The Story of Manasa

Verse 1 (devibhagavatam.9.48.1)

श्रीनारायण उवाच । मत्तः पूजाविधानं च श्रूयतां मुनिपुङ्गव । ध्यानं च सामवेदोक्तं प्रोक्तं देवीविधानकम्

śrīnārāyaṇa uvāca | mattaḥ pūjāvidhānaṁ ca śrūyatāṁ munipuṅgava | dhyānaṁ ca sāmavedoktaṁ proktaṁ devīvidhānakam

Shri Narayana said: Hear now from me the manner of her worship, O foremost of sages; the meditation-verse, taught in the Samaveda, and the prescribed ritual of the Devi.

Verse 2 (devibhagavatam.9.48.2)

श्वेतचम्पकवर्णाभां रत्नभूषणभूषिताम् । वह्निशुद्धांशुकाधानां नागयज्ञोपवीतिनीम्

śvetacampakavarṇābhāṁ ratnabhūṣaṇabhūṣitām | vahniśuddhāṁśukādhānāṁ nāgayajñopavītinīm

Meditate upon her: radiant with the hue of the white champaka, adorned with jeweled ornaments, clad in a garment purified by fire, wearing a serpent as her sacred thread,

Verse 3 (devibhagavatam.9.48.3)

महाज्ञानयुतां तां च प्रवरज्ञानिनां वराम् । सिद्धाधिष्ठातृदेवीं च सिद्धां सिद्धिप्रदां भजे

mahājñānayutāṁ tāṁ ca pravarajñānināṁ varām | siddhādhiṣṭhātṛdevīṁ ca siddhāṁ siddhipradāṁ bhaje

endowed with great knowledge, the finest among the foremost of the wise; I worship her, the presiding deity of the perfected, herself perfected, the giver of perfection.

Verse 4 (devibhagavatam.9.48.4)

इति ध्यात्वा च तां देवीं मूलेनैव प्रपूजयेत् । नैवेद्यैर्विविधैर्धूपैः पुष्पगन्धानुलेपनैः

iti dhyātvā ca tāṁ devīṁ mūlenaiva prapūjayet | naivedyairvividhairdhūpaiḥ puṣpagandhānulepanaiḥ

Meditating thus, one should worship that Devi with the root-mantra, with various food-offerings, incense, flowers, fragrance, and unguents,

Verse 5 (devibhagavatam.9.48.5)

मूलमन्त्रैश्च वेदोक्तैर्भक्तानां वाच्छितप्रदः । मुने कल्पतरुर्नाम सुसिद्धो द्वादशाक्षरः

mūlamantraiśca vedoktairbhaktānāṁ vācchitapradaḥ | mune kalpatarurnāma susiddho dvādaśākṣaraḥ

with root-mantras taught in the Veda, granting the wishes of her devotees; O sage, its name is Kalpataru, most efficacious, of twelve syllables:

Verse 6 (devibhagavatam.9.48.6)

ॐ ह्रीं श्रीं क्लीं ऐं मनसादेव्यै स्वाहेति कीर्तितः । पञ्चलक्षजपेनैव मन्त्रसिद्धिर्भवेन्नृणाम्

oṁ hrīṁ śrīṁ klīṁ aiṁ manasādevyai svāheti kīrtitaḥ | pañcalakṣajapenaiva mantrasiddhirbhavennṛṇām

"Oṁ hrīṁ śrīṁ klīṁ aiṁ manasādevyai svāhā" — thus it is proclaimed. By five hundred thousand recitations, the mantra's perfection is attained by men.

Verse 7 (devibhagavatam.9.48.7)

मन्त्रसिद्धिर्भवेद्यस्य स सिद्धो जगतीतले । सुधासमं विषं तस्य धन्वन्तरिसमो भवेत्

mantrasiddhirbhavedyasya sa siddho jagatītale | sudhāsamaṁ viṣaṁ tasya dhanvantarisamo bhavet

He for whom the mantra's power is perfected becomes a perfected one on this earth; poison becomes to him as nectar, and he becomes equal to Dhanvantari.

Verse 8 (devibhagavatam.9.48.8)

ब्रह्मन्स्नात्वा तु सङ्क्रान्त्यां गूढशालासु यत्नतः । आवाह्य देवीमीशानां पूजयेद्योऽतिभक्तितः

brahmansnātvā tu saṅkrāntyāṁ gūḍhaśālāsu yatnataḥ | āvāhya devīmīśānāṁ pūjayedyo'tibhaktitaḥ

O Brahmin, whoever, having bathed on a Sankranti day, carefully invokes the Devi, the sovereign lady, in a secluded hall, and worships her with the utmost devotion,

Verse 9 (devibhagavatam.9.48.9)

पञ्चम्यां मनसा ध्यायन् देव्यै दद्याच्च यो बलिम् । धनवान्पुत्रवांश्चैव कीर्तिमान्स भवेद् ध्रुवम्

pañcamyāṁ manasā dhyāyan devyai dadyācca yo balim | dhanavānputravāṁścaiva kīrtimānsa bhaved dhruvam

and whoever, meditating with his mind on the fifth day, offers a bali-offering to the Devi — he certainly becomes wealthy, blessed with sons, and renowned.

Verse 10 (devibhagavatam.9.48.10)

पूजाविधानं कथितं तदाख्यानं निशामय । कथयामि महाभाग यच्छ्रुतं धर्मवक्त्रतः

pūjāvidhānaṁ kathitaṁ tadākhyānaṁ niśāmaya | kathayāmi mahābhāga yacchrutaṁ dharmavaktrataḥ

The manner of her worship has been told; now hear her story. I shall relate it, O most fortunate one, as heard from the mouth of Dharma.

Verse 11 (devibhagavatam.9.48.11)

पुरा नागभयाक्रान्ता बभूवुर्मानवा भुवि । गतास्ते शरणं सर्वे कश्यपं मुनिपुङ्गवम्

purā nāgabhayākrāntā babhūvurmānavā bhuvi | gatāste śaraṇaṁ sarve kaśyapaṁ munipuṅgavam

Of old, human beings on earth were overcome by fear of serpents; all of them went for refuge to Kashyapa, foremost of sages.

Verse 12 (devibhagavatam.9.48.12)

मन्त्रांश्च ससृजे भीतः कश्यपो ब्रह्मणान्वितः । वेदबीजानुसारेण चोपदेशेन ब्रह्मणः

mantrāṁśca sasṛje bhītaḥ kaśyapo brahmaṇānvitaḥ | vedabījānusāreṇa copadeśena brahmaṇaḥ

Kashyapa, himself alarmed, together with Brahma, composed mantras, following the seed-syllables of the Veda and by Brahma's own instruction.

Verse 13 (devibhagavatam.9.48.13)

मन्त्राधिष्ठातृदेवीं तां मनसा ससृजे तथा । तपसा मनसा तेन बभूव मनसा च सा

mantrādhiṣṭhātṛdevīṁ tāṁ manasā sasṛje tathā | tapasā manasā tena babhūva manasā ca sā

He created, through his mind, the presiding deity of that mantra; and because she was created through austerity and through the mind, she became "Manasa."

Verse 14 (devibhagavatam.9.48.14)

कुमारी सा च सम्भूता जगाम शङ्करालयम् । भक्त्या सम्पूज्य कैलासे तुष्टाव चन्द्रशेखरम्

kumārī sā ca sambhūtā jagāma śaṅkarālayam | bhaktyā sampūjya kailāse tuṣṭāva candraśekharam

As she was born a maiden, she went to Shankara's abode; worshipping him with devotion on Kailasa, she praised Chandrashekhara.

Verse 15 (devibhagavatam.9.48.15)

दिव्यवर्षसहस्रं तं सिषेवे च मुनेः सुता । आशुतोषो महेशश्च तां च तुष्टो बभूव ह

divyavarṣasahasraṁ taṁ siṣeve ca muneḥ sutā | āśutoṣo maheśaśca tāṁ ca tuṣṭo babhūva ha

For a thousand divine years, the sage's daughter served him; and Mahesha, quick to be pleased, became satisfied with her.

Verse 16 (devibhagavatam.9.48.16)

महाज्ञानं ददौ तस्यै पाठयामास साम च । कृष्णमन्त्रं कल्पतरुं ददावष्टाक्षरं मुने

mahājñānaṁ dadau tasyai pāṭhayāmāsa sāma ca | kṛṣṇamantraṁ kalpataruṁ dadāvaṣṭākṣaraṁ mune

He gave her great knowledge, taught her the Sama-veda; O sage, he gave her the Krishna-mantra, the wish-fulfilling tree, of eight syllables,

Verse 17 (devibhagavatam.9.48.17)

लक्ष्मीमायाकामबीजं ङेऽन्तं कृष्णपदं ततः । त्रैलोक्यमङ्गलं नाम कवचं पूजनक्रमम्

lakṣmīmāyākāmabījaṁ ṅe'ntaṁ kṛṣṇapadaṁ tataḥ | trailokyamaṅgalaṁ nāma kavacaṁ pūjanakramam

composed of the seed-syllables of Lakshmi, Maya, and Kama, ending in "ṅe", together with the word "Krishna"; and he gave the armor-hymn named "Trailokyamangala" and the sequence of her worship,

Verse 18 (devibhagavatam.9.48.18)

पुरश्चर्याक्रमं चापि वेदोक्तं सर्वसम्मतम् । प्राप्य मृत्युञ्जयान्मन्त्रं सा सती च मुनेः सुता

puraścaryākramaṁ cāpi vedoktaṁ sarvasammatam | prāpya mṛtyuñjayānmantraṁ sā satī ca muneḥ sutā

and the procedure of preliminary rites, all as taught in the Veda, accepted by all. Having obtained the mantra from Mrityunjaya, that virtuous daughter of the sage —

Verse 19 (devibhagavatam.9.48.19)

जगाम तपसे साध्वी पुष्करं शङ्कराज्ञया । त्रियुगं च तपस्तप्त्वा कृष्णस्य परमात्मनः

jagāma tapase sādhvī puṣkaraṁ śaṅkarājñayā | triyugaṁ ca tapastaptvā kṛṣṇasya paramātmanaḥ

— went, at Shankara's command, for austerity to Pushkara; and having performed austerity for three ages, in devotion to Krishna, the Supreme Soul,

Verse 20 (devibhagavatam.9.48.20)

सिद्धा बभूव सा देवी ददर्श पुरतः प्रभुम् । दृष्ट्वा कृशाङ्गीं बालां च कृपया च कृपानिधिः

siddhā babhūva sā devī dadarśa purataḥ prabhum | dṛṣṭvā kṛśāṅgīṁ bālāṁ ca kṛpayā ca kṛpānidhiḥ

that Devi became perfected, and beheld the Lord before her. Seeing that maiden with her body wasted by austerity, that Ocean of Compassion,

Verse 21 (devibhagavatam.9.48.21)

पूजां च कारयामास चकार च स्वयं हरिः । वरं च प्रददौ तस्यै पूजिता त्वं भवे भव

pūjāṁ ca kārayāmāsa cakāra ca svayaṁ hariḥ | varaṁ ca pradadau tasyai pūjitā tvaṁ bhave bhava

out of compassion, had her worship performed, and Hari himself performed it too; and he granted her a boon: "You shall be worshipped in every existence."

Verse 22 (devibhagavatam.9.48.22)

वरं दत्त्वा तु कल्याण्यै ततश्चान्तर्दधे हरिः । प्रथमे पूजिता सा च कृष्णेन परमात्मना

varaṁ dattvā tu kalyāṇyai tataścāntardadhe hariḥ | prathame pūjitā sā ca kṛṣṇena paramātmanā

Having granted the boon to that blessed one, Hari then vanished from sight. First she was worshipped by Krishna, the Supreme Soul;

Verse 23 (devibhagavatam.9.48.23)

द्वितीये शङ्करेणैव कश्यपेन सुरेण च । मुनिना मनुना चैव नागेन मानवादिभिः

dvitīye śaṅkareṇaiva kaśyapena sureṇa ca | muninā manunā caiva nāgena mānavādibhiḥ

second, by Shankara himself, by Kashyapa, and by the gods; by sages, by Manus, by serpents, and by human beings and the rest —

Verse 24 (devibhagavatam.9.48.24)

बभूव पूजिता सा च त्रिषु लोकेषु सुव्रता । जरत्कारुमुनीन्द्राय कश्यपस्तां ददौ पुरा

babhūva pūjitā sā ca triṣu lokeṣu suvratā | jaratkārumunīndrāya kaśyapastāṁ dadau purā

she, that woman of pure vows, became worshipped throughout the three worlds. Kashyapa gave her, of old, to Jaratkaru, the lord among sages.

Verse 25 (devibhagavatam.9.48.25)

अयाचितो मुनिश्रेष्ठो जग्राह ब्राह्मणाज्ञया । कृत्वोद्वाहं महायोगी विश्रान्तस्तपसा चिरम्

ayācito muniśreṣṭho jagrāha brāhmaṇājñayā | kṛtvodvāhaṁ mahāyogī viśrāntastapasā ciram

That foremost of sages, though he had not asked for a wife, accepted her at Brahma's command. Having married, that great yogi, resting after his long austerity,

Verse 26 (devibhagavatam.9.48.26)

सुष्वाप देव्या जघने वटमूले च पुष्करे । निद्रां जगाम स मुनिः स्मृत्वा निद्रेशमीश्वरम्

suṣvāpa devyā jaghane vaṭamūle ca puṣkare | nidrāṁ jagāma sa muniḥ smṛtvā nidreśamīśvaram

lay down to sleep upon the Devi's lap, at the root of a banyan tree in Pushkara; that sage fell asleep, remembering the Lord who presides over sleep.

Verse 27 (devibhagavatam.9.48.27)

जगामास्तं दिनकरः सायङ्काल उपस्थिते । सञ्चिन्त्य मनसा साध्वी मनसा सा पतिव्रता

jagāmāstaṁ dinakaraḥ sāyaṅkāla upasthite | sañcintya manasā sādhvī manasā sā pativratā

The sun went to its setting as evening approached. Reflecting with her mind, that pure-vowed, devoted wife, Manasa,

Verse 28 (devibhagavatam.9.48.28)

धर्मलोपभयेनैव चकारालोचनं सती । अकृत्वा पश्चिमां सन्ध्यां नित्यां चैव द्विजन्मनाम्

dharmalopabhayenaiva cakārālocanaṁ satī | akṛtvā paścimāṁ sandhyāṁ nityāṁ caiva dvijanmanām

out of fear of the lapse of dharma, that virtuous woman deliberated: "If my husband fails to perform the evening twilight rite, which is obligatory for the twice-born,

Verse 29 (devibhagavatam.9.48.29)

ब्रह्महत्यादिकं पापं लभिष्यति पतिर्मम । नोपतिष्ठति यः पूर्वां नोपास्ते यस्तु पश्चिमाम्

brahmahatyādikaṁ pāpaṁ labhiṣyati patirmama | nopatiṣṭhati yaḥ pūrvāṁ nopāste yastu paścimām

"— he will incur the sin equal to the killing of a Brahmin. Whoever does not attend to the morning rite, and whoever does not observe the evening one —

Verse 30 (devibhagavatam.9.48.30)

स सर्वत्राशुचिर्नित्यं ब्रह्महत्यादिकं लभेत् । वेदोक्तमिति सञ्चिन्त्य बोधयामास सुन्दरी

sa sarvatrāśucirnityaṁ brahmahatyādikaṁ labhet | vedoktamiti sañcintya bodhayāmāsa sundarī

"— he is ever impure everywhere, and incurs the sin of killing a Brahmin; thus it is declared in the Veda." Reflecting thus, that beautiful woman awakened him.

Verse 31 (devibhagavatam.9.48.31)

स च बुद्धो मुनिश्रेष्ठस्तां चुकोप भृशं मुने । मुनिरुवाच । कथं मे सुखिनः साध्वि निद्राभङ्गः कृतस्त्वया

sa ca buddho muniśreṣṭhastāṁ cukopa bhṛśaṁ mune | muniruvāca | kathaṁ me sukhinaḥ sādhvi nidrābhaṅgaḥ kṛtastvayā

That foremost of sages, awakened, became greatly angry with her, O sage. The sage said: "How is it, O virtuous one, that you have broken the sleep of me, who was at ease?

Verse 32 (devibhagavatam.9.48.32)

व्यर्थं व्रतादिकं तस्या या भर्तुश्चापकारिणी । तपश्चानशनं चैव व्रतं दानादिकं च यत्

vyarthaṁ vratādikaṁ tasyā yā bhartuścāpakāriṇī | tapaścānaśanaṁ caiva vrataṁ dānādikaṁ ca yat

"The vows and the rest of a woman who does harm to her husband are meaningless. Whatever austerity, fasting, vow, giving, and the rest —

Verse 33 (devibhagavatam.9.48.33)

भर्तुरप्रियकारिण्याः सर्वं भवति निष्कलम् । यया प्रियः पूजितश्च श्रीकृष्णः पूजितस्तया

bharturapriyakāriṇyāḥ sarvaṁ bhavati niṣkalam | yayā priyaḥ pūjitaśca śrīkṛṣṇaḥ pūjitastayā

"— of a woman who displeases her husband, all become fruitless. She who honors her beloved husband, by her Shri Krishna himself is honored.

Verse 34 (devibhagavatam.9.48.34)

पतिव्रताव्रतार्थञ्च पतिरूपो हरिः स्वयम् । सर्वदानं सर्वयज्ञः सर्वतीर्थनिषेवणम्

pativratāvratārthañca patirūpo hariḥ svayam | sarvadānaṁ sarvayajñaḥ sarvatīrthaniṣevaṇam

"For the sake of the vow of a devoted wife, Hari himself takes the form of the husband. Every gift, every sacrifice, every visit to every sacred ford,

Verse 35 (devibhagavatam.9.48.35)

सर्वं व्रतं तपः सर्वमुपवासादिकं च यत् । सर्वधर्मश्च सत्यं च सर्वदेवप्रपूजनम्

sarvaṁ vrataṁ tapaḥ sarvamupavāsādikaṁ ca yat | sarvadharmaśca satyaṁ ca sarvadevaprapūjanam

"every vow, all austerity, whatever fasting and the rest, every dharma, truth itself, and the worship of every god —

Verse 36 (devibhagavatam.9.48.36)

तत्सर्वं स्वामिसेवायाः कलां नार्हति षोडशीम् । पुण्ये च भारते वर्षे पतिसेवा करोति या

tatsarvaṁ svāmisevāyāḥ kalāṁ nārhati ṣoḍaśīm | puṇye ca bhārate varṣe patisevā karoti yā

"— all of this is not worth even a sixteenth part of the service of one's husband. In the sacred land of Bharata, whatever woman serves her husband —

Verse 37 (devibhagavatam.9.48.37)

वैकुण्ठे स्वामिना सार्धं सा याति ब्रह्मणः पदम् । विप्रियं कुरुते भर्तुर्विप्रियं वदति प्रियम्

vaikuṇṭhe svāminā sārdhaṁ sā yāti brahmaṇaḥ padam | vipriyaṁ kurute bharturvipriyaṁ vadati priyam

"— goes to Vaikuntha, together with her husband, to the very realm of Brahman. Whatever woman does what displeases her husband, or speaks unpleasant words to him,

Verse 38 (devibhagavatam.9.48.38)

असत्कुले प्रसूता हि तत्फलं श्रूयतां सति । कुम्भीपाकं व्रजेत्सा च यावच्चन्द्रदिवाकरौ

asatkule prasūtā hi tatphalaṁ śrūyatāṁ sati | kumbhīpākaṁ vrajetsā ca yāvaccandradivākarau

"is indeed born of a wicked family; hear now, O virtuous one, the fruit of that: she goes to the hell of Kumbhipaka, and remains there as long as the moon and sun endure.

Verse 39 (devibhagavatam.9.48.39)

ततो भवति चाण्डाली पतिपुत्रविवर्जिता । इत्युक्त्वा च मुनिश्रेष्ठो बभूव स्फुरिताधरः

tato bhavati cāṇḍālī patiputravivarjitā | ityuktvā ca muniśreṣṭho babhūva sphuritādharaḥ

"Thereafter she is born a chandali, deprived of husband and sons." Having spoken thus, that foremost of sages, his lips quivering with anger, continued.

Verse 40 (devibhagavatam.9.48.40)

चकम्पे तेन सा साध्वी भयेनोवाच तं पतिम् । साध्व्युवाच । सन्ध्यालोपभयेनैव निद्राभङ्गः कृतस्तव

cakampe tena sā sādhvī bhayenovāca taṁ patim | sādhvyuvāca | sandhyālopabhayenaiva nidrābhaṅgaḥ kṛtastava

That virtuous woman trembled with fear at this, and spoke to her husband. The virtuous woman said: "Only out of fear that the twilight rite might be neglected did I break your sleep.

Verse 41 (devibhagavatam.9.48.41)

कुरु शान्तिं महाभाग दुष्टाया मम सुव्रत । शृङ्गाराहारनिद्राणां यश्च भङ्गं करोति वै

kuru śāntiṁ mahābhāga duṣṭāyā mama suvrata | śṛṅgārāhāranidrāṇāṁ yaśca bhaṅgaṁ karoti vai

"Be calm, O most fortunate one, toward me, though I have wronged you, O one of pure vows. Whoever breaks another's adornment, meal, or sleep,

Verse 42 (devibhagavatam.9.48.42)

स व्रजेत्कालसूत्रं वै यावच्चन्द्रदिवाकरौ । इत्युक्त्वा मनसा देवी स्वामिनश्चरणाम्बुजे

sa vrajetkālasūtraṁ vai yāvaccandradivākarau | ityuktvā manasā devī svāminaścaraṇāmbuje

"he goes to the hell called Kalasutra, as long as the moon and sun endure." Having spoken thus, the Devi Manasa, at her husband's lotus feet,

Verse 43 (devibhagavatam.9.48.43)

पपात भक्त्या भीता च रुरोद च पुनः पुनः । कुपितं च मुनिं दृष्ट्वा श्रीसूर्यं शप्तुमुद्यतम्

papāta bhaktyā bhītā ca ruroda ca punaḥ punaḥ | kupitaṁ ca muniṁ dṛṣṭvā śrīsūryaṁ śaptumudyatam

fell down with devotion, frightened, and wept again and again. And seeing that angry sage ready to curse Shri Surya,

Verse 44 (devibhagavatam.9.48.44)

तत्राजगाम भगवान्सन्ध्यया सह नारद । तत्रागत्य मुनिं सम्यगुवाच भास्करः स्वयम्

tatrājagāma bhagavānsandhyayā saha nārada | tatrāgatya muniṁ samyaguvāca bhāskaraḥ svayam

the Blessed One, O Narada, arrived there together with Sandhya; coming there, Bhaskara himself spoke rightly to the sage,

Verse 45 (devibhagavatam.9.48.45)

विनयेन च भीतश्च तया सह यथोचितम् । भास्कर उवाच । सूर्यास्तसमयं दृष्ट्वा साध्वी धर्मभयेन च

vinayena ca bhītaśca tayā saha yathocitam | bhāskara uvāca | sūryāstasamayaṁ dṛṣṭvā sādhvī dharmabhayena ca

humbly and fearfully, together with her, as befitted the occasion. Bhaskara said: "Seeing the time of sunset, and out of fear regarding dharma, that virtuous woman

Verse 46 (devibhagavatam.9.48.46)

बोधयामास त्वां विप्र शरणं त्वामहं गतः । क्षमस्व भगवन्ब्रह्मन् मां शप्तुं नोचितं मुने

bodhayāmāsa tvāṁ vipra śaraṇaṁ tvāmahaṁ gataḥ | kṣamasva bhagavanbrahman māṁ śaptuṁ nocitaṁ mune

"awakened you, O Brahmin. I have come to you for refuge. Forgive me, O Blessed Brahmin; it is not fitting, O sage, that you should curse me.

Verse 47 (devibhagavatam.9.48.47)

ब्राह्मणानां च हृदयं नवनीतसमं सदा । तेषां क्षणार्धं क्रोधश्च ततो भस्म भवेज्जगत्

brāhmaṇānāṁ ca hṛdayaṁ navanītasamaṁ sadā | teṣāṁ kṣaṇārdhaṁ krodhaśca tato bhasma bhavejjagat

"The hearts of Brahmins are ever soft as fresh butter; if their anger lasted even half a moment, the whole world would be reduced to ashes.

Verse 48 (devibhagavatam.9.48.48)

पुनः स्रष्टुं द्विजः शक्तो न तेजस्वी द्विजात्परः । ब्राह्मणो ब्रह्मणो वंशः प्रज्वलन्ब्रह्मतेजसा

punaḥ sraṣṭuṁ dvijaḥ śakto na tejasvī dvijātparaḥ | brāhmaṇo brahmaṇo vaṁśaḥ prajvalanbrahmatejasā

"A Brahmin has the power to create it anew; there is none more radiant than a Brahmin. A Brahmin is the very lineage of Brahman, blazing with the splendor of Brahman.

Verse 49 (devibhagavatam.9.48.49)

श्रीकृष्णं भावयेन्नित्यं ब्रह्मज्योतिः सनातनम् । सूर्यस्य वचनं श्रुत्वा द्विजस्तुष्टो बभूव ह

śrīkṛṣṇaṁ bhāvayennityaṁ brahmajyotiḥ sanātanam | sūryasya vacanaṁ śrutvā dvijastuṣṭo babhūva ha

"He should ever meditate upon Shri Krishna, the eternal light of Brahman." Hearing the Sun's words, the twice-born one became satisfied.

Verse 50 (devibhagavatam.9.48.50)

सूर्यो जगाम स्वस्थानं गृहीत्वा ब्राह्मणाशिषम् । तत्याज मनसां विप्रः प्रतिज्ञापालनाय च

sūryo jagāma svasthānaṁ gṛhītvā brāhmaṇāśiṣam | tatyāja manasāṁ vipraḥ pratijñāpālanāya ca

The Sun, having received the Brahmin's blessing, went to his own abode. And the Brahmin, in order to fulfill his own vow, abandoned Manasa,

Verse 51 (devibhagavatam.9.48.51)

रुदतीं शोकसंयुक्तां हृदयेन विदूयता । सा सस्मार गुरुं शम्भुमिष्टदेवं विधिं हरिम्

rudatīṁ śokasaṁyuktāṁ hṛdayena vidūyatā | sā sasmāra guruṁ śambhumiṣṭadevaṁ vidhiṁ harim

who wept, overcome with grief, her heart tormented. She then remembered her guru Shambhu, her chosen deity, the Creator, and Hari;

Verse 52 (devibhagavatam.9.48.52)

कश्यपं जन्मदातारं विपत्तौ भयकर्शिता । तत्राजगाम गोपीशो भगवाच्छम्भुरेव च

kaśyapaṁ janmadātāraṁ vipattau bhayakarśitā | tatrājagāma gopīśo bhagavācchambhureva ca

Kashyapa, her own father, tormented by fear in that calamity. And there arrived the Lord of the Gopis, the Blessed One, and Shambhu himself,

Verse 53 (devibhagavatam.9.48.53)

विधिश्च कश्यपश्चैव मनसा परिचिन्तितः । दृष्ट्वा विप्रोऽभीष्टदेवं निर्गुणं प्रकृतेः परम्

vidhiśca kaśyapaścaiva manasā paricintitaḥ | dṛṣṭvā vipro'bhīṣṭadevaṁ nirguṇaṁ prakṛteḥ param

and Brahma and Kashyapa too — all those upon whom Manasa had reflected. Seeing his chosen deity, beyond qualities, transcending Prakriti,

Verse 54 (devibhagavatam.9.48.54)

तुष्टाव परया भक्त्या प्रणनाम मुहुर्मुहुः । नमश्चकार शम्भुं च ब्रह्माणं कश्यपं तथा

tuṣṭāva parayā bhaktyā praṇanāma muhurmuhuḥ | namaścakāra śambhuṁ ca brahmāṇaṁ kaśyapaṁ tathā

the Brahmin praised him with supreme devotion, and bowed to him again and again; he bowed also to Shambhu, to Brahma, and to Kashyapa likewise.

Verse 55 (devibhagavatam.9.48.55)

कथमागमनं देवा इति प्रश्नं चकार सः । ब्रह्मा तद्वचनं श्रुत्वा सहसा समयोचितम्

kathamāgamanaṁ devā iti praśnaṁ cakāra saḥ | brahmā tadvacanaṁ śrutvā sahasā samayocitam

He asked them: "O gods, how is it that you have come here?" Hearing his words, Brahma at once, fittingly for the occasion,

Verse 56 (devibhagavatam.9.48.56)

प्रत्युवाच नमस्कृत्य हृषीकेशपदाम्बुजम् । यदि त्यक्ता धर्मपत्नी धर्मिष्ठा मनसा सती

pratyuvāca namaskṛtya hṛṣīkeśapadāmbujam | yadi tyaktā dharmapatnī dharmiṣṭhā manasā satī

replied, having bowed to the lotus feet of Hrishikesha: "If you have abandoned your righteous wife, the virtuous, dutiful Manasa,

Verse 57 (devibhagavatam.9.48.57)

कुरुष्वास्यां सुतोत्पत्तिं स्वधर्मपालनाय वै । जायायां च सुतोत्पत्तिं कृत्वा पश्चात्त्यजेन्मुने

kuruṣvāsyāṁ sutotpattiṁ svadharmapālanāya vai | jāyāyāṁ ca sutotpattiṁ kṛtvā paścāttyajenmune

"then, for the observance of your own dharma, first beget a son upon her. Having begotten a son upon one's wife, O sage, one may thereafter renounce her —

Verse 58 (devibhagavatam.9.48.58)

अकृत्वा तु सुतोत्पत्तिं विरागी यस्त्यजेत्प्रियाम् । स्रवते तस्य पुण्यं च चालन्यां च यथा जलम्

akṛtvā tu sutotpattiṁ virāgī yastyajetpriyām | sravate tasya puṇyaṁ ca cālanyāṁ ca yathā jalam

"— but whoever, without begetting a son, renounces his beloved out of dispassion, his merit drains away, like water from an unsteady vessel."

Verse 59 (devibhagavatam.9.48.59)

ब्रह्मणो वचनं श्रुत्वा जरत्कारुर्मुनीश्वरः । चकार नाभिसंस्पर्शं योगेन मन्त्रपूर्वकम्

brahmaṇo vacanaṁ śrutvā jaratkārurmunīśvaraḥ | cakāra nābhisaṁsparśaṁ yogena mantrapūrvakam

Hearing Brahma's words, Jaratkaru, that lord of sages, touched her navel through yogic power, preceded by mantra.

Verse 60 (devibhagavatam.9.48.60)

मनसाया मुनिश्रेष्ठ मुनिश्रेष्ठ उवाच ताम् । जरत्कारुरुवाच । गर्भेणानेन मनसे तव पुत्रो भविष्यति

manasāyā muniśreṣṭha muniśreṣṭha uvāca tām | jaratkāruruvāca | garbheṇānena manase tava putro bhaviṣyati

That foremost of sages then spoke to Manasa. Jaratkaru said: "O Manasa, through this pregnancy a son shall be born to you —

Verse 61 (devibhagavatam.9.48.61)

जितेन्द्रियाणां प्रवरो धार्मिको ब्राह्मणाग्रणीः । तेजस्वी च तपस्वी च यशस्वी च गुणान्वितः

jitendriyāṇāṁ pravaro dhārmiko brāhmaṇāgraṇīḥ | tejasvī ca tapasvī ca yaśasvī ca guṇānvitaḥ

"— foremost among the self-controlled, righteous, first among Brahmins; radiant, austere, renowned, and endowed with virtues;

Verse 62 (devibhagavatam.9.48.62)

वरो वेदविदां चैव ज्ञानिनां योगिनां तथा । स च पुत्रो विष्णुभक्तो धार्मिकः कुलमुद्धरेत्

varo vedavidāṁ caiva jñānināṁ yogināṁ tathā | sa ca putro viṣṇubhakto dhārmikaḥ kulamuddharet

"the finest among the knowers of the Veda, among the wise, and among yogis. That son, a devotee of Vishnu, righteous, shall deliver our whole lineage.

Verse 63 (devibhagavatam.9.48.63)

नृत्यन्ति पितरः सर्वे जन्ममात्रेण वै मुदा । पतिव्रता सुशीला या सा प्रिया प्रियवादिनी

nṛtyanti pitaraḥ sarve janmamātreṇa vai mudā | pativratā suśīlā yā sā priyā priyavādinī

"By his birth alone, all our ancestors will dance with joy. She who is a devoted, virtuous wife is truly beloved, sweet of speech,

Verse 64 (devibhagavatam.9.48.64)

धर्मिष्ठा पुत्रमाता च कुलस्त्री कुलपालिका । हरिभक्तिप्रदो बन्धुर्न चाभीष्टसुखप्रदः

dharmiṣṭhā putramātā ca kulastrī kulapālikā | haribhaktiprado bandhurna cābhīṣṭasukhapradaḥ

"righteous, the mother of a son, a woman of good family who upholds the family. A true kinsman is one who bestows devotion to Hari — not merely one who gives desired pleasures.

Verse 65 (devibhagavatam.9.48.65)

यो बन्धुश्चेत्स च पिता हरिवर्त्मप्रदर्शकः । सा गर्भधारिणी या च गर्भावासविमोचनी

yo bandhuścetsa ca pitā harivartmapradarśakaḥ | sā garbhadhāriṇī yā ca garbhāvāsavimocanī

"If one is truly a kinsman, he is like a father who shows the path to Hari. She alone is truly the bearer of the child who also frees it from future residence in a womb.

Verse 66 (devibhagavatam.9.48.66)

दयारूपा च भगिनी यमभीतिविमोचनी । विष्णुमन्त्रप्रदाता च स गुरुर्विष्णुभक्तिदः

dayārūpā ca bhaginī yamabhītivimocanī | viṣṇumantrapradātā ca sa gururviṣṇubhaktidaḥ

"A true sister is one of the form of compassion, who frees one from the fear of Yama. A true guru is one who gives the mantra of Vishnu, who bestows devotion to Vishnu.

Verse 67 (devibhagavatam.9.48.67)

गुरुश्च ज्ञानदो यो हि यज्ज्ञानं कृष्णभावनम् । आब्रह्मस्तम्बपर्यन्तं ततो विश्वं चराचरम्

guruśca jñānado yo hi yajjñānaṁ kṛṣṇabhāvanam | ābrahmastambaparyantaṁ tato viśvaṁ carācaram

"A true guru is one who gives knowledge — and that knowledge is meditation upon Krishna, from Brahma down to the very blade of grass, and beyond that, the whole moving and unmoving universe.

Verse 68 (devibhagavatam.9.48.68)

आविर्भूतं तिरोभूतं किं वा ज्ञानं तदन्यतः । वेदजं यज्ञजं यद्यत्तत्सारं हरिसेवनम्

āvirbhūtaṁ tirobhūtaṁ kiṁ vā jñānaṁ tadanyataḥ | vedajaṁ yajñajaṁ yadyattatsāraṁ harisevanam

"He knows what appears and disappears; what other knowledge is there beyond that? Whatever is born of the Veda or born of sacrifice — its essence is the service of Hari.

Verse 69 (devibhagavatam.9.48.69)

तत्त्वानां सारभूतं च हरेरन्यद्विडम्बनम् । दत्तं ज्ञानं मया तुभ्यं स स्वामी ज्ञानदो हि यः

tattvānāṁ sārabhūtaṁ ca hareranyadviḍambanam | dattaṁ jñānaṁ mayā tubhyaṁ sa svāmī jñānado hi yaḥ

"The very essence of all principles is Hari; anything else is a mere mockery. I have given you this knowledge; he alone is a true master who gives knowledge.

Verse 70 (devibhagavatam.9.48.70)

ज्ञानात्प्रमुच्यते बन्धात्स रिपुर्यो हि बन्धदः । विष्णुभक्तियुतं ज्ञानं नो ददाति च यो गुरुः

jñānātpramucyate bandhātsa ripuryo hi bandhadaḥ | viṣṇubhaktiyutaṁ jñānaṁ no dadāti ca yo guruḥ

"Through knowledge one is freed from bondage; he indeed is an enemy who binds one further. Whatever so-called guru does not give knowledge joined with devotion to Vishnu —

Verse 71 (devibhagavatam.9.48.71)

स रिपुः शिष्यघाती च यतो बन्धान्न मोचयेत् । जननीं गर्भजक्लेशाद्यमयातनया तथा

sa ripuḥ śiṣyaghātī ca yato bandhānna mocayet | jananīṁ garbhajakleśādyamayātanayā tathā

"— he is an enemy, a killer of his own disciple, since he does not free him from bondage. Just as a true mother frees her child from the suffering of the womb, and from the torment of Yama,

Verse 72 (devibhagavatam.9.48.72)

न मोचयेद्यः स कथं गुरुस्तातो हि बान्धवः । परमानन्दरूपं च कृष्णमार्गमनश्वरम्

na mocayedyaḥ sa kathaṁ gurustāto hi bāndhavaḥ | paramānandarūpaṁ ca kṛṣṇamārgamanaśvaram

"— whoever fails to free his disciple thus, how can he be called a guru, a father, or a true kinsman? Whoever does not continually point out the path to Krishna, of the very nature of supreme bliss, imperishable —

Verse 73 (devibhagavatam.9.48.73)

न दर्शयेद्यः सततं कीदृशो बान्धवो नृणाम् । भज साध्वि परं ब्रह्माच्युतं कृष्णं च निर्गुणम्

na darśayedyaḥ satataṁ kīdṛśo bāndhavo nṛṇām | bhaja sādhvi paraṁ brahmācyutaṁ kṛṣṇaṁ ca nirguṇam

"— what kind of kinsman is he to men at all? Worship, O virtuous one, the supreme Brahman, the imperishable Krishna, beyond all qualities.

Verse 74 (devibhagavatam.9.48.74)

निर्मूलं च भवेत्पुंसां कर्म वै तस्य सेवया । मया छलेन त्वं त्यक्ता क्षमस्वैतन्मम प्रिये

nirmūlaṁ ca bhavetpuṁsāṁ karma vai tasya sevayā | mayā chalena tvaṁ tyaktā kṣamasvaitanmama priye

"Through service to him, the very root of a man's karma is destroyed. By my own deceit have I abandoned you; forgive me for this, my beloved.

Verse 75 (devibhagavatam.9.48.75)

क्षमायुतानां साध्वीनां सत्त्वात्क्रोधो न विद्यते । पुष्करे तपसे यामि गच्छ देवि यथासुखम्

kṣamāyutānāṁ sādhvīnāṁ sattvātkrodho na vidyate | puṣkare tapase yāmi gaccha devi yathāsukham

"In virtuous women endowed with forgiveness, from the very quality of their goodness, there is no anger. I now go to Pushkara for austerity; go, O Devi, wherever pleases you.

Verse 76 (devibhagavatam.9.48.76)

श्रीकृष्णचरणाम्भोजे निःस्पृहाणां मनोरथाः । जरत्कारुवचः श्रुत्वा मनसा शोककातरा

śrīkṛṣṇacaraṇāmbhoje niḥspṛhāṇāṁ manorathāḥ | jaratkāruvacaḥ śrutvā manasā śokakātarā

"The desires of those who are without craving rest solely at the lotus feet of Shri Krishna." Hearing Jaratkaru's words, Manasa, stricken with grief,

Verse 77 (devibhagavatam.9.48.77)

साश्रुनेत्रा च विनयादुवाच प्राणवल्लभम् । मनसोवाच । दोषो नास्त्येव मे त्यक्तुं निद्राभङ्गेन ते प्रभो

sāśrunetrā ca vinayāduvāca prāṇavallabham | manasovāca | doṣo nāstyeva me tyaktuṁ nidrābhaṅgena te prabho

her eyes filled with tears, spoke humbly to her beloved: "There is truly no fault in me, that you should abandon me for breaking your sleep, my Lord.

Verse 78 (devibhagavatam.9.48.78)

यत्र स्मरामि त्वां नित्यं तत्र मामागमिष्यसि । बन्धुभेदः क्लेशतमः पुत्रभेदस्ततः परम्

yatra smarāmi tvāṁ nityaṁ tatra māmāgamiṣyasi | bandhubhedaḥ kleśatamaḥ putrabhedastataḥ param

"Wherever I remember you always, there you shall come to me. Separation from a kinsman is a darkness of affliction; separation from a son is worse still than that;

Verse 79 (devibhagavatam.9.48.79)

प्राणेशभेदः प्राणानां विच्छेदात्सर्वतः परः । पतिः पतिव्रतानां तु शतपुत्राधिकं प्रियः

prāṇeśabhedaḥ prāṇānāṁ vicchedātsarvataḥ paraḥ | patiḥ pativratānāṁ tu śataputrādhikaṁ priyaḥ

"but separation from the lord of one's life-breath is worse than even the severing of life itself. For devoted wives, a husband is dearer than a hundred sons.

Verse 80 (devibhagavatam.9.48.80)

सर्वस्मात्तु प्रियः स्त्रीणां प्रियस्तेनोच्यते बुधैः । पुत्रे यथैकपुत्राणां वैष्णवानां यथा हरौ

sarvasmāttu priyaḥ strīṇāṁ priyastenocyate budhaiḥ | putre yathaikaputrāṇāṁ vaiṣṇavānāṁ yathā harau

"He is dearer to women than anything else at all; for that he is called by the wise 'the beloved.' As dear as a son to those who have only one son, as dear as Hari to his devotees,

Verse 81 (devibhagavatam.9.48.81)

नेत्रे यथैकनेत्राणां तृषितानां यथा जले । क्षुधितानां यथान्ने च कामुकानां च मैथुने

netre yathaikanetrāṇāṁ tṛṣitānāṁ yathā jale | kṣudhitānāṁ yathānne ca kāmukānāṁ ca maithune

"as dear as their one remaining eye to the one-eyed, as dear as water to the thirsty, as dear as food to the hungry, as dear as union to those overcome by desire,

Verse 82 (devibhagavatam.9.48.82)

यथा परस्वे चौराणां यथा जारे कुयोषिताम् । विदुषां च यथा शास्त्रे वाणिज्ये वणिजां यथा

yathā parasve caurāṇāṁ yathā jāre kuyoṣitām | viduṣāṁ ca yathā śāstre vāṇijye vaṇijāṁ yathā

"as dear as another's wealth to a thief, as dear as her lover to an unchaste woman, as dear as scripture to the learned, as dear as commerce to a merchant —

Verse 83 (devibhagavatam.9.48.83)

तथा शश्वन्मनः कान्ते साध्वीनां योषितां प्रभो । इत्युक्त्वा मनसा देवी पपात स्वामिनः पदे

tathā śaśvanmanaḥ kānte sādhvīnāṁ yoṣitāṁ prabho | ityuktvā manasā devī papāta svāminaḥ pade

"— so is the beloved husband ever dear to the mind of virtuous women, my Lord." Having spoken thus, the Devi Manasa fell at her husband's feet.

Verse 84 (devibhagavatam.9.48.84)

क्षणं चकार क्रोडे तां कृपया च कृपानिधिः । नेत्रोदकेन मनसां स्नापयामास तां मुनिः

kṣaṇaṁ cakāra kroḍe tāṁ kṛpayā ca kṛpānidhiḥ | netrodakena manasāṁ snāpayāmāsa tāṁ muniḥ

For a moment that Ocean of Compassion held her in his lap out of compassion; the sage bathed Manasa with the tears from his own eyes,

Verse 85 (devibhagavatam.9.48.85)

साश्रु नेत्रा मुनेः क्रोडं सिषेच भेदकातरा । तदा ज्ञानेन तौ द्वौ च विशोकौ सम्बभूवतुः

sāśru netrā muneḥ kroḍaṁ siṣeca bhedakātarā | tadā jñānena tau dvau ca viśokau sambabhūvatuḥ

and she, her eyes filled with tears, tormented by the fear of separation, wetted the sage's lap with her own tears. Then, through knowledge, both of them became free of sorrow.

Verse 86 (devibhagavatam.9.48.86)

स्मारं स्मारं पदाम्भोजं कृष्णस्य परमात्मनः । जगाम तपसे विप्रः स्वकान्तां सम्प्रबोध्य च

smāraṁ smāraṁ padāmbhojaṁ kṛṣṇasya paramātmanaḥ | jagāma tapase vipraḥ svakāntāṁ samprabodhya ca

Remembering, again and again, the lotus feet of Krishna, the Supreme Soul, that Brahmin, having consoled his beloved wife, went forth for austerity.

Verse 87 (devibhagavatam.9.48.87)

जगाम मनसा शम्भोः कैलासं मन्दिरं गुरोः । पार्वती बोधयामास मनसां शोककर्शिताम्

jagāma manasā śambhoḥ kailāsaṁ mandiraṁ guroḥ | pārvatī bodhayāmāsa manasāṁ śokakarśitām

Manasa went to Kailasa, the abode of her guru Shambhu; Parvati comforted Manasa, who was worn with grief.

Verse 88 (devibhagavatam.9.48.88)

शिवश्चातीव ज्ञानेन शिवेन च शिवालयः । सुप्रशस्ते दिने साध्वी सुषुवे मङ्गलक्षणे

śivaścātīva jñānena śivena ca śivālayaḥ | supraśaste dine sādhvī suṣuve maṅgalakṣaṇe

And Shiva, with the utmost knowledge, and the auspicious abode of Shiva comforted her too. On a most auspicious day, at an auspicious moment, that virtuous woman gave birth,

Verse 89 (devibhagavatam.9.48.89)

नारायणांशं पुत्रं तं योगिनां ज्ञानिनां गुरुम् । गर्भस्थितो महाज्ञानं श्रुत्वा शङ्करवक्त्रतः

nārāyaṇāṁśaṁ putraṁ taṁ yogināṁ jñānināṁ gurum | garbhasthito mahājñānaṁ śrutvā śaṅkaravaktrataḥ

to that son, a portion of Narayana, the guru of yogis and of the wise; while still in the womb he had heard great knowledge from the mouth of Shankara,

Verse 90 (devibhagavatam.9.48.90)

सम्बभूव च योगीन्द्रो योगिनां ज्ञानिनां गुरुः । जातकं कारयामास वाचयामास मङ्गलम्

sambabhūva ca yogīndro yogināṁ jñānināṁ guruḥ | jātakaṁ kārayāmāsa vācayāmāsa maṅgalam

and thus he was born a lord among yogis, the guru of yogis and the wise. Shiva had the birth-rites performed and had auspicious recitations chanted;

Verse 91 (devibhagavatam.9.48.91)

वेदांश्च पाठयामास शिवाय च शिवः शिशोः । मणिरत्नकिरीटांश्च ब्राह्मणेभ्यो ददौ शिवः

vedāṁśca pāṭhayāmāsa śivāya ca śivaḥ śiśoḥ | maṇiratnakirīṭāṁśca brāhmaṇebhyo dadau śivaḥ

he had the child taught the Vedas, for the child's own welfare; and Shiva gave crowns of jewels and gems to the Brahmins.

Verse 92 (devibhagavatam.9.48.92)

पार्वती च गवां लक्षं रत्नानि विविधानि च । शम्भुश्च चतुरो वेदान्वेदाङ्गानितरांस्तथा

pārvatī ca gavāṁ lakṣaṁ ratnāni vividhāni ca | śambhuśca caturo vedānvedāṅgānitarāṁstathā

Parvati gave a hundred thousand cows, and various jewels; and Shambhu had the child taught the four Vedas, the Vedangas, and other branches of learning —

Verse 93 (devibhagavatam.9.48.93)

बालकं पाठयामास ज्ञानं मृत्युञ्जयं परम् । भक्तिरस्त्यधिका कान्तेऽभीष्टदेवे गुरौ तथा

bālakaṁ pāṭhayāmāsa jñānaṁ mṛtyuñjayaṁ param | bhaktirastyadhikā kānte'bhīṣṭadeve gurau tathā

— had the boy taught the supreme knowledge that conquers death. There was exceeding devotion in the beloved child toward his chosen deity and his guru;

Verse 94 (devibhagavatam.9.48.94)

यस्यास्तेन च तत्पुत्रो बभूवास्तीक एव च । जगाम तपसे विष्णोः पुष्करं शङ्कराज्ञया

yasyāstena ca tatputro babhūvāstīka eva ca | jagāma tapase viṣṇoḥ puṣkaraṁ śaṅkarājñayā

and because of that devotion, that son became known as Astika. He went, at Shankara's command, to Pushkara for austerity in devotion to Vishnu,

Verse 95 (devibhagavatam.9.48.95)

सम्प्राप्य च महामन्त्रं ततश्च परमात्मनः । दिव्यं वर्षत्रिलक्षं च तपस्तप्त्वा तपोधनः

samprāpya ca mahāmantraṁ tataśca paramātmanaḥ | divyaṁ varṣatrilakṣaṁ ca tapastaptvā tapodhanaḥ

and, having obtained the great mantra from the Supreme Soul himself, that wealth-of-austerity performed austerity for three hundred thousand divine years.

Verse 96 (devibhagavatam.9.48.96)

आजगाम महायोगी नमस्कर्तुं शिवं प्रभुम् । शङ्करं च नमस्कृत्य स्थित्वा तत्रैव बालकः

ājagāma mahāyogī namaskartuṁ śivaṁ prabhum | śaṅkaraṁ ca namaskṛtya sthitvā tatraiva bālakaḥ

That great yogi then came to bow to Lord Shiva; having bowed to Shankara, the boy remained there.

Verse 97 (devibhagavatam.9.48.97)

सा चाजगाम मनसा कश्यपस्याश्रमं पितुः । तां सपुत्रां सुतां दृष्ट्वा मुदं प्राप प्रजापतिः

sā cājagāma manasā kaśyapasyāśramaṁ pituḥ | tāṁ saputrāṁ sutāṁ dṛṣṭvā mudaṁ prāpa prajāpatiḥ

And Manasa went to the hermitage of Kashyapa, her father; seeing his daughter together with her son, Prajapati felt great joy.

Verse 98 (devibhagavatam.9.48.98)

शतलक्षं च रत्नानां बाह्मणेभ्यो ददौ मुने । ब्राह्मणान्भोजयामास सोऽसङ्ख्यान् श्रेयसे शिशोः

śatalakṣaṁ ca ratnānāṁ bāhmaṇebhyo dadau mune | brāhmaṇānbhojayāmāsa so'saṅkhyān śreyase śiśoḥ

O sage, he gave ten million gems to the Brahmins; he fed countless Brahmins for the welfare of the child.

Verse 99 (devibhagavatam.9.48.99)

अदितिश्च दितिश्चान्या मुदं प्राप परन्तप । सा सपुत्रा च सुचिरं तस्थौ तातालये सदा

aditiśca ditiścānyā mudaṁ prāpa parantapa | sā saputrā ca suciraṁ tasthau tātālaye sadā

O scorcher of foes, Aditi, Diti, and the other wives of Kashyapa felt joy too; and she, together with her son, remained ever after for a long time in her father's home.

Verse 100 (devibhagavatam.9.48.100)

तदीयं पुनराख्यानं वक्ष्यामि तन्निशामय । अथाभिमन्युतनये ब्रह्मशापः परीक्षिते

tadīyaṁ punarākhyānaṁ vakṣyāmi tanniśāmaya | athābhimanyutanaye brahmaśāpaḥ parīkṣite

I shall now relate her further story; listen to it. Then, upon Parikshit, the son of Abhimanyu, a Brahmin's curse

Verse 101 (devibhagavatam.9.48.101)

बभूव सहसा ब्रह्मन् दैवदोषेण कर्मणा । सप्ताहे समतीते तु तक्षकस्त्वां च धक्ष्यति

babhūva sahasā brahman daivadoṣeṇa karmaṇā | saptāhe samatīte tu takṣakastvāṁ ca dhakṣyati

fell suddenly, O Brahmin, through the fault of fate and of his own deed: "When seven days have passed, Takshaka shall burn you."

Verse 102 (devibhagavatam.9.48.102)

शशाप शृङ्गी तत्रैव कौशिक्याश्च जलेन वै । राजा श्रुत्वा तत्प्रवृत्तिं निर्वातस्थानमागतः

śaśāpa śṛṅgī tatraiva kauśikyāśca jalena vai | rājā śrutvā tatpravṛttiṁ nirvātasthānamāgataḥ

The boy-sage Shringi cursed him thus, right there, by the water of the Kaushiki river. Hearing of what had occurred, the king came to a place sheltered from the wind,

Verse 103 (devibhagavatam.9.48.103)

तत्र तस्थौ च सप्ताहं देहरक्षणतत्परः । सप्ताहे समतीते तु गच्छन्तं तक्षकं पथि

tatra tasthau ca saptāhaṁ deharakṣaṇatatparaḥ | saptāhe samatīte tu gacchantaṁ takṣakaṁ pathi

and remained there for seven days, intent on protecting his body. When the seven days had passed, Takshaka, going along the road,

Verse 104 (devibhagavatam.9.48.104)

धन्वन्तरिर्नृपं भोक्तुं ददर्श गामुकः पथि । तयोर्बभूव संवादः सुप्रीतिश्च परस्परम्

dhanvantarirnṛpaṁ bhoktuṁ dadarśa gāmukaḥ pathi | tayorbabhūva saṁvādaḥ suprītiśca parasparam

saw Dhanvantari on the way, who was going to save the king from being consumed by his poison; and a conversation took place between them, with great friendliness toward one another.

Verse 105 (devibhagavatam.9.48.105)

धन्वन्तरिर्मणिं प्राप तक्षकः स्वेच्छया ददौ । स ययौ तं गृहीत्वा तु सन्तुष्टो हृष्टमानसः

dhanvantarirmaṇiṁ prāpa takṣakaḥ svecchayā dadau | sa yayau taṁ gṛhītvā tu santuṣṭo hṛṣṭamānasaḥ

Dhanvantari obtained a jewel, which Takshaka gave him of his own free will; he went away, taking it, satisfied, his mind delighted.

Verse 106 (devibhagavatam.9.48.106)

तक्षको भक्षयामास नृपं तं मञ्चके स्थितम् । राजा जगाम तरसा देहं त्यक्त्वा परत्र च

takṣako bhakṣayāmāsa nṛpaṁ taṁ mañcake sthitam | rājā jagāma tarasā dehaṁ tyaktvā paratra ca

Takshaka then devoured the king, who was lying on his couch. The king swiftly departed, giving up his body, to the world beyond.

Verse 107 (devibhagavatam.9.48.107)

संस्कारं कारयामास पितुर्वै जनमेजयः । राजा चकार यज्ञं च सर्पसत्रं ततो मुने

saṁskāraṁ kārayāmāsa piturvai janamejayaḥ | rājā cakāra yajñaṁ ca sarpasatraṁ tato mune

Janamejaya performed the funeral rites for his father; and then, O sage, that king performed the sacrifice, the great serpent-sacrifice.

Verse 108 (devibhagavatam.9.48.108)

प्राणांस्तत्याज सर्पाणां समूहो ब्रह्मतेजसा । स तक्षको वै भीतस्तु महेन्द्रं शरणं ययौ

prāṇāṁstatyāja sarpāṇāṁ samūho brahmatejasā | sa takṣako vai bhītastu mahendraṁ śaraṇaṁ yayau

Countless serpents gave up their lives through the power of that Brahmin-fueled fire. Takshaka, in great fear, went for refuge to Mahendra.

Verse 109 (devibhagavatam.9.48.109)

सेन्द्रं च तक्षकं हन्तुं विप्रवर्गः समुद्यतः । अथ देवाश्च सेन्द्राश्च सञ्जग्मुर्मनसान्तिकम्

sendraṁ ca takṣakaṁ hantuṁ vipravargaḥ samudyataḥ | atha devāśca sendrāśca sañjagmurmanasāntikam

The company of Brahmins prepared to destroy Takshaka along with Indra himself. Then the gods, together with Indra, went to Manasa,

Verse 110 (devibhagavatam.9.48.110)

तां तुष्टाव महेन्द्रश्च भयकातरविह्वलः । तत आस्तीक आगत्य यज्ञं च मातुराज्ञया

tāṁ tuṣṭāva mahendraśca bhayakātaravihvalaḥ | tata āstīka āgatya yajñaṁ ca māturājñayā

and great Indra, distraught and stricken with fear, praised her. Then Astika, coming to the sacrifice by his mother's command,

Verse 111 (devibhagavatam.9.48.111)

महेन्द्रतक्षकप्राणान्ययाचे भूमिपं परम् । ददौ वरं नृपश्रेष्ठः कृपया ब्राह्मणाज्ञया

mahendratakṣakaprāṇānyayāce bhūmipaṁ param | dadau varaṁ nṛpaśreṣṭhaḥ kṛpayā brāhmaṇājñayā

begged the supreme lord of the earth for the lives of Mahendra and Takshaka. That foremost of kings, out of compassion and at the command of the Brahmin, granted his boon.

Verse 112 (devibhagavatam.9.48.112)

यज्ञं समाप्य विप्रेभ्यो दक्षिणां च ददौ मुदा । विप्राश्च मुनयो देवा गत्वा च मनसान्तिकम्

yajñaṁ samāpya viprebhyo dakṣiṇāṁ ca dadau mudā | viprāśca munayo devā gatvā ca manasāntikam

Having completed the sacrifice, he joyfully gave dakshina to the Brahmins. And the Brahmins, the sages, and the gods, going to Manasa,

Verse 113 (devibhagavatam.9.48.113)

मनसां पूजयामासुस्तुष्टुवुश्च पृथक् पृथक् । शक्रः सम्भृतसम्भारो भक्तियुक्तः सदा शुचिः

manasāṁ pūjayāmāsustuṣṭuvuśca pṛthak pṛthak | śakraḥ sambhṛtasambhāro bhaktiyuktaḥ sadā śuciḥ

worshipped Manasa and praised her, each in his own way. Indra, having gathered all the necessary offerings, filled with devotion, ever pure,

Verse 114 (devibhagavatam.9.48.114)

मनसां पूजयामास तुष्टाव परमादरात् । नत्वा षोडशोपचारं बलिं च तत्प्रियं तदा

manasāṁ pūjayāmāsa tuṣṭāva paramādarāt | natvā ṣoḍaśopacāraṁ baliṁ ca tatpriyaṁ tadā

worshipped Manasa and praised her with the greatest reverence. Bowing to her, he offered the sixteen ritual attentions and the bali-offering dear to her,

Verse 115 (devibhagavatam.9.48.115)

प्रददौ परितुष्टश्च ब्रह्मविष्णुशिवाज्ञया । सम्पूज्य मनसां देवीं प्रययुः स्वालयं च ते

pradadau parituṣṭaśca brahmaviṣṇuśivājñayā | sampūjya manasāṁ devīṁ prayayuḥ svālayaṁ ca te

which he offered fully satisfied, at the command of Brahma, Vishnu, and Shiva. Having worshipped the Devi Manasa, they all departed for their own abodes.

Verse 116 (devibhagavatam.9.48.116)

इत्येवं कथितं सर्वं किं भूयः श्रोतुमिच्छसि । नारद उवाच । केन स्तोत्रेण तुष्टाव महेन्द्रो मनसां सतीम्

ityevaṁ kathitaṁ sarvaṁ kiṁ bhūyaḥ śrotumicchasi | nārada uvāca | kena stotreṇa tuṣṭāva mahendro manasāṁ satīm

Thus has all this been told; what more do you wish to hear? Narada said: "With what hymn did great Indra praise the virtuous Manasa?

Verse 117 (devibhagavatam.9.48.117)

पूजाविधिक्रमं तस्याः श्रोतुमिच्छामि तत्त्वतः । श्रीनारायण उवाच । सुस्नातः शुचिराचान्तो धृत्वा धौते च वाससी

pūjāvidhikramaṁ tasyāḥ śrotumicchāmi tattvataḥ | śrīnārāyaṇa uvāca | susnātaḥ śucirācānto dhṛtvā dhaute ca vāsasī

"I wish to hear truly the manner and sequence of her worship." Shri Narayana said: Having bathed thoroughly, purified, having sipped water, wearing two washed garments,

Verse 118 (devibhagavatam.9.48.118)

रत्नसिंहासने देवीं वासयामास भक्तितः । स्वर्गङ्गाया जलेनैव रत्नकुम्भस्थितेन च

ratnasiṁhāsane devīṁ vāsayāmāsa bhaktitaḥ | svargaṅgāyā jalenaiva ratnakumbhasthitena ca

he seated the Devi with devotion upon a jeweled throne; with the very water of the celestial Ganga, held in a jeweled vessel,

Verse 119 (devibhagavatam.9.48.119)

स्नापयामास मनसां महेन्द्रो वेदमन्त्रतः । वाससी वासयामास वह्मिशुद्धे मनोहरे

snāpayāmāsa manasāṁ mahendro vedamantrataḥ | vāsasī vāsayāmāsa vahmiśuddhe manohare

great Indra bathed Manasa, with Vedic mantras; he clothed her in two enchanting garments purified by fire,

Verse 120 (devibhagavatam.9.48.120)

सर्वाङ्गे चन्दनं कृत्वा पादार्घ्यं भक्तिसंयुतः । गणेशं च दिनेशं च वह्निं विष्णुं शिवं शिवाम्

sarvāṅge candanaṁ kṛtvā pādārghyaṁ bhaktisaṁyutaḥ | gaṇeśaṁ ca dineśaṁ ca vahniṁ viṣṇuṁ śivaṁ śivām

applied sandalwood over her whole body, and offered the water for her feet, filled with devotion. First worshipping Ganesha, the Sun, Fire, Vishnu, Shiva, and Shiva's consort —

Verse 121 (devibhagavatam.9.48.121)

सम्पूज्यादौ देवषट्कं पूजयामास तां सतीम् । ॐ ह्रीं श्रीं मनसादेव्यै स्वाहेत्येवं च मन्त्रतः

sampūjyādau devaṣaṭkaṁ pūjayāmāsa tāṁ satīm | oṁ hrīṁ śrīṁ manasādevyai svāhetyevaṁ ca mantrataḥ

— these six deities first, he then worshipped that virtuous goddess; with the mantra "Oṁ hrīṁ śrīṁ manasādevyai svāhā",

Verse 122 (devibhagavatam.9.48.122)

दशाक्षरेण मूलेन ददौ सर्वं यथोचितम् । दत्त्वा षोडशोपचारान्दुर्लभान्देवनायकः

daśākṣareṇa mūlena dadau sarvaṁ yathocitam | dattvā ṣoḍaśopacārāndurlabhāndevanāyakaḥ

that ten-syllabled root-mantra, he offered everything, as befitting. Having offered the sixteen ritual attentions, rare and precious, the lord of the gods

Verse 123 (devibhagavatam.9.48.123)

पूजयामास भक्त्या च विष्णुना प्रेरितो मुदा । वाद्यं नानाप्रकारं च वादयामास तत्र वै

pūjayāmāsa bhaktyā ca viṣṇunā prerito mudā | vādyaṁ nānāprakāraṁ ca vādayāmāsa tatra vai

worshipped her with devotion, joyfully urged on by Vishnu; various kinds of music were played there,

Verse 124 (devibhagavatam.9.48.124)

बभूव पुष्पवृष्टिश्च नभसो मनसोपरि । देवप्रियाज्ञया तत्र बह्मविष्णुशिवाज्ञया

babhūva puṣpavṛṣṭiśca nabhaso manasopari | devapriyājñayā tatra bahmaviṣṇuśivājñayā

and a shower of flowers fell from the sky upon Manasa, there, by the wish of the gods, at the command of Brahma, Vishnu, and Shiva.

Verse 125 (devibhagavatam.9.48.125)

तुष्टाव साश्रुनेत्रश्च पुलकाङ्कितविग्रहः । पुरन्दर उवाच । देवि त्वां स्तोतुमिच्छामि साध्वीनां प्रवरां वराम्

tuṣṭāva sāśrunetraśca pulakāṅkitavigrahaḥ | purandara uvāca | devi tvāṁ stotumicchāmi sādhvīnāṁ pravarāṁ varām

He praised her, his eyes filled with tears, his body marked with the thrill of devotion. Purandara said: "O Devi, I wish to praise you, foremost and finest among virtuous women,

Verse 126 (devibhagavatam.9.48.126)

परात्परां च परमां न हि स्तोतुं क्षमोऽधुना । स्तोत्राणां लक्षणं वेदे स्वभावाख्यानतत्परम्

parātparāṁ ca paramāṁ na hi stotuṁ kṣamo'dhunā | stotrāṇāṁ lakṣaṇaṁ vede svabhāvākhyānatatparam

"supreme beyond the supreme; yet now I am not truly capable of praising you. The very nature of hymns, as defined in the Veda, is devoted to describing one's true nature —

Verse 127 (devibhagavatam.9.48.127)

न क्षमः प्रकृते वक्तुं गुणानां गणनां तव । शुद्धसत्त्वस्वरूपा त्वं कोपहिंसादिवर्जिता

na kṣamaḥ prakṛte vaktuṁ guṇānāṁ gaṇanāṁ tava | śuddhasattvasvarūpā tvaṁ kopahiṁsādivarjitā

"— I am not truly capable of enumerating your qualities. You are of pure sattva nature, free of anger, violence, and the rest.

Verse 128 (devibhagavatam.9.48.128)

न च शक्तो मुनिस्तेन त्यक्तुं याञ्चा कृता यतः । त्वं मया पूजिता साध्वी जननी मे यथादितिः

na ca śakto munistena tyaktuṁ yāñcā kṛtā yataḥ | tvaṁ mayā pūjitā sādhvī jananī me yathāditiḥ

"For this reason the sage was not truly able to abandon you, whom he had asked for. You, O virtuous one, are worshipped by me as my own mother, like Aditi;

Verse 129 (devibhagavatam.9.48.129)

दयारूपा च भगिनी क्षमारूपा यथा प्रसूः । त्वया मे रक्षिताः प्राणाः पुत्रदाराः सुरेश्वरि

dayārūpā ca bhaginī kṣamārūpā yathā prasūḥ | tvayā me rakṣitāḥ prāṇāḥ putradārāḥ sureśvari

"you are a sister of the very form of compassion, a mother of the very form of forgiveness. By you, O queen of the gods, my life, my sons, and my wife have been protected.

Verse 130 (devibhagavatam.9.48.130)

अहं करोमि त्वत्पूजां प्रीतिश्च वर्धतां सदा । नित्या यद्यपि पूज्या त्वं सर्वत्र जगदम्बिके

ahaṁ karomi tvatpūjāṁ prītiśca vardhatāṁ sadā | nityā yadyapi pūjyā tvaṁ sarvatra jagadambike

"I now perform your worship; may your affection ever increase. Although you, O Mother of the world, are eternally worshipped everywhere already,

Verse 131 (devibhagavatam.9.48.131)

तथापि तव पूजां च वर्धयामि सुरेश्वरि । ये त्वामाषाढसङ्क्रान्त्यां पूजयिष्यन्ति भक्तितः

tathāpi tava pūjāṁ ca vardhayāmi sureśvari | ye tvāmāṣāḍhasaṅkrāntyāṁ pūjayiṣyanti bhaktitaḥ

"nonetheless, O queen of the gods, I shall further increase your worship. Whoever shall worship you with devotion on the Sankranti of Ashadha,

Verse 132 (devibhagavatam.9.48.132)

पञ्चम्यां मनसाख्यायां मासान्ते वा दिने दिने । पुत्रपौत्रादयस्तेषां वर्धन्ते च धनानि वै

pañcamyāṁ manasākhyāyāṁ māsānte vā dine dine | putrapautrādayasteṣāṁ vardhante ca dhanāni vai

"or on the fifth day named for Manasa, or at the month's end, or day by day — their sons and grandsons and the rest shall flourish, and their wealth shall certainly increase.

Verse 133 (devibhagavatam.9.48.133)

यशस्विनः कीर्तिमन्तो विद्यावन्तो गुणान्विताः । ये त्वां न पूजयिष्यन्ति निन्दन्त्यज्ञानतो जनाः

yaśasvinaḥ kīrtimanto vidyāvanto guṇānvitāḥ | ye tvāṁ na pūjayiṣyanti nindantyajñānato janāḥ

"They shall be renowned, famed, learned, and endowed with virtues. But those people who do not worship you, and who out of ignorance revile you —

Verse 134 (devibhagavatam.9.48.134)

लक्ष्मीहीना भविष्यन्ति तेषां नागभयं सदा । त्वं स्वयं सर्वलक्ष्मीश्च वैकुण्ठे कमलालया

lakṣmīhīnā bhaviṣyanti teṣāṁ nāgabhayaṁ sadā | tvaṁ svayaṁ sarvalakṣmīśca vaikuṇṭhe kamalālayā

"— they shall be deprived of Lakshmi, and shall ever have fear of serpents. You yourself are the very Lakshmi of all, dwelling in the lotus in Vaikuntha;

Verse 135 (devibhagavatam.9.48.135)

नारायणांशो भगवाञ्जरत्कारुर्मुनीश्वरः । तपसा तेजसा त्वां च मनसा ससृजे पिता

nārāyaṇāṁśo bhagavāñjaratkārurmunīśvaraḥ | tapasā tejasā tvāṁ ca manasā sasṛje pitā

"and the Blessed Jaratkaru, that lord of sages, is a portion of Narayana. Your father created you through austerity, through splendor, and through the mind —

Verse 136 (devibhagavatam.9.48.136)

अस्माकं रक्षणायैव तेन त्वं मनसाभिधा । मनसादेवि शक्त्या त्वं स्वात्मना सिद्धयोगिनी

asmākaṁ rakṣaṇāyaiva tena tvaṁ manasābhidhā | manasādevi śaktyā tvaṁ svātmanā siddhayoginī

"— precisely for our protection, and for that you bear the name Manasa. O Devi Manasa, by your own power you are, in your own self, a perfected yogini.

Verse 137 (devibhagavatam.9.48.137)

तेन त्वं मनसादेवी पूजिता वन्दिता भव । ये भक्त्या मनसां देवाः पूजयन्त्यनिशं भृशम्

tena tvaṁ manasādevī pūjitā vanditā bhava | ye bhaktyā manasāṁ devāḥ pūjayantyaniśaṁ bhṛśam

"For that you are the Devi Manasa; may you be worshipped and revered. Those gods who worship Manasa with devotion, continually and greatly —

Verse 138 (devibhagavatam.9.48.138)

तेन त्वां मनसां देवीं प्रवदन्ति मनीषिणः । सत्यस्वरूपा देवि त्वं शश्वत्सत्यनिषेवणात्

tena tvāṁ manasāṁ devīṁ pravadanti manīṣiṇaḥ | satyasvarūpā devi tvaṁ śaśvatsatyaniṣevaṇāt

"— for that the wise call you the Devi Manasa. O Devi, you are of the very nature of Truth, through your eternal devotion to truth.

Verse 139 (devibhagavatam.9.48.139)

यो हि त्वां भावयेन्नित्यं स त्वां प्राप्नोति तत्परः । इन्द्रश्च मनसां स्तुत्वा गृहीत्वा भगिनीवरम्

yo hi tvāṁ bhāvayennityaṁ sa tvāṁ prāpnoti tatparaḥ | indraśca manasāṁ stutvā gṛhītvā bhaginīvaram

"Whoever meditates upon you always, devoted to you alone, attains you." Having thus praised Manasa, and having received the boon of his sister —

Verse 140 (devibhagavatam.9.48.140)

प्रजगाम स्वभवनं भूषया सपरिच्छदम् । पुत्रेण सार्धं सा देवी चिरं तस्थौ पितुर्गृहे

prajagāma svabhavanaṁ bhūṣayā saparicchadam | putreṇa sārdhaṁ sā devī ciraṁ tasthau piturgṛhe

Indra returned to his own abode, together with his retinue, adorned with ornaments. That Devi, together with her son, remained for a long time in her father's house,

Verse 141 (devibhagavatam.9.48.141)

भ्रातृभिः पूजिता शश्वन्मान्या वन्द्या च सर्वतः । गोलोकात्सुरभिर्ब्रह्मन् तत्रागत्य सुपूजिताम्

bhrātṛbhiḥ pūjitā śaśvanmānyā vandyā ca sarvataḥ | golokātsurabhirbrahman tatrāgatya supūjitām

ever worshipped by her brothers, honored and revered by all. O Brahmin, Surabhi came there from Goloka, and, having honored her well,

Verse 142 (devibhagavatam.9.48.142)

तां स्नापयित्वा क्षीरेण पूजयामास सादरम् । ज्ञानं च कथयामास गोप्यं सर्वं सुदुर्लभम्

tāṁ snāpayitvā kṣīreṇa pūjayāmāsa sādaram | jñānaṁ ca kathayāmāsa gopyaṁ sarvaṁ sudurlabham

bathed her with milk and worshipped her with reverence; and she related to her all the secret and most rare knowledge.

Verse 143 (devibhagavatam.9.48.143)

तया देवैः पूजिता सा स्वर्लोकं च पुनर्ययौ । इन्द्रस्तोत्रं पुण्यबीजं मनसां पूजयेत्पठेत्

tayā devaiḥ pūjitā sā svarlokaṁ ca punaryayau | indrastotraṁ puṇyabījaṁ manasāṁ pūjayetpaṭhet

Worshipped by her and by the gods, she then returned again to the world of heaven. Whoever recites this hymn of Indra, the very seed of merit, and worships Manasa —

Verse 144 (devibhagavatam.9.48.144)

तस्य नागभयं नास्ति तस्य वंशोद्भवस्य च । विषं भवेत्सुधातुल्यं सिद्धस्तोत्रो यदा भवेत्

tasya nāgabhayaṁ nāsti tasya vaṁśodbhavasya ca | viṣaṁ bhavetsudhātulyaṁ siddhastotro yadā bhavet

he has no fear of serpents, nor does anyone born in his lineage. Poison becomes to him as nectar, when the hymn's power has been made perfect in him.

Verse 145 (devibhagavatam.9.48.145)

पञ्चलक्षजपेनैव सिद्धस्तोत्रो भवेन्नरः । सर्पशायी भवेत्सोऽपि निश्चितं सर्पवाहनः

pañcalakṣajapenaiva siddhastotro bhavennaraḥ | sarpaśāyī bhavetso'pi niścitaṁ sarpavāhanaḥ

By reciting it five hundred thousand times, a man attains the power of this hymn; he too becomes one who lies upon a serpent as his bed, and certainly one who has a serpent as his mount.