The Story of Ganga, Continued

Verse 1 (devibhagavatam.9.12.1)

श्रीनारायण उवाच । ध्यानं च कण्वशाखोक्तं सर्वपापप्रणाशनम् । श्वेतपङ्कजवर्णाभां गङ्गां पापप्रणाशिनीम्

śrīnārāyaṇa uvāca | dhyānaṁ ca kaṇvaśākhoktaṁ sarvapāpapraṇāśanam | śvetapaṅkajavarṇābhāṁ gaṅgāṁ pāpapraṇāśinīm

Sri Narayana said: This meditation, as declared in the Kanva branch, destroys every sin — Ganga, hued like a white lotus, destroyer of sin —

Verse 2 (devibhagavatam.9.12.2)

कृष्णविग्रहसम्भूतां कृष्णतुल्यां परां सतीम् । वह्निशुद्धांशुकाधानां रत्नभूषणभूषिताम्

kṛṣṇavigrahasambhūtāṁ kṛṣṇatulyāṁ parāṁ satīm | vahniśuddhāṁśukādhānāṁ ratnabhūṣaṇabhūṣitām

born from Krishna's own body, that supreme and chaste one, equal to Krishna, clad in a garment pure as fire, adorned with jeweled ornaments —

Verse 3 (devibhagavatam.9.12.3)

शरत्पूर्णेन्दुशतकमृष्टशोभाकरां पराम् । ईषद्धास्यप्रसन्नास्यां शश्वत्सुस्थिरयौवनाम्

śaratpūrṇenduśatakamṛṣṭaśobhākarāṁ parām | īṣaddhāsyaprasannāsyāṁ śaśvatsusthirayauvanām

bearing the bright beauty of a hundred autumnal full moons, supreme, her face gently smiling and serene, ever fixed in unfading youth —

Verse 4 (devibhagavatam.9.12.4)

नारायणप्रियां शान्तां तत्सौभाग्यसमन्विताम् । बिभ्रतीं कबरीभारं मालतीमाल्यसंयुतम्

nārāyaṇapriyāṁ śāntāṁ tatsaubhāgyasamanvitām | bibhratīṁ kabarībhāraṁ mālatīmālyasaṁyutam

beloved of Narayana, tranquil, endowed with his good fortune, bearing a heavy braid adorned with a garland of jasmine —

Verse 5 (devibhagavatam.9.12.5)

सिन्दूरबिन्दुललितं सार्धं चन्दनबिन्दुभिः । कस्तूरीपत्रकं गण्डे नानाचित्रसमन्वितम्

sindūrabindulalitaṁ sārdhaṁ candanabindubhiḥ | kastūrīpatrakaṁ gaṇḍe nānācitrasamanvitam

wearing a lovely dot of vermilion together with dots of sandal paste, her cheeks adorned with various patterns drawn in musk —

Verse 6 (devibhagavatam.9.12.6)

पक्वबिम्बविनिन्द्याच्छचार्वोष्ठपुटमुत्तमम् । मुक्तापङ्क्तिप्रभामुष्टदन्तपङ्क्तिमनोरमम्

pakvabimbavinindyācchacārvoṣṭhapuṭamuttamam | muktāpaṅktiprabhāmuṣṭadantapaṅktimanoramam

her lovely lips shaming even a ripe bimba fruit, clear and beautiful, her enchanting row of teeth stealing away even the luster of a strand of pearls —

Verse 7 (devibhagavatam.9.12.7)

सुचारुवक्त्रनयनं सकटाक्षं मनोहरम् । कठिनं श्रीफलाकारं स्तनयुग्मं च बिभ्रतीम्

sucāruvaktranayanaṁ sakaṭākṣaṁ manoharam | kaṭhinaṁ śrīphalākāraṁ stanayugmaṁ ca bibhratīm

her face and eyes exceedingly lovely, her glances enchanting, bearing a firm pair of breasts shaped like the sacred bael fruit —

Verse 8 (devibhagavatam.9.12.8)

बृहच्छ्रोणि सुकठिनां रम्भास्तम्भविनिन्दिताम् । स्थलपद्मप्रभामुष्टपादपद्मयुगं वरम्

bṛhacchroṇi sukaṭhināṁ rambhāstambhavininditām | sthalapadmaprabhāmuṣṭapādapadmayugaṁ varam

her hips broad and firm, putting to shame even the plantain's stem, her excellent pair of lotus feet stealing away even the beauty of the land-lotus —

Verse 9 (devibhagavatam.9.12.9)

रत्नपादुकसंयुक्तं कुङ्कुमाक्तं सयावकम् । देवेन्द्रमौलिमन्दारमकरन्दकणारुणम्

ratnapādukasaṁyuktaṁ kuṅkumāktaṁ sayāvakam | devendramaulimandāramakarandakaṇāruṇam

wearing gem-studded sandals, tinted with kumkum and red lac dye, her feet reddened by the pollen-flecks of the celestial coral-flower in Indra's own crown —

Verse 10 (devibhagavatam.9.12.10)

सुरसिद्धमुनीन्द्रैश्च दत्तार्घसंयुतं सदा । तपस्विमौलिनिकरभ्रमरश्रेणिसंयुतम्

surasiddhamunīndraiśca dattārghasaṁyutaṁ sadā | tapasvimaulinikarabhramaraśreṇisaṁyutam

her feet ever offered libations by gods, adepts, and the greatest of sages, encircled by rows of bees drawn like the matted locks of ascetics —

Verse 11 (devibhagavatam.9.12.11)

मुक्तिप्रदं मुमुक्षूणां कामिनां सर्वभोगदम् । वरां वरेण्यां वरदां भक्तानुग्रहकारिणीम्

muktipradaṁ mumukṣūṇāṁ kāmināṁ sarvabhogadam | varāṁ vareṇyāṁ varadāṁ bhaktānugrahakāriṇīm

giver of liberation to those seeking liberation, giver of every enjoyment to those with desires, excellent, worthy of choosing, giver of boons, bestowing grace upon devotees —

Verse 12 (devibhagavatam.9.12.12)

श्रीविष्णोः पददात्रीं च भजे विष्णुपदीं सतीम् । इत्यनेनैव ध्यानेन ध्यात्वा त्रिपथगां शुभाम्

śrīviṣṇoḥ padadātrīṁ ca bhaje viṣṇupadīṁ satīm | ityanenaiva dhyānena dhyātvā tripathagāṁ śubhām

the chaste one born of Sri Vishnu's own foot, Vishnupadi — thus I worship her. By this very meditation, meditating upon that auspicious one who flows through all three worlds —

Verse 13 (devibhagavatam.9.12.13)

दत्त्वा सम्पूजयेद् ब्रह्मन्नुपचाराणि षोडश । आसनं पाद्यमर्ध्यं च स्नानीयं चानुलेपनम्

dattvā sampūjayed brahmannupacārāṇi ṣoḍaśa | āsanaṁ pādyamardhyaṁ ca snānīyaṁ cānulepanam

O brahmin, one should worship her by offering the sixteen ceremonial articles — a seat, water for the feet, offered water, bathing water, and anointing paste —

Verse 14 (devibhagavatam.9.12.14)

धूपं दीपं च नैवेद्यं ताम्बूलं शीतलं जलम् । वसनं भूषणं माल्यं गन्धमाचमनीयकम्

dhūpaṁ dīpaṁ ca naivedyaṁ tāmbūlaṁ śītalaṁ jalam | vasanaṁ bhūṣaṇaṁ mālyaṁ gandhamācamanīyakam

incense, a lamp, food-offering, betel leaf, cool water, garment, ornament, garland, fragrant paste, and water for sipping —

Verse 15 (devibhagavatam.9.12.15)

मनोहरं सुतल्पं च देयान्येतानि षोडश । दत्त्वा भक्त्या च प्रणमेत्संस्तूय सम्पुटाञ्जलिः

manoharaṁ sutalpaṁ ca deyānyetāni ṣoḍaśa | dattvā bhaktyā ca praṇametsaṁstūya sampuṭāñjaliḥ

and a lovely couch — these sixteen articles should be offered; having offered them, one should praise her with devotion and bow with cupped, folded hands.

Verse 16 (devibhagavatam.9.12.16)

सम्पूज्यैव प्रकारेण सोऽश्वमेधफलं लभेत् । नारद उवाच । श्रोतुमिच्छामि देवेश लक्ष्मीकान्त जगत्पते

sampūjyaiva prakāreṇa so'śvamedhaphalaṁ labhet | nārada uvāca | śrotumicchāmi deveśa lakṣmīkānta jagatpate

By worshipping in this manner, the devotee obtains the fruit of a horse-sacrifice. Narada said: O Lord of gods, O beloved of Lakshmi, O Lord of the world, I wish to hear —

Verse 17 (devibhagavatam.9.12.17)

विष्णोर्विष्णुपदीस्तोत्रं पापघ्नं पुण्यकारकम् । श्रीनारायण उवाच । शृणु नारद वक्ष्यामि पापघ्नं पुण्यकारकम्

viṣṇorviṣṇupadīstotraṁ pāpaghnaṁ puṇyakārakam | śrīnārāyaṇa uvāca | śṛṇu nārada vakṣyāmi pāpaghnaṁ puṇyakārakam

the hymn to Vishnu's own Vishnupadi, sin-destroying and merit-bestowing. Sri Narayana said: Listen, Narada, I shall tell you that sin-destroying, merit-bestowing hymn.

Verse 18 (devibhagavatam.9.12.18)

शिवसङ्गीतसम्मुग्धश्रीकृष्णाङ्गसमुद्भवाम् । राधाङ्गद्रवसंयुक्तां तां गङ्गां प्रणमाम्यहम्

śivasaṅgītasammugdhaśrīkṛṣṇāṅgasamudbhavām | rādhāṅgadravasaṁyuktāṁ tāṁ gaṅgāṁ praṇamāmyaham

I bow to that Ganga, born from the very body of Sri Krishna, entranced by Shiva's music, mingled with the flowing essence of Radha's own body.

Verse 19 (devibhagavatam.9.12.19)

यज्जन्म सृष्टेरादौ च गोलोके रासमण्डले । सन्निधाने शङ्करस्य तां गङ्गां प्रणमाम्यहम्

yajjanma sṛṣṭerādau ca goloke rāsamaṇḍale | sannidhāne śaṅkarasya tāṁ gaṅgāṁ praṇamāmyaham

I bow to that Ganga, whose birth occurred at the very beginning of creation, within the rasa circle of Goloka, in the presence of Shankara.

Verse 20 (devibhagavatam.9.12.20)

गोपैर्गोपीभिराकीर्णे शुभे राधामहोत्सवे । कार्तिकीपूर्णिमायां च तां गङ्गां प्रणमाम्यहम्

gopairgopībhirākīrṇe śubhe rādhāmahotsave | kārtikīpūrṇimāyāṁ ca tāṁ gaṅgāṁ praṇamāmyaham

I bow to that Ganga, born amid the auspicious great festival of Radha, thronged with cowherds and cowherd maidens, on the full moon of Kartika.

Verse 21 (devibhagavatam.9.12.21)

कोटियोजनविस्तीर्णा दैर्घ्ये लक्षगुणा ततः । समावृता या गोलोके तां गङ्गां प्रणमाम्यहम्

koṭiyojanavistīrṇā dairghye lakṣaguṇā tataḥ | samāvṛtā yā goloke tāṁ gaṅgāṁ praṇamāmyaham

I bow to that Ganga, ten million yojanas in breadth, a hundred thousand times that in length, who pervades all of Goloka.

Verse 22 (devibhagavatam.9.12.22)

षष्टिलक्षयोजना या ततो दैर्घ्ये चतुर्गुणा । समावृता या वैकुण्ठे तां गङ्गां प्रणमाम्यहम्

ṣaṣṭilakṣayojanā yā tato dairghye caturguṇā | samāvṛtā yā vaikuṇṭhe tāṁ gaṅgāṁ praṇamāmyaham

I bow to that Ganga, six million yojanas in breadth, four times that in length, who pervades all of Vaikuntha.

Verse 23 (devibhagavatam.9.12.23)

त्रिंशल्लक्षयोजना या दैर्घ्ये पञ्चगुणा ततः । आवृता ब्रह्मलोके या तां गङ्गां प्रणमाम्यहम्

triṁśallakṣayojanā yā dairghye pañcaguṇā tataḥ | āvṛtā brahmaloke yā tāṁ gaṅgāṁ praṇamāmyaham

I bow to that Ganga, three million yojanas in breadth, five times that in length, who pervades Brahmaloka.

Verse 24 (devibhagavatam.9.12.24)

त्रिंशल्लक्षयोजना या दैर्घ्ये चतुर्गुणा ततः । आवृता शिवलोके या तां गङ्गां प्रणमाम्यहम्

triṁśallakṣayojanā yā dairghye caturguṇā tataḥ | āvṛtā śivaloke yā tāṁ gaṅgāṁ praṇamāmyaham

I bow to that Ganga, three million yojanas in breadth, four times that in length, who pervades Shivaloka.

Verse 25 (devibhagavatam.9.12.25)

लक्षयोजनविस्तीर्णा दैर्घ्ये सप्तगुणा ततः । आवृता धुवलोके या तां गङ्गां प्रणमाम्यहम्

lakṣayojanavistīrṇā dairghye saptaguṇā tataḥ | āvṛtā dhuvaloke yā tāṁ gaṅgāṁ praṇamāmyaham

I bow to that Ganga, a hundred thousand yojanas in breadth, seven times that in length, who pervades Dhruvaloka.

Verse 26 (devibhagavatam.9.12.26)

लक्षयोजनविस्तीर्णा दैर्घ्ये पञ्चगुणा ततः । आवृता चन्द्रलोके या तां गङ्गां प्रणमाम्यहम्

lakṣayojanavistīrṇā dairghye pañcaguṇā tataḥ | āvṛtā candraloke yā tāṁ gaṅgāṁ praṇamāmyaham

I bow to that Ganga, a hundred thousand yojanas in breadth, five times that in length, who pervades Chandraloka.

Verse 27 (devibhagavatam.9.12.27)

षष्टिसहस्रयोजना या दैर्घ्ये दशगुणा ततः । आवृता सूर्यलोके या तां गङ्गां प्रणमाम्यहम्

ṣaṣṭisahasrayojanā yā dairghye daśaguṇā tataḥ | āvṛtā sūryaloke yā tāṁ gaṅgāṁ praṇamāmyaham

I bow to that Ganga, sixty thousand yojanas in breadth, ten times that in length, who pervades Suryaloka.

Verse 28 (devibhagavatam.9.12.28)

लक्षयोजनविस्तीर्णा दैर्घ्ये पञ्चगुणा ततः । आवृता या तपोलोके तां गङ्गां प्रणमाम्यहम्

lakṣayojanavistīrṇā dairghye pañcaguṇā tataḥ | āvṛtā yā tapoloke tāṁ gaṅgāṁ praṇamāmyaham

I bow to that Ganga, a hundred thousand yojanas in breadth, five times that in length, who pervades Tapoloka.

Verse 29 (devibhagavatam.9.12.29)

सहस्रयोजनायामा दैर्घ्ये दशगुणा ततः । आवृता जनलोके या तां गङ्गां प्रणमाम्यहम्

sahasrayojanāyāmā dairghye daśaguṇā tataḥ | āvṛtā janaloke yā tāṁ gaṅgāṁ praṇamāmyaham

I bow to that Ganga, a thousand yojanas in extent, ten times that in length, who pervades Janaloka.

Verse 30 (devibhagavatam.9.12.30)

दशलक्षयोजना या दैर्घ्ये पञ्चगुणा ततः । आवृता या महर्लोके तां गङ्गां प्रणमाम्यहम्

daśalakṣayojanā yā dairghye pañcaguṇā tataḥ | āvṛtā yā maharloke tāṁ gaṅgāṁ praṇamāmyaham

I bow to that Ganga, a million yojanas in breadth, five times that in length, who pervades Maharloka.

Verse 31 (devibhagavatam.9.12.31)

सहस्रयोजनायामा दैर्घ्ये शतगुणा ततः । आवृता या च कैलासे तां गङ्गां प्रणमाम्यहम्

sahasrayojanāyāmā dairghye śataguṇā tataḥ | āvṛtā yā ca kailāse tāṁ gaṅgāṁ praṇamāmyaham

I bow to that Ganga, a thousand yojanas in extent, a hundred times that in length, who pervades Mount Kailasa.

Verse 32 (devibhagavatam.9.12.32)

शतयोजनविस्तीर्णा दैर्घ्ये दशगुणा ततः । मन्दाकिनी येन्द्रलोके तां गङ्गां प्रणमाम्यहम्

śatayojanavistīrṇā dairghye daśaguṇā tataḥ | mandākinī yendraloke tāṁ gaṅgāṁ praṇamāmyaham

I bow to that Ganga, a hundred yojanas in breadth, ten times that in length, who flows as the Mandakini in Indraloka.

Verse 33 (devibhagavatam.9.12.33)

पाताले भोगवती च विस्तीर्णा दशयोजना । ततो दशगुणा दैर्घ्ये तां गङ्गां प्रणमाम्यहम्

pātāle bhogavatī ca vistīrṇā daśayojanā | tato daśaguṇā dairghye tāṁ gaṅgāṁ praṇamāmyaham

I bow to that Ganga, who as Bhogavati in the netherworld is ten yojanas in breadth, ten times that in length.

Verse 34 (devibhagavatam.9.12.34)

क्रोशैकमात्रविस्तीर्णा ततः क्षीणा च कुत्रचित् । क्षितौ चालकनन्दा या तां गङ्गां प्रणमाम्यहम्

krośaikamātravistīrṇā tataḥ kṣīṇā ca kutracit | kṣitau cālakanandā yā tāṁ gaṅgāṁ praṇamāmyaham

I bow to that Ganga who, on earth as the Alakananda, is but one krosha in breadth, and in places even narrower still.

Verse 35 (devibhagavatam.9.12.35)

सत्ये या क्षीरवर्णा च त्रेतायामिन्दुसन्निभा । द्वापरे चन्दनाभा या तां गङ्गां प्रणमाम्यहम्

satye yā kṣīravarṇā ca tretāyāmindusannibhā | dvāpare candanābhā yā tāṁ gaṅgāṁ praṇamāmyaham

I bow to that Ganga, who in the Age of Truth is the hue of milk, in the Treta Age like the moon, and in the Dvapara Age like sandalwood.

Verse 36 (devibhagavatam.9.12.36)

जलप्रभा कलौ या च नान्यत्र पृथिवीतले । स्वर्गे च नित्यं क्षीराभा तां गङ्गां प्रणमाम्यहम्

jalaprabhā kalau yā ca nānyatra pṛthivītale | svarge ca nityaṁ kṣīrābhā tāṁ gaṅgāṁ praṇamāmyaham

I bow to that Ganga, who in the Kali age has the mere sheen of ordinary water — nowhere else on earth so — and who in heaven is ever the hue of milk.

Verse 37 (devibhagavatam.9.12.37)

यत्तोयकणिकास्पर्शे पापिनां ज्ञानसम्भवः । ब्रह्महत्यादिकं पापं कोटिजन्मार्जितं दहेत्

yattoyakaṇikāsparśe pāpināṁ jñānasambhavaḥ | brahmahatyādikaṁ pāpaṁ koṭijanmārjitaṁ dahet

by the touch of even a single droplet of whose water, knowledge dawns even in sinners; sin such as the killing of a brahmin, accumulated across a hundred million births, she burns away.

Verse 38 (devibhagavatam.9.12.38)

इत्येवं कथिता ब्रह्मन् गङ्गापद्मैकविंशतिः । स्तोत्ररूपं च परमं पापघ्नं पुण्यजीवनम्

ityevaṁ kathitā brahman gaṅgāpadmaikaviṁśatiḥ | stotrarūpaṁ ca paramaṁ pāpaghnaṁ puṇyajīvanam

O brahmin, thus has this twenty-one-fold glory of Ganga been declared, in the form of this supreme hymn, sin-destroying, and the giver of a life of merit.

Verse 39 (devibhagavatam.9.12.39)

नित्यं यो हि पठेद्भक्त्या सम्पूज्य च सुरेश्वरीम् । सोऽश्वमेधफलं नित्यं लभते नात्र संशयः

nityaṁ yo hi paṭhedbhaktyā sampūjya ca sureśvarīm | so'śvamedhaphalaṁ nityaṁ labhate nātra saṁśayaḥ

Whoever daily recites this with devotion and worships the sovereign goddess certainly obtains, without doubt, the fruit of a horse-sacrifice every single day.

Verse 40 (devibhagavatam.9.12.40)

अपुत्रो लभते पुत्रं भार्याहीनो लभेत्स्त्रियम् । रोगात्प्रमुच्यते रोगी बन्धान्मुक्तो भवेद् ध्रुवम्

aputro labhate putraṁ bhāryāhīno labhetstriyam | rogātpramucyate rogī bandhānmukto bhaved dhruvam

The childless obtains a son, the wifeless obtains a wife; the sick is freed from disease, and one bound is certainly set free from bondage.

Verse 41 (devibhagavatam.9.12.41)

अस्पष्टकीर्तिः सुयशा मूर्खो भवति पण्डितः । यः पठेत्प्रातरुत्थाय गङ्गास्तोत्रमिदं शुभम्

aspaṣṭakīrtiḥ suyaśā mūrkho bhavati paṇḍitaḥ | yaḥ paṭhetprātarutthāya gaṅgāstotramidaṁ śubham

Whoever rises at dawn and recites this auspicious hymn to Ganga — even one of unclear reputation gains fair renown, and even a fool becomes a scholar.

Verse 42 (devibhagavatam.9.12.42)

शुभं भवेच्च दुःस्वप्ने गङ्गास्नानफलं लभेत् । श्रीनारायण उवाच । स्तोत्रेणानेन गङ्गा च स्तुत्वा चैव भगीरथः

śubhaṁ bhavecca duḥsvapne gaṅgāsnānaphalaṁ labhet | śrīnārāyaṇa uvāca | stotreṇānena gaṅgā ca stutvā caiva bhagīrathaḥ

even after a bad dream, good fortune follows, for one gains the fruit of the hymn to Ganga. Sri Narayana said: Having praised Ganga with this very hymn, Bhagiratha —

Verse 43 (devibhagavatam.9.12.43)

जगाम तां गृहीत्वा च यत्र नष्टाश्च सागराः । वैकुण्ठं ते ययुस्तूर्णं गङ्गायाः स्पर्शवायुना

jagāma tāṁ gṛhītvā ca yatra naṣṭāśca sāgarāḥ | vaikuṇṭhaṁ te yayustūrṇaṁ gaṅgāyāḥ sparśavāyunā

took her and went to the place where the sons of Sagara had been reduced to ashes; and by the wind carrying Ganga's very touch, they went at once to Vaikuntha.

Verse 44 (devibhagavatam.9.12.44)

भगीरथेन सा नीता तेन भागीरथी स्मृता । इत्येवं कथितं सर्वं गङ्गोपाख्यानमुत्तमम्

bhagīrathena sā nītā tena bhāgīrathī smṛtā | ityevaṁ kathitaṁ sarvaṁ gaṅgopākhyānamuttamam

Because she was brought by Bhagiratha, she is remembered as Bhagirathi; thus has this entire excellent story of Ganga been told.

Verse 45 (devibhagavatam.9.12.45)

पुण्यदं मोक्षदं सारं किं भूयः श्रोतुमिच्छसि । नारद उवाच । कथं गङ्गा त्रिपथगा जाता भुवनपावनी

puṇyadaṁ mokṣadaṁ sāraṁ kiṁ bhūyaḥ śrotumicchasi | nārada uvāca | kathaṁ gaṅgā tripathagā jātā bhuvanapāvanī

giver of merit, giver of liberation, and of the very essence — what more do you now wish to hear? Narada said: How did Ganga, purifier of the worlds, come to flow through all three realms?

Verse 46 (devibhagavatam.9.12.46)

कुत्र वा केन विधिना तत्सर्वं वद मे प्रभो । तत्रस्थाश्च जना ये ये ते च किं चक्रुरुत्तमम्

kutra vā kena vidhinā tatsarvaṁ vada me prabho | tatrasthāśca janā ye ye te ca kiṁ cakruruttamam

Where, and by what method — tell me all this, my Lord; and what excellent deed did each and every person present there do?

Verse 47 (devibhagavatam.9.12.47)

एतत्सर्वं तु विस्तीर्णं कृत्वा वक्तुमिहार्हसि । श्रीनारायणाय उवाच । कार्तिक्यां पूर्णिमायां तु राधायाः सुमहोत्सवः

etatsarvaṁ tu vistīrṇaṁ kṛtvā vaktumihārhasi | śrīnārāyaṇāya uvāca | kārtikyāṁ pūrṇimāyāṁ tu rādhāyāḥ sumahotsavaḥ

Please tell me all of this in full detail. Sri Narayana said: On the full moon of Kartika there was a great festival in honor of Radha.

Verse 48 (devibhagavatam.9.12.48)

कृष्णः सम्पूज्य तां राधामुवास रासमण्डले । कृष्णेन पूजितां तां तु सम्पूज्य हृष्टमानसाः

kṛṣṇaḥ sampūjya tāṁ rādhāmuvāsa rāsamaṇḍale | kṛṣṇena pūjitāṁ tāṁ tu sampūjya hṛṣṭamānasāḥ

Krishna, having worshipped Radha, dwelt within the rasa circle; and worshipping her, whom Krishna himself had worshipped, with joyful hearts —

Verse 49 (devibhagavatam.9.12.49)

ऊषुर्ब्रह्मादयः सर्वे ऋषयः शौनकादयः । एतस्मिन्नन्तरे कृष्णसङ्गीता च सरस्वती

ūṣurbrahmādayaḥ sarve ṛṣayaḥ śaunakādayaḥ | etasminnantare kṛṣṇasaṅgītā ca sarasvatī

Brahma and all the other gods, and the sages Shaunaka and the rest, remained there; and at that very moment, Sarasvati, in accompaniment to Krishna's music —

Verse 50 (devibhagavatam.9.12.50)

जगौ सुन्दरतालेन वीणया च मनोहरम् । तुष्टो ब्रह्मा ददौ तस्यै रत्नेन्द्रसारहारकम्

jagau sundaratālena vīṇayā ca manoharam | tuṣṭo brahmā dadau tasyai ratnendrasārahārakam

sang an enchanting song, with lovely rhythm, upon the vina. Pleased, Brahma gave her a necklace fashioned of the finest gems.

Verse 51 (devibhagavatam.9.12.51)

शिवो मणीन्द्रसारं तु सर्वब्रह्माण्डदुर्लभम् । कृष्णः कौस्तुभरत्नं च सर्वरत्नात्परं वरम्

śivo maṇīndrasāraṁ tu sarvabrahmāṇḍadurlabham | kṛṣṇaḥ kaustubharatnaṁ ca sarvaratnātparaṁ varam

Shiva gave a supreme jewel, rare throughout all the cosmic eggs; Krishna gave the Kaustubha gem, that finest of all jewels.

Verse 52 (devibhagavatam.9.12.52)

अमूल्यरत्ननिर्माणं हारसारं च राधिका । नारायणश्च भगवान् ददौ मालां मनोहराम्

amūlyaratnanirmāṇaṁ hārasāraṁ ca rādhikā | nārāyaṇaśca bhagavān dadau mālāṁ manoharām

Radhika gave a priceless necklace fashioned of gems; and the Lord Narayana gave a lovely garland.

Verse 53 (devibhagavatam.9.12.53)

अमूल्यरत्ननिर्माणं लक्ष्मीः कनककुण्डलम् । विष्णुमाया भगवती मूलप्रकृतिरीश्वरी

amūlyaratnanirmāṇaṁ lakṣmīḥ kanakakuṇḍalam | viṣṇumāyā bhagavatī mūlaprakṛtirīśvarī

Lakshmi gave golden earrings fashioned of priceless gems; Vishnumaya, the Blessed Mula-Prakriti, sovereign —

Verse 54 (devibhagavatam.9.12.54)

दुर्गा नारायणीशाना ब्रह्मभक्तिं सुदुर्लभाम् । धर्मबुद्धिं च धर्मश्च यशश्च विपुलं भवे

durgā nārāyaṇīśānā brahmabhaktiṁ sudurlabhām | dharmabuddhiṁ ca dharmaśca yaśaśca vipulaṁ bhave

Durga, Narayani, the sovereign one, gave devotion to Brahman, most rare to attain; Dharma gave righteous understanding and abundant fame in this life.

Verse 55 (devibhagavatam.9.12.55)

वह्निशुद्धांशुकं वह्निर्वायुश्च मणिनूपुरान् । एतस्मिन्नन्तरे शम्भुर्ब्रह्मणा प्रेरितो मुहुः

vahniśuddhāṁśukaṁ vahnirvāyuśca maṇinūpurān | etasminnantare śambhurbrahmaṇā prerito muhuḥ

Fire gave a garment pure as fire itself, and Wind gave jeweled anklets. At that very moment, Shambhu, repeatedly urged on by Brahma —

Verse 56 (devibhagavatam.9.12.56)

जगौ श्रीकृष्णसङ्गीतं रासोल्लाससमन्वितम् । मूर्च्छां प्रापुः सुराः सर्वे चित्रपुत्तलिका यथा

jagau śrīkṛṣṇasaṅgītaṁ rāsollāsasamanvitam | mūrcchāṁ prāpuḥ surāḥ sarve citraputtalikā yathā

sang a song to accompany Sri Krishna's music, filled with the ecstasy of the rasa dance; and all the gods fell into a swoon, motionless as painted dolls.

Verse 57 (devibhagavatam.9.12.57)

कष्टेन चेतनां प्राप्य ददृशू रासमण्डले । स्थलं सर्वं जलाकीर्णं राधाकृष्णविहीनकम्

kaṣṭena cetanāṁ prāpya dadṛśū rāsamaṇḍale | sthalaṁ sarvaṁ jalākīrṇaṁ rādhākṛṣṇavihīnakam

Regaining consciousness only with great difficulty, they looked upon the rasa circle and found the whole ground flooded with water, and Radha and Krishna nowhere to be seen.

Verse 58 (devibhagavatam.9.12.58)

अत्युच्चै रुरुदुः सर्वे गोपा गोप्यः सुरा द्विजाः । ध्यानेन ब्रह्मा बुबुधे सर्वं तीर्थमभीप्सितम्

atyuccai ruruduḥ sarve gopā gopyaḥ surā dvijāḥ | dhyānena brahmā bubudhe sarvaṁ tīrthamabhīpsitam

All the cowherds, cowherd maidens, gods, and brahmins wept aloud; through meditation, Brahma understood that all this was indeed the longed-for sacred water.

Verse 59 (devibhagavatam.9.12.59)

गतश्च राधया सार्धं श्रीकृष्णो द्रवतामिति । ततो ब्रह्मादयः सर्वे तुष्टुवुः परमेश्वरम्

gataśca rādhayā sārdhaṁ śrīkṛṣṇo dravatāmiti | tato brahmādayaḥ sarve tuṣṭuvuḥ parameśvaram

Sri Krishna, together with Radha, had dissolved into this very liquid form — realizing this, Brahma and all the others then praised the Supreme Lord.

Verse 60 (devibhagavatam.9.12.60)

स्वमूर्तिं दर्शय विभो वाञ्छितं वरमेव नः । एतस्मिन्नन्तरे तत्र वाग्बभूवाशरीरिणी

svamūrtiṁ darśaya vibho vāñchitaṁ varameva naḥ | etasminnantare tatra vāgbabhūvāśarīriṇī

O all-pervading Lord, show us your own form once more — this alone is the boon we desire. At that very moment there arose there a disembodied voice.

Verse 61 (devibhagavatam.9.12.61)

तामेव शुश्रुवुः सर्वे सुव्यक्तां मधुरान्विताम् । सर्वात्माहमियं शक्तिर्भक्तानुग्रहविग्रहा

tāmeva śuśruvuḥ sarve suvyaktāṁ madhurānvitām | sarvātmāhamiyaṁ śaktirbhaktānugrahavigrahā

All of them heard that voice, clear and sweet: I am the Self of all; this Power takes form solely to bestow grace upon devotees.

Verse 62 (devibhagavatam.9.12.62)

ममाप्यस्याश्च देहेन कर्तव्यं च किमावयोः । मनवो मानवाः सर्वे मुनयश्चैव वैष्णवाः

mamāpyasyāśca dehena kartavyaṁ ca kimāvayoḥ | manavo mānavāḥ sarve munayaścaiva vaiṣṇavāḥ

What is now to be done by us both, through my own body and hers — hear this: all the Manus, all humans, all sages, and all Vaishnavas —

Verse 63 (devibhagavatam.9.12.63)

मन्मन्त्रपूता मां द्रष्टुमागमिष्यन्ति मत्पदम् । मूर्तिं द्रष्टुं च सुव्यक्तां यदीच्छथ सुरेश्वराः

manmantrapūtā māṁ draṣṭumāgamiṣyanti matpadam | mūrtiṁ draṣṭuṁ ca suvyaktāṁ yadīcchatha sureśvarāḥ

purified by my mantra, they shall come to my own abode to behold me. O lords of the gods, if you wish to see my form manifest and clear —

Verse 64 (devibhagavatam.9.12.64)

करोतु शम्भुस्तत्रैवं मदीयं वाक्यपालनम् । स्वयं विधातस्त्वं ब्रह्मन्नाज्ञां कुरु जगद्गुरुम्

karotu śambhustatraivaṁ madīyaṁ vākyapālanam | svayaṁ vidhātastvaṁ brahmannājñāṁ kuru jagadgurum

then let Shambhu himself carry out this instruction of mine. O Brahma, O ordainer, you yourself give this command to that teacher of the world —

Verse 65 (devibhagavatam.9.12.65)

कर्तुं शास्त्रविशेषं च वेदाङ्गं सुमनोहरम् । अपूर्वमन्त्रनिकरैः सर्वाभीष्टफलप्रदैः

kartuṁ śāstraviśeṣaṁ ca vedāṅgaṁ sumanoharam | apūrvamantranikaraiḥ sarvābhīṣṭaphalapradaiḥ

to compose a special scripture, a most enchanting auxiliary Vedic text, composed of an unprecedented collection of mantras, granting every desired fruit —

Verse 66 (devibhagavatam.9.12.66)

स्तोत्रैश्च निकरैर्ध्यानैर्युतं पूजाविधिक्रमैः । मन्मन्त्रकवचस्तोत्रं कृत्वा यत्नेन गोपनम्

stotraiśca nikarairdhyānairyutaṁ pūjāvidhikramaiḥ | manmantrakavacastotraṁ kṛtvā yatnena gopanam

joined with hosts of hymns, meditations, and prescribed orders of worship; and having composed my mantra, protective armor, and hymn, let him carefully keep it secret.

Verse 67 (devibhagavatam.9.12.67)

भवन्ति विमुखा येन जना मां तत्करिष्यति । सहस्रेषु शतेष्वेको मन्मन्त्रोपासको भवेत्

bhavanti vimukhā yena janā māṁ tatkariṣyati | sahasreṣu śateṣveko manmantropāsako bhavet

let him do so in such a way that people do not turn away from me; only one among many thousands shall become a worshipper of my mantra.

Verse 68 (devibhagavatam.9.12.68)

जना मन्मन्त्रपूताश्च गमिष्यन्ति च मत्पदम् । अन्यथा न भविष्यन्ति सर्वे गोलोकवासिनः

janā manmantrapūtāśca gamiṣyanti ca matpadam | anyathā na bhaviṣyanti sarve golokavāsinaḥ

Only those people purified by my mantra shall go to my own abode; otherwise not all could become dwellers in Goloka.

Verse 69 (devibhagavatam.9.12.69)

निष्कलं भविता सर्वं ब्रह्माण्डं चैव ब्रह्मणः । जनाः पञ्चप्रकाराश्च युक्ताः स्रष्टुं भवे भवे

niṣkalaṁ bhavitā sarvaṁ brahmāṇḍaṁ caiva brahmaṇaḥ | janāḥ pañcaprakārāśca yuktāḥ sraṣṭuṁ bhave bhave

otherwise, Brahma's entire cosmic egg would become fruitless; for in birth after birth, five kinds of people are needed to sustain creation.

Verse 70 (devibhagavatam.9.12.70)

पृथिवीवासिनः केचित्केचित्स्वर्गनिवासिनः । इदं कर्तुं महादेवः करोति देवसंसदि

pṛthivīvāsinaḥ kecitkecitsvarganivāsinaḥ | idaṁ kartuṁ mahādevaḥ karoti devasaṁsadi

some dwelling on earth, and some dwelling in heaven. To accomplish this task, Mahadeva, in the assembly of the gods —

Verse 71 (devibhagavatam.9.12.71)

प्रतिज्ञां सुदृढां सद्यस्ततो मूर्तिं च द्रक्ष्यति । इत्येवमुक्त्वा गगने विरराम सनातनः

pratijñāṁ sudṛḍhāṁ sadyastato mūrtiṁ ca drakṣyati | ityevamuktvā gagane virarāma sanātanaḥ

shall at once make a firm vow, and only then shall you all behold that form once more — having said this, that eternal voice fell silent in the sky.

Verse 72 (devibhagavatam.9.12.72)

तच्छ्रुत्वा जगतां धाता तमुवाच शिवं मुदा । ब्रह्मणो वचनं श्रुत्वा ज्ञानेशो ज्ञानिनां वरः

tacchrutvā jagatāṁ dhātā tamuvāca śivaṁ mudā | brahmaṇo vacanaṁ śrutvā jñāneśo jñānināṁ varaḥ

Hearing this, Brahma, the ordainer of the world, joyfully spoke to Shiva; and hearing Brahma's words, Shiva, lord of knowledge, foremost among the wise —

Verse 73 (devibhagavatam.9.12.73)

गङ्गातोयं करे कृत्वा स्वीकारं च चकार सः । संयुक्तं विष्णुमायाया मन्त्रौघैः शास्त्रमुत्तमम्

gaṅgātoyaṁ kare kṛtvā svīkāraṁ ca cakāra saḥ | saṁyuktaṁ viṣṇumāyāyā mantraughaiḥ śāstramuttamam

taking Ganga's own water in his hand, gave his solemn word that he would compose that excellent scripture, joined with the collections of Vishnumaya's mantras —

Verse 74 (devibhagavatam.9.12.74)

वेदसारं करिष्यामि प्रतिज्ञापालनाय च । गङ्गातोयमुपस्मृश्य मिथ्या यदि वदेज्जनः

vedasāraṁ kariṣyāmi pratijñāpālanāya ca | gaṅgātoyamupasmṛśya mithyā yadi vadejjanaḥ

the very essence of the Vedas, in fulfillment of his vow. Should any person, having touched Ganga's water, speak falsely —

Verse 75 (devibhagavatam.9.12.75)

स याति कालसूत्रं च यावद्वै ब्रह्मणो वयः । इत्युक्ते शङ्करे ब्रह्मन् गोलोके सुरसंसदि

sa yāti kālasūtraṁ ca yāvadvai brahmaṇo vayaḥ | ityukte śaṅkare brahman goloke surasaṁsadi

he goes to the hell called Kalasutra for a span equal to the lifetime of Brahma — O brahmin, as soon as Shankara had spoken thus, in the assembly of the gods in Goloka —

Verse 76 (devibhagavatam.9.12.76)

आविर्बभूव श्रीकृष्णो राधया सहितस्ततः । तं सुदृष्ट्वा च संहृष्टास्तुष्टुवुः पुरुषोत्तमम्

āvirbabhūva śrīkṛṣṇo rādhayā sahitastataḥ | taṁ sudṛṣṭvā ca saṁhṛṣṭāstuṣṭuvuḥ puruṣottamam

Sri Krishna, together with Radha, appeared once more; beholding him, all were filled with delight and praised that Supreme Person.

Verse 77 (devibhagavatam.9.12.77)

परमानन्दपूर्णाश्च चकुश्च पुनरुत्सवम् । कालेन शम्भुर्भगवान् मुक्तिदीपं चकार सः

paramānandapūrṇāśca cakuśca punarutsavam | kālena śambhurbhagavān muktidīpaṁ cakāra saḥ

Filled with supreme bliss, they celebrated the festival once more; and in the course of time, the Blessed Shambhu composed that lamp of liberation, the scripture.

Verse 78 (devibhagavatam.9.12.78)

इत्येवं कथितं सर्वं सुगोप्यं च सुदुर्लभम् । स एव द्रवरूपा सा गङ्गा गोलोकसम्भवा

ityevaṁ kathitaṁ sarvaṁ sugopyaṁ ca sudurlabham | sa eva dravarūpā sā gaṅgā golokasambhavā

Thus has this whole secret and most rarely-attained truth been told; that very same Ganga, of liquid form, took her birth in Goloka.

Verse 79 (devibhagavatam.9.12.79)

राधाकृष्णाङ्गसम्भूता भुक्तिमुक्तिफलप्रदा । स्थाने स्थाने स्थापिता सा कृष्णेन च परात्मना । कृष्णस्वरूपा परमा सर्वब्रह्माण्डपूजिता

rādhākṛṣṇāṅgasambhūtā bhuktimuktiphalapradā | sthāne sthāne sthāpitā sā kṛṣṇena ca parātmanā | kṛṣṇasvarūpā paramā sarvabrahmāṇḍapūjitā

Born from the very bodies of Radha and Krishna, she grants the fruit of both enjoyment and liberation; she was established by Krishna, the Supreme Self, in place after place; she is Krishna's own supreme form, and is worshipped throughout all the cosmic eggs.