Words of Counsel Spoken for Shankhachuda

Verse 1 (devibhagavatam.9.21.1)

श्रीनारायण उवाच । श्रीकृष्णं मनसा ध्यात्वा रक्षः कृष्णपरायणः । ब्राह्मे मुहूर्ते चोत्थाय पुष्पतल्पान्मनोहरात्

śrīnārāyaṇa uvāca | śrīkṛṣṇaṁ manasā dhyātvā rakṣaḥ kṛṣṇaparāyaṇaḥ | brāhme muhūrte cotthāya puṣpatalpānmanoharāt

Sri Narayana said: Meditating in his mind upon Sri Krishna, that demon, wholly devoted to Krishna, rose at the Brahma-muhurta from his enchanting bed of flowers.

Verse 2 (devibhagavatam.9.21.2)

रात्रिवासः परित्यज्य स्नात्वा मङ्गलवारिणा । धौते च वाससी धृत्वा कृत्वा तिलकमुज्ज्वलम्

rātrivāsaḥ parityajya snātvā maṅgalavāriṇā | dhaute ca vāsasī dhṛtvā kṛtvā tilakamujjvalam

Leaving off his night garments, bathing in auspicious water, putting on washed clothes, and applying a bright tilaka —

Verse 3 (devibhagavatam.9.21.3)

चकाराह्निकमावश्यमभीष्टदेववन्दनम् । दध्याज्यमधुलाजांश्च ददर्श वस्तु मङ्गलम्

cakārāhnikamāvaśyamabhīṣṭadevavandanam | dadhyājyamadhulājāṁśca dadarśa vastu maṅgalam

— he performed his necessary daily rites and worshipped his chosen deity; and he looked upon curd, ghee, honey, and parched grain — auspicious things —

Verse 4 (devibhagavatam.9.21.4)

रत्नश्रेष्ठं मणिश्रेष्ठं वस्त्रश्रेष्ठं च काञ्चनम् । ब्राह्मणेभ्यो ददौ भक्त्या यथा नित्यं च नारद

ratnaśreṣṭhaṁ maṇiśreṣṭhaṁ vastraśreṣṭhaṁ ca kāñcanam | brāhmaṇebhyo dadau bhaktyā yathā nityaṁ ca nārada

— and, as he did every day, O Narada, he gave with devotion the finest gems, the finest jewels, the finest cloth, and gold to the brahmins.

Verse 5 (devibhagavatam.9.21.5)

अमूल्यरत्नं यत्किञ्चिन्मुक्तामाणिक्यहीरकम् । ददौ विप्राय गुरवे यात्रामङ्गलहेतवे

amūlyaratnaṁ yatkiñcinmuktāmāṇikyahīrakam | dadau viprāya gurave yātrāmaṅgalahetave

Whatever priceless gems, pearls, rubies, and diamonds he had, he gave to his brahmin preceptor, for the sake of an auspicious departure.

Verse 6 (devibhagavatam.9.21.6)

गजरत्नमश्वरत्नं धनरत्नं मनोहरम् । ददौ सर्वं दरिद्राय विप्राय मङ्गलाय च

gajaratnamaśvaratnaṁ dhanaratnaṁ manoharam | dadau sarvaṁ daridrāya viprāya maṅgalāya ca

An elephant among elephants, a horse among horses, and enchanting wealth of every kind — all this he gave to a poor brahmin, for the sake of auspiciousness.

Verse 7 (devibhagavatam.9.21.7)

भाण्डाराणां सहस्राणि नगराणां द्विलक्षकम् । ग्रामाणां शतकोटिं च ब्राह्मणाय ददौ मुदा

bhāṇḍārāṇāṁ sahasrāṇi nagarāṇāṁ dvilakṣakam | grāmāṇāṁ śatakoṭiṁ ca brāhmaṇāya dadau mudā

Thousands of treasuries, two hundred thousand cities, and a hundred crores of villages he joyfully gave away to a brahmin as well.

Verse 8 (devibhagavatam.9.21.8)

पुत्रं कृत्वा तु राजेन्द्रं सर्वेषु दानवेषु च । पुत्रं समर्प्य भार्यां तां राज्यं च सर्वसम्पदम्

putraṁ kṛtvā tu rājendraṁ sarveṣu dānaveṣu ca | putraṁ samarpya bhāryāṁ tāṁ rājyaṁ ca sarvasampadam

Having made his son king over all the Danavas, entrusting to him his own wife, his kingdom, and all his wealth —

Verse 9 (devibhagavatam.9.21.9)

प्रजानुचरसङ्घं च भाण्डारं वाहनादिकम् । स्वयं सन्नाहयुक्तश्च धनुष्पाणिर्बभूव ह

prajānucarasaṅghaṁ ca bhāṇḍāraṁ vāhanādikam | svayaṁ sannāhayuktaśca dhanuṣpāṇirbabhūva ha

— entrusting also his subjects, his retinue, his treasury, his mounts and the rest, he himself, now armored, took bow in hand.

Verse 10 (devibhagavatam.9.21.10)

भृत्यद्वारा क्रमेणैव चकार सैन्यसञ्चयम् । अश्वानां च त्रिलक्षेण लक्षेण वरहस्तिनाम्

bhṛtyadvārā krameṇaiva cakāra sainyasañcayam | aśvānāṁ ca trilakṣeṇa lakṣeṇa varahastinām

Through his servants he duly gathered his army — three hundred thousand horses, a hundred thousand fine elephants —

Verse 11 (devibhagavatam.9.21.11)

रथानामयुतेनैव धानुष्काणां त्रिकोटिभिः । त्रिकोटिभिर्वर्मिणां च शूलिनां च त्रिकोटिभिः

rathānāmayutenaiva dhānuṣkāṇāṁ trikoṭibhiḥ | trikoṭibhirvarmiṇāṁ ca śūlināṁ ca trikoṭibhiḥ

— ten thousand chariots, three crores of archers, three crores of armored soldiers, and three crores of spearmen.

Verse 12 (devibhagavatam.9.21.12)

कृता सेनापरिमिता दानवेन्द्रेण नारद । तस्यां सेनापतिश्चैव युद्धशास्त्रविशारदः

kṛtā senāparimitā dānavendreṇa nārada | tasyāṁ senāpatiścaiva yuddhaśāstraviśāradaḥ

Thus, O Narada, the lord of the Danavas assembled his mighty army; and its commander, skilled in the science of war —

Verse 13 (devibhagavatam.9.21.13)

महारथः स विज्ञेयो रथिनां प्रवरो रणे । त्रिलक्षाक्षौहिणीसेनापतिं कृत्वा नराधिपः

mahārathaḥ sa vijñeyo rathināṁ pravaro raṇe | trilakṣākṣauhiṇīsenāpatiṁ kṛtvā narādhipaḥ

— was known as a great warrior, foremost of charioteers in battle; and the king, having made him commander of an army of three hundred thousand akshauhinis —

Verse 14 (devibhagavatam.9.21.14)

त्रिंशदक्षौहिणीबाधं भाण्डौघं च चकार ह । बहिर्बभूव शिविरान्मनसा श्रीहरिं स्मरन्

triṁśadakṣauhiṇībādhaṁ bhāṇḍaughaṁ ca cakāra ha | bahirbabhūva śivirānmanasā śrīhariṁ smaran

— arranged provisions besides for thirty more akshauhinis; and, remembering Sri Hari in his mind, came out from his camp.

Verse 15 (devibhagavatam.9.21.15)

रत्नेन्द्रसारनिर्माणविमानमारुरोह सः । गुरुवर्गान्पुरस्कृत्य प्रययौ शङ्करान्तिकम्

ratnendrasāranirmāṇavimānamāruroha saḥ | guruvargānpuraskṛtya prayayau śaṅkarāntikam

He mounted a chariot fashioned of the finest gems; and, placing his elders and preceptors before him, set out for Shankara's presence.

Verse 16 (devibhagavatam.9.21.16)

पुष्पभद्रानदीतीरे यत्राक्षयवटः शुभः । सिद्धाश्रमं च सिद्धानां सिद्धिक्षेत्रं च नारद

puṣpabhadrānadītīre yatrākṣayavaṭaḥ śubhaḥ | siddhāśramaṁ ca siddhānāṁ siddhikṣetraṁ ca nārada

— to the bank of the river Pushpabhadra, where stood the auspicious, imperishable banyan, the hermitage of the Siddhas, that field of spiritual attainment, O Narada —

Verse 17 (devibhagavatam.9.21.17)

कपिलस्य तपःस्थानं पुण्यक्षेत्रे च भारते । पश्चिमोदधिपूर्वे च मलयस्य च पश्चिमे

kapilasya tapaḥsthānaṁ puṇyakṣetre ca bhārate | paścimodadhipūrve ca malayasya ca paścime

— the place of the sage Kapila's austerity, in the sacred land of Bharata, east of the western ocean and west of the Malaya mountains —

Verse 18 (devibhagavatam.9.21.18)

श्रीशैलोत्तरभागे च गन्धमादनदक्षिणे । पञ्चयोजनविस्तीर्णा दैर्घ्ये शतगुणा तथा

śrīśailottarabhāge ca gandhamādanadakṣiṇe | pañcayojanavistīrṇā dairghye śataguṇā tathā

— north of Shrishaila and south of Gandhamadana — five yojanas wide, and a hundred times that in length —

Verse 19 (devibhagavatam.9.21.19)

शुद्धस्फटिकसङ्काशा भारते च सुपुण्यदा । शाश्वती जलपूर्णा च पुष्पभद्रा नदी शुभा

śuddhasphaṭikasaṅkāśā bhārate ca supuṇyadā | śāśvatī jalapūrṇā ca puṣpabhadrā nadī śubhā

— clear as pure crystal, most meritorious in Bharata, eternal, ever full of water, that auspicious river Pushpabhadra —

Verse 20 (devibhagavatam.9.21.20)

लवणाब्धिप्रिया भार्या शश्वत्सौभाग्यसंयुता । शरावतीमिश्रिता च निर्गता सा हिमालयात्

lavaṇābdhipriyā bhāryā śaśvatsaubhāgyasaṁyutā | śarāvatīmiśritā ca nirgatā sā himālayāt

— the beloved bride of the salt ocean, ever blessed with good fortune, joined with the Sharavati, issuing forth from the Himalayas —

Verse 21 (devibhagavatam.9.21.21)

गोमतीं वामतः कृत्वा प्रविष्टा पश्चिमोदधौ । तत्र गत्वा शङ्खचूडो ददर्श चन्द्रशेखरम्

gomatīṁ vāmataḥ kṛtvā praviṣṭā paścimodadhau | tatra gatvā śaṅkhacūḍo dadarśa candraśekharam

— keeping the Gomati on her left, she flows into the western ocean. Going there, Shankhachuda beheld Chandrashekhara —

Verse 22 (devibhagavatam.9.21.22)

वटमूले समासीनं सूर्यकोटिसमप्रभम् । कृत्वा योगासनं दृष्ट्वा मुद्रायुक्तं च सस्मितम्

vaṭamūle samāsīnaṁ sūryakoṭisamaprabham | kṛtvā yogāsanaṁ dṛṣṭvā mudrāyuktaṁ ca sasmitam

— seated beneath the banyan, radiant as a crore of suns, seated in yogic posture, his hand in a mudra, smiling —

Verse 23 (devibhagavatam.9.21.23)

शुद्धस्फटिकसङ्काशं ज्वलन्तं ब्रह्मतेजसा । त्रिशलपट्टिशधरं व्याघ्रचर्माम्बरं वरम्

śuddhasphaṭikasaṅkāśaṁ jvalantaṁ brahmatejasā | triśalapaṭṭiśadharaṁ vyāghracarmāmbaraṁ varam

— clear as pure crystal, blazing with the splendor of Brahman, bearing trident and battle-axe, clad in a fine tiger-skin —

Verse 24 (devibhagavatam.9.21.24)

भक्तमृत्युहरं शान्तं गौरीकान्तं मनोहरम् । तपसां फलदातारं दातारं सर्वसम्पदाम्

bhaktamṛtyuharaṁ śāntaṁ gaurīkāntaṁ manoharam | tapasāṁ phaladātāraṁ dātāraṁ sarvasampadām

— the remover of death for his devotees, tranquil, beloved of Gauri, enchanting; the giver of the fruit of austerity, the giver of all wealth —

Verse 25 (devibhagavatam.9.21.25)

आशुतोषं प्रसन्नास्यं भक्तानुग्रहकातरम् । विश्वनाथं विश्वबीजं विश्वरूपं च विश्वजम्

āśutoṣaṁ prasannāsyaṁ bhaktānugrahakātaram | viśvanāthaṁ viśvabījaṁ viśvarūpaṁ ca viśvajam

— quickly pleased, of serene countenance, eager to bless his devotees; the Lord of the universe, the seed of the universe, of the very form of the universe, born of the universe —

Verse 26 (devibhagavatam.9.21.26)

विश्वम्भरं विश्ववरं विश्वसंहारकारकम् । कारणं कारणानां च नरकार्णवतारणम्

viśvambharaṁ viśvavaraṁ viśvasaṁhārakārakam | kāraṇaṁ kāraṇānāṁ ca narakārṇavatāraṇam

— the sustainer of the universe, the boon-giver of the universe, the destroyer of the universe; the cause of all causes, the deliverer across the ocean of hell —

Verse 27 (devibhagavatam.9.21.27)

ज्ञानप्रदं ज्ञानबीजं ज्ञानानन्दं सनातनम् । अवरुह्य विमानाच्च तं दृष्ट्वा दानवेश्वरः

jñānapradaṁ jñānabījaṁ jñānānandaṁ sanātanam | avaruhya vimānācca taṁ dṛṣṭvā dānaveśvaraḥ

— the giver of knowledge, the seed of knowledge, the bliss of knowledge, the eternal one. Seeing him, the lord of the Danavas descended from his chariot —

Verse 28 (devibhagavatam.9.21.28)

सर्वैः सार्धं भक्तियुक्तः शिरसा प्रणनाम सः । वामतो भद्रकालीं च स्कन्दं च तत्पुरः स्थितम्

sarvaiḥ sārdhaṁ bhaktiyuktaḥ śirasā praṇanāma saḥ | vāmato bhadrakālīṁ ca skandaṁ ca tatpuraḥ sthitam

— and, together with everyone, filled with devotion, bowed his head to the ground; and he saw Bhadrakali to the left, and Skanda standing before him.

Verse 29 (devibhagavatam.9.21.29)

आशिषं च ददौ तस्मै काली स्कन्दश्च शङ्करः । उत्तस्थुरागतं दृष्ट्वा सर्वे नन्दीश्वरादयः

āśiṣaṁ ca dadau tasmai kālī skandaśca śaṅkaraḥ | uttasthurāgataṁ dṛṣṭvā sarve nandīśvarādayaḥ

Kali, Skanda, and Shankara gave him their blessing; and, seeing him arrive, Nandishvara and all the others rose up.

Verse 30 (devibhagavatam.9.21.30)

परस्परं च भाषन्ते चक्रुस्तत्र च साम्प्रतम् । राजा कृत्वा च सम्भाषामुवास शिवसन्निधौ

parasparaṁ ca bhāṣante cakrustatra ca sāmpratam | rājā kṛtvā ca sambhāṣāmuvāsa śivasannidhau

They spoke to one another there for a while; and the king, having exchanged greetings, sat down in Shiva's presence.

Verse 31 (devibhagavatam.9.21.31)

प्रसन्नात्मा महादेवो भगवांस्तमुवाच ह । महादेव उवाच । विधाता जगतां ब्रह्मा पिता धर्मस्य धर्मवित्

prasannātmā mahādevo bhagavāṁstamuvāca ha | mahādeva uvāca | vidhātā jagatāṁ brahmā pitā dharmasya dharmavit

Mahadeva, his heart at ease, that Lord, spoke to him. Mahadeva said: "Brahma, the ordainer of the worlds, knower of dharma, is the father of Dharma —

Verse 32 (devibhagavatam.9.21.32)

मरीचिस्तस्य पुत्रश्च वैष्णवाश्चापि धार्मिकः । कश्यपश्चापि तत्पुत्रो धर्मिष्ठश्च प्रजापतिः

marīcistasya putraśca vaiṣṇavāścāpi dhārmikaḥ | kaśyapaścāpi tatputro dharmiṣṭhaśca prajāpatiḥ

— Marichi is his son, a Vaishnava and righteous man; and Kashyapa, his own son, is a most righteous Prajapati.

Verse 33 (devibhagavatam.9.21.33)

दक्षः प्रीत्या ददौ तस्मै भक्त्या कन्यास्त्रयोदश । तास्वेका च दनुः साध्वी तत्सौभाग्यविवर्धिता

dakṣaḥ prītyā dadau tasmai bhaktyā kanyāstrayodaśa | tāsvekā ca danuḥ sādhvī tatsaubhāgyavivardhitā

Daksha, out of love and devotion, gave him thirteen daughters; among them was the virtuous Danu, whose fortune was thereby increased.

Verse 34 (devibhagavatam.9.21.34)

चत्वारिंशद्दनोः पुत्रा दानवास्तेजसोल्बणाः । तेष्वेको विप्रचित्तिश्च महाबलपराक्रमः

catvāriṁśaddanoḥ putrā dānavāstejasolbaṇāḥ | teṣveko vipracittiśca mahābalaparākramaḥ

Danu had forty sons, the Danavas, blazing with power; among them was Vipracitti, of great strength and valor.

Verse 35 (devibhagavatam.9.21.35)

तत्पुत्रो धार्मिको दम्भो विष्णुभक्तो जितेन्द्रियः । जजाप परमं मन्त्रं पुष्करे लक्षवत्सरम्

tatputro dhārmiko dambho viṣṇubhakto jitendriyaḥ | jajāpa paramaṁ mantraṁ puṣkare lakṣavatsaram

His son Dambha was righteous, a devotee of Vishnu, of conquered senses; he chanted the supreme mantra at Pushkara for a hundred thousand years.

Verse 36 (devibhagavatam.9.21.36)

शुक्राचार्यं गुरुं कृत्वा कृष्णस्य परमात्मनः । तदा त्वां तनयं प्राप परं कृष्णपरायणम्

śukrācāryaṁ guruṁ kṛtvā kṛṣṇasya paramātmanaḥ | tadā tvāṁ tanayaṁ prāpa paraṁ kṛṣṇaparāyaṇam

Making Shukracharya his preceptor, and Krishna the Supreme Soul his chosen deity, he thereby obtained you as his son, supremely devoted to Krishna.

Verse 37 (devibhagavatam.9.21.37)

पुरा त्वं पार्षदो गोपो गोपेष्वपि सुधार्मिकः । अधुना राधिकाशापाद्भारते दानवेश्वरः

purā tvaṁ pārṣado gopo gopeṣvapi sudhārmikaḥ | adhunā rādhikāśāpādbhārate dānaveśvaraḥ

Formerly you were an attendant, a cowherd, most righteous even among cowherds; now, by Radhika's curse, you have become the lord of the Danavas in Bharata.

Verse 38 (devibhagavatam.9.21.38)

आब्रह्मस्तम्बपर्यन्तं तुच्छं मेने च वैष्णवः । सालोक्यसार्ष्टिसायुज्यसामीप्यं च हरेरपि

ābrahmastambaparyantaṁ tucchaṁ mene ca vaiṣṇavaḥ | sālokyasārṣṭisāyujyasāmīpyaṁ ca harerapi

From Brahma down to a blade of grass, a true Vaishnava counts all things trivial; and even Hari's own realm, glory, form, or nearness to him —

Verse 39 (devibhagavatam.9.21.39)

दीयमानं न गृह्णन्ति वैष्णवाः सेवनं विना । ब्रह्मत्वममरत्वं वा तुच्छं मेने च वैष्णवः

dīyamānaṁ na gṛhṇanti vaiṣṇavāḥ sevanaṁ vinā | brahmatvamamaratvaṁ vā tucchaṁ mene ca vaiṣṇavaḥ

— even when offered, a true Vaishnav does not accept without the chance of continued service; the very state of Brahma, or immortality itself, a Vaishnava counts as trivial.

Verse 40 (devibhagavatam.9.21.40)

इन्द्रत्वं वा मनुत्वं वा न मेने गणनासु च । कृष्णभक्तस्य ते किं वा देवानां विषये भ्रमे

indratvaṁ vā manutvaṁ vā na mene gaṇanāsu ca | kṛṣṇabhaktasya te kiṁ vā devānāṁ viṣaye bhrame

The status of Indra, or of Manu, he does not even count as worth reckoning; so for you, a devotee of Krishna, what confusion could there be in this matter of the gods?

Verse 41 (devibhagavatam.9.21.41)

देहि राज्यं च देवानां मत्प्रीतिं रक्ष भूमिप । सुखं स्वराज्ये त्वं तिष्ठ देवास्तिष्ठन्तु वै पदे

dehi rājyaṁ ca devānāṁ matprītiṁ rakṣa bhūmipa | sukhaṁ svarājye tvaṁ tiṣṭha devāstiṣṭhantu vai pade

Give back to the gods their kingdom, O king, and preserve my goodwill; remain happily in your own realm, and let the gods remain in their own station.

Verse 42 (devibhagavatam.9.21.42)

अलं भूतविरोधेन सर्वे कश्यपवंशजाः । यानि कानि च पापानि ब्रह्महत्यादिकानि च

alaṁ bhūtavirodhena sarve kaśyapavaṁśajāḥ | yāni kāni ca pāpāni brahmahatyādikāni ca

Enough of this enmity among beings — all are born of Kashyapa's own line. Whatever sins there be, even those beginning with the killing of a brahmin —

Verse 43 (devibhagavatam.9.21.43)

ज्ञातिद्रोहस्य पापानि कलां नार्हन्ति षोडशीम् । स्वसम्पदां च हानिं च यदि राजेन्द्र मन्यसे

jñātidrohasya pāpāni kalāṁ nārhanti ṣoḍaśīm | svasampadāṁ ca hāniṁ ca yadi rājendra manyase

— they do not equal even a sixteenth part of the sin of enmity toward one's own kinsmen. And if, O king of kings, you are troubled over the loss of your own wealth —

Verse 44 (devibhagavatam.9.21.44)

सर्वावस्था च समतां केषां याति च सर्वदा । ब्रह्मणश्च तिरोभावो लये प्राकृतिके सदा

sarvāvasthā ca samatāṁ keṣāṁ yāti ca sarvadā | brahmaṇaśca tirobhāvo laye prākṛtike sadā

— whose condition, in truth, ever remains the same? Even Brahma himself disappears at the time of the great cosmic dissolution —

Verse 45 (devibhagavatam.9.21.45)

आविर्भावः पुनस्तस्य प्रभावादीश्वरेच्छया । ज्ञानवृद्धिश्च तपसा स्मृतिलोपश्च निश्चितम्

āvirbhāvaḥ punastasya prabhāvādīśvarecchayā | jñānavṛddhiśca tapasā smṛtilopaśca niścitam

— and his reappearance too comes again by the Ruler's own power and will; growth in knowledge comes by austerity, and the loss of memory too is certain.

Verse 46 (devibhagavatam.9.21.46)

करोति सृष्टिं ज्ञानेन स्रष्टा सोऽपि क्रमेण च । परिपूर्णतमो धर्मः सत्ये सत्याश्रये सदा

karoti sṛṣṭiṁ jñānena sraṣṭā so'pi krameṇa ca | paripūrṇatamo dharmaḥ satye satyāśraye sadā

By knowledge the Creator himself creates, in due order; and Dharma is most complete in the age of Satya, ever resting on truth —

Verse 47 (devibhagavatam.9.21.47)

त्रिभागः सोऽपि त्रेतायां द्विभागो द्वापरे स्मृतः । एकभागः कलौ पूर्वं तदंशश्च कमेण च

tribhāgaḥ so'pi tretāyāṁ dvibhāgo dvāpare smṛtaḥ | ekabhāgaḥ kalau pūrvaṁ tadaṁśaśca kameṇa ca

— three-quarters of it remains in the Treta, half in the Dvapara, one quarter at the start of Kali, and gradually a mere fragment of that —

Verse 48 (devibhagavatam.9.21.48)

कलामात्रं कलेः शेषे कुह्वां चन्द्रकला यथा । यादृक् तेजो रवेर्ग्नीष्मे न तादृक् शिशिरे पुनः

kalāmātraṁ kaleḥ śeṣe kuhvāṁ candrakalā yathā | yādṛk tejo ravergnīṣme na tādṛk śiśire punaḥ

— until, at the very end of Kali, only a sliver remains, like the moon's last thread on the night of the new moon. As is the sun's heat in summer, so it is not in winter —

Verse 49 (devibhagavatam.9.21.49)

दिनेषु यादृङ्मध्याह्ने सायं प्रातर्न तत्समम् । उदयं याति कालेन बालतां च क्रमेण च

dineṣu yādṛṅmadhyāhne sāyaṁ prātarna tatsamam | udayaṁ yāti kālena bālatāṁ ca krameṇa ca

— as the sun is at noon, so it is not in the evening or morning; by time it rises, and by degrees passes into its youth —

Verse 50 (devibhagavatam.9.21.50)

प्रकाण्डतां च तत्पश्चात्कालेऽस्तं पुनरेति सः । दिने प्रच्छन्नतां याति कालेन दुर्दिने घने

prakāṇḍatāṁ ca tatpaścātkāle'staṁ punareti saḥ | dine pracchannatāṁ yāti kālena durdine ghane

— then afterward into full strength, and in time sets once more; and even by day it is hidden by heavy cloud on an overcast day —

Verse 51 (devibhagavatam.9.21.51)

राहुग्रस्ते कम्पितश्च पुनरेव प्रसन्नताम् । परिपूर्णतमश्चन्द्रः पूर्णिमायां च जायते

rāhugraste kampitaśca punareva prasannatām | paripūrṇatamaścandraḥ pūrṇimāyāṁ ca jāyate

— it trembles when seized by Rahu, and then grows serene once more. So too the moon becomes most fully complete on the day of the full moon —

Verse 52 (devibhagavatam.9.21.52)

तादृशो न भवेन्नित्यं क्षयं याति दिने दिने । पुनश्च पुष्टिमायाति परं कुह्वा दिने दिने

tādṛśo na bhavennityaṁ kṣayaṁ yāti dine dine | punaśca puṣṭimāyāti paraṁ kuhvā dine dine

— yet it does not remain so forever; day by day it wanes, and then, up to the new moon, day by day grows to fullness once more.

Verse 53 (devibhagavatam.9.21.53)

सम्पद्युक्तः शुक्लपक्षे कृष्णे म्लानश्च यक्ष्मणा । राहुग्रस्ते दिने म्लानो दुर्दिने न विरोचते

sampadyuktaḥ śuklapakṣe kṛṣṇe mlānaśca yakṣmaṇā | rāhugraste dine mlāno durdine na virocate

Full of splendor in the bright fortnight, it grows dim in the dark fortnight as if wasted by disease; darkened when seized by Rahu, it does not shine on an overcast day either.

Verse 54 (devibhagavatam.9.21.54)

काले चन्द्रो भवेच्छुक्लो भ्रष्टश्रीः कालभेदतः । भविष्यति बलिश्चेन्द्रो भ्रष्टश्रीः सुतलेऽधुना

kāle candro bhavecchuklo bhraṣṭaśrīḥ kālabhedataḥ | bhaviṣyati baliścendro bhraṣṭaśrīḥ sutale'dhunā

In time the moon grows bright, and by time's turning it loses its splendor once again. So too shall Bali become Indra in his own time — he who now, bereft of fortune, dwells in Sutala.

Verse 55 (devibhagavatam.9.21.55)

कालेन पृथ्वी सस्याढ्या सर्वाधारा वसुन्धरा । काले जले निमग्ना सा तिरोभूताम्बुविप्लुता

kālena pṛthvī sasyāḍhyā sarvādhārā vasundharā | kāle jale nimagnā sā tirobhūtāmbuviplutā

By time the earth, the support of all, grows rich with crops; and by time she becomes submerged in water, vanished, engulfed by the flood.

Verse 56 (devibhagavatam.9.21.56)

काले नश्यन्ति विश्वानि प्रभवन्त्येव कालतः । चराचराश्च कालेन नश्यन्ति प्रभवन्ति च

kāle naśyanti viśvāni prabhavantyeva kālataḥ | carācarāśca kālena naśyanti prabhavanti ca

By time the worlds perish, and by time alone they arise; and by time all moving and unmoving beings perish, and by time they come into being.

Verse 57 (devibhagavatam.9.21.57)

ईश्वरस्यैव समता ब्रह्मणः परमात्मनः । अहं मृत्युञ्जयो यस्मादसङ्ख्यं प्राकृतं लयम्

īśvarasyaiva samatā brahmaṇaḥ paramātmanaḥ | ahaṁ mṛtyuñjayo yasmādasaṅkhyaṁ prākṛtaṁ layam

The Supreme Lord alone, the Supreme Brahman, remains ever the same. I am the conqueror of death, since I have witnessed countless dissolutions of the universe —

Verse 58 (devibhagavatam.9.21.58)

आदर्शं चापि द्रक्ष्यामि वारं वारं पुनः पुनः । स च प्रकृतिरूपश्च स एव पुरुषः स्मृतः

ādarśaṁ cāpi drakṣyāmi vāraṁ vāraṁ punaḥ punaḥ | sa ca prakṛtirūpaśca sa eva puruṣaḥ smṛtaḥ

— and shall witness them again and again, time after time. He is of the very nature of Prakriti, and is remembered as Purusha himself —

Verse 59 (devibhagavatam.9.21.59)

स चात्मा स च जीवश्च नानारूपधरः परः । करोति सततं यो हि तनामगुणकीर्तनम्

sa cātmā sa ca jīvaśca nānārūpadharaḥ paraḥ | karoti satataṁ yo hi tanāmaguṇakīrtanam

— he is the Self, and he is the individual soul too, the Supreme who bears manifold forms. Whoever ceaselessly sings the praise of his name and qualities —

Verse 60 (devibhagavatam.9.21.60)

काले मृत्युं स जयति जन्मरोगभयं जराम् । स्रष्टा कृतो विधिस्तेन पाता विष्णुः कृतो भवेत्

kāle mṛtyuṁ sa jayati janmarogabhayaṁ jarām | sraṣṭā kṛto vidhistena pātā viṣṇuḥ kṛto bhavet

— he conquers death, and birth, disease, fear, and old age. By that same power Brahma was made the Creator, and Vishnu the Preserver —

Verse 61 (devibhagavatam.9.21.61)

अहं कृतश्च संहर्ता वयं विषयिणः कृताः । कालाग्निरुद्रं संहारे नियोज्य विषये नृप

ahaṁ kṛtaśca saṁhartā vayaṁ viṣayiṇaḥ kṛtāḥ | kālāgnirudraṁ saṁhāre niyojya viṣaye nṛpa

— and I was made the Destroyer; and we were all made subject to the play of the gunas. Having appointed Kalagni Rudra, O king, for the task of destruction —

Verse 62 (devibhagavatam.9.21.62)

अहं करोमि सततं तन्नामगुणकीर्तनम् । तेन मृत्युञ्जयोऽहं च ज्ञानेनानेन निर्भयः

ahaṁ karomi satataṁ tannāmaguṇakīrtanam | tena mṛtyuñjayo'haṁ ca jñānenānena nirbhayaḥ

— I myself ceaselessly sing the name and qualities of that same Supreme; and it is by this very knowledge that I am the conqueror of death, and fearless.

Verse 63 (devibhagavatam.9.21.63)

मृत्युर्मृत्युभयाद्याति वैनतेयादिवोरगाः । इत्युक्त्वा स च सर्वेशः सर्वभावेन तत्परः

mṛtyurmṛtyubhayādyāti vainateyādivoragāḥ | ityuktvā sa ca sarveśaḥ sarvabhāvena tatparaḥ

"Death itself flees from fear of death, as serpents flee from the son of Vinata." Having said this, that Lord of all, wholly absorbed in this truth —

Verse 64 (devibhagavatam.9.21.64)

विरराम च शम्भुश्च सभामध्ये च नारद । राजा तद्वचनं श्रुत्वा प्रशशंस पुनः पुनः

virarāma ca śambhuśca sabhāmadhye ca nārada | rājā tadvacanaṁ śrutvā praśaśaṁsa punaḥ punaḥ

— Shambhu fell silent there in the midst of the assembly, O Narada; and the king, hearing his words, praised them again and again.

Verse 65 (devibhagavatam.9.21.65)

उवाच मधुरं देवं परं विनयपूर्वकम् । शङ्खचूड उवाच । त्वया यत्कथितं देव नान्यथा वचनं स्मृतम्

uvāca madhuraṁ devaṁ paraṁ vinayapūrvakam | śaṅkhacūḍa uvāca | tvayā yatkathitaṁ deva nānyathā vacanaṁ smṛtam

He spoke sweetly to the supreme God, with the utmost humility. Shankhachuda said: "O God, what you have said cannot be taken as anything but true.

Verse 66 (devibhagavatam.9.21.66)

तथापि किञ्चिद्यथार्थं श्रूयतां मन्निवेदनम् । ज्ञातिद्रोहे महत्पापं त्वयोक्तमधुना च यत्

tathāpi kiñcidyathārthaṁ śrūyatāṁ mannivedanam | jñātidrohe mahatpāpaṁ tvayoktamadhunā ca yat

Yet hear, in due measure, my own submission as well. As for what you have just said, that enmity toward one's kin is a great sin —

Verse 67 (devibhagavatam.9.21.67)

गृहीत्वा तस्य सर्वस्वं कुतः प्रस्थापितो बलिः । मया समुद्धृतं सर्वमूर्ध्वमैश्वर्यमीश्वर

gṛhītvā tasya sarvasvaṁ kutaḥ prasthāpito baliḥ | mayā samuddhṛtaṁ sarvamūrdhvamaiśvaryamīśvara

— then why was Bali, having had everything taken from him, sent down below? Whatever dominion I myself have taken from above, O Lord —

Verse 68 (devibhagavatam.9.21.68)

सुतलाच्च समुद्धर्तुं नालं तत्र गदाधरः । सभ्रातृको हिरण्याक्षः कथं देवैश्च हिंसितः

sutalācca samuddhartuṁ nālaṁ tatra gadādharaḥ | sabhrātṛko hiraṇyākṣaḥ kathaṁ devaiśca hiṁsitaḥ

— even Gadadhara himself is unable to lift him up from Sutala. And how was Hiranyaksha, together with his brother, slain by the gods?

Verse 69 (devibhagavatam.9.21.69)

शुम्भादयश्चासुराश्च कथं देवैर्निपातिताः । पुरा समुद्रमथने पीयूषं भक्षितं सुरैः

śumbhādayaścāsurāśca kathaṁ devairnipātitāḥ | purā samudramathane pīyūṣaṁ bhakṣitaṁ suraiḥ

How were Shumbha and the other asuras cast down by the gods? Formerly, at the churning of the ocean, the nectar was drunk by the gods alone —

Verse 70 (devibhagavatam.9.21.70)

क्लेशभाजो वयं तत्र ते सर्वे फलभोगिनः । क्रीडाभाण्डमिदं विश्वं प्रकृतेः परमात्मनः

kleśabhājo vayaṁ tatra te sarve phalabhoginaḥ | krīḍābhāṇḍamidaṁ viśvaṁ prakṛteḥ paramātmanaḥ

— while it was we who shared in the toil, and they alone who enjoyed the fruit. This universe is but the plaything of Prakriti and the Supreme Soul —

Verse 71 (devibhagavatam.9.21.71)

यस्मै यत्र स ददाति तस्यैश्वर्यं भवेत्तदा । देवदानवयोर्वादः शश्वन्नैमित्तिकः सदा

yasmai yatra sa dadāti tasyaiśvaryaṁ bhavettadā | devadānavayorvādaḥ śaśvannaimittikaḥ sadā

— to whomever, wherever, they choose to grant it, that one's fortune comes to be there. This strife between gods and Danavas is ever an occasional, recurring thing —

Verse 72 (devibhagavatam.9.21.72)

पराजयो जयस्तेषां कालेऽस्माकं क्रमेण च । तदावयोर्विरोधे वाऽऽगमनं निष्कलं परम्

parājayo jayasteṣāṁ kāle'smākaṁ krameṇa ca | tadāvayorvirodhe vā''gamanaṁ niṣkalaṁ param

— their defeat and their victory, and ours in turn, come and go with time. So even if there be enmity between us, your coming here now would be quite fruitless —

Verse 73 (devibhagavatam.9.21.73)

समसम्बन्धिनो बन्धोरीश्वरस्य महात्मनः । इयं ते महती लज्जा युद्धेऽस्माभिः सहाधुना

samasambandhino bandhorīśvarasya mahātmanaḥ | iyaṁ te mahatī lajjā yuddhe'smābhiḥ sahādhunā

— for you, O great Lord, are kin equally to both sides; and to fight against us now would bring you great shame.

Verse 74 (devibhagavatam.9.21.74)

जये ततोऽधिका कीर्तिर्हानिश्चैव पराजये । इत्येतद्वचनं श्रुत्वा प्रहस्य च त्रिलोचनः

jaye tato'dhikā kīrtirhāniścaiva parājaye | ityetadvacanaṁ śrutvā prahasya ca trilocanaḥ

"In victory there is no great glory to be gained, and in defeat, only loss." Hearing these words, the three-eyed Shiva laughed —

Verse 75 (devibhagavatam.9.21.75)

यथोचितमुत्तरं तमुवाच दानवेश्वरम् । महादेव उवाच । युष्माभिः सह युद्धे मे ब्रह्मवंशसमुद्भवैः

yathocitamuttaraṁ tamuvāca dānaveśvaram | mahādeva uvāca | yuṣmābhiḥ saha yuddhe me brahmavaṁśasamudbhavaiḥ

— and gave the lord of the Danavas a fitting reply. Mahadeva said: "In fighting with you, all born of Brahma's own line —

Verse 76 (devibhagavatam.9.21.76)

का लज्जा महती राजन्नकीर्तिर्वा पराजये । युद्धमादौ हरेरेव मधुना कैटभेन च

kā lajjā mahatī rājannakīrtirvā parājaye | yuddhamādau harereva madhunā kaiṭabhena ca

— what great shame is there, O king, or what disgrace in defeat? Hari himself first fought with Madhu and Kaitabha —

Verse 77 (devibhagavatam.9.21.77)

हिरण्यकशिपोश्चैव सह तेनात्मना नृप । हिरण्याक्षस्य युद्धं च पुनस्तेन गदाभृता

hiraṇyakaśipoścaiva saha tenātmanā nṛpa | hiraṇyākṣasya yuddhaṁ ca punastena gadābhṛtā

— and with Hiranyakashipu too, O king, in his own incarnate form; and that same mace-bearer fought again with Hiranyaksha.

Verse 78 (devibhagavatam.9.21.78)

त्रिपुरैः सह युद्धं च मयापि च पुरा कृतम् । सर्वेश्वर्याः सर्वमातुः प्रकृत्याश्च बभूव ह

tripuraiḥ saha yuddhaṁ ca mayāpi ca purā kṛtam | sarveśvaryāḥ sarvamātuḥ prakṛtyāśca babhūva ha

I too once fought with the demons of Tripura; and Prakriti herself, the mother and ruler of all —

Verse 79 (devibhagavatam.9.21.79)

सह शुम्भादिभिः पूर्वं समरः परमाद्भुतः । पार्षदप्रवरस्त्वं च कृष्णस्य परमात्मनः

saha śumbhādibhiḥ pūrvaṁ samaraḥ paramādbhutaḥ | pārṣadapravarastvaṁ ca kṛṣṇasya paramātmanaḥ

— once fought a most wondrous battle with Shumbha and the others. You are but a foremost attendant of Krishna, the Supreme Soul —

Verse 80 (devibhagavatam.9.21.80)

ये ये हताश्च दैतेया नहि केऽपि त्वया समाः । का लज्जा महती राजन् मम युद्धे त्वया सह

ye ye hatāśca daiteyā nahi ke'pi tvayā samāḥ | kā lajjā mahatī rājan mama yuddhe tvayā saha

— and of all the Daityas ever slain, not one is your equal. So what great shame, O king, could there be for me in fighting you?

Verse 81 (devibhagavatam.9.21.81)

सुराणां शरणस्यैव प्रेषितश्च हरेरहो । देहि राज्यं च देवानामिति मे निश्चितं वचः

surāṇāṁ śaraṇasyaiva preṣitaśca hareraho | dehi rājyaṁ ca devānāmiti me niścitaṁ vacaḥ

I have indeed been sent by Hari himself, the refuge of the gods; give back to the gods their kingdom — this is my final and settled word.

Verse 82 (devibhagavatam.9.21.82)

युद्धं वा कुरु मत्सार्धं वाग्व्यये किं प्रयोजनम् । इत्युक्त्वा शङ्करस्तत्र विरराम च नारद । उत्तस्थौ शङ्खचूडश्च ह्यमात्यैः सह सत्वरम्

yuddhaṁ vā kuru matsārdhaṁ vāgvyaye kiṁ prayojanam | ityuktvā śaṅkarastatra virarāma ca nārada | uttasthau śaṅkhacūḍaśca hyamātyaiḥ saha satvaram

"Or else fight with me — what use is there in wasting more words?" Having said this, Shankara fell silent there, O Narada; and Shankhachuda at once rose up, together with his ministers.