The Birth of Mahishasura

Verse 1 (devibhagavatam.5.2.1)

राजोवाच । योगेश्वर्याः प्रभावोऽयं कथितश्चातिविस्तरात् । ब्रूहि तच्चरितं स्वामिञ्छ्रोतुं कौतूहलं मम

rājovāca | yogeśvaryāḥ prabhāvo'yaṁ kathitaścātivistarāt | brūhi taccaritaṁ svāmiñchrotuṁ kautūhalaṁ mama

The king said: This power of Yogeshvari has already been told at great length. Now, O master, tell her story further — I am eager to hear it.

Verse 2 (devibhagavatam.5.2.2)

महादेवीप्रभावं वै श्रोतुं को नाभिवाञ्छति । यो जानाति जगत्सर्वं तदुत्पन्नं चराचरम्

mahādevīprabhāvaṁ vai śrotuṁ ko nābhivāñchati | yo jānāti jagatsarvaṁ tadutpannaṁ carācaram

Who indeed does not wish to hear of the power of the Great Goddess, from whom this entire universe of moving and unmoving things has arisen, and who knows it all?

Verse 3 (devibhagavatam.5.2.3)

व्यास उवाच । शृणु राजन् प्रवक्ष्यामि विस्तरेण महामते । श्रद्दधानाय शान्ताय न ब्रूयात्स तु मन्दधीः

vyāsa uvāca | śṛṇu rājan pravakṣyāmi vistareṇa mahāmate | śraddadhānāya śāntāya na brūyātsa tu mandadhīḥ

Vyasa said: Listen, O king, O wise one, I shall tell it in detail. This should be told only to one who is faithful and of peaceful mind — not to one of dull intellect.

Verse 4 (devibhagavatam.5.2.4)

पुरा युद्धमभूद् घोरं देवदानवसेनयोः । पृथिव्यां पृथिवीपाल महिषाख्ये महीपतौ

purā yuddhamabhūd ghoraṁ devadānavasenayoḥ | pṛthivyāṁ pṛthivīpāla mahiṣākhye mahīpatau

O protector of the earth, long ago a terrible war broke out between the armies of gods and demons on this earth, in the time of the king named Mahisha.

Verse 5 (devibhagavatam.5.2.5)

महिषो नाम राजेन्द्र चकार तप उत्तमम् । गत्वा हेमगिरौ चोग्रं देवविस्मयकारकम्

mahiṣo nāma rājendra cakāra tapa uttamam | gatvā hemagirau cograṁ devavismayakārakam

O lord of kings, that Mahisha went to Mount Hemagiri and performed a supreme, fierce austerity — one that astonished even the gods.

Verse 6 (devibhagavatam.5.2.6)

वर्षाणामयुतं पूर्णं चिन्तयन्हृदि देवताम् । तस्य तुष्टो महाराज ब्रह्मा लोकपितामहः

varṣāṇāmayutaṁ pūrṇaṁ cintayanhṛdi devatām | tasya tuṣṭo mahārāja brahmā lokapitāmahaḥ

For ten thousand full years he meditated in his heart upon the deity; and, O great king, Brahma, the grandfather of the worlds, became pleased with him.

Verse 7 (devibhagavatam.5.2.7)

तत्रागत्याब्रवीद्वाक्यं हंसारूढश्चतुर्मुखः । वरं वरय धर्मात्मन्ददामि तव वाच्छितम्

tatrāgatyābravīdvākyaṁ haṁsārūḍhaścaturmukhaḥ | varaṁ varaya dharmātmandadāmi tava vācchitam

Coming there, mounted on his swan, the four-faced Brahma spoke: 'O righteous one, choose a boon — I shall grant you your desire.'

Verse 8 (devibhagavatam.5.2.8)

महिष उवाच । अमरत्वं देवदेव वाञ्छामि द्रुहिण प्रभो । यथा मृत्यु भयं न स्यात्तथा कुरु पितामह

mahiṣa uvāca | amaratvaṁ devadeva vāñchāmi druhiṇa prabho | yathā mṛtyu bhayaṁ na syāttathā kuru pitāmaha

Mahisha said: O God of gods, O Brahma, O Lord, I desire immortality. Grant it, O grandfather, that I may have no fear of death.

Verse 9 (devibhagavatam.5.2.9)

ब्रह्मोवाच । उत्पन्नस्य ध्रुवं मृत्युर्ध्रुवं जन्म मृतस्य च । सर्वथा मरणोत्पत्ती सर्वेषां प्राणिनां किल

brahmovāca | utpannasya dhruvaṁ mṛtyurdhruvaṁ janma mṛtasya ca | sarvathā maraṇotpattī sarveṣāṁ prāṇināṁ kila

Brahma said: For one who is born, death is certain, and for one who has died, rebirth is certain. Birth and death apply, without exception, to every living being.

Verse 10 (devibhagavatam.5.2.10)

नाशः कालेन सर्वेषां प्राणिनां दैत्यपुङ्गव । महामहीधराणां च समुद्राणां च सर्वथा

nāśaḥ kālena sarveṣāṁ prāṇināṁ daityapuṅgava | mahāmahīdharāṇāṁ ca samudrāṇāṁ ca sarvathā

O foremost of the daityas, destruction by time comes to all beings, and, without exception, even to the great mountains and to the oceans.

Verse 11 (devibhagavatam.5.2.11)

एकं स्थानं परित्यज्य मरणस्य महीपते । प्रब्रूहि तं वरं साधो यस्ते मनसि वर्तते

ekaṁ sthānaṁ parityajya maraṇasya mahīpate | prabrūhi taṁ varaṁ sādho yaste manasi vartate

So, O lord of the earth, leaving aside this one matter of death, tell me, O virtuous one, whatever boon is on your mind.

Verse 12 (devibhagavatam.5.2.12)

महिष उवाच । न देवान्मानुषाद्दैत्यान्मरणं मे पितामह । पुरुषान्न च मे मृत्युर्योषा मां का हनिष्यति

mahiṣa uvāca | na devānmānuṣāddaityānmaraṇaṁ me pitāmaha | puruṣānna ca me mṛtyuryoṣā māṁ kā haniṣyati

Mahisha said: O grandfather, let my death come neither from gods, nor men, nor daityas, nor from any male at all — what woman, after all, could possibly slay me?

Verse 13 (devibhagavatam.5.2.13)

तस्मान्मे मरणं नूनं कामिन्याः कुरु पद्मज । अबला हन्त मां हन्तुं कथं शक्ता भविष्यति

tasmānme maraṇaṁ nūnaṁ kāminyāḥ kuru padmaja | abalā hanta māṁ hantuṁ kathaṁ śaktā bhaviṣyati

Therefore, O lotus-born one, let my death be decreed only at the hand of a woman — for how could a mere weak female ever be capable of killing me?

Verse 14 (devibhagavatam.5.2.14)

ब्रह्मोवाच । यदा कदापि दैत्येन्द्र नार्यास्ते मरणं ध्रुवम् । न नरेभ्यो महाभाग मृतिस्ते महिषासुर

brahmovāca | yadā kadāpi daityendra nāryāste maraṇaṁ dhruvam | na narebhyo mahābhāga mṛtiste mahiṣāsura

Brahma said: O lord of the daityas, whenever it comes, your death is fixed to be by a woman's hand, and not by men's — so it shall be, O most fortunate Mahishasura.

Verse 15 (devibhagavatam.5.2.15)

व्यास उवाच । एवं दत्त्वा वरं तस्मै ययौ ब्रह्मा निजालयम् । सोऽपि दैत्यवरः प्राप निजं स्थानं मुदान्वितः

vyāsa uvāca | evaṁ dattvā varaṁ tasmai yayau brahmā nijālayam | so'pi daityavaraḥ prāpa nijaṁ sthānaṁ mudānvitaḥ

Vyasa said: Having thus granted him the boon, Brahma departed for his own abode; and that foremost of daityas too returned, filled with joy, to his own place.

Verse 16 (devibhagavatam.5.2.16)

राजोवाच । महिषः कस्य पुत्रोऽसौ कथं जातो महाबली । कथं च माहिषं रूपं प्राप्तं तेन महात्मना

rājovāca | mahiṣaḥ kasya putro'sau kathaṁ jāto mahābalī | kathaṁ ca māhiṣaṁ rūpaṁ prāptaṁ tena mahātmanā

The king said: Whose son was this mighty Mahisha? How was he born? And how did that great being come to have the form of a buffalo?

Verse 17 (devibhagavatam.5.2.17)

व्यास उवाच । दनोः पुत्रौ महाराज विख्यातौ क्षितिमण्डले । रम्भश्चैव करम्भश्च द्वावास्तां दानवोत्तमौ

vyāsa uvāca | danoḥ putrau mahārāja vikhyātau kṣitimaṇḍale | rambhaścaiva karambhaśca dvāvāstāṁ dānavottamau

Vyasa said: O great king, Danu had two sons famed throughout the earth — Rambha and Karambha, both foremost among the danavas.

Verse 18 (devibhagavatam.5.2.18)

तावपुत्रौ महाराज पुत्रार्थं तेपतुस्तपः । बहून्वर्षगणान्कामं पुण्ये पञ्चनदे जले

tāvaputrau mahārāja putrārthaṁ tepatustapaḥ | bahūnvarṣagaṇānkāmaṁ puṇye pañcanade jale

O great king, both being without sons, they performed austerity in the sacred waters of the Panchanada for many years of their own will, in hope of a son.

Verse 19 (devibhagavatam.5.2.19)

करम्भस्तु जले मग्नश्चकार परमं तपः । वृक्षं रसालवटं प्राप्य रम्भोऽग्निमसेवत

karambhastu jale magnaścakāra paramaṁ tapaḥ | vṛkṣaṁ rasālavaṭaṁ prāpya rambho'gnimasevata

Karambha, submerged in the water, undertook the supreme austerity, while Rambha went to a spot by a mango-and-banyan tree and took up the worship of fire.

Verse 20 (devibhagavatam.5.2.20)

पञ्चाग्निसाधनासक्तः स रम्भस्तु यदाभवत् । ज्ञात्वा शचीपतिर्दुःखमुद्ययौ दानवौ प्रति

pañcāgnisādhanāsaktaḥ sa rambhastu yadābhavat | jñātvā śacīpatirduḥkhamudyayau dānavau prati

When Rambha became absorbed in the discipline of the five fires, Indra, learning of it and troubled, set out toward the two danavas.

Verse 21 (devibhagavatam.5.2.21)

गत्वा पञ्चनदे तत्र ग्राहरूपं चकार ह । वासवस्तु करम्भं तं तदा जग्राह पादयोः

gatvā pañcanade tatra grāharūpaṁ cakāra ha | vāsavastu karambhaṁ taṁ tadā jagrāha pādayoḥ

Going there to the Panchanada, Indra took the form of a crocodile, and in that form he seized Karambha by the feet.

Verse 22 (devibhagavatam.5.2.22)

निजघान च तं दुष्टं करम्भं वृत्रसूदनः । भ्रातरं निहतं श्रुत्वा रम्भः कोपं परं गतः

nijaghāna ca taṁ duṣṭaṁ karambhaṁ vṛtrasūdanaḥ | bhrātaraṁ nihataṁ śrutvā rambhaḥ kopaṁ paraṁ gataḥ

And the slayer of Vritra killed that wicked Karambha. Hearing that his brother had been slain, Rambha was overcome with the utmost fury.

Verse 23 (devibhagavatam.5.2.23)

स्वशीर्षं पावके होतुमैच्छच्छित्त्वा करेण ह । केशपाशे गहीत्वाशु वामेन क्रोधसंयुतः

svaśīrṣaṁ pāvake hotumaicchacchittvā kareṇa ha | keśapāśe gahītvāśu vāmena krodhasaṁyutaḥ

Filled with rage, he resolved to sever his own head and offer it into the fire; swiftly seizing his mass of hair with his left hand —

Verse 24 (devibhagavatam.5.2.24)

दक्षिणेन करेणोग्रं गृहीत्वा खड्गमुत्तमम् । छिनत्ति शीर्षं तत्तावद्वह्निना प्रतिबोधितः

dakṣiṇena kareṇograṁ gṛhītvā khaḍgamuttamam | chinatti śīrṣaṁ tattāvadvahninā pratibodhitaḥ

— and taking up a fierce, excellent sword in his right hand, he was just about to cut off his head when Agni himself intervened and roused him.

Verse 25 (devibhagavatam.5.2.25)

उक्तश्च दैत्य मूर्खोऽसि स्वशीर्षं छेत्तुमिच्छसि । आत्महत्यातिदुःसाध्या कथं त्वं कर्तुमुद्यतः

uktaśca daitya mūrkho'si svaśīrṣaṁ chettumicchasi | ātmahatyātiduḥsādhyā kathaṁ tvaṁ kartumudyataḥ

And he was told: 'O daitya, you are a fool to wish to cut off your own head — self-slaughter is a most intractable sin. Why are you set upon committing it?'

Verse 26 (devibhagavatam.5.2.26)

वरं वरय भद्रं ते यस्ते मनसि वर्तते । मा म्रियस्व मृतेनाद्य किं ते कार्यं भविष्यति

varaṁ varaya bhadraṁ te yaste manasi vartate | mā mriyasva mṛtenādya kiṁ te kāryaṁ bhaviṣyati

'Choose instead a boon — may good come to you, whatever is on your mind. Do not die: what would your death accomplish today?'

Verse 27 (devibhagavatam.5.2.27)

व्यास उवाच । तच्छुत्वा वचनं रम्भः पावकस्य सुभाषितम् । ततोऽब्रवीद्वचो रम्भस्त्यक्त्वा केशकलापकम्

vyāsa uvāca | tacchutvā vacanaṁ rambhaḥ pāvakasya subhāṣitam | tato'bravīdvaco rambhastyaktvā keśakalāpakam

Vyasa said: Hearing these well-spoken words of Agni, Rambha released his mass of hair and spoke these words.

Verse 28 (devibhagavatam.5.2.28)

यदि तुष्टोऽसि देवेश देहि मे वाञ्छितं वरम् । त्रैलोक्यविजयी पुत्रः स्यान्नः परबलार्दनः

yadi tuṣṭo'si deveśa dehi me vāñchitaṁ varam | trailokyavijayī putraḥ syānnaḥ parabalārdanaḥ

'If you are pleased, O lord of gods, grant me my desired boon: may I have a son who conquers the three worlds and destroys the forces of every enemy.'

Verse 29 (devibhagavatam.5.2.29)

अजेयः सर्वथा स स्याद्देवदानवमानवैः । कामरूपी महावीर्यः सर्वलोकाभिवन्दितः

ajeyaḥ sarvathā sa syāddevadānavamānavaiḥ | kāmarūpī mahāvīryaḥ sarvalokābhivanditaḥ

'May he be, in every way, unconquerable by gods, danavas, and men — able to take any form he wishes, of great valor, and honored by all the worlds.'

Verse 30 (devibhagavatam.5.2.30)

पावकस्तं तथेत्याह भविष्यति तवेप्सितम् । पुत्रस्तव महाभाग मरणाद्विरमाधुना

pāvakastaṁ tathetyāha bhaviṣyati tavepsitam | putrastava mahābhāga maraṇādviramādhunā

Agni said: 'So be it; your wish shall come to pass. You shall have a son, O most fortunate one — now abandon these thoughts of death.'

Verse 31 (devibhagavatam.5.2.31)

यस्यां चित्तं तु रम्भ त्वं प्रमदायां करिष्यसि । तस्यां पुत्रो महाभाग भविष्यति बलाधिकः

yasyāṁ cittaṁ tu rambha tvaṁ pramadāyāṁ kariṣyasi | tasyāṁ putro mahābhāga bhaviṣyati balādhikaḥ

'Whatever female, O Rambha, your heart fastens upon — in her, O most fortunate one, shall this exceedingly powerful son be born.'

Verse 32 (devibhagavatam.5.2.32)

व्यास उवाच । इत्युक्तो वह्निना रम्भो वचनं चित्तरञ्जनम् । श्रुत्वा प्रणम्य प्रययौ वह्निं तं दानवोत्तमः

vyāsa uvāca | ityukto vahninā rambho vacanaṁ cittarañjanam | śrutvā praṇamya prayayau vahniṁ taṁ dānavottamaḥ

Vyasa said: Having heard this heart-delighting word spoken by Agni, Rambha, that foremost of danavas, bowed to him and departed.

Verse 33 (devibhagavatam.5.2.33)

यक्षैः परिवृतं स्थानं रमणीयं श्रियान्वितम् । दृष्ट्वा चक्रे तदा भावं महिष्यां दानवोत्तमः

yakṣaiḥ parivṛtaṁ sthānaṁ ramaṇīyaṁ śriyānvitam | dṛṣṭvā cakre tadā bhāvaṁ mahiṣyāṁ dānavottamaḥ

Seeing a beautiful, prosperous spot surrounded by Yakshas, that foremost of danavas there conceived a passion for a she-buffalo.

Verse 34 (devibhagavatam.5.2.34)

मत्तायां रूपपूर्णायां विहायान्याञ्च योषितम् । सा समागाच्च तरसा कामयन्ती मुदान्विता

mattāyāṁ rūpapūrṇāyāṁ vihāyānyāñca yoṣitam | sā samāgācca tarasā kāmayantī mudānvitā

Setting aside every other female, his heart went to her — intoxicated with youth, full of beauty — and she too came swiftly to him, filled with desire and delight.

Verse 35 (devibhagavatam.5.2.35)

रम्भोऽपि गमनं चक्रे भवितव्यप्रणोदितः । सा तु गर्भवती जाता महिषी तस्य वीर्यतः

rambho'pi gamanaṁ cakre bhavitavyapraṇoditaḥ | sā tu garbhavatī jātā mahiṣī tasya vīryataḥ

Impelled by what was fated to be, Rambha too approached her, and by his seed the she-buffalo conceived.

Verse 36 (devibhagavatam.5.2.36)

तां गृहीत्वाथ पातालं प्रविवेश मनोहरम् । महिषेभ्यश्च तां रक्षन्प्रियामनुमतां किल

tāṁ gṛhītvātha pātālaṁ praviveśa manoharam | mahiṣebhyaśca tāṁ rakṣanpriyāmanumatāṁ kila

Taking her with him, he entered the beautiful realm of Patala, guarding his beloved, accepted mate against other buffaloes.

Verse 37 (devibhagavatam.5.2.37)

कदाचिन्महिषश्चान्यः कामार्तस्तामुपाद्रवत् । स्वयमागत्य तं हन्तुं दानवः समुपाद्रवत्

kadācinmahiṣaścānyaḥ kāmārtastāmupādravat | svayamāgatya taṁ hantuṁ dānavaḥ samupādravat

One day another buffalo, tormented by desire, came upon her; and the danava himself came forward to kill him.

Verse 38 (devibhagavatam.5.2.38)

स्वरक्षार्थं समागत्य महिषं समताडयत् । सोऽपि तं निजघानाशु शृङ्गाभ्यां काममोहितः

svarakṣārthaṁ samāgatya mahiṣaṁ samatāḍayat | so'pi taṁ nijaghānāśu śṛṅgābhyāṁ kāmamohitaḥ

Advancing to defend her, he struck at the buffalo; but that buffalo, maddened by lust, swiftly killed him with his own horns.

Verse 39 (devibhagavatam.5.2.39)

ताडितस्तेन तीक्ष्णाभ्यां शृङ्गाभ्यां हृदये भृशम् । भूमौ पपात तरसा ममार च विमूर्च्छितः

tāḍitastena tīkṣṇābhyāṁ śṛṅgābhyāṁ hṛdaye bhṛśam | bhūmau papāta tarasā mamāra ca vimūrcchitaḥ

Struck hard in the heart by those sharp horns, he fell swiftly to the ground and died, overcome by unconsciousness.

Verse 40 (devibhagavatam.5.2.40)

मृते भर्तरि सा दीना भयार्ता विद्रुता भृशम् । सा वेगात्तं वटं प्राप्य यक्षाणां शरणं गता

mṛte bhartari sā dīnā bhayārtā vidrutā bhṛśam | sā vegāttaṁ vaṭaṁ prāpya yakṣāṇāṁ śaraṇaṁ gatā

With her husband dead, that wretched, terrified she-buffalo fled swiftly; hastening to that same banyan tree, she took refuge with the Yakshas.

Verse 41 (devibhagavatam.5.2.41)

पृष्ठतस्तु गतस्तत्र महिषः कामपीडितः । कामयानस्तु तां कामी बलवीर्यमदोद्धतः

pṛṣṭhatastu gatastatra mahiṣaḥ kāmapīḍitaḥ | kāmayānastu tāṁ kāmī balavīryamadoddhataḥ

But the buffalo, tormented by lust, followed after her there — that lustful one, arrogant with the pride of strength and virility, pursuing her still.

Verse 42 (devibhagavatam.5.2.42)

रुदती सा भृशं दीना दृष्टा यक्षैर्भयातुरा । धावमानं च तं वीक्ष्य यक्षास्त्रातुं समाययुः

rudatī sā bhṛśaṁ dīnā dṛṣṭā yakṣairbhayāturā | dhāvamānaṁ ca taṁ vīkṣya yakṣāstrātuṁ samāyayuḥ

Seeing her weeping bitterly, wretched and terrified, and seeing him rushing after her, the Yakshas came forward to save her.

Verse 43 (devibhagavatam.5.2.43)

युद्धं समभवद् घोरं यक्षाणां च हयारिणा । शरेण ताडितस्तूर्णं पपात धरणीतले

yuddhaṁ samabhavad ghoraṁ yakṣāṇāṁ ca hayāriṇā | śareṇa tāḍitastūrṇaṁ papāta dharaṇītale

A fierce battle broke out between the buffalo and the Yakshas, joined by Hayari (Indra); struck by an arrow, he swiftly fell to the ground.

Verse 44 (devibhagavatam.5.2.44)

मृतं रम्भं समानीय यक्षास्ते परमं प्रियम् । चितायां रोपयामासुस्तस्य देहस्य शुद्धये

mṛtaṁ rambhaṁ samānīya yakṣāste paramaṁ priyam | citāyāṁ ropayāmāsustasya dehasya śuddhaye

Those Yakshas brought back the body of Rambha, who had been dear to them, and laid it upon a funeral pyre for its purification.

Verse 45 (devibhagavatam.5.2.45)

महिषी सा पतिं दृष्ट्वा चितायां रोपितं तदा । प्रवेष्टुं सा मतिं चक्रे पतिना सह पावकम्

mahiṣī sā patiṁ dṛṣṭvā citāyāṁ ropitaṁ tadā | praveṣṭuṁ sā matiṁ cakre patinā saha pāvakam

That she-buffalo, seeing her husband laid upon the pyre, resolved to enter the fire together with him.

Verse 46 (devibhagavatam.5.2.46)

वार्यमाणापि यक्षैः सा प्रविवेश हुताशनम् । ज्वालामालाकुलं साध्वी पतिमादाय वल्लभम्

vāryamāṇāpi yakṣaiḥ sā praviveśa hutāśanam | jvālāmālākulaṁ sādhvī patimādāya vallabham

Though the Yakshas tried to restrain her, that virtuous one entered the flame-wreathed fire, taking her beloved husband with her.

Verse 47 (devibhagavatam.5.2.47)

महिषस्तु चितामध्यात्समुत्तस्थौ महाबलः । रम्भोऽप्यन्यद्वपुः कृत्वा निःसृतः पुत्रवत्सलः

mahiṣastu citāmadhyātsamuttasthau mahābalaḥ | rambho'pyanyadvapuḥ kṛtvā niḥsṛtaḥ putravatsalaḥ

Then, from the midst of that pyre, the mighty Mahisha arose; and Rambha too, taking another form, emerged from it, filled with love for his son.

Verse 48 (devibhagavatam.5.2.48)

रक्तबीजोऽप्यसौ जातो महिषोऽपि महाबलः । अभिषिक्तस्तु राज्येऽसौ हयारिरसुरोत्तमैः

raktabījo'pyasau jāto mahiṣo'pi mahābalaḥ | abhiṣiktastu rājye'sau hayārirasurottamaiḥ

Thus Raktabija too was born, along with the mighty Mahisha; and this enemy of Indra was crowned to sovereignty by the foremost of the asuras.

Verse 49 (devibhagavatam.5.2.49)

एवं स महिषो जातो रक्तबीजश्च वीर्यवान् । अवध्यस्तु सुरैर्दैत्यैर्मानवैश्च नृपोत्तम

evaṁ sa mahiṣo jāto raktabījaśca vīryavān | avadhyastu surairdaityairmānavaiśca nṛpottama

O foremost of kings, thus was that Mahisha born, and the mighty Raktabija as well — both unslayable by gods, daityas, or men.

Verse 50 (devibhagavatam.5.2.50)

इत्येतत्कथितं राजन् जन्म तस्य महात्मनः । वरप्रदानञ्च तथा प्रोक्तं सर्वं सविस्तरम्

ityetatkathitaṁ rājan janma tasya mahātmanaḥ | varapradānañca tathā proktaṁ sarvaṁ savistaram

Thus, O king, has the birth of that great being been related to you, and the granting of the boon likewise told in full.