The Frightened Gods Take Counsel with Brihaspati

Verse 1 (devibhagavatam.5.4.1)

व्यास उवाच । गते दूते सुरेन्द्रोऽपि समाहूय सुरानथ । यमवायुधनाध्यक्षवरुणानिदमूचिवान्

vyāsa uvāca | gate dūte surendro'pi samāhūya surānatha | yamavāyudhanādhyakṣavaruṇānidamūcivān

Vyasa said: When the messenger had departed, the lord of the gods too summoned Yama, Vayu, the lord of wealth, and Varuna, and spoke to them thus.

Verse 2 (devibhagavatam.5.4.2)

महिषो नाम दैत्येन्द्रो रम्भपुत्रो महाबलः । वरदर्पमदोन्मत्तो मायाशतविचक्षणः

mahiṣo nāma daityendro rambhaputro mahābalaḥ | varadarpamadonmatto māyāśatavicakṣaṇaḥ

'There is a lord of the daityas named Mahisha, son of Rambha, of great strength — maddened with the pride of his boon, and skilled in a hundred kinds of illusion.'

Verse 3 (devibhagavatam.5.4.3)

तस्य दूतोऽद्य सम्प्राप्तः प्रेषितस्तेन भोः सुराः । स्वर्गकामेन लुब्धेन मामुवाचेदृशं वचः

tasya dūto'dya samprāptaḥ preṣitastena bhoḥ surāḥ | svargakāmena lubdhena māmuvācedṛśaṁ vacaḥ

'His envoy arrived before me today, O gods, sent by that one greedy for heaven — and spoke these words to me —'

Verse 4 (devibhagavatam.5.4.4)

त्यज देवालयं शक्र यथेच्छं व्रज वासव । सेवां वा कुरु दैत्यस्य महिषस्य महात्मनः

tyaja devālayaṁ śakra yathecchaṁ vraja vāsava | sevāṁ vā kuru daityasya mahiṣasya mahātmanaḥ

'"Abandon the abode of the gods, O Shakra; go wherever you wish, O Vasava — or else enter the service of the great-souled daitya Mahisha."'

Verse 5 (devibhagavatam.5.4.5)

दयावान्दानवेन्द्रोऽसौ स ते वृत्तिं विधास्यति । नतेषु भृत्यभूतेषु न कुप्यति कदाचन

dayāvāndānavendro'sau sa te vṛttiṁ vidhāsyati | nateṣu bhṛtyabhūteṣu na kupyati kadācana

'"That lord of danavas is compassionate; he will see to your livelihood. He never grows angry with those who bow before him as servants."'

Verse 6 (devibhagavatam.5.4.6)

नोचेद्युद्धाय देवेश सेनोद्योगं कुरु स्वयम् । गते मयि स दैत्येन्द्रस्त्वरितः समुपेष्यति

nocedyuddhāya deveśa senodyogaṁ kuru svayam | gate mayi sa daityendrastvaritaḥ samupeṣyati

'"Otherwise, O lord of gods, muster your own army for war — the moment I return, that lord of daityas will swiftly arrive."'

Verse 7 (devibhagavatam.5.4.7)

इत्युक्त्वा स गतो दूतो दानवस्य दुरात्मनः । किं कर्तव्यमतः कार्यं चिन्तयध्वं सुरोत्तमाः

ityuktvā sa gato dūto dānavasya durātmanaḥ | kiṁ kartavyamataḥ kāryaṁ cintayadhvaṁ surottamāḥ

'Having said this, the messenger of that evil-souled danava departed. So now, O best of gods, deliberate on what is to be done.'

Verse 8 (devibhagavatam.5.4.8)

दुर्बलोऽपि न चोपेक्ष्यः शत्रुर्बलवता सुराः । विशेषेण सदोद्योगी बलवान्बलदर्पितः

durbalo'pi na copekṣyaḥ śatrurbalavatā surāḥ | viśeṣeṇa sadodyogī balavānbaladarpitaḥ

'Even a weak enemy should never be disregarded by the strong, O gods — above all one who is ever active, powerful, and proud of his strength.'

Verse 9 (devibhagavatam.5.4.9)

उद्यमः किल कर्तव्यो यथाबुद्धि यथाबलम् । दैवाधीनो भवेन्नूनं जयो वाथ पराजयः

udyamaḥ kila kartavyo yathābuddhi yathābalam | daivādhīno bhavennūnaṁ jayo vātha parājayaḥ

'Effort must indeed be made according to one's intelligence and strength; but victory or defeat surely remains subject to fate.'

Verse 10 (devibhagavatam.5.4.10)

सन्धियोगो न चात्रास्ति खले सन्धिर्निरर्थकः । सर्वथा साधुभिः कार्यं विचार्य च पुनः पुनः

sandhiyogo na cātrāsti khale sandhirnirarthakaḥ | sarvathā sādhubhiḥ kāryaṁ vicārya ca punaḥ punaḥ

'There is no possibility of an alliance here — a treaty with a wicked one is meaningless. In every way, this matter should be undertaken by the good only after repeated deliberation.'

Verse 11 (devibhagavatam.5.4.11)

यानमप्यधुना नैव कर्तव्यं सहसा पुनः । प्रेक्षकाः प्रेषणीयाश्च शीघ्रगाः सुप्रवेशकाः

yānamapyadhunā naiva kartavyaṁ sahasā punaḥ | prekṣakāḥ preṣaṇīyāśca śīghragāḥ supraveśakāḥ

'Nor should an expedition now be launched in haste. Observers should be sent — swift-moving ones, able to gain access with ease —'

Verse 12 (devibhagavatam.5.4.12)

इङ्गितज्ञाश्च निःसङ्गा निःस्पृहाः सत्यवादिनः । सेनाभियोगं प्रस्थानं बलसङ्ख्यां यथार्थतः

iṅgitajñāśca niḥsaṅgā niḥspṛhāḥ satyavādinaḥ | senābhiyogaṁ prasthānaṁ balasaṅkhyāṁ yathārthataḥ

'— skilled at reading intentions, unattached, without desire, and truthful — able to give an accurate account of the army's deployment, its movements, and its true numbers.'

Verse 13 (devibhagavatam.5.4.13)

वीराणां च परिज्ञानं कृत्वायान्तु त्वरान्विताः । ज्ञात्वा दैत्यपतेस्तस्य सैन्यस्य च बलाबलम्

vīrāṇāṁ ca parijñānaṁ kṛtvāyāntu tvarānvitāḥ | jñātvā daityapatestasya sainyasya ca balābalam

'Let them gain full knowledge of the warriors, learn the strength and weakness of that lord of daityas and his army, and return swiftly.'

Verse 14 (devibhagavatam.5.4.14)

करिष्यामि ततस्तूर्णं यानं वा दुर्गसङ्ग्रहम् । विचार्य खलु कर्तव्यं कार्यं बुद्धिमता सदा । सहसा विहितं कार्यं दुःखदं सर्वथा भवेत्

kariṣyāmi tatastūrṇaṁ yānaṁ vā durgasaṅgraham | vicārya khalu kartavyaṁ kāryaṁ buddhimatā sadā | sahasā vihitaṁ kāryaṁ duḥkhadaṁ sarvathā bhavet

'Then I shall promptly decide whether to march out or to secure our stronghold. A wise man must always act only after due deliberation — a deed done in haste is bound to bring suffering.'

Verse 15 (devibhagavatam.5.4.15)

तस्माद्विमृश्य कर्तव्यं सुखदं सर्वथा बुधैः । नात्र भेदविधिर्न्याय्यो दानवेषु च सर्वथा

tasmādvimṛśya kartavyaṁ sukhadaṁ sarvathā budhaiḥ | nātra bhedavidhirnyāyyo dānaveṣu ca sarvathā

'Therefore the wise must always act, after due consideration, in the way that yields good; and here, the policy of sowing division among the danavas is not proper at all.'

Verse 16 (devibhagavatam.5.4.16)

एकचित्तेषु कार्येऽस्मिंस्तस्माच्चारा व्रजन्तु वै । ज्ञात्वा बलाबलं तेषां पश्चान्नीतिर्विचार्य च

ekacitteṣu kārye'smiṁstasmāccārā vrajantu vai | jñātvā balābalaṁ teṣāṁ paścānnītirvicārya ca

'Since they are of one mind in this undertaking, let our spies go forth; once their strength and weakness are known, let a policy then be decided upon after deliberation.'

Verse 17 (devibhagavatam.5.4.17)

विधेया विधिवत्तज्ज्ञैस्तेषु कार्यपरेषु च । अन्यथा विहितं कार्यं विपरीतफलप्रदम्

vidheyā vidhivattajjñaisteṣu kāryapareṣu ca | anyathā vihitaṁ kāryaṁ viparītaphalapradam

'It must be carried out properly, by those who know this business and are devoted to the task — for a deed done otherwise yields the very opposite of its intended result.'

Verse 18 (devibhagavatam.5.4.18)

सर्वथा तद्भवेन्नूनमज्ञातमौषधं यथा । व्यास उवाच । इति सञ्चिन्त्य तैः सर्वैः प्रणिधिं कार्यवेदिनम्

sarvathā tadbhavennūnamajñātamauṣadhaṁ yathā | vyāsa uvāca | iti sañcintya taiḥ sarvaiḥ praṇidhiṁ kāryavedinam

'It would, in every way, be like taking an unknown medicine.' Vyasa said: Having deliberated thus, all of them chose a spy skilled in his task —

Verse 19 (devibhagavatam.5.4.19)

प्रेषयामास देवेन्द्रः परिज्ञानाय पार्थिव । दूतस्तु त्वरितो गत्वा समागम्य सुराधिपम्

preṣayāmāsa devendraḥ parijñānāya pārthiva | dūtastu tvarito gatvā samāgamya surādhipam

— whom the lord of the gods sent forth, O king, for reconnaissance; and that messenger, having swiftly gone and returned, came into the presence of the lord of the gods —

Verse 20 (devibhagavatam.5.4.20)

निवेदयामास तदा सर्वसैन्यबलाबलम् । ज्ञात्वा तद्बलमुद्योगं तुराषाडतिविस्मितः

nivedayāmāsa tadā sarvasainyabalābalam | jñātvā tadbalamudyogaṁ turāṣāḍativismitaḥ

— and reported to him the full strength and weakness of the entire army. Learning of that army's power and preparations, Indra was utterly astonished.

Verse 21 (devibhagavatam.5.4.21)

देवानचोदयत्तूर्णं समाहूय पुरोहितम् । मन्त्रं मन्त्रविदां श्रेष्ठं चकार त्रिदशेश्वरः

devānacodayattūrṇaṁ samāhūya purohitam | mantraṁ mantravidāṁ śreṣṭhaṁ cakāra tridaśeśvaraḥ

He at once roused the gods, and, summoning his priest, foremost among those skilled in counsel, that lord of the thirty gods took counsel with him.

Verse 22 (devibhagavatam.5.4.22)

उवाचाङ्गिरसश्रेष्ठं समासीनं वरासने । इन्द्र उवाच । भो भो देवगुरो विद्वन्किं कर्तव्यं वदस्व नः

uvācāṅgirasaśreṣṭhaṁ samāsīnaṁ varāsane | indra uvāca | bho bho devaguro vidvankiṁ kartavyaṁ vadasva naḥ

He addressed that foremost of the Angirasas, Brihaspati, seated upon an excellent seat. Indra said: 'O guru of the gods, O wise one, tell us what is to be done.'

Verse 23 (devibhagavatam.5.4.23)

सर्वज्ञोऽसि समुत्पन्ने कार्ये त्वं गतिरद्य नः । दानवो महिषो नाम महावीर्यो मदान्वितः

sarvajño'si samutpanne kārye tvaṁ gatiradya naḥ | dānavo mahiṣo nāma mahāvīryo madānvitaḥ

'You are all-knowing; you alone are our recourse today in this matter that has arisen. There is a danava named Mahisha, of great valor, filled with pride —'

Verse 24 (devibhagavatam.5.4.24)

योद्धुकामः समायाति बहुभिर्दानवैर्वृतः । तत्र प्रतिक्रिया कार्या त्वया मन्त्रविदाधुना

yoddhukāmaḥ samāyāti bahubhirdānavairvṛtaḥ | tatra pratikriyā kāryā tvayā mantravidādhunā

'— desiring battle, he is coming now, surrounded by many danavas. It is you, skilled in counsel, who must devise the countermeasure for this.'

Verse 25 (devibhagavatam.5.4.25)

तेषां शुक्रस्तथा त्वं मे विघ्नहर्ता सुसंयतः । व्यास उवाच । तच्छ्रुत्वा वचनं प्राह तुरासाहं बृहस्पतिः

teṣāṁ śukrastathā tvaṁ me vighnahartā susaṁyataḥ | vyāsa uvāca | tacchrutvā vacanaṁ prāha turāsāhaṁ bṛhaspatiḥ

'Just as Shukra is theirs, so are you mine, O well-restrained one, the remover of my obstacles.' Vyasa said: Hearing this, Brihaspati spoke to Indra —

Verse 26 (devibhagavatam.5.4.26)

विचिन्त्य मनसा कामं कार्यसाधनतत्परः । गुरुरुवाच । स्वस्थो भव सुरेन्द्र त्वं धैर्यमालम्ब्य मारिष

vicintya manasā kāmaṁ kāryasādhanatatparaḥ | gururuvāca | svastho bhava surendra tvaṁ dhairyamālambya māriṣa

— having deliberated well within his mind, intent upon accomplishing the task, the guru said: 'Be composed, O lord of gods; take hold of patience, O honored one.'

Verse 27 (devibhagavatam.5.4.27)

व्यसने च समुत्पन्ने न त्याज्यं धैर्यमाशु वै । जयाजयौ सुराध्यक्ष दैवाधीनौ सदैव हि

vyasane ca samutpanne na tyājyaṁ dhairyamāśu vai | jayājayau surādhyakṣa daivādhīnau sadaiva hi

'Even when misfortune has arisen, patience should never be hastily abandoned. Victory and defeat, O chief of gods, are always subject to fate.'

Verse 28 (devibhagavatam.5.4.28)

स्थातव्यं धैर्यमालम्ब्य तस्माद् बुद्धिमता सदा । भवितव्यं भवत्येव जानन्नेव शतक्रतो

sthātavyaṁ dhairyamālambya tasmād buddhimatā sadā | bhavitavyaṁ bhavatyeva jānanneva śatakrato

'Therefore the wise must always remain steadfast, holding fast to patience. What is destined, O hundred-sacrificed one, will surely come to pass — even knowing this —'

Verse 29 (devibhagavatam.5.4.29)

उद्यमः सर्वथा कार्यो यथापौरुषमात्मनः । मुनयोऽपि हि मुक्त्यर्थमुद्यमैकरताः सदा

udyamaḥ sarvathā kāryo yathāpauruṣamātmanaḥ | munayo'pi hi muktyarthamudyamaikaratāḥ sadā

'— effort must still always be made, according to one's own capacity. Even sages remain forever devoted to effort alone, for the sake of liberation —'

Verse 30 (devibhagavatam.5.4.30)

दैवाधीनं च जानन्तो योगध्यानपरायणाः । तस्मात्सदैव कर्तव्यो व्यवहारोदितोद्यमः

daivādhīnaṁ ca jānanto yogadhyānaparāyaṇāḥ | tasmātsadaiva kartavyo vyavahāroditodyamaḥ

'— even while knowing all to be subject to fate, they remain devoted to yoga and meditation. Therefore the effort prescribed by worldly practice must always be undertaken.'

Verse 31 (devibhagavatam.5.4.31)

सुखं भवतु वा मा वा दैवे का परिदेवना । विना पुरुषकारेण कदाचित्सिद्धिमाप्नुयात्

sukhaṁ bhavatu vā mā vā daive kā paridevanā | vinā puruṣakāreṇa kadācitsiddhimāpnuyāt

'Whether happiness comes or not, what use is there in lamenting over fate? Without human effort, success can never at all be attained.'

Verse 32 (devibhagavatam.5.4.32)

अन्धवत्पङ्गुवत्कामं न तथा मुदमावहेत् । कृते पुरुषकारेऽपि यदि सिद्धिर्न जायते

andhavatpaṅguvatkāmaṁ na tathā mudamāvahet | kṛte puruṣakāre'pi yadi siddhirna jāyate

'One should not, like a blind man or a cripple, hope for joy without effort. Yet even if success does not come though human effort has been made —'

Verse 33 (devibhagavatam.5.4.33)

न तत्र दूषणं तस्य दैवाधीने शरीरिणि । कार्यसिद्धिर्न सैन्येऽस्ति न मन्त्रे न च मन्त्रणे

na tatra dūṣaṇaṁ tasya daivādhīne śarīriṇi | kāryasiddhirna sainye'sti na mantre na ca mantraṇe

'— there is no fault in that, for the embodied being remains subject to fate. Success in an undertaking lies neither in the army alone, nor in counsel, nor in deliberation alone —'

Verse 34 (devibhagavatam.5.4.34)

न रथे नायुधे नूनं दैवाधीना सुराधिप । बलवाङ्क्लेशमाप्नोति निर्बलः सुखमश्नुते

na rathe nāyudhe nūnaṁ daivādhīnā surādhipa | balavāṅkleśamāpnoti nirbalaḥ sukhamaśnute

'— nor in chariots or weapons either, O lord of gods, for all of it is subject to fate. The strong may meet with hardship, while the weak may enjoy happiness.'

Verse 35 (devibhagavatam.5.4.35)

बुद्धिमान्क्षुधितः शेते निर्बुद्धिर्भोगवान्भवेत् । कातरो जयमाप्नोति शूरो याति पराजयम्

buddhimānkṣudhitaḥ śete nirbuddhirbhogavānbhavet | kātaro jayamāpnoti śūro yāti parājayam

'The wise man may lie down hungry, while the fool enjoys abundance; the coward attains victory, while the hero meets defeat.'

Verse 36 (devibhagavatam.5.4.36)

दैवाधीने तु संसारे कामं का परिदेवना । उद्यमे योजयेन्नूनं भवितव्यं सुराधिप

daivādhīne tu saṁsāre kāmaṁ kā paridevanā | udyame yojayennūnaṁ bhavitavyaṁ surādhipa

'Since this world is subject to fate, what is the use of lament? One should surely apply oneself to effort, O lord of gods — the rest is whatever is destined to be.'

Verse 37 (devibhagavatam.5.4.37)

दुःखदे सुखदे वापि तत्र तौ न विचिन्तयेत् । दुःखे दुःखाधिकान्पश्येत्सुखे पश्येत्सुखाधिकम्

duḥkhade sukhade vāpi tatra tau na vicintayet | duḥkhe duḥkhādhikānpaśyetsukhe paśyetsukhādhikam

'One should not dwell overmuch on whether an outcome brings sorrow or joy. In sorrow, one should look to those who suffer more; in joy, one should look to those who enjoy more.'

Verse 38 (devibhagavatam.5.4.38)

आत्मानं हर्षशोकाभ्यां शत्रुभ्यामिव नार्पयेत् । धैर्यमेवावगन्तव्यं हर्षशोकोद्भवे बुधैः

ātmānaṁ harṣaśokābhyāṁ śatrubhyāmiva nārpayet | dhairyamevāvagantavyaṁ harṣaśokodbhave budhaiḥ

'One should never surrender oneself into the hands of joy and sorrow, as though to two enemies. When joy or sorrow arises, the wise must take refuge in patience alone.'

Verse 39 (devibhagavatam.5.4.39)

अधैर्याद्यादृशं दुःखं न तु धैर्येऽस्ति तादृशम् । दुर्लभं सहनत्वं वै समये सुखदुःखयोः

adhairyādyādṛśaṁ duḥkhaṁ na tu dhairye'sti tādṛśam | durlabhaṁ sahanatvaṁ vai samaye sukhaduḥkhayoḥ

'The suffering that arises from impatience does not arise where there is patience. Rare indeed is the capacity to bear both joy and sorrow with an even mind.'

Verse 40 (devibhagavatam.5.4.40)

हर्षशोकोद्भवो यत्र न भवेद् बुद्धिनिश्चयात् । किं दुःखं कस्य वा दुःखं निर्गुणोऽहं सदाव्ययः

harṣaśokodbhavo yatra na bhaved buddhiniścayāt | kiṁ duḥkhaṁ kasya vā duḥkhaṁ nirguṇo'haṁ sadāvyayaḥ

'Where, through the firm resolve of the intellect, joy and sorrow do not even arise — what, then, is suffering, and whose suffering is it? "I am without qualities, and ever unchanging" —'

Verse 41 (devibhagavatam.5.4.41)

चतुर्विंशातिरिक्तोऽस्मि किं मे दुःखं सुखं च किम् । प्राणस्य क्षुत्पिपासे द्वे मनसः शोकमूर्छने

caturviṁśātirikto'smi kiṁ me duḥkhaṁ sukhaṁ ca kim | prāṇasya kṣutpipāse dve manasaḥ śokamūrchane

'"I am beyond the twenty-four elements — what is sorrow to me, and what is joy? Hunger and thirst belong to the vital breath; grief and delusion belong to the mind."'

Verse 42 (devibhagavatam.5.4.42)

जरामृत्यू शरीरस्य षडूर्मिरहितः शिवः । शोकमोहौ शरीरस्य गणौ किं मेऽत्र चिन्तने

jarāmṛtyū śarīrasya ṣaḍūrmirahitaḥ śivaḥ | śokamohau śarīrasya gaṇau kiṁ me'tra cintane

'"Old age and death belong to the body; the auspicious Self is free of the six waves of change. Grief and delusion too are attributes of the body — what have they to do with me in this reflection?"'

Verse 43 (devibhagavatam.5.4.43)

शरीरं नाहमथवा तत्सम्बन्धी न चाप्यहम् । सप्तैकषोडशादिभ्यो विभिन्नोऽहं सदा सुखी

śarīraṁ nāhamathavā tatsambandhī na cāpyaham | saptaikaṣoḍaśādibhyo vibhinno'haṁ sadā sukhī

'"I am not the body, nor am I even connected to it. I am distinct from the seven, the one, the sixteen, and the rest — ever blissful."'

Verse 44 (devibhagavatam.5.4.44)

प्रकृतिर्विकृतिर्नाहं किं मे दुःखं सदा पुनः । इति मत्वा सुरेश त्वं मनसा भव निर्ममः

prakṛtirvikṛtirnāhaṁ kiṁ me duḥkhaṁ sadā punaḥ | iti matvā sureśa tvaṁ manasā bhava nirmamaḥ

'"I am neither prakriti nor its modification — how then could suffering ever be mine?" Knowing this, O lord of gods, become free of attachment in your mind.'

Verse 45 (devibhagavatam.5.4.45)

उपायः प्रथमोऽयं ते दुःखनाशे शतक्रतो । ममता परमं दुःखं निर्ममत्वं परं सुखम्

upāyaḥ prathamo'yaṁ te duḥkhanāśe śatakrato | mamatā paramaṁ duḥkhaṁ nirmamatvaṁ paraṁ sukham

'This, O hundred-sacrificed one, is the first remedy for the destruction of sorrow: attachment is the supreme sorrow, and freedom from attachment is the supreme happiness.'

Verse 46 (devibhagavatam.5.4.46)

सन्तोषादपरं नास्ति सुखस्थानं शचीपते । अथवा यदि न ज्ञानं ममत्वनाशने किल

santoṣādaparaṁ nāsti sukhasthānaṁ śacīpate | athavā yadi na jñānaṁ mamatvanāśane kila

'There is no abode of happiness greater than contentment, O husband of Shachi. But if this knowledge, for the destruction of attachment, is not attained —'

Verse 47 (devibhagavatam.5.4.47)

ततो विवेकः कर्तव्यो भवितव्ये सुराधिप । प्रारब्धकर्मणां नाशो नाभोगाल्लक्ष्यते किल

tato vivekaḥ kartavyo bhavitavye surādhipa | prārabdhakarmaṇāṁ nāśo nābhogāllakṣyate kila

'— then, O lord of gods, discernment must be exercised regarding what is destined. The exhaustion of the fruits of prarabdha karma is seen to come about only through their being experienced.'

Verse 48 (devibhagavatam.5.4.48)

यद्भावि तद्भवत्येव का चिन्ता सुखदुःखयोः । सुरैः सर्वैः सहायैर्वा बुद्ध्या वा तव सत्तम

yadbhāvi tadbhavatyeva kā cintā sukhaduḥkhayoḥ | suraiḥ sarvaiḥ sahāyairvā buddhyā vā tava sattama

'Whatever is destined will surely come to pass — what concern, then, is joy or sorrow? Neither by the help of all the gods, O excellent one, nor by wisdom —'

Verse 49 (devibhagavatam.5.4.49)

सुखं क्षयाय पुण्यस्य दुःखं पापस्य मारिष । तस्मात्सुखक्षये हर्षः कर्तव्यः सर्वथा बुधैः

sukhaṁ kṣayāya puṇyasya duḥkhaṁ pāpasya māriṣa | tasmātsukhakṣaye harṣaḥ kartavyaḥ sarvathā budhaiḥ

'Happiness, O honored one, comes at the cost of one's merit, and sorrow at the cost of one's sin. Therefore, when happiness wanes, the wise should always rejoice.'

Verse 50 (devibhagavatam.5.4.50)

अथवा मन्त्रयित्वाद्य कुरु यत्नं यथाविधि । कृते यत्ने महाराज भवितव्यं भविष्यति

athavā mantrayitvādya kuru yatnaṁ yathāvidhi | kṛte yatne mahārāja bhavitavyaṁ bhaviṣyati

'Or rather, take counsel today and make proper effort. O great king, once effort has been made, whatever is destined will surely come to pass.'