The Story of Mangala-Chandi and Manasa

Verse 1 (devibhagavatam.9.47.1)

श्रीनारायण उवाच । कथितं षष्ठ्युपाख्यानं ब्रह्मपुत्र यथाऽऽगमम् । देवी मङ्गलचण्डी च तदाख्यानं निशामय

śrīnārāyaṇa uvāca | kathitaṁ ṣaṣṭhyupākhyānaṁ brahmaputra yathā''gamam | devī maṅgalacaṇḍī ca tadākhyānaṁ niśāmaya

Shri Narayana said: The story of Shashthi has been told to you, O son of Brahma, as it is in the scriptures. Now listen to the story of the Devi Mangalachandi.

Verse 2 (devibhagavatam.9.47.2)

तस्याः पूजादिकं सर्वं धर्मवक्त्रेण यच्छ्रुतम् । श्रुतिसम्मतमेवेष्टं सर्वेषां विदुषामपि

tasyāḥ pūjādikaṁ sarvaṁ dharmavaktreṇa yacchrutam | śrutisammatameveṣṭaṁ sarveṣāṁ viduṣāmapi

All her manner of worship, as heard from the mouth of Dharma, is desired and accepted by revelation, approved even by all the learned.

Verse 3 (devibhagavatam.9.47.3)

दक्षा या वर्तते चण्डी कल्याणेषु च मङ्गला । मङ्गलेषु च या दक्षा सा च मङ्गलचण्डिका

dakṣā yā vartate caṇḍī kalyāṇeṣu ca maṅgalā | maṅgaleṣu ca yā dakṣā sā ca maṅgalacaṇḍikā

She who is Chandi, skillful, and auspicious in bringing about good fortune, and who is skillful in all auspicious things — she is Mangalachandika.

Verse 4 (devibhagavatam.9.47.4)

पूज्या या वर्तते चण्डी मङ्गलोऽपि महीसुतः । मङ्गलाभीष्टदेवी या सा वा मङ्गलचण्डिका

pūjyā yā vartate caṇḍī maṅgalo'pi mahīsutaḥ | maṅgalābhīṣṭadevī yā sā vā maṅgalacaṇḍikā

She who is the worshipped Chandi, and also connected to Mangala, the son of the Earth — she who is the desired deity of Mangala — she too is Mangalachandika.

Verse 5 (devibhagavatam.9.47.5)

मङ्गलो मनुवंश्यश्च सप्तद्वीपधरापतिः । तस्य पूज्याभीष्टदेवी तेन मङ्गलचण्डिका

maṅgalo manuvaṁśyaśca saptadvīpadharāpatiḥ | tasya pūjyābhīṣṭadevī tena maṅgalacaṇḍikā

Mangala, born in the line of Manu, was lord of the earth with its seven continents; she was his worshipped and desired deity, and for that reason she is Mangalachandika.

Verse 6 (devibhagavatam.9.47.6)

मूर्तिभेदेन सा दुर्गा मूलप्रकृतिरीश्वरी । कृपारूपातिप्रत्यक्षा योषितामिष्टदेवता

mūrtibhedena sā durgā mūlaprakṛtirīśvarī | kṛpārūpātipratyakṣā yoṣitāmiṣṭadevatā

By difference of form, she is Durga, the root Prakriti, the sovereign goddess; of the very form of compassion, most directly manifest, the desired deity of women.

Verse 7 (devibhagavatam.9.47.7)

प्रथमे पूजिता सा च शङ्करेण परात्परा । त्रिपुरस्य वधे घोरे विष्णुना प्रेरितेन च

prathame pūjitā sā ca śaṅkareṇa parātparā | tripurasya vadhe ghore viṣṇunā preritena ca

First she was worshipped by Shankara, that supreme one beyond the supreme, at the terrible slaying of Tripura, when he was urged on by Vishnu,

Verse 8 (devibhagavatam.9.47.8)

ब्रह्मन् ब्रह्मोपदेशेन दुर्गतेन च सङ्कटे । आकाशात्पतिते याने दैत्येन पातिते रुषा

brahman brahmopadeśena durgatena ca saṅkaṭe | ākāśātpatite yāne daityena pātite ruṣā

O Brahmin, by the instruction of Brahma, when he was in great distress and danger, his chariot having fallen from the sky, cast down in fury by the demon.

Verse 9 (devibhagavatam.9.47.9)

ब्रह्मविष्णूपदिष्टश्च दुर्गां तुष्टाव शङ्करः । सा च मङ्गलचण्डी या बभूव रूपभेदतः

brahmaviṣṇūpadiṣṭaśca durgāṁ tuṣṭāva śaṅkaraḥ | sā ca maṅgalacaṇḍī yā babhūva rūpabhedataḥ

Instructed by Brahma and Vishnu, Shankara praised Durga; and she, by a difference of form, became Mangalachandi.

Verse 10 (devibhagavatam.9.47.10)

उवाच पुरतः शम्भोर्भयं नास्तीति ते प्रभो । भगवान्वृषरूपश्च सर्वेशस्ते भविष्यति

uvāca purataḥ śambhorbhayaṁ nāstīti te prabho | bhagavānvṛṣarūpaśca sarveśaste bhaviṣyati

She spoke before Shambhu: "Fear not, O Lord; the Blessed One in his bull-form, the Lord of all, shall be victorious for you.

Verse 11 (devibhagavatam.9.47.11)

युद्धशक्तिस्वरूपाहं भविष्यामि न संशयः । मायात्मना च हरिणा सहायेन वृषध्वज

yuddhaśaktisvarūpāhaṁ bhaviṣyāmi na saṁśayaḥ | māyātmanā ca hariṇā sahāyena vṛṣadhvaja

"I shall become, without doubt, the very power of your battle; with Hari of illusory form as your helper, O one bearing the bull-banner —

Verse 12 (devibhagavatam.9.47.12)

जहि दैत्यं स्वशत्रुं च सुराणां पदघातकम् । इत्युक्त्वान्तर्हिता देवी शम्भोः शक्तिर्बभूव सा

jahi daityaṁ svaśatruṁ ca surāṇāṁ padaghātakam | ityuktvāntarhitā devī śambhoḥ śaktirbabhūva sā

"— slay the demon, your own enemy, the destroyer of the gods' realm!" Having spoken thus, the Devi vanished, having become Shambhu's own power.

Verse 13 (devibhagavatam.9.47.13)

विष्णुदत्तेन शस्त्रेण जघान तमुमापतिः । मुनीन्द्र पतिते दैत्ये सर्वे देवा महर्षयः

viṣṇudattena śastreṇa jaghāna tamumāpatiḥ | munīndra patite daitye sarve devā maharṣayaḥ

With the weapon given by Vishnu, the Lord of Uma slew him. O lord of sages, when the demon had fallen, all the gods and the great sages

Verse 14 (devibhagavatam.9.47.14)

तुष्टुवुः शङ्करं देवं भक्तिनम्रात्मकन्धराः । सद्यः शिरसि शम्भोश्च पुष्पवृष्टिर्बभूव ह

tuṣṭuvuḥ śaṅkaraṁ devaṁ bhaktinamrātmakandharāḥ | sadyaḥ śirasi śambhośca puṣpavṛṣṭirbabhūva ha

praised the god Shankara, their necks bowed low in devotion; and immediately a shower of flowers fell upon Shambhu's head.

Verse 15 (devibhagavatam.9.47.15)

ब्रह्मा विष्णुश्च सन्तुष्टो ददौ तस्मै शुभाशिषम् । ब्रह्मविष्णूपदिष्टश्च सुस्नातः शङ्करस्तथा

brahmā viṣṇuśca santuṣṭo dadau tasmai śubhāśiṣam | brahmaviṣṇūpadiṣṭaśca susnātaḥ śaṅkarastathā

Brahma and Vishnu, well pleased, gave him their auspicious blessing; and Shankara, instructed by Brahma and Vishnu, having bathed well,

Verse 16 (devibhagavatam.9.47.16)

पूजयामास तां भक्त्या देवीं मङ्गलचण्डिकाम् । पाद्यार्घ्याचमनीयैश्च वस्त्रैश्च विविधैरपि

pūjayāmāsa tāṁ bhaktyā devīṁ maṅgalacaṇḍikām | pādyārghyācamanīyaiśca vastraiśca vividhairapi

worshipped that Devi Mangalachandika with devotion — with the water for her feet, the arghya, sipping-water, and with various garments too,

Verse 17 (devibhagavatam.9.47.17)

पुष्पचन्दननैवेद्यैर्भक्त्या नानाविधैर्मुने । छागैर्मेषैश्च महिषैर्गवयैः पक्षिभिस्तथा

puṣpacandananaivedyairbhaktyā nānāvidhairmune | chāgairmeṣaiśca mahiṣairgavayaiḥ pakṣibhistathā

with flowers, sandalwood, and food-offerings of many kinds, with devotion, O sage; with offerings of goats, rams, buffaloes, wild oxen, and birds as well,

Verse 18 (devibhagavatam.9.47.18)

वस्त्रालङ्कारमाल्यैश्च पायसैः पिष्टकैरपि । मधुभिश्च सुधाभिश्च फलैर्नानाविधैरपि

vastrālaṅkāramālyaiśca pāyasaiḥ piṣṭakairapi | madhubhiśca sudhābhiśca phalairnānāvidhairapi

with garments, ornaments, and garlands, with rice-puddings and cakes too, with honey and nectar, and with fruits of many kinds too,

Verse 19 (devibhagavatam.9.47.19)

सङ्गीतैर्नर्तकैर्वाद्यैरुत्सवैर्नामकीर्तनैः । ध्यात्वा माध्यन्दिनोक्तेन ध्यानेन भक्तिपूर्वकम्

saṅgītairnartakairvādyairutsavairnāmakīrtanaiḥ | dhyātvā mādhyandinoktena dhyānena bhaktipūrvakam

with songs, dancers, music, festivities, and the chanting of her names; meditating upon her with the meditation-verse taught in the Madhyandina branch of the Veda, with devotion,

Verse 20 (devibhagavatam.9.47.20)

ददौ द्रव्याणि मूलेन मन्त्रेणैव च नारद । ॐ ह्रीं श्रीं क्लीं सर्वपूज्ये देवि मङ्गलचण्डिके

dadau dravyāṇi mūlena mantreṇaiva ca nārada | oṁ hrīṁ śrīṁ klīṁ sarvapūjye devi maṅgalacaṇḍike

he offered these articles with the root-mantra itself, O Narada: "Oṁ hrīṁ śrīṁ klīṁ, O all-worshipped Devi Mangalachandike,

Verse 21 (devibhagavatam.9.47.21)

हूँ हूँ फट् स्वाहाप्येकविंशाक्षरो मनुः । पूज्यः कल्पतरुश्चैव भक्तानां सर्वकामदः

hū~ hū~ phaṭ svāhāpyekaviṁśākṣaro manuḥ | pūjyaḥ kalpataruścaiva bhaktānāṁ sarvakāmadaḥ

"huṁ huṁ phaṭ svāhā" — this is the twenty-one-syllabled mantra, worthy of worship, itself a wish-fulfilling tree, granting every desire of her devotees.

Verse 22 (devibhagavatam.9.47.22)

दशलक्षजपेनैव मन्त्रसिद्धिर्भवेद् ध्रुवम् । ध्यानं च श्रूयतां ब्रह्मन् वेदोक्तं सर्वसम्मतम्

daśalakṣajapenaiva mantrasiddhirbhaved dhruvam | dhyānaṁ ca śrūyatāṁ brahman vedoktaṁ sarvasammatam

By the recitation of this mantra one million times, the mantra's perfection is certainly attained. Hear now, O Brahmin, the meditation-verse taught in the Veda, accepted by all —

Verse 23 (devibhagavatam.9.47.23)

देवीं षोडशवर्षीयां शश्वत्सुस्थिरयौवनाम् । बिम्बोष्ठीं सुदतीं शुद्धां शरत्पद्मनिभाननाम्

devīṁ ṣoḍaśavarṣīyāṁ śaśvatsusthirayauvanām | bimboṣṭhīṁ sudatīṁ śuddhāṁ śaratpadmanibhānanām

Meditate upon the Devi as if sixteen years of age, ever fixed in unfading youth, her lips like the bimba fruit, of beautiful teeth, pure, her face like an autumn lotus,

Verse 24 (devibhagavatam.9.47.24)

श्वेतचम्पकवर्णाभां सुनीलोत्पललोचनाम् । जगद्धात्रीं च दात्रीं च सर्वेभ्यः सर्वसम्पदाम्

śvetacampakavarṇābhāṁ sunīlotpalalocanām | jagaddhātrīṁ ca dātrīṁ ca sarvebhyaḥ sarvasampadām

radiant with the hue of the white champaka, her eyes like a deep-blue lotus; the Nurse and Sustainer of the world, the Giver of every kind of prosperity to all —

Verse 25 (devibhagavatam.9.47.25)

संसारसागरे घोरे ज्योतीरूपां सदा भजे । देव्याश्च ध्यानमित्येवं स्तवनं श्रूयतां मुने

saṁsārasāgare ghore jyotīrūpāṁ sadā bhaje | devyāśca dhyānamityevaṁ stavanaṁ śrūyatāṁ mune

— in this terrible ocean of worldly existence, ever of the form of light, I worship her always. Such is the meditation on the Devi; now hear her hymn, O sage.

Verse 26 (devibhagavatam.9.47.26)

महादेव उवाच । रक्ष रक्ष जगन्मातर्देवि मङ्गलचण्डिके । हारिके विपदां राशेर्हर्षमङ्गलकारिके

mahādeva uvāca | rakṣa rakṣa jaganmātardevi maṅgalacaṇḍike | hārike vipadāṁ rāśerharṣamaṅgalakārike

Mahadeva said: "Protect, protect, O Mother of the world, O Devi Mangalachandike! O remover of the mass of calamities, O bringer of joy and good fortune;

Verse 27 (devibhagavatam.9.47.27)

हर्षमङ्गलदक्षे च हर्षमङ्गलदायिके । शुभे मङ्गलदक्षे च शुभे मङ्गलचण्डिके

harṣamaṅgaladakṣe ca harṣamaṅgaladāyike | śubhe maṅgaladakṣe ca śubhe maṅgalacaṇḍike

"O skillful in joy and good fortune, O bestower of joy and good fortune; O auspicious one, skillful in good fortune, O auspicious Mangalachandike;

Verse 28 (devibhagavatam.9.47.28)

मङ्गले मङ्गलार्हे च सर्वमङ्गलमङ्गले । सतां मङ्गदे देवि सर्वेषां मङ्गलालये

maṅgale maṅgalārhe ca sarvamaṅgalamaṅgale | satāṁ maṅgade devi sarveṣāṁ maṅgalālaye

"O auspicious one, worthy of auspiciousness, the very auspiciousness of all that is auspicious; O Devi who grants good fortune to the virtuous, the very abode of good fortune for all;

Verse 29 (devibhagavatam.9.47.29)

पूज्ये मङ्गलवारे च मङ्गलाभीष्टदेवते । पूज्ये मङ्गलभूपस्य मनुवंशस्य सन्ततम्

pūjye maṅgalavāre ca maṅgalābhīṣṭadevate | pūjye maṅgalabhūpasya manuvaṁśasya santatam

"O you worshipped on Tuesday, the desired deity of good fortune; O you worshipped continually by King Mangala, of the line of Manu;

Verse 30 (devibhagavatam.9.47.30)

मङ्गलाधिष्ठातृदेवि मङ्गलानां च मङ्गले । संसारमङ्गलाधारे मोक्षमङ्गलदायिनि

maṅgalādhiṣṭhātṛdevi maṅgalānāṁ ca maṅgale | saṁsāramaṅgalādhāre mokṣamaṅgaladāyini

"O presiding deity of good fortune, the very auspiciousness of all auspicious things; O foundation of worldly good fortune, O bestower of the good fortune of liberation;

Verse 31 (devibhagavatam.9.47.31)

सारे च मङ्गलाधारे पारे च सर्वकर्मणाम् । प्रतिमङ्गलवारे च पूज्ये मङ्गसुखप्रदे

sāre ca maṅgalādhāre pāre ca sarvakarmaṇām | pratimaṅgalavāre ca pūjye maṅgasukhaprade

"O essence, O foundation of good fortune, O the very completion of all rites; O you worshipped on every Tuesday, O bestower of blissful good fortune —"

Verse 32 (devibhagavatam.9.47.32)

स्तोत्रेणानेन शम्भुश्च स्तुत्वा मङ्गलचण्डिकाम् । प्रतिमङ्गलवारे च पूजां दत्त्वा गतः शिवः

stotreṇānena śambhuśca stutvā maṅgalacaṇḍikām | pratimaṅgalavāre ca pūjāṁ dattvā gataḥ śivaḥ

With this hymn, Shambhu praised Mangalachandika; and, having offered worship to her on every Tuesday, Shiva then departed.

Verse 33 (devibhagavatam.9.47.33)

प्रथमे पूजिता देवी शिवेन सर्वमङ्गला । द्वितीये पूजिता सा च मङ्गलेन ग्रहेण च

prathame pūjitā devī śivena sarvamaṅgalā | dvitīye pūjitā sā ca maṅgalena graheṇa ca

First the Devi, the very auspiciousness of all, was worshipped by Shiva; second, she was worshipped by the planet Mangala (Mars);

Verse 34 (devibhagavatam.9.47.34)

तृतीते पूजिता भद्रा मङ्गलेन नृपेण च । चतुर्थे मङ्गले वारे सुन्दरीभिः प्रपूजिता

tṛtīte pūjitā bhadrā maṅgalena nṛpeṇa ca | caturthe maṅgale vāre sundarībhiḥ prapūjitā

third, the auspicious one was worshipped by King Mangala; fourth, on Tuesday, she was worshipped by beautiful women;

Verse 35 (devibhagavatam.9.47.35)

पञ्चमे मङ्गलाकाङ्क्षिनरैर्मङ्गलचण्डिका । पूजिता प्रतिविश्वेषु विश्वेशपूजिता सदा

pañcame maṅgalākāṅkṣinarairmaṅgalacaṇḍikā | pūjitā prativiśveṣu viśveśapūjitā sadā

fifth, Mangalachandika was worshipped by men desiring good fortune; she is worshipped throughout every world, ever worshipped by the Lord of the universe.

Verse 36 (devibhagavatam.9.47.36)

ततः सर्वत्र सम्पूज्या बभूव परमेश्वरी । देवैश्च मुनिभिश्चैव मानवैर्मनुभिर्मुने

tataḥ sarvatra sampūjyā babhūva parameśvarī | devaiśca munibhiścaiva mānavairmanubhirmune

Thereafter that Supreme Goddess became worshipped everywhere, by gods, by sages, by men, and by the Manus, O sage.

Verse 37 (devibhagavatam.9.47.37)

देव्याश्च मङ्गस्तोत्रं यः शृणोति समाहितः । तन्मङ्गलं भवेत्तस्य न भवेत्तदमङ्गलम् । वर्धते पुत्रपौत्रैश्च मङ्गलं च दिने दिने

devyāśca maṅgastotraṁ yaḥ śṛṇoti samāhitaḥ | tanmaṅgalaṁ bhavettasya na bhavettadamaṅgalam | vardhate putrapautraiśca maṅgalaṁ ca dine dine

Whoever, with a composed mind, listens to this auspicious hymn of the Devi — good fortune comes to him, and no misfortune befalls him; he prospers with sons and grandsons, and his good fortune grows day by day.

Verse 38 (devibhagavatam.9.47.38)

श्रीनारायण उवाच । उक्तं द्वयोरुपाख्यानं ब्रह्मपुत्र यथागमम् । श्रूयतां मनसाऽऽख्यानं यच्छ्रुतं धर्मवक्त्रतः

śrīnārāyaṇa uvāca | uktaṁ dvayorupākhyānaṁ brahmaputra yathāgamam | śrūyatāṁ manasā''khyānaṁ yacchrutaṁ dharmavaktrataḥ

Shri Narayana said: The story of both has been told to you, O son of Brahma, as it is in the scriptures. Now hear the story of Manasa, as heard from the mouth of Dharma.

Verse 39 (devibhagavatam.9.47.39)

सा च कन्या भगवती कश्यपस्य च मानसी । तेनैव मनसा देवी मनसा या च दीव्यति

sā ca kanyā bhagavatī kaśyapasya ca mānasī | tenaiva manasā devī manasā yā ca dīvyati

She, the blessed maiden, is the mind-born daughter of Kashyapa; and for that very reason, born of his mind, she is the Devi Manasa — she who shines forth through the mind.

Verse 40 (devibhagavatam.9.47.40)

मनसा ध्यायते या च परमात्मानमीश्वरम् । तेन सा मनसा देवी तेन योगेन दीव्यति

manasā dhyāyate yā ca paramātmānamīśvaram | tena sā manasā devī tena yogena dīvyati

And because she meditates in her mind upon the Supreme Soul, the Lord, for that reason she is the Devi Manasa, and through that yoga she shines forth.

Verse 41 (devibhagavatam.9.47.41)

आत्मारामा च सा देवी वैष्णवी सिद्धयोगिनी । त्रियुगं च तपस्तप्त्वा कृष्णस्य परमात्मनः

ātmārāmā ca sā devī vaiṣṇavī siddhayoginī | triyugaṁ ca tapastaptvā kṛṣṇasya paramātmanaḥ

That Devi delights in her own self, a Vaishnavi, a perfected yogini; having performed austerity for three ages in devotion to Krishna, the Supreme Soul,

Verse 42 (devibhagavatam.9.47.42)

जरत्कारुशरीरं च दृष्ट्वा यत्क्षीणमीश्वरः । गोपीपतिर्नाम चक्रे जरत्कारुरिति प्रभुः

jaratkāruśarīraṁ ca dṛṣṭvā yatkṣīṇamīśvaraḥ | gopīpatirnāma cakre jaratkāruriti prabhuḥ

— seeing the wasted body of Jaratkaru, the Lord, the husband of the Gopi, gave her the name "Jaratkaru" —

Verse 43 (devibhagavatam.9.47.43)

वाञ्छितं च ददौ तस्यै कृपया च कृपानिधिः । पूजां च कारयामास चकार च स्वयं प्रभुः

vāñchitaṁ ca dadau tasyai kṛpayā ca kṛpānidhiḥ | pūjāṁ ca kārayāmāsa cakāra ca svayaṁ prabhuḥ

— and, out of compassion, that Ocean of Compassion granted her desired boon; he had her worship performed, and the Lord himself performed it too.

Verse 44 (devibhagavatam.9.47.44)

स्वर्गे च नागलोके च पृथिव्यां ब्रह्मलोकतः । भृशं जगत्सु गौरी सा सुन्दरी च मनोहरा

svarge ca nāgaloke ca pṛthivyāṁ brahmalokataḥ | bhṛśaṁ jagatsu gaurī sā sundarī ca manoharā

In heaven, in the world of serpents, on earth, and from Brahmaloka onward — throughout all the worlds, exceedingly fair, beautiful, and enchanting,

Verse 45 (devibhagavatam.9.47.45)

जगद्गौरीति विख्याता तेन सा पूजिता सती । शिवशिष्या च सा देवी तेन शैवी प्रकीर्तिता

jagadgaurīti vikhyātā tena sā pūjitā satī | śivaśiṣyā ca sā devī tena śaivī prakīrtitā

she is known by the name Jagadgauri, and for that she, that virtuous one, is worshipped. She is the disciple of Shiva, and for that the Devi is proclaimed as Shaivi.

Verse 46 (devibhagavatam.9.47.46)

विष्णुभक्तातीव शश्वद्वैष्णवी तेन कीर्तिता । नागानां प्राणरक्षित्री यज्ञे पारीक्षितस्य च

viṣṇubhaktātīva śaśvadvaiṣṇavī tena kīrtitā | nāgānāṁ prāṇarakṣitrī yajñe pārīkṣitasya ca

Ever a most devoted devotee of Vishnu, for that she is celebrated as Vaishnavi; the protectress of the lives of the serpents, at the sacrifice of Parikshit's son —

Verse 47 (devibhagavatam.9.47.47)

नागेश्वरीति विख्याता सा नागभगिनीति च । विषं संहर्तुमीशा या तेन विषहरी स्मृता

nāgeśvarīti vikhyātā sā nāgabhaginīti ca | viṣaṁ saṁhartumīśā yā tena viṣaharī smṛtā

— she is known as Nageshvari, and also as Nagabhagini; and because she has power to destroy poison, she is remembered as Vishahari.

Verse 48 (devibhagavatam.9.47.48)

सिद्धयोगं हरात्प्राप तेन सा सिद्धयोगिनी । महाज्ञानं च योगं च मृतसज्जीवनीं पराम्

siddhayogaṁ harātprāpa tena sā siddhayoginī | mahājñānaṁ ca yogaṁ ca mṛtasajjīvanīṁ parām

She obtained perfected yoga from Hara, and for that she is Siddhayogini; the supreme one who grants great knowledge, yoga, and revives the dead —

Verse 49 (devibhagavatam.9.47.49)

महाज्ञानयुतां तां च प्रवदन्ति मनीषिणः । आस्तीकस्य मुनीन्द्रस्य माता सापि तपस्विनी

mahājñānayutāṁ tāṁ ca pravadanti manīṣiṇaḥ | āstīkasya munīndrasya mātā sāpi tapasvinī

the wise declare her to be endowed with great knowledge. She is also the mother of Astika, that lord among sages, herself an ascetic.

Verse 50 (devibhagavatam.9.47.50)

आस्तीकमाता विज्ञाता जगत्यां सुप्रतिष्ठिता । प्रिया मुनेर्जरत्कारोर्मुनीन्द्रस्य महात्मनः

āstīkamātā vijñātā jagatyāṁ supratiṣṭhitā | priyā munerjaratkārormunīndrasya mahātmanaḥ

She is known as the mother of Astika, firmly established in the world; the beloved of the sage Jaratkaru, that great-souled lord among sages,

Verse 51 (devibhagavatam.9.47.51)

योगिनो विश्वपूज्यस्य जरत्कारुप्रिया ततः । जरत्कारुर्जगद्गौरी मनसा सिद्धयोगिनी

yogino viśvapūjyasya jaratkārupriyā tataḥ | jaratkārurjagadgaurī manasā siddhayoginī

that yogi worshipped by the whole world — and for that she is Jaratkaru-priya. Her names are: Jaratkaru, Jagadgauri, Manasa, Siddhayogini,

Verse 52 (devibhagavatam.9.47.52)

वैष्णवी नागभगिनी शैवी नागेश्वरी तथा । जरत्कारुप्रियास्तीकमाता विषहरेति च

vaiṣṇavī nāgabhaginī śaivī nāgeśvarī tathā | jaratkārupriyāstīkamātā viṣahareti ca

Vaishnavi, Nagabhagini, Shaivi, likewise Nageshvari, Jaratkarupriya, Astikamata, and Vishahari,

Verse 53 (devibhagavatam.9.47.53)

महाज्ञानयुता चैव सा देवी विश्वपूजिता । द्वादशैतानि नामानि पूजाकाले तु यः पठेत्

mahājñānayutā caiva sā devī viśvapūjitā | dvādaśaitāni nāmāni pūjākāle tu yaḥ paṭhet

and the one endowed with great knowledge — she, that Devi, is worshipped by the whole world. Whoever, at the time of worship, recites these twelve names —

Verse 54 (devibhagavatam.9.47.54)

तस्य नागभयं नास्ति तस्य वंशोद्भवस्य च । नागभीते च शयने नागग्रस्ते च मन्दिरे

tasya nāgabhayaṁ nāsti tasya vaṁśodbhavasya ca | nāgabhīte ca śayane nāgagraste ca mandire

— he has no fear of serpents, nor does anyone born in his lineage. Whether in a bed fearsome for serpents, or in a house infested by them,

Verse 55 (devibhagavatam.9.47.55)

नागशोभे महादुर्गे नागवेष्टितविग्रहे । इदं स्तोत्रं पठित्वा तु मुच्यते नात्र संशयः

nāgaśobhe mahādurge nāgaveṣṭitavigrahe | idaṁ stotraṁ paṭhitvā tu mucyate nātra saṁśayaḥ

in a great fortress adorned by images of serpents, or with one's own body entwined by a serpent — having recited this hymn, one is certainly freed; of this there is no doubt.

Verse 56 (devibhagavatam.9.47.56)

नित्यं पठेद्यस्तं दृष्ट्वा नागवर्गः पलायते । दशलक्षजपेनैव स्तोत्रसिद्धिर्भवेन्नृणाम्

nityaṁ paṭhedyastaṁ dṛṣṭvā nāgavargaḥ palāyate | daśalakṣajapenaiva stotrasiddhirbhavennṛṇām

Whoever recites it daily — seeing him, the whole host of serpents flees away. By reciting the mantra one million times, the perfection of this hymn is attained by men.

Verse 57 (devibhagavatam.9.47.57)

स्तोत्रसिद्धिर्भवेद्यस्य स विषं भोक्तुमीश्वरः । नागैश्च भूषणं कृत्वा स भवेन्नागवाहनः

stotrasiddhirbhavedyasya sa viṣaṁ bhoktumīśvaraḥ | nāgaiśca bhūṣaṇaṁ kṛtvā sa bhavennāgavāhanaḥ

He for whom the hymn's power is perfected becomes able even to eat poison; making serpents his very ornaments, he comes to have serpents as his mount,

Verse 58 (devibhagavatam.9.47.58)

नागासनो नागतल्पो महासिद्धो भवेन्नरः । अन्ते च विष्णुना सार्धं क्रीडत्येव दिवानिशम्

nāgāsano nāgatalpo mahāsiddho bhavennaraḥ | ante ca viṣṇunā sārdhaṁ krīḍatyeva divāniśam

his very seat and his very bed, and that man becomes a great adept; and in the end he sports together with Vishnu, day and night, forever.