Hiranmaya and Kimpurusha Varsha

Verse 1 (devibhagavatam.8.10.1)

श्रीनारायण उवाच । हिरण्मये नाम वर्षे भगवान्कूर्मरूपधृक् । आस्ते योगपतिः सोऽयमर्यम्णा पूज्य ईड्यते

śrīnārāyaṇa uvāca | hiraṇmaye nāma varṣe bhagavānkūrmarūpadhṛk | āste yogapatiḥ so'yamaryamṇā pūjya īḍyate

Shri Narayana said: In the region named Hiranmaya, the Blessed Lord, bearing the form of a Tortoise, dwells; that Lord of yoga is worshipped and praised by Aryaman.

Verse 2 (devibhagavatam.8.10.2)

अर्यमोवाच । ॐ नमो भगवते अकूपाराय सर्वसत्त्वगुण\- विशेषणाय नोपलक्षितस्थानाय नमो वर्ष्मणे नमो भूम्ने नमोऽवस्थानाय नमस्ते । यद्रूपमेतन्निजमाययार्पित\- मर्थस्वरूपं बहुरूपरूपितम् । सङ्ख्या न यस्यास्त्ययथोपलम्भना\- त्तस्मै नमस्तेऽव्यपदेशरूपिणे

aryamovāca | oṁ namo bhagavate akūpārāya sarvasattvaguṇa\- viśeṣaṇāya nopalakṣitasthānāya namo varṣmaṇe namo bhūmne namo'vasthānāya namaste | yadrūpametannijamāyayārpita\- marthasvarūpaṁ bahurūparūpitam | saṅkhyā na yasyāstyayathopalambhanā\- ttasmai namaste'vyapadeśarūpiṇe

Aryaman said: "Om, salutation to the Blessed Akupara, the boundless one, distinguished by every excellence of quality among all beings; salutation to you whose abode cannot be located; salutation to the vast one; salutation to the immensity; salutation to the very ground of abiding; salutation to you. That form of yours, this reality bestowed by your own Maya, cast into manifold forms — of which there can be no true reckoning, since it is grasped only by imperfect perception — to you, of unassignable form, salutation."

Verse 3 (devibhagavatam.8.10.3)

जरायुजं स्वेदजमण्डजोद्भिदं चराचरं देवर्षिपितृभूतमैन्द्रियम् । द्यौः खं क्षितिः शैलसरित्समुद्रं द्वीपग्रहर्क्षेत्यभिधेय एकः

jarāyujaṁ svedajamaṇḍajodbhidaṁ carācaraṁ devarṣipitṛbhūtamaindriyam | dyauḥ khaṁ kṣitiḥ śailasaritsamudraṁ dvīpagraharkṣetyabhidheya ekaḥ

"Born from the womb, from sweat, from an egg, and sprouting from the earth; the moving and the unmoving, gods, sages, ancestors, elemental beings, and the objects of sense; heaven, sky, earth, mountain, river, ocean, continent, planet and star — all this, called by such names, is but one."

Verse 4 (devibhagavatam.8.10.4)

यस्मिन्नसङ्ख्येयविशेषनाम\- रूपाकृतौ कविभिः कल्पितेयम् । सङ्ख्या यया तत्त्वदृशापनीयते तस्मै नमः साङ्ख्यनिदर्शनाय ते

yasminnasaṅkhyeyaviśeṣanāma\- rūpākṛtau kavibhiḥ kalpiteyam | saṅkhyā yayā tattvadṛśāpanīyate tasmai namaḥ sāṅkhyanidarśanāya te

"In whom the sages have imagined countless particular names, forms and shapes — the very reckoning which the seers of truth set aside — to you, the demonstrator of that discernment, salutation."

Verse 5 (devibhagavatam.8.10.5)

एवं स्तुवति देवेशमर्यमा सह वर्षपैः । गीयते चापि भजते सर्वभूतभवं प्रभुम्

evaṁ stuvati deveśamaryamā saha varṣapaiḥ | gīyate cāpi bhajate sarvabhūtabhavaṁ prabhum

Thus Aryaman, together with the guardians of that region, praises the Lord of gods, and that Lord, the source of the existence of all beings, is likewise sung of and worshipped.

Verse 6 (devibhagavatam.8.10.6)

तथोत्तरेषु कुरुषु भगवान्यज्ञपूरुषः । आदिवाराहरूपोऽसौ धरण्या पूज्यते सदा

tathottareṣu kuruṣu bhagavānyajñapūruṣaḥ | ādivārāharūpo'sau dharaṇyā pūjyate sadā

Likewise, in the northern Kuru region, the Blessed Person of sacrifice, in his primeval Boar-form, is ever worshipped by the Earth.

Verse 7 (devibhagavatam.8.10.7)

सम्पूज्य विधिवद्देवं तद्भक्त्यार्द्रार्द्रहृत्कजा । भूमिः स्तौति हरिं यज्ञवाराहं दैत्यमर्दनम्

sampūjya vidhivaddevaṁ tadbhaktyārdrārdrahṛtkajā | bhūmiḥ stauti hariṁ yajñavārāhaṁ daityamardanam

Having duly worshipped the god according to rite, the Earth, her lotus-heart moistened with devotion for him, praises Hari, the sacrificial Boar, crusher of the demon.

Verse 8 (devibhagavatam.8.10.8)

भूरुवाच । ॐ नमो भगवते मन्त्रतत्त्वलिङ्गाय यज्ञक्रतवे महाध्वरावयवाय महावराहाय नमः कर्मशुक्लाय त्रियुगाय नमस्ते

bhūruvāca | oṁ namo bhagavate mantratattvaliṅgāya yajñakratave mahādhvarāvayavāya mahāvarāhāya namaḥ karmaśuklāya triyugāya namaste

Bhu (the Earth) said: "Om, salutation to the Blessed One, whose form is the very mark of the essence of the mantras, the sacrificial rite itself; to the one whose limbs are the parts of the great sacrifice; salutation to the great Boar; to the one of pure action; salutation to the one existing through the three yugas."

Verse 9 (devibhagavatam.8.10.9)

यस्य स्वरूपं कवयो विपश्चितो गुणेषु दारुष्विव जातवेदसम् । मथ्नन्ति मथ्ना मनसा दिदृक्षवो गूढं क्रियार्थैर्नम ईरितात्मने

yasya svarūpaṁ kavayo vipaścito guṇeṣu dāruṣviva jātavedasam | mathnanti mathnā manasā didṛkṣavo gūḍhaṁ kriyārthairnama īritātmane

"Whose true form the learned poets, desiring to see it as it lies hidden among the qualities like fire hidden within sticks of wood, churn out with the churning-rod of the mind through ritual acts; salutation to that One whose self is thus made known."

Verse 10 (devibhagavatam.8.10.10)

द्रव्यक्रियाहेत्वयनेशकर्तृभि\- र्मायागुणैर्वस्तुभिरीक्षितात्मने । अन्वीक्षयाङ्गातिशयात्मबुद्धिभि\- र्निरस्तमायाकृतये नमोऽस्तु ते

dravyakriyāhetvayaneśakartṛbhi\- rmāyāguṇairvastubhirīkṣitātmane | anvīkṣayāṅgātiśayātmabuddhibhi\- rnirastamāyākṛtaye namo'stu te

"By the causes of substance and action, by means, abode, lord and doer — by these gunas and objects of Maya your self is beheld — you whose Maya-fashioned form the wise, through inference from the surpassing excess of the (world's) limbs, have set aside; salutation to you."

Verse 11 (devibhagavatam.8.10.11)

करोति विश्वस्थितिसंयमोदयं यस्येप्सितं नेप्सितुमीक्षितुर्गुणैः । माया यथाऽयो भ्रमते तदाश्रयं ग्राव्णो नमस्ते गुणकर्मसाक्षिणे

karoti viśvasthitisaṁyamodayaṁ yasyepsitaṁ nepsitumīkṣiturguṇaiḥ | māyā yathā'yo bhramate tadāśrayaṁ grāvṇo namaste guṇakarmasākṣiṇe

"You who bring about the sustaining, restraint, and arising of the universe, to whom nothing is truly desired, though it appears desired through the qualities of the beholder; Maya moves as iron does, in dependence on you — O witness of the gunas and their deeds, salutation to you."

Verse 12 (devibhagavatam.8.10.12)

प्रमथ्य दैत्यं प्रतिवारणं मृधे यो मां रसाया जगदादिसूकरः । कृत्वाग्रदंष्ट्रं निरगादुदन्वतः क्रीडन्निवेभः प्रणतास्मि तं विभुम्

pramathya daityaṁ prativāraṇaṁ mṛdhe yo māṁ rasāyā jagadādisūkaraḥ | kṛtvāgradaṁṣṭraṁ niragādudanvataḥ krīḍannivebhaḥ praṇatāsmi taṁ vibhum

"Having crushed the opposing demon in battle, he — becoming the primeval Boar of the universe — raised me up from the depths on the tip of his tusk and emerged from the ocean as though sporting like an elephant; to that mighty Lord I bow."

Verse 13 (devibhagavatam.8.10.13)

किम्पुरुषे वर्षेऽस्मिन्भगवन्तं दाशरथिं च सर्वेशम् । सीतारामं देवं श्रीहनुमानादिपूरुषं स्तौति

kimpuruṣe varṣe'sminbhagavantaṁ dāśarathiṁ ca sarveśam | sītārāmaṁ devaṁ śrīhanumānādipūruṣaṁ stauti

In this Kimpurusha-varsha, Hanuman, foremost among beings, praises the Blessed Lord, the son of Dasharatha, the Lord of all, the God Sitarama.

Verse 14 (devibhagavatam.8.10.14)

ॐ नमो भगवते उत्तमश्लोकाय नम इति । आर्यलक्षणशीलव्रताय नम उपशिक्षितात्मने उपासितलोकाय नमः । साधुवादनिकषणाय नमो ब्रह्मण्यदेवाय महापुरुषाय महाभागाय नम इति । यत्तद्विशुद्धानुभवात्ममेकं स्वतेजसा ध्वस्तगुणव्यवस्थम् । प्रत्यक् प्रशान्तं सुधियोपलम्भनं ह्यनामरूपं निरहं प्रपद्ये

oṁ namo bhagavate uttamaślokāya nama iti | āryalakṣaṇaśīlavratāya nama upaśikṣitātmane upāsitalokāya namaḥ | sādhuvādanikaṣaṇāya namo brahmaṇyadevāya mahāpuruṣāya mahābhāgāya nama iti | yattadviśuddhānubhavātmamekaṁ svatejasā dhvastaguṇavyavastham | pratyak praśāntaṁ sudhiyopalambhanaṁ hyanāmarūpaṁ nirahaṁ prapadye

"Om, salutation to the Blessed One of exalted renown; salutation to the one of noble character, conduct and vow; salutation to the one of disciplined self; salutation to the one worshipped by all the worlds; salutation to the very touchstone of righteous speech; salutation to the God who is the friend of Brahmins, the Great Person, the most fortunate one. I take refuge in that One, of the very nature of pure experience, the one whose own splendour has dissolved the ordering of the gunas, inwardly quiescent, apprehended only by the clear-minded, without name or form, without ego."

Verse 15 (devibhagavatam.8.10.15)

मर्त्यावतारस्त्विह मर्त्यशिक्षणं रक्षोवधायैव न केवलं विभो । कुतोऽन्यथा स्याद्ऽऽरमतः स्व आत्मनः सीताकृतानि व्यसनानीश्वरस्य

martyāvatārastviha martyaśikṣaṇaṁ rakṣovadhāyaiva na kevalaṁ vibho | kuto'nyathā syād''ramataḥ sva ātmanaḥ sītākṛtāni vyasanānīśvarasya

"O Mighty One, this mortal incarnation of yours is here for the instruction of mortals, not merely for the slaying of the demon; for otherwise, how could these calamities born of Sita ever befall the Lord who delights only in his own Self?"

Verse 16 (devibhagavatam.8.10.16)

न वै स आत्माऽऽत्मवतां सुहृत्तमः सक्तस्त्रिलोक्यां भगवान्वासुदेवः । न स्त्रीकृतं कश्मलमश्नुवीत न लक्षणं चापि विहातुमर्हति

na vai sa ātmā''tmavatāṁ suhṛttamaḥ saktastrilokyāṁ bhagavānvāsudevaḥ | na strīkṛtaṁ kaśmalamaśnuvīta na lakṣaṇaṁ cāpi vihātumarhati

"The Blessed Vasudeva, the very Self and best friend of those who possess the Self, is not attached to the three worlds; he does not incur the taint caused by a woman's grief, nor is it fitting for him ever to abandon his own true nature."

Verse 17 (devibhagavatam.8.10.17)

न जन्म नूनं महतो न सौभगं न वाङ् न बुद्धिर्नाकृतिस्तोषहेतुः । तैर्यद्विसृष्टानपि नो वनौकस\- श्चकार सख्ये बत लक्ष्मणाग्रजः

na janma nūnaṁ mahato na saubhagaṁ na vāṅ na buddhirnākṛtistoṣahetuḥ | tairyadvisṛṣṭānapi no vanaukasa\- ścakāra sakhye bata lakṣmaṇāgrajaḥ

"It was surely neither high birth, nor good fortune, nor eloquence, nor intellect, nor bodily form that was the cause of his favour — by which qualities we, dwellers of the forest, might otherwise have been despised — and yet, how wondrous, the elder brother of Lakshmana made friendship with us!"

Verse 18 (devibhagavatam.8.10.18)

सुरोऽसुरो वाप्यथवा नरोऽनरः सर्वात्मना यः सुकृतज्ञमुत्तमम् । भजेत रामं मनुजाकृतिं हरिं य उत्तराननयत्कोसलान् दिवम्

suro'suro vāpyathavā naro'naraḥ sarvātmanā yaḥ sukṛtajñamuttamam | bhajeta rāmaṁ manujākṛtiṁ hariṁ ya uttarānanayatkosalān divam

"Whether god or demon, man or one not human, whoever with his whole being shall worship Rama — Hari appearing in human form, most excellent in acknowledging good done to him — he who led the people of northern Koshala to heaven —"

Verse 19 (devibhagavatam.8.10.19)

श्रीनारायण उवाच । एवं किम्पुरुषे वर्षे सत्यसन्धं दृढव्रतम् । रामं राजीवपत्राक्षं हनुमान् वानरोत्तमः

śrīnārāyaṇa uvāca | evaṁ kimpuruṣe varṣe satyasandhaṁ dṛḍhavratam | rāmaṁ rājīvapatrākṣaṁ hanumān vānarottamaḥ

Shri Narayana said: Thus, in Kimpurusha-varsha, Hanuman, foremost of monkeys, honours Rama, true to his pledge, firm in his vow, lotus-petal-eyed,

Verse 20 (devibhagavatam.8.10.20)

स्तौति गायति भक्त्या च सम्पूजयति सर्वशः । य एतच्छृणुयाच्चित्रं रामचन्द्रकथानकम् । सर्वपापविशुद्धात्मा याति रामसलोकताम्

stauti gāyati bhaktyā ca sampūjayati sarvaśaḥ | ya etacchṛṇuyāccitraṁ rāmacandrakathānakam | sarvapāpaviśuddhātmā yāti rāmasalokatām

praising and singing of him with devotion, and worshipping him in every way. Whoever shall hear this wondrous tale of Ramachandra, his self purified of every sin, shall attain the world of Rama.