The Slaying of Mahisha's Generals Bashkala and Durmukha

Verse 1 (devibhagavatam.5.13.1)

व्यास उवाच । इत्युक्त्वा तौ महाबाहू दैत्यौ बाष्कलदुर्मुखौ । जग्मतुर्मददिग्धाङ्गौ सर्वशस्त्रास्त्रकोविदौ

vyāsa uvāca | ityuktvā tau mahābāhū daityau bāṣkaladurmukhau | jagmaturmadadigdhāṅgau sarvaśastrāstrakovidau

Vyasa said: Thus addressed, those two mighty-armed daityas, Bashkala and Durmukha — their limbs smeared with the fury of battle-rage, skilled in every weapon and missile — set forth.

Verse 2 (devibhagavatam.5.13.2)

तौ गत्वा समरे देवीमूचतुर्वचनं तदा । दानवौ च मदोन्मत्तौ मेघगम्भीरया गिरा

tau gatvā samare devīmūcaturvacanaṁ tadā | dānavau ca madonmattau meghagambhīrayā girā

Reaching the battlefield, those two danavas, intoxicated with arrogance, spoke these words to the Goddess in a voice deep as thunderclouds.

Verse 3 (devibhagavatam.5.13.3)

देवि देवा जिता येन महिषेण महात्मना । वरय त्वं वरारोहे सर्वदैत्याधिपं नृपम्

devi devā jitā yena mahiṣeṇa mahātmanā | varaya tvaṁ varārohe sarvadaityādhipaṁ nṛpam

"O Goddess, O lovely one, choose as your husband that great-souled Mahisha, the king who is lord of all daityas, by whom the gods themselves have been conquered."

Verse 4 (devibhagavatam.5.13.4)

स कृत्वा मानुषं रूपं सर्वलक्षणसंयुतम् । भूषितं भूषणैर्दिव्यैस्त्वामेष्यति रहः किल

sa kṛtvā mānuṣaṁ rūpaṁ sarvalakṣaṇasaṁyutam | bhūṣitaṁ bhūṣaṇairdivyaistvāmeṣyati rahaḥ kila

"Taking on a human form marked with every auspicious sign and adorned with divine ornaments, he will indeed come to you in private."

Verse 5 (devibhagavatam.5.13.5)

त्रैलोक्यविभवं कामं त्वमेष्यसि शुचिस्मिते । महिषे परमं भावं कुरु कान्ते मनोगतम्

trailokyavibhavaṁ kāmaṁ tvameṣyasi śucismite | mahiṣe paramaṁ bhāvaṁ kuru kānte manogatam

"You shall obtain, just as you wish, the wealth of the three worlds, O sweetly-smiling one. Set your heart's deepest love, O beloved, upon Mahisha."

Verse 6 (devibhagavatam.5.13.6)

कृत्वा पतिं महावीरं संसारसुखमद्भुतम् । त्वं प्राप्स्यसि पिकालापे योषितां खलु वाञ्छितम्

kṛtvā patiṁ mahāvīraṁ saṁsārasukhamadbhutam | tvaṁ prāpsyasi pikālāpe yoṣitāṁ khalu vāñchitam

"Making that great hero your husband, you will attain wondrous worldly happiness, O cuckoo-voiced one — indeed, this is exactly what every woman desires."

Verse 7 (devibhagavatam.5.13.7)

देव्युवाच । जाल्म त्वं किं विजानासि नारीयं काममोहिता । मन्दबुद्धिबलात्यर्थं भजेयं महिषं शठम्

devyuvāca | jālma tvaṁ kiṁ vijānāsi nārīyaṁ kāmamohitā | mandabuddhibalātyarthaṁ bhajeyaṁ mahiṣaṁ śaṭham

The Goddess said: "O wretch, what do you understand? Do you take this woman for one deluded by desire — that out of sheer feeble-mindedness she would ever love that deceitful Mahisha?"

Verse 8 (devibhagavatam.5.13.8)

कुलशीलगुणैस्तुल्यं तं भजन्ति कुलस्त्रियः । अधिकं रूपचातुर्यबुद्धिशीलक्षमादिभिः

kulaśīlaguṇaistulyaṁ taṁ bhajanti kulastriyaḥ | adhikaṁ rūpacāturyabuddhiśīlakṣamādibhiḥ

"Women of noble family love only one who equals them in lineage, character, and virtue — and who surpasses them, moreover, in beauty, cleverness, intelligence, good conduct, and forbearance."

Verse 9 (devibhagavatam.5.13.9)

का नु कामातुरा नारी भजेच्च पशुरूपिणम् । पशूनामधमं नूनं महिषं देवरूपिणी

kā nu kāmāturā nārī bhajecca paśurūpiṇam | paśūnāmadhamaṁ nūnaṁ mahiṣaṁ devarūpiṇī

"What woman, however tortured by desire, would ever love one in the form of a beast? I am of divine form — I would surely never love Mahisha, lowest among beasts."

Verse 10 (devibhagavatam.5.13.10)

गच्छतं महिषं तूर्णं भूपं बाष्कलदुर्मुखौ । वदतं मद्वचो दैत्यं गजतुल्यं विषाणिनम्

gacchataṁ mahiṣaṁ tūrṇaṁ bhūpaṁ bāṣkaladurmukhau | vadataṁ madvaco daityaṁ gajatulyaṁ viṣāṇinam

"Go quickly, Bashkala and Durmukha, to King Mahisha, and speak my words to that horned daitya, huge as an elephant."

Verse 11 (devibhagavatam.5.13.11)

पातालं गच्छ वाभ्येत्य सङ्ग्रामं कुरु वा मया । रणे जाते सहस्राक्षो निर्भयः स्यादिति धुवम्

pātālaṁ gaccha vābhyetya saṅgrāmaṁ kuru vā mayā | raṇe jāte sahasrākṣo nirbhayaḥ syāditi dhuvam

"Either go down to Patala, or come and do battle with me. Once war is joined, thousand-eyed Indra shall surely become free of fear."

Verse 12 (devibhagavatam.5.13.12)

हत्वाहं त्वां गमिष्यामि नान्यथा गमनं मम । इत्थं ज्ञात्वा सुदुर्बुद्धे यथेच्छसि तथा कुरु

hatvāhaṁ tvāṁ gamiṣyāmi nānyathā gamanaṁ mama | itthaṁ jñātvā sudurbuddhe yathecchasi tathā kuru

"I shall depart only after slaying you — there is no other way I will go. Knowing this, O evil-minded one, do as you please."

Verse 13 (devibhagavatam.5.13.13)

मामनिर्जित्य भूभागे न स्थानं ते कदाचन । भविष्यति चतुष्पाद दिवि वा गिरिकन्दरे

māmanirjitya bhūbhāge na sthānaṁ te kadācana | bhaviṣyati catuṣpāda divi vā girikandare

"Without conquering me, O four-footed one, you shall find no place anywhere — not on this earth, not in heaven, not even in a mountain cave."

Verse 14 (devibhagavatam.5.13.14)

व्यास उवाच । इत्युक्तौ तौ तया दैत्यौ कोपाकुलितलोचनौ । धनुर्बाणधरौ वीरौ युद्धकामौ बभूवतुः

vyāsa uvāca | ityuktau tau tayā daityau kopākulitalocanau | dhanurbāṇadharau vīrau yuddhakāmau babhūvatuḥ

Vyasa said: Thus addressed by her, those two daityas, their eyes wild with fury, took up bow and arrows and, being valiant, grew eager for battle.

Verse 15 (devibhagavatam.5.13.15)

कृत्वा सुविपुलं नादं देवी सा निर्भया स्थिता । उभौ च चक्रतुस्तीव्रा बाणवृष्टिं कुरूद्वह

kṛtvā suvipulaṁ nādaṁ devī sā nirbhayā sthitā | ubhau ca cakratustīvrā bāṇavṛṣṭiṁ kurūdvaha

Uttering a tremendous roar, the Goddess stood there fearless; and the two of them, O best of the Kurus, unleashed a fierce shower of arrows.

Verse 16 (devibhagavatam.5.13.16)

भगवत्यपि बाणौघान्मुमोच दानवौ प्रति । कृत्वातिमधुरं नादं देवकार्यार्थसिद्धये

bhagavatyapi bāṇaughānmumoca dānavau prati | kṛtvātimadhuraṁ nādaṁ devakāryārthasiddhaye

The Goddess too, making a most sweet sound, loosed torrents of arrows at the two danavas, so as to accomplish the purpose of the gods.

Verse 17 (devibhagavatam.5.13.17)

तयोस्तु बाष्कलस्तूर्णं सम्मुखोऽभूद् रणाङ्गणे । दुर्मुखः प्रेक्षकस्तत्र देवीमभिमुखः स्थितः

tayostu bāṣkalastūrṇaṁ sammukho'bhūd raṇāṅgaṇe | durmukhaḥ prekṣakastatra devīmabhimukhaḥ sthitaḥ

Of the two, Bashkala swiftly stood face to face with her on the battlefield, while Durmukha remained there, standing opposite the Goddess, merely watching.

Verse 18 (devibhagavatam.5.13.18)

तयोर्युद्धमभूद् घोरं देवीबाष्कलयोस्तदा । बाणासिपरिघाघातैर्भयदं मन्दचेतसाम्

tayoryuddhamabhūd ghoraṁ devībāṣkalayostadā | bāṇāsiparighāghātairbhayadaṁ mandacetasām

Then a terrible battle broke out between the Goddess and Bashkala, dreadful with the blows of arrows, swords, and iron clubs — a fearsome sight to the faint of heart.

Verse 19 (devibhagavatam.5.13.19)

ततः क्रुद्धा जगन्माता दृष्ट्वा तं युद्धदुर्मदम् । जघान पञ्चभिर्बाणैः कर्णाकृष्टैः शिलाशितैः

tataḥ kruddhā jaganmātā dṛṣṭvā taṁ yuddhadurmadam | jaghāna pañcabhirbāṇaiḥ karṇākṛṣṭaiḥ śilāśitaiḥ

Then the Mother of the world, enraged at seeing him crazed with battle-fury, struck him with five arrows — sharpened on stone and drawn back to her very ear.

Verse 20 (devibhagavatam.5.13.20)

दानवोऽपि शरान्देव्याश्चिच्छेद निशितैः शरैः । सप्तभिस्ताडयामास देवीं सिंहोपरिस्थिताम्

dānavo'pi śarāndevyāściccheda niśitaiḥ śaraiḥ | saptabhistāḍayāmāsa devīṁ siṁhoparisthitām

The danava, in turn, cut down the Goddess's arrows with his own sharp shafts, and struck the Goddess as she sat upon her lion with seven arrows.

Verse 21 (devibhagavatam.5.13.21)

सापि तं दशभिस्तीक्ष्णैः सुपीतैः सायकैः खलम् । जघान तच्छरांश्छित्त्वा जहास च मुहुर्मुहुः

sāpi taṁ daśabhistīkṣṇaiḥ supītaiḥ sāyakaiḥ khalam | jaghāna taccharāṁśchittvā jahāsa ca muhurmuhuḥ

She, in turn, struck the wicked one with ten sharp, well-honed arrows, and having cut down his shafts, she laughed again and again.

Verse 22 (devibhagavatam.5.13.22)

अर्धचन्द्रेण बाणेन चिच्छेद च शरासनम् । बाष्कलोऽपि गदां गृह्य देवीं हन्तुमुपाययौ

ardhacandreṇa bāṇena ciccheda ca śarāsanam | bāṣkalo'pi gadāṁ gṛhya devīṁ hantumupāyayau

With a crescent-shaped arrow, she severed his bow; whereupon Bashkala, seizing a mace, advanced to slay the Goddess.

Verse 23 (devibhagavatam.5.13.23)

आगच्छन्तं गदापाणिं दानवं मदगर्वितम् । चण्डिका स्वगदापातैः पातयामास भूतले

āgacchantaṁ gadāpāṇiṁ dānavaṁ madagarvitam | caṇḍikā svagadāpātaiḥ pātayāmāsa bhūtale

Seeing the mace-wielding danava advancing, swollen with pride, Chandika struck him down to the ground with blows of her own mace.

Verse 24 (devibhagavatam.5.13.24)

बाष्कलः पतितो भूमौ मुहूर्तादुत्थितः पुनः । चिक्षेप च गदां सोऽपि चण्डिकां चण्डविक्रमः

bāṣkalaḥ patito bhūmau muhūrtādutthitaḥ punaḥ | cikṣepa ca gadāṁ so'pi caṇḍikāṁ caṇḍavikramaḥ

Bashkala, having fallen to the ground, rose again after a moment, and he too, of fierce valor, hurled his mace at Chandika.

Verse 25 (devibhagavatam.5.13.25)

तमागच्छन्तमालोक्य देवी शूलेन वक्षसि । जघान बाष्कलं क्रुद्धा पपात च ममार सः

tamāgacchantamālokya devī śūlena vakṣasi | jaghāna bāṣkalaṁ kruddhā papāta ca mamāra saḥ

Seeing him coming, the enraged Goddess struck Bashkala in the chest with her trident; he fell down and died.

Verse 26 (devibhagavatam.5.13.26)

पतिते बाष्कले सैन्यं भग्नं तस्य दुरात्मनः । जयेति च मुदा देवाश्चुक्रुशुर्गगने स्थिताः

patite bāṣkale sainyaṁ bhagnaṁ tasya durātmanaḥ | jayeti ca mudā devāścukruśurgagane sthitāḥ

When Bashkala fell, the army of that evil-souled one broke and scattered; and the gods, stationed in the sky, cried out "Victory!" with joy.

Verse 27 (devibhagavatam.5.13.27)

तस्मिंश्च निहते दैत्ये दुर्मुखोऽतिबलान्वितः । आजगाम रणे देवीं क्रोधसंरक्तलोचनः

tasmiṁśca nihate daitye durmukho'tibalānvitaḥ | ājagāma raṇe devīṁ krodhasaṁraktalocanaḥ

With that daitya slain, Durmukha — of immense strength, his eyes bloodshot with rage — came forth against the Goddess on the field of battle.

Verse 28 (devibhagavatam.5.13.28)

तिष्ठ तिष्ठाबले सोऽपि भाषमाणः पुनः पुनः । धनुर्बाणधरः श्रीमान्रथस्थः कवचावृतः

tiṣṭha tiṣṭhābale so'pi bhāṣamāṇaḥ punaḥ punaḥ | dhanurbāṇadharaḥ śrīmānrathasthaḥ kavacāvṛtaḥ

Standing on his chariot, clad in armor, splendid, bow and arrow in hand, he too cried out again and again, "Stand your ground, stand, O feeble one!"

Verse 29 (devibhagavatam.5.13.29)

तमागच्छन्तमालोक्य देवी शङ्खमवादयत् । कोपयन्ती दानवं तं ज्याघोषञ्च चकार ह

tamāgacchantamālokya devī śaṅkhamavādayat | kopayantī dānavaṁ taṁ jyāghoṣañca cakāra ha

Seeing him approaching, the Goddess sounded her conch and, further provoking the danava, twanged her bowstring loudly.

Verse 30 (devibhagavatam.5.13.30)

सोऽपि बाणान्मुमोचाशु तीक्ष्णानाशीविषोपमान् । स्वबाणैस्तान्महामाया चिच्छेद च ननाद च

so'pi bāṇānmumocāśu tīkṣṇānāśīviṣopamān | svabāṇaistānmahāmāyā ciccheda ca nanāda ca

He too swiftly released sharp arrows like venomous serpents; Mahamaya cut them all down with her own arrows and roared aloud.

Verse 31 (devibhagavatam.5.13.31)

तयोः परस्परं युद्धं बभूव तुमुलं नृप । बाणशक्तिगदाघातैर्मुसलैस्तोमरैस्तथा

tayoḥ parasparaṁ yuddhaṁ babhūva tumulaṁ nṛpa | bāṇaśaktigadāghātairmusalaistomaraistathā

A tumultuous battle then arose between the two of them, O king, with blows of arrows, spears, maces, clubs, and javelins.

Verse 32 (devibhagavatam.5.13.32)

रणभूमौ तदा जाता रुधिरौघवहा नदी । पतितानि तदा तीरे शिरांसि प्रबभुस्तदा

raṇabhūmau tadā jātā rudhiraughavahā nadī | patitāni tadā tīre śirāṁsi prababhustadā

On the battlefield there then arose a river carrying torrents of blood, and upon its banks the fallen heads lay shining.

Verse 33 (devibhagavatam.5.13.33)

यथा सन्तरणार्थाय यमकिङ्करनायकैः । तुम्बीफलानि नीतानि नवशिक्षापरैर्मुदा

yathā santaraṇārthāya yamakiṅkaranāyakaiḥ | tumbīphalāni nītāni navaśikṣāparairmudā

As though they were gourds brought there for the crossing, joyfully carried by the newly-trained chiefs among Yama's attendants, still learning their craft.

Verse 34 (devibhagavatam.5.13.34)

रणभूमिस्तदा घोरा बभूवातीव दुर्गमा । शरीरैः पतितैर्भूमौ खाद्यमानैर्वृकादिभिः

raṇabhūmistadā ghorā babhūvātīva durgamā | śarīraiḥ patitairbhūmau khādyamānairvṛkādibhiḥ

The battlefield then became terrible and utterly impassable, littered with fallen bodies being devoured by wolves and other scavengers.

Verse 35 (devibhagavatam.5.13.35)

गोमायुसारमेयाश्च काकाः कङ्का अयोमुखाः । गृध्रा श्येनाश्च खादन्ति शरीराणि दुरात्मनाम्

gomāyusārameyāśca kākāḥ kaṅkā ayomukhāḥ | gṛdhrā śyenāśca khādanti śarīrāṇi durātmanām

Jackals and dogs, crows, herons, iron-beaked birds, vultures and hawks devoured the bodies of the evil-souled.

Verse 36 (devibhagavatam.5.13.36)

ववौ वायुश्च दुर्गन्धो मृतानां देहसङ्गतः । अभूत्किलकिलाशब्दः खगानां पलभक्षिणाम्

vavau vāyuśca durgandho mṛtānāṁ dehasaṅgataḥ | abhūtkilakilāśabdaḥ khagānāṁ palabhakṣiṇām

A foul wind blew, thick with the stench of dead bodies; and a shrill clamor rose from the flesh-eating birds.

Verse 37 (devibhagavatam.5.13.37)

तदा चुकोप दुष्टात्मा दुर्मुखः कालमोहितः । देवीमुवाच गर्वेण कृत्वा चोर्ध्वकरं शुभम्

tadā cukopa duṣṭātmā durmukhaḥ kālamohitaḥ | devīmuvāca garveṇa kṛtvā cordhvakaraṁ śubham

Then the evil-souled Durmukha, deluded by his approaching death, grew furious, and lifting his hand aloft, spoke to the Goddess with arrogance.

Verse 38 (devibhagavatam.5.13.38)

गच्छ चण्डि हनिष्यामि त्वामद्यैव सुबालिशे । दैत्यं वा भज वामोरु महिषं मदगर्वितम्

gaccha caṇḍi haniṣyāmi tvāmadyaiva subāliśe | daityaṁ vā bhaja vāmoru mahiṣaṁ madagarvitam

"Go, O Chandi! I shall kill you this very day, foolish woman! Or else, O fair-thighed one, take as your husband that daitya Mahisha, proud in his strength."

Verse 39 (devibhagavatam.5.13.39)

देव्युवाच । आसन्नमरणः कामं प्रलपस्यद्य मोहितः । अद्यैव त्वां हनिष्यामि यथायं बाष्कलो हतः

devyuvāca | āsannamaraṇaḥ kāmaṁ pralapasyadya mohitaḥ | adyaiva tvāṁ haniṣyāmi yathāyaṁ bāṣkalo hataḥ

The Goddess said: "Your death is indeed near, that you rave on so, deluded as you are. This very day I shall slay you, just as Bashkala here has been slain."

Verse 40 (devibhagavatam.5.13.40)

गच्छ वा तिष्ठ वा मन्द मरणं यदि रोचते । हत्वा त्वां वै वधिष्यामि बालिशं महिषीसुतम्

gaccha vā tiṣṭha vā manda maraṇaṁ yadi rocate | hatvā tvāṁ vai vadhiṣyāmi bāliśaṁ mahiṣīsutam

"Go, or stay, O fool, if death is what pleases you. Having killed you, I shall then slay that foolish son of a she-buffalo, Mahisha, as well."

Verse 41 (devibhagavatam.5.13.41)

तच्छ्रुत्वा वचनं तस्या दुर्मुखो मर्तुमुद्यतः । मुमोच बाणवृष्टिं तु चण्डिकां प्रति दारुणाम्

tacchrutvā vacanaṁ tasyā durmukho martumudyataḥ | mumoca bāṇavṛṣṭiṁ tu caṇḍikāṁ prati dāruṇām

Hearing her words, Durmukha, now driven to seek death, let loose a dreadful shower of arrows at Chandika.

Verse 42 (devibhagavatam.5.13.42)

सापि तां तरसा छित्त्वा बाणवृष्टिं शितैः शरैः । जघान दानवं कृद्धा वृत्रं वज्रधरो यथा

sāpi tāṁ tarasā chittvā bāṇavṛṣṭiṁ śitaiḥ śaraiḥ | jaghāna dānavaṁ kṛddhā vṛtraṁ vajradharo yathā

She too swiftly cut down that shower of arrows with her own sharp shafts, and struck the danava in fury, even as the wielder of the thunderbolt once struck Vritra.

Verse 43 (devibhagavatam.5.13.43)

तयोः परस्परं युद्धं सञ्जातं चातिकर्कशम् । भयदं कातराणाञ्च शूराणां बलवर्धनम्

tayoḥ parasparaṁ yuddhaṁ sañjātaṁ cātikarkaśam | bhayadaṁ kātarāṇāñca śūrāṇāṁ balavardhanam

A most fierce battle then broke out between the two of them, dreadful to cowards and heartening to the brave.

Verse 44 (devibhagavatam.5.13.44)

देवी चिच्छेद तरसा धनुस्तस्य करे स्थितम् । तथैव पञ्चभिर्बाणैर्बभञ्ज रथमुत्तमम्

devī ciccheda tarasā dhanustasya kare sthitam | tathaiva pañcabhirbāṇairbabhañja rathamuttamam

The Goddess swiftly severed the bow in his hand, and with five more arrows, likewise shattered his splendid chariot.

Verse 45 (devibhagavatam.5.13.45)

रथे भग्ने महाबाहुः पदातिर्दुर्मुखस्तदा । गदां गहीत्वा दुर्धर्षां जगाम चण्डिकां प्रति

rathe bhagne mahābāhuḥ padātirdurmukhastadā | gadāṁ gahītvā durdharṣāṁ jagāma caṇḍikāṁ prati

With his chariot destroyed, the mighty-armed Durmukha, now on foot, seized a formidable mace and advanced upon Chandika.

Verse 46 (devibhagavatam.5.13.46)

चकार स गदाघातं सिंहमौलौ महाबलः । न चचाल हरिः स्थानात्ताडितोऽपि महाबलः

cakāra sa gadāghātaṁ siṁhamaulau mahābalaḥ | na cacāla hariḥ sthānāttāḍito'pi mahābalaḥ

That mighty one struck a blow of his mace upon the lion's head; yet the powerful lion, even though struck, did not budge from its place.

Verse 47 (devibhagavatam.5.13.47)

अम्बिका तं समालोक्य गदापाणिं पुरःस्थितम् । खड्गेन शितधारेण शिरश्चिच्छेद मौलिमत्

ambikā taṁ samālokya gadāpāṇiṁ puraḥsthitam | khaḍgena śitadhāreṇa śiraściccheda maulimat

Seeing him standing before her, mace in hand, Ambika cut off his crowned head with her sharp-edged sword.

Verse 48 (devibhagavatam.5.13.48)

छिन्ने च मस्तके भूमौ पपात दुर्मुखो मृतः । जयशब्दं तदा चक्रुर्मुदिता निर्जरा भृशम्

chinne ca mastake bhūmau papāta durmukho mṛtaḥ | jayaśabdaṁ tadā cakrurmuditā nirjarā bhṛśam

With his head severed, Durmukha fell dead to the ground; and the immortals, greatly delighted, raised aloud a cry of victory.

Verse 49 (devibhagavatam.5.13.49)

तुष्टुवुस्तां तदा देवीं दुर्मुखे निहतेऽमराः । पुष्पवृष्टिं तथा चक्रुर्जयशब्दं नभःस्थिताः

tuṣṭuvustāṁ tadā devīṁ durmukhe nihate'marāḥ | puṣpavṛṣṭiṁ tathā cakrurjayaśabdaṁ nabhaḥsthitāḥ

With Durmukha slain, the immortals then praised the Goddess, showered flowers down upon her, and, standing in the sky, raised cries of victory.

Verse 50 (devibhagavatam.5.13.50)

ऋषयः सिद्धगन्धर्वाः सविद्याधरकिन्नराः । जहृषुस्तं हतं दृष्ट्वा दानवं रणमस्तके

ṛṣayaḥ siddhagandharvāḥ savidyādharakinnarāḥ | jahṛṣustaṁ hataṁ dṛṣṭvā dānavaṁ raṇamastake

The sages, siddhas, and gandharvas, together with the vidyadharas and kinnaras, rejoiced greatly to see that danava lying dead at the height of the battle.