marriage of kings alone, not for others.

Verse 42 (devibhagavatam.3.18.42)

इच्छास्वयंवरश्चैको द्वितीयश्च पणाभिधः । यथा रामेण भग्नं वै त्र्यम्बकस्य शरासनम्

icchāsvayaṁvaraścaiko dvitīyaśca paṇābhidhaḥ yathā rāmeṇa bhagnaṁ vai tryambakasya śarāsanam

One is the svayamvara of choice; the second is called the wager-svayamvara, as when Rama broke the bow of Tryambaka.

Verse 43 (devibhagavatam.3.18.43)

तृतीयः शौर्यशुल्कश्च शूराणां परिकीर्तितः । इच्छास्वयंवरं तत्र चकार नृपसत्तमः

tṛtīyaḥ śauryaśulkaśca śūrāṇāṁ parikīrtitaḥ icchāsvayaṁvaraṁ tatra cakāra nṛpasattamaḥ

The third, declared for heroes, is the valor-price svayamvara. There, that best of kings arranged the svayamvara of choice.

Verse 44 (devibhagavatam.3.18.44)

शिल्पिभिः कारिता मञ्चाः शुभैरास्तरणैर्युताः । ततश्च विविधाकाराः सुक्लृप्ताः सभ्यमण्डपाः

śilpibhiḥ kāritā mañcāḥ śubhairāstaraṇairyutāḥ tataśca vividhākārāḥ suklṛptāḥ sabhyamaṇḍapāḥ

Pavilions were built by craftsmen, furnished with fine coverings; and thereafter assembly-halls of various forms were skillfully constructed.

Verse 45 (devibhagavatam.3.18.45)

एवं कृतेऽतिसम्भारे विवाहार्थं सुविस्तरे । सखीं शशिकला प्राह दुःखिता चारुलोचना

evaṁ kṛte'tisambhāre vivāhārthaṁ suvistare sakhīṁ śaśikalā prāha duḥkhitā cārulocanā

When this elaborate preparation for the marriage had thus been made in great detail, sorrowful, lovely-eyed Shashikala spoke to her friend:

Verse 46 (devibhagavatam.3.18.46)

इदं मे मातरं ब्रूहि त्वमेकान्ते वचो मम । मया वृतः पतिश्चित्ते ध्रुवसन्धिसुतः शुभः

idaṁ me mātaraṁ brūhi tvamekānte vaco mama mayā vṛtaḥ patiścitte dhruvasandhisutaḥ śubhaḥ

"Tell my mother this word of mine, in private: I have already chosen in my heart, as husband, the auspicious son of Dhruvasandhi.

Verse 47 (devibhagavatam.3.18.47)

नान्यं वरं वरिष्यामि तमृते वै सुदर्शनम् । स मे भर्ता नृपसुतो भगवत्या प्रतिष्ठितः

nānyaṁ varaṁ variṣyāmi tamṛte vai sudarśanam sa me bhartā nṛpasuto bhagavatyā pratiṣṭhitaḥ

I shall choose no other husband except Sudarshana; he, the king's son, has been established as my husband by the Goddess herself."

Verse 48 (devibhagavatam.3.18.48)

व्यास उवाच । इत्युक्ता सा सखी गत्वा मातरं प्राह सत्वरा । वैदर्भीं विजने वाक्यं मधुरं मञ्जुभाषिणी

vyāsa uvāca ityuktā sā sakhī gatvā mātaraṁ prāha satvarā vaidarbhīṁ vijane vākyaṁ madhuraṁ mañjubhāṣiṇī

Vyasa said: Thus told, that friend, sweetly-spoken, went quickly to the mother Vaidarbhi and, in private, spoke these tender words:

Verse 49 (devibhagavatam.3.18.49)

पुत्री ते दुःखिता प्राह साध्वी त्वां मन्मुखेन यत् । शृणु त्वं कुरु कल्याणि तद्धितं त्वरिताऽधुना

putrī te duḥkhitā prāha sādhvī tvāṁ manmukhena yat śṛṇu tvaṁ kuru kalyāṇi taddhitaṁ tvaritā'dhunā

"Your virtuous daughter, being sorrowful, has sent word to you through my mouth; hear it, O gracious one, and act now, swiftly, for her good.

Verse 50 (devibhagavatam.3.18.50)

भारद्वाजाश्रमे पुण्ये ध्रुवसन्धिसुतोऽस्ति यः । स मे भर्ता वृतश्चित्ते नान्यं भूपं वृणोम्यहम्

bhāradvājāśrame puṇye dhruvasandhisuto'sti yaḥ sa me bhartā vṛtaścitte nānyaṁ bhūpaṁ vṛṇomyaham

In Bharadvaja's sacred hermitage there is the son of Dhruvasandhi — I have already chosen him in my heart as my husband; I shall choose no other king."

Verse 51 (devibhagavatam.3.18.51)

व्यास उवाच । राज्ञी तद्वचनं श्रुत्वा स्वपतौ गृहमागते । निवेदयामास तदा पुत्रीवाक्यं यथातथम्

vyāsa uvāca rājñī tadvacanaṁ śrutvā svapatau gṛhamāgate nivedayāmāsa tadā putrīvākyaṁ yathātatham

Vyasa said: The queen, hearing those words, when her husband had returned home, then reported to him her daughter's message exactly as it was.

Verse 52 (devibhagavatam.3.18.52)

तच्छ्रुत्वा वचनं राजा विस्मितः प्रहसन्मुहुः । भार्यामुवाच वैदर्भीं सुबाहुस्तु ऋतं वचः

tacchrutvā vacanaṁ rājā vismitaḥ prahasanmuhuḥ bhāryāmuvāca vaidarbhīṁ subāhustu ṛtaṁ vacaḥ

Hearing that word, the king, astonished, laughing repeatedly, spoke to his wife Vaidarbhi — Subahu spoke these true words:

Verse 53 (devibhagavatam.3.18.53)

सुभ्रु जानासि बालोऽसौ राज्यान्निष्कासितो वने । एकाकी सह मात्रा वै वसते निर्जने वने

subhru jānāsi bālo'sau rājyānniṣkāsito vane ekākī saha mātrā vai vasate nirjane vane

"O fair-browed one, you know that boy has been driven from his kingdom, and dwells alone in the forest, with only his mother, in a lonely wood.

Verse 54 (devibhagavatam.3.18.54)

तत्कृते निहतो राजा वीरसेनो युधाजिता । स कथं निर्धनो भर्ता योग्यः स्याच्चारुलोचने

tatkṛte nihato rājā vīraseno yudhājitā sa kathaṁ nirdhano bhartā yogyaḥ syāccārulocane

For his sake King Virasena was slain by Yudhajit — how then could this penniless one be a worthy husband, O lovely-eyed one?

Verse 55 (devibhagavatam.3.18.55)

ब्रूहि पुत्रीं ततो वाक्यं कदाचिदपि विप्रियम् । आगमिष्यन्ति राजानः स्थितिमन्तः स्वयंवरे

brūhi putrīṁ tato vākyaṁ kadācidapi vipriyam āgamiṣyanti rājānaḥ sthitimantaḥ svayaṁvare

Tell your daughter this word, though it may at times be unwelcome: kings of established standing will come to the svayamvara."