Lakshmana Consoles Rama's Grief

Verse 1 (devibhagavatam.3.29.1)

व्यास उवाच । तदाकर्ण्य वचो दुष्टं जानकी भयविह्वला । वेपमाना स्थिरं कृत्वा मनो वाचमुवाच ह

vyāsa uvāca tadākarṇya vaco duṣṭaṁ jānakī bhayavihvalā vepamānā sthiraṁ kṛtvā mano vācamuvāca ha

Vyasa said: Hearing that wicked speech, Janaki, overwhelmed with fear, trembling, steadying her mind, spoke this word:

Verse 2 (devibhagavatam.3.29.2)

पौलस्त्य किमसद्वाक्यं त्वमात्थ स्मरमोहितः । नाहं वै स्वैरिणी किन्तु जनकस्य कुलोद्भवा

paulastya kimasadvākyaṁ tvamāttha smaramohitaḥ nāhaṁ vai svairiṇī kintu janakasya kulodbhavā

"O descendant of Pulastya, why do you speak this wicked word, deluded by desire? I am no wanton woman, but one born of the lineage of Janaka.

Verse 3 (devibhagavatam.3.29.3)

गच्छ लङ्कां दशास्य त्वं राम त्वां वै हनिष्यति । मत्कृते मरणं तत्र भविष्यति न संशयः

gaccha laṅkāṁ daśāsya tvaṁ rāma tvāṁ vai haniṣyati matkṛte maraṇaṁ tatra bhaviṣyati na saṁśayaḥ

Go to Lanka, O ten-faced one; Rama will surely kill you. For my sake, your death will occur there — there is no doubt."

Verse 4 (devibhagavatam.3.29.4)

इत्युक्त्वा पर्णशालायां गता सा वह्निसन्निधौ । गच्छ गच्छेति वदती रावणं लोकरावणम्

ityuktvā parṇaśālāyāṁ gatā sā vahnisannidhau gaccha gaccheti vadatī rāvaṇaṁ lokarāvaṇam

Having said this, she went within the leaf-hut, near the fire, saying "Go, go!" to Ravana, that terror of the worlds.

Verse 5 (devibhagavatam.3.29.5)

सोऽथ कृत्वा निजं रूपं जगामोटजमन्तिकम् । बलाज्जग्राह तां बालां रुदती भयविह्वलाम्

so'tha kṛtvā nijaṁ rūpaṁ jagāmoṭajamantikam balājjagrāha tāṁ bālāṁ rudatī bhayavihvalām

Then he, resuming his own form, went near the hut, and forcibly seized that weeping, fear-stricken young woman.

Verse 6 (devibhagavatam.3.29.6)

रामरामेति क्रन्दन्ती लक्ष्मणेति मुहुर्मुहुः । गृहीत्वा निर्गतः पापो रथमारोप्य सत्वरः

rāmarāmeti krandantī lakṣmaṇeti muhurmuhuḥ gṛhītvā nirgataḥ pāpo rathamāropya satvaraḥ

Crying "Rama! Rama!" and again and again "Lakshmana!" — seizing her, that sinful one departed, quickly setting her upon his chariot.

Verse 7 (devibhagavatam.3.29.7)

गच्छन्नरुणपुत्रेण मार्गे रुद्धो जटायुषा । सङ्ग्रामोऽभून्महारौद्रस्तयोस्तत्र वनान्तरे

gacchannaruṇaputreṇa mārge ruddho jaṭāyuṣā saṅgrāmo'bhūnmahāraudrastayostatra vanāntare

As he went, he was blocked on the way by Jatayu, son of Aruna; a most terrible battle broke out between them there, in the depths of the forest.

Verse 8 (devibhagavatam.3.29.8)

हत्वा तं तां गृहीत्वा च गतोऽसौ राक्षसाधिपः । लङ्कायां क्रन्दती तात कुररीव दुरात्मनः

hatvā taṁ tāṁ gṛhītvā ca gato'sau rākṣasādhipaḥ laṅkāyāṁ krandatī tāta kurarīva durātmanaḥ

Slaying him, and taking her, that lord of the Rakshasas went off; O son, she was carried to Lanka, weeping like a female osprey, by that evil-souled one.

Verse 9 (devibhagavatam.3.29.9)

अशोकवनिकायां सा स्थापिता राक्षसीयुता । स्ववृत्तान्नैव चलिता सामदानादिभिः किल

aśokavanikāyāṁ sā sthāpitā rākṣasīyutā svavṛttānnaiva calitā sāmadānādibhiḥ kila

She was placed in the Ashoka grove, surrounded by demonesses; she never deviated from her own conduct, despite attempts at conciliation, gifts, and the like.

Verse 10 (devibhagavatam.3.29.10)

रामोऽपि तं मृगं हत्वा जगामादाय निर्वृतः । आयान्तं लक्ष्मणं वीक्ष्य किं कृतं तेऽनुजासमम्

rāmo'pi taṁ mṛgaṁ hatvā jagāmādāya nirvṛtaḥ āyāntaṁ lakṣmaṇaṁ vīkṣya kiṁ kṛtaṁ te'nujāsamam

Rama too, having slain that deer, was returning content; seeing Lakshmana coming toward him, he equally asked his brother, "What have you done?

Verse 11 (devibhagavatam.3.29.11)

एकाकिनीं प्रियां हित्वा किमर्थं त्वमिहागतः । श्रुत्वा स्वनं तु पापस्य राघवस्त्वब्रवीदिदम्

ekākinīṁ priyāṁ hitvā kimarthaṁ tvamihāgataḥ śrutvā svanaṁ tu pāpasya rāghavastvabravīdidam

Why have you come here, abandoning my beloved wife alone?" Hearing the sound made by that sinful one, Raghava had said this.

Verse 12 (devibhagavatam.3.29.12)

सौमित्रिस्त्वब्रवीद्वाक्यं सीतावाग्बाणपीडितः । प्रभोऽत्राहं समायातः कालयोगान्न संशयः

saumitristvabravīdvākyaṁ sītāvāgbāṇapīḍitaḥ prabho'trāhaṁ samāyātaḥ kālayogānna saṁśayaḥ

The son of Sumitra, tormented by Sita's arrow-like words, spoke: "My lord, I have come here by the working of destiny — there is no doubt of this."

Verse 13 (devibhagavatam.3.29.13)

तदा तौ पर्णशालायां गत्वा वीक्ष्यातिदुःखितौ । जानक्यन्वेषणे यत्नमुभौ कर्तुं समुद्यतौ

tadā tau parṇaśālāyāṁ gatvā vīkṣyātiduḥkhitau jānakyanveṣaṇe yatnamubhau kartuṁ samudyatau

Then, going to the leaf-hut and finding it empty, both, greatly grieved, prepared themselves to make the effort of searching for Janaki.

Verse 14 (devibhagavatam.3.29.14)

मार्गमाणौ तु सम्प्राप्तौ यत्रासौ पतितः खगः । जटायुः प्राणशेषस्तु पतितः पृथिवीतले

mārgamāṇau tu samprāptau yatrāsau patitaḥ khagaḥ jaṭāyuḥ prāṇaśeṣastu patitaḥ pṛthivītale

Searching, they arrived at the place where that bird had fallen; Jatayu, with the last remnant of life, lay fallen upon the earth.

Verse 15 (devibhagavatam.3.29.15)

तेनोक्तं रावणेनाद्य हृताऽसौ जनकात्मजा । मया निरुद्धः पापात्मा पातितोऽहं मृधे पुनः

tenoktaṁ rāvaṇenādya hṛtā'sau janakātmajā mayā niruddhaḥ pāpātmā pātito'haṁ mṛdhe punaḥ

By him it was said: "Today that daughter of Janaka was carried off by Ravana; I obstructed that evil-souled one, but I have been felled again in the fight."

Verse 16 (devibhagavatam.3.29.16)

इत्युक्त्वाऽसौ गतप्राणः संस्कृतो राघवेण वै । कृत्वौर्घ्वदैहिकं रामलक्ष्मणौ निर्गतौ ततः

ityuktvā'sau gataprāṇaḥ saṁskṛto rāghaveṇa vai kṛtvaurghvadaihikaṁ rāmalakṣmaṇau nirgatau tataḥ

Having said this, his life departed; he was duly consecrated in funeral rites by Raghava; having performed the last rites, Rama and Lakshmana then set out.

Verse 17 (devibhagavatam.3.29.17)

कबन्धं घातयित्वासौ शापाच्चामोचयत्प्रभुः । वचनात्तस्य हरिणा सख्यं चक्रेऽथ राघवः

kabandhaṁ ghātayitvāsau śāpāccāmocayatprabhuḥ vacanāttasya hariṇā sakhyaṁ cakre'tha rāghavaḥ

Slaying Kabandha, that Lord released him from his curse; and at his word, Raghava then made friendship with a monkey, Sugriva.

Verse 18 (devibhagavatam.3.29.18)

हत्वा च वालिनं वीरं किष्किन्धाराज्यमुत्तमम् । सुग्रीवाय ददौ रामः कृतसख्याय कार्यतः

hatvā ca vālinaṁ vīraṁ kiṣkindhārājyamuttamam sugrīvāya dadau rāmaḥ kṛtasakhyāya kāryataḥ

And slaying the hero Vali, Rama gave the excellent kingdom of Kishkindha to Sugriva, with whom he had made friendship, for the accomplishment of his purpose.

Verse 19 (devibhagavatam.3.29.19)

तत्रैव वार्षिकान्मासांस्तस्थौ लक्ष्मणसंयुतः । चिन्तयञ्जानकीं चित्ते दशाननहृतां प्रियाम्

tatraiva vārṣikānmāsāṁstasthau lakṣmaṇasaṁyutaḥ cintayañjānakīṁ citte daśānanahṛtāṁ priyām

There he stayed for the rainy months, together with Lakshmana, ceaselessly thinking in his heart of Janaki, his beloved, carried off by the ten-faced one.

Verse 20 (devibhagavatam.3.29.20)

लक्ष्मणं प्राह रामस्तु सीताविरहपीडितः । सौमित्रे कैकयसुता जाता पूर्णमनोरथा

lakṣmaṇaṁ prāha rāmastu sītāvirahapīḍitaḥ saumitre kaikayasutā jātā pūrṇamanorathā

Rama, tormented by separation from Sita, said to Lakshmana: "O son of Sumitra, the daughter of Kaikeya has had her wish fully accomplished.

Verse 21 (devibhagavatam.3.29.21)

न प्राप्ता जानकी नूनं नाहं जीवामि तां विना । नागमिष्याम्ययोध्यायामृते जनकनन्दिनीम्

na prāptā jānakī nūnaṁ nāhaṁ jīvāmi tāṁ vinā nāgamiṣyāmyayodhyāyāmṛte janakanandinīm

I have not found Janaki; surely I cannot live without her. I shall not return to Ayodhya without the daughter of Janaka.

Verse 22 (devibhagavatam.3.29.22)

गतं राज्यं वने वासो मृतस्तातो हृता प्रिया । पीडयन्मां स दुष्टात्मा दैवोऽग्रे किं करिष्यति

gataṁ rājyaṁ vane vāso mṛtastāto hṛtā priyā pīḍayanmāṁ sa duṣṭātmā daivo'gre kiṁ kariṣyati

My kingdom is gone, I dwell in the forest, my father is dead, my beloved is taken — that evil-souled one torments me. What more will fate do to me hereafter?

Verse 23 (devibhagavatam.3.29.23)

दुर्ज्ञेयं भवितव्यं हि प्राणिनां भरतानुज । आवयोः का गतिस्तात भविष्यति सुदुःखदा

durjñeyaṁ bhavitavyaṁ hi prāṇināṁ bharatānuja āvayoḥ kā gatistāta bhaviṣyati suduḥkhadā

What is destined for beings is indeed hard to know, O younger brother of Bharata; what fate awaits the two of us, O dear one, that will bring such great suffering?

Verse 24 (devibhagavatam.3.29.24)

प्राप्य जन्म मनोर्वंशे राजपुत्रावुभौ किल । वनेऽतिदुःखभोक्तारौ जातौ पूर्वकृतेन च

prāpya janma manorvaṁśe rājaputrāvubhau kila vane'tiduḥkhabhoktārau jātau pūrvakṛtena ca

Obtaining birth in the lineage of Manu, both of us, princes indeed, born through some prior deed, have become sufferers of the greatest sorrow in the forest.

Verse 25 (devibhagavatam.3.29.25)

त्यक्त्वा त्वमपि भोगांस्तु मया सह विनिर्गतः । दैवयोगाच्च सौमित्रे भुङ्क्ष्व दुःखं दुरत्ययम्

tyaktvā tvamapi bhogāṁstu mayā saha vinirgataḥ daivayogācca saumitre bhuṅkṣva duḥkhaṁ duratyayam

You too, abandoning all comforts, set out with me; and now, O son of Sumitra, through the working of fate, you must endure this insurmountable sorrow.

Verse 26 (devibhagavatam.3.29.26)

न कोऽप्यस्मत्कुले पूर्वं मत्समो दुःखभाङ्नरः । अकिञ्चनोऽक्षमः क्लिष्टो न भूतो न भविष्यति

na ko'pyasmatkule pūrvaṁ matsamo duḥkhabhāṅnaraḥ akiñcano'kṣamaḥ kliṣṭo na bhūto na bhaviṣyati

Never before in our lineage has there been a man sharing sorrow equal to mine — destitute, powerless, afflicted — nor will there ever be.

Verse 27 (devibhagavatam.3.29.27)

किं करोम्यद्य सौमित्रे मग्नोऽस्मि दुःखसागरे । न चास्ति तरणोपायो ह्यसहायस्य मे किल

kiṁ karomyadya saumitre magno'smi duḥkhasāgare na cāsti taraṇopāyo hyasahāyasya me kila

What shall I do now, O son of Sumitra? I am sunk in an ocean of sorrow, and there is indeed no means of crossing it, for me, without any help.

Verse 28 (devibhagavatam.3.29.28)

न वित्तं न बलं वीर त्वमेकः सहचारकः । कोपं कस्मिन्करोम्यद्य भोगेस्मिन्स्वकृतेऽनुज

na vittaṁ na balaṁ vīra tvamekaḥ sahacārakaḥ kopaṁ kasminkaromyadya bhogesminsvakṛte'nuja

I have no wealth, no strength, O hero; you alone are my companion. Upon whom, then, shall I vent my anger for this suffering I have myself brought upon me, O younger brother?

Verse 29 (devibhagavatam.3.29.29)

गतं हस्तगतं राज्यं क्षणादिन्द्रासनोपमम् । वने वासस्तु सम्प्राप्तः को वेद विधिनिर्मितम्

gataṁ hastagataṁ rājyaṁ kṣaṇādindrāsanopamam vane vāsastu samprāptaḥ ko veda vidhinirmitam

My kingdom, once within my very grasp, like Indra's own throne, vanished in an instant; and I have obtained instead a dwelling in the forest — who can know what fate has ordained?

Verse 30 (devibhagavatam.3.29.30)

बालभावाच्च वैदेही चलिता चावयोः सह । नीता दैवेन दुष्टेन श्यामा दुःखतरां दशाम्

bālabhāvācca vaidehī calitā cāvayoḥ saha nītā daivena duṣṭena śyāmā duḥkhatarāṁ daśām

Out of childlike simplicity, Vaidehi set out together with the two of us; and by wicked fate that dark-eyed one has been brought to a state of the greatest sorrow.

Verse 31 (devibhagavatam.3.29.31)

लङ्केशस्य गृहे श्यामा कथं दुःखं भविष्यति । पतिव्रता सुशीला च मयि प्रीतियुता भृशम्

laṅkeśasya gṛhe śyāmā kathaṁ duḥkhaṁ bhaviṣyati pativratā suśīlā ca mayi prītiyutā bhṛśam

How much sorrow must that dark-eyed one be enduring now, in the house of the lord of Lanka — she who is devoted to her husband, of good conduct, and so deeply full of love for me!

Verse 32 (devibhagavatam.3.29.32)

न च लक्ष्मण वैदेही सा तस्य वशगा भवेत् । स्वैरिणीव वरारोहा कथं स्याज्जनकात्मजा

na ca lakṣmaṇa vaidehī sā tasya vaśagā bhavet svairiṇīva varārohā kathaṁ syājjanakātmajā

But no, Lakshmana, that Vaidehi would never submit to his will; how could the daughter of Janaka, that lovely one, ever become like a wanton woman?

Verse 33 (devibhagavatam.3.29.33)

त्यजेत्प्राणान्नियन्तृत्वे मैथिली भरतानुज । न रावणस्य वशगा भवेदिति सुनिश्चितम्

tyajetprāṇānniyantṛtve maithilī bharatānuja na rāvaṇasya vaśagā bhavediti suniścitam

She would rather give up her life than submit to his control, O younger brother of Bharata — that Maithili would never come under Ravana's sway; this is fully certain.

Verse 34 (devibhagavatam.3.29.34)

मृता चेज्जानकी वीर प्राणांस्त्यक्ष्याम्यसंशयम् । मृता चेदसितापाङ्गीं किं मे देहेन लक्ष्मण

mṛtā cejjānakī vīra prāṇāṁstyakṣyāmyasaṁśayam mṛtā cedasitāpāṅgīṁ kiṁ me dehena lakṣmaṇa

If Janaki has died, O hero, I too shall give up my life without doubt; if that dark-eyed one is dead, what use, O Lakshmana, is this body of mine?

Verse 35 (devibhagavatam.3.29.35)

एवं विलपमानं तं रामं कमललोचनम् । लक्ष्मणः प्राह धर्मात्मा सान्त्वयन्नृतया गिरा

evaṁ vilapamānaṁ taṁ rāmaṁ kamalalocanam lakṣmaṇaḥ prāha dharmātmā sāntvayannṛtayā girā

Thus wailing, that lotus-eyed Rama was addressed by the righteous Lakshmana, who consoled him with true and fitting words:

Verse 36 (devibhagavatam.3.29.36)

धैर्यं कुरु महाबाहो त्यक्त्वा कातरतामिह । आनयिष्यामि वैदेहीं हत्वा तं राक्षसाधमम्

dhairyaṁ kuru mahābāho tyaktvā kātaratāmiha ānayiṣyāmi vaidehīṁ hatvā taṁ rākṣasādhamam

"Have patience, O mighty-armed one, giving up your faintheartedness here; I shall bring back Vaidehi, having slain that basest of Rakshasas.

Verse 37 (devibhagavatam.3.29.37)

आपदि सम्पदि तुल्या धैर्याद्भवन्ति ते धीराः । अल्पधियस्तु निमग्नाः कष्टे भवन्ति विभवेऽपि

āpadi sampadi tulyā dhairyādbhavanti te dhīrāḥ alpadhiyastu nimagnāḥ kaṣṭe bhavanti vibhave'pi

Through steadfastness, the wise remain the same in adversity and in prosperity; but the small-minded remain sunk in distress even amid prosperity.

Verse 38 (devibhagavatam.3.29.38)

संयोगो विप्रयोगश्च दैवाधीनावुभावपि । शोकस्तु कीदृशस्तत्र देहेनात्मनि च क्वचित्

saṁyogo viprayogaśca daivādhīnāvubhāvapi śokastu kīdṛśastatra dehenātmani ca kvacit

Union and separation, both, are subject to fate alone; what use, then, is grief there, either for the body or in oneself, in any case?

Verse 39 (devibhagavatam.3.29.39)

राज्याद्यथा वने वासो वैदेह्या हरणं यथा । तथा काले समीचीने संयोगोऽपि भविष्यति

rājyādyathā vane vāso vaidehyā haraṇaṁ yathā tathā kāle samīcīne saṁyogo'pi bhaviṣyati

As dwelling in the forest came instead of the kingdom, and as the abduction of Vaidehi occurred, so too, at the fitting time, reunion will surely come to pass.

Verse 40 (devibhagavatam.3.29.40)

प्राप्तव्यं सुखदुःखानां भोगान्निर्वर्तनं क्वचित् । नान्यथा जानकीजाने तस्माच्छोकं त्यजाधुना

prāptavyaṁ sukhaduḥkhānāṁ bhogānnirvartanaṁ kvacit nānyathā jānakījāne tasmācchokaṁ tyajādhunā

The experience of pleasures and pains that is destined must be undergone; there is nowhere any turning it back, O husband of Janaki. Therefore give up grief now.

Verse 41 (devibhagavatam.3.29.41)

वानराः सन्ति भूयांसो गमिष्यन्ति चतुर्दिशम् । शुद्धिं जनकनन्दिन्या आनयिष्यन्ति ते किल

vānarāḥ santi bhūyāṁso gamiṣyanti caturdiśam śuddhiṁ janakanandinyā ānayiṣyanti te kila

There are countless monkeys; they will go in every direction; they will indeed bring news of the daughter of Janaka.

Verse 42 (devibhagavatam.3.29.42)

ज्ञात्वा मार्गस्थितिं तत्र गत्वा कृत्वा पराक्रमम् । हत्वा तं पापकर्माणमानयिष्यामि मैथिलीम्

jñātvā mārgasthitiṁ tatra gatvā kṛtvā parākramam hatvā taṁ pāpakarmāṇamānayiṣyāmi maithilīm

Learning of her whereabouts, going there, exerting my valor, and slaying that doer of sinful deeds, I shall bring back Maithili.

Verse 43 (devibhagavatam.3.29.43)

ससैन्यं भरतं वाऽपि समाहूय सहानुजम् । हनिष्यामो वयं शत्रुं किं शोचसि वृथाग्रज

sasainyaṁ bharataṁ vā'pi samāhūya sahānujam haniṣyāmo vayaṁ śatruṁ kiṁ śocasi vṛthāgraja

Or else, summoning Bharata with his army, together with our younger brother, we shall slay the enemy — why do you grieve in vain, O elder brother?

Verse 44 (devibhagavatam.3.29.44)

रघुणैकरथेनैव जिताः सर्वा दिशः पुरा । तद्वंशजः कथं शोकं कर्तुमर्हसि राघव

raghuṇaikarathenaiva jitāḥ sarvā diśaḥ purā tadvaṁśajaḥ kathaṁ śokaṁ kartumarhasi rāghava

By Raghu alone, with a single chariot, all the quarters were conquered in ancient times; how, O Raghava, being born of his lineage, should you give way to grief?

Verse 45 (devibhagavatam.3.29.45)

एकोऽहं सकलाञ्जेतुं समर्थोऽस्मि सुरासुरान् । किं पुनः ससहायो वै रावणं कुलपांसनम्

eko'haṁ sakalāñjetuṁ samartho'smi surāsurān kiṁ punaḥ sasahāyo vai rāvaṇaṁ kulapāṁsanam

I alone am capable of conquering all the gods and demons together — how much more, then, with allies, can I conquer Ravana, that disgrace to his own lineage?

Verse 46 (devibhagavatam.3.29.46)

जनकं वा समानीय साहाय्ये रघुनन्दन । हनिष्यामि दुराचारं रावणं सुरकण्टकम्

janakaṁ vā samānīya sāhāyye raghunandana haniṣyāmi durācāraṁ rāvaṇaṁ surakaṇṭakam

Or, O descendant of Raghu, bringing Janaka to our aid, I shall slay that ill-conducted Ravana, that thorn in the side of the gods.

Verse 47 (devibhagavatam.3.29.47)

सुखस्यानन्तरं दुःखं दुःखस्यानन्तरं सुखम् । चक्रनेमिरिवैकं यन्न भवेद्रघुनन्दन

sukhasyānantaraṁ duḥkhaṁ duḥkhasyānantaraṁ sukham cakranemirivaikaṁ yanna bhavedraghunandana

After happiness comes sorrow, and after sorrow comes happiness — like the rim of a wheel, which never stays fixed at one point, O descendant of Raghu.

Verse 48 (devibhagavatam.3.29.48)

मनोऽतिकातरं यस्य सुखदुःखसमुद्भवे । स शोकसागरे मग्नो न सुखी स्यात्कदाचन

mano'tikātaraṁ yasya sukhaduḥkhasamudbhave sa śokasāgare magno na sukhī syātkadācana

He whose mind is exceedingly faint-hearted at the arising of happiness or sorrow — sunk in an ocean of grief, he can never be happy.

Verse 49 (devibhagavatam.3.29.49)

इन्द्रेण व्यसनं प्राप्तं पुरा वै रघुनन्दन । नहुषः स्थापितो देवैः सर्वैर्मघवतः पदे

indreṇa vyasanaṁ prāptaṁ purā vai raghunandana nahuṣaḥ sthāpito devaiḥ sarvairmaghavataḥ pade

Indra too, O descendant of Raghu, once suffered great calamity; Nahusha was installed by all the gods in the place of Indra.

Verse 50 (devibhagavatam.3.29.50)

स्थितः पङ्कजमध्ये च बहुवर्षगणानपि । अज्ञातवासं मघवा भीतस्त्यक्त्वा निजं पदम्

sthitaḥ paṅkajamadhye ca bahuvarṣagaṇānapi ajñātavāsaṁ maghavā bhītastyaktvā nijaṁ padam

Indra dwelt hidden within a lotus for many, many years, living in disguise, fearful, having abandoned his own position.

Verse 51 (devibhagavatam.3.29.51)

पुनः प्राप्तं निजस्थानं काले विपरिवर्तिते । नहुषः पतितो भूमौ शापादजगराकृतिः

punaḥ prāptaṁ nijasthānaṁ kāle viparivartite nahuṣaḥ patito bhūmau śāpādajagarākṛtiḥ

Again, when time had turned about, he regained his own place; Nahusha fell to the earth, taking, through a curse, the form of a python.

Verse 52 (devibhagavatam.3.29.52)

इन्द्राणीं कामयानस्तु ब्राह्मणानवमन्य च । अगस्तिकोपात्सञ्जातः सर्पदेहो महीपतिः

indrāṇīṁ kāmayānastu brāhmaṇānavamanya ca agastikopātsañjātaḥ sarpadeho mahīpatiḥ

Desiring Indrani, and insulting the Brahmins, that lord became, through the wrath of Agastya, one with the body of a serpent.

Verse 53 (devibhagavatam.3.29.53)

तस्माच्छोको न कर्तव्यो व्यसने सति राघव । उद्यमे चित्तमास्थाय स्थातव्यं वै विपश्चिता

tasmācchoko na kartavyo vyasane sati rāghava udyame cittamāsthāya sthātavyaṁ vai vipaścitā

Therefore, when calamity occurs, grief should not be indulged in, O Raghava; the wise should remain steadfast, fixing their mind upon effort.

Verse 54 (devibhagavatam.3.29.54)

सर्वज्ञोऽसि महाभाग समर्थोऽसि जगत्पते । किं प्राकृत इवात्यर्थं कुरुषे शोकमात्मनि

sarvajño'si mahābhāga samartho'si jagatpate kiṁ prākṛta ivātyarthaṁ kuruṣe śokamātmani

You are all-knowing, O fortunate one; you are capable, O lord of the world — why, then, like a common man, do you indulge yourself so excessively in grief?"

Verse 55 (devibhagavatam.3.29.55)

व्यास उवाच । इति लक्ष्मणवाक्येन बोधितो रघुनन्दनः । त्यक्त्वा शोकं तथात्यर्थं बभूव विगतज्वरः

vyāsa uvāca iti lakṣmaṇavākyena bodhito raghunandanaḥ tyaktvā śokaṁ tathātyarthaṁ babhūva vigatajvaraḥ

Vyasa said: Thus roused by Lakshmana's words, that descendant of Raghu, giving up his grief entirely, became free from anguish.