The Union of Tulasi with Shankhachuda, Continued

Verse 1 (devibhagavatam.9.19.1)

नारद उवाच । विचित्रमिदमाख्यानं भवता समुदाहृतम् । श्रुतेन येन मे तृप्तिर्न कदापि हि जायते

nārada uvāca | vicitramidamākhyānaṁ bhavatā samudāhṛtam | śrutena yena me tṛptirna kadāpi hi jāyate

Narada said: This wondrous tale has been told by you; hearing it, I never once feel satisfied.

Verse 2 (devibhagavatam.9.19.2)

ततः परं तु यज्जातं तत्त्वं वद महामते । श्रीनारायण उवाच । इत्येवमाशिषं दत्त्वा स्वालयं च ययौ विधिः

tataḥ paraṁ tu yajjātaṁ tattvaṁ vada mahāmate | śrīnārāyaṇa uvāca | ityevamāśiṣaṁ dattvā svālayaṁ ca yayau vidhiḥ

Tell me truly what happened after that, O wise one. Sri Narayana said: Having given this blessing, Brahma went to his own abode.

Verse 3 (devibhagavatam.9.19.3)

गान्धर्वेण विवाहेन जगृहे तां च दानवः । स्वर्गे दुन्दुभिवाद्यं च पुष्पवृष्टिर्बभूव ह

gāndharveṇa vivāhena jagṛhe tāṁ ca dānavaḥ | svarge dundubhivādyaṁ ca puṣpavṛṣṭirbabhūva ha

By the Gandharva rite of marriage, the Danava took her; in heaven kettledrums sounded and a shower of flowers fell.

Verse 4 (devibhagavatam.9.19.4)

स रेमे रामया सार्धं वासगेहे मनोरमे । मूर्च्छां सा प्राप तुलसी नवसङ्गमसङ्गता

sa reme rāmayā sārdhaṁ vāsagehe manorame | mūrcchāṁ sā prāpa tulasī navasaṅgamasaṅgatā

He sported with his beloved in the delightful bridal chamber; Tulasi, caught up in that fresh union, fell into a swoon.

Verse 5 (devibhagavatam.9.19.5)

निमग्ना निर्जले साध्वी सम्भोगसुखसागरे । चतुःषष्टिकलामानं चतुःषष्टिविधं सुखम्

nimagnā nirjale sādhvī sambhogasukhasāgare | catuḥṣaṣṭikalāmānaṁ catuḥṣaṣṭividhaṁ sukham

That virtuous woman was immersed, as though in a waterless sea, in the ocean of the joy of union — the sixty-four arts, the sixty-four kinds of delight —

Verse 6 (devibhagavatam.9.19.6)

कामशास्त्रे यन्निरुक्तं रसिकानां यथेप्सितम् । अङ्गप्रत्यङ्गसंश्लेषपूर्वकं स्त्रीमनोहरम्

kāmaśāstre yanniruktaṁ rasikānāṁ yathepsitam | aṅgapratyaṅgasaṁśleṣapūrvakaṁ strīmanoharam

— as declared in the Kamashastra, whatever is desired by connoisseurs, involving the embrace of limb with limb, enchanting to women —

Verse 7 (devibhagavatam.9.19.7)

तत्सर्वं रसशृङ्गारं चकार रसिकेश्वरः । अतीव रम्यदेशे च सर्वजन्तुविवर्जिते

tatsarvaṁ rasaśṛṅgāraṁ cakāra rasikeśvaraḥ | atīva ramyadeśe ca sarvajantuvivarjite

— all that delightful love-play the lord of delight performed, in a most charming spot, empty of every other creature —

Verse 8 (devibhagavatam.9.19.8)

पुष्पचन्दनतल्पे च पुष्पचन्दनवायुना । पुष्पोद्याने नदीतीरे पुष्पचन्दनचर्चिते

puṣpacandanatalpe ca puṣpacandanavāyunā | puṣpodyāne nadītīre puṣpacandanacarcite

— on a bed of flowers and sandal, in a breeze scented with flowers and sandal, in a flower garden on a riverbank, anointed with flowers and sandal —

Verse 9 (devibhagavatam.9.19.9)

गहीत्वा रसिको रासे पुष्पचन्दनचर्चिताम् । भूषितो भूषणेनैव रत्नभूषणभूषिताम्

gahītvā rasiko rāse puṣpacandanacarcitām | bhūṣito bhūṣaṇenaiva ratnabhūṣaṇabhūṣitām

— that connoisseur, taking her, anointed with flowers and sandal, into the rasa-play, adorned with ornaments himself and adorning her with jeweled ones —

Verse 10 (devibhagavatam.9.19.10)

सुरते विरतिर्नास्ति तयोः सुरतिविज्ञयोः । जहार मानसं भर्तुर्लोलया लीलया सती

surate viratirnāsti tayoḥ surativijñayoḥ | jahāra mānasaṁ bharturlolayā līlayā satī

— there was no cessation of their lovemaking, those two skilled in the art of love; and that virtuous woman stole her husband's mind with her playful, restless sport.

Verse 11 (devibhagavatam.9.19.11)

चेतनां रसिकायाश्च जहार रसभाववित् । वक्षसश्चन्दनं राज्ञस्तिलकं विजहार सा

cetanāṁ rasikāyāśca jahāra rasabhāvavit | vakṣasaścandanaṁ rājñastilakaṁ vijahāra sā

He, knowing well the moods of delight, stole away his beloved's very consciousness in turn; and she took for herself the sandal-paste from the king's chest, and his forehead-mark.

Verse 12 (devibhagavatam.9.19.12)

स च जहार तस्याश्च सिन्दूरं बिन्दुपत्रकम् । तद्वक्षस्युरोजे च नखरेखां ददौ मुदा

sa ca jahāra tasyāśca sindūraṁ bindupatrakam | tadvakṣasyuroje ca nakharekhāṁ dadau mudā

And he took from her the sindura and the decorative dot-mark; and joyfully left the marks of his nails upon her breast.

Verse 13 (devibhagavatam.9.19.13)

सा ददौ तद्वामपार्श्वे करभूषणलक्षणम् । राजा तदोष्ठपुटके ददौ रदनदंशनम्

sā dadau tadvāmapārśve karabhūṣaṇalakṣaṇam | rājā tadoṣṭhapuṭake dadau radanadaṁśanam

She left the mark of her hand-ornament on his left side; and the king left the mark of his teeth on her lips.

Verse 14 (devibhagavatam.9.19.14)

तद्गण्डयुगले सा च प्रददौ तच्चतुर्गुणम् । आलिङ्गनं चुम्बनं च जङ्घादिमर्दनं तथा

tadgaṇḍayugale sā ca pradadau taccaturguṇam | āliṅganaṁ cumbanaṁ ca jaṅghādimardanaṁ tathā

On his two cheeks she left that mark fourfold; and so there was embracing and kissing, and the caressing of thighs and other limbs.

Verse 15 (devibhagavatam.9.19.15)

एवं परस्परं क्रीडां चक्रतुस्तौ विजानतौ । सुरते विरते तौ च समुत्थाय परस्परम्

evaṁ parasparaṁ krīḍāṁ cakratustau vijānatau | surate virate tau ca samutthāya parasparam

Thus, both well-versed in the art, they sported with one another; and when the lovemaking had ceased, the two of them rose up together —

Verse 16 (devibhagavatam.9.19.16)

सुवेषं चक्रतुस्तत्र यद्यन्मनसि वाञ्छितम् । चन्दनैः कुङ्कुमारक्तैः सा तस्य तिलकं ददौ

suveṣaṁ cakratustatra yadyanmanasi vāñchitam | candanaiḥ kuṅkumāraktaiḥ sā tasya tilakaṁ dadau

— and adorned themselves there, each as their heart desired; with sandal reddened by saffron, she applied the tilaka mark to his brow —

Verse 17 (devibhagavatam.9.19.17)

सर्वाङ्गे सुन्दरे रम्ये चकार चानुलेपनम् । सुवासं चैव ताम्बूलं वह्निशुद्धे च वाससी

sarvāṅge sundare ramye cakāra cānulepanam | suvāsaṁ caiva tāmbūlaṁ vahniśuddhe ca vāsasī

— and anointed his whole beautiful, lovely body; and gave him fine fragrance, betel, and two garments purified by fire —

Verse 18 (devibhagavatam.9.19.18)

पारिजातस्य कुसुमं जरारोगहरं परम् । अमूल्यरत्ननिर्माणमङ्गुलीयकमुत्तमम्

pārijātasya kusumaṁ jarārogaharaṁ param | amūlyaratnanirmāṇamaṅgulīyakamuttamam

— the blossom of the Parijata tree, the supreme remover of old age and disease; and a most excellent ring wrought of priceless gems —

Verse 19 (devibhagavatam.9.19.19)

सुन्दरं च मणिवरं त्रिषु लोकेषु दुर्लभम् । दासी तवाहमित्येवं समुच्चार्य पुनः पुनः

sundaraṁ ca maṇivaraṁ triṣu lokeṣu durlabham | dāsī tavāhamityevaṁ samuccārya punaḥ punaḥ

— a beautiful and excellent jewel, rare in all three worlds; and, saying again and again, "I am your servant" —

Verse 20 (devibhagavatam.9.19.20)

ननाम परया भक्त्या स्वामिनं गुणशालिनम् । सस्मिता तन्मुखाम्भोजं लोचनाभ्यां पुनः पुनः

nanāma parayā bhaktyā svāminaṁ guṇaśālinam | sasmitā tanmukhāmbhojaṁ locanābhyāṁ punaḥ punaḥ

— she bowed with the utmost devotion to her virtuous lord; and smiling, gazed again and again with her eyes upon his lotus-face —

Verse 21 (devibhagavatam.9.19.21)

निमेषरहिताभ्यां चाप्यपश्यत्कामसुन्दरम् । स च तां च समाकृष्य चकार वक्षसि प्रियाम्

nimeṣarahitābhyāṁ cāpyapaśyatkāmasundaram | sa ca tāṁ ca samākṛṣya cakāra vakṣasi priyām

— gazing without blinking at that husband, beautiful as Kama; and he too, drawing her close, held his beloved to his chest.

Verse 22 (devibhagavatam.9.19.22)

सस्मितं वाससाच्छन्नं ददर्श मुखपङ्कजम् । चुचुम्ब कठिने गण्डे बिम्बोष्ठौ पुनरेव च

sasmitaṁ vāsasācchannaṁ dadarśa mukhapaṅkajam | cucumba kaṭhine gaṇḍe bimboṣṭhau punareva ca

He saw her smiling lotus-face, half hidden by her garment; and kissed again her firm cheeks and her bimba-red lips.

Verse 23 (devibhagavatam.9.19.23)

ददौ तस्यै वस्त्रयुग्मं वरुणादाहृतं च यत् । तदाहृतां रत्नमालां त्रिषु लोकेषु दुर्लभाम्

dadau tasyai vastrayugmaṁ varuṇādāhṛtaṁ ca yat | tadāhṛtāṁ ratnamālāṁ triṣu lokeṣu durlabhām

He gave her a pair of garments brought from Varuna, and a jeweled necklace, brought from there too, rare in all three worlds —

Verse 24 (devibhagavatam.9.19.24)

ददौ मञ्जीरयुग्मं च स्वाहाया आहृतं च यत् । केयूरयुग्मं छायाया रोहिण्याश्चैव कुण्डलम्

dadau mañjīrayugmaṁ ca svāhāyā āhṛtaṁ ca yat | keyūrayugmaṁ chāyāyā rohiṇyāścaiva kuṇḍalam

— he gave her a pair of anklets brought from Svaha, a pair of armlets from Chhaya, and earrings from Rohini —

Verse 25 (devibhagavatam.9.19.25)

अङ्गुलीयकरत्नानि रत्याश्च करभूषणम् । शङ्खं च रुचिरं चित्रं यद्दत्तं विश्वकर्मणा

aṅgulīyakaratnāni ratyāśca karabhūṣaṇam | śaṅkhaṁ ca ruciraṁ citraṁ yaddattaṁ viśvakarmaṇā

— jeweled rings, a hand-ornament that had been Rati's, and a lovely, wondrous conch given by Vishvakarma —

Verse 26 (devibhagavatam.9.19.26)

विचित्रपद्मकश्रेणीं शय्यां चापि सुदुर्लभाम् । भूषणानि च दत्त्वा स भूपो हासं चकार ह

vicitrapadmakaśreṇīṁ śayyāṁ cāpi sudurlabhām | bhūṣaṇāni ca dattvā sa bhūpo hāsaṁ cakāra ha

— a wondrous row of lotuses, and a most rare bed besides; and having given her these ornaments, that king laughed with joy.

Verse 27 (devibhagavatam.9.19.27)

निर्ममे कबरीभारे तस्या माङ्गल्यभूषणम् । सुचित्रं पत्रकं गण्डमण्डलेऽस्याः समं तथा

nirmame kabarībhāre tasyā māṅgalyabhūṣaṇam | sucitraṁ patrakaṁ gaṇḍamaṇḍale'syāḥ samaṁ tathā

He fashioned an auspicious ornament for the mass of her braided hair, and likewise an artful leaf-pattern for her cheeks —

Verse 28 (devibhagavatam.9.19.28)

चन्द्रलेखात्रिभिर्युक्तं चन्दनेन सुगन्धिना । परीतं परितश्चित्रैः सार्धं कुङ्कुमबिन्दुभिः

candralekhātribhiryuktaṁ candanena sugandhinā | parītaṁ paritaścitraiḥ sārdhaṁ kuṅkumabindubhiḥ

— marked with three crescent-moon lines in fragrant sandal, ringed all around with lovely dots of saffron —

Verse 29 (devibhagavatam.9.19.29)

ज्वलत्प्रदीपाकारं च सिन्दूरतिलकं ददौ । तत्पादपद्मयुगले स्थलपद्मविनिन्दिते

jvalatpradīpākāraṁ ca sindūratilakaṁ dadau | tatpādapadmayugale sthalapadmavinindite

— he applied to her a sindura mark shaped like a blazing lamp; and upon her lotus feet, which put even the land-lotus to shame —

Verse 30 (devibhagavatam.9.19.30)

चित्रालक्तकरागं च नखरेषु ददौ मुदा । स्ववक्षसि मुहुर्न्यस्य सरागं चरणाम्बुजम्

citrālaktakarāgaṁ ca nakhareṣu dadau mudā | svavakṣasi muhurnyasya sarāgaṁ caraṇāmbujam

— he joyfully applied lovely lac-dye to her nails; and placing her rosy lotus feet again and again upon his own chest —

Verse 31 (devibhagavatam.9.19.31)

हे देवि तव दासोऽहमित्युच्चार्य पुनः पुनः । रत्नभूषितहस्तेन तां च कृत्वा स्ववक्षसि

he devi tava dāso'hamityuccārya punaḥ punaḥ | ratnabhūṣitahastena tāṁ ca kṛtvā svavakṣasi

— saying again and again, "O goddess, I am your servant," and with his jewel-adorned hand drawing her to his chest —

Verse 32 (devibhagavatam.9.19.32)

तपोवनं परित्यज्य राजा स्थानान्तरं ययौ । मलये देवनिलये शैले शैले तपोवने

tapovanaṁ parityajya rājā sthānāntaraṁ yayau | malaye devanilaye śaile śaile tapovane

— the king, leaving that forest of austerity, journeyed on to other places — to Malaya, to the abode of the gods, to mountain after mountain and grove after grove of austerity —

Verse 33 (devibhagavatam.9.19.33)

स्थाने स्थानेऽतिरम्ये च पुष्पोद्याने च निर्जने । कन्दरे कन्दरे सिन्धुतीरे चैवातिसुन्दरे

sthāne sthāne'tiramye ca puṣpodyāne ca nirjane | kandare kandare sindhutīre caivātisundare

— to place after most delightful place, to solitary flower gardens, to cave after cave, and to the most beautiful ocean shore —

Verse 34 (devibhagavatam.9.19.34)

पुष्पभद्रानदीतीरे नीरवातमनोहरे । पुलिने पुलिने दिव्ये नद्यां नद्यां नदे नदे

puṣpabhadrānadītīre nīravātamanohare | puline puline divye nadyāṁ nadyāṁ nade nade

— to the bank of the Pushpabhadra river, charming with its watery breeze, to divine sandbank after sandbank, to stream after stream —

Verse 35 (devibhagavatam.9.19.35)

मधौ मधुकराणां च मधुरध्वनिनादिते । विस्पन्दने सुरसने नन्दने गन्धमादने

madhau madhukarāṇāṁ ca madhuradhvaninādite | vispandane surasane nandane gandhamādane

— in the season of spring, resonant with the sweet hum of bees, to Vispandana, Surasana, Nandana, and Gandhamadana —

Verse 36 (devibhagavatam.9.19.36)

देवोद्याने नन्दने च चित्रचन्दनकानने । चम्पकानां केतकीनां माधवीनां च माधवे

devodyāne nandane ca citracandanakānane | campakānāṁ ketakīnāṁ mādhavīnāṁ ca mādhave

— in the garden of the gods, in Nandana, in the wondrous forest of sandal, among champaka, ketaki, and madhavi blossoms in flower —

Verse 37 (devibhagavatam.9.19.37)

कुन्दानां मालतीनां च कुमुदाम्भोजकानने । कल्पवृक्षे कल्पवृक्षे पारिजातवने वने

kundānāṁ mālatīnāṁ ca kumudāmbhojakānane | kalpavṛkṣe kalpavṛkṣe pārijātavane vane

— among kunda and malati blossoms, in a forest of kumuda and lotus, beneath kalpa-tree after kalpa-tree, in grove after grove of Parijata —

Verse 38 (devibhagavatam.9.19.38)

निर्जने काञ्चने स्थाने धन्ये काञ्चनपर्वते । काञ्चीवने किञ्जलके कञ्चुके काञ्चनाकरे

nirjane kāñcane sthāne dhanye kāñcanaparvate | kāñcīvane kiñjalake kañcuke kāñcanākare

— in solitary golden places, on the blessed golden mountain, in the Kanchi forest, amid flower-pollen, in a mine of gold —

Verse 39 (devibhagavatam.9.19.39)

पुष्पचन्दनतल्पेषु पुंस्कोकिलरुतश्रुते । पुष्पचन्दनसंयुक्तः पुष्पचन्दनवायुना

puṣpacandanatalpeṣu puṁskokilarutaśrute | puṣpacandanasaṁyuktaḥ puṣpacandanavāyunā

— on beds of flowers and sandal, resounding with the cuckoo's cry — he himself anointed with flowers and sandal, in a breeze scented with flowers and sandal —

Verse 40 (devibhagavatam.9.19.40)

कामुक्या कामुकः कामात्स रेमे रामया सह । न हि तृप्तो दानवेन्द्रस्तृप्तिं नैव जगाम सा

kāmukyā kāmukaḥ kāmātsa reme rāmayā saha | na hi tṛpto dānavendrastṛptiṁ naiva jagāma sā

— that passionate lord of the Danavas, in passion, sported with his equally passionate beloved; yet the lord of the Danavas never found satisfaction, nor did she.

Verse 41 (devibhagavatam.9.19.41)

हविषा कृष्णवर्त्मेव ववृधे मदनस्तयोः । तया सह समागत्य स्वाश्रमं दानवस्ततः

haviṣā kṛṣṇavartmeva vavṛdhe madanastayoḥ | tayā saha samāgatya svāśramaṁ dānavastataḥ

Like fire fed with oblations, their passion only grew and grew; then the Danava, bringing her with him to his own abode —

Verse 42 (devibhagavatam.9.19.42)

रम्यं क्रीडालयं गत्वा विजहार पुनः पुनः । एवं स बुभुजे राज्यं शङ्खचूडः प्रतापवान्

ramyaṁ krīḍālayaṁ gatvā vijahāra punaḥ punaḥ | evaṁ sa bubhuje rājyaṁ śaṅkhacūḍaḥ pratāpavān

— went to his delightful pleasure-house and sported there again and again. Thus did the mighty Shankhachuda rule and enjoy his kingdom.

Verse 43 (devibhagavatam.9.19.43)

एकमन्वन्तरं पूर्णं राजराजेश्वरो महान् । देवानामसुराणां च दानवानां च सन्ततम्

ekamanvantaraṁ pūrṇaṁ rājarājeśvaro mahān | devānāmasurāṇāṁ ca dānavānāṁ ca santatam

For one full Manvantara that great sovereign of kings ruled continually over gods, asuras, and danavas —

Verse 44 (devibhagavatam.9.19.44)

गन्धर्वाणां किन्नराणां राक्षसानां च शान्तिदः । हृताधिकारा देवाश्च चरन्ति भिक्षुका यथा

gandharvāṇāṁ kinnarāṇāṁ rākṣasānāṁ ca śāntidaḥ | hṛtādhikārā devāśca caranti bhikṣukā yathā

— and over Gandharvas, Kinnaras, and Rakshasas too, subduing them all; and the gods, stripped of their power, wandered about like beggars.

Verse 45 (devibhagavatam.9.19.45)

ते सर्वेऽतिविषण्णाश्च प्रजग्मुर्ब्रह्मणः सभाम् । वृत्तान्तं कथयामासू रुरुदुश्च भृशं मुहुः

te sarve'tiviṣaṇṇāśca prajagmurbrahmaṇaḥ sabhām | vṛttāntaṁ kathayāmāsū ruruduśca bhṛśaṁ muhuḥ

All of them, greatly despondent, went to Brahma's court; they told him the whole matter and wept bitterly, again and again.

Verse 46 (devibhagavatam.9.19.46)

तदा ब्रह्मा सुरैः सार्धं जगाम शङ्करालयम् । सर्वेशं कथयामास विधाता चन्द्रशेखरम्

tadā brahmā suraiḥ sārdhaṁ jagāma śaṅkarālayam | sarveśaṁ kathayāmāsa vidhātā candraśekharam

Then Brahma, together with the gods, went to Shankara's abode; the Ordainer told the whole matter to Chandrashekhara, the Lord of all.

Verse 47 (devibhagavatam.9.19.47)

ब्रह्मा शिवश्च तैः सार्धं वैकुण्ठं च जगाम ह । दुर्लभं परमं धाम जरामृत्युहरं परम्

brahmā śivaśca taiḥ sārdhaṁ vaikuṇṭhaṁ ca jagāma ha | durlabhaṁ paramaṁ dhāma jarāmṛtyuharaṁ param

Brahma and Shiva, together with them all, went then to Vaikuntha, that supreme abode so hard to attain, the remover of old age and death.

Verse 48 (devibhagavatam.9.19.48)

सम्प्राप च वरं द्वारमाश्रमाणां हरेरहो । ददर्श द्वारपालांश्च रत्नसिंहासनस्थितान्

samprāpa ca varaṁ dvāramāśramāṇāṁ hareraho | dadarśa dvārapālāṁśca ratnasiṁhāsanasthitān

They reached the great gate of Hari's abode; and there they saw the gatekeepers, seated on jeweled thrones —

Verse 49 (devibhagavatam.9.19.49)

शोभितान्पीतवस्त्रैश्च रत्नभूषणभूषितान् । वनमालान्वितान्सर्वान् श्यामसुन्दरविग्रहान्

śobhitānpītavastraiśca ratnabhūṣaṇabhūṣitān | vanamālānvitānsarvān śyāmasundaravigrahān

— resplendent in yellow garments, adorned with jeweled ornaments, all garlanded with forest flowers, of dark and beautiful form —

Verse 50 (devibhagavatam.9.19.50)

शङ्खचक्रगदापद्मधरांश्चैव चतुर्भुजान् । सस्मितान्स्मेरवक्त्रास्यान्पद्मनेत्रान्मनोहरान्

śaṅkhacakragadāpadmadharāṁścaiva caturbhujān | sasmitānsmeravaktrāsyānpadmanetrānmanoharān

— bearing conch, discus, mace, and lotus, four-armed, smiling, their faces radiant, lotus-eyed, enchanting.

Verse 51 (devibhagavatam.9.19.51)

ब्रह्मा तान्कथयामास वृत्तान्तं गमनार्थकम् । तेऽनुज्ञां च ददुस्तस्मै प्रविवेश तदाज्ञया

brahmā tānkathayāmāsa vṛttāntaṁ gamanārthakam | te'nujñāṁ ca dadustasmai praviveśa tadājñayā

Brahma told them the purpose of his coming; they granted him leave, and by their permission he entered.

Verse 52 (devibhagavatam.9.19.52)

एवं षोडश द्वाराणि निरीक्ष्य कमलोद्भवः । देवैः सार्धं तानतीत्य प्रविवेश हरेः सभाम्

evaṁ ṣoḍaśa dvārāṇi nirīkṣya kamalodbhavaḥ | devaiḥ sārdhaṁ tānatītya praviveśa hareḥ sabhām

Thus, having crossed sixteen gates, the Lotus-born, together with the gods, passed through them all and entered Hari's assembly.

Verse 53 (devibhagavatam.9.19.53)

देवर्षिभिः परिवृतां पार्षदैश्च चतुर्भुजैः । नारायणस्वरूपैश्च सर्वैः कौस्तुभभूषितैः

devarṣibhiḥ parivṛtāṁ pārṣadaiśca caturbhujaiḥ | nārāyaṇasvarūpaiśca sarvaiḥ kaustubhabhūṣitaiḥ

That assembly was surrounded by celestial sages and by four-armed attendants, all of the very form of Narayana himself, all adorned with the Kaustubha jewel —

Verse 54 (devibhagavatam.9.19.54)

नवेन्दुमण्डलाकारां चतुरस्रां मनोहराम् । मणीन्द्रहारनिर्माणां हीरासारसुशोभिताम्

navendumaṇḍalākārāṁ caturasrāṁ manoharām | maṇīndrahāranirmāṇāṁ hīrāsārasuśobhitām

— that hall was shaped like the orb of the new moon, foursquare, enchanting, fashioned of garlands of the finest gems, resplendent with the essence of diamonds —

Verse 55 (devibhagavatam.9.19.55)

अमूल्यरत्नखचितां रचितां स्वेच्छया हरेः । माणिक्यमालाजालाभां मुक्तापङ्क्तिविभूषिताम्

amūlyaratnakhacitāṁ racitāṁ svecchayā hareḥ | māṇikyamālājālābhāṁ muktāpaṅktivibhūṣitām

— studded with priceless gems, fashioned by Hari's own will, resembling a network of ruby garlands, adorned with rows of pearls —

Verse 56 (devibhagavatam.9.19.56)

मण्डितां मण्डलाकारै रत्नदर्पणकोटिभिः । विचित्रैश्चित्ररेखाभिर्नानाचित्रविचित्रिताम्

maṇḍitāṁ maṇḍalākārai ratnadarpaṇakoṭibhiḥ | vicitraiścitrarekhābhirnānācitravicitritām

— adorned with circular jeweled mirrors by the crore, decorated with wondrous, varied lines and manifold paintings —

Verse 57 (devibhagavatam.9.19.57)

पद्मरागेन्द्ररचितां रुचिरां मणिपङ्कजैः । सोपानशतकैर्युक्तां स्यमन्तकविनिर्मितैः

padmarāgendraracitāṁ rucirāṁ maṇipaṅkajaiḥ | sopānaśatakairyuktāṁ syamantakavinirmitaiḥ

— fashioned with the finest rubies, lovely with jeweled lotuses, furnished with a hundred steps made of Syamantaka gems —

Verse 58 (devibhagavatam.9.19.58)

पट्टसूत्रग्रन्थियुक्तैश्चारुचन्दनपल्लवैः । इन्द्रनीलस्तम्भवर्यैर्वेष्टितां सुमनोहराम्

paṭṭasūtragranthiyuktaiścārucandanapallavaiḥ | indranīlastambhavaryairveṣṭitāṁ sumanoharām

— hung with silk-cord garlands tied with lovely sprays of sandal, ringed by the finest sapphire pillars, most enchanting —

Verse 59 (devibhagavatam.9.19.59)

सद्रत्नपूर्णकुम्भानां समूहैश्च समन्विताम् । पारिजातप्रसूनानां मालाजालैर्विराजिताम्

sadratnapūrṇakumbhānāṁ samūhaiśca samanvitām | pārijātaprasūnānāṁ mālājālairvirājitām

— filled with clusters of vessels brimming with fine gems, resplendent with networks of garlands of Parijata blossoms —

Verse 60 (devibhagavatam.9.19.60)

कस्तूरीकुङ्कुमारक्तैः सुगन्धिचन्दनद्रुमैः । सुसंस्कृतां तु सर्वत्र वासितां गन्धवायुना

kastūrīkuṅkumāraktaiḥ sugandhicandanadrumaiḥ | susaṁskṛtāṁ tu sarvatra vāsitāṁ gandhavāyunā

— reddened with musk and saffron, set among fragrant sandalwood trees, ordered everywhere, perfumed by a fragrant breeze —

Verse 61 (devibhagavatam.9.19.61)

विद्याधरीसमूहानां नृत्यजालैर्विराजिताम् । सहस्रयोजनायामां परिपूर्णां च किङ्करैः

vidyādharīsamūhānāṁ nṛtyajālairvirājitām | sahasrayojanāyāmāṁ paripūrṇāṁ ca kiṅkaraiḥ

— radiant with the dance-troupes of hosts of Vidyadhari maidens, a thousand yojanas in extent, and filled everywhere with attendants.

Verse 62 (devibhagavatam.9.19.62)

ददर्श श्रीहरिं ब्रह्मा शङ्करश्च सुरैः सह । वसन्तं तन्मध्यदेशे यथेन्दुं तारकावृतम्

dadarśa śrīhariṁ brahmā śaṅkaraśca suraiḥ saha | vasantaṁ tanmadhyadeśe yathenduṁ tārakāvṛtam

There Brahma and Shankara, together with the gods, saw Sri Hari seated in the midst of it, like the moon surrounded by stars.

Verse 63 (devibhagavatam.9.19.63)

अमूल्यरत्ननिर्माणचित्रसिंहासने स्थितम् । किरीटिनं कुण्डलिनं वनमालाविभूषितम्

amūlyaratnanirmāṇacitrasiṁhāsane sthitam | kirīṭinaṁ kuṇḍalinaṁ vanamālāvibhūṣitam

— seated on a wondrous throne fashioned of priceless gems, crowned, wearing earrings, adorned with a forest-flower garland —

Verse 64 (devibhagavatam.9.19.64)

चन्दनोक्षितसर्वाङ्गं बिभ्रतं केलिपङ्कजम् । पुरतो नृत्यगीतं च पश्यन्तं सस्मितं मुदा

candanokṣitasarvāṅgaṁ bibhrataṁ kelipaṅkajam | purato nṛtyagītaṁ ca paśyantaṁ sasmitaṁ mudā

— his whole body anointed with sandal, holding a lotus for play, watching with delight, smiling, the dance and song before him —

Verse 65 (devibhagavatam.9.19.65)

शान्तं सरस्वतीकान्तं लक्ष्मीधृतपदाम्बुजम् । लक्ष्म्या प्रदत्तं ताम्बूलं भुक्तवन्तं सुवासितम्

śāntaṁ sarasvatīkāntaṁ lakṣmīdhṛtapadāmbujam | lakṣmyā pradattaṁ tāmbūlaṁ bhuktavantaṁ suvāsitam

— tranquil, beloved of Sarasvati, his lotus feet held by Lakshmi, partaking of fragrant betel offered by Lakshmi's own hand —

Verse 66 (devibhagavatam.9.19.66)

गङ्गया परया भक्त्या सेवितं श्वेतचामरैः । सर्वैश्च स्तूयमानं च भक्तिनम्रात्मकन्धरैः

gaṅgayā parayā bhaktyā sevitaṁ śvetacāmaraiḥ | sarvaiśca stūyamānaṁ ca bhaktinamrātmakandharaiḥ

— served by Ganga with the utmost devotion using a white chowrie, and praised by everyone, their necks bowed low in devotion.

Verse 67 (devibhagavatam.9.19.67)

एवं विशिष्टं तं दृष्ट्वा परिपूर्णतमं प्रभुम् । ब्रह्मादयः सुराः सर्वे प्रणम्य तुष्टुवुस्तदा

evaṁ viśiṣṭaṁ taṁ dṛṣṭvā paripūrṇatamaṁ prabhum | brahmādayaḥ surāḥ sarve praṇamya tuṣṭuvustadā

Seeing him thus, so exalted, the most complete Lord, Brahma and all the other gods bowed and began to praise him.

Verse 68 (devibhagavatam.9.19.68)

पुलकाञ्चितसर्वाङ्गाः साश्रुनेत्राश्च गद्गदाः । भक्ताश्च परया भक्त्या भीता नम्रात्मकन्धराः

pulakāñcitasarvāṅgāḥ sāśrunetrāśca gadgadāḥ | bhaktāśca parayā bhaktyā bhītā namrātmakandharāḥ

Their whole bodies thrilled with horripilation, their eyes filled with tears, their voices choked; devoted with the utmost devotion, fearful, their necks bowed low —

Verse 69 (devibhagavatam.9.19.69)

कृताञ्जलिपुटो भूत्वा विधाता जगतामपि । वृत्तान्तं कथयामास विनयेन हरेः पुरः

kṛtāñjalipuṭo bhūtvā vidhātā jagatāmapi | vṛttāntaṁ kathayāmāsa vinayena hareḥ puraḥ

— with folded hands, Brahma, the Ordainer of the worlds, told the whole matter with humility before Hari.

Verse 70 (devibhagavatam.9.19.70)

हरिस्तद्वचनं श्रुत्वा सर्वज्ञः सर्वभाववित् । प्रहस्योवाच ब्रह्माणं रहस्यं च मनोहरम्

haristadvacanaṁ śrutvā sarvajñaḥ sarvabhāvavit | prahasyovāca brahmāṇaṁ rahasyaṁ ca manoharam

Hari, hearing those words, all-knowing, the knower of every heart's feeling, laughed and told Brahma an enchanting secret.

Verse 71 (devibhagavatam.9.19.71)

श्रीभगवानुवाच । शङ्खचूडस्य वृत्तान्तं सर्वं जानामि पद्मज । मद्भक्तस्य च गोपस्य महातेजस्विनः पुरा

śrībhagavānuvāca | śaṅkhacūḍasya vṛttāntaṁ sarvaṁ jānāmi padmaja | madbhaktasya ca gopasya mahātejasvinaḥ purā

Sri Bhagavan said: "O Lotus-born, I know the whole account of Shankhachuda — of my own devotee, that gopa of great splendor, in ancient times.

Verse 72 (devibhagavatam.9.19.72)

शृणु तत्सर्ववृत्तान्तमितिहासं पुरातनम् । गोलोकस्यैव चरितं पापघ्नं पुण्यकारकम्

śṛṇu tatsarvavṛttāntamitihāsaṁ purātanam | golokasyaiva caritaṁ pāpaghnaṁ puṇyakārakam

Hear that whole account, this ancient history, itself the very story of Goloka, the destroyer of sin and bringer of merit.

Verse 73 (devibhagavatam.9.19.73)

सुदामा नाम गोपश्च पार्षदप्रवरो मम । स प्राप दानवीं योनिं राधाशापात्सुदारुणात्

sudāmā nāma gopaśca pārṣadapravaro mama | sa prāpa dānavīṁ yoniṁ rādhāśāpātsudāruṇāt

There was a cowherd named Sudama, foremost among my own attendants; he attained a Danava's birth through Radha's most dreadful curse.

Verse 74 (devibhagavatam.9.19.74)

तत्रैकदाहमगमं स्वालयाद्रासमण्डलम् । विरजामपि नीत्वा च मम प्राणाधिका परा

tatraikadāhamagamaṁ svālayādrāsamaṇḍalam | virajāmapi nītvā ca mama prāṇādhikā parā

One day I went from my own abode to the circle of the Rasa, taking with me Viraja, who is dearer to me than my own life —

Verse 75 (devibhagavatam.9.19.75)

सा मां विरजया सार्धं विज्ञाय किङ्करीमुखात् । पश्चात्क्रुद्धा साजगाम न ददर्श च तत्र माम्

sā māṁ virajayā sārdhaṁ vijñāya kiṅkarīmukhāt | paścātkruddhā sājagāma na dadarśa ca tatra mām

— and she, learning from a maidservant's lips that I was there with Viraja, came afterward in anger, but did not find me there —

Verse 76 (devibhagavatam.9.19.76)

विरजां च नदीरूपां मां ज्ञात्वा च तिरोहितम् । पुनर्जगाम सा दृष्ट्वा स्वालयं सखिभिः सह

virajāṁ ca nadīrūpāṁ māṁ jñātvā ca tirohitam | punarjagāma sā dṛṣṭvā svālayaṁ sakhibhiḥ saha

— for Viraja had turned into a river, and I had vanished from sight; seeing this, she went back with her companions to her own abode.

Verse 77 (devibhagavatam.9.19.77)

मां दृष्ट्वा मन्दिरे देवी सुदाम्ना सहितं पुरा । भृशं सा भर्त्सयामास मौनीभूतं च सुस्थिरम्

māṁ dṛṣṭvā mandire devī sudāmnā sahitaṁ purā | bhṛśaṁ sā bhartsayāmāsa maunībhūtaṁ ca susthiram

That goddess had earlier seen me in my chamber together with Sudama; and she reviled me harshly, though I remained silent and unmoved throughout.

Verse 78 (devibhagavatam.9.19.78)

तच्छ्रुत्वासहमानश्च सुदामा तां चुकोप ह । स च तां भर्त्सयामास कोपेन मम सनिधौ

tacchrutvāsahamānaśca sudāmā tāṁ cukopa ha | sa ca tāṁ bhartsayāmāsa kopena mama sanidhau

Hearing this, Sudama, unable to bear it, grew angry at her; and he too, in anger, reviled her in my very presence.

Verse 79 (devibhagavatam.9.19.79)

तच्छ्रुत्वा कोपयुक्ता सा रक्तपङ्कजलोचना । बहिष्कर्तुं चकाराज्ञां सन्त्रस्तं मम संसदि

tacchrutvā kopayuktā sā raktapaṅkajalocanā | bahiṣkartuṁ cakārājñāṁ santrastaṁ mama saṁsadi

Hearing that, she, her lotus-eyes red with fury, gave the order to have him, terrified as he was, thrown out of my assembly.

Verse 80 (devibhagavatam.9.19.80)

सखीलक्षं समुत्तस्थौ दुर्वारं तेजसोल्बणम् । बहिश्चकार तं तूर्णं जल्पन्तं च पुनः पुनः

sakhīlakṣaṁ samuttasthau durvāraṁ tejasolbaṇam | bahiścakāra taṁ tūrṇaṁ jalpantaṁ ca punaḥ punaḥ

A hundred thousand of her companions rose up at once, irresistible, blazing with fury; and they swiftly cast him out, even as he pleaded again and again.

Verse 81 (devibhagavatam.9.19.81)

सा च तत्ताडनं तासां श्रुत्वा रुष्टा शशाप ह । याहि रे दानवीं योनिमित्येवं दारुणं वचः

sā ca tattāḍanaṁ tāsāṁ śrutvā ruṣṭā śaśāpa ha | yāhi re dānavīṁ yonimityevaṁ dāruṇaṁ vacaḥ

Hearing of their beating him, she, enraged, cursed him: "Go — take birth in a Danava womb!" — such was her dreadful word.

Verse 82 (devibhagavatam.9.19.82)

तं गच्छन्तं शपन्तं च रुदन्तं मां प्रणम्य च । वारयामास तुष्टा सा रुदती कृपया पुनः

taṁ gacchantaṁ śapantaṁ ca rudantaṁ māṁ praṇamya ca | vārayāmāsa tuṣṭā sā rudatī kṛpayā punaḥ

As he went, cursed and weeping, he bowed to me; and she, moved by his plight, weeping herself, tried again out of compassion to hold him back.

Verse 83 (devibhagavatam.9.19.83)

हे वत्स तिष्ठ मा गच्छ क्व यासीति पुनः पुनः । समुच्चार्य च तत्पश्चाज्जगाम सा च विक्लवम्

he vatsa tiṣṭha mā gaccha kva yāsīti punaḥ punaḥ | samuccārya ca tatpaścājjagāma sā ca viklavam

"O child, stay, do not go — where are you going?" — saying this again and again; and after that she too went away, distraught.

Verse 84 (devibhagavatam.9.19.84)

गोप्यश्च रुरुदुः सर्वा गोपाश्चापि सुदुःखिताः । ते सर्वे राधिका चापि तत्पश्चाद् बोधिता मया

gopyaśca ruruduḥ sarvā gopāścāpi suduḥkhitāḥ | te sarve rādhikā cāpi tatpaścād bodhitā mayā

All the gopis wept, and the gopas too were greatly grieved; and I consoled all of them, and Radhika too, afterward.

Verse 85 (devibhagavatam.9.19.85)

आयास्यति क्षणार्धेन कृत्वा शापस्य पालनम् । सुदामंस्त्वमिहागच्छेत्युक्त्वा सा च निवारिता

āyāsyati kṣaṇārdhena kṛtvā śāpasya pālanam | sudāmaṁstvamihāgacchetyuktvā sā ca nivāritā

I told them: "He will return within half a moment, once the curse has run its course." Saying "Sudama, you shall come back here," she was thus consoled.

Verse 86 (devibhagavatam.9.19.86)

गोलोकस्य क्षणार्धेन चैकं मन्वन्तरं भवेत् । पृथिव्यां जगतां धातरित्येव वचनं ध्रुवम्

golokasya kṣaṇārdhena caikaṁ manvantaraṁ bhavet | pṛthivyāṁ jagatāṁ dhātarityeva vacanaṁ dhruvam

For half a moment in Goloka equals one whole Manvantara on earth, O ordainer of the worlds — this is a fixed and certain rule.

Verse 87 (devibhagavatam.9.19.87)

इत्येवं शङ्खचूडश्च पुनस्तत्रैव यास्यति । महाबलिष्ठो योगेशः सर्वमायाविशारदः

ityevaṁ śaṅkhacūḍaśca punastatraiva yāsyati | mahābaliṣṭho yogeśaḥ sarvamāyāviśāradaḥ

Thus that mighty lord of yoga, Shankhachuda, skilled in every illusion, shall in time return to that very place.

Verse 88 (devibhagavatam.9.19.88)

मम शूलं गृहीत्वा च शीघ्रं गच्छत भारतम् । शिवः करोतु संहारं मम शूलेन रक्षसः

mama śūlaṁ gṛhītvā ca śīghraṁ gacchata bhāratam | śivaḥ karotu saṁhāraṁ mama śūlena rakṣasaḥ

Take up my trident and go quickly to Bharata; let Shiva slay that demon with this very trident of mine.

Verse 89 (devibhagavatam.9.19.89)

ममैव कवचं कण्ठे सर्वमङ्गलकारकम् । बिभर्ति दानवः शश्वत्संसारे विजयी ततः

mamaiva kavacaṁ kaṇṭhe sarvamaṅgalakārakam | bibharti dānavaḥ śaśvatsaṁsāre vijayī tataḥ

That Danava wears upon his neck my own all-auspicious armor, and it is for that reason he remains ever victorious in this world —

Verse 90 (devibhagavatam.9.19.90)

तस्मिन् ब्रह्मन् स्थिते चैव न कोऽपि हिंसितुं क्षमः । तद्याचनां करिष्यामि विप्ररूपोऽहमेव च

tasmin brahman sthite caiva na ko'pi hiṁsituṁ kṣamaḥ | tadyācanāṁ kariṣyāmi viprarūpo'hameva ca

— as long as it remains with him, O Brahma, no one can slay him; therefore I myself, in the form of a brahmin, shall go and beg it from him.

Verse 91 (devibhagavatam.9.19.91)

सतीत्वहानिस्तत्पत्न्या यत्र काले भविष्यति । तत्रैव काले तन्मृत्युरिति दत्तो वरस्त्वया

satītvahānistatpatnyā yatra kāle bhaviṣyati | tatraiva kāle tanmṛtyuriti datto varastvayā

The very moment his wife's chastity is broken, that very moment his death shall come — such is the boon you yourself once granted him.

Verse 92 (devibhagavatam.9.19.92)

तत्पत्न्याश्चोदरे वीर्यमर्पयिष्यामि निश्चितम् । तत्क्षणे चैव तन्मृत्युर्भविष्यति न संशयः

tatpatnyāścodare vīryamarpayiṣyāmi niścitam | tatkṣaṇe caiva tanmṛtyurbhaviṣyati na saṁśayaḥ

I shall myself, without fail, place my own seed within his wife's womb; and at that very instant his death shall occur, without doubt.

Verse 93 (devibhagavatam.9.19.93)

पश्चात्सा देहमुत्सज्य भविष्यति मम प्रिया । इत्युक्त्वा जगतां नाथो ददौ शूलं हराय च

paścātsā dehamutsajya bhaviṣyati mama priyā | ityuktvā jagatāṁ nātho dadau śūlaṁ harāya ca

"Afterward, giving up that body, she shall become my own beloved." Having said this, the Lord of the worlds gave the trident to Hara.

Verse 94 (devibhagavatam.9.19.94)

शूलं दत्त्वा ययौ शीघ्रं हरिरभ्यन्तरे मुदा । भारतं च ययुर्देवा ब्रह्यरुद्रपुरोगमाः

śūlaṁ dattvā yayau śīghraṁ harirabhyantare mudā | bhārataṁ ca yayurdevā brahyarudrapurogamāḥ

Having given the trident, Hari, joyful, went swiftly into his inner chamber; and the gods, led by Brahma and Rudra, set out for Bharata.