The Gods Praise and Console the Goddess

Verse 1 (devibhagavatam.5.19.1)

व्यास उवाच । अथ प्रमुदिताः सर्वे देवा इन्द्रपुरोगमाः । महिषं निहतं दृष्ट्वा तुष्टुवुर्जगदम्बिकाम्

vyāsa uvāca | atha pramuditāḥ sarve devā indrapurogamāḥ | mahiṣaṁ nihataṁ dṛṣṭvā tuṣṭuvurjagadambikām

Vyasa said: Then all the gods, greatly rejoicing, with Indra at their head, seeing Mahisha slain, praised the Mother of the world.

Verse 2 (devibhagavatam.5.19.2)

देवा ऊचुः । ब्रह्मा सृजत्यवति विष्णुरिदं महेशः शक्त्या तवैव हरते ननु चान्तकाले ॥ ईशा न तेऽपि च भवन्ति तया विहीना स्तस्मात्त्वमेव जगतः स्थितिनाशकर्त्री

devā ūcuḥ | brahmā sṛjatyavati viṣṇuridaṁ maheśaḥ śaktyā tavaiva harate nanu cāntakāle || īśā na te'pi ca bhavanti tayā vihīnā stasmāttvameva jagataḥ sthitināśakartrī

The gods said: "Brahma creates, Vishnu preserves this universe, and Maheśa destroys it at the time of dissolution — indeed, by your power alone. Even these lords cannot exist without that power of yours; therefore you alone are the doer of the world's preservation and destruction."

Verse 3 (devibhagavatam.5.19.3)

कीर्तिर्मतिः स्मृतिगती करुणा दया त्वं श्रद्धा धृतिश्च वसुधा कमलाजपा च । पुष्टिः कलाथ विजया गिरिजा जया त्वं तुष्टिः प्रमा त्वमसि बुद्धिरुमा रमा च

kīrtirmatiḥ smṛtigatī karuṇā dayā tvaṁ śraddhā dhṛtiśca vasudhā kamalājapā ca | puṣṭiḥ kalātha vijayā girijā jayā tvaṁ tuṣṭiḥ pramā tvamasi buddhirumā ramā ca

"You are Fame, Intellect, Memory, and Refuge; you are Compassion and Mercy; you are Faith, Fortitude, the Earth, Lakshmi and Japa; you are Nourishment, Kala, Vijaya, Girija, and Jaya; you are Contentment and Right Knowledge; you are Intelligence, Uma, and Rama."

Verse 4 (devibhagavatam.5.19.4)

विद्या क्षमा जगति कान्तिरपीह मेधा सर्वं त्वमेव विदिता भुवनत्रयेऽस्मिन् । आभिर्विना तव तु शक्तिभिराशु कर्तुं को वा क्षमः सकललोकनिवासभूमे

vidyā kṣamā jagati kāntirapīha medhā sarvaṁ tvameva viditā bhuvanatraye'smin | ābhirvinā tava tu śaktibhirāśu kartuṁ ko vā kṣamaḥ sakalalokanivāsabhūme

"You are Knowledge, Forbearance, and Beauty in this world, and likewise Intellect; you alone are known as everything in these three worlds. Who, indeed, without these powers of yours, would be capable of accomplishing anything swiftly, O foundation on which all the worlds dwell?"

Verse 5 (devibhagavatam.5.19.5)

त्वं धारणा ननु न चेदसि कूर्मनागौ धर्तुं क्षमौ कथमिलामपि तौ भवेताम् । पृथ्वी न चेत्त्वमसि वा गगने कथं स्था स्यत्येतदम्ब निखिलं बहुभारयुक्तम्

tvaṁ dhāraṇā nanu na cedasi kūrmanāgau dhartuṁ kṣamau kathamilāmapi tau bhavetām | pṛthvī na cettvamasi vā gagane kathaṁ sthā syatyetadamba nikhilaṁ bahubhārayuktam

"You indeed are the power of holding up — for if you were not, how could the Tortoise and the Serpent be capable of bearing up even the earth? And if you were not the Earth herself, how could this whole, so heavily burdened, remain suspended in the sky, O Mother?"

Verse 6 (devibhagavatam.5.19.6)

ये वा स्तुवन्ति मनुजा अमरान्विमूढा मायागुणैस्तव चतुर्मुखविष्णुरुद्रान् । शुभ्रांशुवह्नियमवायुगणेशमुख्यान् किं त्वामृते जननि ते प्रभवन्ति कार्ये

ye vā stuvanti manujā amarānvimūḍhā māyāguṇaistava caturmukhaviṣṇurudrān | śubhrāṁśuvahniyamavāyugaṇeśamukhyān kiṁ tvāmṛte janani te prabhavanti kārye

"Those deluded men who praise, through the play of your own maya, the gods — four-faced Brahma, Vishnu, Rudra, the moon, fire, Yama, wind, Ganesha, and the rest — what can they accomplish in any task, O mother, without you?"

Verse 7 (devibhagavatam.5.19.7)

ये जुह्वति प्रविततेऽल्पधियोऽम्ब यज्ञे वह्नौ सुरान्समधिकृत्य हविः समृद्धम् । स्वाहा न चेत्त्वमसि ते कथमापुरद्धा त्वामेव किं न हि यजन्ति ततो हि मूढाः

ye juhvati pravitate'lpadhiyo'mba yajñe vahnau surānsamadhikṛtya haviḥ samṛddham | svāhā na cettvamasi te kathamāpuraddhā tvāmeva kiṁ na hi yajanti tato hi mūḍhāḥ

"Those of little wisdom who, at the great sacrifice, offer rich oblations into the fire in honor of the gods, O Mother — if you were not Svaha, how would their offerings ever truly reach them? Why then do they not worship you alone? They are indeed fools."

Verse 8 (devibhagavatam.5.19.8)

भोगप्रदासि भवतीह चराचराणां स्वांशैर्ददासि खलु जीवनमेव नित्यम् । स्वीयान्सुराञ्जननि पोषयसीह यद्व त्तद्वत्परानपि च पालयसीति हेतोः

bhogapradāsi bhavatīha carācarāṇāṁ svāṁśairdadāsi khalu jīvanameva nityam | svīyānsurāñjanani poṣayasīha yadva ttadvatparānapi ca pālayasīti hetoḥ

"You are the giver of enjoyment here to all moving and unmoving beings; through your own portions you ever bestow their very life. For that reason, O mother, just as you nourish your own gods here, so too do you protect all others."

Verse 9 (devibhagavatam.5.19.9)

मातः स्वयंविरचितान्विपिने विनोदा द्वन्ध्यान्पलाशरहितांश्च कटूंश्च वृक्षान् । नोच्छेदयन्ति पुरुषा निपुणाः कथञ्चि त्तस्मात्त्वमप्यतितरां परिपासि दैत्यान्

mātaḥ svayaṁviracitānvipine vinodā dvandhyānpalāśarahitāṁśca kaṭūṁśca vṛkṣān | nocchedayanti puruṣā nipuṇāḥ kathañci ttasmāttvamapyatitarāṁ paripāsi daityān

"O Mother, skilled men do not, out of mere sport, cut down even barren, leafless, or bitter trees that they themselves have grown in a forest — for some reason or another. For this very reason, you too protect even the daityas exceedingly."

Verse 10 (devibhagavatam.5.19.10)

यत्त्वं तु हंसि रणमूर्ध्नि शरैरराती न्देवाङ्गनासुरतकेलिमतीन्विदित्वा । देहान्तरेऽपि करुणारसमाददाना तत्ते चरित्रमिदमीप्सितपूरणाय

yattvaṁ tu haṁsi raṇamūrdhni śarairarātī ndevāṅganāsuratakelimatīnviditvā | dehāntare'pi karuṇārasamādadānā tatte caritramidamīpsitapūraṇāya

"That you slay your enemies at the height of battle with your arrows, knowing their evil intent, yet even so taking up within yourself the very essence of compassion — this conduct of yours is only for the fulfilment of what is truly desired."

Verse 11 (devibhagavatam.5.19.11)

चित्रं त्वमी यदसुभी रहिता न सन्ति त्वच्चिन्तितेन दनुजाः प्रथितप्रभावाः । येषां कृते जननि देहनिबन्धनं ते क्रीडारसस्तव न चान्यतरोऽत्र हेतुः

citraṁ tvamī yadasubhī rahitā na santi tvaccintitena danujāḥ prathitaprabhāvāḥ | yeṣāṁ kṛte janani dehanibandhanaṁ te krīḍārasastava na cānyataro'tra hetuḥ

"It is a wonder that these renowned and powerful danavas are not, in fact, deprived of their very lives merely by your thought — for whose sake, O Mother, this taking on of a body of yours is itself but the delight of your own play; there is no other reason for it here."

Verse 12 (devibhagavatam.5.19.12)

प्राप्ते कलावहह दुष्टतरे च काले न त्वां भजन्ति मनुजा ननु वञ्चितास्ते । धूर्तैः पुराणचतुरैर्हरिशङ्कराणां सेवापराश्च विहितास्तव निर्मितानाम्

prāpte kalāvahaha duṣṭatare ca kāle na tvāṁ bhajanti manujā nanu vañcitāste | dhūrtaiḥ purāṇacaturairhariśaṅkarāṇāṁ sevāparāśca vihitāstava nirmitānām

"Alas, when the Kali age arrives, an even more wicked time, men do not worship you — indeed they are deceived, by cunning experts in the Puranas, and made devoted instead to the service of Hari and Shankara — beings who are themselves your own creation."

Verse 13 (devibhagavatam.5.19.13)

ज्ञात्वा सुरांस्तव वशानसुरार्दितांश्च ये वै भजन्ति भुवि भावयुता विभग्नान् । धृत्वा करे सुविमलं खलु दीपकं ते कूपे पतन्ति मनुजा विजलेऽतिघोरे

jñātvā surāṁstava vaśānasurārditāṁśca ye vai bhajanti bhuvi bhāvayutā vibhagnān | dhṛtvā kare suvimalaṁ khalu dīpakaṁ te kūpe patanti manujā vijale'tighore

"Those who, knowing the gods to be under your sway, and yet, tormented by the asuras, broken, worship them nonetheless upon this earth, with devoted hearts — such men, even while holding a bright, clear lamp in hand, fall into a most terrible, waterless well."

Verse 14 (devibhagavatam.5.19.14)

विद्या त्वमेव सुखदासुखदाप्यविद्या मातस्त्वमेव जननार्तिहरा नराणाम् । मोक्षार्थिभिस्तु कलिता किल मन्दधीभि र्नाराधिता जननि भोगपरैस्तथाज्ञैः

vidyā tvameva sukhadāsukhadāpyavidyā mātastvameva jananārtiharā narāṇām | mokṣārthibhistu kalitā kila mandadhībhi rnārādhitā janani bhogaparaistathājñaiḥ

"You alone are Vidya, the giver of happiness; you alone are Avidya, the giver of sorrow. You alone, O Mother, remove the birth-sorrow of men. Yet you are known only by those seekers of liberation, and remain unworshipped by the dull-witted, those devoted to mere enjoyment, and the ignorant."

Verse 15 (devibhagavatam.5.19.15)

ब्रह्मा हरश्च हरिरप्यनिशं शरण्यं पादाम्बुजं तव भजन्ति सुरास्तथान्ये । तद्वै न येऽल्पमतयो मनसा भजन्ति भ्रान्ताः पतन्ति सततं भवसागरे ते

brahmā haraśca harirapyaniśaṁ śaraṇyaṁ pādāmbujaṁ tava bhajanti surāstathānye | tadvai na ye'lpamatayo manasā bhajanti bhrāntāḥ patanti satataṁ bhavasāgare te

"Brahma, Hara, and Hari, and the other gods too, ceaselessly worship your lotus feet, that refuge for all. Those of little understanding who do not worship them with their minds wander in delusion, ever falling into this ocean of worldly existence."

Verse 16 (devibhagavatam.5.19.16)

चण्डि त्वदङ्घ्रिजलजोत्थरजःप्रसादै र्ब्रह्मा करोति सकलं भुवनं भवादौ । शौरिश्च पाति खलु संहरते हरस्तु त्वां सेवते न मनुजस्त्विह दुर्भगोऽसौ

caṇḍi tvadaṅghrijalajottharajaḥprasādai rbrahmā karoti sakalaṁ bhuvanaṁ bhavādau | śauriśca pāti khalu saṁharate harastu tvāṁ sevate na manujastviha durbhago'sau

"O Chandi, by the grace of the very dust risen from your lotus feet, Brahma creates this entire world at the beginning of the age; Shauri preserves it, and Hara destroys it. That unfortunate man who does not serve you in this world —"

Verse 17 (devibhagavatam.5.19.17)

वाग्देवता त्वमसि देवि सुरासुराणां वक्तुं न तेऽमरवराः प्रभवन्ति शक्ताः । त्वं चेन्मुखे वससि नैव यदैव तेषां यस्माद्भवन्ति मनुजा न हि तद्विहीनाः

vāgdevatā tvamasi devi surāsurāṇāṁ vaktuṁ na te'maravarāḥ prabhavanti śaktāḥ | tvaṁ cenmukhe vasasi naiva yadaiva teṣāṁ yasmādbhavanti manujā na hi tadvihīnāḥ

"You are the very goddess of speech, O Devi, for both gods and asuras; even the best of the immortals are unable to speak of your full glory. For if you did not dwell upon their tongue, even men could not speak — since none exist devoid of you."

Verse 18 (devibhagavatam.5.19.18)

शप्तो हरिस्तु भृगुणा कुपितेन कामं मीनो बभूव कमठः खलु सूकरस्तु । पश्चान्नृसिंह इति यश्छलकृद्धरायां तान्सेवतां जननि मृत्युभयं न किं स्यात्

śapto haristu bhṛguṇā kupitena kāmaṁ mīno babhūva kamaṭhaḥ khalu sūkarastu | paścānnṛsiṁha iti yaśchalakṛddharāyāṁ tānsevatāṁ janani mṛtyubhayaṁ na kiṁ syāt

"Hari, cursed by Bhrigu in his anger, willingly became a fish, indeed a tortoise, and then a boar, and afterward Man-Lion — he who thus practiced deceit upon the Earth. O Mother, would not the fear of death still remain for those who serve such beings alone?"

Verse 19 (devibhagavatam.5.19.19)

शम्भोः पपात भुवि लिङ्गमिदं प्रसिद्धं शापेन तेन च भृगोर्विपिने गतस्य । तं ये नरा भुवि भजन्ति कपालिनं तु तेषां सुखं कथमिहापि परत्र मातः

śambhoḥ papāta bhuvi liṅgamidaṁ prasiddhaṁ śāpena tena ca bhṛgorvipine gatasya | taṁ ye narā bhuvi bhajanti kapālinaṁ tu teṣāṁ sukhaṁ kathamihāpi paratra mātaḥ

"This famous linga of Shambhu fell upon the earth by that very curse of Bhrigu, when he had gone into the forest. Those men who, upon this earth, worship that skull-bearing one — how, O Mother, can they have happiness, either here or in the world beyond?"

Verse 20 (devibhagavatam.5.19.20)

योऽभूद् गजाननगणाधिपतिर्महेशा त्तं ये भजन्ति मनुजा वितथप्रपन्नाः । जानन्ति ते न सकलार्थफलप्रदात्रीं त्वां देवि विश्वजननीं सुखसेवनीयाम्

yo'bhūd gajānanagaṇādhipatirmaheśā ttaṁ ye bhajanti manujā vitathaprapannāḥ | jānanti te na sakalārthaphalapradātrīṁ tvāṁ devi viśvajananīṁ sukhasevanīyām

"Those men who worship him who became the elephant-faced lord of the ganas, born from Maheśa — men who have taken refuge in what is unreal — do not know you, O Devi, the Mother of the universe, the giver of the fruit of every desire, worthy of joyful worship."

Verse 21 (devibhagavatam.5.19.21)

चित्रं त्वयारिजनतापि दयार्द्रभावा द्धत्वा रणे शितशरैर्गमिता द्युलोकम् । नोचेत्स्वकर्मनिचिते निरये नितान्तं दुःखातिदुःखगतिमापदमापतेत्सा

citraṁ tvayārijanatāpi dayārdrabhāvā ddhatvā raṇe śitaśarairgamitā dyulokam | nocetsvakarmanicite niraye nitāntaṁ duḥkhātiduḥkhagatimāpadamāpatetsā

"It is a wonder that even your enemies, out of your heart melted with compassion, having been slain by you with sharp arrows in battle, are sent to the world of the gods — for otherwise, bound by the accumulation of their own deeds, they would fall into hell, into a state of the utmost, unbearable suffering."

Verse 22 (devibhagavatam.5.19.22)

ब्रह्मा हरश्च हरिरप्युत गर्वभावा ज्जानन्ति तेऽपि विबुधा न तव प्रभावम् । केऽन्ये भवन्ति मनुजा विदितुं समर्थाः सम्मोहितास्तव गुणैरमितप्रभावैः

brahmā haraśca harirapyuta garvabhāvā jjānanti te'pi vibudhā na tava prabhāvam | ke'nye bhavanti manujā vidituṁ samarthāḥ sammohitāstava guṇairamitaprabhāvaiḥ

"Even Brahma, Hara, and Hari, out of their own sense of pride, do not truly know your full power, wise as they are. What other men, then, could ever be capable of knowing it — bewildered as they all are by your qualities of boundless power?"

Verse 23 (devibhagavatam.5.19.23)

क्लिश्यन्ति तेऽपि मुनयस्तव दुर्विभाव्यं पादाम्बुजं न हि भजन्ति विमूढचित्ताः । सूर्याग्निसेवनपराः परमार्थतत्त्वं ज्ञातं न तैः श्रुतिशतैरपि वेदसारम्

kliśyanti te'pi munayastava durvibhāvyaṁ pādāmbujaṁ na hi bhajanti vimūḍhacittāḥ | sūryāgnisevanaparāḥ paramārthatattvaṁ jñātaṁ na taiḥ śrutiśatairapi vedasāram

"Even those sages who exhaust themselves, yet do not worship your lotus feet, so hard to conceive, remain of deluded mind — devoted only to the worship of the sun and fire; the highest truth, the very essence of the Vedas, is not known by them, even through hundreds of scriptural recitations."

Verse 24 (devibhagavatam.5.19.24)

मन्ये गुणास्तव भुवि प्रथितप्रभावाः कुर्वन्ति ये हि विमुखान्ननु भक्तिभावात् । लोकान्स्वबुद्धिरचितैर्विविधागमैश्च विष्ण्वीशभास्करगणेशपरान्विधाय

manye guṇāstava bhuvi prathitaprabhāvāḥ kurvanti ye hi vimukhānnanu bhaktibhāvāt | lokānsvabuddhiracitairvividhāgamaiśca viṣṇvīśabhāskaragaṇeśaparānvidhāya

"I think that it is your own qualities, of renowned power upon this earth, that turn people away, out of devotion, from true worship — by fashioning, through various scriptures composed by their own intellects, people who are instead devoted to Vishnu, Ishvara, the Sun, and Ganesha."

Verse 25 (devibhagavatam.5.19.25)

कुर्वन्ति ये तव पदाद्विमुखान्नराग्र्या न्स्वोक्तागमैर्हरिहरार्चनभक्तियोगैः । तेषां न कुप्यसि दयां कुरुषेऽम्बिके त्वं तान्मोहमन्त्रनिपुणान्प्रथयस्यलं च

kurvanti ye tava padādvimukhānnarāgryā nsvoktāgamairhariharārcanabhaktiyogaiḥ | teṣāṁ na kupyasi dayāṁ kuruṣe'mbike tvaṁ tānmohamantranipuṇānprathayasyalaṁ ca

"Those who turn even the foremost of men away from your feet, through scriptures of their own making, through devotion to the worship of Hari and Hara — toward these you show no anger; rather, O Ambika, you show them compassion, and you yourself, in truth, spread abroad these very ones, so skilled in mantras of delusion."

Verse 26 (devibhagavatam.5.19.26)

तुर्ये युगे भवति चातिबलं गुणस्य तुर्यस्य तेन मथितान्यसदागमानि । त्वां गोपयन्ति निपुणाः कवयः कलौ वै त्वत्कल्पितान्सुरगणानपि संस्तुवन्ति

turye yuge bhavati cātibalaṁ guṇasya turyasya tena mathitānyasadāgamāni | tvāṁ gopayanti nipuṇāḥ kavayaḥ kalau vai tvatkalpitānsuragaṇānapi saṁstuvanti

"In the fourth age, the power of the fourth guna becomes exceedingly strong; churned by that, false scriptures arise. Skilled poets, in the Kali age, conceal you, and instead praise the very hosts of gods that you yourself have fashioned."

Verse 27 (devibhagavatam.5.19.27)

ध्यायन्ति मुक्तिफलदां भुवि योगसिद्धां विद्यां पराञ्च मुनयोऽतिविशुद्धसत्त्वाः । ते नाप्नुवन्ति जननीजठरे तु दुःखं धन्यास्त एव मनुजास्त्वयि ये विलीनाः

dhyāyanti muktiphaladāṁ bhuvi yogasiddhāṁ vidyāṁ parāñca munayo'tiviśuddhasattvāḥ | te nāpnuvanti jananījaṭhare tu duḥkhaṁ dhanyāsta eva manujāstvayi ye vilīnāḥ

"Those sages of utterly pure being who meditate upon this earth on the supreme Knowledge, perfected through yoga, which bestows the fruit of liberation — they do not experience again the suffering of the mother's womb. Blessed indeed are those men who become absorbed in you."

Verse 28 (devibhagavatam.5.19.28)

चिच्छक्तिरस्ति परमात्मनि येन सोऽपि व्यक्तो जगत्सु विदितो भवकृत्यकर्ता । कोऽन्यस्त्वया विरहितः प्रभवत्यमुष्मिन् कर्तुं विहर्तुमपि सञ्चलितुं स्वशक्त्या

cicchaktirasti paramātmani yena so'pi vyakto jagatsu vidito bhavakṛtyakartā | ko'nyastvayā virahitaḥ prabhavatyamuṣmin kartuṁ vihartumapi sañcalituṁ svaśaktyā

"There is a power of consciousness within the Supreme Self, by which that Self itself becomes manifest in the worlds, known as the doer of the deeds of existence. Who else, apart from you, is capable, by his own power, of acting, of enjoying, or even of moving at all, in this universe?"

Verse 29 (devibhagavatam.5.19.29)

तत्त्वानि चिद्विरहितानि जगद्विधातुं किं वा क्षमाणि जगदम्ब यतो जडानि । किं चेन्द्रियाणि गुणकर्मयुतानि सन्ति देवि त्वया विरहितानि फलं प्रदातुम्

tattvāni cidvirahitāni jagadvidhātuṁ kiṁ vā kṣamāṇi jagadamba yato jaḍāni | kiṁ cendriyāṇi guṇakarmayutāni santi devi tvayā virahitāni phalaṁ pradātum

"Are the material principles, devoid of consciousness, capable of fashioning this universe, O Mother of the world, since they are by nature inert? And are the senses, though endowed with their qualities and functions, capable, O Devi, of yielding any fruit at all, if devoid of you?"

Verse 30 (devibhagavatam.5.19.30)

देवा मखेष्वपि हुतं मुनिभिः स्वभागं गृह्णीयुरम्ब विधिवत्प्रतिपादितं किम् । स्वाहा न चेत्त्वमसि तत्र निमित्तभूता तस्मात्त्वमेव ननु पालयसीव विश्वम्

devā makheṣvapi hutaṁ munibhiḥ svabhāgaṁ gṛhṇīyuramba vidhivatpratipāditaṁ kim | svāhā na cettvamasi tatra nimittabhūtā tasmāttvameva nanu pālayasīva viśvam

"Could the gods, O Mother, even receive their own share, duly offered in the sacrifices by the sages according to rite — if you, as Svaha, were not there to be the very instrumental cause of it? Therefore, it is you alone, indeed, who thus protects the entire universe."

Verse 31 (devibhagavatam.5.19.31)

सर्वं त्वयेदमखिलं विहितं भवादौ त्वं पासि वै हरिहरप्रमुखान्दिगीशान् । कालेऽत्सि विश्वमपि ते चरितं भवाद्यं जानन्ति नैव मनुजाः क्व नु मन्दभाग्याः

sarvaṁ tvayedamakhilaṁ vihitaṁ bhavādau tvaṁ pāsi vai hariharapramukhāndigīśān | kāle'tsi viśvamapi te caritaṁ bhavādyaṁ jānanti naiva manujāḥ kva nu mandabhāgyāḥ

"By you was this entire universe fashioned at the beginning of creation; you indeed protect Hari, Hara, and the other foremost gods, and the guardians of the directions; and in time, you consume the universe as well. Men, unfortunate as they are, do not know this conduct of yours from the very beginning of creation — how could they?"

Verse 32 (devibhagavatam.5.19.32)

हत्वासुरं महिषरूपधरं महोग्रं मातस्त्वया सुरगणः किल रक्षितोऽयम् । कां ते स्तुतिं जननि मन्दधियो विदामो वेदा गतिं तव यथार्थतया न जग्मुः

hatvāsuraṁ mahiṣarūpadharaṁ mahograṁ mātastvayā suragaṇaḥ kila rakṣito'yam | kāṁ te stutiṁ janani mandadhiyo vidāmo vedā gatiṁ tava yathārthatayā na jagmuḥ

"By slaying this exceedingly fierce asura who bore the form of a buffalo, O Mother, this host of gods has indeed been protected by you. What praise of you, O Mother, could we, of dull understanding, ever truly know — when even the Vedas have not truly grasped the fullness of your nature?"

Verse 33 (devibhagavatam.5.19.33)

कार्यं कृतं जगति नो यदसौ दुरात्मा वैरी हतो भुवनकण्टकदुर्विभाव्यः । कीर्तिः कृता ननु जगत्सु कृपा विधेया प्यस्मांश्च पाहि जननि प्रथितप्रभावे

kāryaṁ kṛtaṁ jagati no yadasau durātmā vairī hato bhuvanakaṇṭakadurvibhāvyaḥ | kīrtiḥ kṛtā nanu jagatsu kṛpā vidheyā pyasmāṁśca pāhi janani prathitaprabhāve

"Our task in this world has been accomplished, in that this evil-souled enemy — a thorn in the side of the universe, hard to even conceive of — has been slain. Indeed, fame has thereby been established throughout the worlds. Show your grace, and protect us too, O Mother, of renowned power."

Verse 34 (devibhagavatam.5.19.34)

व्यास उवाच । एवं स्तुता सुरैर्देवी तानुवाच मृदुस्वरा । अन्यत्कार्यं च दुःसाध्यं ब्रुवन्तु सुरसत्तमाः

vyāsa uvāca | evaṁ stutā surairdevī tānuvāca mṛdusvarā | anyatkāryaṁ ca duḥsādhyaṁ bruvantu surasattamāḥ

Vyasa said: Thus praised by the gods, the Goddess, in a gentle voice, said to them: "Let the best of the gods now tell me of any other difficult task to be accomplished."

Verse 35 (devibhagavatam.5.19.35)

यदा यदा हि देवानां कार्यं स्यादतिदुर्घटम् । स्मर्तव्याहं तदा शीघ्रं नाशयिष्यामि चापदम्

yadā yadā hi devānāṁ kāryaṁ syādatidurghaṭam | smartavyāhaṁ tadā śīghraṁ nāśayiṣyāmi cāpadam

"Whenever any task of the gods becomes exceedingly difficult, I am then to be remembered at once, and I shall swiftly destroy the calamity."

Verse 36 (devibhagavatam.5.19.36)

देवा ऊचुः । सर्वं कृतं त्वया देवि कार्यं नः खलु साम्प्रतम् । यदयं निहतः शत्रुरस्माकं महिषासुरः

devā ūcuḥ | sarvaṁ kṛtaṁ tvayā devi kāryaṁ naḥ khalu sāmpratam | yadayaṁ nihataḥ śatrurasmākaṁ mahiṣāsuraḥ

The gods said: "Every task of ours, O Devi, has indeed now been accomplished by you, in that this enemy of ours, Mahishasura, has been slain."

Verse 37 (devibhagavatam.5.19.37)

स्मरिष्यामो यथा तेऽम्ब सदैव पदपङ्कजम् । तथा कुरु जगन्मातर्भक्तिं त्वय्यप्यचञ्चलाम्

smariṣyāmo yathā te'mba sadaiva padapaṅkajam | tathā kuru jaganmātarbhaktiṁ tvayyapyacañcalām

"Grant, O Mother of the world, that we may ever remember your lotus feet always; and likewise grant us unwavering devotion to you."

Verse 38 (devibhagavatam.5.19.38)

अपराधसहस्राणि मातैव सहते सदा । इति ज्ञात्वा जगद्योनिं न भजन्ते कुतो जनाः

aparādhasahasrāṇi mātaiva sahate sadā | iti jñātvā jagadyoniṁ na bhajante kuto janāḥ

"Only a mother ever endures a thousand offenses — knowing this, why then do people not worship you, the very womb of the universe?"

Verse 39 (devibhagavatam.5.19.39)

द्वौ सुपर्णो तु देहेऽस्मिंस्तयोः सख्यं निरन्तरम् । नान्यः सखा तृतीयोऽस्ति योऽपराधं सहेत हि

dvau suparṇo tu dehe'smiṁstayoḥ sakhyaṁ nirantaram | nānyaḥ sakhā tṛtīyo'sti yo'parādhaṁ saheta hi

"Two birds dwell in this body, and their friendship is unbroken; there is no third friend who would ever endure one's offenses."

Verse 40 (devibhagavatam.5.19.40)

तस्माज्जीवः सखायं त्वां हित्वा किं नु करिष्यति । पापात्मा मन्दभाग्योऽसौ सुरमानुषयोनिषु

tasmājjīvaḥ sakhāyaṁ tvāṁ hitvā kiṁ nu kariṣyati | pāpātmā mandabhāgyo'sau suramānuṣayoniṣu

"Therefore, having abandoned you, its true friend, what indeed will the individual soul do — that sinful, unfortunate one — wandering through the wombs of gods and men?"

Verse 41 (devibhagavatam.5.19.41)

प्राप्य देहं सुदुष्प्रापं न स्मरेत्त्वां नराधमः । मनसा कर्मणा वाचा ब्रूमः सत्यं पुनः पुनः

prāpya dehaṁ suduṣprāpaṁ na smarettvāṁ narādhamaḥ | manasā karmaṇā vācā brūmaḥ satyaṁ punaḥ punaḥ

"Having obtained a body so exceedingly hard to attain, that lowest of men who does not remember you — in mind, deed, and word we declare this truth, again and again."

Verse 42 (devibhagavatam.5.19.42)

सुखे वाप्यथवा दुःखे त्वं नः शरणमद्भुतम् । पाहि नः सततं देवि सर्वैस्तव वरायुधैः

sukhe vāpyathavā duḥkhe tvaṁ naḥ śaraṇamadbhutam | pāhi naḥ satataṁ devi sarvaistava varāyudhaiḥ

"Whether in happiness or in sorrow, you alone are our wondrous refuge. Protect us always, O Devi, with all your excellent weapons."

Verse 43 (devibhagavatam.5.19.43)

अन्यथा शरणं नास्ति त्वत्पादाम्बुजरेणुतः । व्यास उवाच । एवं स्तुता सुरैर्देवी तत्रैवान्तरधीयत । विस्मयं परमं जग्मुर्देवास्तां वीक्ष्य निर्गताम्

anyathā śaraṇaṁ nāsti tvatpādāmbujareṇutaḥ | vyāsa uvāca | evaṁ stutā surairdevī tatraivāntaradhīyata | vismayaṁ paramaṁ jagmurdevāstāṁ vīkṣya nirgatām

"Otherwise, there is no refuge for us apart from the dust of your lotus feet." Vyasa said: Thus praised by the gods, the Goddess disappeared right there; and the gods, seeing her vanish, were filled with the greatest wonder.