The Story of Ganga, Concluded

Verse 1 (devibhagavatam.9.13.1)

नारद उवाच । कलेः पञ्चसहस्राब्दे समतीते सुरेश्वर । क्व गता सा महाभाग तन्मे व्याख्यातुमर्हसि

nārada uvāca | kaleḥ pañcasahasrābde samatīte sureśvara | kva gatā sā mahābhāga tanme vyākhyātumarhasi

Narada said: O lord of gods, when five thousand years of the Kali age had passed, where did that most fortunate Ganga go? Please explain this to me.

Verse 2 (devibhagavatam.9.13.2)

श्रीनारायण उवाच । भारतं भारतीशापात्समागत्येश्वरेच्छया । जगाम तत्र वैकुण्ठे शापान्ते पुनरेव सा

śrīnārāyaṇa uvāca | bhārataṁ bhāratīśāpātsamāgatyeśvarecchayā | jagāma tatra vaikuṇṭhe śāpānte punareva sā

Sri Narayana said: Having come to Bharata by Bharati's curse, through the Lord's own will, when that curse came to its end, she went once more to Vaikuntha.

Verse 3 (devibhagavatam.9.13.3)

भारती भारतं त्यक्त्वा तज्जगाम हरेः पदम् । पद्मावती च शापान्ते गङ्गा सा चैव नारद

bhāratī bhārataṁ tyaktvā tajjagāma hareḥ padam | padmāvatī ca śāpānte gaṅgā sā caiva nārada

Bharati, leaving Bharata behind, went to that very abode of Hari; and Padmavati, at the end of her curse, and, O Narada, Ganga too, went there in the same way.

Verse 4 (devibhagavatam.9.13.4)

गङ्गा सरस्वती लक्ष्यीश्चैतास्तिस्रः प्रिया हरेः । तुलसीसहिता ब्रह्मंश्चतस्रः कीर्तिताः श्रुतौ

gaṅgā sarasvatī lakṣyīścaitāstisraḥ priyā hareḥ | tulasīsahitā brahmaṁścatasraḥ kīrtitāḥ śrutau

O brahmin, Ganga, Sarasvati, and Lakshmi — these three are the beloved of Hari; together with Tulasi, these four are celebrated in the scriptures.

Verse 5 (devibhagavatam.9.13.5)

नारद उवाच । केनोपायेन सा देवी विष्णुपादाब्जसम्भवा । ब्रह्मकमण्डलुस्था च श्रुता शिवप्रिया च सा

nārada uvāca | kenopāyena sā devī viṣṇupādābjasambhavā | brahmakamaṇḍalusthā ca śrutā śivapriyā ca sā

Narada said: That goddess, born from Vishnu's own lotus foot, who dwells in Brahma's water-pot and is spoken of as the beloved of Shiva —

Verse 6 (devibhagavatam.9.13.6)

बभूव सा मुनिश्रेष्ठ गङ्गा नारायणप्रिया । अहो केन प्रकारेण तन्मे व्याख्यातुमर्हसि

babhūva sā muniśreṣṭha gaṅgā nārāyaṇapriyā | aho kena prakāreṇa tanme vyākhyātumarhasi

O best of sages, how did that Ganga also become the beloved of Narayana? Ah, in what manner — please explain this to me.

Verse 7 (devibhagavatam.9.13.7)

श्रीनारायण उवाच । पुरा बभूव गोलोके सा गङ्गा द्रवरूपिणी । राधाकृष्णाङ्गसम्भूता तदंशा तत्स्वरूपिणी

śrīnārāyaṇa uvāca | purā babhūva goloke sā gaṅgā dravarūpiṇī | rādhākṛṣṇāṅgasambhūtā tadaṁśā tatsvarūpiṇī

Sri Narayana said: Long ago, in Goloka, that Ganga came into being in liquid form, born from the very bodies of Radha and Krishna, a portion of them, and of their own nature.

Verse 8 (devibhagavatam.9.13.8)

द्रवाधिष्ठातृदेवी या रूपेणाप्रतिमा भुवि । नवयौवनसम्पन्ना सर्वाभरणभूषिता

dravādhiṣṭhātṛdevī yā rūpeṇāpratimā bhuvi | navayauvanasampannā sarvābharaṇabhūṣitā

She, the presiding deity of liquid essence, unrivalled in beauty upon the earth, endowed with fresh youth, adorned with every ornament.

Verse 9 (devibhagavatam.9.13.9)

शरन्मध्याह्नपद्मास्या सस्मिता सुमनोहरा । तप्तकाञ्चनवर्णाभा शरच्चन्द्रसमप्रभा

śaranmadhyāhnapadmāsyā sasmitā sumanoharā | taptakāñcanavarṇābhā śaraccandrasamaprabhā

her face like an autumn midday lotus, smiling, exceedingly lovely, hued like molten gold, radiant as the autumn moon —

Verse 10 (devibhagavatam.9.13.10)

स्निग्धप्रभातिसुस्निग्धा शुद्धसत्त्वस्वरूपिणी । सुपीनकठिनश्रोणिः सुनितम्बयुगन्धरा

snigdhaprabhātisusnigdhā śuddhasattvasvarūpiṇī | supīnakaṭhinaśroṇiḥ sunitambayugandharā

exceedingly lustrous with soft radiance, of pure sattvic nature, her hips firm and full, bearing a lovely pair of loins —

Verse 11 (devibhagavatam.9.13.11)

पीनोन्नतं सुकठिनं स्तनयुग्मं सुवर्तुलम् । सुचारुनेत्रयुगलं सुकटाक्षं सुवङ्क्रिमम्

pīnonnataṁ sukaṭhinaṁ stanayugmaṁ suvartulam | sucārunetrayugalaṁ sukaṭākṣaṁ suvaṅkrimam

her pair of breasts full, firm, and rounded, her pair of eyes exceedingly lovely, her glances charming, her form gracefully curved —

Verse 12 (devibhagavatam.9.13.12)

वङ्क्रिमं कबरीभारं मालतीमाल्यसंयुतम् । सिन्दूरबिन्दुललितं सार्धं चन्दनबिन्दुभिः

vaṅkrimaṁ kabarībhāraṁ mālatīmālyasaṁyutam | sindūrabindulalitaṁ sārdhaṁ candanabindubhiḥ

her heavy, curling hair adorned with a garland of jasmine, wearing a lovely dot of vermilion together with dots of sandal paste —

Verse 13 (devibhagavatam.9.13.13)

कस्तूरीपत्रिकायुक्तं गण्डयुग्मं मनोरमम् । बन्धूककुसुमाकारमधरोष्ठं च सुन्दरम्

kastūrīpatrikāyuktaṁ gaṇḍayugmaṁ manoramam | bandhūkakusumākāramadharoṣṭhaṁ ca sundaram

her lovely pair of cheeks adorned with patterns of musk, her lower lip beautiful, shaped like the bandhuka blossom —

Verse 14 (devibhagavatam.9.13.14)

पक्वदाडिमबीजाभदन्तपङ्क्तिसमुज्ज्वलम् । वाससी वह्निशुद्धे च नीवीयुक्ते च बिभ्रती

pakvadāḍimabījābhadantapaṅktisamujjvalam | vāsasī vahniśuddhe ca nīvīyukte ca bibhratī

her row of teeth bright as the seeds of a ripe pomegranate, wearing two garments pure as fire, tied fast at the waist —

Verse 15 (devibhagavatam.9.13.15)

सा सकामा कृष्णपार्श्वे समुवास सुलज्जिता । वाससा मुखमाच्छाद्य लोचनाभ्यां विभोर्मुखम्

sā sakāmā kṛṣṇapārśve samuvāsa sulajjitā | vāsasā mukhamācchādya locanābhyāṁ vibhormukham

filled with desire and deeply modest, she seated herself beside Krishna; veiling her own face with her garment, with her eyes she gazed upon the all-pervading Lord's face —

Verse 16 (devibhagavatam.9.13.16)

निमेषरहिताभ्यां च पिबन्ती सततं मुदा । प्रफुल्लवदना हर्षान्नवसङ्गमलालसा

nimeṣarahitābhyāṁ ca pibantī satataṁ mudā | praphullavadanā harṣānnavasaṅgamalālasā

without blinking, drinking him in continuously with delight; her face beaming, longing, in her joy, for that fresh union —

Verse 17 (devibhagavatam.9.13.17)

मूर्च्छिता प्रभुरूपेण पुलकाङ्कितविग्रहा । एतस्मिन्नन्तरे तत्र विद्यमाना च राधिका

mūrcchitā prabhurūpeṇa pulakāṅkitavigrahā | etasminnantare tatra vidyamānā ca rādhikā

swooning at the very sight of the Lord's beauty, her body thrilling with joy. At that very moment, Radhika, who was present there —

Verse 18 (devibhagavatam.9.13.18)

गोपीत्रिंशत्कोटियुक्ता चन्द्रकोटिसमप्रभा । कोपेनारक्तपद्मास्या रक्तपङ्कजलोचना

gopītriṁśatkoṭiyuktā candrakoṭisamaprabhā | kopenāraktapadmāsyā raktapaṅkajalocanā

attended by three hundred million gopis, radiant as ten million moons, her face reddened with anger like a lotus, her eyes red as a lotus too —

Verse 19 (devibhagavatam.9.13.19)

पीतचम्पकवर्णाभा गजेन्द्रमन्दगामिनी । अमूल्यरत्ननिर्माणनानाभूषणभूषिता

pītacampakavarṇābhā gajendramandagāminī | amūlyaratnanirmāṇanānābhūṣaṇabhūṣitā

hued like the golden champak flower, her gait slow and stately as that of a royal elephant, adorned with manifold ornaments fashioned from priceless gems —

Verse 20 (devibhagavatam.9.13.20)

अमूल्यरत्नखचितममूल्यं वह्निशौचकम् । पीतवस्त्रस्य युगलं नीवीयुक्तं च बिभ्रती

amūlyaratnakhacitamamūlyaṁ vahniśaucakam | pītavastrasya yugalaṁ nīvīyuktaṁ ca bibhratī

wearing a priceless pair of yellow garments, studded with priceless gems, pure as fire, tied fast at the waist —

Verse 21 (devibhagavatam.9.13.21)

स्थलपद्मप्रभामुष्टं कोमलं च सुरञ्जितम् । कृष्णदत्तार्घ्यसंयुक्तं विन्यसन्ती पदाम्बुजम्

sthalapadmaprabhāmuṣṭaṁ komalaṁ ca surañjitam | kṛṣṇadattārghyasaṁyuktaṁ vinyasantī padāmbujam

her lotus feet, soft and beautifully colored, stealing away even the radiance of the land-lotus, receiving the offering Krishna himself had made — setting down her own lotus feet —

Verse 22 (devibhagavatam.9.13.22)

रत्नेन्द्रसारनिर्माणविमानादवरुह्य सा । सेव्यमाना च ऋषिभिः श्वेतचामरवायुना

ratnendrasāranirmāṇavimānādavaruhya sā | sevyamānā ca ṛṣibhiḥ śvetacāmaravāyunā

descending from her chariot fashioned of the finest gems, attended by sages with the breeze of white yak-tail fans —

Verse 23 (devibhagavatam.9.13.23)

कस्तूरीबिन्दुभिर्युक्तं चन्दनेन समन्वितम् । दीप्तदीपप्रभाकारं सिन्दूरं बिन्दुशोभितम्

kastūrībindubhiryuktaṁ candanena samanvitam | dīptadīpaprabhākāraṁ sindūraṁ binduśobhitam

adorned with dots of musk, joined with sandal paste, her forehead graced with a dot of vermilion bright as a blazing lamp —

Verse 24 (devibhagavatam.9.13.24)

दधती भालमध्ये च सीमन्ताधःस्थलोज्ज्वले । पारिजातप्रसूनानां मालायुक्तं सुवङ्क्रिमम्

dadhatī bhālamadhye ca sīmantādhaḥsthalojjvale | pārijātaprasūnānāṁ mālāyuktaṁ suvaṅkrimam

wearing it upon the middle of her forehead and in the bright space below her hair's parting; adorned with a garland of parijata blossoms, gracefully curved —

Verse 25 (devibhagavatam.9.13.25)

सुचारुकबरीभारं कम्पयन्ती सुकम्पिता । सुचारुरागसंयुक्तमोष्ठं कम्पयती रुषा

sucārukabarībhāraṁ kampayantī sukampitā | sucārurāgasaṁyuktamoṣṭhaṁ kampayatī ruṣā

her lovely, heavy tresses swaying, herself trembling; her beautifully tinted lips quivering with anger —

Verse 26 (devibhagavatam.9.13.26)

गत्वोवास कृष्णपार्श्वे रत्नसिंहासने शुभे । सखीनां च समूहैश्च परिपूर्णा विभोः प्रिया

gatvovāsa kṛṣṇapārśve ratnasiṁhāsane śubhe | sakhīnāṁ ca samūhaiśca paripūrṇā vibhoḥ priyā

she went and seated herself beside Krishna, upon that auspicious jeweled throne; that beloved of the all-pervading Lord, surrounded by throngs of her companions.

Verse 27 (devibhagavatam.9.13.27)

तां दृष्ट्वा च समुत्तस्थौ कृष्णः सादरपूर्वकम् । सम्भाष्य मधुरालापैः सस्मितश्च ससम्भ्रमः

tāṁ dṛṣṭvā ca samuttasthau kṛṣṇaḥ sādarapūrvakam | sambhāṣya madhurālāpaiḥ sasmitaśca sasambhramaḥ

Seeing her, Krishna rose respectfully to his feet; smiling, and somewhat flustered, he addressed her with sweet words —

Verse 28 (devibhagavatam.9.13.28)

प्रणेमुरतिसन्त्रस्ता गोपा नम्रात्मकन्धराः । तुष्टुवुस्ते च भक्त्या च तुष्टाव परमेश्वरः

praṇemuratisantrastā gopā namrātmakandharāḥ | tuṣṭuvuste ca bhaktyā ca tuṣṭāva parameśvaraḥ

The cowherds, greatly alarmed, bowed their heads low in obeisance; they praised her with devotion, and the Supreme Lord himself offered praise to her.

Verse 29 (devibhagavatam.9.13.29)

उत्थाय गङ्गा सहसा स्तुतिं बहु चकार सा । कुशलं परिपप्रच्छ भीतातिविनयेन च

utthāya gaṅgā sahasā stutiṁ bahu cakāra sā | kuśalaṁ paripapraccha bhītātivinayena ca

Ganga too rose at once and offered abundant praise; greatly afraid, with the utmost humility, she inquired after Radha's welfare.

Verse 30 (devibhagavatam.9.13.30)

नम्रभागस्थिता त्रस्ता शुष्ककण्ठोष्ठतालुका । ध्यानेन शरणायत्ता श्रीकृष्णचरणाम्बुजे

namrabhāgasthitā trastā śuṣkakaṇṭhoṣṭhatālukā | dhyānena śaraṇāyattā śrīkṛṣṇacaraṇāmbuje

her head bowed, terrified, her throat, lips, and palate parched with fear, through meditation she took refuge at Sri Krishna's own lotus feet.

Verse 31 (devibhagavatam.9.13.31)

तां हृत्पद्मस्थितां कृष्णो भीतायै चाभयं ददौ । बभूव स्थिरचित्ता सा सर्वेश्वरवरेण च

tāṁ hṛtpadmasthitāṁ kṛṣṇo bhītāyai cābhayaṁ dadau | babhūva sthiracittā sā sarveśvaravareṇa ca

Krishna, holding her within the lotus of his own heart, granted fearlessness to that terrified one; by that boon of the Lord of all, her mind grew steady once more.

Verse 32 (devibhagavatam.9.13.32)

ऊर्ध्वसिंहासनस्थां च राधां गङ्गा ददर्श सा । सुस्निग्धां सुखदृश्यां च ज्वलन्तीं ब्रह्मतेजसा

ūrdhvasiṁhāsanasthāṁ ca rādhāṁ gaṅgā dadarśa sā | susnigdhāṁ sukhadṛśyāṁ ca jvalantīṁ brahmatejasā

That Ganga beheld Radha, seated upon her exalted throne, exceedingly lustrous, delightful to behold, ablaze with the very radiance of Brahman.

Verse 33 (devibhagavatam.9.13.33)

असङ्ख्यब्रह्मणः कर्त्रीमादिसृष्टेः सनातनीम् । सदा द्वादशवर्षीयां कन्याभिनवयौवनाम्

asaṅkhyabrahmaṇaḥ kartrīmādisṛṣṭeḥ sanātanīm | sadā dvādaśavarṣīyāṁ kanyābhinavayauvanām

the maker of countless Brahmas, eternal from the very beginning of creation, ever appearing as a twelve-year-old maiden in the freshness of youth —

Verse 34 (devibhagavatam.9.13.34)

विश्ववृन्दे निरुपमां रूपेण च गुणेन च । शान्तां कान्तामनन्तां तामाद्यन्तरहितां सतीम्

viśvavṛnde nirupamāṁ rūpeṇa ca guṇena ca | śāntāṁ kāntāmanantāṁ tāmādyantarahitāṁ satīm

unrivalled among all the universes in beauty and in virtue, tranquil, lovely, infinite, that chaste one without beginning or end —

Verse 35 (devibhagavatam.9.13.35)

शुभां सुभद्रां सुभगां स्वामिसौभाग्यसंयुताम् । सौन्दर्यसुन्दरीं श्रेष्ठां सर्वासु सुन्दरीषु च

śubhāṁ subhadrāṁ subhagāṁ svāmisaubhāgyasaṁyutām | saundaryasundarīṁ śreṣṭhāṁ sarvāsu sundarīṣu ca

auspicious, wholly blessed, fortunate, endowed with her lord's own good fortune, more beautiful than beauty itself, foremost among all beautiful women —

Verse 36 (devibhagavatam.9.13.36)

कृष्णार्धाङ्गां कृष्णसमां तेजसा वयसा त्विषा । पूजितां च महालक्ष्मीं लक्ष्म्या लक्ष्मीश्वरेण च

kṛṣṇārdhāṅgāṁ kṛṣṇasamāṁ tejasā vayasā tviṣā | pūjitāṁ ca mahālakṣmīṁ lakṣmyā lakṣmīśvareṇa ca

Krishna's own other half, equal to him in splendor, age, and radiance, and worshipped, this Mahalakshmi, by Lakshmi herself and by Lakshmi's own Lord —

Verse 37 (devibhagavatam.9.13.37)

प्रच्छाद्यमानां प्रभया सभामीशस्य सुप्रभाम् । सखीदत्तं च ताम्बूलं भुक्तवन्तीं च दुर्लभम्

pracchādyamānāṁ prabhayā sabhāmīśasya suprabhām | sakhīdattaṁ ca tāmbūlaṁ bhuktavantīṁ ca durlabham

her radiance so bright it eclipsed even the splendor of the Lord's own assembly, partaking of a rare betel leaf given by her companion —

Verse 38 (devibhagavatam.9.13.38)

अजन्यां सर्वजननीं धन्यां मान्यां च मानिनीम् । कृष्णप्राणाधिदेवीं च प्राणप्रियतमां रमाम्

ajanyāṁ sarvajananīṁ dhanyāṁ mānyāṁ ca māninīm | kṛṣṇaprāṇādhidevīṁ ca prāṇapriyatamāṁ ramām

unborn herself, mother of all, blessed, honored, and rightfully proud, the presiding deity of Krishna's own life-breath, Rama, dearer to him than his own life —

Verse 39 (devibhagavatam.9.13.39)

दृष्ट्वा रासेश्वरीं तृप्तिं न जगाम सुरेश्वरी । निमेषरहिताभ्यां च लोचनाभ्यां पपौ च ताम्

dṛṣṭvā rāseśvarīṁ tṛptiṁ na jagāma sureśvarī | nimeṣarahitābhyāṁ ca locanābhyāṁ papau ca tām

Beholding that mistress of the rasa dance, the sovereign Ganga could not find her fill; without blinking, she drank her in with her own eyes.

Verse 40 (devibhagavatam.9.13.40)

एतस्मिन्नन्तरे राधा जगदीशमुवाच सा । वाचा मधुरया शान्ता विनीता सस्मिता मुने

etasminnantare rādhā jagadīśamuvāca sā | vācā madhurayā śāntā vinītā sasmitā mune

O sage, at that very moment Radha, tranquil, humble, and smiling, spoke to the Lord of the world in sweet words —

Verse 41 (devibhagavatam.9.13.41)

राधोवाच । केयं प्राणेश कल्याणी सस्मिता त्वन्मुखाम्बुजम् । पश्यन्ती सस्मितं पार्श्वे सकामा वक्रलोचना

rādhovāca | keyaṁ prāṇeśa kalyāṇī sasmitā tvanmukhāmbujam | paśyantī sasmitaṁ pārśve sakāmā vakralocanā

Radha said: O lord of my life, who is this fair one, smiling, seated beside you and smiling still, filled with desire, gazing with sidelong glances upon your lotus face?

Verse 42 (devibhagavatam.9.13.42)

मूर्च्छां प्राप्नोति रूपेण पुलकाङ्कितविग्रहा । वस्त्रेण मुखमाच्छाद्य निरीक्षन्ती पुनः पुनः

mūrcchāṁ prāpnoti rūpeṇa pulakāṅkitavigrahā | vastreṇa mukhamācchādya nirīkṣantī punaḥ punaḥ

She swoons at the very sight of your beauty, her body thrilling with joy; veiling her face with her garment, she gazes upon you again and again.

Verse 43 (devibhagavatam.9.13.43)

त्वं चापि तां सन्निरीक्ष्य सकामः सस्मितः सदा । मयि जीवति गोलोके भूता दुर्वृत्तिरीदृशी

tvaṁ cāpi tāṁ sannirīkṣya sakāmaḥ sasmitaḥ sadā | mayi jīvati goloke bhūtā durvṛttirīdṛśī

and you too, gazing upon her, remain ever filled with desire and smiling — that such misconduct should occur while I still live here in Goloka —

Verse 44 (devibhagavatam.9.13.44)

त्वमेव चैव दुर्वृत्तं वारं वारं करोषि च । क्षमां करोमि प्रेम्णा च स्त्रीजातिः स्निग्धमानसा

tvameva caiva durvṛttaṁ vāraṁ vāraṁ karoṣi ca | kṣamāṁ karomi premṇā ca strījātiḥ snigdhamānasā

it is you yourself who commit this misconduct again and again; yet, being of the tender-hearted nature of womankind, I forgive you out of love.

Verse 45 (devibhagavatam.9.13.45)

सङ्गृह्येमां प्रियामिष्टां गोलोकाद् गच्छ लम्पट । अन्यथा न हि ते भद्रं भविष्यति व्रजेश्वर

saṅgṛhyemāṁ priyāmiṣṭāṁ golokād gaccha lampaṭa | anyathā na hi te bhadraṁ bhaviṣyati vrajeśvara

O lecher, take this beloved of yours and leave Goloka; O lord of Vraja, otherwise no good shall come of it for you.

Verse 46 (devibhagavatam.9.13.46)

दृष्टस्त्वं विरजायुक्तो मया चन्दनकानने । क्षमा कृता मया पूर्वं सखीनां वचनादहो

dṛṣṭastvaṁ virajāyukto mayā candanakānane | kṣamā kṛtā mayā pūrvaṁ sakhīnāṁ vacanādaho

I saw you before, in the sandal grove, together with Viraja; ah, even then I forgave you, at the urging of my companions.

Verse 47 (devibhagavatam.9.13.47)

त्वया मच्छब्दमात्रेण तिरोधानं कृतं पुरा । देहं तत्याज विरजा नदीरूपा बभूव सा

tvayā macchabdamātreṇa tirodhānaṁ kṛtaṁ purā | dehaṁ tatyāja virajā nadīrūpā babhūva sā

Long ago, at the mere sound of my name, you vanished from there; Viraja too gave up her body and became a river.

Verse 48 (devibhagavatam.9.13.48)

कोटियोजनविस्तीर्णा ततो दैर्घ्ये चतुर्गुणा । अद्यापि विद्यमाना सा तव सत्कीर्तिरूपिणी

koṭiyojanavistīrṇā tato dairghye caturguṇā | adyāpi vidyamānā sā tava satkīrtirūpiṇī

She, ten million yojanas in breadth, four times that in length, exists to this day, the very embodiment of your good name.

Verse 49 (devibhagavatam.9.13.49)

गृहं मयि गतायां च पुनर्गत्वा तदन्तिके । उच्चै रुरोद विरजे विरजे चेति संस्मरन्

gṛhaṁ mayi gatāyāṁ ca punargatvā tadantike | uccai ruroda viraje viraje ceti saṁsmaran

When I had gone home, you returned once more to her side, and, crying "Viraja, Viraja," wept aloud, remembering her.

Verse 50 (devibhagavatam.9.13.50)

तदा तोयात्समुत्थाय सा योगात्सिद्धयोगिनी । सालङ्कारा मूर्तिमती ददौ तुभ्यं च दर्शनम्

tadā toyātsamutthāya sā yogātsiddhayoginī | sālaṅkārā mūrtimatī dadau tubhyaṁ ca darśanam

Then that perfected yogini, rising from the water through her yogic power, took embodied form, adorned with ornaments, and appeared before you.

Verse 51 (devibhagavatam.9.13.51)

ततस्तां च समाक्षिप्य वीर्याधानं कृतं त्वया । ततो बभूवुस्तस्यां च समुद्राः सप्त एव च

tatastāṁ ca samākṣipya vīryādhānaṁ kṛtaṁ tvayā | tato babhūvustasyāṁ ca samudrāḥ sapta eva ca

Then, drawing her to yourself, you deposited your seed within her; and from her, the seven oceans themselves came into being.

Verse 52 (devibhagavatam.9.13.52)

दृष्टस्त्वं शोभया गोप्या युक्तश्चम्पककानने । सद्यो मच्छब्दमात्रेण तिरोधानं कृतं त्वया

dṛṣṭastvaṁ śobhayā gopyā yuktaścampakakānane | sadyo macchabdamātreṇa tirodhānaṁ kṛtaṁ tvayā

I saw you also in the champak grove, together with a gopi named Shobha; and then too, at the mere sound of my name, you vanished at once.

Verse 53 (devibhagavatam.9.13.53)

शोभा देहं परित्यज्य जगाम चन्द्रमण्डले । ततस्तस्याः शरीरं च स्निग्धं तेजो बभूव ह

śobhā dehaṁ parityajya jagāma candramaṇḍale | tatastasyāḥ śarīraṁ ca snigdhaṁ tejo babhūva ha

Shobha, giving up her body, entered into the orb of the moon; and from her body arose that soft, lustrous radiance.

Verse 54 (devibhagavatam.9.13.54)

संविभज्य त्वया दत्तं हृदयेन विदूयता । रत्नाय किञ्चित्स्वर्णाय किञ्चिन्मणिवराय च

saṁvibhajya tvayā dattaṁ hṛdayena vidūyatā | ratnāya kiñcitsvarṇāya kiñcinmaṇivarāya ca

With an aching heart, you divided that radiance and gave it away — some to gems, some to gold, some to the finest jewels —

Verse 55 (devibhagavatam.9.13.55)

किञ्चित्स्त्रीणां मुखाब्जेभ्यः किञ्चिद्राज्ञे च किञ्चन । किञ्चित्किसलयेभ्यश्च पुष्पेभ्यश्चापि किञ्चन

kiñcitstrīṇāṁ mukhābjebhyaḥ kiñcidrājñe ca kiñcana | kiñcitkisalayebhyaśca puṣpebhyaścāpi kiñcana

some to the lotus faces of women, some to kings, some to fresh new leaves, and some to flowers too.

Verse 56 (devibhagavatam.9.13.56)

किञ्चित्कलेभ्यः पक्वेभ्यः सस्येभ्यश्चापि किञ्चन । नृपदेवगृहेभ्यश्च संस्कृतेभ्यश्च किञ्चन

kiñcitkalebhyaḥ pakvebhyaḥ sasyebhyaścāpi kiñcana | nṛpadevagṛhebhyaśca saṁskṛtebhyaśca kiñcana

some to ripe fruit, some to crops of grain too, and some to the palaces of kings and the temples of gods, well adorned.

Verse 57 (devibhagavatam.9.13.57)

किञ्चिन्नूतनपत्रेभ्यो दुग्धेभ्यश्चापि किञ्चन । दृष्टस्त्वं प्रभया गोप्या युक्तो वृन्दावने वने

kiñcinnūtanapatrebhyo dugdhebhyaścāpi kiñcana | dṛṣṭastvaṁ prabhayā gopyā yukto vṛndāvane vane

some to fresh leaves, and some to milk too. I saw you also, in the forest of Vrindavana, together with a gopi named Prabha.

Verse 58 (devibhagavatam.9.13.58)

सद्यो मच्छब्दमात्रेण तिरोधानं कृतं त्वया । प्रभा देहं परित्यज्य जगाम सूर्यमण्डले

sadyo macchabdamātreṇa tirodhānaṁ kṛtaṁ tvayā | prabhā dehaṁ parityajya jagāma sūryamaṇḍale

And then too, at the mere sound of my name, you vanished at once; Prabha, giving up her body, entered into the orb of the sun.

Verse 59 (devibhagavatam.9.13.59)

ततस्तस्याः शरीरं च तीव्रं तेजो बभूव ह । संविभज्य त्वया दत्तं प्रेम्णा प्ररुदता पुरा

tatastasyāḥ śarīraṁ ca tīvraṁ tejo babhūva ha | saṁvibhajya tvayā dattaṁ premṇā prarudatā purā

And from her body arose that fierce radiance; that too you, weeping in love, divided and gave away.

Verse 60 (devibhagavatam.9.13.60)

विसृष्टं चक्षुषोः कृष्ण लज्जया मद्भयेन च । हुताशनाय किञ्चिच्च यक्षेभ्यश्चापि किञ्चन

visṛṣṭaṁ cakṣuṣoḥ kṛṣṇa lajjayā madbhayena ca | hutāśanāya kiñcicca yakṣebhyaścāpi kiñcana

O Krishna, that radiance, released through your own eyes out of shame and out of fear of me — some to Fire, some to the Yakshas too —

Verse 61 (devibhagavatam.9.13.61)

किञ्चित्पुरुषसिंहेभ्यो देवेभ्यश्चापि किञ्चन । किञ्चिद्विष्णुजनेभ्यश्च नागेभ्योऽपि च किञ्चन

kiñcitpuruṣasiṁhebhyo devebhyaścāpi kiñcana | kiñcidviṣṇujanebhyaśca nāgebhyo'pi ca kiñcana

some to lion-like men among heroes, some to the gods too, some to the followers of Vishnu, and some to the serpents too.

Verse 62 (devibhagavatam.9.13.62)

ब्राह्मणेभ्यो मुनिभ्यश्च तपस्विभ्यश्च किञ्चन । स्त्रीभ्यः सौभाग्ययुक्ताभ्यो यशस्विभ्यश्च किञ्चन

brāhmaṇebhyo munibhyaśca tapasvibhyaśca kiñcana | strībhyaḥ saubhāgyayuktābhyo yaśasvibhyaśca kiñcana

some to brahmins, some to sages, some to ascetics, and some to fortunate and renowned women.

Verse 63 (devibhagavatam.9.13.63)

तत्तु दत्त्वा च सर्वेभ्यः पूर्वं प्ररुदितं त्वया । शान्तिगोप्या युतस्त्वं च दृष्टोऽसि रासमण्डले

tattu dattvā ca sarvebhyaḥ pūrvaṁ praruditaṁ tvayā | śāntigopyā yutastvaṁ ca dṛṣṭo'si rāsamaṇḍale

All that you, weeping then, gave away to everyone. I saw you also, within the rasa circle, together with a gopi named Shanti.

Verse 64 (devibhagavatam.9.13.64)

वसन्ते पुष्पशय्यायां माल्यवांश्चन्दनोक्षितः । रत्नप्रदीपैर्युक्ते च रत्ननिर्माणमन्दिरे

vasante puṣpaśayyāyāṁ mālyavāṁścandanokṣitaḥ | ratnapradīpairyukte ca ratnanirmāṇamandire

In the springtime, upon a bed of flowers, garlanded, anointed with sandal paste, within a jeweled pavilion lit by lamps of gems —

Verse 65 (devibhagavatam.9.13.65)

रत्नभूषणभूषाढ्यो रत्नभूषितया सह । तया दत्तं च ताम्बूलं भुक्तवांश्च पुरा विभो

ratnabhūṣaṇabhūṣāḍhyo ratnabhūṣitayā saha | tayā dattaṁ ca tāmbūlaṁ bhuktavāṁśca purā vibho

richly adorned with jeweled ornaments, together with that gopi likewise adorned with gems; O all-pervading Lord, long ago you partook of the betel leaf she offered.

Verse 66 (devibhagavatam.9.13.66)

सद्यो मच्छब्दमात्रेण तिरोधानं कृतं त्वया । शान्तिर्देहं परित्यज्य भिया लीना त्वयि प्रभो

sadyo macchabdamātreṇa tirodhānaṁ kṛtaṁ tvayā | śāntirdehaṁ parityajya bhiyā līnā tvayi prabho

And then too, at the mere sound of my name, you vanished at once; O Lord, Shanti, giving up her body, out of fear dissolved into you yourself.

Verse 67 (devibhagavatam.9.13.67)

ततस्तस्याः शरीरं च गुणश्रेष्ठं बभूव ह । संविभज्य त्वया दत्तं प्रेम्णा प्ररुदता पुरा

tatastasyāḥ śarīraṁ ca guṇaśreṣṭhaṁ babhūva ha | saṁvibhajya tvayā dattaṁ premṇā prarudatā purā

Then from her body arose that most excellent quality; that too you, weeping once more in love, divided and gave away.

Verse 68 (devibhagavatam.9.13.68)

विश्वे तु विपिने किञ्चिद्ब्रह्मणे च मयि प्रभो । शुद्धसत्त्वस्वरूपायै किञ्चिल्लक्ष्म्यै पुरा विभो

viśve tu vipine kiñcidbrahmaṇe ca mayi prabho | śuddhasattvasvarūpāyai kiñcillakṣmyai purā vibho

O Lord, some of it to the universe, some to the forest, some to Brahma, and some to me too; O all-pervading one, some, in ancient times, to Lakshmi, of pure sattvic nature.

Verse 69 (devibhagavatam.9.13.69)

त्वन्मन्त्रोपासकेभ्यश्च शाक्तेभ्यश्चापि किञ्चन । तपस्विभ्यश्च धर्माय धर्मिष्ठेभ्यश्च किञ्चन

tvanmantropāsakebhyaśca śāktebhyaścāpi kiñcana | tapasvibhyaśca dharmāya dharmiṣṭhebhyaśca kiñcana

some to those who worship your mantra, some to the worshippers of Shakti too, some to ascetics for the sake of righteousness, and some to the righteous themselves.

Verse 70 (devibhagavatam.9.13.70)

मया पूर्वं च त्वं दृष्टो गोप्या च क्षमया सह । सुवेषयुक्तो मालावान् गन्धचन्दनचर्चितः

mayā pūrvaṁ ca tvaṁ dṛṣṭo gopyā ca kṣamayā saha | suveṣayukto mālāvān gandhacandanacarcitaḥ

I saw you before this too, together with a gopi named Kshama, finely attired, garlanded, anointed with fragrant sandal paste —

Verse 71 (devibhagavatam.9.13.71)

रत्नभूषितया गन्धचन्दनोक्षितया सह । सुखेन मूर्च्छितस्तल्पे पुष्पचन्दनचर्चिते

ratnabhūṣitayā gandhacandanokṣitayā saha | sukhena mūrcchitastalpe puṣpacandanacarcite

together with that gopi adorned with gems and anointed with fragrant sandal paste, lying in blissful swoon upon a couch strewn with flowers and sandal paste —

Verse 72 (devibhagavatam.9.13.72)

श्लिष्टो निद्रितया सद्यः सुखेन नवसङ्गमात् । मया प्रबोधिता सा च भवांश्च स्मरणं कुरु

śliṣṭo nidritayā sadyaḥ sukhena navasaṅgamāt | mayā prabodhitā sā ca bhavāṁśca smaraṇaṁ kuru

embraced, fallen at once into sleep from the pleasure of that fresh union — remember that, when she was roused by me, and remember yourself too.

Verse 73 (devibhagavatam.9.13.73)

गृहीतं पीतवस्त्रं च मुरली च मनोहरा । वनमालाकौस्तुभश्चाप्यमूल्यं रत्नकुण्डलम्

gṛhītaṁ pītavastraṁ ca muralī ca manoharā | vanamālākaustubhaścāpyamūlyaṁ ratnakuṇḍalam

Your yellow garment was taken, and your enchanting flute, your forest garland, your Kaustubha jewel, and your priceless jeweled earrings too —

Verse 74 (devibhagavatam.9.13.74)

पश्चात्प्रदत्तं प्रेम्णा च सखीनां वचनादहो । लज्जया कृष्णवर्णोऽभूद्भवान् पापेन यः प्रभो

paścātpradattaṁ premṇā ca sakhīnāṁ vacanādaho | lajjayā kṛṣṇavarṇo'bhūdbhavān pāpena yaḥ prabho

ah, and then, at the urging of my companions, it was returned out of love; O Lord, it is said that you became dark of hue precisely out of shame at that misdeed.

Verse 75 (devibhagavatam.9.13.75)

क्षमा देहं परित्यज्य लज्जया पृथिवीं गता । ततस्तस्याः शरीरं च गुणश्रेष्ठं बभूव ह

kṣamā dehaṁ parityajya lajjayā pṛthivīṁ gatā | tatastasyāḥ śarīraṁ ca guṇaśreṣṭhaṁ babhūva ha

Kshama too, giving up her body, entered out of shame into the earth; and from her body arose that most excellent quality of forbearance.

Verse 76 (devibhagavatam.9.13.76)

संविभज्य त्वया दत्तं प्रेम्णा प्ररुदता पुनः । किञ्चिद्दत्तं विष्णवे च वैष्णवेभ्यश्च किञ्चन

saṁvibhajya tvayā dattaṁ premṇā prarudatā punaḥ | kiñciddattaṁ viṣṇave ca vaiṣṇavebhyaśca kiñcana

That too you, weeping once more in love, divided and gave away — some to Vishnu, some to Vaishnavas —

Verse 77 (devibhagavatam.9.13.77)

धार्मिकेभ्यश्च धर्माय दुर्बलेभ्यश्च किञ्चन । तपस्विभ्योऽपि देवेभ्यः पण्डितेभ्यश्च किञ्चन

dhārmikebhyaśca dharmāya durbalebhyaśca kiñcana | tapasvibhyo'pi devebhyaḥ paṇḍitebhyaśca kiñcana

some to the righteous for the sake of righteousness, some to the weak, some to ascetics, some to the gods, and some to the learned too.

Verse 78 (devibhagavatam.9.13.78)

एतत्ते कथितं सर्वं किं भूयः श्रोतुमिच्छसि । त्वद्गुणं चैव बहुशो न जानामि परं प्रभो

etatte kathitaṁ sarvaṁ kiṁ bhūyaḥ śrotumicchasi | tvadguṇaṁ caiva bahuśo na jānāmi paraṁ prabho

All this has now been told to you — what more do you wish to hear? O supreme Lord, however often I try, I cannot fully fathom your qualities.

Verse 79 (devibhagavatam.9.13.79)

इत्येवमुक्त्वा सा राधा रक्तपङ्कजलोचना । गङ्गां वक्तुं समारेभे नम्रास्यां लज्जितां सतीम्

ityevamuktvā sā rādhā raktapaṅkajalocanā | gaṅgāṁ vaktuṁ samārebhe namrāsyāṁ lajjitāṁ satīm

Having said this, Radha, her eyes red as a lotus, began to speak to that chaste Ganga, whose face was bowed low in shame —

Verse 80 (devibhagavatam.9.13.80)

गङ्गा रहस्यं विज्ञाय योगेन सिद्धयोगिनी । तिरोभूय सभामध्ये स्वजलं प्रविवेश सा

gaṅgā rahasyaṁ vijñāya yogena siddhayoginī | tirobhūya sabhāmadhye svajalaṁ praviveśa sā

Understanding the meaning of this, that perfected yogini Ganga, through her yogic power, vanished from the midst of the assembly and entered into her own waters.

Verse 81 (devibhagavatam.9.13.81)

राधा योगेन विज्ञाय सर्वत्रावस्थितां च ताम् । पानं कर्तुं समारेभे गण्डूषात्सिद्धयोगिनी

rādhā yogena vijñāya sarvatrāvasthitāṁ ca tām | pānaṁ kartuṁ samārebhe gaṇḍūṣātsiddhayoginī

Radha too, through her own yogic power, understood that Ganga now pervaded everything, and began to swallow her down in a single mouthful.

Verse 82 (devibhagavatam.9.13.82)

गङ्गा रहस्यं विज्ञाय योगेन सिद्धयोगिनी । श्रीकृष्णचरणाम्भोजे विवेश शरणं ययौ

gaṅgā rahasyaṁ vijñāya yogena siddhayoginī | śrīkṛṣṇacaraṇāmbhoje viveśa śaraṇaṁ yayau

Understanding this danger too, that perfected yogini Ganga entered into Sri Krishna's own lotus feet and took refuge there.

Verse 83 (devibhagavatam.9.13.83)

गोलोके सा च वैकुण्ठे ब्रह्मलोकादिके तथा । ददर्श राधा सर्वत्र नैव गङ्गां ददर्श सा

goloke sā ca vaikuṇṭhe brahmalokādike tathā | dadarśa rādhā sarvatra naiva gaṅgāṁ dadarśa sā

Radha searched in Goloka, in Vaikuntha, in Brahmaloka and the rest — everywhere — but she could find Ganga nowhere at all.

Verse 84 (devibhagavatam.9.13.84)

सर्वत्र जलशून्यं च शुष्कपङ्कं च गोलकम् । जलजन्तुसमूहैश्च मृतदेहैः समन्वितम्

sarvatra jalaśūnyaṁ ca śuṣkapaṅkaṁ ca golakam | jalajantusamūhaiśca mṛtadehaiḥ samanvitam

Everywhere that sphere had become devoid of water, its mud dried up, strewn with heaps of water-creatures and their dead bodies.

Verse 85 (devibhagavatam.9.13.85)

ब्रह्मविष्णुशिवानन्तधर्मेन्द्रेन्दुदिवाकराः । मनवो मुनयः सर्वे देवसिद्धतपस्विनः

brahmaviṣṇuśivānantadharmendrendudivākarāḥ | manavo munayaḥ sarve devasiddhatapasvinaḥ

Brahma, Vishnu, Shiva, Ananta, Dharma, Indra, the Moon, the Sun, all the Manus, sages, gods, adepts, and ascetics —

Verse 86 (devibhagavatam.9.13.86)

गोलोकं च समाजग्मुः शुष्ककण्ठोष्ठतालुकाः । सर्वे प्रणेमुर्गोविन्दं सर्वेशं प्रकृतेः परम्

golokaṁ ca samājagmuḥ śuṣkakaṇṭhoṣṭhatālukāḥ | sarve praṇemurgovindaṁ sarveśaṁ prakṛteḥ param

their throats, lips, and palates parched, all gathered together in Goloka; all of them bowed to Govinda, lord of all, beyond Prakriti.

Verse 87 (devibhagavatam.9.13.87)

वरं वरेण्यं वरदं वरिष्ठं वरकारणम् । गोपिकागोपवृन्दानां सर्वेषां प्रवरं प्रभुम्

varaṁ vareṇyaṁ varadaṁ variṣṭhaṁ varakāraṇam | gopikāgopavṛndānāṁ sarveṣāṁ pravaraṁ prabhum

the best, the one worthy of choice, the giver of boons, the most exalted, the very cause of every boon, the foremost Lord among all the hosts of gopis and cowherds —

Verse 88 (devibhagavatam.9.13.88)

निरीहं च निराकारं निर्लिप्तं च निराश्रयम् । निर्गुणं च निरुत्साहं निर्विकारं निरञ्जनम्

nirīhaṁ ca nirākāraṁ nirliptaṁ ca nirāśrayam | nirguṇaṁ ca nirutsāhaṁ nirvikāraṁ nirañjanam

desireless, formless, untouched, without support, without attributes, without activity, unchanging, and unstained —

Verse 89 (devibhagavatam.9.13.89)

स्वेच्छामयं च साकारं भक्तानुग्रहकारकम् । सत्त्वस्वरूपं सत्येशं साक्षिरूपं सनातनम्

svecchāmayaṁ ca sākāraṁ bhaktānugrahakārakam | sattvasvarūpaṁ satyeśaṁ sākṣirūpaṁ sanātanam

yet also acting by his own free will, possessed of form, bestowing grace upon devotees, of the very nature of sattva, lord of truth, of the very form of the witness, and eternal —

Verse 90 (devibhagavatam.9.13.90)

परं परेशं परमं परमात्मानमीश्वरम् । प्रणम्य तुष्टुवुः सर्वे भक्तिनम्रात्मकन्धराः

paraṁ pareśaṁ paramaṁ paramātmānamīśvaram | praṇamya tuṣṭuvuḥ sarve bhaktinamrātmakandharāḥ

the Supreme, the Lord of the highest, the supreme Self and Lord — bowing to him, all of them, their heads bowed low in devotion, offered praise.

Verse 91 (devibhagavatam.9.13.91)

सगद्गदाः साश्रुनेत्राः पुलकाङ्कितविग्रहाः । सर्वे संस्तूय सर्वेशं भगवन्तं परात्परम्

sagadgadāḥ sāśrunetrāḥ pulakāṅkitavigrahāḥ | sarve saṁstūya sarveśaṁ bhagavantaṁ parātparam

their voices choked, their eyes filled with tears, their bodies thrilling with joy, all of them praised the Blessed Lord of all, higher than the highest —

Verse 92 (devibhagavatam.9.13.92)

ज्योतिर्मयं परं ब्रह्म सर्वकारणकारणम् । अमूल्यरत्ननिर्माणचित्रसिंहासनस्थितम्

jyotirmayaṁ paraṁ brahma sarvakāraṇakāraṇam | amūlyaratnanirmāṇacitrasiṁhāsanasthitam

the luminous Supreme Brahman, the cause of every cause, seated upon a wondrous throne fashioned of priceless gems —

Verse 93 (devibhagavatam.9.13.93)

सेव्यमानं च गोपालैः श्वेतचामरवायुना । गोपालिकानृत्यगीतं पश्यन्तं सस्मितं मुदा

sevyamānaṁ ca gopālaiḥ śvetacāmaravāyunā | gopālikānṛtyagītaṁ paśyantaṁ sasmitaṁ mudā

attended by cowherds with the breeze of white yak-tail fans, watching, joyfully smiling, the dancing and singing of the gopis —

Verse 94 (devibhagavatam.9.13.94)

प्राणाधिकप्रियतमं राधावक्षःस्थलस्थितम् । तया प्रदत्तं ताम्बूलं भुक्तवन्तं सुवासितम्

prāṇādhikapriyatamaṁ rādhāvakṣaḥsthalasthitam | tayā pradattaṁ tāmbūlaṁ bhuktavantaṁ suvāsitam

dearer than his own life, resting upon Radha's own breast, partaking of the fragrant betel leaf she herself had given —

Verse 95 (devibhagavatam.9.13.95)

परिपूर्णतमं रासे ददृशुश्च सुरेश्वरम् । मुनयो मनवः सिद्धास्तापसाश्च तपस्विनः

paripūrṇatamaṁ rāse dadṛśuśca sureśvaram | munayo manavaḥ siddhāstāpasāśca tapasvinaḥ

they beheld that most complete sovereign Lord within the rasa dance; sages, Manus, adepts, and ascetics, all of them —

Verse 96 (devibhagavatam.9.13.96)

प्रहृष्टमनसः सर्वे जग्मुः परमविस्मयम् । परस्परं समालोक्य प्रोचुस्ते च चतुर्मुखम्

prahṛṣṭamanasaḥ sarve jagmuḥ paramavismayam | parasparaṁ samālokya procuste ca caturmukham

with joyful hearts, all fell into supreme wonder; and looking at one another, they said to the four-faced Brahma —

Verse 97 (devibhagavatam.9.13.97)

निवेदितं जगन्नाथं स्वाभिप्रायमभीप्सितम् । ब्रह्मा तद्वचनं श्रुत्वा विष्णुं कृत्वा स्वदक्षिणे

niveditaṁ jagannāthaṁ svābhiprāyamabhīpsitam | brahmā tadvacanaṁ śrutvā viṣṇuṁ kṛtvā svadakṣiṇe

that their own wish and desire be conveyed to the Lord of the world; Brahma, hearing their words, placed Vishnu at his right —

Verse 98 (devibhagavatam.9.13.98)

वामतो वामदेवं च जगाम कृष्णसन्निधिम् । परमानन्दयुक्तं च परमानन्दरूपिणीम्

vāmato vāmadevaṁ ca jagāma kṛṣṇasannidhim | paramānandayuktaṁ ca paramānandarūpiṇīm

and Vamadeva, Shiva, at his left, and went into Krishna's own presence, who was filled with supreme bliss, together with the very embodiment of supreme bliss.

Verse 99 (devibhagavatam.9.13.99)

सर्वं कृष्णमयं धाता ददर्श रासमण्डले । सर्वं समानवेषं च समानासनसंस्थितम्

sarvaṁ kṛṣṇamayaṁ dhātā dadarśa rāsamaṇḍale | sarvaṁ samānaveṣaṁ ca samānāsanasaṁsthitam

Brahma the Creator beheld everything within the rasa circle as entirely made of Krishna — everything of identical guise, seated upon identical thrones —

Verse 100 (devibhagavatam.9.13.100)

द्विभुजं मुरलीहस्तं वनमालाविभूषितम् । मयूरपिच्छचूडं च कौस्तुभेन विराजितम्

dvibhujaṁ muralīhastaṁ vanamālāvibhūṣitam | mayūrapicchacūḍaṁ ca kaustubhena virājitam

two-armed, holding a flute, adorned with a forest garland, his crest graced with a peacock feather, resplendent with the Kaustubha jewel —

Verse 101 (devibhagavatam.9.13.101)

अतीव कमनीयं च सुन्दरं शान्तविग्रहम् । गुणभूषणरूपेण तेजसा वयसा त्विषा

atīva kamanīyaṁ ca sundaraṁ śāntavigraham | guṇabhūṣaṇarūpeṇa tejasā vayasā tviṣā

exceedingly lovely, beautiful, tranquil of form, adorned with the ornament of virtue, equal in splendor, age, and radiance —

Verse 102 (devibhagavatam.9.13.102)

परिपूर्णतमं सर्वं सर्वैश्वर्यसमन्वितम् । किं सेव्यं सेवकं किं वा दृष्ट्वा निर्वक्तुमक्षमः

paripūrṇatamaṁ sarvaṁ sarvaiśvaryasamanvitam | kiṁ sevyaṁ sevakaṁ kiṁ vā dṛṣṭvā nirvaktumakṣamaḥ

everywhere most complete and possessed of every majesty — beholding this, he was unable even to declare which was the one to be served and which the servant.

Verse 103 (devibhagavatam.9.13.103)

क्षणं तेजः स्वरूपं च रूपं तत्र स्थितं क्षणम् । निराकारं च साकारं ददर्श द्विविधं क्षणम्

kṣaṇaṁ tejaḥ svarūpaṁ ca rūpaṁ tatra sthitaṁ kṣaṇam | nirākāraṁ ca sākāraṁ dadarśa dvividhaṁ kṣaṇam

For one moment he saw a form of pure radiance, and for another moment a shape abiding within it; for one moment the formless, and for another the possessed of form — thus he beheld both, moment by moment.

Verse 104 (devibhagavatam.9.13.104)

एकमेव क्षणं कृष्णं राधया रहितं परम् । प्रत्येकासनसंस्थं च तया सार्धं च तत्क्षणम्

ekameva kṣaṇaṁ kṛṣṇaṁ rādhayā rahitaṁ param | pratyekāsanasaṁsthaṁ ca tayā sārdhaṁ ca tatkṣaṇam

In that very same moment he saw Krishna alone, supreme, apart from Radha, seated separately upon each throne; and in that same moment saw him together with her too.

Verse 105 (devibhagavatam.9.13.105)

राधारूपधरं कृष्णं कृष्णरूपं कलत्रकम् । किं स्त्रीरूपं च पुरुषं विधाता ध्यातुमक्षमः

rādhārūpadharaṁ kṛṣṇaṁ kṛṣṇarūpaṁ kalatrakam | kiṁ strīrūpaṁ ca puruṣaṁ vidhātā dhyātumakṣamaḥ

He saw Krishna bearing Radha's own form, and his consort bearing Krishna's form in turn; the Creator was unable even to determine, by meditation, which was the female form and which the male.

Verse 106 (devibhagavatam.9.13.106)

हृत्पद्मस्थं च श्रीकृष्णं ध्यात्वा ध्यानेन चक्षुषा । चकार स्तवनं भक्त्या परिहारमनेकधा

hṛtpadmasthaṁ ca śrīkṛṣṇaṁ dhyātvā dhyānena cakṣuṣā | cakāra stavanaṁ bhaktyā parihāramanekadhā

Meditating upon Sri Krishna as abiding within the lotus of his own heart, beholding him with the eye of meditation, he offered praise with devotion, and, in many ways, sought pardon for his error.

Verse 107 (devibhagavatam.9.13.107)

ततः स्वचक्षुरुन्मील्य पुनश्च तदनुज्ञया । ददर्श कृष्णमेकं च राधावक्षःस्थलस्थितम्

tataḥ svacakṣurunmīlya punaśca tadanujñayā | dadarśa kṛṣṇamekaṁ ca rādhāvakṣaḥsthalasthitam

Then, opening his own eyes once more, by his very leave, he saw Krishna as one alone, resting upon Radha's own breast.

Verse 108 (devibhagavatam.9.13.108)

स्वपार्षदैः परिवृतं गोपीमण्डलमण्डितम् । पुनः प्रणेमुस्तं दृष्ट्वा तुष्टुवुः परमेश्वरम्

svapārṣadaiḥ parivṛtaṁ gopīmaṇḍalamaṇḍitam | punaḥ praṇemustaṁ dṛṣṭvā tuṣṭuvuḥ parameśvaram

surrounded by his own attendants, adorned by the circle of gopis, beholding him thus, all bowed once more and praised that Supreme Lord.

Verse 109 (devibhagavatam.9.13.109)

तदभिप्रायमाज्ञाय तानुवाच रमेश्वरः । सर्वात्मा स च सर्वज्ञः सर्वेशः सर्वभावनः

tadabhiprāyamājñāya tānuvāca rameśvaraḥ | sarvātmā sa ca sarvajñaḥ sarveśaḥ sarvabhāvanaḥ

Understanding their intent, that Lord of Rama, the Self of all, all-knowing, lord of all, the perceiver of every thought, said to them —

Verse 110 (devibhagavatam.9.13.110)

श्रीभगवानुवाच । आगच्छ कुशलं ब्रह्मन्नागच्छ कमलापते । इहागच्छ महादेव शश्वत्कुशलमस्तु वः

śrībhagavānuvāca | āgaccha kuśalaṁ brahmannāgaccha kamalāpate | ihāgaccha mahādeva śaśvatkuśalamastu vaḥ

The Blessed Lord said: Come, O Brahma, may all be well with you; come, O consort of Lakshmi; come here, O Mahadeva; may lasting welfare be upon you all.

Verse 111 (devibhagavatam.9.13.111)

आगता हि महाभागा गङ्गानयनकारणात् । गङ्गा च चरणाम्भोजे भयेन शरणं गता

āgatā hi mahābhāgā gaṅgānayanakāraṇāt | gaṅgā ca caraṇāmbhoje bhayena śaraṇaṁ gatā

You have all come here because Ganga must be led away; and Ganga, out of fear, has taken refuge at my own lotus feet.

Verse 112 (devibhagavatam.9.13.112)

राधेमां पातुमिच्छन्ती दृष्ट्वा मत्सन्निधानतः । दास्यामीमां च भवतां यूयं कुरुत निर्भयाम्

rādhemāṁ pātumicchantī dṛṣṭvā matsannidhānataḥ | dāsyāmīmāṁ ca bhavatāṁ yūyaṁ kuruta nirbhayām

Seeing that Radha wished to drink her down, I have taken her here to my own side; now I give her to you — make her free from fear.

Verse 113 (devibhagavatam.9.13.113)

श्रीकृष्णस्य वचः श्रुत्वा सस्मितः कमलोद्भवः । तुष्टाव राधामाराध्यां श्रीकृष्णपरिपूजिताम्

śrīkṛṣṇasya vacaḥ śrutvā sasmitaḥ kamalodbhavaḥ | tuṣṭāva rādhāmārādhyāṁ śrīkṛṣṇaparipūjitām

Hearing Sri Krishna's words, lotus-born Brahma, smiling, praised Radha, the object of worship, revered even by Sri Krishna himself.

Verse 114 (devibhagavatam.9.13.114)

वक्त्रैश्चतुर्भिः संस्तूय भक्तिनम्रात्मकन्धरः । धाता चतुर्णां वेदानामुवाच चतुराननः

vaktraiścaturbhiḥ saṁstūya bhaktinamrātmakandharaḥ | dhātā caturṇāṁ vedānāmuvāca caturānanaḥ

bowing his head low in devotion, praising her with all four of his faces, Brahma, four-faced, ordainer of the four Vedas, said —

Verse 115 (devibhagavatam.9.13.115)

चतुरानन उवाच । गङ्गा त्वदङ्गसम्भूता प्रभोश्च रासमण्डले । युवयोर्द्रवरूपा सा मुग्धयोः शङ्करस्वनात्

caturānana uvāca | gaṅgā tvadaṅgasambhūtā prabhośca rāsamaṇḍale | yuvayordravarūpā sā mugdhayoḥ śaṅkarasvanāt

The four-faced one said: Ganga is born from your own body and from the Lord's body, within the rasa circle; she is the liquid form of you both, born at the moment of your entrancement, through Shankara's own music.

Verse 116 (devibhagavatam.9.13.116)

कृष्णांशा च त्वदंशा च त्वत्कन्यासदृशी प्रिया । त्वन्मन्त्रग्रहणं कृत्वा करोतु तव पूजनम्

kṛṣṇāṁśā ca tvadaṁśā ca tvatkanyāsadṛśī priyā | tvanmantragrahaṇaṁ kṛtvā karotu tava pūjanam

She is a portion of Krishna, and a portion of you too, dear as your own daughter; let her receive your mantra, and let her perform your worship.

Verse 117 (devibhagavatam.9.13.117)

भविष्यति पतिस्तस्या वैकुण्ठेशश्चतुर्भुजः । भूस्थायाः कलया तस्याः पतिर्लवणवारिधिः

bhaviṣyati patistasyā vaikuṇṭheśaścaturbhujaḥ | bhūsthāyāḥ kalayā tasyāḥ patirlavaṇavāridhiḥ

Her husband shall be the four-armed Lord of Vaikuntha; and, in her portion upon the earth, the husband of that portion shall be the salt ocean.

Verse 118 (devibhagavatam.9.13.118)

गोलोकस्था च या गङ्गा सर्वत्रस्था तथाम्बिके । तदम्बिका त्वं देवेशी सर्वदा सा त्वदात्मजा

golokasthā ca yā gaṅgā sarvatrasthā tathāmbike | tadambikā tvaṁ deveśī sarvadā sā tvadātmajā

O Mother, that Ganga who dwells in Goloka and pervades everywhere — O sovereign goddess, you yourself are her mother, and she is forever your own daughter.

Verse 119 (devibhagavatam.9.13.119)

ब्रह्मणो वचनं श्रुत्वा स्वीचकार च सस्मिता । वहिर्बभूव सा कृष्णपादाङ्गुष्ठनखाग्रतः

brahmaṇo vacanaṁ śrutvā svīcakāra ca sasmitā | vahirbabhūva sā kṛṣṇapādāṅguṣṭhanakhāgrataḥ

Hearing Brahma's words, Radha, smiling, accepted them; and Ganga then emerged, appearing from the very tip of the nail on Krishna's own toe.

Verse 120 (devibhagavatam.9.13.120)

तत्रैव सत्कृता शान्ता तस्थौ तेषां च मध्यतः । उवास तोयादुत्थाय तदधिष्ठातृदेवता

tatraiva satkṛtā śāntā tasthau teṣāṁ ca madhyataḥ | uvāsa toyādutthāya tadadhiṣṭhātṛdevatā

Honored right there, at peace, she stood among them; rising from the water, that presiding deity took her seat with them.

Verse 121 (devibhagavatam.9.13.121)

तत्तोयं ब्रह्मणा किञ्चित्स्थापितं च कमण्डलौ । किञ्चिद्दधार शिरसि चन्द्रार्धकृतशेखरः

tattoyaṁ brahmaṇā kiñcitsthāpitaṁ ca kamaṇḍalau | kiñciddadhāra śirasi candrārdhakṛtaśekharaḥ

Some of that water Brahma placed within his own water-pot, and some of it Shiva, whose crest bears the crescent moon, bore upon his own head.

Verse 122 (devibhagavatam.9.13.122)

गङ्गायै राधिकामन्त्रं प्रददौ कमलोद्भवः । तत्स्तोत्रं कवचं पूजां विधानं ध्यानमेव च

gaṅgāyai rādhikāmantraṁ pradadau kamalodbhavaḥ | tatstotraṁ kavacaṁ pūjāṁ vidhānaṁ dhyānameva ca

Lotus-born Brahma bestowed upon Ganga the mantra of Radhika, and also her hymn, her protective armor, the rite of her worship, and her meditation.

Verse 123 (devibhagavatam.9.13.123)

सर्वं तत्सामवेदोक्तं पुरश्चर्याक्रमं तथा । गङ्गा तामेव सम्पूज्य वैकुण्ठं प्रययौ सह

sarvaṁ tatsāmavedoktaṁ puraścaryākramaṁ tathā | gaṅgā tāmeva sampūjya vaikuṇṭhaṁ prayayau saha

All this is declared in the Samaveda, and likewise the order of the preliminary rite; and Ganga, having worshipped Radhika herself, went together with the others to Vaikuntha.

Verse 124 (devibhagavatam.9.13.124)

लक्ष्मीः सरस्वती गङ्गा तुलसी विश्वपावनी । एता नारायणस्यैव चतस्रो योषितो मुने

lakṣmīḥ sarasvatī gaṅgā tulasī viśvapāvanī | etā nārāyaṇasyaiva catasro yoṣito mune

Lakshmi, Sarasvati, Ganga, and Tulasi, purifier of the universe — O sage, these four are the wives of Narayana himself.

Verse 125 (devibhagavatam.9.13.125)

अथ तं सस्मितः कृष्णो ब्रह्माणं समुवाच सः । सर्वकालस्य वृत्तान्तं दुर्बोधमविपश्चितम्

atha taṁ sasmitaḥ kṛṣṇo brahmāṇaṁ samuvāca saḥ | sarvakālasya vṛttāntaṁ durbodhamavipaścitam

Then Krishna, smiling, told Brahma the account of all time, an account difficult for the unwise to comprehend.

Verse 126 (devibhagavatam.9.13.126)

श्रीकृष्ण उवाच । गृहाण गङ्गां हे ब्रह्मन् हे विष्णो हे महेश्वर । शृणु कालस्य वृत्तान्तं मत्तो ब्रह्मन्निशामय

śrīkṛṣṇa uvāca | gṛhāṇa gaṅgāṁ he brahman he viṣṇo he maheśvara | śṛṇu kālasya vṛttāntaṁ matto brahmanniśāmaya

Sri Krishna said: O Brahma, O Vishnu, O Maheshvara, take Ganga with you; O Brahma, hear from me the account of time — listen closely.

Verse 127 (devibhagavatam.9.13.127)

यूयं च येऽन्ये देवाश्च मुनयो मनवस्तथा । सिद्धा यशस्विनश्चैव ये येऽत्रैव समागताः

yūyaṁ ca ye'nye devāśca munayo manavastathā | siddhā yaśasvinaścaiva ye ye'traiva samāgatāḥ

You yourselves, and whatever other gods, sages, Manus, adepts, and men of renown have gathered here together —

Verse 128 (devibhagavatam.9.13.128)

एते जीवन्ति गोलोके कालचक्रविवर्जिते । जलाप्लुते सर्वविश्वं जातं कल्पक्षयोऽधुना

ete jīvanti goloke kālacakravivarjite | jalāplute sarvaviśvaṁ jātaṁ kalpakṣayo'dhunā

all of them live here in Goloka, exempt from the wheel of time; now the entire universe has become submerged in water — this is the dissolution of a cosmic cycle.

Verse 129 (devibhagavatam.9.13.129)

ब्रह्माद्या येऽन्यविश्वस्थास्ते विलीनाधुना मयि । वैकुण्ठं च विना सर्वं जलमग्नं च पद्मज

brahmādyā ye'nyaviśvasthāste vilīnādhunā mayi | vaikuṇṭhaṁ ca vinā sarvaṁ jalamagnaṁ ca padmaja

Whatever Brahmas and the rest existed in other universes have now dissolved into me; O lotus-born one, everything except Vaikuntha has become submerged in water.

Verse 130 (devibhagavatam.9.13.130)

गत्वा सृष्टिं कुरु पुनर्ब्रह्मलोकादिकं भवम् । स्वं ब्रह्माण्डं विरचय पश्चाद् गङ्गा प्रयास्यति

gatvā sṛṣṭiṁ kuru punarbrahmalokādikaṁ bhavam | svaṁ brahmāṇḍaṁ viracaya paścād gaṅgā prayāsyati

Go and create once more Brahmaloka and the rest, and fashion your own cosmic egg; and after that, Ganga shall go there too.

Verse 131 (devibhagavatam.9.13.131)

एवमन्येषु विश्वेषु सृष्टौ ब्रह्मादिकं पुनः । करोम्यहं पुनः सृष्टिं गच्छ शीघ्रं सुरैः सह

evamanyeṣu viśveṣu sṛṣṭau brahmādikaṁ punaḥ | karomyahaṁ punaḥ sṛṣṭiṁ gaccha śīghraṁ suraiḥ saha

In the same way, I shall create Brahma and the rest anew in the other universes too, and shall bring forth creation once again; go swiftly, together with the other gods.

Verse 132 (devibhagavatam.9.13.132)

गतो बहुतरः कालो युष्माकं च चतुर्मुखाः । गताः कतिविधास्ते च भविष्यन्ति च वेधसः

gato bahutaraḥ kālo yuṣmākaṁ ca caturmukhāḥ | gatāḥ katividhāste ca bhaviṣyanti ca vedhasaḥ

For you, a very great span of time has passed; how many four-faced Brahmas have already come and gone, and how many more shall yet come to be.

Verse 133 (devibhagavatam.9.13.133)

इत्युक्त्वा राधिकानाथो जगामान्तःपुरे मुने । देवा गत्वा पुनः सृष्टिं चक्रुरेव प्रयत्नतः

ityuktvā rādhikānātho jagāmāntaḥpure mune | devā gatvā punaḥ sṛṣṭiṁ cakrureva prayatnataḥ

O sage, having said this, the Lord of Radhika withdrew into his own inner chambers; and the gods, departing, once again set about the work of creation with diligence.

Verse 134 (devibhagavatam.9.13.134)

गोलोके च स्थिता गङ्गा वैकुण्ठे शिवलोकके । ब्रह्मलोके स्थितान्यत्र यत्र यत्र पुरः स्थिता

goloke ca sthitā gaṅgā vaikuṇṭhe śivalokake | brahmaloke sthitānyatra yatra yatra puraḥ sthitā

Ganga now remained established in Goloka, in Vaikuntha, in Shivaloka, and in Brahmaloka — in each of the places where she had formerly been present —

Verse 135 (devibhagavatam.9.13.135)

तत्रैव सा गता गङ्गा चाज्ञया परमात्मनः । निर्गता विष्णुपादाब्जात्तेन विष्णुपदी स्मृता

tatraiva sā gatā gaṅgā cājñayā paramātmanaḥ | nirgatā viṣṇupādābjāttena viṣṇupadī smṛtā

by the command of the Supreme Self, Ganga went once more to each of those very places; and because she issued forth from Vishnu's own lotus foot, she is remembered as "Vishnupadi."

Verse 136 (devibhagavatam.9.13.136)

इत्येवं कथितं ब्रह्मन् गङ्गोपाख्यानमुत्तमम् । सुखदं मोक्षदं सारं किं भूयः श्रोतुमिच्छसि

ityevaṁ kathitaṁ brahman gaṅgopākhyānamuttamam | sukhadaṁ mokṣadaṁ sāraṁ kiṁ bhūyaḥ śrotumicchasi

O brahmin, thus has this excellent story of Ganga been told, giver of happiness, giver of liberation, and of the very essence; what more do you now wish to hear?