The Slaying of Tamra and Chikshura

Verse 1 (devibhagavatam.5.14.1)

व्यास उवाच । दुर्मुखं निहतं श्रुत्वा महिषः क्रोधमूर्च्छितः । उवाच दानवान्सर्वान्किं जातमिति चासकृत्

vyāsa uvāca | durmukhaṁ nihataṁ śrutvā mahiṣaḥ krodhamūrcchitaḥ | uvāca dānavānsarvānkiṁ jātamiti cāsakṛt

Vyasa said: Hearing that Durmukha had been slain, Mahisha, overcome with rage, said to all the danavas, again and again, "What has happened?"

Verse 2 (devibhagavatam.5.14.2)

निहतौ दानवौ शूरौ रणे दुर्मुखबाष्कलौ । तन्व्या तत्परमाश्चर्यं पश्यन्तु दैवचेष्टितम्

nihatau dānavau śūrau raṇe durmukhabāṣkalau | tanvyā tatparamāścaryaṁ paśyantu daivaceṣṭitam

"The two heroic danavas, Durmukha and Bashkala, have been slain in battle by that slender woman — a supreme wonder! Behold the workings of fate."

Verse 3 (devibhagavatam.5.14.3)

कालो हि बलवान्कर्ता सततं सुखदुःखयोः । नराणां परतन्त्राणां पुण्यपापानुयोगतः

kālo hi balavānkartā satataṁ sukhaduḥkhayoḥ | narāṇāṁ paratantrāṇāṁ puṇyapāpānuyogataḥ

"Time indeed is the powerful agent, ever the cause of happiness and sorrow for men who are dependent on it, according to the working-out of their merit and sin."

Verse 4 (devibhagavatam.5.14.4)

निहतौ दानवश्रेष्ठौ किं कर्तव्यमतः परम् । ब्रुवन्तु मिलिताः सर्वे यद्युक्तं कार्यसङ्कटे

nihatau dānavaśreṣṭhau kiṁ kartavyamataḥ param | bruvantu militāḥ sarve yadyuktaṁ kāryasaṅkaṭe

"The two foremost danavas have been slain — what then is to be done now? Let all of you assemble and say what is fitting in this dangerous crisis."

Verse 5 (devibhagavatam.5.14.5)

व्यास उवाच । एवं ब्रुवति राजेन्द्र महिषेऽतिबलान्विते । चिक्षुराख्यस्तु सेनानीस्तमुवाच महारथः

vyāsa uvāca | evaṁ bruvati rājendra mahiṣe'tibalānvite | cikṣurākhyastu senānīstamuvāca mahārathaḥ

Vyasa said: While Mahisha, endowed with immense strength, spoke thus, O lord of kings, the great chariot-warrior and general named Chikshura said to him:

Verse 6 (devibhagavatam.5.14.6)

राजन्नहं हनिष्यामि का चिन्ता स्त्रीविहिंसने । इत्युक्त्वा स्वबलैर्युक्तः प्रययौ रथसंयुतः

rājannahaṁ haniṣyāmi kā cintā strīvihiṁsane | ityuktvā svabalairyuktaḥ prayayau rathasaṁyutaḥ

"O king, I myself shall slay her — what worry is there in the killing of a mere woman?" So saying, joined with his own forces, he set out mounted upon his chariot.

Verse 7 (devibhagavatam.5.14.7)

द्वितीयं पार्ष्णिरक्षं तु कृत्वा ताम्रं महाबलम् । महता सैन्यघोषेण पूरयन्गगनं दिशः

dvitīyaṁ pārṣṇirakṣaṁ tu kṛtvā tāmraṁ mahābalam | mahatā sainyaghoṣeṇa pūrayangaganaṁ diśaḥ

Making the mighty Tamra his rearguard protector, he filled the sky and all directions with the great roar of his army.

Verse 8 (devibhagavatam.5.14.8)

तमागच्छन्तमालोक्य देवी भगवती शिवा । चकार शङ्खज्याघोषं घण्टानादं महाद्भुतम्

tamāgacchantamālokya devī bhagavatī śivā | cakāra śaṅkhajyāghoṣaṁ ghaṇṭānādaṁ mahādbhutam

Seeing him advance, the auspicious and blessed Goddess sounded her conch, twanged her bowstring, and rang her bell — a most wondrous clamor.

Verse 9 (devibhagavatam.5.14.9)

तत्रसुस्तेन शब्देन ते च सर्वे सुरारयः । किमेतदिति भाषन्तो दुद्रुवुर्भयकम्पिताः

tatrasustena śabdena te ca sarve surārayaḥ | kimetaditi bhāṣanto dudruvurbhayakampitāḥ

At that sound, all those enemies of the gods trembled with fear, and crying "What is this?" fled in terror.

Verse 10 (devibhagavatam.5.14.10)

चिक्षुराख्यस्तु तान्दृष्ट्वा पलायनपरायणान् । उवाचातीव सङ्कुद्धः किं भयं वः समागतम्

cikṣurākhyastu tāndṛṣṭvā palāyanaparāyaṇān | uvācātīva saṅkuddhaḥ kiṁ bhayaṁ vaḥ samāgatam

Seeing them bent on flight, Chikshura, greatly enraged, said, "Why has fear overtaken you?"

Verse 11 (devibhagavatam.5.14.11)

अद्यैवाहं हनिष्यामि बाणैर्बालां मदोन्नताम् । तिष्ठन्त्वत्र भयं त्यक्त्वा दैत्याः समरमूर्धनि

adyaivāhaṁ haniṣyāmi bāṇairbālāṁ madonnatām | tiṣṭhantvatra bhayaṁ tyaktvā daityāḥ samaramūrdhani

"This very day I shall slay with my arrows this proud young girl. Let the daityas stand here at the height of battle, abandoning their fear."

Verse 12 (devibhagavatam.5.14.12)

इत्युक्त्वा दानवश्रेष्ठश्चापपाणिर्बलान्वितः । आगत्य सङ्गरे देवीमित्युवाच गतव्यथः

ityuktvā dānavaśreṣṭhaścāpapāṇirbalānvitaḥ | āgatya saṅgare devīmityuvāca gatavyathaḥ

So saying, that foremost of danavas, bow in hand and full of strength, came into battle and, his anxiety gone, spoke thus to the Goddess:

Verse 13 (devibhagavatam.5.14.13)

किं गर्जसि विशालाक्षि भीषयन्तीतरान्नरान् । नाहं बिभेमि तन्वङ्गि श्रुत्वा तेऽद्य विचेष्टितम्

kiṁ garjasi viśālākṣi bhīṣayantītarānnarān | nāhaṁ bibhemi tanvaṅgi śrutvā te'dya viceṣṭitam

"Why do you roar so, O large-eyed one, frightening other men? I, O slender-limbed one, do not fear, having heard today of your bold behavior."

Verse 14 (devibhagavatam.5.14.14)

स्त्रीवधे दूषणं ज्ञात्वा तथैवाकीर्तिसम्भवम् । उपेक्षां कुरुते चित्तं मदीयं वामलोचने

strīvadhe dūṣaṇaṁ jñātvā tathaivākīrtisambhavam | upekṣāṁ kurute cittaṁ madīyaṁ vāmalocane

"Knowing the fault of slaying a woman, and likewise the disgrace that would follow it, my mind, O fair-eyed one, chooses to overlook you."

Verse 15 (devibhagavatam.5.14.15)

स्त्रीणां युद्धं कटाक्षैश्च तथा हावैश्च सुन्दरि । न शस्त्रैर्विहितं क्वापि त्वादृशीनां कदाचन

strīṇāṁ yuddhaṁ kaṭākṣaiśca tathā hāvaiśca sundari | na śastrairvihitaṁ kvāpi tvādṛśīnāṁ kadācana

"For women, O beauty, battle is waged with sidelong glances and amorous gestures — never at any time with weapons for one such as you."

Verse 16 (devibhagavatam.5.14.16)

पुष्पैरपि न योद्धव्यं किं पुनर्निशितैः शरैः । भवादृशीनां देहेषु दुनोति मालतीदलम्

puṣpairapi na yoddhavyaṁ kiṁ punarniśitaiḥ śaraiḥ | bhavādṛśīnāṁ deheṣu dunoti mālatīdalam

"One should not even fight with flowers, let alone with sharp arrows — for bodies like yours, even a jasmine petal causes pain."

Verse 17 (devibhagavatam.5.14.17)

धिग्जन्म मानुषे लोके क्षात्रधर्मानुजीविनाम् । लालितोऽयं प्रियो देहः कृन्तनीयः शितैः शरैः

dhigjanma mānuṣe loke kṣātradharmānujīvinām | lālito'yaṁ priyo dehaḥ kṛntanīyaḥ śitaiḥ śaraiḥ

"Shame on birth in the human world for those who live by the warrior's duty! This dear body, so tenderly reared, must be cut apart by sharp arrows."

Verse 18 (devibhagavatam.5.14.18)

तैलाभ्यङ्गैः पुष्पवातैस्तथा मिष्टान्नभोजनैः । पोषितोऽयं प्रियो देहो घातनीयः परेषुभिः

tailābhyaṅgaiḥ puṣpavātaistathā miṣṭānnabhojanaiḥ | poṣito'yaṁ priyo deho ghātanīyaḥ pareṣubhiḥ

"This dear body, nourished with oil-massages, garlands of flowers, and sweet food — must be struck down by the arrows of another."

Verse 19 (devibhagavatam.5.14.19)

देहं छित्त्वासिधाराभिर्धनभृज्जायते नरः । धिग्धनं दुःखदं पूर्वं पश्चात्किं सुखदं भवेत्

dehaṁ chittvāsidhārābhirdhanabhṛjjāyate naraḥ | dhigdhanaṁ duḥkhadaṁ pūrvaṁ paścātkiṁ sukhadaṁ bhavet

"Having his body cut by the edge of a sword, a man becomes wealthy in glory — shame on such wealth! Painful at first, how could it become a source of happiness afterward?"

Verse 20 (devibhagavatam.5.14.20)

त्वमप्यज्ञैव वामोरु युद्धमाकाङ्क्षसे यतः । सुखं सम्भोगजं त्यक्त्वा कं गुणं वेत्सि सङ्गरे

tvamapyajñaiva vāmoru yuddhamākāṅkṣase yataḥ | sukhaṁ sambhogajaṁ tyaktvā kaṁ guṇaṁ vetsi saṅgare

"You too, O fair-thighed one, are simply ignorant, in that you long for battle — abandoning the pleasure born of union, what merit do you find in warfare?"

Verse 21 (devibhagavatam.5.14.21)

खड्गपातं गदाघातं भेदनञ्ज शिलीमुखैः । मरणान्ते तु संस्कारो गोमायुमुखकर्षणम्

khaḍgapātaṁ gadāghātaṁ bhedanañja śilīmukhaiḥ | maraṇānte tu saṁskāro gomāyumukhakarṣaṇam

"The fall of the sword, the blow of the mace, piercing by arrows — and at the end of death, the funeral rite is but the dragging of the body into the mouths of jackals."

Verse 22 (devibhagavatam.5.14.22)

तस्यैव कविभिर्धूर्तैः कृतं चातीव शंसनम् । रणे मृतानां स्वःप्राप्तिरर्थवादोऽस्ति केवलः

tasyaiva kavibhirdhūrtaiḥ kṛtaṁ cātīva śaṁsanam | raṇe mṛtānāṁ svaḥprāptirarthavādo'sti kevalaḥ

"And for that very death, cunning poets have composed excessive praise — that those who die in battle attain heaven is merely a rhetorical flourish, nothing more."

Verse 23 (devibhagavatam.5.14.23)

तस्माद् गच्छ वरारोहे यत्र ते रमते मनः । भज वा भूपतिं नाथं हयारिं सुरमर्दनम्

tasmād gaccha varārohe yatra te ramate manaḥ | bhaja vā bhūpatiṁ nāthaṁ hayāriṁ suramardanam

"Therefore, O lovely one, go wherever your heart delights; or take as your lord that king, the crusher of the gods, the enemy of horses."

Verse 24 (devibhagavatam.5.14.24)

व्यास उवाच । एवं ब्रुवाणं तं दैत्यं प्रोवाच जगदम्बिका । किं मृषा भाषसे मूढ बुद्धिमानिव पण्डितः

vyāsa uvāca | evaṁ bruvāṇaṁ taṁ daityaṁ provāca jagadambikā | kiṁ mṛṣā bhāṣase mūḍha buddhimāniva paṇḍitaḥ

Vyasa said: To that daitya speaking thus, the Mother of the world replied: "Why do you speak falsely, O fool, as though you were a wise and learned man?"

Verse 25 (devibhagavatam.5.14.25)

नीतिशास्त्रं न जानासि विद्यां चान्वीक्षिकीं तथा । न सेवितास्त्वया वृद्धा न धर्मे मतिरस्ति ते

nītiśāstraṁ na jānāsi vidyāṁ cānvīkṣikīṁ tathā | na sevitāstvayā vṛddhā na dharme matirasti te

"You know nothing of the science of statecraft, nor of the science of logic; you have not served your elders, nor is your mind inclined to dharma."

Verse 26 (devibhagavatam.5.14.26)

मूर्खसेवापरो यस्मात्तस्मात्त्वं मूर्ख एव हि । राजधर्मं न जानासि किं ब्रवीषि ममाग्रतः

mūrkhasevāparo yasmāttasmāttvaṁ mūrkha eva hi | rājadharmaṁ na jānāsi kiṁ bravīṣi mamāgrataḥ

"Since you are devoted to the service of a fool, you yourself are indeed a fool. You know nothing of the duty of kings — what do you presume to say before me?"

Verse 27 (devibhagavatam.5.14.27)

सङ्ग्रामे महिषं हत्वा कृत्वा रुधिरकर्दमम् । यशःस्तम्भं स्थिरं कृत्वा गमिष्यामि यथासुखम्

saṅgrāme mahiṣaṁ hatvā kṛtvā rudhirakardamam | yaśaḥstambhaṁ sthiraṁ kṛtvā gamiṣyāmi yathāsukham

"Having slain Mahisha in battle, having turned the field to mud with blood, and having set up a lasting pillar of my fame, I shall then go as I please."

Verse 28 (devibhagavatam.5.14.28)

देवानां दुःखदातारं दानवं मदगर्वितम् । हनिष्येऽहं दुराचारं युद्धं कुरु स्थिरो भव

devānāṁ duḥkhadātāraṁ dānavaṁ madagarvitam | haniṣye'haṁ durācāraṁ yuddhaṁ kuru sthiro bhava

"I shall slay that ill-behaved danava, giver of sorrow to the gods, proud in his arrogance. Fight, and be steadfast."

Verse 29 (devibhagavatam.5.14.29)

जीवितेच्छास्ति चेन्मूढ महिषस्य तथा तव । तदा गच्छन्तु पातालं दानवाः सर्व एव ते

jīvitecchāsti cenmūḍha mahiṣasya tathā tava | tadā gacchantu pātālaṁ dānavāḥ sarva eva te

"If you desire life, O fool — you as well as Mahisha — then let all you danavas go down to Patala."

Verse 30 (devibhagavatam.5.14.30)

मुमूर्षा यदि वश्चित्ते युद्धं कुर्वन्तु सत्वराः । सर्वानेव वधिष्यामि निश्चयोऽयं ममाधुना

mumūrṣā yadi vaścitte yuddhaṁ kurvantu satvarāḥ | sarvāneva vadhiṣyāmi niścayo'yaṁ mamādhunā

"But if the wish to die is in your hearts, then fight at once — I shall slay every one of you; this is now my firm resolve."

Verse 31 (devibhagavatam.5.14.31)

व्यास उवाच । तच्छ्रुत्वा वचनं तस्या दानवो बलदर्पितः । मुमोच बाणवृष्टिं तां घनवृष्टिमिवापराम्

vyāsa uvāca | tacchrutvā vacanaṁ tasyā dānavo baladarpitaḥ | mumoca bāṇavṛṣṭiṁ tāṁ ghanavṛṣṭimivāparām

Vyasa said: Hearing her words, the danava, proud of his strength, loosed upon her a shower of arrows, like a fresh downpour of rain-clouds.

Verse 32 (devibhagavatam.5.14.32)

चिच्छेद तस्य सा बाणान्स्वबाणैर्निशितैस्तदा । जघान तं तथा घोरैराशीविषसमैः शरैः

ciccheda tasya sā bāṇānsvabāṇairniśitaistadā | jaghāna taṁ tathā ghorairāśīviṣasamaiḥ śaraiḥ

She then cut down his arrows with her own sharp shafts, and struck him with terrible arrows resembling venomous serpents.

Verse 33 (devibhagavatam.5.14.33)

युद्धं परस्परं तत्र बभूव विस्मयप्रदम् । गदया घातयामास तं रथाज्जगदम्बिका

yuddhaṁ parasparaṁ tatra babhūva vismayapradam | gadayā ghātayāmāsa taṁ rathājjagadambikā

A battle then took place between the two, filling onlookers with wonder; and the Mother of the world struck him, from her chariot, with her mace.

Verse 34 (devibhagavatam.5.14.34)

मूर्च्छां प्राप स दुष्टात्मा गदयाभिहतो भृशम् । मुहूर्तद्वयमात्रं तु रथोपस्थ इवाचलः

mūrcchāṁ prāpa sa duṣṭātmā gadayābhihato bhṛśam | muhūrtadvayamātraṁ tu rathopastha ivācalaḥ

Struck hard by the mace, that evil-souled one fell into a swoon, and for the space of two muhurtas he lay motionless as a mountain upon the floor of his chariot.

Verse 35 (devibhagavatam.5.14.35)

तं तथा मूर्च्छितं दृष्ट्वा ताम्रः परबलार्दनः । आजगाम रणे योद्धुं चण्डिकां प्रति चापलात्

taṁ tathā mūrcchitaṁ dṛṣṭvā tāmraḥ parabalārdanaḥ | ājagāma raṇe yoddhuṁ caṇḍikāṁ prati cāpalāt

Seeing him thus fallen unconscious, Tamra, the crusher of enemy armies, came forward rashly into battle to fight Chandika.

Verse 36 (devibhagavatam.5.14.36)

आगच्छन्तं तु तं वीक्ष्य हसन्ती प्राह चण्डिका । एह्येहि दानवश्रेष्ठ यमलोकं नयाम्यहम्

āgacchantaṁ tu taṁ vīkṣya hasantī prāha caṇḍikā | ehyehi dānavaśreṣṭha yamalokaṁ nayāmyaham

Seeing him approach, Chandika, laughing, said: "Come, come, O foremost of danavas — I shall now send you to the realm of Yama."

Verse 37 (devibhagavatam.5.14.37)

किं भवद्भिः समायातैरबलैश्च गतायुषैः । महिषः किं गृहे मूढः करोति जीवनोद्यमम्

kiṁ bhavadbhiḥ samāyātairabalaiśca gatāyuṣaiḥ | mahiṣaḥ kiṁ gṛhe mūḍhaḥ karoti jīvanodyamam

"What is the use of you all coming here, powerless and with your lifespans already spent? Does that fool Mahisha, sitting at home, still make effort to live?"

Verse 38 (devibhagavatam.5.14.38)

किं भवद्भिर्हतैर्मन्दैर्ममापि विफलः श्रमः । अहते महिषे पापे सुरशत्रौ दुरात्मनि

kiṁ bhavadbhirhatairmandairmamāpi viphalaḥ śramaḥ | ahate mahiṣe pāpe suraśatrau durātmani

"What good is it to me even if you fools are slain, while that sinful, evil-souled enemy of the gods, Mahisha himself, remains unslain? My effort would be fruitless."

Verse 39 (devibhagavatam.5.14.39)

तस्माद्यूयं गृहं गत्वा महिषं प्रेषयन्त्विह । पश्येन्मां सोऽपि मन्दात्मा यादृशीं तादृशीं स्थिताम्

tasmādyūyaṁ gṛhaṁ gatvā mahiṣaṁ preṣayantviha | paśyenmāṁ so'pi mandātmā yādṛśīṁ tādṛśīṁ sthitām

"Therefore, go home and send Mahisha here himself, so that even that dull-witted one may see me as I truly am, standing here."

Verse 40 (devibhagavatam.5.14.40)

ताम्रस्तद्वचनं श्रुत्वा बाणवृष्टिं चकार ह । चण्डिकां प्रति कोपेन कर्णाकृष्टशरासनः

tāmrastadvacanaṁ śrutvā bāṇavṛṣṭiṁ cakāra ha | caṇḍikāṁ prati kopena karṇākṛṣṭaśarāsanaḥ

Hearing her words, Tamra, drawing his bow back to his ear in fury, loosed a shower of arrows at Chandika.

Verse 41 (devibhagavatam.5.14.41)

भगवत्यपि ताम्राक्षी समाकृष्य शरासनम् । बाणान्मुमोच तरसा हन्तुकामा सुराहितम्

bhagavatyapi tāmrākṣī samākṛṣya śarāsanam | bāṇānmumoca tarasā hantukāmā surāhitam

The Goddess too, her eyes reddened, drawing back her own bow, swiftly loosed arrows, desiring to slay that enemy of the gods.

Verse 42 (devibhagavatam.5.14.42)

चिक्षुराख्योऽपिबलवान्मूर्च्छां त्यक्त्वोत्थितः पुनः । गृहीत्वा सशरं चापं तस्थौ तत्सम्मुखः क्षणात्

cikṣurākhyo'pibalavānmūrcchāṁ tyaktvotthitaḥ punaḥ | gṛhītvā saśaraṁ cāpaṁ tasthau tatsammukhaḥ kṣaṇāt

The powerful Chikshura, too, recovering from his swoon, rose again, and taking up his bow together with arrows, stood facing her in an instant.

Verse 43 (devibhagavatam.5.14.43)

चिक्षुराख्यश्च ताम्रश्च द्वावप्यतिबलोत्कटौ । युयुधाते महावीरौ सह देव्या रणाङ्गणे

cikṣurākhyaśca tāmraśca dvāvapyatibalotkaṭau | yuyudhāte mahāvīrau saha devyā raṇāṅgaṇe

Both Chikshura and Tamra, exceedingly strong and fierce, those two great heroes, fought together against the Goddess on the field of battle.

Verse 44 (devibhagavatam.5.14.44)

कुपिता च महामाया ववर्ष शरसन्ततिम् । चकार दानवान् सर्वान् बाणक्षततनुच्छदान्

kupitā ca mahāmāyā vavarṣa śarasantatim | cakāra dānavān sarvān bāṇakṣatatanucchadān

And Mahamaya, enraged, rained down a continuous stream of arrows, and made the bodies of all the danavas' garments torn by her shafts.

Verse 45 (devibhagavatam.5.14.45)

असुराः क्रोधसम्मूढा बभूवुः शरताडिताः । चिक्षिपुः शरजालानि देवीं प्रति रुषान्विताः

asurāḥ krodhasammūḍhā babhūvuḥ śaratāḍitāḥ | cikṣipuḥ śarajālāni devīṁ prati ruṣānvitāḥ

The asuras, struck by her arrows, grew maddened with rage, and, filled with fury, hurled networks of arrows at the Goddess.

Verse 46 (devibhagavatam.5.14.46)

बभुस्ते राक्षसास्तत्र किंशुका इव पुष्पिणः । शिलीमुखक्षताः सर्वे वसन्ते च वने रणे

babhuste rākṣasāstatra kiṁśukā iva puṣpiṇaḥ | śilīmukhakṣatāḥ sarve vasante ca vane raṇe

Those rakshasas, all wounded by her shafts, appeared there on the battlefield like flowering kimshuka trees in a springtime forest.

Verse 47 (devibhagavatam.5.14.47)

बभूव तुमुलं युद्धं ताम्रेण सह संयुगे । विस्मयं परमं जग्मुर्देवा ये प्रेक्षकाः स्थिताः

babhūva tumulaṁ yuddhaṁ tāmreṇa saha saṁyuge | vismayaṁ paramaṁ jagmurdevā ye prekṣakāḥ sthitāḥ

A tumultuous battle took place with Tamra in that combat, and the gods who stood watching were filled with the greatest wonder.

Verse 48 (devibhagavatam.5.14.48)

ताम्रो मुसलमादाय लोहजं दारुणं दृढम् । जघान मस्तके सिंहं जहास च ननर्द च

tāmro musalamādāya lohajaṁ dāruṇaṁ dṛḍham | jaghāna mastake siṁhaṁ jahāsa ca nanarda ca

Tamra, taking up a fierce and sturdy iron club, struck the lion on its head, and laughed, and roared.

Verse 49 (devibhagavatam.5.14.49)

नर्दमानं तदा तं तु दृष्ट्वा देवी रुषान्विता । खड्गेन शितधारेण शिरश्चिच्छेद सत्वरा

nardamānaṁ tadā taṁ tu dṛṣṭvā devī ruṣānvitā | khaḍgena śitadhāreṇa śiraściccheda satvarā

Seeing him roaring thus, the Goddess, filled with fury, swiftly severed his head with her sharp-edged sword.

Verse 50 (devibhagavatam.5.14.50)

छिन्ने शिरसि ताम्रस्तु विशीर्षो मुसली बली । बभ्राम क्षणमात्रं तु पपात रणमस्तके

chinne śirasi tāmrastu viśīrṣo musalī balī | babhrāma kṣaṇamātraṁ tu papāta raṇamastake

His head cut off, the mighty, club-wielding Tamra, now headless, reeled for but an instant, then fell at the height of the battlefield.

Verse 51 (devibhagavatam.5.14.51)

पतितं ताम्रमालोक्य चिक्षुराख्यो महाबलः । खड्गमादाय तरसा दुद्राव चण्डिकां प्रति

patitaṁ tāmramālokya cikṣurākhyo mahābalaḥ | khaḍgamādāya tarasā dudrāva caṇḍikāṁ prati

Seeing Tamra fallen, the mighty Chikshura, seizing his sword, rushed swiftly at Chandika.

Verse 52 (devibhagavatam.5.14.52)

भगवत्यपि तं दृष्ट्वा खड्गपाणिमुपागतम् । दानवं पञ्चभिर्बाणैर्जघान तरसा रणे

bhagavatyapi taṁ dṛṣṭvā khaḍgapāṇimupāgatam | dānavaṁ pañcabhirbāṇairjaghāna tarasā raṇe

The Goddess too, seeing that danava approaching with sword in hand, swiftly struck him in battle with five arrows.

Verse 53 (devibhagavatam.5.14.53)

एकेन पातितं खड्गं द्वितीयेन तु तत्करः । कण्ठाच्च मस्तकं तस्य कृन्तितं चापरैः शरैः

ekena pātitaṁ khaḍgaṁ dvitīyena tu tatkaraḥ | kaṇṭhācca mastakaṁ tasya kṛntitaṁ cāparaiḥ śaraiḥ

With one arrow his sword was knocked down; with a second, his very hand; and with the remaining arrows, his head was severed from his neck.

Verse 54 (devibhagavatam.5.14.54)

एवं तौ निहतौ कूरौ राक्षसौ रणदुर्मदौ । भग्नं सैन्यं तयोस्तूर्णं दिक्षु सन्त्रस्तमानसम्

evaṁ tau nihatau kūrau rākṣasau raṇadurmadau | bhagnaṁ sainyaṁ tayostūrṇaṁ dikṣu santrastamānasam

Thus were those two cruel rakshasas, mad with battle, slain; and their army, at once broken, scattered in every direction, its heart struck with terror.

Verse 55 (devibhagavatam.5.14.55)

देवाश्च मुदिताः सर्वे दृष्ट्वा तौ निहतौ रणे । पुष्पवृष्टिं मुदा चक्रुर्जयशब्दं नभःस्थिताः

devāśca muditāḥ sarve dṛṣṭvā tau nihatau raṇe | puṣpavṛṣṭiṁ mudā cakrurjayaśabdaṁ nabhaḥsthitāḥ

All the gods, rejoicing to see those two slain in battle, joyfully rained down flowers and, standing in the sky, raised shouts of victory.

Verse 56 (devibhagavatam.5.14.56)

ऋषयो देवगन्धर्वा वेतालाः सिद्धचारणाः । ऊचुस्ते जय देवीति चाम्बिकेति पुनः पुनः

ṛṣayo devagandharvā vetālāḥ siddhacāraṇāḥ | ūcuste jaya devīti cāmbiketi punaḥ punaḥ

The sages, gods, gandharvas, vetalas, siddhas, and charanas cried out again and again, "Victory to the Goddess! Victory to Ambika!"