The Daitya Army Musters

Verse 1 (devibhagavatam.5.3.1)

व्यास उवाच । एवं स महिषो नाम दानवो वरदर्पितः । प्राप्य राज्यं जगत्सर्वं वशे चक्रे महाबलः

vyāsa uvāca | evaṁ sa mahiṣo nāma dānavo varadarpitaḥ | prāpya rājyaṁ jagatsarvaṁ vaśe cakre mahābalaḥ

Vyasa said: Thus that danava named Mahisha, intoxicated with his boon, having obtained the kingdom, that mighty one brought the entire world under his sway.

Verse 2 (devibhagavatam.5.3.2)

पृथिवीं पालयामास सागरान्तां भुजार्जिताम् । एकच्छत्रां निरातङ्कां वैरिवर्गविवर्जिताम्

pṛthivīṁ pālayāmāsa sāgarāntāṁ bhujārjitām | ekacchatrāṁ nirātaṅkāṁ vairivargavivarjitām

He ruled the earth, bounded by the ocean, won by his own arm — a realm under a single umbrella, free of threat, and empty of any body of foes.

Verse 3 (devibhagavatam.5.3.3)

सेनानीश्चिक्षुरस्तस्य महावीर्यो मदोत्कटः । धनाध्यक्षस्तथा ताम्रः सेनायुतसमावृतः

senānīścikṣurastasya mahāvīryo madotkaṭaḥ | dhanādhyakṣastathā tāmraḥ senāyutasamāvṛtaḥ

His army-commander was Chikshura, of great valor and drunk with pride; and Tamra was his treasurer, ever surrounded by ten thousand troops.

Verse 4 (devibhagavatam.5.3.4)

असिलोमा तथोदर्को बिडालाख्यश्च बाष्कलः । त्रिनेत्रोऽथ तथा कालबन्धको बलदर्पितः

asilomā tathodarko biḍālākhyaśca bāṣkalaḥ | trinetro'tha tathā kālabandhako baladarpitaḥ

So too Asiloma, and Udarka, and one called Bidala, and Bashkala, and Trinetra, and Kalabandhaka — all of them proud in the pride of strength.

Verse 5 (devibhagavatam.5.3.5)

एते सैन्ययुताः सर्वे दानवा मेदिनीं तदा । आवृत्य संस्थिताः काममृद्धां सागरमेखलाम्

ete sainyayutāḥ sarve dānavā medinīṁ tadā | āvṛtya saṁsthitāḥ kāmamṛddhāṁ sāgaramekhalām

All these danavas, together with their armies, then closed in and occupied the earth, girdled by the ocean and rich with every abundance.

Verse 6 (devibhagavatam.5.3.6)

करदाश्च कृताः सर्वे भूमिपालाः पुरातनाः । निहता ये बलोदग्राः क्षात्रधर्मव्यवस्थिताः

karadāśca kṛtāḥ sarve bhūmipālāḥ purātanāḥ | nihatā ye balodagrāḥ kṣātradharmavyavasthitāḥ

All the ancient kings of the earth were made tributary; those who, mighty in strength, stood firm in the warrior's dharma, were struck down.

Verse 7 (devibhagavatam.5.3.7)

ब्राह्मणा वशगा जाता यज्ञभागसमर्पकाः । महिषस्य महाराज निखिले क्षितिमण्डले

brāhmaṇā vaśagā jātā yajñabhāgasamarpakāḥ | mahiṣasya mahārāja nikhile kṣitimaṇḍale

O great king, the brahmins of the entire circle of the earth came under Mahisha's sway, and began offering to him the sacrificial portion once given to the gods.

Verse 8 (devibhagavatam.5.3.8)

एकातपत्रं तद्राज्यं कृत्वा स महिषासुरः । स्वर्गं जेतुं मनश्चक्रे वरदानेन गर्वितः

ekātapatraṁ tadrājyaṁ kṛtvā sa mahiṣāsuraḥ | svargaṁ jetuṁ manaścakre varadānena garvitaḥ

Having made that realm his own under a single umbrella, Mahishasura, swollen with pride from his boon, now set his mind on conquering heaven.

Verse 9 (devibhagavatam.5.3.9)

प्रणिधिं प्रेषयामास हयारिस्तु शचीपतिम् । स सन्देशहरं शीघ्रमाहूयोवाच दैत्यराट्

praṇidhiṁ preṣayāmāsa hayāristu śacīpatim | sa sandeśaharaṁ śīghramāhūyovāca daityarāṭ

Hayari, the husband of Shachi — Indra — sent forth a spy; and the daitya-king Mahisha, swiftly summoning that message-bearer, spoke to him —

Verse 10 (devibhagavatam.5.3.10)

गच्छ वीर महाबाहो दूतत्वं कुरु मेऽनघ । ब्रूहि शक्रं दिवं गत्वा निःशङ्कः सुरसन्निधौ

gaccha vīra mahābāho dūtatvaṁ kuru me'nagha | brūhi śakraṁ divaṁ gatvā niḥśaṅkaḥ surasannidhau

'Go, O hero, O mighty-armed and sinless one — be my envoy. Go to heaven and, fearless before the gods, speak to Shakra —'

Verse 11 (devibhagavatam.5.3.11)

मुञ्च स्वर्गं सहस्राक्ष यथेष्टं गच्छ मा चिरम् । सेवां वा कुरु देवेश महिषस्य महात्मनः

muñca svargaṁ sahasrākṣa yatheṣṭaṁ gaccha mā ciram | sevāṁ vā kuru deveśa mahiṣasya mahātmanaḥ

'— abandon heaven, O thousand-eyed one; go wherever you please without delay. Or else, O lord of gods, enter the service of the great-souled Mahisha.'

Verse 12 (devibhagavatam.5.3.12)

स त्वां संरक्षयेन्नूनं राजा शरणमागतम् । तस्मात्त्वं शरणं याहि महिषस्य शचीपते

sa tvāṁ saṁrakṣayennūnaṁ rājā śaraṇamāgatam | tasmāttvaṁ śaraṇaṁ yāhi mahiṣasya śacīpate

'That king will surely grant you protection once you come to him for refuge. Therefore, O husband of Shachi, go and take refuge with Mahisha.'

Verse 13 (devibhagavatam.5.3.13)

नोचेद्वज्रं गहाणाशु युद्धाय बलसूदन । पूर्वैर्जितोऽसि चास्माकं जानामि तव पौरुषम्

nocedvajraṁ gahāṇāśu yuddhāya balasūdana | pūrvairjito'si cāsmākaṁ jānāmi tava pauruṣam

'Otherwise, O slayer of Bala, take up your thunderbolt at once for battle — you have already been conquered by our forefathers; I know full well what your manhood is worth.'

Verse 14 (devibhagavatam.5.3.14)

अहल्याजार विज्ञातं बलं ते सुरसङ्घप । युध्यस्व व्रज वा कामं यत्र ते रमते मनः

ahalyājāra vijñātaṁ balaṁ te surasaṅghapa | yudhyasva vraja vā kāmaṁ yatra te ramate manaḥ

'O paramour of Ahalya, O guardian of the assembly of gods, your strength is well known. Fight, then — or go wherever your heart pleases.'

Verse 15 (devibhagavatam.5.3.15)

व्यास उवाच । तच्छुत्वा वचनं तस्य शक्रः क्रोधसमन्वितः । उवाच तं नृपश्रेष्ठ स्मितपूर्वं वचस्तदा

vyāsa uvāca | tacchutvā vacanaṁ tasya śakraḥ krodhasamanvitaḥ | uvāca taṁ nṛpaśreṣṭha smitapūrvaṁ vacastadā

Vyasa said: Hearing those words, O best of kings, Shakra was filled with anger, and, smiling first, then spoke to him thus —

Verse 16 (devibhagavatam.5.3.16)

न जानेऽहं सुमन्दात्मन् यतस्त्वं मददर्पितः । चिकित्सां सङ्करिष्यामि रोगस्यास्य प्रभोस्तव

na jāne'haṁ sumandātman yatastvaṁ madadarpitaḥ | cikitsāṁ saṅkariṣyāmi rogasyāsya prabhostava

'I do not know, O dull-witted one, how your master has become so drunk with pride. I shall now administer the cure for this disease of your lord's.'

Verse 17 (devibhagavatam.5.3.17)

अतः परं करिष्यामि मूलस्यास्य निमूलनम् । गच्छ दूत तथा ब्रूहि तस्याग्रे मम भाषितम्

ataḥ paraṁ kariṣyāmi mūlasyāsya nimūlanam | gaccha dūta tathā brūhi tasyāgre mama bhāṣitam

'Henceforth I shall tear him out by the very root. Go, O messenger, and speak these words of mine before him —'

Verse 18 (devibhagavatam.5.3.18)

शिष्टैर्दूता न हन्तव्यास्तस्मात्त्वां विसृजाम्यहम् । युद्धेच्छा चेत्समागच्छ त्वरितो महिषीसुत

śiṣṭairdūtā na hantavyāstasmāttvāṁ visṛjāmyaham | yuddhecchā cetsamāgaccha tvarito mahiṣīsuta

'The virtuous do not kill messengers — that is why I let you go. If you desire war, O son of the buffalo-queen, come quickly.'

Verse 19 (devibhagavatam.5.3.19)

हयारे त्वद्बलं ज्ञातं तृणादस्त्वं जडाकृतिः । शृङ्गयोस्ते करिष्यामि सुदृढं च शरासनम्

hayāre tvadbalaṁ jñātaṁ tṛṇādastvaṁ jaḍākṛtiḥ | śṛṅgayoste kariṣyāmi sudṛḍhaṁ ca śarāsanam

'Your strength is well known, O grass-eater, O dull and sluggish shape! I shall make a sturdy bow out of your two horns.'

Verse 20 (devibhagavatam.5.3.20)

दर्पः शृङ्गबलात्तेऽस्ति विदितं कारणं मया । विषाणे ते परिच्छिद्य संहरिष्यामि तद् बलम्

darpaḥ śṛṅgabalātte'sti viditaṁ kāraṇaṁ mayā | viṣāṇe te paricchidya saṁhariṣyāmi tad balam

'Your pride comes only from the strength of your horns — I know the cause well. I shall sever both your horns and destroy that strength.'

Verse 21 (devibhagavatam.5.3.21)

यद् बलेनातिपूर्णस्त्वं जातोऽसि बलदर्पितः । कुशलस्त्वं तदाघाते न युद्धे महिषाधम

yad balenātipūrṇastvaṁ jāto'si baladarpitaḥ | kuśalastvaṁ tadāghāte na yuddhe mahiṣādhama

'That strength which has made you so proud, O vilest of buffaloes — in it you are skilled only at butting, not at real war.'

Verse 22 (devibhagavatam.5.3.22)

व्यास उवाच । इत्युक्तोऽसौ सुरेन्द्रेण स दूतस्त्वरितो गतः । जगाम महिषं मत्तं प्रणम्य प्रत्युवाच ह

vyāsa uvāca | ityukto'sau surendreṇa sa dūtastvarito gataḥ | jagāma mahiṣaṁ mattaṁ praṇamya pratyuvāca ha

Vyasa said: Thus addressed by the lord of the gods, that messenger swiftly departed; he went to intoxicated Mahisha, bowed to him, and spoke in reply.

Verse 23 (devibhagavatam.5.3.23)

दूत उवाच । राजन्देवाधिपः कामं न त्वां विगणयत्यसौ । मन्यते स्वबलं पूर्णं देवसैन्यसमावृतः

dūta uvāca | rājandevādhipaḥ kāmaṁ na tvāṁ vigaṇayatyasau | manyate svabalaṁ pūrṇaṁ devasainyasamāvṛtaḥ

The messenger said: O king, the lord of the gods truly counts you as nothing at all; surrounded by his army of gods, he considers his own strength complete.

Verse 24 (devibhagavatam.5.3.24)

यदुक्तं तेन मूर्खेण कथमन्यद् ब्रवीम्यहम् । प्रियं सत्यं च वक्तव्यं भृत्येन पुरतः प्रभोः

yaduktaṁ tena mūrkheṇa kathamanyad bravīmyaham | priyaṁ satyaṁ ca vaktavyaṁ bhṛtyena purataḥ prabhoḥ

What that fool has said — what else could I say beyond it? A servant must speak before his master only what is pleasant and true —

Verse 25 (devibhagavatam.5.3.25)

प्रियं सत्यं च वक्तव्यं प्रभोरग्रे शुभेच्छुना । इति नीतिर्महाराज जागर्ति शुभकारिणी

priyaṁ satyaṁ ca vaktavyaṁ prabhoragre śubhecchunā | iti nītirmahārāja jāgarti śubhakāriṇī

— one who wishes well must speak, before his master, only what is pleasant and true. This, O great king, is the auspicious rule of conduct that ever holds.

Verse 26 (devibhagavatam.5.3.26)

केवलं चेत्प्रियं ब्रूयान्न ते कार्यं भविष्यति । परुषं च न वक्तव्यं कदाचिच्छुभमिच्छता

kevalaṁ cetpriyaṁ brūyānna te kāryaṁ bhaviṣyati | paruṣaṁ ca na vaktavyaṁ kadācicchubhamicchatā

If only what is pleasant is spoken, your purpose will not be served; and yet one who wishes well should never speak harsh words either.

Verse 27 (devibhagavatam.5.3.27)

यथा रिपुमुखाद्वाचः प्रसरन्ति विषोपमाः । तथा भृत्यमुखान्नाथ निःसरन्ति कथं गिरः

yathā ripumukhādvācaḥ prasaranti viṣopamāḥ | tathā bhṛtyamukhānnātha niḥsaranti kathaṁ giraḥ

Just as poison-like words issue from an enemy's mouth, O lord, how could such words ever come from the mouth of a servant?

Verse 28 (devibhagavatam.5.3.28)

यादृशानीह वाक्यानि तेनोक्तानि महीपते । तादृशानि न मे जिह्वा वक्तुमर्हति कर्हिचित्

yādṛśānīha vākyāni tenoktāni mahīpate | tādṛśāni na me jihvā vaktumarhati karhicit

O lord of the earth, my tongue could never be capable of speaking such words as he has spoken.

Verse 29 (devibhagavatam.5.3.29)

व्यास उवाच । तच्छ्रुत्वा वचनं तस्य हेतुगर्भं तृणाशनः । भृशं कोपपरीतात्मा बभूव महिषासुरः

vyāsa uvāca | tacchrutvā vacanaṁ tasya hetugarbhaṁ tṛṇāśanaḥ | bhṛśaṁ kopaparītātmā babhūva mahiṣāsuraḥ

Vyasa said: Hearing those pointed words of his, that grass-eating Mahishasura became utterly overwhelmed with fury.

Verse 30 (devibhagavatam.5.3.30)

समाहूयाब्रवीद्दैत्यान्क्रोधसंरक्तलोचनः । लाङ्गूलं पृष्ठदेशे च कृत्वा मूत्रं परित्यजन्

samāhūyābravīddaityānkrodhasaṁraktalocanaḥ | lāṅgūlaṁ pṛṣṭhadeśe ca kṛtvā mūtraṁ parityajan

With eyes red with rage, his tail raised over his back, and voiding urine, he summoned the daityas and spoke.

Verse 31 (devibhagavatam.5.3.31)

भो भो दैत्याः सुरेन्द्रोऽसौ युद्धकामोऽस्ति सर्वथा । बलोद्योगं कुरुध्वं वै जेतव्योऽसौ सुराधमः

bho bho daityāḥ surendro'sau yuddhakāmo'sti sarvathā | balodyogaṁ kurudhvaṁ vai jetavyo'sau surādhamaḥ

'Ho, ho, O daityas! That lord of the gods is set utterly on war. Muster your strength — that vile lord of gods must indeed be conquered.'

Verse 32 (devibhagavatam.5.3.32)

मदग्रे को भवेच्छूरः कोटिशश्चेत्तथाविधाः । न बिभेम्येकतः कामं हनिष्याम्यद्य सर्वथा

madagre ko bhavecchūraḥ koṭiśaścettathāvidhāḥ | na bibhemyekataḥ kāmaṁ haniṣyāmyadya sarvathā

'Who indeed could be a hero before me, even if there were millions such as him? Alone I fear nothing — today I shall utterly destroy them all.'

Verse 33 (devibhagavatam.5.3.33)

शरः शान्तेष्वसौ नूनं तपस्विषु बलाधिकः । बलकर्ता हि कुहको लम्पटः परदारहृत्

śaraḥ śānteṣvasau nūnaṁ tapasviṣu balādhikaḥ | balakartā hi kuhako lampaṭaḥ paradārahṛt

'He is surely mighty only against the peaceful and against ascetics — that so-called strong one is nothing but a trickster, a lecher, and an abductor of others' wives.'

Verse 34 (devibhagavatam.5.3.34)

अप्सरोबलसम्मत्तस्तपोविघ्नकरः खलः । छिद्रप्रहरणः पापो नित्यं विश्वासघातकः

apsarobalasammattastapovighnakaraḥ khalaḥ | chidrapraharaṇaḥ pāpo nityaṁ viśvāsaghātakaḥ

'Maddened by the power of apsaras, a wicked disturber of others' austerities, a sinner who strikes wherever he finds a weakness, ever a betrayer of trust —'

Verse 35 (devibhagavatam.5.3.35)

नमुचिर्निहतो येन कृत्वा सन्धिं दुरात्मना । शपथान्विविधानादौ कृत्वा भीतेन छद्मना

namucirnihato yena kṛtvā sandhiṁ durātmanā | śapathānvividhānādau kṛtvā bhītena chadmanā

'— he by whom Namuchi was slain: that evil-souled one who, having first made a treaty and, out of fear, sworn various oaths, then killed him through deceit —'

Verse 36 (devibhagavatam.5.3.36)

विष्णुस्तु कपटाचार्यः कुहकः शपथाकरः । नानारूपधरः कामं बलकृद्दम्भपण्डितः

viṣṇustu kapaṭācāryaḥ kuhakaḥ śapathākaraḥ | nānārūpadharaḥ kāmaṁ balakṛddambhapaṇḍitaḥ

'— and Vishnu is a master of deceit, a trickster, a taker of false oaths, one who assumes many forms at will, an expert at building power through cunning show —'

Verse 37 (devibhagavatam.5.3.37)

कृत्वा कोलाकृतिं येन हिरण्याक्षो निपातितः । हिरण्यकशिपुर्येन नृसिंहेन च घातितः

kṛtvā kolākṛtiṁ yena hiraṇyākṣo nipātitaḥ | hiraṇyakaśipuryena nṛsiṁhena ca ghātitaḥ

'— he by whom, taking the form of a boar, Hiranyaksha was struck down, and by whom, as Narasimha, Hiranyakashipu was slain.'

Verse 38 (devibhagavatam.5.3.38)

नाहं तद्वशगो नूनं भवेयं दनुनन्दनाः । विश्वासं नैव गच्छामि देवानां कुत्र कर्हिचित्

nāhaṁ tadvaśago nūnaṁ bhaveyaṁ danunandanāḥ | viśvāsaṁ naiva gacchāmi devānāṁ kutra karhicit

'O sons of Danu, I shall never fall under his sway — I place no trust in the gods, anywhere, at any time.'

Verse 39 (devibhagavatam.5.3.39)

किं करिष्यति मे विष्णुरिन्द्रो वा बलवत्तरः । रुद्रो वापि न मे शक्तः प्रतिकर्तुं रणाङ्गणे

kiṁ kariṣyati me viṣṇurindro vā balavattaraḥ | rudro vāpi na me śaktaḥ pratikartuṁ raṇāṅgaṇe

'What can Vishnu do to me, or even mightier Indra? Not even Rudra is capable of standing against me on the field of battle.'

Verse 40 (devibhagavatam.5.3.40)

त्रिविष्टपं ग्रहीष्यामि जित्वेन्द्रं वरुणं यमम् । धनदं पावकं चैव चन्द्रसूर्यौ विजित्य च

triviṣṭapaṁ grahīṣyāmi jitvendraṁ varuṇaṁ yamam | dhanadaṁ pāvakaṁ caiva candrasūryau vijitya ca

'I shall seize heaven, conquering Indra, Varuna, and Yama, and vanquishing Kubera and Agni, and the Moon and Sun as well.'

Verse 41 (devibhagavatam.5.3.41)

यज्ञभागभुजः सर्वे भविष्यामोऽद्य सोमपाः । जित्वा देवसमूहञ्च विहरिष्यामि दानवैः

yajñabhāgabhujaḥ sarve bhaviṣyāmo'dya somapāḥ | jitvā devasamūhañca vihariṣyāmi dānavaiḥ

'From today, all of us shall enjoy the sacrificial portions and drink the soma; having conquered the whole host of the gods, I shall sport among the danavas.'

Verse 42 (devibhagavatam.5.3.42)

न मे भयं सुरेभ्यश्च वरदानेन दानवाः । मरणं न नरेभ्यश्च नारी किं मे करिष्यति

na me bhayaṁ surebhyaśca varadānena dānavāḥ | maraṇaṁ na narebhyaśca nārī kiṁ me kariṣyati

'O danavas, by the power of my boon I have no fear of the gods; death shall not come to me from men — and what, indeed, could a mere woman do to me?'

Verse 43 (devibhagavatam.5.3.43)

पातालपर्वतेभ्यश्च समाहूय वरान्वरान् । दानवान्मम सैन्येशान्कुर्वन्तु त्वरिताश्चराः

pātālaparvatebhyaśca samāhūya varānvarān | dānavānmama sainyeśānkurvantu tvaritāścarāḥ

'Let swift messengers be sent at once to summon the finest of the danavas from the netherworlds and the mountains, and let them be made commanders of my army.'

Verse 44 (devibhagavatam.5.3.44)

एकोऽहं सर्वदेवेशान्विजेतुं दानवाः क्षमः । शोभार्थं वः समाहूय नयामि सुरसङ्गमे

eko'haṁ sarvadeveśānvijetuṁ dānavāḥ kṣamaḥ | śobhārthaṁ vaḥ samāhūya nayāmi surasaṅgame

'O danavas, I alone am capable of conquering all the lords of the gods; it is only for your glory that I summon you and lead you into battle with them.'

Verse 45 (devibhagavatam.5.3.45)

शृङ्गाभ्यां च खुराभ्यां च हनिष्येऽहं सुरान्किल । न मे भयं सुरेभ्यश्च वरदानप्रभावतः

śṛṅgābhyāṁ ca khurābhyāṁ ca haniṣye'haṁ surānkila | na me bhayaṁ surebhyaśca varadānaprabhāvataḥ

'With my two horns and my two hooves alone I shall slay the gods; by the power of my boon I have no fear of them at all.'

Verse 46 (devibhagavatam.5.3.46)

अवध्योऽहं सुरगणैरसुरैर्मानवैस्तथा । तस्मात्सज्जा भवन्त्वद्य देवलोकजयाय वै

avadhyo'haṁ suragaṇairasurairmānavaistathā | tasmātsajjā bhavantvadya devalokajayāya vai

'I am unslayable by the hosts of gods, by asuras, and by men alike; therefore let everyone be ready today for the conquest of the world of the gods.'

Verse 47 (devibhagavatam.5.3.47)

जित्वा सुरालयं दैत्या विहरिष्यामि नन्दने । मन्दारकुसुमापीडा देवयोषित्समन्विताः

jitvā surālayaṁ daityā vihariṣyāmi nandane | mandārakusumāpīḍā devayoṣitsamanvitāḥ

'O daityas, having conquered the abode of the gods, I shall sport in the Nandana garden, crowned with mandara blossoms, together with the women of the gods.'

Verse 48 (devibhagavatam.5.3.48)

कामधेनुपयोत्सिक्ताः सुधापानप्रमोदिताः । देवगन्धर्वगीतादिनृत्यलास्यसमन्विताः

kāmadhenupayotsiktāḥ sudhāpānapramoditāḥ | devagandharvagītādinṛtyalāsyasamanvitāḥ

'Sprinkled with the milk of Kamadhenu, delighted with the drinking of nectar, attended by the songs, dances, and graceful movements of gods and gandharvas —'

Verse 49 (devibhagavatam.5.3.49)

उर्वशी मेनका रम्भा घृताची च तिलोत्तमा । प्रमद्वरा महासेना मिश्रकेशी मदोत्कटा

urvaśī menakā rambhā ghṛtācī ca tilottamā | pramadvarā mahāsenā miśrakeśī madotkaṭā

'Urvashi, Menaka, Rambha, Ghritachi, and Tilottama; Pramadvara, Mahasena, Mishrakeshi, Madotkata —'

Verse 50 (devibhagavatam.5.3.50)

विप्रचित्तिप्रभृतयो नृत्यगीतविशारदाः । रञ्जयिष्यन्ति वः सर्वान्नानासवनिषेवणैः

vipracittiprabhṛtayo nṛtyagītaviśāradāḥ | rañjayiṣyanti vaḥ sarvānnānāsavaniṣevaṇaiḥ

'— Vipracitti and the rest, all skilled in dance and song: they shall delight every one of you, along with draughts of every kind of wine.'

Verse 51 (devibhagavatam.5.3.51)

सर्वे सज्जा भवन्त्वद्य रोचतां गमनं दिवि । सङ्ग्रामार्थं सुरैः सार्धं कृत्वा मङ्गलमुत्तमम्

sarve sajjā bhavantvadya rocatāṁ gamanaṁ divi | saṅgrāmārthaṁ suraiḥ sārdhaṁ kṛtvā maṅgalamuttamam

'Let everyone be ready today; may our going to heaven be blessed! Perform the finest auspicious rites before this war with the gods.'

Verse 52 (devibhagavatam.5.3.52)

रक्षणार्थं च सर्वेषां भार्गवं मुनिसत्तमम् । समाहूय च सम्पूज्य स्थाप्य यज्ञे गुरुं परम्

rakṣaṇārthaṁ ca sarveṣāṁ bhārgavaṁ munisattamam | samāhūya ca sampūjya sthāpya yajñe guruṁ param

'And for the protection of all, summon the sage Bhargava, foremost of sages, honor him, and install him as the supreme guru of the rite.'

Verse 53 (devibhagavatam.5.3.53)

व्यास उवाच । इति सन्दिश्य दैत्येन्द्रान्महिषः पापधीस्तदा । जगाम त्वरितो राजन्भवनं स्वं मुदान्वितः

vyāsa uvāca | iti sandiśya daityendrānmahiṣaḥ pāpadhīstadā | jagāma tvarito rājanbhavanaṁ svaṁ mudānvitaḥ

Vyasa said: Having thus instructed the lords of the daityas, O king, that wicked-minded Mahisha then went swiftly and joyfully to his own palace.