The Marriage of Sudarshana and Shashikala

Verse 1 (devibhagavatam.3.22.1)

व्यास उवाच । श्रुत्वा सुतावाक्यमनिन्दितात्मा नृपांश्च गत्वा नृपतिर्जगाद । व्रजन्तु कामं शिविराणि भूपाः श्वो वा विवाहं किल संविधास्ये

vyāsa uvāca śrutvā sutāvākyamaninditātmā nṛpāṁśca gatvā nṛpatirjagāda vrajantu kāmaṁ śivirāṇi bhūpāḥ śvo vā vivāhaṁ kila saṁvidhāsye

Vyasa said: Hearing his daughter's words, the blameless-hearted king went to the assembled kings and said: "May the kings, if they wish, go now to their camps; I shall indeed arrange the marriage tomorrow."

Verse 2 (devibhagavatam.3.22.2)

भक्ष्याणि पेयानि मयाऽर्पितानि गृह्णन्तु सर्वे मयि सुप्रसन्नाः । श्वो भावि कार्यं किल मण्डपेऽत्र समेत्य सर्वैरिह संविधेयम्

bhakṣyāṇi peyāni mayā'rpitāni gṛhṇantu sarve mayi suprasannāḥ śvo bhāvi kāryaṁ kila maṇḍape'tra sametya sarvairiha saṁvidheyam

Let all of you, being well pleased with me, accept the food and drink I have offered; tomorrow's business will indeed take place in this pavilion, to be arranged here by all of you together.

Verse 3 (devibhagavatam.3.22.3)

नायाति पुत्री किल मण्डपेऽद्य करोमि किं भूपतयोऽत्र कामम् । प्रातः समाश्वास्य सुतां नयिष्ये गच्छन्तु तस्माच्छिविराणि भूपाः

nāyāti putrī kila maṇḍape'dya karomi kiṁ bhūpatayo'tra kāmam prātaḥ samāśvāsya sutāṁ nayiṣye gacchantu tasmācchivirāṇi bhūpāḥ

My daughter simply does not come into the pavilion today; what shall I do, O kings, according to your wish? Tomorrow, having consoled my daughter, I shall bring her; therefore let the kings go to their camps.

Verse 4 (devibhagavatam.3.22.4)

न विग्रहो बुद्धिमतां निजाश्रिते कृपा विधेया सततं ह्यपत्ये । विधाय तां प्रातारिहानयिष्ये सुतां तु गच्छन्तु नृपा यथेष्टम्

na vigraho buddhimatāṁ nijāśrite kṛpā vidheyā satataṁ hyapatye vidhāya tāṁ prātārihānayiṣye sutāṁ tu gacchantu nṛpā yatheṣṭam

The wise do not quarrel over one who is dependent on them; compassion should always be shown toward one's own child. Having settled her, I shall bring my daughter here tomorrow — let the kings go as they wish.

Verse 5 (devibhagavatam.3.22.5)

इच्छापणं वा परिचिन्त्य चित्ते प्रातः करिष्याम्यथ संविवाहम् । सर्वैः समेत्यात्र नृपैः समेतैः स्वयंवरः सर्वमतेन कार्यः

icchāpaṇaṁ vā paricintya citte prātaḥ kariṣyāmyatha saṁvivāham sarvaiḥ sametyātra nṛpaiḥ sametaiḥ svayaṁvaraḥ sarvamatena kāryaḥ

Considering in my mind whether it shall be a choice-svayamvara or a wager, I shall perform the marriage tomorrow; the svayamvara is to be conducted here with the agreement of all the assembled kings."

Verse 6 (devibhagavatam.3.22.6)

श्रुत्वा नृपास्तेऽवितथं विदित्वा वचो ययुः स्वानि निकेतनानि । विधाय पार्श्वे नगरस्य रक्षां चक्रुः क्रिया मध्यदिनोदिताश्च

śrutvā nṛpāste'vitathaṁ viditvā vaco yayuḥ svāni niketanāni vidhāya pārśve nagarasya rakṣāṁ cakruḥ kriyā madhyadinoditāśca

Hearing this, and knowing his word to be true, those kings went to their own dwellings; and, posting guards around the city, they performed their midday rites.

Verse 7 (devibhagavatam.3.22.7)

सुबाहुरप्यार्यजनैः समेत श्चकार कार्याणि विवाहकाले । पुत्रीं समाहूय गृहे सुगुप्ते पुरोहितैर्वेदविदां वरिष्ठैः

subāhurapyāryajanaiḥ sameta ścakāra kāryāṇi vivāhakāle putrīṁ samāhūya gṛhe sugupte purohitairvedavidāṁ variṣṭhaiḥ

Subahu too, joined by his noble kinsmen, performed the necessary rites for the time of marriage; summoning his daughter into a well-guarded chamber, together with priests, the foremost among Veda-knowers,

Verse 8 (devibhagavatam.3.22.8)

स्नानादिकं कर्म वरस्य कृत्वा विवाहभूषाकरणं तथैव । आनाय्य वेदीरचिते गृहे वै तस्यार्हणां भूमिपतिश्चकार

snānādikaṁ karma varasya kṛtvā vivāhabhūṣākaraṇaṁ tathaiva ānāyya vedīracite gṛhe vai tasyārhaṇāṁ bhūmipatiścakāra

having performed the bridegroom's bath and other rites, and likewise the adorning for the wedding, and bringing him into the chamber where the altar had been prepared, the king performed the ceremony of honoring him.

Verse 9 (devibhagavatam.3.22.9)

सविष्टरं चाचमनीयमर्घ्यं वस्त्रद्वयं गामथ कुण्डले द्वे । समर्प्य तस्मै विधिवन्नरेन्द्र ऐच्छत्सुतादानमहीनसत्त्वः

saviṣṭaraṁ cācamanīyamarghyaṁ vastradvayaṁ gāmatha kuṇḍale dve samarpya tasmai vidhivannarendra aicchatsutādānamahīnasattvaḥ

With a seat, water for sipping, the guest-offering, a pair of garments, a cow, and a pair of earrings — presenting these to him according to rite, that unwavering king, O lord of men, wished to bestow his daughter.

Verse 10 (devibhagavatam.3.22.10)

सोऽप्यग्रहीत्सर्वमदीनचेताः शशाम चिन्ताऽथ मनोरमायाः । कन्यां सुकेशीं निधिकन्यकासमां मेने तदाऽऽत्मानमनुत्तमञ्च

so'pyagrahītsarvamadīnacetāḥ śaśāma cintā'tha manoramāyāḥ kanyāṁ sukeśīṁ nidhikanyakāsamāṁ mene tadā''tmānamanuttamañca

He too, with an undaunted heart, accepted all this; and now Manorama's anxiety subsided. Receiving the lovely-haired maiden — like a very daughter of a hidden treasure — he then considered himself most fortunate.

Verse 11 (devibhagavatam.3.22.11)

सुपूजितं भूषणवस्त्रदानै र्वरोत्तमं तं सचिवास्तदानीम् । निन्युश्च ते कौतुकमण्डपान्त र्मुदान्विता वीतभयाश्च सर्वे

supūjitaṁ bhūṣaṇavastradānai rvarottamaṁ taṁ sacivāstadānīm ninyuśca te kautukamaṇḍapānta rmudānvitā vītabhayāśca sarve

Then his ministers, honoring that excellent bridegroom with gifts of ornaments and garments, led him into the wedding pavilion, all of them filled with joy and free from fear.

Verse 12 (devibhagavatam.3.22.12)

समाप्तभूषां विधिवद्विधिज्ञाः स्त्रियश्च तां राजसुतां सुयाने । आरोप्य निन्युर्वरसन्निधानण् चतुष्कयुक्ते किल मण्डपे वै

samāptabhūṣāṁ vidhivadvidhijñāḥ striyaśca tāṁ rājasutāṁ suyāne āropya ninyurvarasannidhānaṇ catuṣkayukte kila maṇḍape vai

And the women, knowing the rites, having duly completed her adornment, set that princess upon a fine palanquin and brought her into the presence of the bridegroom, into the pavilion, which had four gateways.

Verse 13 (devibhagavatam.3.22.13)

अग्निं समाधाय पुरोहितः स हुत्वा यथावच्च तदन्तराले । आह्वाययत्तौ कृतकौतुकौ तु वधूवरौ प्रेमयुतौ निकामम्

agniṁ samādhāya purohitaḥ sa hutvā yathāvacca tadantarāle āhvāyayattau kṛtakautukau tu vadhūvarau premayutau nikāmam

The priest, having established the sacred fire and duly made offerings within its rites, then summoned the bride and bridegroom, both adorned with the wedding thread, filled with mutual affection.

Verse 14 (devibhagavatam.3.22.14)

लाजाविसर्गं विधिवद्विधाय कृत्वा हुताशस्य प्रदक्षिणाञ्च । तौ चक्रतुस्तत्र यथोचित्तं तत् सर्वं विधानं कुलगोत्रजातम्

lājāvisargaṁ vidhivadvidhāya kṛtvā hutāśasya pradakṣiṇāñca tau cakratustatra yathocittaṁ tat sarvaṁ vidhānaṁ kulagotrajātam

Duly performing the offering of parched grain, and circumambulating the sacred fire, the two of them performed there, in due order, all the rites proper to their lineage and gotra.

Verse 15 (devibhagavatam.3.22.15)

शतद्वयं चाश्चयुजां रथानां सुभूषितं चापि शरौघसंयुतम् । ददौ नृपेन्द्रस्तु सुदर्शनाय सुपूजितं पारिबर्हं विवाहे

śatadvayaṁ cāścayujāṁ rathānāṁ subhūṣitaṁ cāpi śaraughasaṁyutam dadau nṛpendrastu sudarśanāya supūjitaṁ pāribarhaṁ vivāhe

Two hundred chariots, yoked with horses, finely adorned, and equipped with a store of arrows — the king gave to Sudarshana as a most honored dowry-gift at the wedding.

Verse 16 (devibhagavatam.3.22.16)

मदोत्कटान्हेमविभूषितांश्च गजान्गिरेः शृङ्गसमानदेहान् । शतं सपादं नृपसूनवेऽसौ ददावथ प्रेमयुतो नृपेन्द्रः

madotkaṭānhemavibhūṣitāṁśca gajāngireḥ śṛṅgasamānadehān śataṁ sapādaṁ nṛpasūnave'sau dadāvatha premayuto nṛpendraḥ

And, filled with affection, that king of kings gave to the prince a hundred and twenty-five elephants, in rut, adorned with gold, their bodies like the peaks of mountains.

Verse 17 (devibhagavatam.3.22.17)

दासीशतं काञ्चनभूषितं च करेणुकानां च शतं सुचारु । समर्पयामास वराय राजा विवाहकाले मुदितोऽनुवेलम्

dāsīśataṁ kāñcanabhūṣitaṁ ca kareṇukānāṁ ca śataṁ sucāru samarpayāmāsa varāya rājā vivāhakāle mudito'nuvelam

A hundred maidservants, adorned with gold, and a hundred lovely female elephants — the king bestowed upon the bridegroom at the time of marriage, rejoicing at every moment.

Verse 18 (devibhagavatam.3.22.18)

अदात्पुनर्दाससहस्रमेकं सर्वायुधैः सम्भृतभूषितञ्च । रत्नानि वासांसि यथोचितानि दिव्यानि चित्राणि तथाविकानि

adātpunardāsasahasramekaṁ sarvāyudhaiḥ sambhṛtabhūṣitañca ratnāni vāsāṁsi yathocitāni divyāni citrāṇi tathāvikāni

He also gave a thousand male servants, fully equipped and adorned with every weapon; jewels and garments, fitting and divine, of varied and wondrous kinds.

Verse 19 (devibhagavatam.3.22.19)

ददौ पुनर्वासगृहाणि तस्मै रम्याणि दीर्घाणि विचित्रितानि । सिन्धूद्भवानां तुरगोत्तमाना मदात्सहस्रद्वितयं सुरम्यम्

dadau punarvāsagṛhāṇi tasmai ramyāṇi dīrghāṇi vicitritāni sindhūdbhavānāṁ turagottamānā madātsahasradvitayaṁ suramyam

He further gave him charming, spacious, richly decorated dwelling-houses; and two thousand most excellent horses, born in the Sindhu land, most delightful.

Verse 20 (devibhagavatam.3.22.20)

क्रमेलकानाञ्च शतत्रयं वै प्रत्यादिशद्भारभृतां सुचारु । शतद्वयं वै शकटोत्तमानां तस्मै ददौ धान्यरसैः प्रपूरितम्

kramelakānāñca śatatrayaṁ vai pratyādiśadbhārabhṛtāṁ sucāru śatadvayaṁ vai śakaṭottamānāṁ tasmai dadau dhānyarasaiḥ prapūritam

He also assigned three hundred fine load-bearing camels; and two hundred excellent carts, filled to the full with grain and other provisions, he gave to him.

Verse 21 (devibhagavatam.3.22.21)

मनोरमां राजसुतां प्रणम्य जगाद वाक्यं विहिताञ्जलिः पुरः । दासोऽस्मि ते राजसुते वरिष्ठे तद्ब्रूहि यत्स्यात्तु मनोगतं ते

manoramāṁ rājasutāṁ praṇamya jagāda vākyaṁ vihitāñjaliḥ puraḥ dāso'smi te rājasute variṣṭhe tadbrūhi yatsyāttu manogataṁ te

Bowing before Manorama, the princess, with folded hands, he spoke this word first: "I am your servant, O most excellent princess; tell me, then, whatever is in your heart."

Verse 22 (devibhagavatam.3.22.22)

तं चारुवाक्यं निजगाद सापि स्वस्त्यस्तु ते भूप कुलस्य वृद्धिः । सम्मानिताऽहं मम सूनवे त्वया दत्ता यतो रत्नवरा स्वकन्या

taṁ cāruvākyaṁ nijagāda sāpi svastyastu te bhūpa kulasya vṛddhiḥ sammānitā'haṁ mama sūnave tvayā dattā yato ratnavarā svakanyā

To him she too spoke a gracious word: "May you fare well, O king, and may your lineage flourish; I am honored, since you have given your own jewel-like daughter to my son."

Verse 23 (devibhagavatam.3.22.23)

न बन्दिपुत्री नृप मागधी वा स्तौमीह किं त्वां स्वजनं महत्तरम् । सुमेरुतुल्यस्तु कृतः सुतोऽद्य मे सम्बन्धिना भूपतिनोत्तमेन

na bandiputrī nṛpa māgadhī vā staumīha kiṁ tvāṁ svajanaṁ mahattaram sumerutulyastu kṛtaḥ suto'dya me sambandhinā bhūpatinottamena

I am no bard's daughter or panegyrist, O king, to praise you — what more shall I say, you being now my own most exalted kinsman? Today, by so excellent a royal in-law, my son has been made as great as Mount Sumeru.

Verse 24 (devibhagavatam.3.22.24)

अहोऽतिचित्रं नृपतेश्चरित्रं परं पवित्रं तव किं वदामि । यद्भ्रष्टराज्याय सुताय मेऽद्य दत्ता त्वया पूज्यसुता वरिष्ठा

aho'ticitraṁ nṛpateścaritraṁ paraṁ pavitraṁ tava kiṁ vadāmi yadbhraṣṭarājyāya sutāya me'dya dattā tvayā pūjyasutā variṣṭhā

Ah, most wondrous is the king's conduct, and utterly pure — what more shall I say of you, who have today given your most honored, most excellent daughter to my son, one fallen from his kingdom?

Verse 25 (devibhagavatam.3.22.25)

वनाधिवासाय किलाधनाय पित्रा विहीनाय विसैन्यकाय । सर्वानिमान्भूमिपतीन्विहाय फलाशनायार्थविवर्जिताय

vanādhivāsāya kilādhanāya pitrā vihīnāya visainyakāya sarvānimānbhūmipatīnvihāya phalāśanāyārthavivarjitāya

to a forest-dweller, indeed to one without wealth, without a father, without an army — passing over all these other kings, given to one who lives on fruits, devoid of any means.

Verse 26 (devibhagavatam.3.22.26)

समानवित्तेऽथ कुले बले च ददाति पुत्रीं नृपतिश्च भूयः । न कोऽपि मे भूपसुतेऽर्थहीने गुणान्वितां रूपवतीञ्च दद्यात्

samānavitte'tha kule bale ca dadāti putrīṁ nṛpatiśca bhūyaḥ na ko'pi me bhūpasute'rthahīne guṇānvitāṁ rūpavatīñca dadyāt

A king ordinarily gives his daughter to one of equal wealth, lineage, and strength; no one at all — for my son, devoid of means — would give a virtuous and beautiful princess.

Verse 27 (devibhagavatam.3.22.27)

वैरं तु सर्वैः सह संविधाय नृपैर्वरिष्ठैर्बलसंयुतैश्च । सुदर्शनायाथ सुताऽर्पिता मे किं वर्णये धैर्यमिदं त्वदीयम्

vairaṁ tu sarvaiḥ saha saṁvidhāya nṛpairvariṣṭhairbalasaṁyutaiśca sudarśanāyātha sutā'rpitā me kiṁ varṇaye dhairyamidaṁ tvadīyam

Yet, incurring enmity with all these most eminent and powerful kings together, you have given your daughter to my Sudarshana — how shall I describe this courage of yours?

Verse 28 (devibhagavatam.3.22.28)

निशम्य वाक्यानि नृपः प्रहृष्टः कृताञ्जलिर्वाक्यमुवाच भूयः । गृहाण राज्यं मम सुप्रसिद्धं भवामि सेनापतिरद्य चाहम्

niśamya vākyāni nṛpaḥ prahṛṣṭaḥ kṛtāñjalirvākyamuvāca bhūyaḥ gṛhāṇa rājyaṁ mama suprasiddhaṁ bhavāmi senāpatiradya cāham

Hearing these words, the king, delighted, with folded hands, spoke again: "Take my own well-established kingdom; I myself shall today become your commander of forces.

Verse 29 (devibhagavatam.3.22.29)

नोचेत्तदर्धं प्रतिगृह्य चात्र सुतान्वितो राज्यफलानि भुङ्क्ष्व । विहाय वाराणसिकानिवासं वने पुरे वासमतो न मेऽस्ति

nocettadardhaṁ pratigṛhya cātra sutānvito rājyaphalāni bhuṅkṣva vihāya vārāṇasikānivāsaṁ vane pure vāsamato na me'sti

Or else, accept half of it, and here, together with my daughter, enjoy the fruits of the kingdom; giving up Varanasi as my residence, I have no further attachment now to living in city or forest.

Verse 30 (devibhagavatam.3.22.30)

नृपास्तु सन्त्येव रुषान्विता वै गत्वा करिष्ये प्रथमं तु सान्त्वनम् । ततः परं द्वावपरावुपायौ नोचेत्ततो युद्धमहं करिष्ये

nṛpāstu santyeva ruṣānvitā vai gatvā kariṣye prathamaṁ tu sāntvanam tataḥ paraṁ dvāvaparāvupāyau nocettato yuddhamahaṁ kariṣye

As for the kings who remain angry, I shall go and first attempt to conciliate them; beyond that, there are two other means; and if that fails, then I myself shall wage war.

Verse 31 (devibhagavatam.3.22.31)

जयाजयो दैववशो तथापि धर्मे जयो नैव कृतेऽप्यधर्मे । तेषां किलाधर्मवतां नृपाणां कथं भविष्यत्यनुचिन्तितं वै

jayājayo daivavaśo tathāpi dharme jayo naiva kṛte'pyadharme teṣāṁ kilādharmavatāṁ nṛpāṇāṁ kathaṁ bhaviṣyatyanucintitaṁ vai

Victory and defeat are subject to fate, and yet victory never comes to those steeped in unrighteousness, even should they act; how, indeed, could it be otherwise for those unrighteous kings, when it is thought through carefully?"

Verse 32 (devibhagavatam.3.22.32)

आकर्ण्य तद्भाषितमर्थवच्च जगाद वाक्यं हितकारकं तम् । मनोरमा मानमवाप्य तस्मात् सर्वात्मना मोदयुता प्रसन्ना

ākarṇya tadbhāṣitamarthavacca jagāda vākyaṁ hitakārakaṁ tam manoramā mānamavāpya tasmāt sarvātmanā modayutā prasannā

Hearing that meaningful speech, and receiving such honor from him, Manorama, wholly filled with joy and delight, spoke a beneficial word to him:

Verse 33 (devibhagavatam.3.22.33)

राजञ्छिवं तेऽस्तु कुरुष्व राज्यं त्यक्त्वा भयं त्वं स्वसुतैः समेतः । सुतोऽपि मे नूनमवाप्य राज्यं साकेतपुर्यां प्रचरिष्यतीह

rājañchivaṁ te'stu kuruṣva rājyaṁ tyaktvā bhayaṁ tvaṁ svasutaiḥ sametaḥ suto'pi me nūnamavāpya rājyaṁ sāketapuryāṁ pracariṣyatīha

"O king, may you fare well; abandoning fear, rule your kingdom together with your own children; and my son too, having surely regained his kingdom, will govern here in the city of Saketa.

Verse 34 (devibhagavatam.3.22.34)

विसर्जयास्मान्निजसद्म गन्तुं शिवं भवानी तव संविधास्यति । न काऽपि चिन्ता मम भूप वर्तते सञ्चिन्तयन्त्या परमाम्बिकां वै

visarjayāsmānnijasadma gantuṁ śivaṁ bhavānī tava saṁvidhāsyati na kā'pi cintā mama bhūpa vartate sañcintayantyā paramāmbikāṁ vai

Send us now to go to our own home; Bhavani will bring about your welfare. I have, O king, no worry at all, for I am always contemplating the Supreme Mother."

Verse 35 (devibhagavatam.3.22.35)

दोषा गता विविधवाक्यपदै रसालै रन्योन्यभाषणपदैरमृतोपमैश्च । प्रातर्नृपाः समधिगम्य कृतं विवाहं रोषान्विता नगरबाह्यगतास्तथोचुः

doṣā gatā vividhavākyapadai rasālai ranyonyabhāṣaṇapadairamṛtopamaiśca prātarnṛpāḥ samadhigamya kṛtaṁ vivāhaṁ roṣānvitā nagarabāhyagatāstathocuḥ

The night passed thus, in sweet words spoken back and forth, in nectar-like exchanges; in the morning, when the kings learned that the marriage had already been performed, filled with rage, they gathered outside the city and spoke thus:

Verse 36 (devibhagavatam.3.22.36)

अद्यैव तं नृपकलङ्कधरञ्च हत्वा बालं तथैव किल तं न विवाहयोग्यम् । गृह्णीम तां शशिकलां नृपतेश्च लक्ष्मीं लज्जामवाप्य निजसद्म कथं व्रजेम

adyaiva taṁ nṛpakalaṅkadharañca hatvā bālaṁ tathaiva kila taṁ na vivāhayogyam gṛhṇīma tāṁ śaśikalāṁ nṛpateśca lakṣmīṁ lajjāmavāpya nijasadma kathaṁ vrajema

"This very day let us kill him, that disgrace upon kings, that mere boy indeed unfit for marriage; let us seize Shashikala, that fortune of the king — for how, having incurred such shame, shall we return to our own homes?"

Verse 37 (devibhagavatam.3.22.37)

शृण्वन्तु तूर्यनिनदान्किल वाद्यमाना ञ्छङ्खस्वनानभिभवन्ति मृदङ्गशब्दाः । गीतध्वनिं च विविधं निगमस्वनञ्च मन्यामहे नृपतिनाऽत्र कृतो विवाहः

śṛṇvantu tūryaninadānkila vādyamānā ñchaṅkhasvanānabhibhavanti mṛdaṅgaśabdāḥ gītadhvaniṁ ca vividhaṁ nigamasvanañca manyāmahe nṛpatinā'tra kṛto vivāhaḥ

"Listen to the sounds of trumpets being played, the blare of conches, the beats of drums that overpower them; and the varied sound of song and Vedic chant — we now understand that the marriage has indeed been performed here by the king."

Verse 38 (devibhagavatam.3.22.38)

अस्मान्प्रतार्य वचनैर्विधिवच्चकार वैवाहिकेन विधिना करपीडनं वै । कर्तव्यमद्य किमहो प्रविचिन्तयन्तु भूपाः परस्परमतिं च समर्थयन्तु

asmānpratārya vacanairvidhivaccakāra vaivāhikena vidhinā karapīḍanaṁ vai kartavyamadya kimaho pravicintayantu bhūpāḥ parasparamatiṁ ca samarthayantu

"Deceiving us with words, he has duly performed, according to marital rites, the ceremony of joining hands. Ah, what should now be done? Let the kings deliberate, and let each state his own view to the others."

Verse 39 (devibhagavatam.3.22.39)

एवं वदत्सु नृपतिष्वथ कन्याकायाः कृत्वा विवाहविधिमप्रतिमप्रभावः । भूपान्निमन्त्रयितुमाशु जगाम राजा काशीपतिः स्वसुहृदैः प्रथितप्रभावैः

evaṁ vadatsu nṛpatiṣvatha kanyākāyāḥ kṛtvā vivāhavidhimapratimaprabhāvaḥ bhūpānnimantrayitumāśu jagāma rājā kāśīpatiḥ svasuhṛdaiḥ prathitaprabhāvaiḥ

While the kings were speaking thus, the King of Kashi, of matchless power, having performed the marriage rites of his daughter, went quickly to invite the kings, together with his own well-known and powerful kinsmen.

Verse 40 (devibhagavatam.3.22.40)

आगच्छन्तं च तं दृष्ट्वा नृपाः काशीपतिं तदा । नोचुः किञ्चिदपि क्रोधान्मौनमाधाय संस्थिताः

āgacchantaṁ ca taṁ dṛṣṭvā nṛpāḥ kāśīpatiṁ tadā nocuḥ kiñcidapi krodhānmaunamādhāya saṁsthitāḥ

Seeing the King of Kashi approaching, those kings, out of anger, said nothing at all, and remained standing there in silence.

Verse 41 (devibhagavatam.3.22.41)

स गत्वा प्रणिपत्याह कृताञ्जलिरभाषत । आगन्तव्यं नृपैः सर्वैर्भोजनार्थं गृहे मम

sa gatvā praṇipatyāha kṛtāñjalirabhāṣata āgantavyaṁ nṛpaiḥ sarvairbhojanārthaṁ gṛhe mama

Going there, bowing, with folded hands, he said: "All you kings must please come to my house, for the meal."

Verse 42 (devibhagavatam.3.22.42)

कन्ययाऽसौ वृतो भूपः किं करोमि हिताहितम् । भवद्भिस्तु शुभः कार्यो महान्तो हि दयालवः

kanyayā'sau vṛto bhūpaḥ kiṁ karomi hitāhitam bhavadbhistu śubhaḥ kāryo mahānto hi dayālavaḥ

That king was chosen by my daughter — what could I do, whether it was for good or ill? But by you, being great and compassionate, only good should now be done.

Verse 43 (devibhagavatam.3.22.43)

तन्निशम्य वचस्तस्य नृपाः क्रोधपरिप्लुताः । प्रत्यूचुर्भुक्तमस्माभिः स्वगृहं नृपते व्रज

tanniśamya vacastasya nṛpāḥ krodhapariplutāḥ pratyūcurbhuktamasmābhiḥ svagṛhaṁ nṛpate vraja

Hearing his words, the kings, overwhelmed with anger, replied: "We have already eaten; go to your own home, O king."

Verse 44 (devibhagavatam.3.22.44)

कुरु कार्याण्यशेषाणि यथेष्टं सुकृतं कृतम् । नृपाः सर्वे प्रयान्त्वद्य स्वानि स्वानि गृहाणि वै

kuru kāryāṇyaśeṣāṇi yatheṣṭaṁ sukṛtaṁ kṛtam nṛpāḥ sarve prayāntvadya svāni svāni gṛhāṇi vai

"Do all your remaining tasks as you please; what is done, well done. Let all the kings now depart, each to his own home."

Verse 45 (devibhagavatam.3.22.45)

सुबाहुरपि तच्छ्रुत्वा जगाम शङ्कितो गृहम् । किं करिष्यन्ति संविग्नाः क्रोधयुक्ता नृपोत्तमाः

subāhurapi tacchrutvā jagāma śaṅkito gṛham kiṁ kariṣyanti saṁvignāḥ krodhayuktā nṛpottamāḥ

Subahu too, hearing this, went home apprehensive: "What will these agitated, angry kings do?"

Verse 46 (devibhagavatam.3.22.46)

गते तस्मिन्महीपालाश्चक्रुश्च समयं पुनः । रुद्ध्वा मार्गं ग्रहीष्यामः कन्यां हत्वा सुदर्शनम्

gate tasminmahīpālāścakruśca samayaṁ punaḥ ruddhvā mārgaṁ grahīṣyāmaḥ kanyāṁ hatvā sudarśanam

When he had gone, those kings made a fresh compact: "Let us block the road and, having slain Sudarshana, seize the maiden."

Verse 47 (devibhagavatam.3.22.47)

केचनोचुः किमस्माकं हन्त तेन नृपेण वै । दृष्ट्वा तु कौतुकं सर्वं गमिष्यामो यथागतम्

kecanocuḥ kimasmākaṁ hanta tena nṛpeṇa vai dṛṣṭvā tu kautukaṁ sarvaṁ gamiṣyāmo yathāgatam

Some said: "Alas, what is that king to us? Having merely witnessed the whole spectacle, let us go back the way we came."

Verse 48 (devibhagavatam.3.22.48)

इत्युक्त्वा ते नृपाः सर्वे मार्गमाक्रम्य संस्थिताः । चकारोत्तरकार्याणि सुबाहुः स्वगृहं गतः

ityuktvā te nṛpāḥ sarve mārgamākramya saṁsthitāḥ cakārottarakāryāṇi subāhuḥ svagṛhaṁ gataḥ

Having said this, all those kings stationed themselves, occupying the road; and Subahu, having returned to his own home, carried out the remaining rites.