The Fruits of Various Karmas, Continued

Verse 1 (devibhagavatam.9.35.1)

धर्मराज उवाच । देवसेवां विना साध्वि न भवेत्कर्मकृन्तनम् । शुद्धकर्म शुद्धबीजं नरकश्च कुकर्मणा

dharmarāja uvāca | devasevāṁ vinā sādhvi na bhavetkarmakṛntanam | śuddhakarma śuddhabījaṁ narakaśca kukarmaṇā

Dharmaraja said: O virtuous one, without service to God, karma cannot be cut away. Pure action is the pure seed of merit, while hell results from evil action.

Verse 2 (devibhagavatam.9.35.2)

पुंश्चल्यन्नं च यो भुङ्क्ते योऽस्यां गच्छेत्पतिव्रते । स द्विजः कालसूत्रं च मृतो याति सुदुर्गमम्

puṁścalyannaṁ ca yo bhuṅkte yo'syāṁ gacchetpativrate | sa dvijaḥ kālasūtraṁ ca mṛto yāti sudurgamam

O faithful wife, the twice-born who eats the food of a promiscuous woman, or who goes to her, upon death goes to the hard-to-traverse Kalasutra.

Verse 3 (devibhagavatam.9.35.3)

शतवर्षं कालसूत्रे स्थिरीभूतो भवेद् ध्रुवम् । तत्र जन्मनि रोगी च ततः शुद्धो भवेद् द्विजः

śatavarṣaṁ kālasūtre sthirībhūto bhaved dhruvam | tatra janmani rogī ca tataḥ śuddho bhaved dvijaḥ

For a hundred years he surely remains fixed there in Kalasutra; in his next birth he is diseased; after that the twice-born becomes purified.

Verse 4 (devibhagavatam.9.35.4)

पतिव्रता चैकपतौ द्वितीये कुलटा स्मृता । तृतीये धर्षिणी ज्ञेया चतुर्थे पुंश्चलीत्यपि

pativratā caikapatau dvitīye kulaṭā smṛtā | tṛtīye dharṣiṇī jñeyā caturthe puṁścalītyapi

A woman faithful to one husband is called "pativrata." With a second man, she is called "kulata." With a third, she is known as "dharshini." With a fourth, she is also called "punshchali."

Verse 5 (devibhagavatam.9.35.5)

वेश्या च पञ्चमे षष्ठे पुङ्गी च सप्तमेऽष्टमे । तत ऊर्ध्वं महावेश्या सास्पृश्या सर्वजातिषु

veśyā ca pañcame ṣaṣṭhe puṅgī ca saptame'ṣṭame | tata ūrdhvaṁ mahāveśyā sāspṛśyā sarvajātiṣu

With a fifth and sixth man, "veshya" (courtesan); with a seventh and eighth, "pungi." Beyond that, she is a "mahaveshya," untouchable to every caste.

Verse 6 (devibhagavatam.9.35.6)

यो द्विजः कुलटां गच्छेद्धर्षिणीं पुंश्चलीमपि । पुङ्गीं वेश्यां महावेश्यां मत्स्योदे याति निश्चितम्

yo dvijaḥ kulaṭāṁ gaccheddharṣiṇīṁ puṁścalīmapi | puṅgīṁ veśyāṁ mahāveśyāṁ matsyode yāti niścitam

The twice-born who goes to a kulata, a dharshini, or a punshchali, or to a pungi, a veshya, or a mahaveshya, surely goes to Matsyoda, the Fish-Water hell.

Verse 7 (devibhagavatam.9.35.7)

शताब्दं कुलटागामी धृष्टागामी चतुर्गुणम् । षड्गुणं पुंश्चलीगामी वेश्यागामी गुणाष्टकम्

śatābdaṁ kulaṭāgāmī dhṛṣṭāgāmī caturguṇam | ṣaḍguṇaṁ puṁścalīgāmī veśyāgāmī guṇāṣṭakam

He who goes to a kulata dwells there a hundred years; to a dharshini, four times that; to a punshchali, six times; to a veshya, eight times.

Verse 8 (devibhagavatam.9.35.8)

पुङ्गीगामी दशगुणं वसेत्तत्र न संशयः । महावेश्याकामुकश्च ततो दशगुणं वसेत्

puṅgīgāmī daśaguṇaṁ vasettatra na saṁśayaḥ | mahāveśyākāmukaśca tato daśaguṇaṁ vaset

He who goes to a pungi surely dwells there tenfold; and he who lusts after a mahaveshya dwells there ten times that again.

Verse 9 (devibhagavatam.9.35.9)

तत्रैव यातनां भुङ्क्ते यमदूतेन ताडितः । तित्तिरिः कुलटागामी धृष्टागामी च वायसः

tatraiva yātanāṁ bhuṅkte yamadūtena tāḍitaḥ | tittiriḥ kulaṭāgāmī dhṛṣṭāgāmī ca vāyasaḥ

There he undergoes torment, beaten by Yama's messenger. Thereafter, he who went to a kulata becomes a partridge; he who went to a dharshini becomes a crow;

Verse 10 (devibhagavatam.9.35.10)

कोकिलः पुंश्चलीगामी वेश्यागामी वृकः स्मृतः । पुङ्गीगामी सूकरश्च सप्तजन्मनि भारते

kokilaḥ puṁścalīgāmī veśyāgāmī vṛkaḥ smṛtaḥ | puṅgīgāmī sūkaraśca saptajanmani bhārate

— he who went to a punshchali becomes a cuckoo; he who went to a veshya is called a wolf; he who went to a pungi becomes a pig, for seven births in Bharata.

Verse 11 (devibhagavatam.9.35.11)

महावेश्याप्रगामी च जायते शाल्मलीतरुः । यो भुङ्क्ते ज्ञानहीनश्च ग्रहणे चन्द्रसूर्ययोः

mahāveśyāpragāmī ca jāyate śālmalītaruḥ | yo bhuṅkte jñānahīnaśca grahaṇe candrasūryayoḥ

He who went to a mahaveshya is born as a silk-cotton tree. He who, devoid of knowledge, eats food during an eclipse of the moon or sun —

Verse 12 (devibhagavatam.9.35.12)

अरुन्तुदं स यात्येवाप्यन्नमानाब्दमेव च । ततो भवेन्मानवश्चाप्युदरे रोगपीडितः

aruntudaṁ sa yātyevāpyannamānābdameva ca | tato bhavenmānavaścāpyudare rogapīḍitaḥ

— surely goes to Aruntuda, for as many years as there are grains of food eaten. Thereafter he becomes a man afflicted with disease of the belly,

Verse 13 (devibhagavatam.9.35.13)

गुल्मयुक्तश्च काणश्च दन्तहीनस्ततः शुचिः । वाक्प्रदत्तां स्वकन्यां च योऽन्यस्मै प्रददाति च

gulmayuktaśca kāṇaśca dantahīnastataḥ śuciḥ | vākpradattāṁ svakanyāṁ ca yo'nyasmai pradadāti ca

— afflicted with abdominal tumors, one-eyed, and toothless; after that he becomes purified. He who, having promised his daughter by word, then gives her to another —

Verse 14 (devibhagavatam.9.35.14)

स वसेत्पांसुकुण्डे च तद्भोजी शतवत्सरम् । तद्द्रव्यहारी यः साध्वि पांसुवेष्टे शताब्दकम्

sa vasetpāṁsukuṇḍe ca tadbhojī śatavatsaram | taddravyahārī yaḥ sādhvi pāṁsuveṣṭe śatābdakam

— dwells in the Dust-Pit, made to consume it, for a hundred years. O virtuous one, he who steals another's property is bound in dust for a hundred years.

Verse 15 (devibhagavatam.9.35.15)

निवसेच्छरशय्यायां मम दूतेन ताडितः । भक्त्या न पूजयेद्विप्रः शिवलिङ्गं च पार्थिवम्

nivaseccharaśayyāyāṁ mama dūtena tāḍitaḥ | bhaktyā na pūjayedvipraḥ śivaliṅgaṁ ca pārthivam

He dwells upon a bed of arrows, beaten by my messenger. The brahmin who does not, with devotion, worship the clay Shiva-linga —

Verse 16 (devibhagavatam.9.35.16)

स याति शूलिनः पापाच्छूलप्रोतं सुदारुणम् । स्थित्वा शताब्दं तत्रैव श्वापदः सप्तजन्मसु

sa yāti śūlinaḥ pāpācchūlaprotaṁ sudāruṇam | sthitvā śatābdaṁ tatraiva śvāpadaḥ saptajanmasu

— goes, for his sin against Shiva, the Trident-Bearer, to the dreadful Impaling-Pit. Having remained there for a hundred years, he becomes a wild beast for seven births.

Verse 17 (devibhagavatam.9.35.17)

ततो भवेद्देवलश्च सप्तजन्म ततः शुचिः । करोति कुण्ठितं विप्रं यद्भिया कम्पते द्विजः

tato bhaveddevalaśca saptajanma tataḥ śuciḥ | karoti kuṇṭhitaṁ vipraṁ yadbhiyā kampate dvijaḥ

Thereafter he becomes a devala for seven births; after that he becomes purified. He who so intimidates a brahmin that the twice-born trembles in fear of him —

Verse 18 (devibhagavatam.9.35.18)

प्रकम्पने वसेत्सोऽपि विप्रलोमाब्दमेव च । प्रकोपवदना कोपात् स्वामिनं या च पश्यति

prakampane vasetso'pi vipralomābdameva ca | prakopavadanā kopāt svāminaṁ yā ca paśyati

— dwells in the Trembling-Pit for as many years as there are hairs upon that brahmin's body. The woman who, in wrath, glares with an angry face at her husband —

Verse 19 (devibhagavatam.9.35.19)

कटूक्तिं तं प्रवदति सोल्मुकं सम्प्रयाति हि । उल्कां ददाति तद्वक्त्रे सततं मम किङ्करः

kaṭūktiṁ taṁ pravadati solmukaṁ samprayāti hi | ulkāṁ dadāti tadvaktre satataṁ mama kiṅkaraḥ

— and speaks harsh words to him, surely goes to the Firebrand-Pit; there my servant continually applies a burning torch to her face.

Verse 20 (devibhagavatam.9.35.20)

दण्डेन ताडयेन्मूर्ध्नि तल्लोमाब्दप्रमाणकम् । ततो भवेन्मानवी च विधवा सप्तजन्मसु

daṇḍena tāḍayenmūrdhni tallomābdapramāṇakam | tato bhavenmānavī ca vidhavā saptajanmasu

He beats her head with a rod, for as many years as there are hairs upon her head. Thereafter she becomes a woman, widowed, for seven births.

Verse 21 (devibhagavatam.9.35.21)

सा भुक्त्वा चैव वैधव्यं व्याधियुक्ता ततः शुचिः । या ब्राह्मणी शूद्रभोग्या चान्धकूपे प्रयाति सा

sā bhuktvā caiva vaidhavyaṁ vyādhiyuktā tataḥ śuciḥ | yā brāhmaṇī śūdrabhogyā cāndhakūpe prayāti sā

Having endured widowhood, afflicted with disease, she then becomes purified. The brahmin woman who is enjoyed by a shudra goes to the Blind Well.

Verse 22 (devibhagavatam.9.35.22)

तप्तशौचोदके ध्वान्ते तदाहारी दिवानिशम् । निवसेदतिसन्तप्ता मम दूतेन ताडिता

taptaśaucodake dhvānte tadāhārī divāniśam | nivasedatisantaptā mama dūtena tāḍitā

In that boiling, filthy water, in darkness, made to consume it day and night, she dwells, exceedingly tormented, beaten by my messenger.

Verse 23 (devibhagavatam.9.35.23)

शौचोदके निमग्ना सा यावदिन्द्राश्चतुर्दश । काकी जन्मसहस्राणि शतजन्मानि सूकरी

śaucodake nimagnā sā yāvadindrāścaturdaśa | kākī janmasahasrāṇi śatajanmāni sūkarī

Immersed in that filthy water for the span of fourteen Indras, she then becomes a crow for a thousand births, and a sow for a hundred births;

Verse 24 (devibhagavatam.9.35.24)

शृगाली शतजन्मानि शतजन्मानि कुक्कुटी । पारावती सप्तजन्म वानरी सप्तजन्मसु

śṛgālī śatajanmāni śatajanmāni kukkuṭī | pārāvatī saptajanma vānarī saptajanmasu

— a jackal for a hundred births, a hen for a hundred births; a dove for seven births, and a female monkey for seven births.

Verse 25 (devibhagavatam.9.35.25)

ततो भवेत्सा चाण्डाली सर्वभोग्या च भारते । ततो भवेच्च रजकी यक्ष्मग्रस्ता च पुंश्चली

tato bhavetsā cāṇḍālī sarvabhogyā ca bhārate | tato bhavecca rajakī yakṣmagrastā ca puṁścalī

Thereafter she becomes an outcaste woman in Bharata, given over to all; then she becomes a washerwoman, afflicted with consumption and promiscuous.

Verse 26 (devibhagavatam.9.35.26)

ततः कुष्ठयुता तैलकारी शुद्धा भवेत्ततः । निवसेद्वेधने वेश्या पुङ्गी च दण्डताडने

tataḥ kuṣṭhayutā tailakārī śuddhā bhavettataḥ | nivasedvedhane veśyā puṅgī ca daṇḍatāḍane

Then she becomes a leprous oil-presser's wife; after that she becomes purified. (Returning to the classification of pits:) the veshya dwells in the Piercing-Pit, and the pungi in the Rod-Beating Pit;

Verse 27 (devibhagavatam.9.35.27)

जलरन्ध्रे वसेद्वेश्या कुलटा देहचूर्णके । स्वैरिणी दलने चैव धृष्टा च शोषणे तथा

jalarandhre vasedveśyā kulaṭā dehacūrṇake | svairiṇī dalane caiva dhṛṣṭā ca śoṣaṇe tathā

— the veshya dwells in the Water-Hole, the kulata in the Body-Pulverizing-Pit; the wanton woman in the Splitting-Pit, and the dharshini in the Withering-Pit;

Verse 28 (devibhagavatam.9.35.28)

निवसेद्यातनायुक्ता मम दूतेन ताडिता । विण्मूत्रभक्षा सततं यावन्मन्वन्तरं सति

nivasedyātanāyuktā mama dūtena tāḍitā | viṇmūtrabhakṣā satataṁ yāvanmanvantaraṁ sati

— each dwells there in torment, beaten by my messenger, continually eating excrement and urine, for the span of a Manvantara.

Verse 29 (devibhagavatam.9.35.29)

ततो भवेद्विट्कृमिश्च लक्षवर्षं ततः शुचिः । ब्राह्मणो ब्राह्मणीं गच्छेत्क्षत्रियां वापि क्षत्रियः

tato bhavedviṭkṛmiśca lakṣavarṣaṁ tataḥ śuciḥ | brāhmaṇo brāhmaṇīṁ gacchetkṣatriyāṁ vāpi kṣatriyaḥ

Thereafter she becomes a worm in excrement for a hundred thousand years; after that she becomes purified. If a brahmin man approaches a brahmin woman not his own, or a kshatriya a kshatriya woman —

Verse 30 (devibhagavatam.9.35.30)

वैश्यो वैश्यां च शूद्रा वा शूद्रश्चापि व्रजेद्यदि । सवर्णपरदारैश्च कषायं यान्ति ते जनाः

vaiśyo vaiśyāṁ ca śūdrā vā śūdraścāpi vrajedyadi | savarṇaparadāraiśca kaṣāyaṁ yānti te janāḥ

— or a vaishya a vaishya woman, or a shudra a shudra woman not his own — those who go to another's wife of their own caste go to Kashaya, the Astringent-Water Hell.

Verse 31 (devibhagavatam.9.35.31)

भुक्त्वा कषायतप्तोदं निवसेद्वा शताब्दकम् । ततो विप्रो भवेच्छुद्धस्ततो वै क्षत्रियादयः

bhuktvā kaṣāyataptodaṁ nivasedvā śatābdakam | tato vipro bhavecchuddhastato vai kṣatriyādayaḥ

Having drunk that boiling astringent water, he dwells there for a hundred years. Thereafter the brahmin becomes purified, and then the kshatriya and the rest as well.

Verse 32 (devibhagavatam.9.35.32)

योषितश्चापि शुद्ध्यन्तीत्येवमाह पितामहः । क्षत्रियो ब्राह्मणीं गच्छेद्वैश्यो वापि पतिव्रते

yoṣitaścāpi śuddhyantītyevamāha pitāmahaḥ | kṣatriyo brāhmaṇīṁ gacchedvaiśyo vāpi pativrate

"Women too become purified in this same way" — so says the Grandfather Brahma. O faithful wife, if a kshatriya goes to a brahmin woman, or a vaishya likewise —

Verse 33 (devibhagavatam.9.35.33)

मातृगामी भवेत्सोऽपि शूर्पे च नरके वसेत् । शूर्पाकारैश्च कृमिभिर्ब्राह्मण्या सह भक्षितः

mātṛgāmī bhavetso'pi śūrpe ca narake vaset | śūrpākāraiśca kṛmibhirbrāhmaṇyā saha bhakṣitaḥ

— he too becomes as one who violates his own mother, and dwells in the hell called Shurpa. There, together with the brahmin woman, he is devoured by winnowing-fan-shaped worms.

Verse 34 (devibhagavatam.9.35.34)

प्रतप्तमूत्रभोजी च मम दूतेन ताडितः । तत्रैव यातनां भुङ्क्ते यावदिन्द्राश्चतुर्दश

prataptamūtrabhojī ca mama dūtena tāḍitaḥ | tatraiva yātanāṁ bhuṅkte yāvadindrāścaturdaśa

Made to consume boiling urine, beaten by my messenger, he undergoes torment there for the span of fourteen Indras.

Verse 35 (devibhagavatam.9.35.35)

सप्तजन्म वराहश्च छागलश्च ततः शुचिः । करे धृत्वा तु तुलसीं प्रतिज्ञां यो न पालयेत्

saptajanma varāhaśca chāgalaśca tataḥ śuciḥ | kare dhṛtvā tu tulasīṁ pratijñāṁ yo na pālayet

He becomes a pig for seven births, and a goat; after that he becomes purified. He who, having taken a Tulasi leaf in hand as a solemn pledge, does not keep his vow —

Verse 36 (devibhagavatam.9.35.36)

मिथ्या वा शपथं कुर्यात्स च ज्वालामुखं व्रजेत् । गङ्गातोयं करे कृत्वा प्रतिज्ञां यो न पालयेत्

mithyā vā śapathaṁ kuryātsa ca jvālāmukhaṁ vrajet | gaṅgātoyaṁ kare kṛtvā pratijñāṁ yo na pālayet

— or who swears a false oath, goes to the Flame-Mouth. He who, having taken Ganga water in hand, does not keep his pledge —

Verse 37 (devibhagavatam.9.35.37)

शिलां वा देवप्रतिमां स च ज्वालामुखं व्रजेत् । दत्त्वा दक्षिणहस्तं च प्रतिज्ञां यो न पालयेत्

śilāṁ vā devapratimāṁ sa ca jvālāmukhaṁ vrajet | dattvā dakṣiṇahastaṁ ca pratijñāṁ yo na pālayet

— or swears by a sacred stone or the image of a deity, goes to the Flame-Mouth. He who, having given his right hand in pledge, does not keep his promise —

Verse 38 (devibhagavatam.9.35.38)

स्थित्वा देवगृहे वापि स च ज्वालामुखं व्रजेत् । आस्पृश्य ब्राह्मणं गां च ज्वालावह्निं व्रजेद् द्विजः

sthitvā devagṛhe vāpi sa ca jvālāmukhaṁ vrajet | āspṛśya brāhmaṇaṁ gāṁ ca jvālāvahniṁ vrajed dvijaḥ

— or breaks his word while standing in a temple, goes to the Flame-Mouth. The twice-born who breaks a vow sworn upon touching a brahmin or a cow goes to the Flame-Fire.

Verse 39 (devibhagavatam.9.35.39)

न पालयेत्प्रतिज्ञां च स च ज्वालामुखं व्रजेत् । मित्रद्रोही कृतघ्नश्च यश्च विश्वासघातकः

na pālayetpratijñāṁ ca sa ca jvālāmukhaṁ vrajet | mitradrohī kṛtaghnaśca yaśca viśvāsaghātakaḥ

In general, whoever fails to keep a pledge goes to the Flame-Mouth. He who betrays a friend, who is ungrateful, and who betrays trust —

Verse 40 (devibhagavatam.9.35.40)

मिथ्यासाक्ष्यप्रदश्चैव स च ज्वालामुखं व्रजेत् । एते तत्र वसन्त्येव यावदिन्द्राश्चतुर्दश

mithyāsākṣyapradaścaiva sa ca jvālāmukhaṁ vrajet | ete tatra vasantyeva yāvadindrāścaturdaśa

— and he who gives false testimony likewise goes to the Flame-Mouth. All these dwell there for the span of fourteen Indras.

Verse 41 (devibhagavatam.9.35.41)

तथाङ्गारप्रदग्धाश्च मम दूतेन ताडिताः । चाण्डालस्तुलसीं स्पृष्ट्वा सप्तजन्म ततः शुचिः

tathāṅgārapradagdhāśca mama dūtena tāḍitāḥ | cāṇḍālastulasīṁ spṛṣṭvā saptajanma tataḥ śuciḥ

— scorched there by burning coals, beaten by my messenger. An outcaste who touches Tulasi remains impure for seven births; after that he becomes purified.

Verse 42 (devibhagavatam.9.35.42)

म्लेच्छो गङ्गाजलस्पर्शी पञ्चजन्म ततः शुचिः । शिलास्पर्शी विट्कृमिश्च सप्तजन्मसु सुन्दरि

mleccho gaṅgājalasparśī pañcajanma tataḥ śuciḥ | śilāsparśī viṭkṛmiśca saptajanmasu sundari

A Mleccha who touches the water of the Ganga remains impure for five births; after that he becomes purified. O beautiful one, he who touches the sacred stone becomes a worm in excrement for seven births.

Verse 43 (devibhagavatam.9.35.43)

अर्चास्पर्शी ब्रह्मकृमिः सप्तजन्म ततः शुचि । दक्षहस्तप्रदाता च सर्पश्च सप्तजन्मसु

arcāsparśī brahmakṛmiḥ saptajanma tataḥ śuci | dakṣahastapradātā ca sarpaśca saptajanmasu

He who wrongfully touches the deity's image becomes a worm for seven births; after that he becomes purified. He who gives his right hand in a false pledge becomes a serpent for seven births.

Verse 44 (devibhagavatam.9.35.44)

ततो भवेद् ब्रह्महीनो मानवश्च ततः शुचिः । मिथ्यावादी देवगृहे देवलः सप्तजन्मसु

tato bhaved brahmahīno mānavaśca tataḥ śuciḥ | mithyāvādī devagṛhe devalaḥ saptajanmasu

Thereafter he becomes a man devoid of brahminical status; after that he becomes purified. He who lies within a temple becomes a devala for seven births.

Verse 45 (devibhagavatam.9.35.45)

विप्रादिस्पर्शकारी च व्याघ्रजातिर्भवेद् ध्रुवम् । ततो भवेच्च मूकः स बधिरश्च त्रिजन्मनि

viprādisparśakārī ca vyāghrajātirbhaved dhruvam | tato bhavecca mūkaḥ sa badhiraśca trijanmani

He who wrongfully touches a brahmin surely becomes a tiger. Thereafter he becomes mute and deaf for three births.

Verse 46 (devibhagavatam.9.35.46)

भार्याहीनो बन्धुहीनो वंशहीनस्ततः शुचिः । मित्रद्रोही च नकुलः कृतघ्नश्चापि गण्डकः

bhāryāhīno bandhuhīno vaṁśahīnastataḥ śuciḥ | mitradrohī ca nakulaḥ kṛtaghnaścāpi gaṇḍakaḥ

Without a wife, without kinsfolk, without lineage; after that he becomes purified. As for the betrayer of a friend and the ungrateful man: the friend-betrayer becomes a mongoose, and the ungrateful man a rhinoceros;

Verse 47 (devibhagavatam.9.35.47)

विश्वासघाती व्याघ्रश्च सप्तजन्मसु भारते । मिथ्यासाक्षी च वक्तव्ये मण्डूकः सप्तजन्मसु

viśvāsaghātī vyāghraśca saptajanmasu bhārate | mithyāsākṣī ca vaktavye maṇḍūkaḥ saptajanmasu

— the betrayer of trust becomes a tiger for seven births in Bharata. He who gives false testimony when he ought to speak the truth becomes a frog for seven births.

Verse 48 (devibhagavatam.9.35.48)

पूर्वान्सप्तापरान्सप्त पुरुषान्हन्ति चात्मनः । नित्यक्रियाविहीनश्च जडत्वेन युतो द्विजः

pūrvānsaptāparānsapta puruṣānhanti cātmanaḥ | nityakriyāvihīnaśca jaḍatvena yuto dvijaḥ

(Regarding those who neglect their daily rites:) he destroys seven generations before him and seven after — the twice-born devoid of daily rites and sunk in sloth;

Verse 49 (devibhagavatam.9.35.49)

यस्यानास्था वेदवाक्ये मन्दं हसति सन्ततम् । व्रतोपवासहीनश्च सद्वाक्यपरनिन्दकः

yasyānāsthā vedavākye mandaṁ hasati santatam | vratopavāsahīnaśca sadvākyaparanindakaḥ

— who has no faith in the words of the Veda, and constantly sneers scornfully at them; who is devoid of vows and fasting, and who reviles wise counsel;

Verse 50 (devibhagavatam.9.35.50)

धूम्रान्धे च वसेत्सोऽपि शताब्दं धूम्रभक्षकः । जलजन्तुर्भवेत्सोऽपि शतजन्मक्रमेण च

dhūmrāndhe ca vasetso'pi śatābdaṁ dhūmrabhakṣakaḥ | jalajanturbhavetso'pi śatajanmakrameṇa ca

— dwells for a hundred years in Dhumrandha, made to breathe smoke there. He then becomes, in due succession, an aquatic creature for a hundred births.

Verse 51 (devibhagavatam.9.35.51)

ततो नानाप्रकारश्च मत्स्यजातिस्ततः शुचिः । यः करोत्युपहासं च देवब्राह्मणयोर्धने

tato nānāprakāraśca matsyajātistataḥ śuciḥ | yaḥ karotyupahāsaṁ ca devabrāhmaṇayordhane

Thereafter he takes birth as fish of various kinds; after that he becomes purified. He who mocks the wealth of gods or brahmins —

Verse 52 (devibhagavatam.9.35.52)

पातयित्वा स पुरुषान्दशपूर्वान्दशापरान् । सोऽयं याति च धूम्रान्धं धूम्रध्वान्तसमन्वितम्

pātayitvā sa puruṣāndaśapūrvāndaśāparān | so'yaṁ yāti ca dhūmrāndhaṁ dhūmradhvāntasamanvitam

— casting down ten generations before him and ten after, this man goes to Dhumrandha, filled with smoke and darkness.

Verse 53 (devibhagavatam.9.35.53)

धूम्रक्लिष्टो धूम्रभोजी वसेत्तत्र चतुर्गुणम् । ततो मूषकजातिश्च सप्तजन्मसु भारते

dhūmrakliṣṭo dhūmrabhojī vasettatra caturguṇam | tato mūṣakajātiśca saptajanmasu bhārate

Tormented by smoke, made to consume it, he dwells there four times as long. Thereafter he takes birth as a mouse for seven births in Bharata.

Verse 54 (devibhagavatam.9.35.54)

ततो नानाविधाः पक्षिजातयः कृमिजातिभिः । ततो नानाविधा वृक्षा पशवश्च ततो नरः

tato nānāvidhāḥ pakṣijātayaḥ kṛmijātibhiḥ | tato nānāvidhā vṛkṣā paśavaśca tato naraḥ

Then he takes various forms of birds and of worms; then various trees and beasts; and then he becomes a man once more.

Verse 55 (devibhagavatam.9.35.55)

विप्रो दैवज्ञजीवी च वैद्यजीवी चिकित्सकः । लाक्षालोहादिव्यापारी रसादिविक्रयी च यः

vipro daivajñajīvī ca vaidyajīvī cikitsakaḥ | lākṣālohādivyāpārī rasādivikrayī ca yaḥ

(Regarding certain trades unbecoming a brahmin:) the brahmin who lives by astrology, or by practicing medicine for a fee, or who trades in lac and metal, or sells mercury and the like —

Verse 56 (devibhagavatam.9.35.56)

स याति नागवेष्टं च नागैर्वेष्टितमेव च । वसेत्स लोममानाब्दं तत्रैव नागपाशितः

sa yāti nāgaveṣṭaṁ ca nāgairveṣṭitameva ca | vasetsa lomamānābdaṁ tatraiva nāgapāśitaḥ

— goes to the Serpent-Coil hell, wrapped about by serpents; he dwells there, bound in serpent-nooses, for as many years as there are hairs upon his body.

Verse 57 (devibhagavatam.9.35.57)

ततो नानाविधाः पक्षिजातयश्च ततो नरः । ततो भवेत्स गणको वैद्यश्च सप्तजन्मसु

tato nānāvidhāḥ pakṣijātayaśca tato naraḥ | tato bhavetsa gaṇako vaidyaśca saptajanmasu

Thereafter he takes various forms of birds; then he becomes a man. Thereafter he becomes an astrologer, and a physician, for seven births.

Verse 58 (devibhagavatam.9.35.58)

गोपश्च कर्मकारश्च रङ्गकारस्ततः शुचिः । प्रसिद्धानि च कुण्डानि कथितानि पतिव्रते

gopaśca karmakāraśca raṅgakārastataḥ śuciḥ | prasiddhāni ca kuṇḍāni kathitāni pativrate

— a cowherd, a blacksmith, and a dyer; after that he becomes purified. O faithful wife, thus have the well-known pits been described.

Verse 59 (devibhagavatam.9.35.59)

अन्यानि चाप्रसिद्धानि क्षुद्राणि सन्ति तत्र वै । सन्ति पातकिनस्तेषु स्वकर्मफलभोगिनः । भ्रमन्ति नानायोनिं च किं भूयः श्रोतुमिच्छसि

anyāni cāprasiddhāni kṣudrāṇi santi tatra vai | santi pātakinasteṣu svakarmaphalabhoginaḥ | bhramanti nānāyoniṁ ca kiṁ bhūyaḥ śrotumicchasi

There are also other, lesser-known and minor pits there. Sinners exist there too, experiencing the fruit of their own karma; they wander through various wombs. What more do you wish to hear?