The Slaying of Asiloma and Bidala

Verse 1 (devibhagavatam.5.15.1)

व्यास उवाच । तौ तया निहतौ श्रुत्वा महिषो विस्मयान्वितः । प्रेषयामास दैतेयांस्तद्वधार्थं महाबलान्

vyāsa uvāca | tau tayā nihatau śrutvā mahiṣo vismayānvitaḥ | preṣayāmāsa daiteyāṁstadvadhārthaṁ mahābalān

Vyasa said: Hearing that those two had been slain by her, Mahisha, filled with astonishment, sent forth mighty daityas to avenge their deaths.

Verse 2 (devibhagavatam.5.15.2)

असिलोमबिडालाख्यप्रमुखान् युद्धदुर्मदान् । सैन्येन महता युक्तान्सायुधान्सपरिच्छदान्

asilomabiḍālākhyapramukhān yuddhadurmadān | sainyena mahatā yuktānsāyudhānsaparicchadān

Chief among them were those named Asiloma and Bidala, mad with battle-fury, accompanied by a great army, armed and fully equipped.

Verse 3 (devibhagavatam.5.15.3)

ते तत्र ददृशुर्देवीं सिंहस्योपरि संस्थिताम् । अष्टादशभुजां दिव्यां खड्गखेटकधारिणीम्

te tatra dadṛśurdevīṁ siṁhasyopari saṁsthitām | aṣṭādaśabhujāṁ divyāṁ khaḍgakheṭakadhāriṇīm

There they beheld the Goddess seated upon her lion, divine, eighteen-armed, bearing sword and shield.

Verse 4 (devibhagavatam.5.15.4)

असिलोमाग्रतो गत्वा तामुवाच हसन्निव । विनयावनतः शान्तो देवीं दैत्यवधोद्यताम्

asilomāgrato gatvā tāmuvāca hasanniva | vinayāvanataḥ śānto devīṁ daityavadhodyatām

Asiloma, going before her, spoke to her, seemingly laughing, though outwardly humble and calm, to the Goddess who was bent on slaying the daityas.

Verse 5 (devibhagavatam.5.15.5)

असिलोमोवाच । देवि ब्रूहि वचः सत्यं किमर्थमिह सुन्दरि । आगतासि किमर्थं वा हंसि दैत्यान्निरागसः

asilomovāca | devi brūhi vacaḥ satyaṁ kimarthamiha sundari | āgatāsi kimarthaṁ vā haṁsi daityānnirāgasaḥ

Asiloma said: "O Goddess, speak the truth — for what reason, O beautiful one, have you come here? And why do you slay daityas who are guiltless?"

Verse 6 (devibhagavatam.5.15.6)

कारणं कथयाद्य त्वं त्वया सन्धिं करोम्यहम् । काञ्चनं मणिरत्नानि भाजनानि वराणि च

kāraṇaṁ kathayādya tvaṁ tvayā sandhiṁ karomyaham | kāñcanaṁ maṇiratnāni bhājanāni varāṇi ca

"Tell me today your reason; I shall make peace with you. Gold, jewels and gems, and fine vessels —"

Verse 7 (devibhagavatam.5.15.7)

यानीच्छसि वरारोहे गहीत्वा गच्छ मा चिरम् । किमर्थं युद्धकामासि दुःखसन्तापवर्धनम्

yānīcchasi varārohe gahītvā gaccha mā ciram | kimarthaṁ yuddhakāmāsi duḥkhasantāpavardhanam

"— whichever of these you desire, O lovely one, take them and go without delay. Why do you desire war, which only increases sorrow and torment?"

Verse 8 (devibhagavatam.5.15.8)

कथयन्ति महात्मानो युद्धं सर्वसुखापहम् । कोमलेऽतीव ते देहे पुष्पघातासहे भृशम्

kathayanti mahātmāno yuddhaṁ sarvasukhāpaham | komale'tīva te dehe puṣpaghātāsahe bhṛśam

"The great-souled ones say that war destroys all happiness. Your body is so exceedingly delicate, unable to bear even the blow of a flower —"

Verse 9 (devibhagavatam.5.15.9)

किमर्थं शस्त्रसम्पातान्सहसीति विसिस्मिये । चातुर्यस्य फलं शान्तिः सततं सुखसेवनम्

kimarthaṁ śastrasampātānsahasīti visismiye | cāturyasya phalaṁ śāntiḥ satataṁ sukhasevanam

"— why then would you endure the blows of weapons? I am truly amazed. The fruit of cleverness is peace, and the constant enjoyment of happiness."

Verse 10 (devibhagavatam.5.15.10)

तत्किमर्थं दुःखहेतुं सङ्ग्रामं कर्तुमिच्छसि । संसारेऽत्र सुखं ग्राह्यं दुःखं हेयमिति स्थितिः

tatkimarthaṁ duḥkhahetuṁ saṅgrāmaṁ kartumicchasi | saṁsāre'tra sukhaṁ grāhyaṁ duḥkhaṁ heyamiti sthitiḥ

"So why do you wish to wage this war, the cause of suffering? In this world, the settled rule is: happiness is to be embraced, suffering is to be rejected."

Verse 11 (devibhagavatam.5.15.11)

तत्सुखं द्विविधं प्रोक्तं नित्यानित्यप्रभेदतः । आत्मज्ञानं सुखं नित्यमनित्यं भोगजं स्मृतम्

tatsukhaṁ dvividhaṁ proktaṁ nityānityaprabhedataḥ | ātmajñānaṁ sukhaṁ nityamanityaṁ bhogajaṁ smṛtam

"That happiness is said to be of two kinds, divided into the eternal and the non-eternal. Self-knowledge is eternal happiness; happiness born of sensory enjoyment is remembered as non-eternal."

Verse 12 (devibhagavatam.5.15.12)

नाशात्मकं तु तत्त्याज्यं वेदशास्त्रार्थचिन्तकैः । सौगतानां मतं चेत्त्वं स्वीकरोषि वरानने

nāśātmakaṁ tu tattyājyaṁ vedaśāstrārthacintakaiḥ | saugatānāṁ mataṁ cettvaṁ svīkaroṣi varānane

"That which is by nature perishable is to be renounced, according to those who ponder the meaning of the Vedas and scriptures. But if, O fair-faced one, you accept instead the doctrine of the Buddhists —"

Verse 13 (devibhagavatam.5.15.13)

तथापि यौवनं प्राप्य भुङ्क्ष्व भोगाननुत्तमान् । परलोकस्य सन्देहो यदि तेऽस्ति कृशोदरि

tathāpi yauvanaṁ prāpya bhuṅkṣva bhogānanuttamān | paralokasya sandeho yadi te'sti kṛśodari

"— then, having obtained youth, enjoy the highest pleasures, if you have any doubt, O slender-waisted one, about the world beyond."

Verse 14 (devibhagavatam.5.15.14)

स्वर्गभोगपरा नित्यं भव भामिनि भूतले । अनित्यं यौवनं देहे ज्ञात्वेति सुकृतं चरेत्

svargabhogaparā nityaṁ bhava bhāmini bhūtale | anityaṁ yauvanaṁ dehe jñātveti sukṛtaṁ caret

"Be ever devoted to the enjoyments of heaven while still on earth, O lovely one; knowing that youth in the body is impermanent, one should act virtuously — thus it is said."

Verse 15 (devibhagavatam.5.15.15)

परोपतापनं कार्यं वर्जनीयं सदा बुधैः । अविरोधेन कर्तव्यं धर्मार्थकामसेवनम्

paropatāpanaṁ kāryaṁ varjanīyaṁ sadā budhaiḥ | avirodhena kartavyaṁ dharmārthakāmasevanam

"The causing of pain to others is a thing to be always avoided by the wise; dharma, artha, and kama should be pursued without conflict between them."

Verse 16 (devibhagavatam.5.15.16)

तस्मात्त्वमपि कल्याणि मतिं धर्मे सदा कुरु । अपराधं विना दैत्यान्कस्मान्मारयसेऽम्बिके

tasmāttvamapi kalyāṇi matiṁ dharme sadā kuru | aparādhaṁ vinā daityānkasmānmārayase'mbike

"Therefore, O auspicious one, keep your mind ever set upon dharma. Why, O Ambika, do you slay daityas who have committed no offense?"

Verse 17 (devibhagavatam.5.15.17)

दयाधर्मोऽस्य देहोऽस्ति सत्ये प्राणाः प्रकीर्तिताः । तस्माद्दया तथा सत्यं रक्षणीयं सदा बुधैः

dayādharmo'sya deho'sti satye prāṇāḥ prakīrtitāḥ | tasmāddayā tathā satyaṁ rakṣaṇīyaṁ sadā budhaiḥ

"Compassion is the very body of dharma; truth is declared to be its life-breath. Therefore both compassion and truth should always be preserved by the wise."

Verse 18 (devibhagavatam.5.15.18)

कारणं वद सुश्रोणि दानवानां वधे तव । देव्युवाच । त्वया पृष्टं महाबाहो किमर्थमिह चागता

kāraṇaṁ vada suśroṇi dānavānāṁ vadhe tava | devyuvāca | tvayā pṛṣṭaṁ mahābāho kimarthamiha cāgatā

"Tell me, O fair one, your reason for slaying the danavas." The Goddess said: "You have asked me, O mighty-armed one, for what purpose I have come here—"

Verse 19 (devibhagavatam.5.15.19)

तदहं सम्प्रवक्ष्यामि हनने च प्रयोजनम् । विचरामि सदा दैत्य सर्वलोकेषु सर्वदा

tadahaṁ sampravakṣyāmi hanane ca prayojanam | vicarāmi sadā daitya sarvalokeṣu sarvadā

"—that I shall now tell you, along with the reason for this slaying. O daitya, I wander at all times through all the worlds, always,"

Verse 20 (devibhagavatam.5.15.20)

न्यायान्यायौ च भूतानां पश्यन्ती साक्षिरूपिणी । न मे कदापि भोगेच्छा न लोभो न च वैरिता

nyāyānyāyau ca bhūtānāṁ paśyantī sākṣirūpiṇī | na me kadāpi bhogecchā na lobho na ca vairitā

"observing the just and unjust conduct of all beings, in the very form of a witness. I have never any desire for enjoyment, nor greed, nor enmity."

Verse 21 (devibhagavatam.5.15.21)

धर्मार्थं विचराम्यत्र संसारे साधुरक्षणम् । व्रतमेतत्तु नियतं पालयामि निजं सदा

dharmārthaṁ vicarāmyatra saṁsāre sādhurakṣaṇam | vratametattu niyataṁ pālayāmi nijaṁ sadā

"I wander in this world for the sake of dharma, for the protection of the virtuous. This is my fixed vow, which I ever keep, faithfully."

Verse 22 (devibhagavatam.5.15.22)

साधूनां रक्षणं कार्यं हन्तव्या येऽप्यसाधवः । वेदसंरक्षणं कार्यमवतारैरनेकशः

sādhūnāṁ rakṣaṇaṁ kāryaṁ hantavyā ye'pyasādhavaḥ | vedasaṁrakṣaṇaṁ kāryamavatārairanekaśaḥ

"The protection of the good must be done, and the wicked must be slain; and the protection of the Veda must be accomplished through many incarnations."

Verse 23 (devibhagavatam.5.15.23)

युगे युगे तानेवाहमवतारान्बिभर्मि च । महिषस्तु दुराचारो देवान्वै हन्तुमुद्यतः

yuge yuge tānevāhamavatārānbibharmi ca | mahiṣastu durācāro devānvai hantumudyataḥ

"In age after age, I take up these very incarnations. Now this ill-behaved Mahisha has set himself to slay the gods —"

Verse 24 (devibhagavatam.5.15.24)

ज्ञात्वाहं तद्वधार्थं भोः प्राप्तास्मि राक्षसाधुना । तं हनिष्ये दुराचारं सुरशत्रुं महाबलम्

jñātvāhaṁ tadvadhārthaṁ bhoḥ prāptāsmi rākṣasādhunā | taṁ haniṣye durācāraṁ suraśatruṁ mahābalam

"—knowing this, O gentle rakshasa, I have come here for the purpose of killing him. I shall slay that ill-behaved, mighty enemy of the gods."

Verse 25 (devibhagavatam.5.15.25)

गच्छ वा तिष्ठ कामं त्वं सत्यमेतदुदाहृतम् । ब्रूहि वा तं दुरात्मानं राजानं महिषीसुतम्

gaccha vā tiṣṭha kāmaṁ tvaṁ satyametadudāhṛtam | brūhi vā taṁ durātmānaṁ rājānaṁ mahiṣīsutam

"Go, or stay, as you wish — this is the truth I have declared to you. Or go and tell that evil-souled king, the son of a she-buffalo —"

Verse 26 (devibhagavatam.5.15.26)

किमन्यान् प्रेषयस्यत्र स्वयं युद्धं कुरुष्व ह । सन्धिञ्चेत्कर्तुमिच्छास्ति राज्ञस्तव मया सह

kimanyān preṣayasyatra svayaṁ yuddhaṁ kuruṣva ha | sandhiñcetkartumicchāsti rājñastava mayā saha

"—why does he send others here? Let him himself come and fight. If your king wishes to make peace with me—"

Verse 27 (devibhagavatam.5.15.27)

सर्वे गच्छन्तु पातालं वैरं त्यक्त्वा यथासुखम् । देवद्रव्यं तु यत्किञ्चिद्धृतं जित्वा रणे सुरान् । तद्दत्त्वा यान्तु पातालं प्रह्लादो यत्र तिष्ठति

sarve gacchantu pātālaṁ vairaṁ tyaktvā yathāsukham | devadravyaṁ tu yatkiñciddhṛtaṁ jitvā raṇe surān | taddattvā yāntu pātālaṁ prahlādo yatra tiṣṭhati

"—then let you all go down to Patala, abandoning your hostility, and live at ease. Whatever wealth of the gods you have seized, having conquered them in battle, let that be returned, and then go down to Patala where Prahlada dwells."

Verse 28 (devibhagavatam.5.15.28)

व्यास उवाच । तच्छुत्वा वचनं देव्या असिलोमा पुरःस्थितः । बिडालाख्यं महावीरं पप्रच्छ प्रीतिपूर्वकम्

vyāsa uvāca | tacchutvā vacanaṁ devyā asilomā puraḥsthitaḥ | biḍālākhyaṁ mahāvīraṁ papraccha prītipūrvakam

Vyasa said: Hearing these words of the Goddess, Asiloma, standing before her, affectionately asked the great hero named Bidala:

Verse 29 (devibhagavatam.5.15.29)

असिलोमोवाच । श्रुतं तेऽद्य बिडालाख्य भवान्या कथितं च यत् । एवं गते किं कर्तव्यो विग्रहः सन्धिरेव वा

asilomovāca | śrutaṁ te'dya biḍālākhya bhavānyā kathitaṁ ca yat | evaṁ gate kiṁ kartavyo vigrahaḥ sandhireva vā

Asiloma said: "You have heard, O Bidala, what the Goddess (Bhavani) has just said. Things being so, what should we do now — fight, or make peace?"

Verse 30 (devibhagavatam.5.15.30)

बिडालाख्य उवाच । न सन्धिकामोऽस्ति नृपोऽभिमानी युद्धे च मृत्युं नियतं हि जानन् । दृष्ट्वा हतान् प्रेरयते तथास्मा न्दैव हि कोऽतिक्रमितुं समर्थः

biḍālākhya uvāca | na sandhikāmo'sti nṛpo'bhimānī yuddhe ca mṛtyuṁ niyataṁ hi jānan | dṛṣṭvā hatān prerayate tathāsmā ndaiva hi ko'tikramituṁ samarthaḥ

Bidala said: "Our proud king has no wish for peace — even knowing that death in battle is certain, seeing his men slain, he still sends us onward. Who indeed can overrule fate?"

Verse 31 (devibhagavatam.5.15.31)

(दुःसाध्य एवास्त्विह सेवकानां धर्मः सदा मानविवर्जितानाम् । आज्ञापराणां वशवर्तिकानां पाञ्चालिकानामिव सूत्रभेदात् ॥) गत्वा कथं तस्य पुरस्त्वया च मयापि वक्तव्यमिदं कठोरम् । गच्छन्तु पातालमितश्च सर्वे दत्त्वाथ रत्नानि धनं सुराणाम्

(duḥsādhya evāstviha sevakānāṁ dharmaḥ sadā mānavivarjitānām | ājñāparāṇāṁ vaśavartikānāṁ pāñcālikānāmiva sūtrabhedāt ||) gatvā kathaṁ tasya purastvayā ca mayāpi vaktavyamidaṁ kaṭhoram | gacchantu pātālamitaśca sarve dattvātha ratnāni dhanaṁ surāṇām

"[Truly hard to fulfil, in this world, is the duty of servants stripped of self-respect — bound always to commands, obedient like puppets pulled by strings.] How could either you or I go before him and speak these harsh words to his face — 'let all of you go from here to Patala, having returned the gods' jewels and wealth'?"

Verse 32 (devibhagavatam.5.15.32)

(प्रियं हि वक्तव्यमसत्यमेव न च प्रियं स्याद्धितकृत्तु भाषितम् । सत्यं प्रियं नो भवतीह कामं मौनं ततो बुद्धिमतां प्रतिष्ठितम् ॥) न फल्गुवाक्यैः प्रतिबोधनीयो राजा तु वीरैरिति नीतिशास्त्रम्

(priyaṁ hi vaktavyamasatyameva na ca priyaṁ syāddhitakṛttu bhāṣitam | satyaṁ priyaṁ no bhavatīha kāmaṁ maunaṁ tato buddhimatāṁ pratiṣṭhitam ||) na phalguvākyaiḥ pratibodhanīyo rājā tu vīrairiti nītiśāstram

"[What is pleasant to say is often untrue, and what is beneficial to say is often unpleasant; truth and pleasantness rarely coincide here — hence silence is what the wise hold fast to.] Heroes should not try to make a king see reason through feeble, ineffective words — such is the teaching of the science of statecraft."

Verse 33 (devibhagavatam.5.15.33)

न नूनं तत्र गन्तव्यं हितं वा वक्तुमादरात् । प्रष्टुं वापि गते राजा कोपयुक्तो भविष्यति

na nūnaṁ tatra gantavyaṁ hitaṁ vā vaktumādarāt | praṣṭuṁ vāpi gate rājā kopayukto bhaviṣyati

"We surely ought not to go there to respectfully speak what is beneficial, or even merely to ask — for if we go, the king will only become enraged."

Verse 34 (devibhagavatam.5.15.34)

इति सञ्चिन्त्य कर्तव्यं युद्धं प्राणस्य संशये । स्वामिकार्यं परं मत्वा मरणं तृणवत्तथा

iti sañcintya kartavyaṁ yuddhaṁ prāṇasya saṁśaye | svāmikāryaṁ paraṁ matvā maraṇaṁ tṛṇavattathā

"Having thus reflected, we must fight, even at the risk of our lives — holding our master's cause as supreme, and death as light as a blade of grass."

Verse 35 (devibhagavatam.5.15.35)

व्यास उवाच । इति सञ्चिन्त्य तौ वीरौ संस्थितौ युद्धतत्परौ । धनुर्बाणधरौ तत्र सन्नद्धौ रथसङ्गतौ

vyāsa uvāca | iti sañcintya tau vīrau saṁsthitau yuddhatatparau | dhanurbāṇadharau tatra sannaddhau rathasaṅgatau

Vyasa said: Having thus resolved, those two heroes stood ready for battle, bow and arrow in hand, armored and mounted upon their chariots.

Verse 36 (devibhagavatam.5.15.36)

प्रथमं तु बिडालाख्यः सप्तबाणान्मुमोच ह । असिलोमा स्थितो दूरे प्रेक्षकः परमास्त्रवित्

prathamaṁ tu biḍālākhyaḥ saptabāṇānmumoca ha | asilomā sthito dūre prekṣakaḥ paramāstravit

First Bidala loosed seven arrows, while Asiloma, greatly skilled in weaponry, stood at a distance, watching.

Verse 37 (devibhagavatam.5.15.37)

चिच्छेद तांस्तथाप्राप्तानम्बिका स्वशरैः शरान् । बिडालाख्यं त्रिभिर्बाणैर्जघान च शिलाशितैः

ciccheda tāṁstathāprāptānambikā svaśaraiḥ śarān | biḍālākhyaṁ tribhirbāṇairjaghāna ca śilāśitaiḥ

Ambika cut down those arrows with her own before they could reach her, and struck Bidala with three arrows sharpened upon stone.

Verse 38 (devibhagavatam.5.15.38)

प्राप्य बाणव्यथां दैत्यः पपात समराङ्गणे । मूर्च्छितोऽथ ममाराशु दानवो दैवयोगतः

prāpya bāṇavyathāṁ daityaḥ papāta samarāṅgaṇe | mūrcchito'tha mamārāśu dānavo daivayogataḥ

Struck with pain by the arrows, the daitya fell upon the battlefield; falling into a swoon, that danava swiftly died, by the working of fate.

Verse 39 (devibhagavatam.5.15.39)

बिडालाख्यं हतं दृष्ट्वा रणे शक्तिशरोत्करैः । असिलोमा धनुष्पाणिः संस्थितो युद्धतत्परः

biḍālākhyaṁ hataṁ dṛṣṭvā raṇe śaktiśarotkaraiḥ | asilomā dhanuṣpāṇiḥ saṁsthito yuddhatatparaḥ

Seeing Bidala slain in battle by a multitude of spears and arrows, Asiloma, bow in hand, stood resolved upon fighting.

Verse 40 (devibhagavatam.5.15.40)

ऊर्ध्वं सव्यं करं कृत्वा तामुवाच मितं वचः । देवि जानामि मरणं दानवानां दुरात्मनाम्

ūrdhvaṁ savyaṁ karaṁ kṛtvā tāmuvāca mitaṁ vacaḥ | devi jānāmi maraṇaṁ dānavānāṁ durātmanām

Raising his left hand aloft, he spoke measured words to her: "O Goddess, I know that death is the fate of us evil-souled danavas."

Verse 41 (devibhagavatam.5.15.41)

तथापि युद्धं कर्तव्यं पराधीनेन वै मया । महिषो मन्दबुद्धिश्च न जानाति प्रियाप्रिये

tathāpi yuddhaṁ kartavyaṁ parādhīnena vai mayā | mahiṣo mandabuddhiśca na jānāti priyāpriye

"Even so, I, being dependent on another, must fight. And Mahisha, dull of understanding, does not know what is pleasant or unpleasant for himself."

Verse 42 (devibhagavatam.5.15.42)

तदग्रे नैव वक्तव्यं हितं चैवाप्रियं मया । मर्तव्यं वीरधर्मेण शुभं वाप्यशुभं भवेत्

tadagre naiva vaktavyaṁ hitaṁ caivāpriyaṁ mayā | martavyaṁ vīradharmeṇa śubhaṁ vāpyaśubhaṁ bhavet

"Therefore I shall not speak before him what is beneficial yet unpleasant to him. I must die according to the warrior's duty, whether it turns out well or ill."

Verse 43 (devibhagavatam.5.15.43)

दैवमेव परं मन्ये धिपौरुषमनर्थकम् । पतन्ति दानवास्तूर्णं तव बाणहता भुवि

daivameva paraṁ manye dhipauruṣamanarthakam | patanti dānavāstūrṇaṁ tava bāṇahatā bhuvi

"I hold fate alone to be supreme, and human effort to be useless; for the danavas are swiftly falling to the earth, struck down by your arrows."

Verse 44 (devibhagavatam.5.15.44)

इत्युक्त्वा शरवृष्टिं स चकार दानवोत्तमः । देवी चिच्छेद तान्बाणैरप्राप्तांस्तु निजान्तिके

ityuktvā śaravṛṣṭiṁ sa cakāra dānavottamaḥ | devī ciccheda tānbāṇairaprāptāṁstu nijāntike

So saying, that foremost of danavas loosed a shower of arrows; the Goddess cut them all down with her own arrows before they reached her.

Verse 45 (devibhagavatam.5.15.45)

अन्यैर्विव्याध तं तूर्णमसिलोमानमाशुगैः । वीक्षितामरसङ्घैश्च कोपपूर्णानना तदा

anyairvivyādha taṁ tūrṇamasilomānamāśugaiḥ | vīkṣitāmarasaṅghaiśca kopapūrṇānanā tadā

Then, her face filled with fury, watched by the assembled gods, she swiftly pierced Asiloma with other swift-flying arrows.

Verse 46 (devibhagavatam.5.15.46)

शुशुभे दानवः कामं बाणैर्विद्धतनुः किल । स्रवद्रुधिरधारः स प्रफुल्लः किंशुको यथा

śuśubhe dānavaḥ kāmaṁ bāṇairviddhatanuḥ kila | sravadrudhiradhāraḥ sa praphullaḥ kiṁśuko yathā

The danava, his body pierced through by arrows, streaming with torrents of blood, shone forth indeed like a fully blossomed kimshuka tree.

Verse 47 (devibhagavatam.5.15.47)

असिलोमा गदां गुर्वीं लौहीमुद्यम्य वेगतः । दुद्राव चण्डिकां कोपात्सिंहं मूर्ध्नि जघान ह

asilomā gadāṁ gurvīṁ lauhīmudyamya vegataḥ | dudrāva caṇḍikāṁ kopātsiṁhaṁ mūrdhni jaghāna ha

Asiloma, swiftly raising a heavy iron mace, rushed at Chandika in fury, and struck the lion upon its head.

Verse 48 (devibhagavatam.5.15.48)

सिंहोऽपि नखराघातैस्तं ददार भुजान्तरे । अगणय्य गदाघातं कृतं तेन बलीयसा

siṁho'pi nakharāghātaistaṁ dadāra bhujāntare | agaṇayya gadāghātaṁ kṛtaṁ tena balīyasā

The lion too, disregarding the blow of the mace dealt by that mighty one, tore into his arm with the strikes of its claws.

Verse 49 (devibhagavatam.5.15.49)

उत्पत्य तरसा दैत्यो गदापाणिः सुदारुणः । सिंहमूर्ध्नि समारुह्य जघान गदयाम्बिकाम्

utpatya tarasā daityo gadāpāṇiḥ sudāruṇaḥ | siṁhamūrdhni samāruhya jaghāna gadayāmbikām

Leaping up swiftly, that most fearsome daitya, mace in hand, mounted upon the lion's head, and struck at Ambika with his mace.

Verse 50 (devibhagavatam.5.15.50)

कृतं तेन प्रहारं तु वञ्चयित्वा विशाम्पते । खड्गेन शितधारेण शिरश्चिच्छेद कण्ठतः

kṛtaṁ tena prahāraṁ tu vañcayitvā viśāmpate | khaḍgena śitadhāreṇa śiraściccheda kaṇṭhataḥ

Evading the blow he dealt, O lord of men, she severed his head from his neck with her sharp-edged sword.

Verse 51 (devibhagavatam.5.15.51)

छिन्ने शिरसि दैत्येन्द्रः पपात तरसा क्षितौ । हाहाकारो महानासीत्सैन्ये तस्य दुरात्मनः

chinne śirasi daityendraḥ papāta tarasā kṣitau | hāhākāro mahānāsītsainye tasya durātmanaḥ

His head severed, that lord of daityas fell swiftly to the ground; and a great cry of lamentation arose in that evil-souled one's army.

Verse 52 (devibhagavatam.5.15.52)

जय देवीति देवास्ता तुष्टुवुर्जगदम्बिकाम् । देवदुन्दुभयो नेदुर्जगुश्च नृप किन्नराः

jaya devīti devāstā tuṣṭuvurjagadambikām | devadundubhayo nedurjaguśca nṛpa kinnarāḥ

The gods praised the Mother of the world, crying "Victory to the Goddess!"; the divine drums resounded, and the kinnaras sang, O king.

Verse 53 (devibhagavatam.5.15.53)

निहतौ दानवौ वीक्ष्य पतितौ च रणाङ्गणे । निहताः सैनिकाः सर्वे तत्र केसरिणा बलात्

nihatau dānavau vīkṣya patitau ca raṇāṅgaṇe | nihatāḥ sainikāḥ sarve tatra kesariṇā balāt

Seeing those two danavas slain and fallen on the battlefield, all their soldiers there were forcibly slain by the lion as well.

Verse 54 (devibhagavatam.5.15.54)

भक्षिताश्च तथा केचिन्निःशेषं तद्रणं कृतम् । भग्नाः केचिद् गता मन्दा महिषं प्रति दुःखिताः

bhakṣitāśca tathā kecinniḥśeṣaṁ tadraṇaṁ kṛtam | bhagnāḥ kecid gatā mandā mahiṣaṁ prati duḥkhitāḥ

Some were devoured, and that battlefield was left utterly emptied; some, broken and dispirited, went sorrowfully back to Mahisha.

Verse 55 (devibhagavatam.5.15.55)

चुक्रुशू रुरुदुश्चैव त्राहि त्राहीति भाषणैः । असिलोमबिडालाख्यौ निहतौ नृपसत्तम

cukruśū ruruduścaiva trāhi trāhīti bhāṣaṇaiḥ | asilomabiḍālākhyau nihatau nṛpasattama

They cried out and wept, crying "Save us, save us!" — "Asiloma and Bidala have been slain, O best of kings!"

Verse 56 (devibhagavatam.5.15.56)

अन्ये ये सैनिका राजन् सिंहेन भक्षिताश्च ते । एवं ब्रुवन्तो राजानं तदा चक्रुश्च वैशसम्

anye ye sainikā rājan siṁhena bhakṣitāśca te | evaṁ bruvanto rājānaṁ tadā cakruśca vaiśasam

"And the other soldiers, O king, have been devoured by the lion!" Speaking thus to the king, they made loud lament of the calamity.

Verse 57 (devibhagavatam.5.15.57)

तच्छ्रुत्वा वचनं तेषां महिषो दुर्मनास्तदा । बभूव चिन्ताकुलितो विमना दुःखसंयुतः

tacchrutvā vacanaṁ teṣāṁ mahiṣo durmanāstadā | babhūva cintākulito vimanā duḥkhasaṁyutaḥ

Hearing their words, Mahisha then grew despondent; he became agitated with anxiety, dejected, and filled with sorrow.