The Earth's Joy After Mahisha's Death

Verse 1 (devibhagavatam.5.20.1)

जनमेजय उवाच अथाद्भुतं वीक्ष्य मुने प्रभावं देव्या जगच्छान्तिकरं परञ्च । न तृप्तिरस्ति द्विजवर्य शृण्वतः कथामृतं ते मुखपद्मजातम्

janamejaya uvāca athādbhutaṁ vīkṣya mune prabhāvaṁ devyā jagacchāntikaraṁ parañca | na tṛptirasti dvijavarya śṛṇvataḥ kathāmṛtaṁ te mukhapadmajātam

Janamejaya said: "Having now witnessed, O sage, this wondrous and supreme power of the Goddess, bringer of peace to the world — O best of brahmins, I find no satiety in listening to this nectar of a tale, born from your lotus-mouth."

Verse 2 (devibhagavatam.5.20.2)

अन्तर्हितायां च तदा भवान्या चक्रुश्च किं देवपुरोगमास्ते । देव्याश्चरित्र परमं पवित्रं दुरापमेवाल्पपुण्यैर्नराणाम्

antarhitāyāṁ ca tadā bhavānyā cakruśca kiṁ devapurogamāste | devyāścaritra paramaṁ pavitraṁ durāpamevālpapuṇyairnarāṇām

"When Bhavani had thus vanished, what did the gods, headed by Indra, then do? This most sacred conduct of the Goddess is indeed hard for men of little merit to attain."

Verse 3 (devibhagavatam.5.20.3)

कस्तृप्तिमाप्नोति कथामृतेन भिन्नोऽल्पभाग्यात्पटुकर्णरन्ध्रः । पीतेन येनामरतां प्रयाति धिक्तान्नरान् ये न पिबन्ति सादरम्

kastṛptimāpnoti kathāmṛtena bhinno'lpabhāgyātpaṭukarṇarandhraḥ | pītena yenāmaratāṁ prayāti dhiktānnarān ye na pibanti sādaram

"Who attains satiety from this nectar-tale, once his keen ears have been opened by the good fortune of hearing it — by drinking which one attains immortality? Shame upon those men who do not drink it reverently!"

Verse 4 (devibhagavatam.5.20.4)

लीलाचरित्रं जगदम्बिकाया रक्षान्वितं देवमहामुनीनाम् । संसारवार्धेस्तरणं नराणां कथं कृतज्ञा हि परित्यजेयुः

līlācaritraṁ jagadambikāyā rakṣānvitaṁ devamahāmunīnām | saṁsāravārdhestaraṇaṁ narāṇāṁ kathaṁ kṛtajñā hi parityajeyuḥ

"This playful conduct of the Mother of the world, which brings protection to the gods and great sages, and which ferries men across the ocean of worldly existence — how could the grateful ever abandon it?"

Verse 5 (devibhagavatam.5.20.5)

मुक्ताश्च ये चैव मुमुक्षवश्च संसारिणो रोगयुताश्च केचित् । तेषां सदा श्रोत्रपुटैश्च पेयं सर्वार्थदं वेदविदो वदन्ति

muktāśca ye caiva mumukṣavaśca saṁsāriṇo rogayutāśca kecit | teṣāṁ sadā śrotrapuṭaiśca peyaṁ sarvārthadaṁ vedavido vadanti

"The knowers of the Veda declare that this tale, which grants every good, is ever to be drunk in through the cups of the ears — by the liberated, by those seeking liberation, by those bound in the world, and by those afflicted with any illness."

Verse 6 (devibhagavatam.5.20.6)

तथा विशेषेण मुने नृपाणां धर्मार्थकामेषु सदा रतानाम् । मुक्ताश्च यस्मात्खलु तत्पिबन्ति कथं न पेयं रहितैश्च तेभ्यः

tathā viśeṣeṇa mune nṛpāṇāṁ dharmārthakāmeṣu sadā ratānām | muktāśca yasmātkhalu tatpibanti kathaṁ na peyaṁ rahitaiśca tebhyaḥ

"And especially so, O sage, for kings ever devoted to dharma, artha, and kama; since even the liberated drink of it, how should it not be drunk by those still lacking such attainment?"

Verse 7 (devibhagavatam.5.20.7)

यैः पूजिता पूर्वभवे भवानी सत्कुन्दपुष्पैरथ चम्पकैश्च । बैल्वैर्दलैस्ते भुवि भोगयुक्ता नृपा भवन्तीत्यनुमेयमेवम्

yaiḥ pūjitā pūrvabhave bhavānī satkundapuṣpairatha campakaiśca | bailvairdalaiste bhuvi bhogayuktā nṛpā bhavantītyanumeyamevam

"Those by whom Bhavani was worshipped in a former life, with fine jasmine and champaka flowers, and with bilva leaves — they, it may be inferred, become kings upon this earth, endowed with every enjoyment."

Verse 8 (devibhagavatam.5.20.8)

ये भक्तिहीना समवाप्य देहं तं मानुषं भारतभूमिभागे । यैर्नार्चिता ते धनधान्यहीना रोगान्विताः सन्ततिवर्जिताश्च

ye bhaktihīnā samavāpya dehaṁ taṁ mānuṣaṁ bhāratabhūmibhāge | yairnārcitā te dhanadhānyahīnā rogānvitāḥ santativarjitāśca

"Those who, devoid of devotion, having obtained this human body in the land of Bharata, do not worship her — they become devoid of wealth and grain, afflicted with disease, and bereft of offspring."

Verse 9 (devibhagavatam.5.20.9)

भ्रमन्ति नित्यं किल दासभूता आज्ञाकराः केवलभारवाहाः । दिवानिशं स्वार्थपराः कदापि नैवाप्नुवन्त्यौदरपूर्तिमात्रम्

bhramanti nityaṁ kila dāsabhūtā ājñākarāḥ kevalabhāravāhāḥ | divāniśaṁ svārthaparāḥ kadāpi naivāpnuvantyaudarapūrtimātram

"They wander about forever, indeed, as mere servants, executors of others' commands, mere bearers of burdens; day and night intent only upon their own self-interest, they never attain even so much as the mere filling of their stomachs."

Verse 10 (devibhagavatam.5.20.10)

अन्धाश्च मूका बधिराश्च खञ्जाः कुष्ठान्विता ये भुवि दुःखभाजः । तत्रानुमानं कविभिर्विधेयं नाराधिता तैः सततं भवानी

andhāśca mūkā badhirāśca khañjāḥ kuṣṭhānvitā ye bhuvi duḥkhabhājaḥ | tatrānumānaṁ kavibhirvidheyaṁ nārādhitā taiḥ satataṁ bhavānī

"The blind, the mute, the deaf, the lame, and those afflicted with leprosy, who become vessels of sorrow upon this earth — of these too, the poets may infer, that they never worshipped Bhavani."

Verse 11 (devibhagavatam.5.20.11)

ये राजभोगान्वितऋद्धिपूर्णाः संसेव्यमाना बहुभिर्मनुष्यैः । दृश्यन्ति ये वा विभवैः समेता स्तैः पूजिताम्बेत्यनुमेयमेव

ye rājabhogānvitaṛddhipūrṇāḥ saṁsevyamānā bahubhirmanuṣyaiḥ | dṛśyanti ye vā vibhavaiḥ sametā staiḥ pūjitāmbetyanumeyameva

"Those who are seen endowed with royal enjoyments, full of prosperity, attended by many people, or possessed of great wealth — of these too, it may surely be inferred, that they have worshipped the Mother."

Verse 12 (devibhagavatam.5.20.12)

तस्मात्सत्यवतीसूनो देव्याश्चरितमुत्तमम् । कथयस्व कृपां कृत्वा दयावानसि साम्प्रतम्

tasmātsatyavatīsūno devyāścaritamuttamam | kathayasva kṛpāṁ kṛtvā dayāvānasi sāmpratam

"Therefore, O son of Satyavati, showing your compassion, tell me now this supreme story of the Goddess — you who are truly full of mercy."

Verse 13 (devibhagavatam.5.20.13)

हत्वा तं महिषं पापं स्तुता सम्पूजिता सुरैः । क्व गता सा महालक्ष्मीः सर्वतेजःसमुद्भवा

hatvā taṁ mahiṣaṁ pāpaṁ stutā sampūjitā suraiḥ | kva gatā sā mahālakṣmīḥ sarvatejaḥsamudbhavā

"Having slain that sinful Mahisha, and being praised and worshipped by the gods, where did that great Lakshmi go, she who arose from the combined splendor of all the gods?"

Verse 14 (devibhagavatam.5.20.14)

कथितं ते महाभाग गतान्तर्धानमाशु सा । स्वर्गे वा मृत्युलोके वा संस्थिता भुवनेश्वरी

kathitaṁ te mahābhāga gatāntardhānamāśu sā | svarge vā mṛtyuloke vā saṁsthitā bhuvaneśvarī

"You have told me, O most fortunate one, that she swiftly vanished from sight — tell me now, is that Lady of the worlds established in heaven, or in the world of mortals?"

Verse 15 (devibhagavatam.5.20.15)

लयं गता वा तत्रैव वैकुण्ठे वा समाश्रिता । अथवा हेमशैले सा तत्त्वतो मे वदाधुना

layaṁ gatā vā tatraiva vaikuṇṭhe vā samāśritā | athavā hemaśaile sā tattvato me vadādhunā

"Did she pass into dissolution right there? Or has she taken refuge in Vaikuntha? Or on the golden mountain? Tell me now the truth of this."

Verse 16 (devibhagavatam.5.20.16)

व्यास उवाच । पूर्वं मया ते कथितं मणिद्वीपं मनोहरम् । क्रीडास्थानं सदा देव्या वल्लभं परमं स्मृतम्

vyāsa uvāca | pūrvaṁ mayā te kathitaṁ maṇidvīpaṁ manoharam | krīḍāsthānaṁ sadā devyā vallabhaṁ paramaṁ smṛtam

Vyasa said: "I have already told you before of the charming Manidvipa, remembered as the Goddess's ever-beloved and supreme place of play."

Verse 17 (devibhagavatam.5.20.17)

यत्र ब्रह्मा हरिः स्थाणुः स्त्रीभावं ते प्रपेदिरे । पुरुषत्वं पुनः प्राप्य स्वानि कार्याणि चक्रिरे

yatra brahmā hariḥ sthāṇuḥ strībhāvaṁ te prapedire | puruṣatvaṁ punaḥ prāpya svāni kāryāṇi cakrire

"There, Brahma, Hari, and Sthanu once took on female form; and having regained their masculine nature again, they carried out their own respective tasks."

Verse 18 (devibhagavatam.5.20.18)

यः सुधासिन्धुमध्येऽस्ति द्वीपः परमशोभनः । नानारूपैः सदा तत्र विहारं कुरुतेऽम्बिका

yaḥ sudhāsindhumadhye'sti dvīpaḥ paramaśobhanaḥ | nānārūpaiḥ sadā tatra vihāraṁ kurute'mbikā

"That island, of supreme beauty, lies in the midst of the ocean of nectar; there Ambika ever sports about, assuming manifold forms."

Verse 19 (devibhagavatam.5.20.19)

स्तुता सम्पूजिता देवैः सा तत्रैव गता शिवा । यत्र सङ्क्रीडते नित्यं मायाशक्तिः सनातनी

stutā sampūjitā devaiḥ sā tatraiva gatā śivā | yatra saṅkrīḍate nityaṁ māyāśaktiḥ sanātanī

"Praised and worshipped by the gods, that auspicious one went right there, to that very place where the eternal power of Maya ever plays."

Verse 20 (devibhagavatam.5.20.20)

देवास्तां निर्गतां वीक्ष्य देवीं सर्वेश्वरीं तथा । रविवंशोद्भवं चक्रुर्भूमिपालं महाबलम्

devāstāṁ nirgatāṁ vīkṣya devīṁ sarveśvarīṁ tathā | ravivaṁśodbhavaṁ cakrurbhūmipālaṁ mahābalam

Seeing that Goddess, the Mistress of all, thus depart, the gods then made a mighty king, born of the solar dynasty, the protector of the earth.

Verse 21 (devibhagavatam.5.20.21)

अयोध्याधिपतिं वीरं शत्रुघ्नं नाम पार्थिवम् । सर्वलक्षणसम्पन्नं महिषस्यासने शुभे

ayodhyādhipatiṁ vīraṁ śatrughnaṁ nāma pārthivam | sarvalakṣaṇasampannaṁ mahiṣasyāsane śubhe

They installed upon Mahisha's own auspicious throne the heroic lord of Ayodhya, a king named Shatrughna, endowed with every auspicious mark.

Verse 22 (devibhagavatam.5.20.22)

दत्त्वा राज्यं तदा तस्मै देवा इन्द्रपुरोगमाः । स्वकीयैर्वाहनैः सर्वे जग्मुः स्वान्यालयानि ते

dattvā rājyaṁ tadā tasmai devā indrapurogamāḥ | svakīyairvāhanaiḥ sarve jagmuḥ svānyālayāni te

Having thus bestowed the kingdom upon him, the gods, with Indra at their head, all departed upon their own respective vehicles to their own abodes.

Verse 23 (devibhagavatam.5.20.23)

गतेषु तेषु देवेषु पृथिव्यां पृथिवीपते । धर्मराज्यं बभूवाथ प्रजाश्च सुखितास्तथा

gateṣu teṣu deveṣu pṛthivyāṁ pṛthivīpate | dharmarājyaṁ babhūvātha prajāśca sukhitāstathā

When the gods had thus departed, O lord of the earth, a righteous kingdom then arose upon the earth, and its subjects became happy.

Verse 24 (devibhagavatam.5.20.24)

पर्जन्यः कालवर्षी च धरा धान्यगुणावृता । पादपाः फलपुष्पाढ्या बभूवुः सुखदाः सदा

parjanyaḥ kālavarṣī ca dharā dhānyaguṇāvṛtā | pādapāḥ phalapuṣpāḍhyā babhūvuḥ sukhadāḥ sadā

The rain-god sent rain at its proper season; the earth became rich with abundant grain; the trees, laden with fruits and flowers, ever gave delight.

Verse 25 (devibhagavatam.5.20.25)

गावश्च क्षीरसम्पना घटोध्न्यः कामदा नृणाम् । नद्यः सुमार्गगाः स्वच्छाः शीतोदाः खगसंयुताः

gāvaśca kṣīrasampanā ghaṭodhnyaḥ kāmadā nṛṇām | nadyaḥ sumārgagāḥ svacchāḥ śītodāḥ khagasaṁyutāḥ

The cows were rich with milk, their udders full as pitchers, granting all desires to men; the rivers flowed in fair channels, clear, cool-watered, and thronged with birds.

Verse 26 (devibhagavatam.5.20.26)

ब्राह्मणा वेदतत्त्वाश्च यज्ञकर्मरतास्तथा । क्षत्रिया धर्मसंयुक्ता दानाध्ययनतत्पराः

brāhmaṇā vedatattvāśca yajñakarmaratāstathā | kṣatriyā dharmasaṁyuktā dānādhyayanatatparāḥ

The brahmins were versed in the truths of the Veda, and devoted to sacrificial rites; the kshatriyas were joined with dharma, intent upon charity and study.

Verse 27 (devibhagavatam.5.20.27)

शस्त्रविद्यारता नित्यं प्रजारक्षणतत्पराः । न्यायदण्डधराः सर्वे राजानः शमसंयुताः

śastravidyāratā nityaṁ prajārakṣaṇatatparāḥ | nyāyadaṇḍadharāḥ sarve rājānaḥ śamasaṁyutāḥ

Ever devoted to the science of arms, intent upon the protection of their subjects, all the kings wielded the rod of justice righteously, and were endowed with tranquility.

Verse 28 (devibhagavatam.5.20.28)

अविरोधस्तु भूतानां सर्वेषां सम्बभूव ह । आकरा धनदा नृणां व्रजा गोयूथसंयुताः

avirodhastu bhūtānāṁ sarveṣāṁ sambabhūva ha | ākarā dhanadā nṛṇāṁ vrajā goyūthasaṁyutāḥ

There arose harmony among all beings, without exception; the mines yielded wealth to men, and the cattle-pens were filled with herds of cows.

Verse 29 (devibhagavatam.5.20.29)

ब्राह्मणाः क्षत्रिया वैश्याः शूद्राश्च नृपसत्तम । देवीभक्तिपराः सर्वे सम्बभूवुर्धरातले

brāhmaṇāḥ kṣatriyā vaiśyāḥ śūdrāśca nṛpasattama | devībhaktiparāḥ sarve sambabhūvurdharātale

Brahmins, kshatriyas, vaishyas, and shudras, O best of kings, all became devoted to the worship of the Goddess upon the face of the earth.

Verse 30 (devibhagavatam.5.20.30)

सर्वत्र यज्ञयूपाश्च मण्डपाश्च मनोहराः । मखैः पूर्णा धराश्चासन् ब्राह्मणैः क्षत्रियैः कृतैः

sarvatra yajñayūpāśca maṇḍapāśca manoharāḥ | makhaiḥ pūrṇā dharāścāsan brāhmaṇaiḥ kṣatriyaiḥ kṛtaiḥ

Everywhere there were sacrificial posts and charming pavilions; the earth was filled with the sacrifices performed by brahmins and kshatriyas.

Verse 31 (devibhagavatam.5.20.31)

पतिव्रतधरा नार्यः सुशीलाः सत्यसंयुताः । पितृभक्तिपराः पुत्रा आसन्धर्मपरायणाः

pativratadharā nāryaḥ suśīlāḥ satyasaṁyutāḥ | pitṛbhaktiparāḥ putrā āsandharmaparāyaṇāḥ

Women held to the vow of devotion to their husbands, of good conduct and truthfulness; sons were devoted to their fathers, and given wholly to dharma.

Verse 32 (devibhagavatam.5.20.32)

न पाखण्डं न वाधर्मः कुत्रापि पृथिवीतले । वेदवादा शास्त्रवादा नान्ये वादास्तथाभवन्

na pākhaṇḍaṁ na vādharmaḥ kutrāpi pṛthivītale | vedavādā śāstravādā nānye vādāstathābhavan

There was no heresy, no false dharma anywhere upon the earth; only the doctrines of the Veda and the scriptures prevailed, no other doctrines existed.

Verse 33 (devibhagavatam.5.20.33)

कलहो नैव केषाञ्चिन्न दैन्यं नाशुभा मतिः । सर्वत्र सुखिनो लोकाः काले च मरणं तथा

kalaho naiva keṣāñcinna dainyaṁ nāśubhā matiḥ | sarvatra sukhino lokāḥ kāle ca maraṇaṁ tathā

There was quarreling among none, no misery, no evil intent; people everywhere were happy, and death, too, came only in its proper time.

Verse 34 (devibhagavatam.5.20.34)

सुहृदां न वियोगश्च नापदश्च कदाचन । नानावृष्टिर्न दुर्भिक्षं न मारी दुःखदा नृणाम्

suhṛdāṁ na viyogaśca nāpadaśca kadācana | nānāvṛṣṭirna durbhikṣaṁ na mārī duḥkhadā nṛṇām

There was no separation from loved ones, nor calamity of any kind whatsoever; there was no excessive rain, no famine, no plague to bring sorrow to men.

Verse 35 (devibhagavatam.5.20.35)

न रोगो न च मात्सर्यं न विरोधः परस्परम् । सर्वत्र सुखसम्पन्ना नरा नार्यः सुखान्विताः

na rogo na ca mātsaryaṁ na virodhaḥ parasparam | sarvatra sukhasampannā narā nāryaḥ sukhānvitāḥ

There was no disease, no envy, no mutual hostility; men and women everywhere were endowed with happiness and filled with joy.

Verse 36 (devibhagavatam.5.20.36)

क्रीडन्ति मानवाः सर्वे स्वर्गे देवगणा इव । न चौरा न च पाखण्डा वञ्चका दम्भकास्तथा

krīḍanti mānavāḥ sarve svarge devagaṇā iva | na caurā na ca pākhaṇḍā vañcakā dambhakāstathā

All human beings sported about as though they were the hosts of gods in heaven; there were no thieves, no heretics, no deceivers, and no hypocrites.

Verse 37 (devibhagavatam.5.20.37)

पिशुना लम्पटाः स्तब्धा न बभूवुस्तदा नृप । न वेदद्वेषिणः पापा मानवाः पृथिवीपते

piśunā lampaṭāḥ stabdhā na babhūvustadā nṛpa | na vedadveṣiṇaḥ pāpā mānavāḥ pṛthivīpate

There were then no slanderers, no lechers, no arrogant men, O king; nor were there sinful men who hated the Veda, O lord of the earth.

Verse 38 (devibhagavatam.5.20.38)

सर्वधर्मरता नित्यं द्विजसेवापरायणाः । त्रिधात्वात्सृष्टिधर्मस्य त्रिविधा ब्राह्मणास्ततः

sarvadharmaratā nityaṁ dvijasevāparāyaṇāḥ | tridhātvātsṛṣṭidharmasya trividhā brāhmaṇāstataḥ

All were ever devoted to dharma, intent upon serving the twice-born; and, on account of the threefold nature of the dharma of creation, the brahmins were of three kinds:

Verse 39 (devibhagavatam.5.20.39)

सात्त्विका राजसाश्चैव तामसाश्च तथापरे । सर्वे वेदविदो दक्षाः सात्त्विकाः सत्त्ववृत्तयः

sāttvikā rājasāścaiva tāmasāśca tathāpare | sarve vedavido dakṣāḥ sāttvikāḥ sattvavṛttayaḥ

sattvic, rajasic, and likewise tamasic. All were skilled knowers of the Veda; the sattvic ones lived by a mode of pure being.

Verse 40 (devibhagavatam.5.20.40)

प्रतिग्रहविहीनाश्च दयादमपरायणाः । यज्ञास्ते सात्त्विकैरन्नैः कुर्वाणा धर्मतत्पराः

pratigrahavihīnāśca dayādamaparāyaṇāḥ | yajñāste sāttvikairannaiḥ kurvāṇā dharmatatparāḥ

Devoid of accepting gifts, devoted to compassion and self-restraint, they performed their sacrifices with pure foods, intent upon dharma —

Verse 41 (devibhagavatam.5.20.41)

पुरोडाशविधानैश्च पशुभिर्न कदाचन । दानमध्ययनञ्चैव यजनं तु तृतीयकम्

puroḍāśavidhānaiśca paśubhirna kadācana | dānamadhyayanañcaiva yajanaṁ tu tṛtīyakam

— using rice-cake offerings according to rite, never with animal victims. Giving gifts, study, and sacrifice — this made up their three occupations.

Verse 42 (devibhagavatam.5.20.42)

त्रिकर्मरसिकास्ते वै सात्त्विका ब्राह्मणा नृप । राजसा वेदविद्वांसः क्षत्रियाणां पुरोहिताः

trikarmarasikāste vai sāttvikā brāhmaṇā nṛpa | rājasā vedavidvāṁsaḥ kṣatriyāṇāṁ purohitāḥ

Delighting in these three duties, such were the sattvic brahmins, O king. The rajasic brahmins, learned in the Veda, served as priests to the kshatriyas.

Verse 43 (devibhagavatam.5.20.43)

षट्कर्मनिरता सर्वे विधिवन्मांसभक्षकाः । यजनं याजनं दानं तथैव च प्रतिग्रहः

ṣaṭkarmaniratā sarve vidhivanmāṁsabhakṣakāḥ | yajanaṁ yājanaṁ dānaṁ tathaiva ca pratigrahaḥ

All were devoted to the six duties, and, according to rite, ate meat as prescribed. Performing sacrifice, officiating at others' sacrifices, giving gifts, and accepting gifts —

Verse 44 (devibhagavatam.5.20.44)

अध्ययनं तु वेदानां तथैवाध्यापनं तु षट् । तामसाः क्रोधसंयुक्ता रागद्वेषपराः पुनः

adhyayanaṁ tu vedānāṁ tathaivādhyāpanaṁ tu ṣaṭ | tāmasāḥ krodhasaṁyuktā rāgadveṣaparāḥ punaḥ

— studying the Vedas, and likewise teaching them: these were their six duties. The tamasic brahmins, on the other hand, were prone to anger, given to passion and hatred,

Verse 45 (devibhagavatam.5.20.45)

राज्ञां कर्मकरा नित्यं किञ्चिदध्ययने रताः । महिषे निहते सर्वे सुखिनो वेदतत्पराः

rājñāṁ karmakarā nityaṁ kiñcidadhyayane ratāḥ | mahiṣe nihate sarve sukhino vedatatparāḥ

and served ever as functionaries of kings, and were devoted only a little to study. With Mahisha slain, all were happy and devoted to the Veda.

Verse 46 (devibhagavatam.5.20.46)

बभूवुर्व्रतनिष्णाता दानधर्मपरास्तथा । क्षत्रियाः पालने युक्ता वैश्या वणिजवृत्तयः

babhūvurvrataniṣṇātā dānadharmaparāstathā | kṣatriyāḥ pālane yuktā vaiśyā vaṇijavṛttayaḥ

They became accomplished in their vows, and devoted to charity and dharma; the kshatriyas were occupied with governance, and the vaishyas lived by the occupation of trade.

Verse 47 (devibhagavatam.5.20.47)

कृषिवाणिज्यगोरक्षाकुसीदवृत्तयः परे । एवं प्रमुदितो लोको महिषे विनिपातिते

kṛṣivāṇijyagorakṣākusīdavṛttayaḥ pare | evaṁ pramudito loko mahiṣe vinipātite

Others lived by farming, commerce, cattle-rearing, and moneylending. Thus the world rejoiced greatly, with Mahisha having been struck down.

Verse 48 (devibhagavatam.5.20.48)

अनुद्वेगः प्रजानां वै सम्बभूव धनागमः । बहुक्षीरा शुभा गावो नद्यश्चैव बहूदकाः

anudvegaḥ prajānāṁ vai sambabhūva dhanāgamaḥ | bahukṣīrā śubhā gāvo nadyaścaiva bahūdakāḥ

The people were free from anxiety, and wealth flowed to them; the cows were auspicious and rich in milk, and the rivers ran full with abundant water.

Verse 49 (devibhagavatam.5.20.49)

वृक्षा बहुफलाश्चासन्मानवा रोगवर्जिताः । नाधयो नेतयः क्वापि प्रजानां दुःखदायकाः

vṛkṣā bahuphalāścāsanmānavā rogavarjitāḥ | nādhayo netayaḥ kvāpi prajānāṁ duḥkhadāyakāḥ

The trees bore abundant fruit, and human beings were free from disease; there was, anywhere, neither mental anguish nor physical affliction to cause sorrow to the people.

Verse 50 (devibhagavatam.5.20.50)

न निधनमुपयान्ति प्राणिनस्तेऽप्यकाले सकलविभवयुक्ता रोगहीनाः सदैव । निगमविहितधर्मे तत्पराश्चण्डिकाया श्चरणसरसिजानां सेवने दत्तचित्ताः

na nidhanamupayānti prāṇinaste'pyakāle sakalavibhavayuktā rogahīnāḥ sadaiva | nigamavihitadharme tatparāścaṇḍikāyā ścaraṇasarasijānāṁ sevane dattacittāḥ

Living beings did not meet death out of season; endowed always with every kind of prosperity and free from disease, they remained devoted to the dharma laid down in the scriptures, their minds set upon the service of Chandika's lotus feet.