The Fruits of Various Karmas Described, Continued

Verse 1 (devibhagavatam.9.34.1)

यम उवाच । छिनत्ति जीवं खड्गेन दयाहीनः सुदारुणः । नरघाती हन्ति नरमर्थलोभेन भारते

yama uvāca | chinatti jīvaṁ khaḍgena dayāhīnaḥ sudāruṇaḥ | naraghātī hanti naramarthalobhena bhārate

Yama said: The merciless and dreadful killer who cuts down a living being with a sword; the murderer who, in Bharata, kills a man out of greed for wealth —

Verse 2 (devibhagavatam.9.34.2)

असिपत्रे वसेत्सोऽपि यावदिन्द्राश्चतुर्दश । तेषु यो ब्राह्मणान् हन्ति शतमन्वन्तरं वसेत्

asipatre vasetso'pi yāvadindrāścaturdaśa | teṣu yo brāhmaṇān hanti śatamanvantaraṁ vaset

— dwells in the Sword-Leaf Forest for the span of fourteen Indras. Among these, he who kills brahmins dwells there for a hundred Manvantaras.

Verse 3 (devibhagavatam.9.34.3)

छिन्नाङ्गः संवसेत् सोऽपि खड्गधारेण सन्ततम् । अनाहारः शब्दमुच्चैर्यमदूतेन ताडितः

chinnāṅgaḥ saṁvaset so'pi khaḍgadhāreṇa santatam | anāhāraḥ śabdamuccairyamadūtena tāḍitaḥ

His limbs continually cut by the sword's edge, without food, crying out loudly, beaten by Yama's messenger —

Verse 4 (devibhagavatam.9.34.4)

मन्थानः शतजन्मानि शतजन्मानि सूकरः । कुक्कुटः सप्त जन्मानि शृगालः सप्तजन्मसु

manthānaḥ śatajanmāni śatajanmāni sūkaraḥ | kukkuṭaḥ sapta janmāni śṛgālaḥ saptajanmasu

— he becomes bound to the oil-press for a hundred births, and a pig for a hundred births; a rooster for seven births, a jackal for seven births;

Verse 5 (devibhagavatam.9.34.5)

व्याघ्रश्च सप्त जन्मानि वृकश्चैव त्रिजन्मसु । सप्तजन्मसु मण्डूको यमदूतेन ताडितः

vyāghraśca sapta janmāni vṛkaścaiva trijanmasu | saptajanmasu maṇḍūko yamadūtena tāḍitaḥ

— a tiger for seven births, and a wolf for three births; a frog for seven births, beaten by Yama's messenger.

Verse 6 (devibhagavatam.9.34.6)

स भवेद्भारते वर्षे महिषश्च ततः शुचिः । ग्रामाणां नगराणां वा दहनं यः करोति च

sa bhavedbhārate varṣe mahiṣaśca tataḥ śuciḥ | grāmāṇāṁ nagarāṇāṁ vā dahanaṁ yaḥ karoti ca

He becomes a buffalo in the land of Bharata; after that he becomes purified. He who sets fire to villages or to cities —

Verse 7 (devibhagavatam.9.34.7)

क्षुरधारे वसेत्सोऽपि छिन्नाङ्गस्त्रियुगं सति । ततः प्रेतो भवेत्सद्यो वह्निवक्त्रो भ्रमन्महीम्

kṣuradhāre vasetso'pi chinnāṅgastriyugaṁ sati | tataḥ preto bhavetsadyo vahnivaktro bhramanmahīm

— dwells at the Razor's-Edge, his limbs cut, for three yugas. Thereafter he at once becomes a preta with a fiery mouth, wandering the earth.

Verse 8 (devibhagavatam.9.34.8)

सप्तजन्मामेध्यभोजी कपोतः सप्तजन्मसु । ततो भवेन्महाशूली मानवः सप्तजन्मनि

saptajanmāmedhyabhojī kapotaḥ saptajanmasu | tato bhavenmahāśūlī mānavaḥ saptajanmani

For seven births he eats unclean food; a pigeon for seven births; thereafter he becomes a man tormented by severe stabbing pains for seven births.

Verse 9 (devibhagavatam.9.34.9)

सप्तजन्म गलत्कुष्ठी ततः शुद्धो भवेन्नरः । परकर्णे मुखं दत्त्वा परनिन्दां करोति यः

saptajanma galatkuṣṭhī tataḥ śuddho bhavennaraḥ | parakarṇe mukhaṁ dattvā paranindāṁ karoti yaḥ

For seven births he is afflicted with a wasting leprosy; after that the man becomes purified. He who, putting his mouth to another's ear, whispers slander —

Verse 10 (devibhagavatam.9.34.10)

परदोषे महाश्लाघी देवब्राह्मणनिन्दकः । सूचीमुखे वसेत्सोऽपि सूचीविद्धो युगत्रयम्

paradoṣe mahāślāghī devabrāhmaṇanindakaḥ | sūcīmukhe vasetso'pi sūcīviddho yugatrayam

— he who takes great delight in exposing others' faults, who reviles gods and brahmins, dwells at the Needle-Mouth, pierced by needles, for three yugas.

Verse 11 (devibhagavatam.9.34.11)

ततो भवेद् वृश्चिकश्च सर्पश्च सप्तजन्मसु । वज्रकीटः सप्तजन्म भस्मकीटस्ततः परम्

tato bhaved vṛścikaśca sarpaśca saptajanmasu | vajrakīṭaḥ saptajanma bhasmakīṭastataḥ param

Thereafter he becomes a scorpion, and a serpent for seven births; a thunder-fanged insect for seven births, and after that an ash-dwelling insect.

Verse 12 (devibhagavatam.9.34.12)

ततो भवेन्मानवश्च महाव्याधिस्ततः शुचिः । गृहिणां हि गृहं भित्त्वा वस्तुस्तेयं करोति यः

tato bhavenmānavaśca mahāvyādhistataḥ śuciḥ | gṛhiṇāṁ hi gṛhaṁ bhittvā vastusteyaṁ karoti yaḥ

Then he becomes a man greatly afflicted with disease; after that he becomes purified. He who breaks into householders' homes and steals their possessions —

Verse 13 (devibhagavatam.9.34.13)

गाश्च छागांश्च मेषांश्च याति गोकामुखे च सः । ताडितो यमदूतेन वसेत्तत्र युगत्रयम्

gāśca chāgāṁśca meṣāṁśca yāti gokāmukhe ca saḥ | tāḍito yamadūtena vasettatra yugatrayam

— or steals cows, goats, or sheep, goes to the Cow's-Mouth Pit; beaten by Yama's messenger, he dwells there for three yugas.

Verse 14 (devibhagavatam.9.34.14)

ततो भवेत्सप्तजन्म गोजातिर्व्याधिसंयुतः । त्रिजन्मनि मेषजातिश्छागजातिस्त्रिजन्मनि

tato bhavetsaptajanma gojātirvyādhisaṁyutaḥ | trijanmani meṣajātiśchāgajātistrijanmani

Thereafter he takes birth as a cow, afflicted with disease, for seven births; as a sheep for three births, and a goat for three births.

Verse 15 (devibhagavatam.9.34.15)

ततो भवेन्मानवश्च नित्यरोगी दरिद्रकः । भार्याहीनो बन्धुहीनः सन्तापी च ततः शुचिः

tato bhavenmānavaśca nityarogī daridrakaḥ | bhāryāhīno bandhuhīnaḥ santāpī ca tataḥ śuciḥ

Then he becomes a man, ever diseased and poor; without a wife, without kinsfolk, and afflicted with sorrow; after that he becomes purified.

Verse 16 (devibhagavatam.9.34.16)

सामान्यद्रव्यचौरश्च याति नक्रमुखं च सः । ताडितो यमदूतेन वसेत्तत्राब्दकत्रयम्

sāmānyadravyacauraśca yāti nakramukhaṁ ca saḥ | tāḍito yamadūtena vasettatrābdakatrayam

He who steals ordinary goods goes to the Crocodile's-Mouth Pit; beaten by Yama's messenger, he dwells there for three years.

Verse 17 (devibhagavatam.9.34.17)

ततो भवेत्सप्तजन्म गोपतिर्व्याधिसंयुतः । ततो भवेन्मानवश्च महारोगी ततः शुचिः

tato bhavetsaptajanma gopatirvyādhisaṁyutaḥ | tato bhavenmānavaśca mahārogī tataḥ śuciḥ

Thereafter he becomes, for seven births, a bull afflicted with disease. Then he becomes a man, greatly diseased; after that he becomes purified.

Verse 18 (devibhagavatam.9.34.18)

हन्ति गाश्च गजांश्चैव तुरगांश्च नगांस्तथा । स याति गजदंशं च महापापी युगत्रयम्

hanti gāśca gajāṁścaiva turagāṁśca nagāṁstathā | sa yāti gajadaṁśaṁ ca mahāpāpī yugatrayam

He who kills cows, elephants, horses, and mountain creatures — that great sinner goes to the Elephant's-Bite Pit for three yugas.

Verse 19 (devibhagavatam.9.34.19)

ताडितो यमदूतेन नागदन्तेन सन्ततम् । स भवेद्गजजातिश्च तुरगश्च त्रिजन्मनि

tāḍito yamadūtena nāgadantena santatam | sa bhavedgajajātiśca turagaśca trijanmani

Continually beaten by Yama's messenger with an elephant's tusk, he then becomes an elephant, and a horse, for three births.

Verse 20 (devibhagavatam.9.34.20)

गोजातिर्म्लेच्छजातिश्च ततः शुद्धो भवेन्नरः । जलं पिबन्तीं तृषितां गां वारयति यः पुमान्

gojātirmlecchajātiśca tataḥ śuddho bhavennaraḥ | jalaṁ pibantīṁ tṛṣitāṁ gāṁ vārayati yaḥ pumān

He takes birth as a cow, and among the Mlecchas; after that the man becomes purified. The man who prevents a thirsty cow from drinking water —

Verse 21 (devibhagavatam.9.34.21)

नरकं गोमुखाकारं कृमितप्तोदकान्वितम् । तत्र तिष्ठति सन्तप्तो यावन्मन्वन्तरावधि

narakaṁ gomukhākāraṁ kṛmitaptodakānvitam | tatra tiṣṭhati santapto yāvanmanvantarāvadhi

— goes to a hell shaped like a cow's mouth, filled with scalding, worm-infested water; there he dwells, tormented, for the span of a Manvantara.

Verse 22 (devibhagavatam.9.34.22)

ततो नरोऽपि गोहीनो महारोगी दरिद्रकः । सप्तजन्मान्त्यजातिश्च ततः शुद्धो भवेन्नरः

tato naro'pi gohīno mahārogī daridrakaḥ | saptajanmāntyajātiśca tataḥ śuddho bhavennaraḥ

Thereafter he becomes a man without cattle, greatly diseased and poor; born among the lowest castes for seven births; after that the man becomes purified.

Verse 23 (devibhagavatam.9.34.23)

गोहत्यां ब्रह्महत्यां च करोति ह्यतिदेशिकीम् । यो हि गच्छत्यगम्यां च यः स्त्रीहत्यां करोति च

gohatyāṁ brahmahatyāṁ ca karoti hyatideśikīm | yo hi gacchatyagamyāṁ ca yaḥ strīhatyāṁ karoti ca

He who commits an offense equivalent to the killing of a cow or a brahmin; he who approaches a forbidden woman, or who kills a woman;

Verse 24 (devibhagavatam.9.34.24)

भिक्षुहत्यां महापापी भ्रूणहत्यां च भारते । कुम्भीपाके वसेत्सोऽपि यावदिन्द्राश्चतुर्दश

bhikṣuhatyāṁ mahāpāpī bhrūṇahatyāṁ ca bhārate | kumbhīpāke vasetso'pi yāvadindrāścaturdaśa

— the great sinner who kills a mendicant, or commits the killing of an unborn child in Bharata, dwells in Kumbhipaka for the span of fourteen Indras.

Verse 25 (devibhagavatam.9.34.25)

ताडितो यमदूतेन चूर्ण्यमानश्च सन्ततम् । क्षणं पतति वह्नौ च क्षणं पतति कण्टके

tāḍito yamadūtena cūrṇyamānaśca santatam | kṣaṇaṁ patati vahnau ca kṣaṇaṁ patati kaṇṭake

Continually beaten by Yama's messenger, ground to powder; one moment he falls into fire, the next moment onto thorns;

Verse 26 (devibhagavatam.9.34.26)

क्षणं पतेत्तप्ततैले तप्तो येन क्षणं क्षणम् । क्षणं च तप्तलोहे च क्षणं च तप्तताम्रके

kṣaṇaṁ patettaptataile tapto yena kṣaṇaṁ kṣaṇam | kṣaṇaṁ ca taptalohe ca kṣaṇaṁ ca taptatāmrake

— one moment he falls into boiling oil, scalded moment by moment; one moment upon burning iron, another upon burning copper;

Verse 27 (devibhagavatam.9.34.27)

गृध्रो जन्मसहस्राणि शतजन्मानि सूकरः । काकश्च सप्त जन्मानि सर्पश्च सप्तजन्मसु

gṛdhro janmasahasrāṇi śatajanmāni sūkaraḥ | kākaśca sapta janmāni sarpaśca saptajanmasu

Thereafter he becomes a vulture for a thousand births, a pig for a hundred births; a crow for seven births, and a serpent for seven births.

Verse 28 (devibhagavatam.9.34.28)

षष्टिवर्षसहस्राणि विष्ठायां जायते कृमिः । नानाजन्मसु स वृषस्ततः कुष्ठी दरिद्रकः

ṣaṣṭivarṣasahasrāṇi viṣṭhāyāṁ jāyate kṛmiḥ | nānājanmasu sa vṛṣastataḥ kuṣṭhī daridrakaḥ

For sixty thousand years he is born as a worm in excrement. Through various births he becomes a bull; thereafter he becomes a leper and a pauper.

Verse 29 (devibhagavatam.9.34.29)

सावित्र्युवाच । विप्रहत्या च गोहत्या किंविधा चातिदैशिकी । का वा नृणामगम्या च को वा सन्ध्याविहीनकः

sāvitryuvāca | viprahatyā ca gohatyā kiṁvidhā cātidaiśikī | kā vā nṛṇāmagamyā ca ko vā sandhyāvihīnakaḥ

Savitri said: What are the forms of offense equivalent to killing a brahmin or a cow? Who is a forbidden woman for men, and who is one devoid of the sandhya?

Verse 30 (devibhagavatam.9.34.30)

अदीक्षितः पुमान्को वा को वा तीर्थप्रतिग्रही । द्विजः को वा ग्रामयाजी को वा विप्रोऽथ देवलः

adīkṣitaḥ pumānko vā ko vā tīrthapratigrahī | dvijaḥ ko vā grāmayājī ko vā vipro'tha devalaḥ

Who is an uninitiated man? Who is one who wrongly accepts gifts at a sacred place? Who is the twice-born who serves as village priest, and who is the brahmin-turned-temple-servant?

Verse 31 (devibhagavatam.9.34.31)

शूद्राणां सूपकारश्च प्रमत्तो वृषलीपतिः । एतेषां लक्षणं सर्वं वद वेदविदां वर

śūdrāṇāṁ sūpakāraśca pramatto vṛṣalīpatiḥ | eteṣāṁ lakṣaṇaṁ sarvaṁ vada vedavidāṁ vara

Who is a cook for shudras? Who is negligent, and who is husband to a shudra woman? O foremost among the knowers of the Veda, tell me the meaning of each of these.

Verse 32 (devibhagavatam.9.34.32)

धर्मराज उवाच । श्रीकृष्णे च तदर्चायामन्येषां प्रकृतौ सति । शिवे च शिवलिङ्गे च सूर्ये सूर्यमणौ तथा

dharmarāja uvāca | śrīkṛṣṇe ca tadarcāyāmanyeṣāṁ prakṛtau sati | śive ca śivaliṅge ca sūrye sūryamaṇau tathā

Dharmaraja said: O virtuous one, between Sri Krishna and his image, between other deities and their forms of Prakriti, between Shiva and the Shiva-linga, between the Sun and the sun-crystal —

Verse 33 (devibhagavatam.9.34.33)

गणेशे वाथ दुर्गायामेवं सर्वत्र सुन्दरि । यः करोति भेदबुद्धिं ब्रह्महत्यां लभेत्तु सः

gaṇeśe vātha durgāyāmevaṁ sarvatra sundari | yaḥ karoti bhedabuddhiṁ brahmahatyāṁ labhettu saḥ

— between Ganesha or Durga and their images, and thus everywhere, O beautiful one — whoever draws a distinction between deity and image incurs the sin equivalent to killing a brahmin.

Verse 34 (devibhagavatam.9.34.34)

स्वगुरौ स्वेष्टदेवे च जन्मदातरि मातरि । करोति भेदबुद्धिं यो ब्रह्महत्यां लभेत्तु सः

svagurau sveṣṭadeve ca janmadātari mātari | karoti bhedabuddhiṁ yo brahmahatyāṁ labhettu saḥ

He who draws a disrespectful distinction regarding his own guru, his chosen deity, or the mother who bore him incurs the sin equivalent to killing a brahmin.

Verse 35 (devibhagavatam.9.34.35)

वैष्णवेषु च भक्तेषु ब्राह्मणेष्वितरेषु च । करोति भेदबुद्धिं यो ब्रह्महत्यां लभेत्तु सः

vaiṣṇaveṣu ca bhakteṣu brāhmaṇeṣvitareṣu ca | karoti bhedabuddhiṁ yo brahmahatyāṁ labhettu saḥ

He who draws distinctions among Vaishnavas, among devotees, or among brahmins and other classes incurs the sin equivalent to killing a brahmin.

Verse 36 (devibhagavatam.9.34.36)

विप्रपादोदके चैव शालग्रामोदके तथा । करोति भेदबुद्धिं यो ब्रह्महत्यां लभेत्तु सः

viprapādodake caiva śālagrāmodake tathā | karoti bhedabuddhiṁ yo brahmahatyāṁ labhettu saḥ

He who draws a distinction between the water that has washed a brahmin's feet and the water of the Shaligrama incurs the sin equivalent to killing a brahmin.

Verse 37 (devibhagavatam.9.34.37)

शिवनैवेद्यके चैव हरिनैवेद्यके तथा । करोति भेदबुद्धिं यो ब्रह्महत्यां लभेत्तु सः

śivanaivedyake caiva harinaivedyake tathā | karoti bhedabuddhiṁ yo brahmahatyāṁ labhettu saḥ

He who draws a distinction between food offered to Shiva and food offered to Hari incurs the sin equivalent to killing a brahmin.

Verse 38 (devibhagavatam.9.34.38)

सर्वेश्वरेश्वरे कृष्णे सर्वकारणकारणे । सर्वाद्ये सर्वदेवानां सेव्ये सर्वान्तरात्मनि

sarveśvareśvare kṛṣṇe sarvakāraṇakāraṇe | sarvādye sarvadevānāṁ sevye sarvāntarātmani

Regarding Krishna, the Lord of all lords, the cause of all causes, the source of all, worshipped by all the gods, the inner Self of every being —

Verse 39 (devibhagavatam.9.34.39)

माययानेकरूपे वाप्येक एव हि निर्गुणे । करोतीशेन भेदं यो ब्रह्महत्यां लभेत्तु सः

māyayānekarūpe vāpyeka eva hi nirguṇe | karotīśena bhedaṁ yo brahmahatyāṁ labhettu saḥ

— who, through Maya, appears in many forms, though he is one alone and beyond attributes — whoever perceives him as separate from the Lord incurs the sin equivalent to killing a brahmin.

Verse 40 (devibhagavatam.9.34.40)

शक्तिभक्ते द्वेषबुद्धिं शक्तिशास्त्रे तथैव च । द्वेषं यः कुरुते मर्त्यो ब्रह्महत्यां लभेत्तु सः

śaktibhakte dveṣabuddhiṁ śaktiśāstre tathaiva ca | dveṣaṁ yaḥ kurute martyo brahmahatyāṁ labhettu saḥ

The mortal who harbors hatred toward a devotee of Shakti, or likewise toward the scriptures of Shakti, incurs the sin equivalent to killing a brahmin.

Verse 41 (devibhagavatam.9.34.41)

पितृदेवार्चनं यो वा त्यजेद्वेदनिरूपितम् । यः करोति निषिद्धं च ब्रह्महत्यां लभेत्तु सः

pitṛdevārcanaṁ yo vā tyajedvedanirūpitam | yaḥ karoti niṣiddhaṁ ca brahmahatyāṁ labhettu saḥ

He who abandons the worship of ancestors and gods as prescribed by the Veda, or who does what is forbidden, incurs the sin equivalent to killing a brahmin.

Verse 42 (devibhagavatam.9.34.42)

यो निन्दति हृषीकेशं तन्मन्त्रोपासकं तथा । पवित्राणां पवित्रं च ज्ञानानन्दं सनातनम्

yo nindati hṛṣīkeśaṁ tanmantropāsakaṁ tathā | pavitrāṇāṁ pavitraṁ ca jñānānandaṁ sanātanam

He who reviles Hrishikesha, or likewise the worshipper of his mantra — Vishnu, the purest of the pure, the eternal essence of knowledge and bliss,

Verse 43 (devibhagavatam.9.34.43)

प्रधानं वैष्णवानां च देवानां सेव्यमीश्वरम् । ये नार्चयन्ति निन्दन्ति ब्रह्महत्यां लभन्ति ते

pradhānaṁ vaiṣṇavānāṁ ca devānāṁ sevyamīśvaram | ye nārcayanti nindanti brahmahatyāṁ labhanti te

— foremost among the Vaishnavas, the Lord worshipped by the gods — those who fail to worship him, or who revile him, incur the sin equivalent to killing a brahmin.

Verse 44 (devibhagavatam.9.34.44)

ये निन्दन्ति महादेवीं कारणब्रह्मरूपिणीम् । सर्वशक्तिस्वरूपां च प्रकृतिं सर्वमातरम्

ye nindanti mahādevīṁ kāraṇabrahmarūpiṇīm | sarvaśaktisvarūpāṁ ca prakṛtiṁ sarvamātaram

Those who revile the Great Goddess, whose form is the causal Brahman, whose very nature is all power — Prakriti, Mother of all —

Verse 45 (devibhagavatam.9.34.45)

सर्वदेवस्वरूपां च सर्वेषां वन्दितां सदा । सर्वकारणरूपां च ब्रह्महत्यां लभन्ति ते

sarvadevasvarūpāṁ ca sarveṣāṁ vanditāṁ sadā | sarvakāraṇarūpāṁ ca brahmahatyāṁ labhanti te

— whose form is all the gods, ever venerated by all, whose form is the cause of every cause — such revilers incur the sin equivalent to killing a brahmin.

Verse 46 (devibhagavatam.9.34.46)

कृष्णजन्माष्टमीं रामनवमीं च सुपुण्यदाम् । शिवरात्रिं तथा चैकादशीं वारे रवेस्तथा

kṛṣṇajanmāṣṭamīṁ rāmanavamīṁ ca supuṇyadām | śivarātriṁ tathā caikādaśīṁ vāre ravestathā

Krishna Janmashtami, and Ramanavami which grants great merit; likewise Shivaratri and Ekadashi, and the day of the Sun —

Verse 47 (devibhagavatam.9.34.47)

पञ्च पर्वाणि पुण्यानि ये न कुर्वन्ति मानवाः । लभन्ति ब्रह्महत्यां ते चाण्डालाधिकपापिनः

pañca parvāṇi puṇyāni ye na kurvanti mānavāḥ | labhanti brahmahatyāṁ te cāṇḍālādhikapāpinaḥ

— these five sacred observances, whichever men fail to keep, they incur the sin equivalent to killing a brahmin; they are sinners worse than outcastes.

Verse 48 (devibhagavatam.9.34.48)

अम्बुवाच्यां भूखननं जलशौचादिकं च ये । कुर्वन्ति भारते वर्षे ब्रह्महत्यां लभन्ति ते

ambuvācyāṁ bhūkhananaṁ jalaśaucādikaṁ ca ye | kurvanti bhārate varṣe brahmahatyāṁ labhanti te

Those who, during the Ambuvachi period, dig the earth or perform water-ablutions and the like, in the land of Bharata, incur the sin equivalent to killing a brahmin.

Verse 49 (devibhagavatam.9.34.49)

गुरुञ्च मातरं तातं साध्वीं भार्यां सुतं सुताम् । अनिन्द्यां यो न पुष्णाति ब्रह्महत्यां लभेत्तु सः

guruñca mātaraṁ tātaṁ sādhvīṁ bhāryāṁ sutaṁ sutām | anindyāṁ yo na puṣṇāti brahmahatyāṁ labhettu saḥ

He who fails to support his guru, mother, father, virtuous wife, son, or blameless daughter incurs the sin equivalent to killing a brahmin.

Verse 50 (devibhagavatam.9.34.50)

विवाहो यस्य न भवेन्न पश्यति सुतं तु यः । हरिभक्तिविहीनो यो ब्रह्महत्यां लभेत्तु सः

vivāho yasya na bhavenna paśyati sutaṁ tu yaḥ | haribhaktivihīno yo brahmahatyāṁ labhettu saḥ

He who fails to see his children married, who neglects his son, and who is devoid of devotion to Hari, incurs the sin equivalent to killing a brahmin.

Verse 51 (devibhagavatam.9.34.51)

हरेरनैवेद्यभोजी नित्यं विष्णुं न पूजयेत् । पुण्यं पार्थिवलिङ्गं च ब्रह्महासौ प्रकीर्तितः

hareranaivedyabhojī nityaṁ viṣṇuṁ na pūjayet | puṇyaṁ pārthivaliṅgaṁ ca brahmahāsau prakīrtitaḥ

He who eats food not first offered to Hari, who does not daily worship Vishnu or the meritorious clay linga, is declared to have incurred the sin equivalent to killing a brahmin.

Verse 52 (devibhagavatam.9.34.52)

गोप्रहारं प्रकुर्वन्तं दृष्ट्वा यो न निवारयेत् । याति गोविप्रयोर्मध्ये गोहत्या तु लभेत्तु सः

goprahāraṁ prakurvantaṁ dṛṣṭvā yo na nivārayet | yāti goviprayormadhye gohatyā tu labhettu saḥ

He who, seeing someone strike a cow, fails to stop it, incurs the sin equivalent to killing a cow.

Verse 53 (devibhagavatam.9.34.53)

दण्डैर्गोस्ताडयेन्मूढो यो विप्रो वृषवाहनः । दिने दिने गोवधं च लभते नात्र संशयः

daṇḍairgostāḍayenmūḍho yo vipro vṛṣavāhanaḥ | dine dine govadhaṁ ca labhate nātra saṁśayaḥ

The foolish brahmin who drives a bullock-cart and beats the cow with a stick incurs the sin of killing a cow, day after day — of this there is no doubt.

Verse 54 (devibhagavatam.9.34.54)

ददाति गोभ्य उच्छिष्टं भोजयेद् वृषवाहकम् । भुनक्ति वृषवाहान्नं स गोहत्यां लभेद् ध्रुवम्

dadāti gobhya ucchiṣṭaṁ bhojayed vṛṣavāhakam | bhunakti vṛṣavāhānnaṁ sa gohatyāṁ labhed dhruvam

He who gives leftover food to cows, or who feeds a bullock-cart driver, or who eats a bullock-cart driver's food, surely incurs the sin of killing a cow.

Verse 55 (devibhagavatam.9.34.55)

वृषलीपतिं याजयेद्यो भुङ्क्तेऽन्नं तस्य यो नरः । गोहत्याशतकं सोऽपि लभते नात्र संशयः

vṛṣalīpatiṁ yājayedyo bhuṅkte'nnaṁ tasya yo naraḥ | gohatyāśatakaṁ so'pi labhate nātra saṁśayaḥ

He who officiates as priest for a man married to a shudra woman, or who eats his food, incurs a hundredfold the sin of killing a cow — of this there is no doubt.

Verse 56 (devibhagavatam.9.34.56)

पादं ददाति वह्नौ यो गाश्च पादेन ताडयेत् । गेहं विशेदधौताङ्घ्रिः स्नात्वा गोवधमाप्नुयात्

pādaṁ dadāti vahnau yo gāśca pādena tāḍayet | gehaṁ viśedadhautāṅghriḥ snātvā govadhamāpnuyāt

He who puts his foot to the sacred fire, or kicks cows with his foot, or enters the house with unwashed feet after bathing, incurs the sin of killing a cow.

Verse 57 (devibhagavatam.9.34.57)

यो भुङ्क्ते स्निग्धपादेन शेते स्निग्धाङ्घ्रिरेव च । सूर्योदये च यो भुङ्क्ते स गोहत्यां लभेद् ध्रुवम्

yo bhuṅkte snigdhapādena śete snigdhāṅghrireva ca | sūryodaye ca yo bhuṅkte sa gohatyāṁ labhed dhruvam

He who eats with oiled feet, or sleeps with oiled feet, or eats at sunrise, surely incurs the sin of killing a cow.

Verse 58 (devibhagavatam.9.34.58)

अवीरान्नं च यो भुङ्क्ते योनिजीव्यस्य च द्विजः । यस्त्रिसन्ध्याविहीनश्च गोहत्या लभते च सः

avīrānnaṁ ca yo bhuṅkte yonijīvyasya ca dvijaḥ | yastrisandhyāvihīnaśca gohatyā labhate ca saḥ

The twice-born who eats food from a household without a male protector, or food from one who lives by prostitution, or who neglects the threefold sandhya, incurs the sin of killing a cow.

Verse 59 (devibhagavatam.9.34.59)

स्वभर्तरि च देवे वा भेदबुद्धिं करोति या । कटूक्त्या ताडयेत् कान्तं सा गोहत्यां लभेद् ध्रुवम्

svabhartari ca deve vā bhedabuddhiṁ karoti yā | kaṭūktyā tāḍayet kāntaṁ sā gohatyāṁ labhed dhruvam

The woman who regards her own husband as different from God, or who wounds her beloved with harsh words, surely incurs the sin of killing a cow.

Verse 60 (devibhagavatam.9.34.60)

गोमार्गवर्जनं कृत्वा ददाति सस्यमेव वा । तडागे वा तु दुर्गे वा स गोहत्यां लभेद् ध्रुवम्

gomārgavarjanaṁ kṛtvā dadāti sasyameva vā | taḍāge vā tu durge vā sa gohatyāṁ labhed dhruvam

He who blocks a cow's pathway to sow crops there instead, or builds a pond or a fortress obstructing it, surely incurs the sin of killing a cow.

Verse 61 (devibhagavatam.9.34.61)

प्रायश्चित्ते गोवधस्य यः करोति व्यतिक्रमम् । पुत्रलोभादथाज्ञानात्स गोहत्या लभेद् ध्रुवम्

prāyaścitte govadhasya yaḥ karoti vyatikramam | putralobhādathājñānātsa gohatyā labhed dhruvam

He who neglects the prescribed expiation for the killing of a cow, whether out of desire for a son or out of ignorance, surely incurs the sin of killing a cow.

Verse 62 (devibhagavatam.9.34.62)

राजके दैवके यत्नाद् गोस्वामी गां न रक्षति । दुःखं ददाति यो मूढो गोहत्यां स लभेद् ध्रुवम्

rājake daivake yatnād gosvāmī gāṁ na rakṣati | duḥkhaṁ dadāti yo mūḍho gohatyāṁ sa labhed dhruvam

The owner who does not diligently protect his cow, whether in matters relating to the king or the gods, and the fool who causes it suffering, surely incurs the sin of killing a cow.

Verse 63 (devibhagavatam.9.34.63)

प्राणिनो लङ्घयेद्यो हि देवार्चामनलं जलम् । नैवेद्यं पुष्पमन्नं च स गोहत्यां लभेद् ध्रुवम्

prāṇino laṅghayedyo hi devārcāmanalaṁ jalam | naivedyaṁ puṣpamannaṁ ca sa gohatyāṁ labhed dhruvam

He who steps over the image of a deity, or over fire, water, a food-offering, flowers, or food, surely incurs the sin of killing a cow.

Verse 64 (devibhagavatam.9.34.64)

शश्वन्नास्तीति यो वादी मिथ्यावादी प्रतारकः । देवद्वेषी गुरुद्वेषी स गोहत्यां लभेद् ध्रुवम्

śaśvannāstīti yo vādī mithyāvādī pratārakaḥ | devadveṣī gurudveṣī sa gohatyāṁ labhed dhruvam

He who constantly argues "there is no God," the liar and the deceiver, he who hates the gods and hates his guru, surely incurs the sin of killing a cow.

Verse 65 (devibhagavatam.9.34.65)

देवताप्रतिमां दृष्ट्वा गुरुं वा ब्राह्मणं सति । सम्भ्रमान्न नमेद्यो हि स गोहत्या लभेद् ध्रुवम्

devatāpratimāṁ dṛṣṭvā guruṁ vā brāhmaṇaṁ sati | sambhramānna namedyo hi sa gohatyā labhed dhruvam

He who, seeing the image of a deity, or his guru, or a brahmin, fails to bow with respect, surely incurs the sin of killing a cow.

Verse 66 (devibhagavatam.9.34.66)

न ददात्याशिषं कोपात्प्रणताय च यो द्विजः । विद्यार्थिने च विद्यां च स गोहत्यां लभेद् ध्रुवम्

na dadātyāśiṣaṁ kopātpraṇatāya ca yo dvijaḥ | vidyārthine ca vidyāṁ ca sa gohatyāṁ labhed dhruvam

The twice-born who, out of anger, withholds his blessing from one who bows before him, or withholds learning from a seeker of learning, surely incurs the sin of killing a cow.

Verse 67 (devibhagavatam.9.34.67)

गोहत्या विप्रहत्या च कथिता चातिदेशिकी । गम्यां स्त्रियं नृणामेव निबोध कथयामि ते

gohatyā viprahatyā ca kathitā cātideśikī | gamyāṁ striyaṁ nṛṇāmeva nibodha kathayāmi te

The offenses equivalent to killing a cow and killing a brahmin have now been told. Now learn who is a permissible woman for men — I shall tell you.

Verse 68 (devibhagavatam.9.34.68)

स्वस्त्री गम्या च सर्वेषामिति वेदानुशासनम् । अगम्या च तदन्या या चेति वेदविदो विदुः

svastrī gamyā ca sarveṣāmiti vedānuśāsanam | agamyā ca tadanyā yā ceti vedavido viduḥ

One's own wife is permissible for all — this is the ordinance of the Veda. Any other woman besides her is forbidden — so the knowers of the Veda declare.

Verse 69 (devibhagavatam.9.34.69)

सामान्यं कथितं सर्वं विशेषं शृणु सुन्दरि । अत्यगम्या हि या याश्च निबोध कथयामि ताः

sāmānyaṁ kathitaṁ sarvaṁ viśeṣaṁ śṛṇu sundari | atyagamyā hi yā yāśca nibodha kathayāmi tāḥ

The general rule has now all been told; hear the particulars, O beautiful one. Learn who are the especially forbidden women — I shall tell you.

Verse 70 (devibhagavatam.9.34.70)

शूद्राणां विप्रपत्नी च विप्राणां शूद्रकामिनी । अत्यगम्या च निन्द्या च लोके वेदे पतिव्रते

śūdrāṇāṁ viprapatnī ca viprāṇāṁ śūdrakāminī | atyagamyā ca nindyā ca loke vede pativrate

O faithful wife, a brahmin's wife is, for shudras, utterly forbidden and condemned in both this world and the Veda; and a shudra woman is likewise forbidden for brahmins.

Verse 71 (devibhagavatam.9.34.71)

शूद्रश्च ब्राह्मणीं गत्वा ब्रह्महत्याशतं लभेत् । तत्समं ब्राह्मणी चापि कुम्भीपाकं लभेद् ध्रुवम्

śūdraśca brāhmaṇīṁ gatvā brahmahatyāśataṁ labhet | tatsamaṁ brāhmaṇī cāpi kumbhīpākaṁ labhed dhruvam

A shudra who approaches a brahmin woman incurs a hundred sins equivalent to killing a brahmin; and the brahmin woman likewise surely earns Kumbhipaka in equal measure.

Verse 72 (devibhagavatam.9.34.72)

शूद्राणां विप्रपत्नी च विप्राणां शूद्रकामिनी । यदि शूद्रा व्रजेद्विप्रो वृषलीपतिरेव सः

śūdrāṇāṁ viprapatnī ca viprāṇāṁ śūdrakāminī | yadi śūdrā vrajedvipro vṛṣalīpatireva saḥ

A brahmin's wife is forbidden to shudras, and a shudra woman to brahmins. If a brahmin goes to a shudra woman, he becomes precisely what is called "husband of a shudra woman."

Verse 73 (devibhagavatam.9.34.73)

स भ्रष्टो विप्रजातेश्च चाण्डालात्सोऽधमः स्मृतः । विष्ठासमश्च तत्पिण्डो मूत्रं तस्य च तर्पणम्

sa bhraṣṭo viprajāteśca cāṇḍālātso'dhamaḥ smṛtaḥ | viṣṭhāsamaśca tatpiṇḍo mūtraṁ tasya ca tarpaṇam

He falls from the brahmin caste, and is declared to be more degraded than a chandala. His pinda-offering is deemed equal to excrement, and his water-offering equal to urine.

Verse 74 (devibhagavatam.9.34.74)

न पितॄणां सुराणां च तद्दत्तमुपतिष्ठति । कोटिजन्मार्जितं पुण्यं तस्यार्चात्तपसार्जितम्

na pitṝṇāṁ surāṇāṁ ca taddattamupatiṣṭhati | koṭijanmārjitaṁ puṇyaṁ tasyārcāttapasārjitam

Whatever is given by him does not reach the ancestors or the gods. Whatever merit he earned across a crore births, through worship and austerity —

Verse 75 (devibhagavatam.9.34.75)

द्विजस्य वृषलीलोभान्नश्यत्येव न संशयः । ब्राह्मणश्च सुरापीतिर्विड्भोजी वृषलीपतिः

dvijasya vṛṣalīlobhānnaśyatyeva na saṁśayaḥ | brāhmaṇaśca surāpītirviḍbhojī vṛṣalīpatiḥ

— is surely destroyed by that twice-born's lust for a shudra woman, without doubt. The brahmin who habitually drinks liquor, eats filth, or has taken a shudra wife —

Verse 76 (devibhagavatam.9.34.76)

तप्तमुद्रादग्धदेहस्तप्तशूलाङ्कितस्तथा । हरिवासरभोजी च कुम्भीपाकं व्रजेद् द्विजः

taptamudrādagdhadehastaptaśūlāṅkitastathā | harivāsarabhojī ca kumbhīpākaṁ vrajed dvijaḥ

— his body branded with a burning seal, likewise marked by a heated spike; the twice-born who eats on the day of Hari (Ekadashi) goes to Kumbhipaka.

Verse 77 (devibhagavatam.9.34.77)

गुरुपत्नीं राजपत्नीं सपत्नीं मातरं ध्रुवम् । सुतां पुत्रवधूं श्वश्रूं सगर्भां भगिनीं सतीम्

gurupatnīṁ rājapatnīṁ sapatnīṁ mātaraṁ dhruvam | sutāṁ putravadhūṁ śvaśrūṁ sagarbhāṁ bhaginīṁ satīm

(the list of forbidden women continues:) the guru's wife, the king's wife, a co-wife, one's own mother; one's daughter, daughter-in-law, mother-in-law, a pregnant woman, one's virtuous sister;

Verse 78 (devibhagavatam.9.34.78)

सहोदरभ्रातृजायां मातुलानीं पितुः प्रसूम् । मातुः प्रसूं तत्स्वसारं भगिनीं भ्रातृकन्यकाम्

sahodarabhrātṛjāyāṁ mātulānīṁ pituḥ prasūm | mātuḥ prasūṁ tatsvasāraṁ bhaginīṁ bhrātṛkanyakām

— one's own brother's wife, one's maternal uncle's wife, one's paternal grandmother; one's maternal grandmother, her sister, one's maternal aunt, one's brother's daughter;

Verse 79 (devibhagavatam.9.34.79)

शिष्यां शिष्यस्य पत्नीं च भागिनेयस्य कामिनीम् । भ्रातुः पुत्रप्रियां चैवात्यगम्या आह पद्मजः

śiṣyāṁ śiṣyasya patnīṁ ca bhāgineyasya kāminīm | bhrātuḥ putrapriyāṁ caivātyagamyā āha padmajaḥ

— one's female student, one's disciple's wife, one's nephew's wife, and the beloved of one's nephew — all these too the Lotus-Born Brahma declares utterly forbidden.

Verse 80 (devibhagavatam.9.34.80)

एताः कामेन कान्ता यो व्रजेद्वै मानवाधमः । स मातृगामी वेदेषु ब्रह्महत्याशतं व्रजेत्

etāḥ kāmena kāntā yo vrajedvai mānavādhamaḥ | sa mātṛgāmī vedeṣu brahmahatyāśataṁ vrajet

That basest of men who, in lust, approaches any of these women is declared in the Vedas to be as one who violates his own mother; he incurs a hundredfold the sin of killing a brahmin.

Verse 81 (devibhagavatam.9.34.81)

अकर्मार्होऽप्यसंस्पृश्यो लोके वेदे च निन्दितः । स याति कुम्भीपाके च महापापी सुदुष्करे

akarmārho'pyasaṁspṛśyo loke vede ca ninditaḥ | sa yāti kumbhīpāke ca mahāpāpī suduṣkare

He becomes unfit for any rite, untouchable, condemned in this world and in the Veda; that great sinner goes to Kumbhipaka, so hard to endure.

Verse 82 (devibhagavatam.9.34.82)

करोत्यशुद्धां सन्ध्यां वा न सन्ध्यां वा करोति च । त्रिसन्ध्यं वर्जयेद्यो वा सन्ध्याहीनश्च स द्विजः

karotyaśuddhāṁ sandhyāṁ vā na sandhyāṁ vā karoti ca | trisandhyaṁ varjayedyo vā sandhyāhīnaśca sa dvijaḥ

He who performs the sandhya impurely, or does not perform it at all, or omits the threefold sandhya — that twice-born is what is meant by "one devoid of the sandhya."

Verse 83 (devibhagavatam.9.34.83)

वैष्णवं च तथा शैवं शाक्तं सौरं च गाणपम् । योऽहङ्कारान्न गृह्णाति मन्त्रं सोऽदीक्षितः स्मृतः

vaiṣṇavaṁ ca tathā śaivaṁ śāktaṁ sauraṁ ca gāṇapam | yo'haṅkārānna gṛhṇāti mantraṁ so'dīkṣitaḥ smṛtaḥ

He who, out of pride, does not receive a mantra — whether Vaishnava, Shaiva, Shakta, Saura, or Ganapatya — is declared "uninitiated."

Verse 84 (devibhagavatam.9.34.84)

प्रवाहमवधिं कृत्वा यावद्धस्तचतुष्टयम् । तत्र नारायणः स्वामी गङ्गागर्भान्तरे वसेत्

pravāhamavadhiṁ kṛtvā yāvaddhastacatuṣṭayam | tatra nārāyaṇaḥ svāmī gaṅgāgarbhāntare vaset

(Regarding the boundary of a Narayana-kshetra:) taking the river's current as the boundary, extending four hastas — there, Lord Narayana himself dwells within the depths of the Ganga.

Verse 85 (devibhagavatam.9.34.85)

तत्र नारायणक्षेत्रे मृतो याति हरेः पदम् । वाराणस्यां बदर्यां च गङ्गासागरसङ्गमे

tatra nārāyaṇakṣetre mṛto yāti hareḥ padam | vārāṇasyāṁ badaryāṁ ca gaṅgāsāgarasaṅgame

He who dies within that Narayana-kshetra goes to the abode of Hari. Such sacred sites include Varanasi, Badari, and the confluence of the Ganga with the ocean;

Verse 86 (devibhagavatam.9.34.86)

पुष्करे हरिहरक्षेत्रे प्रभासे कामरूस्थले । हरिद्वारे च केदारे तथा मातृपुरेऽपि च

puṣkare hariharakṣetre prabhāse kāmarūsthale | haridvāre ca kedāre tathā mātṛpure'pi ca

— Pushkara, the field of Hari-Hara, Prabhasa, the land of Kamarupa; Haridwar, and Kedara, and likewise Matripura;

Verse 87 (devibhagavatam.9.34.87)

सरस्वतीनदीतीरे पुण्ये वृन्दावने वने । गोदावर्यां च कौशिक्यां त्रिवेण्यां च हिमाचले

sarasvatīnadītīre puṇye vṛndāvane vane | godāvaryāṁ ca kauśikyāṁ triveṇyāṁ ca himācale

— the banks of the Sarasvati river, the sacred forest of Vrindavana; the Godavari, the Kaushiki, the Triveni, and the Himalayas;

Verse 88 (devibhagavatam.9.34.88)

एषु तीर्थेषु यो दानं प्रतिगृह्णाति कामतः । स च तीर्थप्रतिग्राही कुम्भीपाके प्रयाति सः

eṣu tīrtheṣu yo dānaṁ pratigṛhṇāti kāmataḥ | sa ca tīrthapratigrāhī kumbhīpāke prayāti saḥ

— he who, driven by desire, accepts gifts at these sacred sites is what is meant by "tirtha-receiver," and he goes to Kumbhipaka.

Verse 89 (devibhagavatam.9.34.89)

शूद्रसेवी शूद्रयाजी ग्रामयाजीति कीर्तितः । तथा देवोपजीवी च देवलः परिकीर्तितः

śūdrasevī śūdrayājī grāmayājīti kīrtitaḥ | tathā devopajīvī ca devalaḥ parikīrtitaḥ

One who serves shudras or officiates as priest for them is declared a "village-priest"; and one who lives off temple income is declared a "devala."

Verse 90 (devibhagavatam.9.34.90)

शूद्रपाकोपजीवी यः सूपकार इति स्मृतः । सन्ध्यापूजनहीनश्च प्रमत्तः पतितः स्मृतः

śūdrapākopajīvī yaḥ sūpakāra iti smṛtaḥ | sandhyāpūjanahīnaśca pramattaḥ patitaḥ smṛtaḥ

He who earns his living by cooking for shudras is called a "cook"; and he who neglects the sandhya and worship is called "negligent" and "fallen."

Verse 91 (devibhagavatam.9.34.91)

उक्तं सर्वं मया भद्रे लक्षणं वृषलीपतेः । एते महापातकिनः कुम्भीपाकं प्रयान्ति ते । कुण्डान्यन्यानि ये यान्ति निबोध कथयामि ते

uktaṁ sarvaṁ mayā bhadre lakṣaṇaṁ vṛṣalīpateḥ | ete mahāpātakinaḥ kumbhīpākaṁ prayānti te | kuṇḍānyanyāni ye yānti nibodha kathayāmi te

O gracious one, I have told you the complete definition of the husband of a shudra woman. All these great sinners go to Kumbhipaka. Now learn who goes to the other pits — I shall tell you.