The King's Reply

Verse 1 (devibhagavatam.3.19.1)

व्यास उवाच । भर्त्रा साऽभिहिता बालां पुत्रीं कृत्वाङ्कसंस्थिताम् । उवाच वचनं श्लक्ष्णं समाश्वास्य शुचिस्मिताम्

vyāsa uvāca bhartrā sā'bhihitā bālāṁ putrīṁ kṛtvāṅkasaṁsthitām uvāca vacanaṁ ślakṣṇaṁ samāśvāsya śucismitām

Vyasa said: Addressed thus by her husband, she, taking her young daughter and setting her upon her lap, spoke gentle words, consoling that pure-smiling girl.

Verse 2 (devibhagavatam.3.19.2)

किं वृथा सुदति त्वं हि विप्रियं मम भाषसे । पिता ते दुःखमाप्नोति वाक्येनानेन सुव्रते

kiṁ vṛthā sudati tvaṁ hi vipriyaṁ mama bhāṣase pitā te duḥkhamāpnoti vākyenānena suvrate

"Why, O fair-toothed one, do you speak in vain such unwelcome words to me? Your father suffers grief because of this speech, O virtuous one.

Verse 3 (devibhagavatam.3.19.3)

सुदर्शनोऽतिदुर्भाग्यो राज्यभ्रष्टो निराश्रयः । बलकोशविहीनश्च परित्यक्तस्तु बान्धवैः

sudarśano'tidurbhāgyo rājyabhraṣṭo nirāśrayaḥ balakośavihīnaśca parityaktastu bāndhavaiḥ

Sudarshana is most unfortunate — fallen from his kingdom, without refuge, devoid of army and treasury, and abandoned by his kinsmen.

Verse 4 (devibhagavatam.3.19.4)

मात्रा सह वनं प्राप्तः फलमूलाशनः कृशः । न ते योग्यो वरोऽयं वै वनवासी च दुर्भगः

mātrā saha vanaṁ prāptaḥ phalamūlāśanaḥ kṛśaḥ na te yogyo varo'yaṁ vai vanavāsī ca durbhagaḥ

He has come to the forest with his mother, living on roots and fruits, emaciated — this forest-dwelling, unfortunate one is not a fitting husband for you.

Verse 5 (devibhagavatam.3.19.5)

राजपुत्राः कृतप्रज्ञा रूपवन्तः सुसम्मताः । तवार्हाः पुत्रि सन्त्यन्ये राजचिह्नैरलङ्कृताः

rājaputrāḥ kṛtaprajñā rūpavantaḥ susammatāḥ tavārhāḥ putri santyanye rājacihnairalaṅkṛtāḥ

O daughter, there are other princes, learned, handsome, highly esteemed, worthy of you, adorned with royal insignia.

Verse 6 (devibhagavatam.3.19.6)

भ्राताऽस्य वर्तते कान्तः स राज्यं कोसलेषु वै । करोति रूपसम्पन्नः सर्वलक्षणसंयुतः

bhrātā'sya vartate kāntaḥ sa rājyaṁ kosaleṣu vai karoti rūpasampannaḥ sarvalakṣaṇasaṁyutaḥ

His own brother, handsome, endowed with beauty and every auspicious mark, now rules as king in Kosala.

Verse 7 (devibhagavatam.3.19.7)

अन्यच्च कारणं सुभ्रु शृणु यच्च यथा श्रुतम् । युधाजित्सततं तस्य वधकामोऽस्ति भूमिपः

anyacca kāraṇaṁ subhru śṛṇu yacca yathā śrutam yudhājitsatataṁ tasya vadhakāmo'sti bhūmipaḥ

And hear another reason too, O fair-browed one, as I have heard it: King Yudhajit constantly desires this one's death.

Verse 8 (devibhagavatam.3.19.8)

दौहित्रः स्थापितस्तेन राज्ये कृत्वाऽतिसङ्गरम् । वीरसेनं नृपं हत्वा सम्मन्त्र्य सचिवैः सह

dauhitraḥ sthāpitastena rājye kṛtvā'tisaṅgaram vīrasenaṁ nṛpaṁ hatvā sammantrya sacivaiḥ saha

By him his own grandson was installed on the throne, after a great battle, having slain King Virasena, in counsel together with his ministers.

Verse 9 (devibhagavatam.3.19.9)

भारद्वाजाश्रमं प्राप्तं हन्तुकामः सुदर्शनम् । मुनिना वारितः पश्चाज्जगाम निजमन्दिरम्

bhāradvājāśramaṁ prāptaṁ hantukāmaḥ sudarśanam muninā vāritaḥ paścājjagāma nijamandiram

Coming to Bharadvaja's hermitage, desiring to kill Sudarshana, he was stopped by the sage, and afterward went back to his own palace."

Verse 10 (devibhagavatam.3.19.10)

शशिकलोवाच । मातर्ममेप्सितः कामं वनस्थोऽपि नृपात्मजः । शर्यातिवचनेनैव सुकन्या च पतिव्रता

śaśikalovāca mātarmamepsitaḥ kāmaṁ vanastho'pi nṛpātmajaḥ śaryātivacanenaiva sukanyā ca pativratā

Shashikala said: "Mother, this prince, even though forest-dwelling, is my desired one. Just as Sukanya, devoted to her husband, at Sharyati's own word —

Verse 11 (devibhagavatam.3.19.11)

च्यवनञ्च यथा प्राप्य पतिशुश्रूषणे रता । भर्तृशुश्रूषणं स्त्रीणां स्वर्गदं मोक्षदं तथा

cyavanañca yathā prāpya patiśuśrūṣaṇe ratā bhartṛśuśrūṣaṇaṁ strīṇāṁ svargadaṁ mokṣadaṁ tathā

obtained Chyavana and remained devoted to serving her husband — for women, service to the husband gives heaven, and likewise gives liberation.

Verse 12 (devibhagavatam.3.19.12)

अकैतवकृतं नूनं सुखदं भवति स्त्रियाः । भगवत्या समादिष्टं स्वप्ने वरमनुत्तमम्

akaitavakṛtaṁ nūnaṁ sukhadaṁ bhavati striyāḥ bhagavatyā samādiṣṭaṁ svapne varamanuttamam

Surely, done without deceit, it becomes a source of happiness for a woman. This most excellent husband was appointed for me by the Goddess herself in a dream.

Verse 13 (devibhagavatam.3.19.13)

तमृतेऽहं कथं चान्यं संश्रयामि नृपात्मजम् । मच्चित्तभित्तौ लिखितो भगवत्या सुदर्शनः

tamṛte'haṁ kathaṁ cānyaṁ saṁśrayāmi nṛpātmajam maccittabhittau likhito bhagavatyā sudarśanaḥ

How, then, could I turn to any other prince except him? Sudarshana has been inscribed by the Goddess upon the wall of my heart.

Verse 14 (devibhagavatam.3.19.14)

तं विहाय प्रियं कान्तं करिष्येऽहं न चापरम् । व्यास उवाच । प्रत्यादिष्टाऽथ वैदर्भी तया बहुनिदर्शनैः

taṁ vihāya priyaṁ kāntaṁ kariṣye'haṁ na cāparam vyāsa uvāca pratyādiṣṭā'tha vaidarbhī tayā bahunidarśanaiḥ

Abandoning that beloved dear one, I shall not choose another." Vyasa said: Vaidarbhi, thus answered by her with many such proofs —

Verse 15 (devibhagavatam.3.19.15)

भर्तारं सर्वमाचष्ट पुत्र्योक्तं वचनं भृशम् । विवाहस्य दिनादर्वागाप्तं श्रुतसमन्वितम्

bhartāraṁ sarvamācaṣṭa putryoktaṁ vacanaṁ bhṛśam vivāhasya dinādarvāgāptaṁ śrutasamanvitam

told her husband everything, all that her daughter had firmly said, before the day of the wedding, together with all she had heard.

Verse 16 (devibhagavatam.3.19.16)

द्विजं शशिकला तत्र प्रेषयामास सत्वरम् । यथा न वेद मे तातस्तथा गच्छ सुदर्शनम्

dvijaṁ śaśikalā tatra preṣayāmāsa satvaram yathā na veda me tātastathā gaccha sudarśanam

Then Shashikala quickly sent a Brahmin, saying: "Go to Sudarshana in such a way that my father does not know.

Verse 17 (devibhagavatam.3.19.17)

भारद्वाजाश्रमे ब्रूहि मद्वाक्यात्तरसा विभो । पित्रा मे सम्भृतः कामं मदर्थेन स्वयंवरः

bhāradvājāśrame brūhi madvākyāttarasā vibho pitrā me sambhṛtaḥ kāmaṁ madarthena svayaṁvaraḥ

In Bharadvaja's hermitage, tell him swiftly, O lord, by my word: 'My father has indeed prepared a svayamvara for my sake.'

Verse 18 (devibhagavatam.3.19.18)

आगमिष्यन्ति राजानो बलयुक्ता ह्यनेकशः । मया त्वं वै वृतश्चित्ते सर्वथा प्रीतिपूर्वकम्

āgamiṣyanti rājāno balayuktā hyanekaśaḥ mayā tvaṁ vai vṛtaścitte sarvathā prītipūrvakam

'Many kings, with their armies, will come; but I have already, in my heart, chosen you alone, with complete affection.'

Verse 19 (devibhagavatam.3.19.19)

भगवत्या समादिष्टः स्वप्ने मम सुरोपम । विषमद्मि हुताशे वा प्रपतामि प्रदीपिते

bhagavatyā samādiṣṭaḥ svapne mama suropama viṣamadmi hutāśe vā prapatāmi pradīpite

'You were appointed for me by the Goddess in a dream, O one like a god; without you I shall eat poison, or fall into a blazing fire.'

Verse 20 (devibhagavatam.3.19.20)

वरये त्वदृते नान्यं पितृभ्यां प्रेरिताऽपि वा । मनसा कर्मणा वाचा संवृतस्त्वं मया वरः

varaye tvadṛte nānyaṁ pitṛbhyāṁ preritā'pi vā manasā karmaṇā vācā saṁvṛtastvaṁ mayā varaḥ

'I shall choose none other but you, even if urged by my parents; by mind, by deed, and by word, you have already been chosen by me as my husband.'

Verse 21 (devibhagavatam.3.19.21)

भगवत्याः प्रसादेन शर्मावाभ्यां भविष्यति । आगन्तव्यं त्वयात्रैव दैवं कृत्वा परं बलम्

bhagavatyāḥ prasādena śarmāvābhyāṁ bhaviṣyati āgantavyaṁ tvayātraiva daivaṁ kṛtvā paraṁ balam

'By the grace of the Goddess, happiness will come to both of us; you must come here, making destiny your supreme strength.'

Verse 22 (devibhagavatam.3.19.22)

यदधीनं जगत्सर्वं वर्तते सचराचरम् । भगवत्या यदादिष्टं न तन्मिथ्या भविष्यति

yadadhīnaṁ jagatsarvaṁ vartate sacarācaram bhagavatyā yadādiṣṭaṁ na tanmithyā bhaviṣyati

'That on which this whole moving and unmoving world depends — whatever has been ordained by the Goddess will never prove false.'

Verse 23 (devibhagavatam.3.19.23)

यद्वशे देवताः सर्वा वर्तन्ते शङ्करादयः । वक्तव्योऽसौ त्वया ब्रह्मन्नेकान्ते वै नृपात्मजः

yadvaśe devatāḥ sarvā vartante śaṅkarādayaḥ vaktavyo'sau tvayā brahmannekānte vai nṛpātmajaḥ

'She, under whose sway all the gods beginning with Shankara exist — O Brahmin, you must tell this to the prince in private.'

Verse 24 (devibhagavatam.3.19.24)

यथा भवति मे कार्यं तत्कर्तव्यं त्वयानघ । इत्युक्त्वा दक्षिणां दत्त्वा मुनिर्व्यापारितस्तया

yathā bhavati me kāryaṁ tatkartavyaṁ tvayānagha ityuktvā dakṣiṇāṁ dattvā munirvyāpāritastayā

'Do whatever is needed so that my purpose is accomplished, O sinless one.'" Having said this, and giving him a fee, she sent the sage-Brahmin on his errand.

Verse 25 (devibhagavatam.3.19.25)

गत्वा सर्वं निवेद्याशु तत्र प्रत्यागतो द्विजः । सुदर्शनस्तु तज्ज्ञात्वा निश्चयं गमने तदा

gatvā sarvaṁ nivedyāśu tatra pratyāgato dvijaḥ sudarśanastu tajjñātvā niścayaṁ gamane tadā

Going there, quickly delivering the whole message, the Brahmin returned; and Sudarshana, learning of it, then resolved to go.

Verse 26 (devibhagavatam.3.19.26)

चकार मुनिना तेन प्रेरितः परमादरात् । व्यास उवाच । गमनायोद्यतं पुत्रं तमुवाच मनोरमा

cakāra muninā tena preritaḥ paramādarāt vyāsa uvāca gamanāyodyataṁ putraṁ tamuvāca manoramā

He made this resolve, urged also with the greatest regard by that sage. Vyasa said: Manorama spoke to her son, as he made ready to depart,

Verse 27 (devibhagavatam.3.19.27)

वेपमानाऽतिदुःखार्ता जातत्रासाऽश्रुलोचना । कुत्र गच्छसि पुत्राद्य समाजे भूभृतां किल

vepamānā'tiduḥkhārtā jātatrāsā'śrulocanā kutra gacchasi putrādya samāje bhūbhṛtāṁ kila

trembling, greatly stricken with grief, filled with fear, tears in her eyes: "Where are you going today, my son, into that assembly of kings?

Verse 28 (devibhagavatam.3.19.28)

एकाकी कृतवैरश्च किं विचिन्त्य स्वयंवरे । युधाजिद्धन्तुकामस्त्वां समेष्यति महीपतिः

ekākī kṛtavairaśca kiṁ vicintya svayaṁvare yudhājiddhantukāmastvāṁ sameṣyati mahīpatiḥ

Alone, and already the object of enmity — what have you considered, going to the svayamvara? King Yudhajit, desiring your death, will come there too.

Verse 29 (devibhagavatam.3.19.29)

न तेऽन्योऽस्ति सहायश्च तस्मान्मा व्रज पुत्रक । एकपुत्रातिदीनास्मि तवाधारा निराश्रया

na te'nyo'sti sahāyaśca tasmānmā vraja putraka ekaputrātidīnāsmi tavādhārā nirāśrayā

You have no other ally; therefore do not go, my child. I have only one son, and I am utterly helpless, dependent on you, without any other refuge.

Verse 30 (devibhagavatam.3.19.30)

नार्हसि त्वं महाभाग निराशां कर्तुम्मद्य माम् । पिता ते निहतो येन सोऽपि तत्रागतो नृपः

nārhasi tvaṁ mahābhāga nirāśāṁ kartummadya mām pitā te nihato yena so'pi tatrāgato nṛpaḥ

O fortunate one, you should not make me hopeless today; that very king by whom your father was slain — he too will be present there.

Verse 31 (devibhagavatam.3.19.31)

एकाकिनं गतं तत्र युधाजित्त्वां हनिष्यति । सुदर्शन उवाच । भवितव्यं भवत्येव नात्र कार्या विचारणा

ekākinaṁ gataṁ tatra yudhājittvāṁ haniṣyati sudarśana uvāca bhavitavyaṁ bhavatyeva nātra kāryā vicāraṇā

Going there alone, Yudhajit will kill you." Sudarshana said: "What is destined to be will surely be; there is no need for deliberation over this.

Verse 32 (devibhagavatam.3.19.32)

आदेशाच्च जगन्मातुर्गच्छाम्यद्य स्वयंवरे । मा शोकं कुरु कल्याणि क्षत्रियाऽसि वरानने

ādeśācca jaganmāturgacchāmyadya svayaṁvare mā śokaṁ kuru kalyāṇi kṣatriyā'si varānane

By the command of the Mother of the Universe I go today to the svayamvara. Do not grieve, O gracious one — you are a Kshatriya woman, O lovely-faced one.

Verse 33 (devibhagavatam.3.19.33)

न बिभेमि प्रसादेन भगवत्या निरन्तरम् । व्यास उवाच । इत्युक्त्वा रथमारुह्य गन्तुकामं सुदर्शनम्

na bibhemi prasādena bhagavatyā nirantaram vyāsa uvāca ityuktvā rathamāruhya gantukāmaṁ sudarśanam

By the constant grace of the Goddess, I have no fear." Vyasa said: Having spoken thus, as Sudarshana mounted his chariot, ready to depart —

Verse 34 (devibhagavatam.3.19.34)

दृष्ट्वा मनोरमा पुत्रमाशीर्भिश्चान्वमोदयत् । अग्रतस्तेऽम्बिका पातु पार्वती पातु पृष्ठतः

dṛṣṭvā manoramā putramāśīrbhiścānvamodayat agrataste'mbikā pātu pārvatī pātu pṛṣṭhataḥ

seeing her son, Manorama sent him off with blessings: "May Ambika protect you in front, may Parvati protect you from behind;

Verse 35 (devibhagavatam.3.19.35)

पार्वती पार्श्वयोः पातु शिवा सर्वत्र साम्प्रतम् । वाराही विषमे मार्गे दुर्गा दुर्गेषु कर्हिचित् । कालिका कलहे घोरे पातु त्वां परमेश्वरी

pārvatī pārśvayoḥ pātu śivā sarvatra sāmpratam vārāhī viṣame mārge durgā durgeṣu karhicit kālikā kalahe ghore pātu tvāṁ parameśvarī

may Parvati protect your two sides, may Shiva now protect you everywhere; may Varahi protect you on difficult roads, Durga in every fortress or peril; may Kalika, the supreme Goddess, protect you in fierce conflict;

Verse 36 (devibhagavatam.3.19.36)

मण्डपे तत्र मातङ्गी तथा सौम्या स्वयंवरे । भवानी भूपमध्ये तु पातु त्वां भवमोचनी

maṇḍape tatra mātaṅgī tathā saumyā svayaṁvare bhavānī bhūpamadhye tu pātu tvāṁ bhavamocanī

may Matangi protect you in that pavilion, and the gentle one in the svayamvara; may Bhavani, liberator from worldly bondage, protect you amid the kings;

Verse 37 (devibhagavatam.3.19.37)

गिरिजा गिरिदुर्गेषु चामुण्डा चत्वरेषु च । कामगा काननेष्वेवं रक्षतु त्वां सनातनी

girijā giridurgeṣu cāmuṇḍā catvareṣu ca kāmagā kānaneṣvevaṁ rakṣatu tvāṁ sanātanī

may Girija protect you in mountain-fortresses, Chamunda at the crossroads, and thus the eternal Kamaga protect you in the forests;

Verse 38 (devibhagavatam.3.19.38)

विवादे वैष्णवी शक्तिरवतात्त्वां रघूद्वह । भैरवी चरणे सौम्य शत्रूणां वै समागमे

vivāde vaiṣṇavī śaktiravatāttvāṁ raghūdvaha bhairavī caraṇe saumya śatrūṇāṁ vai samāgame

in dispute may the Vaishnavi Shakti protect you, O descendant of Raghu; may gentle Bhairavi protect your feet at the meeting of enemies;

Verse 39 (devibhagavatam.3.19.39)

सर्वदा सर्वदेशेषु पातु त्वां भुवनेश्वरी । महामाया जगद्धात्री सच्चिदानन्दरूपिणी

sarvadā sarvadeśeṣu pātu tvāṁ bhuvaneśvarī mahāmāyā jagaddhātrī saccidānandarūpiṇī

may Bhuvaneshvari protect you always and in every land — the great Maya, sustainer of the world, whose very form is being, consciousness, and bliss."

Verse 40 (devibhagavatam.3.19.40)

व्यास उवाच । इत्युक्त्वा तं तदा माता वेपमाना भयाकुला । उवाचाहं त्वया सार्धमागमिष्यामि सर्वथा

vyāsa uvāca ityuktvā taṁ tadā mātā vepamānā bhayākulā uvācāhaṁ tvayā sārdhamāgamiṣyāmi sarvathā

Vyasa said: Having said this to him, the mother, trembling, overcome with fear, then said: "I shall come with you in every way.

Verse 41 (devibhagavatam.3.19.41)

निमिषार्धं विना त्वां वै नाहं स्थातुमिहोत्सहे । सहैव नय मां वत्स यत्र ते गमने मतिः

nimiṣārdhaṁ vinā tvāṁ vai nāhaṁ sthātumihotsahe sahaiva naya māṁ vatsa yatra te gamane matiḥ

I cannot bear to remain here even half a moment without you; take me together with you, my child, wherever your mind is set on going."

Verse 42 (devibhagavatam.3.19.42)

इत्युक्त्वा निःसृता माता धात्रेयीसंयुता तदा । विप्रैर्दत्ताशिषः सर्वे निर्ययुर्हर्षसंयुताः

ityuktvā niḥsṛtā mātā dhātreyīsaṁyutā tadā viprairdattāśiṣaḥ sarve niryayurharṣasaṁyutāḥ

Having said this, the mother then set out, accompanied by her nurse's daughter; and all, blessed by the Brahmins, departed filled with joy.

Verse 43 (devibhagavatam.3.19.43)

वाराणस्यां ततः प्राप्तो रथेनैकेन राघवः । ज्ञातः सुबाहुना तत्र पूजितश्चार्हणादिभिः

vārāṇasyāṁ tataḥ prāpto rathenaikena rāghavaḥ jñātaḥ subāhunā tatra pūjitaścārhaṇādibhiḥ

Then, having arrived at Varanasi in a single chariot, that descendant of Raghu was recognized there by Subahu, and honored with reception and gifts.

Verse 44 (devibhagavatam.3.19.44)

निवेशार्थं गृहं दत्तमन्नपानादिकं तथा । सेवकं समनुज्ञाप्य परिचर्यार्थमेव च

niveśārthaṁ gṛhaṁ dattamannapānādikaṁ tathā sevakaṁ samanujñāpya paricaryārthameva ca

A house was given for lodging, together with food, drink, and the like; and a servant was duly appointed for his attendance.

Verse 45 (devibhagavatam.3.19.45)

मिलितास्त्वथ राजानो नानादेशाधिपाः किल । युधाजिदपि सम्प्राप्तो दौहित्रेण समन्वितः

militāstvatha rājāno nānādeśādhipāḥ kila yudhājidapi samprāpto dauhitreṇa samanvitaḥ

Then kings, lords of various lands, assembled there; Yudhajit too arrived, accompanied by his grandson.

Verse 46 (devibhagavatam.3.19.46)

करूषाधिपतिश्चैव तथा मद्रेश्वरो नृपः । सिन्धुराजस्तथा वीरो योद्धा माहिष्मतीपतिः

karūṣādhipatiścaiva tathā madreśvaro nṛpaḥ sindhurājastathā vīro yoddhā māhiṣmatīpatiḥ

The lord of Karusha, and likewise the King of Madra; the heroic King of Sindhu, and the warrior lord of Mahishmati;

Verse 47 (devibhagavatam.3.19.47)

पाञ्चालः पर्वतीयश्च कामरूपोऽतिवीर्यवान् । कार्णाटश्चोलदेशीयो वैदर्भश्च महाबलः

pāñcālaḥ parvatīyaśca kāmarūpo'tivīryavān kārṇāṭaścoladeśīyo vaidarbhaśca mahābalaḥ

the king of Panchala, the mountain king, the most valiant king of Kamarupa; the king of Karnata, of Chola-land, and the mighty king of Vidarbha —

Verse 48 (devibhagavatam.3.19.48)

अक्षौहिणी त्रिषष्टिश्च मिलिता सङ्ख्यया तदा । वेष्टिता नगरी सा तु सैन्यैः सर्वत्र संस्थितैः

akṣauhiṇī triṣaṣṭiśca militā saṅkhyayā tadā veṣṭitā nagarī sā tu sainyaiḥ sarvatra saṁsthitaiḥ

sixty-three akshauhinis, in all, gathered by count; and that city was entirely encircled by armies stationed on every side.

Verse 49 (devibhagavatam.3.19.49)

एते चान्ये च बहवः स्वयंवरदिदृक्षया । मिलितास्तत्र राजानो वरवारणसंयुताः

ete cānye ca bahavaḥ svayaṁvaradidṛkṣayā militāstatra rājāno varavāraṇasaṁyutāḥ

These and many others, kings desiring to witness the svayamvara, gathered there, accompanied by their finest elephants.

Verse 50 (devibhagavatam.3.19.50)

अन्योन्यं नृपपुत्रास्त इत्यूचुर्मिलितास्तदा । सुदर्शनो नृपसुतो ह्यागतोऽस्ति निराकुलः

anyonyaṁ nṛpaputrāsta ityūcurmilitāstadā sudarśano nṛpasuto hyāgato'sti nirākulaḥ

Those assembled princes then said to one another: "Sudarshana, the king's son, has indeed come here, undisturbed.

Verse 51 (devibhagavatam.3.19.51)

एकाकी रथमारुह्य मात्रा सह महामतिः । विवाहार्थमिहायातः काकुत्स्थः किं नु साम्प्रतम्

ekākī rathamāruhya mātrā saha mahāmatiḥ vivāhārthamihāyātaḥ kākutsthaḥ kiṁ nu sāmpratam

Alone, mounted on his chariot, together with his mother, that wise descendant of Kakutstha has come here for marriage — what now, indeed?

Verse 52 (devibhagavatam.3.19.52)

एतान् राजसुतांस्त्यक्त्वा ससैन्यान्सायुधानथ । किमेनं राजपुत्री सा वरिष्यति महाभुजम्

etān rājasutāṁstyaktvā sasainyānsāyudhānatha kimenaṁ rājaputrī sā variṣyati mahābhujam

Leaving aside all these princes with their armies and their weapons, will that princess indeed choose this mighty-armed one?"

Verse 53 (devibhagavatam.3.19.53)

युधाजिदथ राजेशस्तानुवाच महीपतीन् । अहमेनं हनिष्यामि कन्यार्थे नात्र संशयः

yudhājidatha rājeśastānuvāca mahīpatīn ahamenaṁ haniṣyāmi kanyārthe nātra saṁśayaḥ

Then King Yudhajit said to those kings: "I shall kill him, for the sake of the maiden — there is no doubt of this."

Verse 54 (devibhagavatam.3.19.54)

केरलाधिपतिः प्राह तं तदा नीतिसत्तमः । नात्र युद्धं प्रकर्तव्यं राजन्निच्छास्वयंवरे

keralādhipatiḥ prāha taṁ tadā nītisattamaḥ nātra yuddhaṁ prakartavyaṁ rājannicchāsvayaṁvare

The King of Kerala, most skilled in statecraft, then said to him: "No battle should be waged here, O king, at a svayamvara of choice.

Verse 55 (devibhagavatam.3.19.55)

बलेन हरणं नास्ति नात्र शुल्कस्वयंवरः । कन्येच्छयाऽत्र वरणं विवादः कीदृशस्त्विह

balena haraṇaṁ nāsti nātra śulkasvayaṁvaraḥ kanyecchayā'tra varaṇaṁ vivādaḥ kīdṛśastviha

There is no taking by force here; this is not a wager-svayamvara. Here the choice is by the maiden's own wish — what dispute, then, could there be?

Verse 56 (devibhagavatam.3.19.56)

अन्यायेन त्वया पूर्वमसौ राज्यात्प्रवासितः । दौहित्रायार्पितं राज्यं बलवन्नृपसत्तम

anyāyena tvayā pūrvamasau rājyātpravāsitaḥ dauhitrāyārpitaṁ rājyaṁ balavannṛpasattama

By you, unjustly, he was earlier exiled from his kingdom, and the kingdom, by force, O best of kings, was given over to your grandson.

Verse 57 (devibhagavatam.3.19.57)

काकुत्स्थोऽयं महाभाग कोसलाधिपतेः सुतः । कथमेनं राजपुत्रं हनिष्यसि निरागसम्

kākutstho'yaṁ mahābhāga kosalādhipateḥ sutaḥ kathamenaṁ rājaputraṁ haniṣyasi nirāgasam

This descendant of Kakutstha, O fortunate one, is the son of the lord of Kosala — how could you kill this innocent prince?

Verse 58 (devibhagavatam.3.19.58)

लप्स्यसे तत्फलं नूनमनयस्य नृपोत्तम । शास्तास्ति कश्चिदायुष्मञ्जगतोऽस्य जगत्पतिः

lapsyase tatphalaṁ nūnamanayasya nṛpottama śāstāsti kaścidāyuṣmañjagato'sya jagatpatiḥ

You will surely reap the fruit of this injustice, O best of kings; there is indeed some ruler over this world, O long-lived one, a lord of the universe.

Verse 59 (devibhagavatam.3.19.59)

धर्मो जयति नाधर्मः सत्यं जयति नानृतम् । मानयं कुरु राजेन्द्र त्यज पापमतिं किल

dharmo jayati nādharmaḥ satyaṁ jayati nānṛtam mānayaṁ kuru rājendra tyaja pāpamatiṁ kila

Dharma is victorious, not adharma; truth is victorious, not falsehood. Honor this, O lord of kings, and abandon your sinful intent.

Verse 60 (devibhagavatam.3.19.60)

दौहित्रस्तव सम्प्राप्तः सोऽपि रूपसमन्वितः । राज्ययुक्तस्तथा श्रीमान्कथं तं न वरिष्यति

dauhitrastava samprāptaḥ so'pi rūpasamanvitaḥ rājyayuktastathā śrīmānkathaṁ taṁ na variṣyati

Your grandson too, who is present here, is endowed with beauty, possessed of a kingdom, and glorious — why then would she not choose him?

Verse 61 (devibhagavatam.3.19.61)

अन्ये राजसुताः कामं वर्तन्ते बलवत्तराः । कन्यास्वयंवरे कन्या स्वीकरिष्यति साम्प्रतम्

anye rājasutāḥ kāmaṁ vartante balavattarāḥ kanyāsvayaṁvare kanyā svīkariṣyati sāmpratam

There are, indeed, other princes present, even mightier; at this maiden's svayamvara, the maiden herself will now make her own choice.

Verse 62 (devibhagavatam.3.19.62)

वृते तथा विवादः कः प्रवदन्तु महीभुजः । परस्परं विरोधोऽत्र न कर्तव्यो विजानता

vṛte tathā vivādaḥ kaḥ pravadantu mahībhujaḥ parasparaṁ virodho'tra na kartavyo vijānatā

Once her choice is made, what dispute can there be? Let the kings declare their views; but mutual hostility here should not be pursued by one who understands."