The Worship of the Kumari

Verse 1 (devibhagavatam.3.26.1)

जनमेजय उवाच । नवरात्रे तु सम्प्राप्ते किं कर्तव्यं द्विजोत्तम । विधानं विधिवद्ब्रूहि शरत्काले विशेषतः

janamejaya uvāca navarātre tu samprāpte kiṁ kartavyaṁ dvijottama vidhānaṁ vidhivadbrūhi śaratkāle viśeṣataḥ

Janamejaya said: "O best of the twice-born, when the Navaratri arrives, what is to be done? Tell me the rite duly, especially for the autumn season."

Verse 2 (devibhagavatam.3.26.2)

किं फलं खलु कस्तत्र विधिः कार्यो महामते । एतद्विस्तरतो ब्रूहि कृपया द्विजसत्तम

kiṁ phalaṁ khalu kastatra vidhiḥ kāryo mahāmate etadvistarato brūhi kṛpayā dvijasattama

"What indeed is its fruit, and what rite should be performed there, O wise one? Tell this to me in detail, O best of Brahmins, out of kindness."

Verse 3 (devibhagavatam.3.26.3)

व्यास उवाच । शृणु राजन्प्रवक्ष्यामि नवरात्रव्रतं शुभम् । शरत्काले विशेषेण कर्तव्यं विधिपूर्वकम्

vyāsa uvāca śṛṇu rājanpravakṣyāmi navarātravrataṁ śubham śaratkāle viśeṣeṇa kartavyaṁ vidhipūrvakam

Vyasa said: "Listen, O king, I shall tell you of the auspicious Navaratri vow, which is to be performed especially in the autumn season, according to rite.

Verse 4 (devibhagavatam.3.26.4)

वसन्ते च प्रकर्तव्यं तथैव प्रेमपूर्वकम् । द्वावृतू यमदंष्ट्राख्यौ नूनं सर्वजनेषु वै

vasante ca prakartavyaṁ tathaiva premapūrvakam dvāvṛtū yamadaṁṣṭrākhyau nūnaṁ sarvajaneṣu vai

It should likewise be performed in spring too, with love; these two seasons, called the 'fangs of Yama,' are indeed perilous for all people.

Verse 5 (devibhagavatam.3.26.5)

शरद्वसन्तनामानौ दुर्गमौ प्राणिनामिह । तस्माद्यत्नादिदं कार्यं सर्वत्र शुभमिच्छता

śaradvasantanāmānau durgamau prāṇināmiha tasmādyatnādidaṁ kāryaṁ sarvatra śubhamicchatā

Autumn and spring, so named, are perilous here for living beings; therefore this rite should be performed with effort, everywhere, by one who desires good.

Verse 6 (devibhagavatam.3.26.6)

द्वावेव सुमहाघोरावृतू रोगकरौ नृणाम् । वसन्तशरदावेव सर्वनाशकरावुभौ

dvāveva sumahāghorāvṛtū rogakarau nṛṇām vasantaśaradāveva sarvanāśakarāvubhau

These two seasons alone, most terrible, are the cause of disease for men; spring and autumn alone, both, are the cause of universal destruction.

Verse 7 (devibhagavatam.3.26.7)

तस्मात्तत्र प्रकर्तव्यं चण्डिकापूजनं बुधैः । चैत्राश्विने शुभे मासे भक्तिपूर्वं नराधिप

tasmāttatra prakartavyaṁ caṇḍikāpūjanaṁ budhaiḥ caitrāśvine śubhe māse bhaktipūrvaṁ narādhipa

Therefore, at that time, the worship of Chandika should be performed by the wise, O king, in the auspicious months of Chaitra and Ashvina, with devotion.

Verse 8 (devibhagavatam.3.26.8)

अमावास्यां च सम्प्राप्य सम्भारं कल्पयेच्छुभम् । हविष्यं चाशनं कार्यमेकभुक्तं तु तद्दिने

amāvāsyāṁ ca samprāpya sambhāraṁ kalpayecchubham haviṣyaṁ cāśanaṁ kāryamekabhuktaṁ tu taddine

Upon the arrival of the new-moon day, one should prepare the auspicious materials; one should eat sanctified food, taking a single meal on that day.

Verse 9 (devibhagavatam.3.26.9)

मण्डपस्तु प्रकर्तव्यः समे देशे शुभे स्थले । हस्तषोडशमानेन स्तम्भध्वजसमन्वितः

maṇḍapastu prakartavyaḥ same deśe śubhe sthale hastaṣoḍaśamānena stambhadhvajasamanvitaḥ

A pavilion should be constructed on level ground, in an auspicious place, sixteen cubits in measure, equipped with pillars and a banner.

Verse 10 (devibhagavatam.3.26.10)

गौरमृद्गोमयाभ्यां च लेपनं कारयेत्ततः । तन्मध्ये वेदिका शुभ्रा कर्तव्या च समा स्थिरा

gauramṛdgomayābhyāṁ ca lepanaṁ kārayettataḥ tanmadhye vedikā śubhrā kartavyā ca samā sthirā

With pale clay and cow-dung, one should then have it plastered; in its center a bright, level, and firm altar should be made.

Verse 11 (devibhagavatam.3.26.11)

चतुर्हस्ता च हस्तोच्छ्रा पीठार्थं स्थानमुत्तमम् । तोरणानि विचित्राणि वितानञ्च प्रकल्पयेत्

caturhastā ca hastocchrā pīṭhārthaṁ sthānamuttamam toraṇāni vicitrāṇi vitānañca prakalpayet

Four cubits wide and one cubit high, an excellent platform for the pedestal; one should also arrange colorful festoons and a canopy.

Verse 12 (devibhagavatam.3.26.12)

रात्रौ द्विजानथामन्त्र्य देवीतत्त्वविशारदान् । आचारनिरतान्दान्तान्वेदवेदाङ्गपारगान्

rātrau dvijānathāmantrya devītattvaviśāradān ācāraniratāndāntānvedavedāṅgapāragān

At night, one should then invite Brahmins skilled in the truth of the Goddess, devoted to right conduct, self-controlled, and versed in the Vedas and Vedangas.

Verse 13 (devibhagavatam.3.26.13)

प्रतिपद्दिवसे कार्यं प्रातःस्नानं विधानतः । नद्यां नदे तडागे वा वाप्यां कूपे गृहेऽथवा

pratipaddivase kāryaṁ prātaḥsnānaṁ vidhānataḥ nadyāṁ nade taḍāge vā vāpyāṁ kūpe gṛhe'thavā

On the first day, a morning bath should be duly taken, in a river, a stream, a pond, a well, a tank, or else at home.

Verse 14 (devibhagavatam.3.26.14)

प्रातर्नित्यं पुरः कृत्वा द्विजानां वरणं ततः । अर्घ्यपाद्यादिकं सर्वं कर्तव्यं मधुपूर्वकम्

prātarnityaṁ puraḥ kṛtvā dvijānāṁ varaṇaṁ tataḥ arghyapādyādikaṁ sarvaṁ kartavyaṁ madhupūrvakam

Every morning, having first performed the preliminary rites, the invitation of Brahmins should follow; the guest-offerings — arghya, padya and the rest — should all be given, along with honey.

Verse 15 (devibhagavatam.3.26.15)

वस्त्रालङ्करणादीनि देयानि च स्वशक्तितः । वित्तशाठ्यं न कर्तव्यं विभवे सति कर्हिचित्

vastrālaṅkaraṇādīni deyāni ca svaśaktitaḥ vittaśāṭhyaṁ na kartavyaṁ vibhave sati karhicit

Garments, ornaments, and the like should be given, according to one's own means; niggardliness in wealth should never be practiced, when one has the resources.

Verse 16 (devibhagavatam.3.26.16)

विप्रैः सन्तोषितैः कार्यं सम्पूर्णं सर्वथा भवेत् । नव पञ्च त्रयश्चैको देव्याः पाठे द्विजाः स्मृताः

vipraiḥ santoṣitaiḥ kāryaṁ sampūrṇaṁ sarvathā bhavet nava pañca trayaścaiko devyāḥ pāṭhe dvijāḥ smṛtāḥ

When the Brahmins are satisfied, the rite becomes complete in every way; nine, five, three, or even one Brahmin is prescribed for the recitation of the Devi's text.

Verse 17 (devibhagavatam.3.26.17)

वरयेद्ब्राह्मणं शान्तं पारायणकृते तदा । स्वस्तिवाचनकं कार्यं वेदमन्त्रविधानतः

varayedbrāhmaṇaṁ śāntaṁ pārāyaṇakṛte tadā svastivācanakaṁ kāryaṁ vedamantravidhānataḥ

A calm Brahmin should be chosen then for the recitation; the benediction should be performed according to the rite of Vedic mantras.

Verse 18 (devibhagavatam.3.26.18)

वेद्यां सिंहासनं स्थाप्य क्षौमवस्त्रसमन्वितम् । तत्र स्थाप्याऽम्बिका देवी चतुर्हस्तायुधान्विता

vedyāṁ siṁhāsanaṁ sthāpya kṣaumavastrasamanvitam tatra sthāpyā'mbikā devī caturhastāyudhānvitā

Upon the altar, a throne, covered with silk cloth, should be placed; there the Goddess Ambika, with four arms bearing weapons, should be installed.

Verse 19 (devibhagavatam.3.26.19)

रत्नभूषणसंयुक्ता मुक्ताहारविराजिता । दिव्याम्बरधरा सौम्या सर्वलक्षणसंयुता

ratnabhūṣaṇasaṁyuktā muktāhāravirājitā divyāmbaradharā saumyā sarvalakṣaṇasaṁyutā

Adorned with jeweled ornaments, resplendent with a pearl necklace, wearing divine garments, gentle, endowed with every auspicious mark.

Verse 20 (devibhagavatam.3.26.20)

शङ्खचक्रगदापद्मधरा सिंहे स्थिता शिवा । अष्टादशभुजा वाऽपि प्रतिष्ठाप्या सनातनी

śaṅkhacakragadāpadmadharā siṁhe sthitā śivā aṣṭādaśabhujā vā'pi pratiṣṭhāpyā sanātanī

Bearing conch, discus, mace and lotus, seated upon a lion, auspicious — or, with eighteen arms, the eternal one should be installed.

Verse 21 (devibhagavatam.3.26.21)

अर्चाभावे तथा यन्त्रं नवार्णमन्त्रसंयुतम् । स्थापयेत्पीठपूजार्थं कलशं तत्र पार्श्वतः

arcābhāve tathā yantraṁ navārṇamantrasaṁyutam sthāpayetpīṭhapūjārthaṁ kalaśaṁ tatra pārśvataḥ

In the absence of an image, a yantra, together with the nine-syllabled mantra, may be installed; and, for the worship of the seat, a pitcher should be placed there beside it.

Verse 22 (devibhagavatam.3.26.22)

पञ्चपल्लवसंयुक्तं वेदमन्त्रैः सुसंस्कृतम् । सुतीर्थजलसम्पूर्णं हेमरत्नैः समन्वितम्

pañcapallavasaṁyuktaṁ vedamantraiḥ susaṁskṛtam sutīrthajalasampūrṇaṁ hemaratnaiḥ samanvitam

That pitcher, adorned with the leaves of five trees, duly consecrated with Vedic mantras, filled with water from a sacred ford, and set with gold and jewels —

Verse 23 (devibhagavatam.3.26.23)

पार्श्वे पूजार्थसम्भारान्परिकल्प्य समन्ततः । गीतवादित्रनिर्घोषान्कारयेन्मङ्गलाय वै

pārśve pūjārthasambhārānparikalpya samantataḥ gītavāditranirghoṣānkārayenmaṅgalāya vai

having arranged the materials for worship all around it, one should have songs and instrumental music sounded, for auspiciousness.

Verse 24 (devibhagavatam.3.26.24)

तिथौ हस्तान्वितायां च नन्दायां पूजनं वरम् । प्रथमे दिवसे राजन् विधिवत्कामदं नृणाम्

tithau hastānvitāyāṁ ca nandāyāṁ pūjanaṁ varam prathame divase rājan vidhivatkāmadaṁ nṛṇām

On the tithi conjoined with the Hasta nakshatra, and on a Nanda tithi, worship is excellent; O king, on the first day, performed according to rite, it fulfills the desires of men.

Verse 25 (devibhagavatam.3.26.25)

नियमं प्रथमं कृत्वा पश्चात्पूजां समाचरेत् । उपवासेन नक्तेन चैकभुक्तेन वा पुनः

niyamaṁ prathamaṁ kṛtvā paścātpūjāṁ samācaret upavāsena naktena caikabhuktena vā punaḥ

Having first made the vow, one should then perform the worship — through complete fasting, or a night-meal only, or again a single meal.

Verse 26 (devibhagavatam.3.26.26)

करिष्यामि व्रतं मातर्नवरात्रमनुत्तमम् । साहाय्यं कुरु मे देवि जगदम्ब ममाखिलम्

kariṣyāmi vrataṁ mātarnavarātramanuttamam sāhāyyaṁ kuru me devi jagadamba mamākhilam

"I shall perform this most excellent Navaratri vow, O Mother; render me your aid in everything, O Goddess, Mother of the world."

Verse 27 (devibhagavatam.3.26.27)

यथाशक्ति प्रकर्तव्यो नियमो व्रतहेतवे । पश्चात्पूजा प्रकर्तव्या विधिवन्मन्त्रपूर्वकम्

yathāśakti prakartavyo niyamo vratahetave paścātpūjā prakartavyā vidhivanmantrapūrvakam

The vow-observance should be undertaken according to one's ability, for the sake of the vow; thereafter the worship should be duly performed, together with the mantras.

Verse 28 (devibhagavatam.3.26.28)

चन्दनागुरुकर्पूरैः कुसुमैश्च सुगन्धिभिः । मन्दारकरजाशोकचम्पकैः करवीरकैः

candanāgurukarpūraiḥ kusumaiśca sugandhibhiḥ mandārakarajāśokacampakaiḥ karavīrakaiḥ

With sandal, aloewood, camphor, and fragrant flowers — mandara, karaja, ashoka, champaka, and karavira —

Verse 29 (devibhagavatam.3.26.29)

मालतीब्रह्मकापुष्पैस्तथा बिल्वदलैः शुभैः । पूजयेज्जगतां धात्रीं धूपैर्दीपैर्विधानतः

mālatībrahmakāpuṣpaistathā bilvadalaiḥ śubhaiḥ pūjayejjagatāṁ dhātrīṁ dhūpairdīpairvidhānataḥ

with jasmine and brahmaka flowers, and with auspicious bilva leaves, one should worship the sustainer of the worlds, with incense and lamps, according to rite.

Verse 30 (devibhagavatam.3.26.30)

फलैर्नानाविधैरर्घ्यं प्रदातव्यं च तत्र वै । नारिकेलैर्मातुलुङ्गैर्दाडिमीकदलीफलैः

phalairnānāvidhairarghyaṁ pradātavyaṁ ca tatra vai nārikelairmātuluṅgairdāḍimīkadalīphalaiḥ

There, an offering should be given with fruits of various kinds indeed — coconuts, citrons, pomegranates, and plantains —

Verse 31 (devibhagavatam.3.26.31)

नारङ्गैः पनसैश्चैव तथा पूर्णफलैः शुभैः । अन्नदानं प्रकर्तव्यं भक्तिपूर्वं नराधिप

nāraṅgaiḥ panasaiścaiva tathā pūrṇaphalaiḥ śubhaiḥ annadānaṁ prakartavyaṁ bhaktipūrvaṁ narādhipa

with oranges and jackfruits, and likewise with other auspicious ripe fruits; and, O king, the gift of food should be made with devotion.

Verse 32 (devibhagavatam.3.26.32)

मांसाशनं ये कुर्वन्ति तैः कार्यं पशुहिंसनम् । महिषाजवराहाणां बलिदानं विशिष्यते

māṁsāśanaṁ ye kurvanti taiḥ kāryaṁ paśuhiṁsanam mahiṣājavarāhāṇāṁ balidānaṁ viśiṣyate

Those who eat meat should perform animal sacrifice; the offering of buffaloes, goats and boars is especially prescribed for them.

Verse 33 (devibhagavatam.3.26.33)

देव्यग्रे निहता यान्ति पशवः स्वर्गमव्ययम् । न हिंसा पशुजा तत्र निघ्नतां तत्कृतेऽनघ

devyagre nihatā yānti paśavaḥ svargamavyayam na hiṁsā paśujā tatra nighnatāṁ tatkṛte'nagha

Animals slain before the Goddess go to the imperishable heaven; there is no true violence, O sinless one, in that killing of animals for her sake, for those who slay them.

Verse 34 (devibhagavatam.3.26.34)

अहिंसा याज्ञिकी प्रोक्ता सर्वशास्त्रविनिर्णये । देवतार्थे विसृष्टानां पशूनां स्वर्गतिर्ध्रुवा

ahiṁsā yājñikī proktā sarvaśāstravinirṇaye devatārthe visṛṣṭānāṁ paśūnāṁ svargatirdhruvā

Sacrificial violence is declared to be non-violence, in the final judgment of all the scriptures; for animals dedicated for the sake of a deity, heaven is certain.

Verse 35 (devibhagavatam.3.26.35)

होमार्थं चैव कर्तव्यं कुण्डं चैव त्रिकोणकम् । स्थण्डिलं वा प्रकर्तव्यं त्रिकोणं मानतः शुभम्

homārthaṁ caiva kartavyaṁ kuṇḍaṁ caiva trikoṇakam sthaṇḍilaṁ vā prakartavyaṁ trikoṇaṁ mānataḥ śubham

For the fire-offering, a triangular pit should be made; or an auspicious triangular altar of earth, of proper measure, should be constructed.

Verse 36 (devibhagavatam.3.26.36)

त्रिकालं पूजनं नित्यं नानाद्रव्यैर्मनोहरैः । गीतवादित्रनृत्यैश्च कर्तव्यश्च महोत्सवः

trikālaṁ pūjanaṁ nityaṁ nānādravyairmanoharaiḥ gītavāditranṛtyaiśca kartavyaśca mahotsavaḥ

Worship should be performed daily, three times, with manifold delightful substances; and a great festival should be held, with song, instrumental music, and dance.

Verse 37 (devibhagavatam.3.26.37)

नित्यं भूमौ च शयनं कुमारीणां च पूजनम् । वस्त्रालङ्करणैर्दिव्यैर्भोजनैश्च सुधामयैः

nityaṁ bhūmau ca śayanaṁ kumārīṇāṁ ca pūjanam vastrālaṅkaraṇairdivyairbhojanaiśca sudhāmayaiḥ

The devotee should sleep on the ground each day, and worship young maidens, with divine garments, ornaments, and ambrosial food.

Verse 38 (devibhagavatam.3.26.38)

एकैकां पूजयेन्नित्यमेकवृद्ध्या तथा पुनः । द्विगुणं त्रिगुणं वाऽपि प्रत्येकं नवकं च वा

ekaikāṁ pūjayennityamekavṛddhyā tathā punaḥ dviguṇaṁ triguṇaṁ vā'pi pratyekaṁ navakaṁ ca vā

One should worship them one by one, daily, increasing by one each time; or double, or triple the number, each time, or even nine at once.

Verse 39 (devibhagavatam.3.26.39)

विभवस्यानुसारेण कर्तव्यं पूजनं किल । वित्तशाठ्यं न कर्तव्यं राजञ्छक्तिमखे सदा

vibhavasyānusāreṇa kartavyaṁ pūjanaṁ kila vittaśāṭhyaṁ na kartavyaṁ rājañchaktimakhe sadā

The worship should indeed be performed according to one's means; niggardliness in wealth, O king, should never be practiced at the sacrifice of the Shakti.

Verse 40 (devibhagavatam.3.26.40)

एकवर्षा न कर्तव्या कन्या पूजाविधौ नृप । परमज्ञा तु भोगानां गन्धादीनां च बालिका

ekavarṣā na kartavyā kanyā pūjāvidhau nṛpa paramajñā tu bhogānāṁ gandhādīnāṁ ca bālikā

A one-year-old girl should not be chosen for the rite of worship, O king; only a maiden fully aware of enjoyments, of scents and the like, is fit.

Verse 41 (devibhagavatam.3.26.41)

कुमारिका तु सा प्रोक्ता द्विवर्षा या भवेदिह । त्रिमूर्तिश्च त्रिवर्षा च कल्याणी चतुरब्दिका

kumārikā tu sā proktā dvivarṣā yā bhavediha trimūrtiśca trivarṣā ca kalyāṇī caturabdikā

She who is two years old is declared to be 'Kumarika'; she of three years is 'Trimurti,' and she of four years is 'Kalyani.'

Verse 42 (devibhagavatam.3.26.42)

रोहिणी पञ्चवर्षा च षड्वर्षा कालिका स्मृता । चण्डिका सप्तवर्षा स्यादष्टवर्षा च शाम्भवी

rohiṇī pañcavarṣā ca ṣaḍvarṣā kālikā smṛtā caṇḍikā saptavarṣā syādaṣṭavarṣā ca śāmbhavī

She of five years is 'Rohini,' and she of six years is remembered as 'Kalika'; she of seven years is 'Chandika,' and she of eight years is 'Shambhavi.'

Verse 43 (devibhagavatam.3.26.43)

नववर्षा भवेद्दुर्गा सुभद्रा दशवार्षिकी । अत ऊर्ध्वं न कर्तव्या सर्वकार्यविगर्हिता

navavarṣā bhaveddurgā subhadrā daśavārṣikī ata ūrdhvaṁ na kartavyā sarvakāryavigarhitā

She of nine years becomes 'Durga,' and of ten years, 'Subhadra'; beyond this age, she should not be chosen, being unfit for every such rite.

Verse 44 (devibhagavatam.3.26.44)

एभिश्च नामभिः पूजा कर्तव्या विधिसंयुता । तासां फलानि वक्ष्यामि नवानां पूजने सदा

ebhiśca nāmabhiḥ pūjā kartavyā vidhisaṁyutā tāsāṁ phalāni vakṣyāmi navānāṁ pūjane sadā

With these names, worship should always be duly performed; I shall now tell the fruits of worshipping each of these nine.

Verse 45 (devibhagavatam.3.26.45)

कुमारी पूजिता कुर्याद्दुःखदारिद्रयनाशनम् । शत्रुक्षयं धनायुष्यं बलवृद्धिं करोति वै

kumārī pūjitā kuryādduḥkhadāridrayanāśanam śatrukṣayaṁ dhanāyuṣyaṁ balavṛddhiṁ karoti vai

Kumari, worshipped, brings about the destruction of sorrow and poverty; she brings the destruction of enemies, wealth, longevity, and the increase of strength.

Verse 46 (devibhagavatam.3.26.46)

त्रिमूर्तिपूजनादायुस्त्रिवर्गस्य फलं भवेत् । धनधान्यागमश्चैव पुत्रपौत्रादिवृद्धयः

trimūrtipūjanādāyustrivargasya phalaṁ bhavet dhanadhānyāgamaścaiva putrapautrādivṛddhayaḥ

From the worship of Trimurti comes longevity and the fruit of the threefold aim of life; and also the gain of wealth and grain, and the increase of sons, grandsons, and the like.

Verse 47 (devibhagavatam.3.26.47)

विद्यार्थी विजयार्थी च राज्यार्थी यश्च पार्थिवः । सुखार्थी पूजयेन्नित्यं कल्याणीं सर्वकामदाम्

vidyārthī vijayārthī ca rājyārthī yaśca pārthivaḥ sukhārthī pūjayennityaṁ kalyāṇīṁ sarvakāmadām

One who desires knowledge, or victory, or a kingdom — any king — or one who desires happiness, should always worship Kalyani, the giver of all desires.

Verse 48 (devibhagavatam.3.26.48)

कालिकां शत्रुनाशार्थं पूजयेद्भक्तिपूर्वकम् । ऐश्वर्यधनकामश्च चण्डिकां परिपूजयेत्

kālikāṁ śatrunāśārthaṁ pūjayedbhaktipūrvakam aiśvaryadhanakāmaśca caṇḍikāṁ paripūjayet

For the destruction of enemies, one should worship Kalika with devotion; and one who desires lordship and wealth should thoroughly worship Chandika.

Verse 49 (devibhagavatam.3.26.49)

पूजयेच्छाम्भवीं नित्यं नृपसम्मोहनाय च । दुःखदारिद्र्यनाशाय सङ्ग्रामे विजयाय च

pūjayecchāmbhavīṁ nityaṁ nṛpasammohanāya ca duḥkhadāridryanāśāya saṅgrāme vijayāya ca

One should always worship Shambhavi, for the bewitching of kings, for the destruction of sorrow and poverty, and for victory in battle.

Verse 50 (devibhagavatam.3.26.50)

क्रूरशत्रुविनाशार्थं तथोग्रकर्मसाधने । दुर्गाञ्च पूजयेद्भक्त्या परलोकसुखाय च

krūraśatruvināśārthaṁ tathograkarmasādhane durgāñca pūjayedbhaktyā paralokasukhāya ca

For the destruction of cruel enemies, and likewise for the accomplishment of fierce undertakings, and for happiness in the world beyond, one should worship Durga with devotion.

Verse 51 (devibhagavatam.3.26.51)

वाञ्छितार्थस्य सिद्ध्यर्थं सुभद्रां पूजयेत्सदा । रोहिणीं रोगनाशाय पूजयेद्विधिवन्नरः

vāñchitārthasya siddhyarthaṁ subhadrāṁ pūjayetsadā rohiṇīṁ roganāśāya pūjayedvidhivannaraḥ

For the accomplishment of one's desired object, one should always worship Subhadra; for the destruction of disease, a man should duly worship Rohini.

Verse 52 (devibhagavatam.3.26.52)

श्रीरस्त्विति च मन्त्रेण पूजयेद्भक्तितत्परः । श्रीयुक्तमन्त्रैरथवा बीजमन्त्रैरथापि वा

śrīrastviti ca mantreṇa pūjayedbhaktitatparaḥ śrīyuktamantrairathavā bījamantrairathāpi vā

One devoted to devotion should worship with the mantra 'śrīr astu' ['may there be fortune']; or with mantras conjoined with Shri, or else with seed-mantras.

Verse 53 (devibhagavatam.3.26.53)

कुमारस्य च तत्त्वानि या सृजत्यपि लीलया । कादीनपि च देवांस्तां कुमारीं पूजयाम्यहम्

kumārasya ca tattvāni yā sṛjatyapi līlayā kādīnapi ca devāṁstāṁ kumārīṁ pūjayāmyaham

She who, even in mere play, creates the principles of the young, and even the gods beginning with Ka — that Kumari I worship.

Verse 54 (devibhagavatam.3.26.54)

सत्त्वादिभिस्त्रिमूर्तिर्या तैर्हि नानास्वरूपिणी । त्रिकालव्यापिनी शक्तिस्त्रिमूर्तिं पूजयाम्यहम्

sattvādibhistrimūrtiryā tairhi nānāsvarūpiṇī trikālavyāpinī śaktistrimūrtiṁ pūjayāmyaham

She who, through sattva and the other qualities, becomes Trimurti, of manifold forms by them, the Power pervading the three times — that Trimurti I worship.

Verse 55 (devibhagavatam.3.26.55)

कल्याणकारिणी नित्यं भक्तानां पूजिताऽनिशम् । पूजयामि च तां भक्त्या कल्याणीं सर्वकामदाम्

kalyāṇakāriṇī nityaṁ bhaktānāṁ pūjitā'niśam pūjayāmi ca tāṁ bhaktyā kalyāṇīṁ sarvakāmadām

She who ever brings about the welfare of her devotees, worshipped unceasingly, giver of all desires — that Kalyani I worship with devotion.

Verse 56 (devibhagavatam.3.26.56)

रोहयन्ती च बीजानि प्राग्जन्मसञ्चितानि वै । या देवी सर्वभूतानां रोहिणीं पूजयाम्यहम्

rohayantī ca bījāni prāgjanmasañcitāni vai yā devī sarvabhūtānāṁ rohiṇīṁ pūjayāmyaham

She who causes to sprout the seeds accumulated from previous births, of all beings — that Goddess Rohini I worship.

Verse 57 (devibhagavatam.3.26.57)

काली कालयते सर्वं ब्रह्माण्डं सचराचरम् । कल्पान्तसमये या तां कालिकां पूजयाम्यहम्

kālī kālayate sarvaṁ brahmāṇḍaṁ sacarācaram kalpāntasamaye yā tāṁ kālikāṁ pūjayāmyaham

Kali, who at the time of the end of the kalpa, brings to an end the entire universe, moving and unmoving — that Kalika I worship.

Verse 58 (devibhagavatam.3.26.58)

तां चण्डपापहरणीं चण्डिकां पूजयाम्यहम्

tāṁ caṇḍapāpaharaṇīṁ caṇḍikāṁ pūjayāmyaham

That Chandika, fierce remover of sin, I worship.

Verse 59 (devibhagavatam.3.26.59)

अकारणात्समुत्पत्तिर्यन्मयैः परिकीर्तिता । यस्यास्तां सुखदां देवीं शाम्भवीं पूजयाम्यहम्

akāraṇātsamutpattiryanmayaiḥ parikīrtitā yasyāstāṁ sukhadāṁ devīṁ śāmbhavīṁ pūjayāmyaham

She whose origin, without any cause, has been proclaimed by the sages — that Goddess Shambhavi, giver of happiness, I worship.

Verse 60 (devibhagavatam.3.26.60)

दुर्गात्त्रायति भक्तं या सदा दुर्गातिनाशिनी । दुर्ज्ञेया सर्वदेवानां तां दुर्गां पूजयाम्यहम्

durgāttrāyati bhaktaṁ yā sadā durgātināśinī durjñeyā sarvadevānāṁ tāṁ durgāṁ pūjayāmyaham

She who ever protects her devotee from calamity, the destroyer of calamity's afflictions, unknowable even to all the gods — that Durga I worship.

Verse 61 (devibhagavatam.3.26.61)

सुभद्राणि च भक्तानां कुरुते पूजिता सदा । अभद्रनाशिनीं देवीं सुभद्रां पूजयाम्यहम्

subhadrāṇi ca bhaktānāṁ kurute pūjitā sadā abhadranāśinīṁ devīṁ subhadrāṁ pūjayāmyaham

She who, when worshipped, always brings about auspicious things for her devotees — that Goddess Subhadra, destroyer of misfortune, I worship.

Verse 62 (devibhagavatam.3.26.62)

एभिर्मन्त्रैः पूजनीयाः कन्यकाः सर्वदा बुधैः । वस्त्रालङ्करणैर्माल्यैर्गन्धैरुच्चावचैरपि

ebhirmantraiḥ pūjanīyāḥ kanyakāḥ sarvadā budhaiḥ vastrālaṅkaraṇairmālyairgandhairuccāvacairapi

With these mantras, maidens should always be worshipped by the wise, with garments, ornaments, garlands, and fragrances of every kind, high and low.