The Maiden Tells Her Father of Her Wish to Marry Sudarshana

Verse 1 (devibhagavatam.3.21.1)

व्यास उवाच । सुबाहुरपि तच्छ्रुत्वा युक्तमुक्तं तया तदा । चिन्ताविष्टो बभूवाशु किं कर्तव्यमतः परम्

vyāsa uvāca subāhurapi tacchrutvā yuktamuktaṁ tayā tadā cintāviṣṭo babhūvāśu kiṁ kartavyamataḥ param

Vyasa said: Subahu too, hearing that fitting speech spoken by her, at once became filled with anxiety: "What is now to be done, beyond this?"

Verse 2 (devibhagavatam.3.21.2)

सङ्गताः पृथिवीपालाः ससैन्याः सपरिग्रहाः । उपविष्टाश्च मञ्चेषु योद्धुकामा महाबलाः

saṅgatāḥ pṛthivīpālāḥ sasainyāḥ saparigrahāḥ upaviṣṭāśca mañceṣu yoddhukāmā mahābalāḥ

"The rulers of the earth have gathered, with their armies and their retinues; mighty and eager for battle, they sit upon their thrones.

Verse 3 (devibhagavatam.3.21.3)

यदि ब्रवीमि तान्सर्वान्सुता नायाति साम्प्रतम् । तथापि कोपसंयुक्ता हन्युर्मा दुष्टबुद्धयः

yadi bravīmi tānsarvānsutā nāyāti sāmpratam tathāpi kopasaṁyuktā hanyurmā duṣṭabuddhayaḥ

If I tell them all that my daughter is not coming now, even so, filled with anger, those evil-minded ones might kill me.

Verse 4 (devibhagavatam.3.21.4)

न मे सैन्यबलं तादृङ्न दुर्गबलमद्भुतम् । येनाहं नृपतीन्सर्वान् प्रत्यादेष्टुमिहोत्सहे

na me sainyabalaṁ tādṛṅna durgabalamadbhutam yenāhaṁ nṛpatīnsarvān pratyādeṣṭumihotsahe

I have no army so strong, nor any wondrous fortress-strength, by which I could dare to send away all these kings.

Verse 5 (devibhagavatam.3.21.5)

सुदर्शनस्तथैकाकी ह्यसहायोऽधनः शिशुः । किं कर्तव्यं निमग्नोऽहं सर्वथा दुःखसागरे

sudarśanastathaikākī hyasahāyo'dhanaḥ śiśuḥ kiṁ kartavyaṁ nimagno'haṁ sarvathā duḥkhasāgare

And Sudarshana too is alone, without help, without wealth, a mere child. What is to be done? I am utterly sunk in an ocean of sorrow."

Verse 6 (devibhagavatam.3.21.6)

इति चिन्तापरो राजा जगाम नृपसन्निधौ । प्रणम्य तानुवाचाथ प्रश्रयावनतो नृपः

iti cintāparo rājā jagāma nṛpasannidhau praṇamya tānuvācātha praśrayāvanato nṛpaḥ

Thinking thus, the king went before the assembled kings; bowing to them, that humble king then spoke.

Verse 7 (devibhagavatam.3.21.7)

किं कर्तव्यं नृपाः कामं नैति मे मण्डपे सुता । बहुशः प्रेर्यमाणाऽपि सा मात्राऽपि मयाऽपि च

kiṁ kartavyaṁ nṛpāḥ kāmaṁ naiti me maṇḍape sutā bahuśaḥ preryamāṇā'pi sā mātrā'pi mayā'pi ca

"What is to be done, O kings? My daughter simply will not come into the pavilion, though urged repeatedly, both by her mother and by me.

Verse 8 (devibhagavatam.3.21.8)

मूर्घ्ना पतामि पादेषु राज्ञां दासोऽस्मि साम्प्रतम् । पूजादिकं गृहीत्वाऽद्य व्रजन्तु सदनानि वः

mūrghnā patāmi pādeṣu rājñāṁ dāso'smi sāmpratam pūjādikaṁ gṛhītvā'dya vrajantu sadanāni vaḥ

I fall at the feet of you kings with my head; I am now your servant. Accepting these gifts of honor, may you now depart for your own homes.

Verse 9 (devibhagavatam.3.21.9)

ददामि बहुरत्नानि वस्त्राणि च गजान् रथान् । गृहीत्वाऽद्य कृपां कृत्वा व्रजन्तु भवनान्युत

dadāmi bahuratnāni vastrāṇi ca gajān rathān gṛhītvā'dya kṛpāṁ kṛtvā vrajantu bhavanānyuta

I shall give many jewels, garments, elephants and chariots; accepting them, and showing me mercy, may you go now to your homes.

Verse 10 (devibhagavatam.3.21.10)

न वशे मे सुता बाला म्रियते यदि खेदिता । तदा मे स्यान्महद्दुःखं तेन चिन्तातुरोऽस्म्यहम्

na vaśe me sutā bālā mriyate yadi kheditā tadā me syānmahadduḥkhaṁ tena cintāturo'smyaham

My young daughter is not under my control; if, being distressed, she should die, that would be a great sorrow to me — for this I am tormented with anxiety.

Verse 11 (devibhagavatam.3.21.11)

भवन्तः करुणावन्तो महाभाग्या महौजसः । किं मे तया दुहित्रा तु मन्दया दुर्विनीतया

bhavantaḥ karuṇāvanto mahābhāgyā mahaujasaḥ kiṁ me tayā duhitrā tu mandayā durvinītayā

You are compassionate, most fortunate, of great vigor; what use to me is this daughter of mine, dull-witted and ill-mannered as she is?

Verse 12 (devibhagavatam.3.21.12)

अनुग्राह्योऽस्मि वः कामं दासोऽहमिति सर्वथा । सुता सुतेव मन्तव्या भवद्भिः सर्वथा मम

anugrāhyo'smi vaḥ kāmaṁ dāso'hamiti sarvathā sutā suteva mantavyā bhavadbhiḥ sarvathā mama

I am, indeed, to be shown your favor; I am wholly your servant. Let my daughter be considered by you as your own daughter in every way."

Verse 13 (devibhagavatam.3.21.13)

व्यास उवाच । श्रुत्वा सुबाहुवचनं नोचुः केचन भूमिपाः । युधाजित्क्रोधताम्राक्षस्तमुवाच रुषान्वितः

vyāsa uvāca śrutvā subāhuvacanaṁ nocuḥ kecana bhūmipāḥ yudhājitkrodhatāmrākṣastamuvāca ruṣānvitaḥ

Vyasa said: Hearing Subahu's words, some kings said nothing; but Yudhajit, his eyes red with anger, spoke to him, filled with rage:

Verse 14 (devibhagavatam.3.21.14)

राजन्मूर्खोऽसि किं ब्रूषे कृत्वा कार्य सुनिन्दितम् । स्वयंवरः कथं मोहाद्रचितः संशये सति

rājanmūrkho'si kiṁ brūṣe kṛtvā kārya suninditam svayaṁvaraḥ kathaṁ mohādracitaḥ saṁśaye sati

"O king, you are a fool! What are you saying, having already done a most censurable deed? Why, out of delusion, was this svayamvara arranged, when doubt already existed?

Verse 15 (devibhagavatam.3.21.15)

मिलिता भूभुजः सर्वे त्वयाहूताः स्वयंवरे । कथमद्य नृपा गन्तुं योग्यास्ते स्वगृहान्प्रति

militā bhūbhujaḥ sarve tvayāhūtāḥ svayaṁvare kathamadya nṛpā gantuṁ yogyāste svagṛhānprati

All these kings, gathered here, were invited by you to the svayamvara — how is it now fitting that these kings should simply return to their homes?

Verse 16 (devibhagavatam.3.21.16)

अवमान्य नृपान्सर्वांस्त्वं किं सुदर्शनाय वै । दातुमिच्छसि पुत्रीञ्च किमनार्यमतः परम्

avamānya nṛpānsarvāṁstvaṁ kiṁ sudarśanāya vai dātumicchasi putrīñca kimanāryamataḥ param

Insulting all these kings, do you wish to give your daughter to Sudarshana? What could be more ignoble than this?

Verse 17 (devibhagavatam.3.21.17)

विचार्य पुरुषेणादौ कार्यं वै शुभमिच्छता । आरब्धव्यं त्वया तत्तु कृतं राजन्नजानता

vicārya puruṣeṇādau kāryaṁ vai śubhamicchatā ārabdhavyaṁ tvayā tattu kṛtaṁ rājannajānatā

A matter should first be well considered by a man who desires good outcomes, before it is begun; but you, O king, have done this without understanding.

Verse 18 (devibhagavatam.3.21.18)

एतान्विहाय नृपतीन्बलवाहनसंयुतान् । वरं सुदर्शनं कर्तुं कथमिच्छसि साम्प्रतम्

etānvihāya nṛpatīnbalavāhanasaṁyutān varaṁ sudarśanaṁ kartuṁ kathamicchasi sāmpratam

Setting aside all these kings, equipped with strength and mounts, how is it that you now wish to make Sudarshana the bridegroom?

Verse 19 (devibhagavatam.3.21.19)

अहं त्वां हन्मि पापिष्ठं तथा पश्चात्सुदर्शनम् । दौहित्रायाद्य ते कन्यां दास्यामीति विनिश्चयः

ahaṁ tvāṁ hanmi pāpiṣṭhaṁ tathā paścātsudarśanam dauhitrāyādya te kanyāṁ dāsyāmīti viniścayaḥ

I shall kill you, most wicked one, and then Sudarshana afterward; and today I have resolved that I shall give your daughter to my own grandson.

Verse 20 (devibhagavatam.3.21.20)

मयि तिष्ठति कोऽन्योस्ति यः कन्यां हर्तुमिच्छति । सुदर्शनः कियानद्य निर्धनो निर्बलः शिशुः

mayi tiṣṭhati ko'nyosti yaḥ kanyāṁ hartumicchati sudarśanaḥ kiyānadya nirdhano nirbalaḥ śiśuḥ

While I am here, who else is there who desires to take away this maiden? What, indeed, is Sudarshana today — a penniless, powerless child?

Verse 21 (devibhagavatam.3.21.21)

भारद्वाजाश्रमे पूर्वं मुक्तो मुनिकृते मया । नाद्याहं मोचयिष्यामि सर्वथा जीवितं शिशोः

bhāradvājāśrame pūrvaṁ mukto munikṛte mayā nādyāhaṁ mocayiṣyāmi sarvathā jīvitaṁ śiśoḥ

Earlier, at Bharadvaja's hermitage, I let him go for the sake of the sage; today I shall by no means spare that child's life.

Verse 22 (devibhagavatam.3.21.22)

तस्माद्विचार्य सम्यक्त्वं पुत्र्या च भार्यया सह । दौहित्राय प्रियां कन्यां देहि मे सुभ्रुवं किल

tasmādvicārya samyaktvaṁ putryā ca bhāryayā saha dauhitrāya priyāṁ kanyāṁ dehi me subhruvaṁ kila

Therefore, considering this rightly, together with your daughter and your wife, give me your beloved, fair-browed daughter for my grandson.

Verse 23 (devibhagavatam.3.21.23)

सम्बन्धी भव दत्त्वा त्वं पुत्रीमेतां मनोरमाम् । उच्चाश्रयः प्रकर्तव्यः सर्वदा शुभमिच्छता

sambandhī bhava dattvā tvaṁ putrīmetāṁ manoramām uccāśrayaḥ prakartavyaḥ sarvadā śubhamicchatā

Become my kinsman by giving this charming daughter to my grandson; a high alliance should always be sought by one who desires good fortune.

Verse 24 (devibhagavatam.3.21.24)

सुदर्शनाय दत्त्वा त्वं पुत्रीं प्राणप्रियां शुभाम् । एकाकिनेऽप्यराज्याय किं सुखं प्राप्तुमिच्छसि

sudarśanāya dattvā tvaṁ putrīṁ prāṇapriyāṁ śubhām ekākine'pyarājyāya kiṁ sukhaṁ prāptumicchasi

Giving your beloved, auspicious daughter to Sudarshana — to a lone man without a kingdom — what happiness do you hope to obtain?

Verse 25 (devibhagavatam.3.21.25)

(कुलं वित्तं बलं रूपं राज्यं दुर्गं सुहृज्जनम् । दृष्ट्वा कन्या प्रदातव्या नान्यथा सुखमृच्छति) । परिचिन्तय धर्मं त्वं राजनीतिञ्च शाश्वतीम् । कुरु कार्यं यथायोग्यं मा कृथा मतिमन्यथा

(kulaṁ vittaṁ balaṁ rūpaṁ rājyaṁ durgaṁ suhṛjjanam dṛṣṭvā kanyā pradātavyā nānyathā sukhamṛcchati) paricintaya dharmaṁ tvaṁ rājanītiñca śāśvatīm kuru kāryaṁ yathāyogyaṁ mā kṛthā matimanyathā

Lineage, wealth, strength, beauty, kingdom, fortress, and good kinsmen — having examined these, a maiden should be given; not otherwise does happiness come. Consider well dharma and eternal statecraft, O king; do what is fitting, and do not turn your mind otherwise.

Verse 26 (devibhagavatam.3.21.26)

सुहृदसि ममात्यर्थं हितं ते प्रब्रवीम्यहम् । समानय सुतां राजन् मण्डपे तां सखीवृताम्

suhṛdasi mamātyarthaṁ hitaṁ te prabravīmyaham samānaya sutāṁ rājan maṇḍape tāṁ sakhīvṛtām

You are exceedingly my friend; I speak this for your good. Bring your daughter, O king, into the pavilion, surrounded by her companions.

Verse 27 (devibhagavatam.3.21.27)

सुदर्शनमृते चेयं वरिष्यति यदाऽप्यसौ । विग्रहो मे तदा न स्याद्विवाहोऽस्तु तवेप्सितः

sudarśanamṛte ceyaṁ variṣyati yadā'pyasau vigraho me tadā na syādvivāho'stu tavepsitaḥ

And if this girl, even so, should choose someone other than Sudarshana, then I shall have no quarrel; let the marriage be as you desire.

Verse 28 (devibhagavatam.3.21.28)

अन्ये नृपतयः सर्वे कुलीनाः सबलाः समाः । विरोधः कीदृशस्त्वेनं वृणोद्यदि नृपोत्तम

anye nṛpatayaḥ sarve kulīnāḥ sabalāḥ samāḥ virodhaḥ kīdṛśastvenaṁ vṛṇodyadi nṛpottama

All these other kings are of good lineage, possessed of strength, equal to one another — what dispute could there be, O best of kings, if she should choose one of them?

Verse 29 (devibhagavatam.3.21.29)

अन्यथाऽहं हरिष्येऽद्य बलात्कन्यामिमां शुभाम् । मा विरोधं सुदुःसाध्यं गच्छ पार्थिवसत्तम

anyathā'haṁ hariṣye'dya balātkanyāmimāṁ śubhām mā virodhaṁ suduḥsādhyaṁ gaccha pārthivasattama

Otherwise, I shall this day carry off this fair maiden by force. Do not provoke a most intractable conflict — go now, O best of kings."

Verse 30 (devibhagavatam.3.21.30)

व्यास उवाच । युधाजिता समादिष्टः सुबाहुः शोकसंयुतः । निःश्वसन्भवनं गत्वा भार्यां प्राह शुचावृतः

vyāsa uvāca yudhājitā samādiṣṭaḥ subāhuḥ śokasaṁyutaḥ niḥśvasanbhavanaṁ gatvā bhāryāṁ prāha śucāvṛtaḥ

Vyasa said: Thus addressed by Yudhajit, Subahu, filled with grief, sighing, went to his palace, and, overcome with sorrow, spoke to his wife:

Verse 31 (devibhagavatam.3.21.31)

पुत्रीं ब्रूहि सुधर्मज्ञे कलहे समुपस्थिते । किं कर्त्तव्यं मया शक्यं त्वद्वशोऽस्मि सुलोचने

putrīṁ brūhi sudharmajñe kalahe samupasthite kiṁ karttavyaṁ mayā śakyaṁ tvadvaśo'smi sulocane

"Tell our daughter, O you who know true dharma, that a quarrel has arisen; what can I do? O lovely-eyed one, I am now under your guidance."

Verse 32 (devibhagavatam.3.21.32)

व्यास उवाच । सा श्रुत्वा पतिवाक्यं तु गत्वा प्राह सुतान्तिकम् । वत्से राजातिदुःखार्तः पिता तेऽद्यापि वर्तते

vyāsa uvāca sā śrutvā pativākyaṁ tu gatvā prāha sutāntikam vatse rājātiduḥkhārtaḥ pitā te'dyāpi vartate

Vyasa said: Hearing her husband's words, she went to her daughter and said: "My child, your father is even now overwhelmed with the greatest grief.

Verse 33 (devibhagavatam.3.21.33)

त्वदर्थे विग्रहः कामं समुत्पन्नोऽद्य भूभृताम् । अन्यं वरय सुश्रोणि सुदर्शनमृते नृपम्

tvadarthe vigrahaḥ kāmaṁ samutpanno'dya bhūbhṛtām anyaṁ varaya suśroṇi sudarśanamṛte nṛpam

For your sake, indeed, a conflict has now arisen among the kings; choose another king instead, O lovely one, other than Sudarshana.

Verse 34 (devibhagavatam.3.21.34)

यदि सुदर्शनं वत्से हठात्त्वं वै वरिष्यसि । युधाजित्त्वां च मां चैव हनिष्यति बलान्वितः

yadi sudarśanaṁ vatse haṭhāttvaṁ vai variṣyasi yudhājittvāṁ ca māṁ caiva haniṣyati balānvitaḥ

If, my child, you obstinately choose Sudarshana, then Yudhajit, with his army, will kill both you and me.

Verse 35 (devibhagavatam.3.21.35)

सुदर्शनं च राजाऽसौ बलमत्तः प्रतापवान् । द्वितीयस्ते पतिः पश्चाद्भविता कलहे सति

sudarśanaṁ ca rājā'sau balamattaḥ pratāpavān dvitīyaste patiḥ paścādbhavitā kalahe sati

And that king, drunk with his own strength and might, will kill Sudarshana too; and afterward, when the conflict has occurred, you will have to take a second husband.

Verse 36 (devibhagavatam.3.21.36)

तस्मात्सुदर्शनं त्यक्त्वा वरयान्यं नृपोत्तमम् । सुखमिच्छसि चेन्मह्यं तुभ्यं वा मृगलोचने । इति मात्रा बोधितां तां पश्चाद्राजाप्यबोधयत्

tasmātsudarśanaṁ tyaktvā varayānyaṁ nṛpottamam sukhamicchasi cenmahyaṁ tubhyaṁ vā mṛgalocane iti mātrā bodhitāṁ tāṁ paścādrājāpyabodhayat

Therefore, giving up Sudarshana, choose another excellent king, if you desire happiness — for me, or for yourself, O gazelle-eyed one." Thus counseled by her mother, afterward the king too counseled her.

Verse 37 (devibhagavatam.3.21.37)

उभयोर्वचनं श्रुत्वा निर्भयोवाच कन्यका कन्योवाच । सत्यमुक्तं नृपश्रेष्ठ जानासि च व्रतं मम

ubhayorvacanaṁ śrutvā nirbhayovāca kanyakā kanyovāca satyamuktaṁ nṛpaśreṣṭha jānāsi ca vrataṁ mama

Hearing both their words, the maiden, fearless, spoke. The maiden said: "You have spoken truly, O best of kings, and you know my vow.

Verse 38 (devibhagavatam.3.21.38)

नान्यं वृणोमि भूपाल सुदर्शनमृते क्वचित् । बिभेषि यदि राजेन्द्र नृपेभ्यः किल कातरः

nānyaṁ vṛṇomi bhūpāla sudarśanamṛte kvacit bibheṣi yadi rājendra nṛpebhyaḥ kila kātaraḥ

O king, I shall never choose anyone other than Sudarshana. If you fear the kings, O lord of kings, being timid indeed —

Verse 39 (devibhagavatam.3.21.39)

सुदर्शनाय दत्त्वा मां विसर्जय पुराद्बहिः । स मां रथे सामारोप्य निर्गमिष्यति ते पुरात्

sudarśanāya dattvā māṁ visarjaya purādbahiḥ sa māṁ rathe sāmāropya nirgamiṣyati te purāt

then give me to Sudarshana, and send us both out of the city; he will set me upon his chariot and depart from your city.

Verse 40 (devibhagavatam.3.21.40)

भवितव्यं तु पश्चाद्वै भविष्यति न चान्यथा । नात्र चिन्ता त्वया कार्या भवितव्ये नृपोत्तम

bhavitavyaṁ tu paścādvai bhaviṣyati na cānyathā nātra cintā tvayā kāryā bhavitavye nṛpottama

What is destined will indeed come to be afterward, and not otherwise; you need have no worry, O best of kings, about what is fated.

Verse 41 (devibhagavatam.3.21.41)

यद्भावि तद्भवत्येव सर्वथात्र न संशयः । राजोवाच । न पुत्रि साहसं कार्यं मतिमद्भिः कदाचन

yadbhāvi tadbhavatyeva sarvathātra na saṁśayaḥ rājovāca na putri sāhasaṁ kāryaṁ matimadbhiḥ kadācana

Whatever is destined surely comes to be; there is no doubt of this at all." The king said: "My daughter, the wise should never act with rashness.

Verse 42 (devibhagavatam.3.21.42)

बहुभिर्न विरोद्धव्यमिति वेदविदो विदुः । विस्रक्ष्यामि कथं कन्यां दत्त्वा राजसुताय च

bahubhirna viroddhavyamiti vedavido viduḥ visrakṣyāmi kathaṁ kanyāṁ dattvā rājasutāya ca

'One should not oppose many' — thus the knowers of the Veda have taught. How could I give my daughter to a mere prince and thereby abandon all these others?

Verse 43 (devibhagavatam.3.21.43)

राजानो वरसंयुक्ताः किं न कुर्युरसाम्प्रतम् । यदि ते रोचते वत्से पणं संविदधाम्यहम्

rājāno varasaṁyuktāḥ kiṁ na kuryurasāmpratam yadi te rocate vatse paṇaṁ saṁvidadhāmyaham

What might not these kings, allied together, do now? If it pleases you, my child, I shall arrange a wager-contest instead.

Verse 44 (devibhagavatam.3.21.44)

जनकेन यथा पूर्वं कृतः सीतास्वयंवरे । शैवं धनुर्यथा तेन धृतं कृत्वा पणं तथा

janakena yathā pūrvaṁ kṛtaḥ sītāsvayaṁvare śaivaṁ dhanuryathā tena dhṛtaṁ kṛtvā paṇaṁ tathā

As Janaka once did at Sita's svayamvara, setting Shiva's bow as the wager —

Verse 45 (devibhagavatam.3.21.45)

तथाहमपि तन्वङ्गि करोम्यद्य दुरासदम् । विवादो येन राज्ञां वै कृते सति शमं व्रजेत्

tathāhamapi tanvaṅgi karomyadya durāsadam vivādo yena rājñāṁ vai kṛte sati śamaṁ vrajet

so too, O slender-limbed one, I shall today set a difficult challenge, by which, once accomplished, the dispute among the kings would be resolved.

Verse 46 (devibhagavatam.3.21.46)

पालयिष्यति यः कामं स ते भर्ता भविष्यति । सुदर्शनस्तथाऽन्यो वा यः कश्चिद्बलवत्तरः

pālayiṣyati yaḥ kāmaṁ sa te bhartā bhaviṣyati sudarśanastathā'nyo vā yaḥ kaścidbalavattaraḥ

Whoever fulfills it shall become your husband, indeed — be it Sudarshana or any other, whoever is the mightiest.

Verse 47 (devibhagavatam.3.21.47)

पालयित्वा पणं त्वां वै वरयिष्यति सर्वथा । एवं कृते नृपाणां तु विवादः शमितो भवेत्

pālayitvā paṇaṁ tvāṁ vai varayiṣyati sarvathā evaṁ kṛte nṛpāṇāṁ tu vivādaḥ śamito bhavet

Having fulfilled the wager, he shall certainly win you as bride. Thus done, the dispute among the kings will be settled.

Verse 48 (devibhagavatam.3.21.48)

सुखेनाहं विवाहं ते करिष्यामि ततः परम् । कन्योवाच । सन्देहे नैव मज्जामि मूर्खकृत्यमिदं यतः

sukhenāhaṁ vivāhaṁ te kariṣyāmi tataḥ param kanyovāca sandehe naiva majjāmi mūrkhakṛtyamidaṁ yataḥ

Then I shall happily perform your marriage, thereafter." The maiden said: "I shall not sink into doubt, for this would be a foolish act.

Verse 49 (devibhagavatam.3.21.49)

मया सुदर्शनः पूर्वं धृतश्चेतसि नान्यथा । कारणं पुण्यपापानां मन एव महीपते

mayā sudarśanaḥ pūrvaṁ dhṛtaścetasi nānyathā kāraṇaṁ puṇyapāpānāṁ mana eva mahīpate

Sudarshana has already been fixed in my heart, and none other; O king, the mind alone is the cause of merit and sin.

Verse 50 (devibhagavatam.3.21.50)

मनसा विधृतं त्यक्त्वा कथमन्यं वृणे पितः । कृते पणे महाराज सर्वेषां वशगा ह्यहम्

manasā vidhṛtaṁ tyaktvā kathamanyaṁ vṛṇe pitaḥ kṛte paṇe mahārāja sarveṣāṁ vaśagā hyaham

Having abandoned the one held firmly in my mind, how could I choose another, O father? If a wager is set, O great king, I would become subject to the will of any and all.

Verse 51 (devibhagavatam.3.21.51)

एकः पालयिता द्वौ वा बहवो वा भवन्ति चेत् । किं कर्तव्यं तदा तात विवादे समुपस्थिते

ekaḥ pālayitā dvau vā bahavo vā bhavanti cet kiṁ kartavyaṁ tadā tāta vivāde samupasthite

If one, or two, or many should equally fulfill it, what is then to be done, O father, when a dispute arises over who truly succeeded?

Verse 52 (devibhagavatam.3.21.52)

संशयाधिष्ठिते कार्ये मतिं नाहं करोम्यतः । मा चिन्तां कुरु राजेन्द्र देहि सुदर्शनाय माम्

saṁśayādhiṣṭhite kārye matiṁ nāhaṁ karomyataḥ mā cintāṁ kuru rājendra dehi sudarśanāya mām

I shall not commit my resolve to a matter fraught with such uncertainty. Do not worry, O lord of kings; give me to Sudarshana.

Verse 53 (devibhagavatam.3.21.53)

विवाहं विधिना कृत्वा शं विधास्यति चण्डिका । यन्नामकीर्तनादेव दुःखौघो विलयं व्रजेत्

vivāhaṁ vidhinā kṛtvā śaṁ vidhāsyati caṇḍikā yannāmakīrtanādeva duḥkhaugho vilayaṁ vrajet

Perform the marriage according to due rite; Chandika will bring about our welfare — she, by the mere utterance of whose name a flood of sorrow is dissolved.

Verse 54 (devibhagavatam.3.21.54)

तां स्मृत्वा परमां शक्तिं कुरु कार्यमतन्द्रितः । गत्वा वद नृपेभ्यस्त्वं कृताञ्जलिपुटोऽद्य वै

tāṁ smṛtvā paramāṁ śaktiṁ kuru kāryamatandritaḥ gatvā vada nṛpebhyastvaṁ kṛtāñjalipuṭo'dya vai

Remembering that supreme power, act without delay. Go and tell the kings today, with folded hands —

Verse 55 (devibhagavatam.3.21.55)

आगन्तव्यञ्च श्वः सर्वैरिह भूपैः स्वयंवरे । इत्युक्त्वा त्वं विसृज्याशु सर्वं नृपतिमण्डलम्

āgantavyañca śvaḥ sarvairiha bhūpaiḥ svayaṁvare ityuktvā tvaṁ visṛjyāśu sarvaṁ nṛpatimaṇḍalam

that all these kings should come tomorrow to the svayamvara here." Having said this, quickly send away the whole assembly of kings.

Verse 56 (devibhagavatam.3.21.56)

विवाहं कुरु रात्रौ मे वेदोक्तविधिना नृप । पारिबर्हं यथायोग्यं दत्त्वा तस्मै विसर्जय

vivāhaṁ kuru rātrau me vedoktavidhinā nṛpa pāribarhaṁ yathāyogyaṁ dattvā tasmai visarjaya

Perform my marriage tonight, according to the rite prescribed by the Veda, O king; giving him a fitting dowry, send us forth.

Verse 57 (devibhagavatam.3.21.57)

गमिष्यति गृहीत्वा मां ध्रुवसन्धिसुतः किल । कदाचित्ते नृपाः क्रुद्धाः सङ्ग्रामं कर्त्तुमुद्यताः

gamiṣyati gṛhītvā māṁ dhruvasandhisutaḥ kila kadācitte nṛpāḥ kruddhāḥ saṅgrāmaṁ karttumudyatāḥ

The son of Dhruvasandhi will indeed depart, taking me with him; if, perchance, those kings, enraged, should be ready to wage war —

Verse 58 (devibhagavatam.3.21.58)

भविष्यति तदा देवी साहाय्यं नः करिष्यति । सोऽपि राजसुतस्तैस्तु सङ्ग्रामं संविधास्यति

bhaviṣyati tadā devī sāhāyyaṁ naḥ kariṣyati so'pi rājasutastaistu saṅgrāmaṁ saṁvidhāsyati

then the Goddess herself will be there to render us aid; and that prince too will engage them in battle.

Verse 59 (devibhagavatam.3.21.59)

दैवान्मृधे मृते तस्मिन्मरिष्याम्यहमप्युत । स्वस्ति तेस्तु गृहे तिष्ठ दत्त्वा मां सहसैन्यकः

daivānmṛdhe mṛte tasminmariṣyāmyahamapyuta svasti testu gṛhe tiṣṭha dattvā māṁ sahasainyakaḥ

If, by fate, he should fall in that battle, I too shall die; may you fare well, remaining at home with your army, once you have given me away.

Verse 60 (devibhagavatam.3.21.60)

एकैवाहं गमिष्यामि तेन सार्धं रिरंसया । व्यास उवाच । इति तस्या वचः श्रुत्वा राजाऽसौ कृतनिश्चयः । मतिं चक्रे तथा कर्तुं विश्वासं प्रतिपद्य च

ekaivāhaṁ gamiṣyāmi tena sārdhaṁ riraṁsayā vyāsa uvāca iti tasyā vacaḥ śrutvā rājā'sau kṛtaniścayaḥ matiṁ cakre tathā kartuṁ viśvāsaṁ pratipadya ca

I alone shall go with him, out of love." Vyasa said: Hearing these words of hers, that king, resolved, and gaining confidence, made up his mind to act accordingly.