Harivarsha, Ketumala, and Ramyaka

Verse 1 (devibhagavatam.8.9.1)

श्रीनारायण उवाच । हरिवर्षे च भगवान्नृहरिः पापनाशनः । वर्तते योगयुक्तात्मा भक्तानुग्रहकारकः

śrīnārāyaṇa uvāca | harivarṣe ca bhagavānnṛhariḥ pāpanāśanaḥ | vartate yogayuktātmā bhaktānugrahakārakaḥ

Shri Narayana said: In Harivarsha, the Blessed Nrihari, destroyer of sin, dwells, his self joined in yoga, ever bestowing grace upon his devotees.

Verse 2 (devibhagavatam.8.9.2)

तस्य तद्दयितं रूपं महाभागवतोऽसुरः । पश्यन्भक्तिसमायुक्तः स्तौति तद्गुणतत्त्ववित्

tasya taddayitaṁ rūpaṁ mahābhāgavato'suraḥ | paśyanbhaktisamāyuktaḥ stauti tadguṇatattvavit

Beholding that form dear to him, the great devotee among the demons, Prahlada, united with devotion, knower of the truth of his qualities, offers praise.

Verse 3 (devibhagavatam.8.9.3)

प्रह्लाद उवाच । ॐ नमो भगवते नरसिंहाय नमस्तेजस्तेजसे आविराविर्भव वज्रदंष्ट्र कर्माशयान् रन्धय रन्धय तमो ग्रस ग्रस ॐ स्वाहा । अभयं ममात्मनि भूयिष्ठाः ॥ ॐ क्षौम् ॥ स्वस्त्यस्तु विश्वस्य खलः प्रसीदतां ध्यायन्तु भूतानि शिवं मिथो धिया । मनश्च भद्रं भजतादधोक्षजे आवेश्यतां नो मतिरप्यहैतुकी

prahlāda uvāca | oṁ namo bhagavate narasiṁhāya namastejastejase āvirāvirbhava vajradaṁṣṭra karmāśayān randhaya randhaya tamo grasa grasa oṁ svāhā | abhayaṁ mamātmani bhūyiṣṭhāḥ || oṁ kṣaum || svastyastu viśvasya khalaḥ prasīdatāṁ dhyāyantu bhūtāni śivaṁ mitho dhiyā | manaśca bhadraṁ bhajatādadhokṣaje āveśyatāṁ no matirapyahaitukī

Prahlada said: "Om, salutation to the Blessed Narasimha, salutation to the splendour of splendours! O thunderbolt-fanged one, manifest, manifest! Rend, rend the store of our deeds! Devour, devour our darkness! Om, svaha! Let fearlessness abound most fully within my own self! Om kshaum! May the world be well; may the wicked grow gracious; may beings meditate on one another's welfare with goodwill; and may the mind turn to what is auspicious, devoted to the Transcendent One; and may our understanding, uncaused though it be, be absorbed in you."

Verse 4 (devibhagavatam.8.9.4)

मागारदारात्मजवित्तबन्धुषु सङ्गो यदि स्याद्भगवत्प्रियेषु नः । यः प्राणवृत्त्या परितुष्ट आत्मवान् सिद्ध्यत्यदूरान्न तथेन्द्रियप्रियः

māgāradārātmajavittabandhuṣu saṅgo yadi syādbhagavatpriyeṣu naḥ | yaḥ prāṇavṛttyā parituṣṭa ātmavān siddhyatyadūrānna tathendriyapriyaḥ

"If we must have attachment at all — to house, wife, children, wealth, and kin — let it be to those dear to the Blessed Lord; he who, self-possessed, is content with the mere maintenance of the breath of life attains perfection before long — not so one fond of the senses."

Verse 5 (devibhagavatam.8.9.5)

यत्सङ्गलब्धं निजवीर्यवैभवं तीर्थं मुहुः संस्पृशतां हि मानसम् । हरत्यजोऽन्तः श्रुतिभिर्गतोऽङ्गजं को वै न सेवेत मुकुन्दविक्रमम्

yatsaṅgalabdhaṁ nijavīryavaibhavaṁ tīrthaṁ muhuḥ saṁspṛśatāṁ hi mānasam | haratyajo'ntaḥ śrutibhirgato'ṅgajaṁ ko vai na seveta mukundavikramam

"That majestic might of his, gained through contact with him — a sacred crossing-place which, touched again and again in thought, purifies the mind — the Unborn One, reached through the ears, takes away from within the sin born of the body; who indeed would not serve the might of Mukunda?"

Verse 6 (devibhagavatam.8.9.6)

यस्यास्ति भक्तिर्भगवत्यकिञ्चना सर्वैर्गुणैस्तत्र समासते सुराः । हरावभक्तस्य कुतो महद्गुणा मनोरथेनासति धावतो बहिः

yasyāsti bhaktirbhagavatyakiñcanā sarvairguṇaistatra samāsate surāḥ | harāvabhaktasya kuto mahadguṇā manorathenāsati dhāvato bahiḥ

"In one who has unalloyed devotion to the Blessed Lord, all virtues dwell together, as the gods dwell together in heaven; but whence come great virtues in one without devotion to Hari, running outward after the unreal, driven by mere fancy?"

Verse 7 (devibhagavatam.8.9.7)

हरिर्हि साक्षाद्भगवाञ्छरीरिणा\- मात्मा झषाणामिव तोयमीप्सितम् । हित्वा महांस्तं यदि सज्जते गृहे तदा महत्त्वं वयसा दम्पतीनाम्

harirhi sākṣādbhagavāñcharīriṇā\- mātmā jhaṣāṇāmiva toyamīpsitam | hitvā mahāṁstaṁ yadi sajjate gṛhe tadā mahattvaṁ vayasā dampatīnām

"Hari is directly the very Self of embodied beings, as water is the longed-for thing for fish; if one abandons that great one and clings instead to the household, then all that is left to the couple is the mere greatness that comes with age."

Verse 8 (devibhagavatam.8.9.8)

तस्माद्रजोरागविषादमन्यु\- मानस्पृहाभयदैन्याधिमूलम् । हित्वा गृहं संसृतिचक्रवालं नृसिंहपादं भजतां कुतो भयम्

tasmādrajorāgaviṣādamanyu\- mānaspṛhābhayadainyādhimūlam | hitvā gṛhaṁ saṁsṛticakravālaṁ nṛsiṁhapādaṁ bhajatāṁ kuto bhayam

"Therefore, abandoning the household — the very root of passion, attachment, despair, wrath, pride, craving, fear and misery, the wheel of transmigration — for those devoted to the feet of Nrisimha, whence should fear arise?"

Verse 9 (devibhagavatam.8.9.9)

एवं दैत्यपतिः सोऽपि भक्त्यानुदिनमीडते । नृहरिं पापमातङ्गहरिं हृत्पद्मवासिनम्

evaṁ daityapatiḥ so'pi bhaktyānudinamīḍate | nṛhariṁ pāpamātaṅgahariṁ hṛtpadmavāsinam

Thus that lord of demons too extols, day after day and with devotion, Nrihari — the lion to the elephant that is sin — who dwells in the lotus of the heart.

Verse 10 (devibhagavatam.8.9.10)

केतुमाले च वर्षे हि भगवान्स्मररूपधृक् । आस्ते तद्वर्षनाथानां पूजनीयश्च सर्वदा

ketumāle ca varṣe hi bhagavānsmararūpadhṛk | āste tadvarṣanāthānāṁ pūjanīyaśca sarvadā

In Ketumala-varsha the Blessed Lord dwells, bearing the form of Kama, and he is ever worshipped by the lords of that region.

Verse 11 (devibhagavatam.8.9.11)

एतेनोपासते स्तोत्रजालेन च रमाब्धिजा । तद्वर्षनाथा सततं महतां मानदायिका

etenopāsate stotrajālena ca ramābdhijā | tadvarṣanāthā satataṁ mahatāṁ mānadāyikā

With this web of hymns Rama, who was born of the ocean, worships him; and the lords of that region, ever honouring the great —

Verse 12 (devibhagavatam.8.9.12)

रमोवाच । ॐ ह्रां ह्रीं ह्रूं स्म नमो भगवते हृषीकेशाय सर्वगुणविशेषैर्विलक्षितात्मने आकूतीनां चित्तीनां चेतसां विशेषाणां चाधिपतये षोडशकलाय छन्दोमयायान्नमयायामृतमयाय सर्वमयाय महसे ओजसे बलाय कान्ताय कामाय नमस्ते उभयत्र भूयात् । स्त्रियो व्रतैस्त्वां हृषीकेश्वरं स्वतो ह्याराध्य लोके पतिमाशासतेऽन्यम् । तासां न ते वै परिपान्त्यपत्यं प्रियं धनायूंषि यतोऽस्वतन्त्राः

ramovāca | oṁ hrāṁ hrīṁ hrūṁ sma namo bhagavate hṛṣīkeśāya sarvaguṇaviśeṣairvilakṣitātmane ākūtīnāṁ cittīnāṁ cetasāṁ viśeṣāṇāṁ cādhipataye ṣoḍaśakalāya chandomayāyānnamayāyāmṛtamayāya sarvamayāya mahase ojase balāya kāntāya kāmāya namaste ubhayatra bhūyāt | striyo vrataistvāṁ hṛṣīkeśvaraṁ svato hyārādhya loke patimāśāsate'nyam | tāsāṁ na te vai paripāntyapatyaṁ priyaṁ dhanāyūṁṣi yato'svatantrāḥ

Rama said: "Om, hram, hrim, hrum, salutation to the Blessed Hrishikesha, whose self is distinguished by every excellence of quality; to the overlord of intentions, of thoughts, of minds, and of their particular modes; to the sixteen-fold one, made of the metres, made of food, made of nectar, made of everything, to splendour, to vigour, to strength, to the beautiful one, to Desire himself — salutation to you, in both worlds. Women, by their own vows, worship you as Hrishikeshvara, yet still seek another as husband in this world; but for them you do not truly guard offspring, beloved wealth, or lifespan, since they are not their own masters."

Verse 13 (devibhagavatam.8.9.13)

स वै पतिः स्यादकुतोभयः स्वतः समन्ततः पाति भयातुरं जनम् । स एक एवेतरथा मिथो भयं नैवात्मलाभादधिमन्यते परम्

sa vai patiḥ syādakutobhayaḥ svataḥ samantataḥ pāti bhayāturaṁ janam | sa eka evetarathā mitho bhayaṁ naivātmalābhādadhimanyate param

"He alone can be a true husband who is himself wholly beyond fear, who protects on every side the fear-stricken people; he alone is such — otherwise mutual fear alone would remain; he considers nothing higher than the attainment of his own Self."

Verse 14 (devibhagavatam.8.9.14)

या तस्य ते पादसरोरुहार्हणं न कामयेत्साखिलकामलम्पटा । तदेव रासीप्सितमीप्सितोऽर्चितो यद्भग्नयाञ्चा भगवन् प्रतप्यते

yā tasya te pādasaroruhārhaṇaṁ na kāmayetsākhilakāmalampaṭā | tadeva rāsīpsitamīpsito'rcito yadbhagnayāñcā bhagavan pratapyate

"She who, though steeped in every desire, does not wish for the worship of your lotus feet — she it is who truly obtains what she desires when, O Blessed Lord, her petition refused, she is made to suffer, however worshipped and sought after she may be."

Verse 15 (devibhagavatam.8.9.15)

मत्प्राप्तयेऽजेशसुरासुरादय\- स्तप्यन्त उग्रं तप ऐन्द्रिये धियः । ऋते भवत्पादपरायणान्न मां विदन्त्यहं त्वद्धृदया यतोऽजित

matprāptaye'jeśasurāsurādaya\- stapyanta ugraṁ tapa aindriye dhiyaḥ | ṛte bhavatpādaparāyaṇānna māṁ vidantyahaṁ tvaddhṛdayā yato'jita

"To attain me, O Unborn Lord, gods and demons and the rest perform fierce austerity, yet their understanding stays fixed on the objects of the senses; save for those devoted solely to your feet, they do not know me — for, O Unconquered One, I belong to your heart alone."

Verse 16 (devibhagavatam.8.9.16)

स त्वं ममाप्यच्युत शीर्ष्णि वन्दितं कराम्बुजं यत्त्वदधायि सात्वताम् । बिभर्षि मां लक्ष्य वरेण्य मायया क ईश्वरस्येहितमूहितुं विभुः

sa tvaṁ mamāpyacyuta śīrṣṇi vanditaṁ karāmbujaṁ yattvadadhāyi sātvatām | bibharṣi māṁ lakṣya vareṇya māyayā ka īśvarasyehitamūhituṁ vibhuḥ

"O Infallible One, you bear even me upon your head — that lotus hand of yours which was placed upon your devotees; O most excellent one, you sustain me through your Maya; who indeed is capable of fathoming the Lord's intent?"

Verse 17 (devibhagavatam.8.9.17)

एवं कामं स्तुवन्त्येव लोकबन्धुस्वरूपिणम् । प्रजापतिमुखा वर्षनाथाः कामस्य सिद्धये

evaṁ kāmaṁ stuvantyeva lokabandhusvarūpiṇam | prajāpatimukhā varṣanāthāḥ kāmasya siddhaye

Thus the lords of that region, headed by Prajapati, praise the one who is the very form of the friend of all the worlds, for the fulfilment of desire.

Verse 18 (devibhagavatam.8.9.18)

रम्यके नामवर्षे च मूर्तिं भगवतः पराम् । मात्स्यां देवासुरैर्वन्द्यां मनुः स्तौति निरन्तरम्

ramyake nāmavarṣe ca mūrtiṁ bhagavataḥ parām | mātsyāṁ devāsurairvandyāṁ manuḥ stauti nirantaram

In the region named Ramyaka, Manu unceasingly praises the supreme Fish-form of the Blessed Lord, revered by gods and demons.

Verse 19 (devibhagavatam.8.9.19)

मनुरुवाच । ॐ नमो भगवते मुख्यतमाय नमः सत्त्वाय प्राणायौजसे बलाय महामत्स्याय नमः । अन्तर्बहिश्चाखिललोकपालकै\- रदृष्टरूपो विचरस्युरुस्वनः । स ईश्वरस्त्वं य इदं वशे नय\- न्नाम्ना यथा दारुमयीं नरः स्त्रियम्

manuruvāca | oṁ namo bhagavate mukhyatamāya namaḥ sattvāya prāṇāyaujase balāya mahāmatsyāya namaḥ | antarbahiścākhilalokapālakai\- radṛṣṭarūpo vicarasyurusvanaḥ | sa īśvarastvaṁ ya idaṁ vaśe naya\- nnāmnā yathā dārumayīṁ naraḥ striyam

Manu said: "Om, salutation to the Blessed One, the foremost of all, salutation to Sattva, to the Breath, to Vigour, to Strength, to the Great Fish. Within and without, unseen in form by all the guardians of the worlds, you range about, of vast resounding voice; you are the Lord who leads all this under your sway, as a man leads about a wooden puppet by name alone."

Verse 20 (devibhagavatam.8.9.20)

यं लोकपालाः किल मत्सरज्वरा हित्वा यतन्तोऽपि पृथक् समेत्य च । पातुं न शेकुर्द्विपदश्चतुष्पदः सरीसृपं स्थाणु यदत्र दृश्यते

yaṁ lokapālāḥ kila matsarajvarā hitvā yatanto'pi pṛthak sametya ca | pātuṁ na śekurdvipadaścatuṣpadaḥ sarīsṛpaṁ sthāṇu yadatra dṛśyate

"Whom the guardians of the worlds, feverish with envy, though striving apart and together, could not manage to protect — the two-footed, the four-footed, the creeping, and the standing creatures seen here —"

Verse 21 (devibhagavatam.8.9.21)

भवान् युगान्तार्णव ऊर्मिमालिनि क्षोणीमिमामोषधिवीरुधां निधिम् । मया सहोरुक्रम तेऽज ओजसा तस्मै जगत्प्राणगणात्मने नमः

bhavān yugāntārṇava ūrmimālini kṣoṇīmimāmoṣadhivīrudhāṁ nidhim | mayā sahorukrama te'ja ojasā tasmai jagatprāṇagaṇātmane namaḥ

"you, in the wave-garlanded ocean at the end of an age, bore up this earth, storehouse of herbs and creepers, together with me, by your own might, O far-striding Unborn One; to you, whose very self is the assembled life-breath of the world, salutation."

Verse 22 (devibhagavatam.8.9.22)

एवं स्तौति च देवेशं मनुः पार्थिवसत्तमः । मत्स्यावतारं देवेशं संशयच्छेदकारणम्

evaṁ stauti ca deveśaṁ manuḥ pārthivasattamaḥ | matsyāvatāraṁ deveśaṁ saṁśayacchedakāraṇam

Thus Manu, foremost among earthly kings, praises the Lord of gods in his incarnation as the Fish, the very cause of the cutting away of doubt.

Verse 23 (devibhagavatam.8.9.23)

ध्यानयोगेन देवस्य निर्धूताशेषकल्मषः । आस्ते परिचरन्भक्त्या महाभागवतोत्तमः

dhyānayogena devasya nirdhūtāśeṣakalmaṣaḥ | āste paricaranbhaktyā mahābhāgavatottamaḥ

By the discipline of meditation on the Lord, his sins entirely shaken off, that supreme and foremost devotee remains, serving him with devotion.