The Greatness of Worshipping the Goddess

Verse 1 (devibhagavatam.3.27.1)

व्यास उवाच । हीनाङ्गीं वर्जयेत्कन्यां कुष्ठयुक्तां व्रणाङ्किताम् । गन्धस्फुरितहीनाङ्गीं विशालकुलसम्भवाम्

vyāsa uvāca hīnāṅgīṁ varjayetkanyāṁ kuṣṭhayuktāṁ vraṇāṅkitām gandhasphuritahīnāṅgīṁ viśālakulasambhavām

Vyasa said: One should avoid a maiden with defective limbs, afflicted with leprosy, marked with wounds, whose limbs lack the natural glow of health, even if born of a great family.

Verse 2 (devibhagavatam.3.27.2)

जात्यन्धां केकरां काणां कुरूपां बहुरोमशाम् । सन्त्यजेद्रोगिणीं कन्यां रक्तपुष्पादिनाङ्किताम्

jātyandhāṁ kekarāṁ kāṇāṁ kurūpāṁ bahuromaśām santyajedrogiṇīṁ kanyāṁ raktapuṣpādināṅkitām

One should give up a maiden who is born blind, squint-eyed, one-eyed, ill-formed, excessively hairy, diseased, or marked by menstrual discharge or the like.

Verse 3 (devibhagavatam.3.27.3)

क्षामां गर्भसमुद्भूतां गोलकां कन्यकोद्भवाम् । वर्जनीयाः सदा चैताः सर्वपूजादिकर्मसु

kṣāmāṁ garbhasamudbhūtāṁ golakāṁ kanyakodbhavām varjanīyāḥ sadā caitāḥ sarvapūjādikarmasu

An emaciated one, one conceived out of wedlock, an illegitimate one, or one born of an unmarried mother — these should always be avoided in all worship and similar rites.

Verse 4 (devibhagavatam.3.27.4)

अरोगिणीं सुरूपाङ्गीं सुन्दरीं व्रणवर्जिताम् । एकवंशसमुद्भूतां कन्यां सम्यक्प्रपूजयेत्

arogiṇīṁ surūpāṅgīṁ sundarīṁ vraṇavarjitām ekavaṁśasamudbhūtāṁ kanyāṁ samyakprapūjayet

One should thoroughly worship a maiden who is healthy, of well-formed limbs, beautiful, free of wounds, and born of a single, pure lineage.

Verse 5 (devibhagavatam.3.27.5)

ब्राह्मणी सर्वकार्येषु जयार्थे नृपवंशजा । लाभार्थे वैश्यवंशोत्था मता वा शूद्रवंशजा

brāhmaṇī sarvakāryeṣu jayārthe nṛpavaṁśajā lābhārthe vaiśyavaṁśotthā matā vā śūdravaṁśajā

A Brahmin girl is fit for all purposes; one born of a royal lineage, for the purpose of victory; one born of a Vaishya lineage, for the purpose of gain; or, it is held, one born of a Shudra lineage.

Verse 6 (devibhagavatam.3.27.6)

ब्राह्मणैर्ब्रह्मजाः पूज्या राजन्यैर्ब्रह्मवंशजाः । वैश्यैस्त्रिवर्गजाः पूज्याश्चतस्रः पादसम्भवैः

brāhmaṇairbrahmajāḥ pūjyā rājanyairbrahmavaṁśajāḥ vaiśyaistrivargajāḥ pūjyāścatasraḥ pādasambhavaiḥ

By Brahmins, girls of Brahmin birth should be worshipped; by Kshatriyas, those of Brahmin lineage; by Vaishyas, those of the three upper varnas — and all four varnas' girls by those of the fourth class.

Verse 7 (devibhagavatam.3.27.7)

कारुभिश्चैव वंशोत्था यथायोग्यं प्रपूजयेत् । नवरात्रविधानेन भक्तिपूर्वं सदैव हि

kārubhiścaiva vaṁśotthā yathāyogyaṁ prapūjayet navarātravidhānena bhaktipūrvaṁ sadaiva hi

And by artisans, one of appropriate lineage should be thoroughly worshipped, always with devotion, according to the rite of Navaratri.

Verse 8 (devibhagavatam.3.27.8)

अशक्तो नियतं पूजां कर्तुञ्चेन्नवरात्रके । अष्टम्यां च विशेषेण कर्तव्यं पूजनं सदा

aśakto niyataṁ pūjāṁ kartuñcennavarātrake aṣṭamyāṁ ca viśeṣeṇa kartavyaṁ pūjanaṁ sadā

If one is unable to perform the regular worship throughout the Navaratri, worship should always be performed especially on the eighth day.

Verse 9 (devibhagavatam.3.27.9)

पुराऽष्टम्यां भद्रकाली दक्षयज्ञविनाशिनी । प्रादुर्भूता महाघोरा योगिनी कोटिभिः सह

purā'ṣṭamyāṁ bhadrakālī dakṣayajñavināśinī prādurbhūtā mahāghorā yoginī koṭibhiḥ saha

Long ago, on the eighth day, Bhadrakali, the destroyer of Daksha's sacrifice, most terrible, appeared together with millions of Yoginis.

Verse 10 (devibhagavatam.3.27.10)

अतोऽष्टम्यां विशेषेण कर्तव्यं पूजनं सदा । नानाविधोपहारैश्च गन्धमाल्यानुलेपनैः

ato'ṣṭamyāṁ viśeṣeṇa kartavyaṁ pūjanaṁ sadā nānāvidhopahāraiśca gandhamālyānulepanaiḥ

Therefore, on the eighth day especially, worship should always be performed, with manifold offerings, fragrance, garlands, and unguents.

Verse 11 (devibhagavatam.3.27.11)

पायसैरामिषैर्होमैर्ब्राह्मणानां च भोजनैः । फलपुष्पोपहारैश्च तोषयेज्जगदम्बिकाम्

pāyasairāmiṣairhomairbrāhmaṇānāṁ ca bhojanaiḥ phalapuṣpopahāraiśca toṣayejjagadambikām

With sweet rice-pudding, meat-offerings, fire-oblations, and the feeding of Brahmins, and with offerings of fruit and flowers, one should please the Mother of the Universe.

Verse 12 (devibhagavatam.3.27.12)

उपवासे ह्यशक्तानां नवरात्रव्रते पुनः । उपोषणत्रयं प्रोक्तं यथोक्तफलदं नृप

upavāse hyaśaktānāṁ navarātravrate punaḥ upoṣaṇatrayaṁ proktaṁ yathoktaphaladaṁ nṛpa

For those unable to observe a complete fast in the Navaratri vow, a set of three fasts is prescribed, O king, giving the same fruit as declared.

Verse 13 (devibhagavatam.3.27.13)

सप्तम्यां च तथाऽष्टम्यां नवम्यां भक्तिभावतः । त्रिरात्रकरणात्सर्वं फलं भवति पूजनात्

saptamyāṁ ca tathā'ṣṭamyāṁ navamyāṁ bhaktibhāvataḥ trirātrakaraṇātsarvaṁ phalaṁ bhavati pūjanāt

By observing it on the seventh, likewise the eighth, and the ninth, with devout feeling — through this three-night observance, the full fruit of the worship is obtained.

Verse 14 (devibhagavatam.3.27.14)

पूजाभिश्चैव होमैश्च कुमारिपूजनैस्तथा । सम्पूर्णं तद्व्रतं प्रोक्तं विप्राणां चैव भोजनैः

pūjābhiścaiva homaiśca kumāripūjanaistathā sampūrṇaṁ tadvrataṁ proktaṁ viprāṇāṁ caiva bhojanaiḥ

With worship, with fire-offerings, and likewise with the worship of maidens, and with the feeding of Brahmins, that vow is declared complete.

Verse 15 (devibhagavatam.3.27.15)

व्रतानि यानि चान्यानि दानानि विविधानि च । नवरात्रव्रतस्यास्य नैव तुल्यानि भूतले

vratāni yāni cānyāni dānāni vividhāni ca navarātravratasyāsya naiva tulyāni bhūtale

Whatever other vows there may be, and whatever various acts of charity, none upon this earth is equal to this Navaratri vow.

Verse 16 (devibhagavatam.3.27.16)

धनधान्यप्रदं नित्यं सुखसन्तानवृद्धिदम् । आयुरारोग्यदं चैव स्वर्गदं मोक्षदं तथा

dhanadhānyapradaṁ nityaṁ sukhasantānavṛddhidam āyurārogyadaṁ caiva svargadaṁ mokṣadaṁ tathā

It always bestows wealth and grain, gives happiness and the increase of progeny, gives longevity and health, and likewise gives heaven and liberation.

Verse 17 (devibhagavatam.3.27.17)

विद्यार्थी वा धनार्थी वा पुत्रार्थी वा भवेन्नरः । तेनेदं विधिवत्कार्यं व्रतं सौभाग्यदं शिवम्

vidyārthī vā dhanārthī vā putrārthī vā bhavennaraḥ tenedaṁ vidhivatkāryaṁ vrataṁ saubhāgyadaṁ śivam

Whether a man desires knowledge, or wealth, or sons, this auspicious, fortune-giving vow should be duly performed by him.

Verse 18 (devibhagavatam.3.27.18)

विद्यार्थी सर्वविद्यां वै प्राप्नोति व्रतसाधनात् । राजभ्रष्टो नृपो राज्यं समवाप्नोति सर्वदा

vidyārthī sarvavidyāṁ vai prāpnoti vratasādhanāt rājabhraṣṭo nṛpo rājyaṁ samavāpnoti sarvadā

One who desires knowledge obtains all learning through the performance of this vow; a king fallen from his kingdom always regains his kingdom.

Verse 19 (devibhagavatam.3.27.19)

पूर्वजन्मनि यैर्नूनं न कृतं व्रतमुत्तमम् । ते व्याधिनो दरिद्राश्च भवन्ति पुत्रवर्जिताः

pūrvajanmani yairnūnaṁ na kṛtaṁ vratamuttamam te vyādhino daridrāśca bhavanti putravarjitāḥ

Those who, indeed, did not perform this excellent vow in a former birth, become diseased, poor, and bereft of sons.

Verse 20 (devibhagavatam.3.27.20)

वन्ध्या च या भवेन्नारी विधवा धनवर्जिता । अनुमा तत्र कर्तव्या नेयं कृतवती व्रतम्

vandhyā ca yā bhavennārī vidhavā dhanavarjitā anumā tatra kartavyā neyaṁ kṛtavatī vratam

A woman who is barren, or widowed, or bereft of wealth — of her, this inference is to be made: she did not perform this vow in a former life.

Verse 21 (devibhagavatam.3.27.21)

नवरात्रव्रतं प्रोक्तं न कृतं येन भूतले । स कथं विभवं प्राप्य मोदते च तथा दिवि

navarātravrataṁ proktaṁ na kṛtaṁ yena bhūtale sa kathaṁ vibhavaṁ prāpya modate ca tathā divi

He by whom this declared Navaratri vow was not performed upon the earth — how could he obtain prosperity, and likewise rejoice in heaven?

Verse 22 (devibhagavatam.3.27.22)

रक्तचन्दनसम्मिश्रैः कोमलैर्बिल्वपत्रकैः । भवानी पूजिता येन स भवेन्नृपतिः क्षितौ

raktacandanasammiśraiḥ komalairbilvapatrakaiḥ bhavānī pūjitā yena sa bhavennṛpatiḥ kṣitau

He by whom Bhavani has been worshipped with tender bilva leaves mixed with red sandal-paste, becomes a king upon this earth.

Verse 23 (devibhagavatam.3.27.23)

नाराधिता येन शिवा सनातनी दुःखार्तिहा सिद्धिकरी जगद्वरा । दुःखावृतः शत्रुयुतश्च भूतले नूनं दरिद्रो भवतीह मानवः

nārādhitā yena śivā sanātanī duḥkhārtihā siddhikarī jagadvarā duḥkhāvṛtaḥ śatruyutaśca bhūtale nūnaṁ daridro bhavatīha mānavaḥ

He by whom the eternal, auspicious one — the remover of sorrow's affliction, the bestower of accomplishment, the boon-giver of the world — has not been worshipped, that man surely becomes, here on earth, wrapped in sorrow, beset by enemies, and poor.

Verse 24 (devibhagavatam.3.27.24)

यां विष्णुरिन्द्रो हरपद्मजौ तथा वह्निः कुबेरो वरुणो दिवाकरः । ध्यायन्ति सर्वार्थसमाप्तिनन्दिता स्तां किं मनुष्या न भजन्ति चण्डिकाम्

yāṁ viṣṇurindro harapadmajau tathā vahniḥ kubero varuṇo divākaraḥ dhyāyanti sarvārthasamāptinanditā stāṁ kiṁ manuṣyā na bhajanti caṇḍikām

She whom Vishnu, Indra, Hara and Brahma, likewise Agni, Kubera, Varuna, and the Sun meditate upon, delighted by the fulfillment of all their purposes — how could men not worship that Chandika?

Verse 25 (devibhagavatam.3.27.25)

स्वाहा स्वधा नाम मनुप्रभावै स्तृप्यन्ति देवाः पितरस्तथैव । यज्ञेषु सर्वेषु मुदा हरन्ति यन्नाम युग्मश्रुतिभिर्मुनीन्द्राः

svāhā svadhā nāma manuprabhāvai stṛpyanti devāḥ pitarastathaiva yajñeṣu sarveṣu mudā haranti yannāma yugmaśrutibhirmunīndrāḥ

By the power of the mantras named Svaha and Svadha, the gods and likewise the ancestors are satisfied; whose name, in all sacrifices, the greatest of sages carry with joy upon their twin ears.

Verse 26 (devibhagavatam.3.27.26)

यस्येच्छया सृजति विश्वमिदं प्रजेशो नानावतारकलनं कुरुते हरिश्च । नूनं करोति जगतः किल भस्म शम्भु स्तां शर्मदां न भजते नु कथं मनुष्यः

yasyecchayā sṛjati viśvamidaṁ prajeśo nānāvatārakalanaṁ kurute hariśca nūnaṁ karoti jagataḥ kila bhasma śambhu stāṁ śarmadāṁ na bhajate nu kathaṁ manuṣyaḥ

By whose will the Lord of creatures creates this universe, and Hari assumes his manifold incarnations, and Shambhu indeed reduces the world to ashes at dissolution — how, then, could man not worship her, the giver of happiness?

Verse 27 (devibhagavatam.3.27.27)

नैकोऽस्ति सर्वभुवनेषु तया विहीनो देवो नरोऽथ विहगः किल पन्नगो वा । गन्धर्वराक्षसपिशाचनगेषु नूनं यः स्पन्दितुं भवति शक्तियुतो यथेच्छम्

naiko'sti sarvabhuvaneṣu tayā vihīno devo naro'tha vihagaḥ kila pannago vā gandharvarākṣasapiśācanageṣu nūnaṁ yaḥ spandituṁ bhavati śaktiyuto yatheccham

There is not a single one, in all the worlds, devoid of her — god, man, bird, or serpent indeed; nor, among Gandharvas, Rakshasas, Pishachas, or mountains, is there any who possesses the power even to stir, as he wishes, without her.

Verse 28 (devibhagavatam.3.27.28)

तां न सेवेत कश्चण्डीं सर्वकामार्थदां शिवाम् । व्रतं तस्या न कः कुर्याद्वाञ्छन्नर्थचतुष्टयम्

tāṁ na seveta kaścaṇḍīṁ sarvakāmārthadāṁ śivām vrataṁ tasyā na kaḥ kuryādvāñchannarthacatuṣṭayam

Who would not serve that Chandika, the auspicious giver of all desired ends? Who, desiring the four aims of life, would not perform her vow?

Verse 29 (devibhagavatam.3.27.29)

महापातकसंयुक्तो नवरात्रव्रतं चरेत् । मुच्यते सर्वपापेभ्यो नात्र कार्या विचारणा

mahāpātakasaṁyukto navarātravrataṁ caret mucyate sarvapāpebhyo nātra kāryā vicāraṇā

Even one bound by the greatest of sins, should he perform the Navaratri vow, is freed from all sins — no doubt need be entertained on this.

Verse 30 (devibhagavatam.3.27.30)

पुरा कश्चिद्वणिग्दीनो धनहीनः सुदुःखितः । कुटुम्बी चाभवत्कश्चित् कोसले नृपसत्तम

purā kaścidvaṇigdīno dhanahīnaḥ suduḥkhitaḥ kuṭumbī cābhavatkaścit kosale nṛpasattama

Long ago, O best of kings, there lived in Kosala a certain merchant, poor, without wealth, greatly distressed, burdened with a family.

Verse 31 (devibhagavatam.3.27.31)

अपत्यानि बहून्यस्याभवन्क्षुत्पीडितानि च । भक्ष्यं किञ्चित्तु सायाह्ने प्रापुस्तस्य च बालकाः

apatyāni bahūnyasyābhavankṣutpīḍitāni ca bhakṣyaṁ kiñcittu sāyāhne prāpustasya ca bālakāḥ

He had many children, tormented by hunger; some little food they obtained only in the evening, those children of his.

Verse 32 (devibhagavatam.3.27.32)

भुङ्क्ते स्म कार्यकर्ताऽसौ परस्याथ बुभुक्षितः । कुटुम्बभरणं तत्र चकारातिनिराकुलः

bhuṅkte sma kāryakartā'sau parasyātha bubhukṣitaḥ kuṭumbabharaṇaṁ tatra cakārātinirākulaḥ

Working as a laborer for another, though himself hungry, he ate; and in this way, without complaint, he supported his family.

Verse 33 (devibhagavatam.3.27.33)

सदा धर्मरतः शान्तः सदाचारश्च सत्यवाक् । अक्रोधनश्च धृतिमान्निर्मदश्चानसूयकः

sadā dharmarataḥ śāntaḥ sadācāraśca satyavāk akrodhanaśca dhṛtimānnirmadaścānasūyakaḥ

Always devoted to dharma, calm, of good conduct, truthful in speech, free from anger, steadfast, free from pride, and free from envy —

Verse 34 (devibhagavatam.3.27.34)

सम्पूज्य देवता नित्यं पितॄनप्यतिथींस्तथा । भुञ्जाने पोष्यवर्गेऽथ कृतवान्भोजनं वणिक्

sampūjya devatā nityaṁ pitṝnapyatithīṁstathā bhuñjāne poṣyavarge'tha kṛtavānbhojanaṁ vaṇik

daily worshipping the gods, and also the ancestors and guests, and only when his dependents had eaten did that merchant take his own meal.

Verse 35 (devibhagavatam.3.27.35)

एवं गच्छति काले वै सुशिलो नामतो गुणैः । दारिद्र्यार्तो द्विजं शान्तं पप्रच्छातिबुभुक्षितः

evaṁ gacchati kāle vai suśilo nāmato guṇaiḥ dāridryārto dvijaṁ śāntaṁ papracchātibubhukṣitaḥ

As time thus passed, that man, Sushila by name and also by qualities, tormented by poverty and extreme hunger, asked a calm Brahmin:

Verse 36 (devibhagavatam.3.27.36)

सुशील उवाच । भो भूदेव कृपां कृत्वा वदस्वाद्य महामते । कथं दारिद्र्यनाशः स्यादिति मे निश्चयेन वै

suśīla uvāca bho bhūdeva kṛpāṁ kṛtvā vadasvādya mahāmate kathaṁ dāridryanāśaḥ syāditi me niścayena vai

Sushila said: "O god upon earth, show mercy and tell me today, O wise one — how may poverty be destroyed? I ask this with true resolve.

Verse 37 (devibhagavatam.3.27.37)

धनैषणा मे नैवास्ति धनी स्यामिति मानद । कुटुम्बभरणार्थं वै पृच्छामि त्वां द्विजोत्तम

dhanaiṣaṇā me naivāsti dhanī syāmiti mānada kuṭumbabharaṇārthaṁ vai pṛcchāmi tvāṁ dvijottama

I have no desire, O honorable one, to become wealthy for its own sake; I ask you, O best of Brahmins, only for the sake of supporting my family.

Verse 38 (devibhagavatam.3.27.38)

पुत्री सुतस्तु मे बालो भक्षार्थी रोदते भृशम् । तावन्मात्रं गृहे नान्नं मुष्टिमेकां ददाम्यहम्

putrī sutastu me bālo bhakṣārthī rodate bhṛśam tāvanmātraṁ gṛhe nānnaṁ muṣṭimekāṁ dadāmyaham

My little son, desiring food, weeps constantly; there is not even that much food at home — I can give but a single handful.

Verse 39 (devibhagavatam.3.27.39)

विसर्जितो यतो गेहाद्गतो बालो रुदन्मया । अतो मे दह्यतेऽत्यर्थं किं करोमि धनं विना

visarjito yato gehādgato bālo rudanmayā ato me dahyate'tyarthaṁ kiṁ karomi dhanaṁ vinā

When I sent him away from home, the child went off weeping; because of this my heart burns exceedingly — what shall I do without wealth?

Verse 40 (devibhagavatam.3.27.40)

विवाहोऽस्ति सुताया मे नास्ति वित्तं करोमि किम् । दशवर्षाधिकायास्तु दानकालोऽपि यात्यलम्

vivāho'sti sutāyā me nāsti vittaṁ karomi kim daśavarṣādhikāyāstu dānakālo'pi yātyalam

There is a marriage pending for my daughter, and I have no wealth — what shall I do? She is already past ten years, and the time for her giving in marriage is nearly passing.

Verse 41 (devibhagavatam.3.27.41)

तेन शोचामि विप्रेन्द्र सर्वज्ञोऽसि दयानिधे । तपो दानं व्रतं किञ्चिद्ब्रूहि मन्त्रजपं तथा

tena śocāmi viprendra sarvajño'si dayānidhe tapo dānaṁ vrataṁ kiñcidbrūhi mantrajapaṁ tathā

For this I grieve, O chief of Brahmins; you are all-knowing, O treasury of compassion — tell me some austerity, charity, vow, or mantra-repetition.

Verse 42 (devibhagavatam.3.27.42)

येनाहं पोष्यवर्गस्य करोमि द्विज पोषणम् । तावन्मे स्याद्धनप्राप्तिर्नाधिकं प्रार्थये किल

yenāhaṁ poṣyavargasya karomi dvija poṣaṇam tāvanme syāddhanaprāptirnādhikaṁ prārthaye kila

By which I might provide sustenance for my dependents, O Brahmin; let me obtain wealth only to that extent — I ask for nothing more, indeed.

Verse 43 (devibhagavatam.3.27.43)

त्वत्प्रसादात्कुटुम्बं मे सुखितं प्रभवेदिह । तत्कुरुष्व महाभाग ज्ञानेन परिचिन्त्य च

tvatprasādātkuṭumbaṁ me sukhitaṁ prabhavediha tatkuruṣva mahābhāga jñānena paricintya ca

By your grace, may my family here become happy — do this for me, O fortunate one, considering it well with your wisdom."

Verse 44 (devibhagavatam.3.27.44)

व्यास उवाच । इति पृष्टस्तथा तेन ब्राह्मणः संशितव्रतः । उवाच परमप्रीतस्तं वैश्यं नृपसत्तम

vyāsa uvāca iti pṛṣṭastathā tena brāhmaṇaḥ saṁśitavrataḥ uvāca paramaprītastaṁ vaiśyaṁ nṛpasattama

Vyasa said: Thus questioned by him, that Brahmin of strict vows, O best of kings, spoke to that merchant, greatly pleased:

Verse 45 (devibhagavatam.3.27.45)

वैश्यवर्य कुरुष्वाद्य नवरात्रव्रतं शुभम् । पूजनं भगवत्याश्च हवनं भोजनं तथा

vaiśyavarya kuruṣvādya navarātravrataṁ śubham pūjanaṁ bhagavatyāśca havanaṁ bhojanaṁ tathā

"O best of merchants, perform now the auspicious Navaratri vow — the worship of the Goddess, the fire-offering, and the feeding of Brahmins.

Verse 46 (devibhagavatam.3.27.46)

वेदपारायणं शक्तिजपहोमादिकं तथा । कुरुष्वाद्य यथाशक्ति तव कार्यं भविष्यति

vedapārāyaṇaṁ śaktijapahomādikaṁ tathā kuruṣvādya yathāśakti tava kāryaṁ bhaviṣyati

The recitation of the Veda, the repetition of the mantras of the Shakti, fire-offering and the rest — do these now according to your means; your purpose will be accomplished.

Verse 47 (devibhagavatam.3.27.47)

एतस्मादपरं किञ्चिद्व्रतं नास्ति धरातले । नवरात्राभिधं वैश्य पावनं सुखदं तथा

etasmādaparaṁ kiñcidvrataṁ nāsti dharātale navarātrābhidhaṁ vaiśya pāvanaṁ sukhadaṁ tathā

There is no other vow whatsoever upon this earth, O merchant, than this called Navaratri — purifying, and likewise bestowing happiness.

Verse 48 (devibhagavatam.3.27.48)

ज्ञानदं मोक्षदं चैव सुखसन्तानवर्धनम् । शत्रुनाशकरं कामं नवरात्रव्रतं सदा

jñānadaṁ mokṣadaṁ caiva sukhasantānavardhanam śatrunāśakaraṁ kāmaṁ navarātravrataṁ sadā

It gives knowledge and liberation alike, increases happiness and progeny, and destroys enemies — the Navaratri vow, always as desired.

Verse 49 (devibhagavatam.3.27.49)

राज्यभ्रष्टेन रामेण सीताविरहितेन च । किष्किन्धायां व्रतं चैतत्कृतं दुःखातुरेण वै

rājyabhraṣṭena rāmeṇa sītāvirahitena ca kiṣkindhāyāṁ vrataṁ caitatkṛtaṁ duḥkhātureṇa vai

By Rama, fallen from his kingdom, and separated from Sita, tormented by sorrow, this very vow was performed in Kishkindha.

Verse 50 (devibhagavatam.3.27.50)

प्रतप्तेनापि रामेण सीताविरहवह्निना । विधिवत्पूजिता देवी नवरात्रव्रतेन वै

prataptenāpi rāmeṇa sītāvirahavahninā vidhivatpūjitā devī navarātravratena vai

Even by Rama, scorched by the fire of separation from Sita, the Goddess was duly worshipped, through this very Navaratri vow.

Verse 51 (devibhagavatam.3.27.51)

तेन प्राप्ताऽथ वैदेही कृत्वा सेतुं महार्णवे । हत्वा मन्दोदरीनाथं कुम्भकर्णं महाबलम्

tena prāptā'tha vaidehī kṛtvā setuṁ mahārṇave hatvā mandodarīnāthaṁ kumbhakarṇaṁ mahābalam

Thereby he obtained Vaidehi, having built the bridge across the great ocean, having slain the lord of Mandodari, and the mighty Kumbhakarna.

Verse 52 (devibhagavatam.3.27.52)

मेघनादं सुतं हत्वा कृत्वा भूपं बिभीषणम् । पश्चादयोध्यामागत्य प्राप्तं राज्यमकण्टकम्

meghanādaṁ sutaṁ hatvā kṛtvā bhūpaṁ bibhīṣaṇam paścādayodhyāmāgatya prāptaṁ rājyamakaṇṭakam

Having slain the son Meghanada, and having made Vibhishana king, he thereafter returned to Ayodhya and obtained a kingdom free of thorns.

Verse 53 (devibhagavatam.3.27.53)

नवरात्रव्रतस्यास्य प्रभावेण विशांवर । सुखं भूमितले प्राप्तं रामेणामिततेजसा

navarātravratasyāsya prabhāveṇa viśāṁvara sukhaṁ bhūmitale prāptaṁ rāmeṇāmitatejasā

By the power of this very Navaratri vow, O lord of peoples, Rama, of boundless splendor, obtained happiness upon this earth."

Verse 54 (devibhagavatam.3.27.54)

व्यास उवाच । इति विप्रवचः श्रुत्वा स वैश्यस्तं द्विजं गुरुम् । कृत्वा जग्राह सन्मन्त्रं मायाबीजाभिधं नृप

vyāsa uvāca iti vipravacaḥ śrutvā sa vaiśyastaṁ dvijaṁ gurum kṛtvā jagrāha sanmantraṁ māyābījābhidhaṁ nṛpa

Vyasa said: O king, hearing the Brahmin's words, that merchant, making him his guru, received from him the true mantra called the Maya-bija.

Verse 55 (devibhagavatam.3.27.55)

जजाप परया भक्त्या नवरात्रमतन्द्रितः । नानाविधोपहारैश्च पूजयामास सादरम्

jajāpa parayā bhaktyā navarātramatandritaḥ nānāvidhopahāraiśca pūjayāmāsa sādaram

He repeated it with the highest devotion throughout the Navaratri, without slackening; and, with manifold offerings, worshipped the Goddess with reverence.

Verse 56 (devibhagavatam.3.27.56)

नवसंवत्सरं चैव मायाबीजपरायणः । नवमे वत्सरान्ते तु महाष्टम्यां महेश्वरी

navasaṁvatsaraṁ caiva māyābījaparāyaṇaḥ navame vatsarānte tu mahāṣṭamyāṁ maheśvarī

For nine full years, devoted to the Maya-bija, he persisted; and at the end of the ninth year, on the great eighth day, the great Goddess —

Verse 57 (devibhagavatam.3.27.57)

अर्धरात्रे तु सञ्जाते प्रत्यक्षं दर्शनं ददौ । नानावरप्रदानैश्च कृतकृत्यञ्चकार तम्

ardharātre tu sañjāte pratyakṣaṁ darśanaṁ dadau nānāvarapradānaiśca kṛtakṛtyañcakāra tam

when midnight had come, gave him her direct, visible sight, and, with the bestowal of manifold boons, made him fulfilled.