The Story of Svaha

Verse 1 (devibhagavatam.9.43.1)

नारद उवाच । नारायण महाभाग नारायण महाप्रभो । रूपेणैव गुणेनैव यशसा तेजसा त्विषा

nārada uvāca | nārāyaṇa mahābhāga nārāyaṇa mahāprabho | rūpeṇaiva guṇenaiva yaśasā tejasā tviṣā

Narada said: "O Narayana, most fortunate; O Narayana, great Lord — in form, in virtue, in fame, in splendor, in radiance,

Verse 2 (devibhagavatam.9.43.2)

त्वमेव ज्ञानिनां श्रेष्ठः सिद्धानां योगिनां मुने । तपस्विनां मुनीनां च परो वेदविदांवर

tvameva jñānināṁ śreṣṭhaḥ siddhānāṁ yogināṁ mune | tapasvināṁ munīnāṁ ca paro vedavidāṁvara

"you alone are foremost among the wise, O sage, among the perfected and the yogis; supreme among ascetics and sages, O best of the knowers of the Veda.

Verse 3 (devibhagavatam.9.43.3)

महालक्ष्म्या उपाख्यानं विज्ञातं महदद्भुतम् । अन्यत्किञ्चिदुपाख्यानं निगूढं वद साम्प्रतम्

mahālakṣmyā upākhyānaṁ vijñātaṁ mahadadbhutam | anyatkiñcidupākhyānaṁ nigūḍhaṁ vada sāmpratam

"The story of Mahalakshmi, great and wondrous, I have now understood. Tell me now some other hidden story —

Verse 4 (devibhagavatam.9.43.4)

अतीव गोपनीयं यदुपयुक्तं च सर्वतः । अप्रकाश्यं पुराणेषु वेदोक्तं धर्मसंयुतम्

atīva gopanīyaṁ yadupayuktaṁ ca sarvataḥ | aprakāśyaṁ purāṇeṣu vedoktaṁ dharmasaṁyutam

"— something exceedingly secret, yet altogether useful, not commonly disclosed in the Puranas, taught in the Veda, joined with dharma."

Verse 5 (devibhagavatam.9.43.5)

श्रीनारायण उवाच । नानाप्रकारमाख्यानमप्रकाश्यं पुराणतः । श्रुतं कतिविधं गूढमास्ते ब्रह्मन् सुदुर्लभम्

śrīnārāyaṇa uvāca | nānāprakāramākhyānamaprakāśyaṁ purāṇataḥ | śrutaṁ katividhaṁ gūḍhamāste brahman sudurlabham

Shri Narayana said: "There are many kinds of accounts undisclosed in the Puranas; several such hidden and most rare accounts exist, having been heard, O Brahmin.

Verse 6 (devibhagavatam.9.43.6)

तेषु यत्सारभूतं च श्रोतुं किं वा त्वमिच्छसि । तन्मे ब्रूहि महाभाग पश्चाद्वक्ष्यामि तत्पुनः

teṣu yatsārabhūtaṁ ca śrotuṁ kiṁ vā tvamicchasi | tanme brūhi mahābhāga paścādvakṣyāmi tatpunaḥ

"Among them, tell me which essential one you wish to hear, O most fortunate one; then I shall relate it to you."

Verse 7 (devibhagavatam.9.43.7)

नारद उवाच । स्वाहा देवी हविर्दाने प्रशस्ता सर्वकर्मसु । पितृदाने स्वधा शस्ता दक्षिणा सर्वतो वरा

nārada uvāca | svāhā devī havirdāne praśastā sarvakarmasu | pitṛdāne svadhā śastā dakṣiṇā sarvato varā

Narada said: "The goddess Svaha is praised in the offering of oblations, in all rites; Svadha is praised in the offering to the ancestors; Dakshina is the best of all in every way.

Verse 8 (devibhagavatam.9.43.8)

एतासां चरितं जन्मफलं प्राधान्यमेव च । श्रोतुमिच्छामि त्वद्वक्त्राद्वद वेदविदांवर

etāsāṁ caritaṁ janmaphalaṁ prādhānyameva ca | śrotumicchāmi tvadvaktrādvada vedavidāṁvara

"I wish to hear from your own mouth their story — their birth, their fruit, and their preeminence. Tell me, O best of the knowers of the Veda."

Verse 9 (devibhagavatam.9.43.9)

सूत उवाच । नारदस्य वचः श्रुत्वा प्रहस्य मुनिसत्तमः । कथां कथितुमारेभे पुराणोक्तां पुरातनीम्

sūta uvāca | nāradasya vacaḥ śrutvā prahasya munisattamaḥ | kathāṁ kathitumārebhe purāṇoktāṁ purātanīm

Suta said: Hearing Narada's words, that best of sages, smiling, began to relate the ancient story told in the Puranas.

Verse 10 (devibhagavatam.9.43.10)

श्रीनारायण उवाच । सृष्टेः प्रथमतो देवाः स्वाहारार्थं ययुः पुरा । ब्रह्मलोकं ब्रह्मसभामाजग्मुः सुमनोहराम्

śrīnārāyaṇa uvāca | sṛṣṭeḥ prathamato devāḥ svāhārārthaṁ yayuḥ purā | brahmalokaṁ brahmasabhāmājagmuḥ sumanoharām

Shri Narayana said: At the very first of creation, the gods, of old, went in search of food; they went to Brahmaloka, to Brahma's most beautiful assembly.

Verse 11 (devibhagavatam.9.43.11)

गत्वा निवेदनं चक्रुराहारहेतुकं मुने । ब्रह्मा श्रुत्वा प्रतिज्ञाय निषेवे श्रीहरिं परम्

gatvā nivedanaṁ cakrurāhārahetukaṁ mune | brahmā śrutvā pratijñāya niṣeve śrīhariṁ param

Going there, O sage, they made their petition regarding food. Brahma, having heard them, having promised to help, took refuge in the supreme Shri Hari.

Verse 12 (devibhagavatam.9.43.12)

नारद उवाच । यज्ञरूपो हि भगवान् कलया च बभूव ह । यज्ञे यद्यद्धविर्दानं दत्तं तेभ्यश्च ब्राह्मणैः

nārada uvāca | yajñarūpo hi bhagavān kalayā ca babhūva ha | yajñe yadyaddhavirdānaṁ dattaṁ tebhyaśca brāhmaṇaiḥ

Narada said: "The Blessed Lord, indeed, became sacrifice itself, through a partial manifestation. Whatever offering of oblation is given in a sacrifice by the Brahmins to them —

Verse 13 (devibhagavatam.9.43.13)

श्रीनारायण उवाच । हविर्ददति विप्राश्च भक्त्या च क्षत्रियादयः । सुरा नैव प्राप्नुवन्ति तद्दानं मुनिपुङ्गव

śrīnārāyaṇa uvāca | havirdadati viprāśca bhaktyā ca kṣatriyādayaḥ | surā naiva prāpnuvanti taddānaṁ munipuṅgava

Shri Narayana said: "The Brahmins, and the Kshatriyas and others, give offerings with devotion; but the gods, O foremost of sages, were not receiving that gift at all.

Verse 14 (devibhagavatam.9.43.14)

देवा विषण्णास्ते सर्वे तत्सभां च ययुः पुनः । गत्वा निवेदनं चक्रुराहाराभावहेतुकम्

devā viṣaṇṇāste sarve tatsabhāṁ ca yayuḥ punaḥ | gatvā nivedanaṁ cakrurāhārābhāvahetukam

"All the gods, despondent, went once more to that assembly; going there, they made petition concerning the lack of their food.

Verse 15 (devibhagavatam.9.43.15)

ब्रह्मा श्रुत्वा तु ध्यानेन श्रीकृष्णं शरणं ययौ । पूजाञ्चकार प्रकृतेध्यानेनैव तदाज्ञया

brahmā śrutvā tu dhyānena śrīkṛṣṇaṁ śaraṇaṁ yayau | pūjāñcakāra prakṛtedhyānenaiva tadājñayā

"Brahma, hearing them, took refuge in Shri Krishna through meditation. He performed worship of Prakriti through meditation alone, by his command —

Verse 16 (devibhagavatam.9.43.16)

प्रकृतेः कलया चैव सर्वशक्तिस्वरूपिणी । अतीव सुन्दरी श्यामा रमणीया मनोहरा

prakṛteḥ kalayā caiva sarvaśaktisvarūpiṇī | atīva sundarī śyāmā ramaṇīyā manoharā

"— and by a partial manifestation of Prakriti, there appeared one who was the very embodiment of all power, exceedingly beautiful, dark-complexioned, lovely, enchanting,

Verse 17 (devibhagavatam.9.43.17)

ईषद्धास्यप्रसन्नास्या भक्तानुग्रहकातरा । उवाचेति विधेरग्रे पद्मयोने वरं वृणु

īṣaddhāsyaprasannāsyā bhaktānugrahakātarā | uvāceti vidheragre padmayone varaṁ vṛṇu

"her face gently smiling and joyful, eager to bestow grace on her devotees. She spoke thus before the Creator: 'O Lotus-born one, choose your boon.'

Verse 18 (devibhagavatam.9.43.18)

विधिस्तद्वचनं श्रुत्वा सम्भ्रमात्समुवाच ताम् । प्रजापतिरुवाच । त्वमग्नेर्दाहिका शक्तिर्भव यातीव सुन्दरी

vidhistadvacanaṁ śrutvā sambhramātsamuvāca tām | prajāpatiruvāca | tvamagnerdāhikā śaktirbhava yātīva sundarī

"The Creator, hearing her words, spoke to her hastily. Prajapati said: 'Become the burning power of Fire, O you who are exceedingly beautiful.

Verse 19 (devibhagavatam.9.43.19)

दग्धुं न शक्तः प्रकृतीर्हुताशश्च त्वया विना । त्वन्नामोच्चार्य मन्त्रान्ते यो दास्यति हविर्नरः

dagdhuṁ na śaktaḥ prakṛtīrhutāśaśca tvayā vinā | tvannāmoccārya mantrānte yo dāsyati havirnaraḥ

" 'Without you, Fire is not able to consume created things. Whatever man, uttering your name at the end of a mantra, offers an oblation —

Verse 20 (devibhagavatam.9.43.20)

सुरेभ्यस्तत्प्राप्नुवन्ति सुराः सानन्दपूर्वकम् । अग्नेः सम्पत्स्वरूपा च श्रीरूपा सा गृहेश्वरी

surebhyastatprāpnuvanti surāḥ sānandapūrvakam | agneḥ sampatsvarūpā ca śrīrūpā sā gṛheśvarī

" '— that oblation the gods will receive, with great joy. You will be the very prosperity of Fire, the very Shri, the mistress of the household,

Verse 21 (devibhagavatam.9.43.21)

देवानां पूजिता शश्वन्नरादीनां भवाम्बिके । ब्रह्मणश्च वचः श्रुत्वा सा विषण्णा बभूव ह

devānāṁ pūjitā śaśvannarādīnāṁ bhavāmbike | brahmaṇaśca vacaḥ śrutvā sā viṣaṇṇā babhūva ha

" '— ever worshipped by gods and by men, O Mother.' Hearing Brahma's words, she became despondent.

Verse 22 (devibhagavatam.9.43.22)

तमुवाच ततो देवी स्वाभिप्रायं स्वयम्भुवम् । स्वाहोवाच । अहं कृष्णं भजिष्यामि तपसा सुचिरेण च

tamuvāca tato devī svābhiprāyaṁ svayambhuvam | svāhovāca | ahaṁ kṛṣṇaṁ bhajiṣyāmi tapasā sucireṇa ca

Then the Devi spoke her own intention to Svayambhu. Svaha said: "I shall worship Krishna through prolonged austerity.

Verse 23 (devibhagavatam.9.43.23)

ब्रह्मंस्तदन्यं यत्किञ्चित्स्वप्नवद् भ्रममेव च । विधाता जगतस्त्वं च शम्भुर्मृत्युञ्जयो विभुः

brahmaṁstadanyaṁ yatkiñcitsvapnavad bhramameva ca | vidhātā jagatastvaṁ ca śambhurmṛtyuñjayo vibhuḥ

"O Brahma, everything else besides him is but a dream, mere delusion. You are the ordainer of the world, and Shambhu is the conqueror of death, the all-pervading lord;

Verse 24 (devibhagavatam.9.43.24)

बिभर्ति शेषो विश्वं च धर्मः साक्षी च धर्मिणाम् । सर्वाद्यपूज्यो देवानां गणेषु च गणेश्वरः

bibharti śeṣo viśvaṁ ca dharmaḥ sākṣī ca dharmiṇām | sarvādyapūjyo devānāṁ gaṇeṣu ca gaṇeśvaraḥ

"Shesha bears the universe; Dharma is the witness of the righteous; foremost among all worshipped by the gods, the lord of the ganas;

Verse 25 (devibhagavatam.9.43.25)

प्रकृतिः सर्वसम्पूज्या यत्प्रसादात्पुराभवत् । ऋषयो मुनयश्चैव पूजिता यन्निषेवया

prakṛtiḥ sarvasampūjyā yatprasādātpurābhavat | ṛṣayo munayaścaiva pūjitā yanniṣevayā

"Prakriti is worshipped by all, by whose grace all this came to be of old; sages and munis alike are honored through their service to him.

Verse 26 (devibhagavatam.9.43.26)

तत्पादपद्मं नियतं भावेन चिन्तयाम्यहम् । पद्मास्या पाद्यमित्युक्त्वा पद्मनाभानुसारतः

tatpādapadmaṁ niyataṁ bhāvena cintayāmyaham | padmāsyā pādyamityuktvā padmanābhānusārataḥ

"Upon his lotus feet alone, with steady devotion, do I meditate." Speaking thus with her lotus-mouth, in accordance with the Lotus-Navelled One,

Verse 27 (devibhagavatam.9.43.27)

जगाम तपसे देवी ध्यात्वा कृष्णं निरामयम् । तपस्तेपे वर्षलक्षमेकपादेन पद्मजा

jagāma tapase devī dhyātvā kṛṣṇaṁ nirāmayam | tapastepe varṣalakṣamekapādena padmajā

the Devi went forth to perform austerity, meditating upon the flawless Krishna; the lotus-born one practiced austerity for a hundred thousand years, standing on one foot.

Verse 28 (devibhagavatam.9.43.28)

तदा ददर्श श्रीकृष्णं निर्गुणं प्रकृतेः परम् । अतीव कमनीयं च रूपं दृष्ट्वा च रूपिणी

tadā dadarśa śrīkṛṣṇaṁ nirguṇaṁ prakṛteḥ param | atīva kamanīyaṁ ca rūpaṁ dṛṣṭvā ca rūpiṇī

Then she beheld Shri Krishna, beyond qualities, transcending Prakriti, exceedingly enchanting in form; and seeing that form, she who was herself embodied,

Verse 29 (devibhagavatam.9.43.29)

मूर्च्छां सम्प्राप कालेन कामेशस्य च कामुकी । विज्ञाय तदभिप्रायं सर्वज्ञस्तामुवाच ह

mūrcchāṁ samprāpa kālena kāmeśasya ca kāmukī | vijñāya tadabhiprāyaṁ sarvajñastāmuvāca ha

in time, being enamored of the Lord of Love, fell into a swoon. Knowing her intent, the All-Knowing One spoke to her.

Verse 30 (devibhagavatam.9.43.30)

समुत्थाप्य च तां क्रोडे क्षीणाङ्गीं तपसा चिरम् । श्रीभगवानुवाच । वाराहे वै त्वमंशेन मम पत्नी भविष्यसि

samutthāpya ca tāṁ kroḍe kṣīṇāṅgīṁ tapasā ciram | śrībhagavānuvāca | vārāhe vai tvamaṁśena mama patnī bhaviṣyasi

Raising her up into his lap, her body wasted by long austerity, the Blessed Lord said: "In the Varaha age, by a partial manifestation, you shall become my wife —

Verse 31 (devibhagavatam.9.43.31)

नाम्ना नाग्नजिती कन्या कान्ते नग्नजितस्य च । अधुनाग्नेर्दाहिका त्वं भव पत्नी च भामिनी

nāmnā nāgnajitī kanyā kānte nagnajitasya ca | adhunāgnerdāhikā tvaṁ bhava patnī ca bhāminī

" '— a maiden named Nagnajiti, the beloved daughter of Nagnajit. For now, become the burning power of Fire, and become, O radiant one, his wife.'

Verse 32 (devibhagavatam.9.43.32)

मन्त्राङ्गरूपा पूज्या च मत्प्रसादाद् भविष्यसि । वह्निस्त्वां भक्तिभावेन सम्पूज्य च गृहेश्वरीम्

mantrāṅgarūpā pūjyā ca matprasādād bhaviṣyasi | vahnistvāṁ bhaktibhāvena sampūjya ca gṛheśvarīm

" 'By my grace you shall become an essential part of every mantra, to be worshipped. Fire, having worshipped you with devotion as the mistress of the household,

Verse 33 (devibhagavatam.9.43.33)

रमिष्यति त्वया सार्धं रामया रमणीयया । इत्युक्त्वान्तर्दधे देवो देवीं सम्भाष्य नारद

ramiṣyati tvayā sārdhaṁ rāmayā ramaṇīyayā | ityuktvāntardadhe devo devīṁ sambhāṣya nārada

" '— shall take his delight with you, his lovely and beloved wife.' Having spoken thus, and having addressed the Devi, O Narada, the Lord vanished from sight.

Verse 34 (devibhagavatam.9.43.34)

तत्राजगाम सन्त्रस्तो वह्निर्ब्रह्मनिदेशतः । सामवेदोक्तध्यानेन ध्यात्वा तां जगदम्बिकाम्

tatrājagāma santrasto vahnirbrahmanideśataḥ | sāmavedoktadhyānena dhyātvā tāṁ jagadambikām

There, awestruck, Fire came at Brahma's direction; meditating upon that Mother of the world with the meditation-verse prescribed in the Samaveda,

Verse 35 (devibhagavatam.9.43.35)

सम्पूज्य परितुष्टाव पाणिं जग्राह मन्त्रतः । तदा दिव्यं वर्षशतं स रेमे रामया सह

sampūjya parituṣṭāva pāṇiṁ jagrāha mantrataḥ | tadā divyaṁ varṣaśataṁ sa reme rāmayā saha

he worshipped her, praised her to her full satisfaction, and took her hand according to the mantra rite. Then, for a hundred divine years, he sported together with his lovely wife,

Verse 36 (devibhagavatam.9.43.36)

अतीव निर्जने देशे सम्भोगसुखदे सदा । बभूव गर्भस्तस्यां च हुताशस्य च तेजसा

atīva nirjane deśe sambhogasukhade sadā | babhūva garbhastasyāṁ ca hutāśasya ca tejasā

in an utterly secluded place, ever giving joy in union. And by the splendor of Fire, a pregnancy came upon her.

Verse 37 (devibhagavatam.9.43.37)

तं दधार च सा देवी दिव्यं द्वादशवत्सरम् । ततः सुषाव पुत्रांश्च रमणीयान्मनोहरान्

taṁ dadhāra ca sā devī divyaṁ dvādaśavatsaram | tataḥ suṣāva putrāṁśca ramaṇīyānmanoharān

That Devi bore it for twelve divine years; then she gave birth to lovely, enchanting sons —

Verse 38 (devibhagavatam.9.43.38)

दक्षिणाग्निगार्हपत्याहवनीयान् क्रमेण च । ऋषयो मुनयश्चैव ब्राह्मणाः क्षत्रियादयः

dakṣiṇāgnigārhapatyāhavanīyān krameṇa ca | ṛṣayo munayaścaiva brāhmaṇāḥ kṣatriyādayaḥ

— Dakshinagni, Garhapatya, and Ahavaniya, the three sacred fires, one after another. And the seers, the sages, the Brahmins, the Kshatriyas, and others,

Verse 39 (devibhagavatam.9.43.39)

स्वाहान्तं मन्त्रमुच्चार्य हविर्दानं च चक्रिरे । स्वाहायुक्तं च मन्त्रं च यो गृह्णाति प्रशस्तकम्

svāhāntaṁ mantramuccārya havirdānaṁ ca cakrire | svāhāyuktaṁ ca mantraṁ ca yo gṛhṇāti praśastakam

uttering the mantra ending with "svāhā", performed the offering of oblations. Whoever takes up that excellent mantra joined with "svāhā" —

Verse 40 (devibhagavatam.9.43.40)

सर्वसिद्धिर्भवेत्तस्य मन्त्रग्रहणमात्रतः । विषहीनो यथा सर्पो वेदहीनो यथा द्विजः

sarvasiddhirbhavettasya mantragrahaṇamātrataḥ | viṣahīno yathā sarpo vedahīno yathā dvijaḥ

"— all success comes to him, by the mere taking of that mantra. Just as a snake without venom, just as a Brahmin without the Veda,

Verse 41 (devibhagavatam.9.43.41)

पतिसेवाविहीना स्त्री विद्याहीनो यथा पुमान् । फलशाखाविहीनश्च यथा वृक्षो हि निन्दितः

patisevāvihīnā strī vidyāhīno yathā pumān | phalaśākhāvihīnaśca yathā vṛkṣo hi ninditaḥ

"just as a woman without service to her husband, just as a man without learning, just as a tree without fruit or branches is despised,

Verse 42 (devibhagavatam.9.43.42)

स्वाहाहीनस्तथा मन्त्रो न हुतः फलदायकः । परितुष्टा द्विजाः सर्वे देवाः सम्प्रापुराहुतीः

svāhāhīnastathā mantro na hutaḥ phaladāyakaḥ | parituṣṭā dvijāḥ sarve devāḥ samprāpurāhutīḥ

"— so too is a mantra without "svāhā": when offered, it does not bear fruit. All the Brahmins became fully satisfied, and the gods received their oblations,

Verse 43 (devibhagavatam.9.43.43)

स्वाहान्तेनैव मन्त्रेण सफलं सर्वमेव च । इत्येवं कथितं सर्वं स्वाहोपाख्यानमुत्तमम्

svāhāntenaiva mantreṇa saphalaṁ sarvameva ca | ityevaṁ kathitaṁ sarvaṁ svāhopākhyānamuttamam

all made fruitful by the very mantra ending with "svāhā". Thus has this whole excellent story of Svaha been told,

Verse 44 (devibhagavatam.9.43.44)

सुखदं मोक्षदं सारं किं भूयः श्रोतुमिच्छसि । नारद उवाच । स्वाहापूजाविधानं च ध्यानं स्तोत्रं मुनीश्वर

sukhadaṁ mokṣadaṁ sāraṁ kiṁ bhūyaḥ śrotumicchasi | nārada uvāca | svāhāpūjāvidhānaṁ ca dhyānaṁ stotraṁ munīśvara

bringing happiness, bestowing liberation, full of essence. What more do you wish to hear? Narada said: "O lord of sages, the manner of worshipping Svaha, her meditation-verse, and her hymn,

Verse 45 (devibhagavatam.9.43.45)

सम्पूज्य वह्निस्तुष्टाव येन तद्वद मे प्रभो । श्रीनारायण उवाच । ध्यानं च सामवेदोक्तं स्तोत्रपूजाविधानकम्

sampūjya vahnistuṣṭāva yena tadvada me prabho | śrīnārāyaṇa uvāca | dhyānaṁ ca sāmavedoktaṁ stotrapūjāvidhānakam

"— by which Fire worshipped and praised her to her satisfaction — tell that to me, O Lord." Shri Narayana said: "The meditation-verse taught in the Samaveda, along with the hymn and the manner of worship —

Verse 46 (devibhagavatam.9.43.46)

वदामि श्रूयतां ब्रह्मन् सावधानो मुनीश्वर । सर्वयज्ञारम्भकाले शालग्रामे घटेऽथवा

vadāmi śrūyatāṁ brahman sāvadhāno munīśvara | sarvayajñārambhakāle śālagrāme ghaṭe'thavā

"— I shall tell you; listen attentively, O lord of sages. At the beginning of every sacrifice, upon the shalagrama or in a water-pot,

Verse 47 (devibhagavatam.9.43.47)

स्वाहां सम्पूज्य यत्नेन यज्ञं कुर्यात्कलाप्तये । स्वाहां मन्त्राङ्गयुक्तां च मन्त्रसिद्धिस्वरूपिणीम्

svāhāṁ sampūjya yatnena yajñaṁ kuryātkalāptaye | svāhāṁ mantrāṅgayuktāṁ ca mantrasiddhisvarūpiṇīm

"— one should carefully worship Svaha, and then perform the sacrifice, to obtain her partial grace — meditating on Svaha as an essential part of every mantra, of the very nature of mantra-perfection,

Verse 48 (devibhagavatam.9.43.48)

सिद्धां च सिद्धिदां नॄणां कर्मणां फलदां शुभाम् । इति ध्यात्वा च मूलेन दत्त्वा पाद्यादिकं नरः

siddhāṁ ca siddhidāṁ nṝṇāṁ karmaṇāṁ phaladāṁ śubhām | iti dhyātvā ca mūlena dattvā pādyādikaṁ naraḥ

"— perfected herself, bestowing perfection upon men, granting the fruit of their rites, auspicious — meditating thus, and offering, with the root-mantra, the water for the feet and other offerings, a man

Verse 49 (devibhagavatam.9.43.49)

सर्वसिद्धिं लभेत्स्तुत्वा मूलमन्त्रं मुने शृणु । ॐ ह्रीं श्रीं वह्निजायायै देव्यै स्वाहेत्यनेन च

sarvasiddhiṁ labhetstutvā mūlamantraṁ mune śṛṇu | oṁ hrīṁ śrīṁ vahnijāyāyai devyai svāhetyanena ca

"— obtains all success by praising her with this root-mantra: 'Oṁ hrīṁ śrīṁ vahnijāyāyai devyai svāhā' — hear this, O sage.

Verse 50 (devibhagavatam.9.43.50)

यः पूजयेच्च तां भक्त्या सर्वेष्टं सम्भवेद् ध्रुवम् । वह्निरुवाच । स्वाहा वह्निप्रिया वह्निजाया सन्तोषकारिणी

yaḥ pūjayecca tāṁ bhaktyā sarveṣṭaṁ sambhaved dhruvam | vahniruvāca | svāhā vahnipriyā vahnijāyā santoṣakāriṇī

"Whoever worships her with this, with devotion, certainly attains every desire." Fire said: "Svaha, beloved of Fire, Fire's own wife, the giver of contentment;

Verse 51 (devibhagavatam.9.43.51)

शक्तिः क्रिया कालदात्री परिपाककरी ध्रुवा । गतिः सदा नराणां च दाहिका दहनक्षमा

śaktiḥ kriyā kāladātrī paripākakarī dhruvā | gatiḥ sadā narāṇāṁ ca dāhikā dahanakṣamā

"she is power, action, the giver of time, the bringer of ripening, ever constant; ever the refuge of men, the burning power capable of consuming.

Verse 52 (devibhagavatam.9.43.52)

संसारसाररूपा च घोरसंसारतारिणी । देवजीवनरूपा च देवपोषणकारिणी

saṁsārasārarūpā ca ghorasaṁsāratāriṇī | devajīvanarūpā ca devapoṣaṇakāriṇī

"She is the very essence of worldly existence, and the one who ferries souls across this dreadful world; the very life of the gods, and the nourisher of the gods."

Verse 53 (devibhagavatam.9.43.53)

षोडशैतानि नामानि यः पठेद्भक्तिसंयुतः । सर्वसिद्धिर्भवेत्तस्य इह लोके परत्र च

ṣoḍaśaitāni nāmāni yaḥ paṭhedbhaktisaṁyutaḥ | sarvasiddhirbhavettasya iha loke paratra ca

Whoever recites these sixteen names with devotion attains every success, both in this world and the next.

Verse 54 (devibhagavatam.9.43.54)

नाङ्गहीनं भवेत्तस्य सर्वं कर्म सुशोभनम् । अपुत्रो लभते पुत्रं भार्याहीनो लभेत्प्रियाम्

nāṅgahīnaṁ bhavettasya sarvaṁ karma suśobhanam | aputro labhate putraṁ bhāryāhīno labhetpriyām

None of his rites will remain deficient in any part; all his deeds shall be most auspicious. He who has no son obtains a son; he who has no wife obtains a beloved one,

Verse 55 (devibhagavatam.9.43.55)

रम्भोपमां स्वकान्तां च सम्प्राप्य सुखमाप्नुयात्

rambhopamāṁ svakāntāṁ ca samprāpya sukhamāpnuyāt

one comparable in beauty to Rambha, becoming his own beloved wife, and having obtained her, he shall attain happiness.